(كذا الحياة )قصة رومنسية من تأليفي

في 24-Jul-2007 الساعة : 04:45 PM

الفتى النبيل يسلموووو....
دخلتها في الجوال وان شاء الله ابدأ اقراها ((عند النوم طبعاههه)))

يعطيك الف عاااااااااااااااااافيه خيتوووو,,,
واكييد انها حلوه من قبل ما أقراهااا...
تشكراااااااااااااااااتي لك......

في 24-Jul-2007 الساعة : 04:51 PM

ثــــــــانكيو

في 24-Jul-2007 الساعة : 05:38 PM

العفو ..
وشكرا على ردودكم الحلوة ..

في 26-Jul-2007 الساعة : 03:08 PM

بعد ماكملوا إجراءت المطار ..
ركبوا الطائرة ولحسن حظ سارا الطائرة كانت فارغة تقريبا ..
ياسر جلس على مقعد وهومشوش وسرحان ..
سارا جلست بعيد عنه بكثير ..
ياسر تنبه من سرحانه وتنبه ان سارا مو معاه ..
وقف وقام يدور عنها بعيونه ..
لاحظها في مكان ماتقدر هي تشوفه بس هو يقدر يشوفها ..
كانت تمسح دموعها الي تنزل مثل النهر ..
ياسر آلمه قلبه ..
كان بيروح لها .. لكنه فضل يبقى مكانه لين تهدأ ..
جلس وهو يتنهد ..
سارا كانت تكلم نفسها بعصبية :
(اكرهك ,اكرهك بدموعك) _تعني نفسها_
مسحت دموعها بغضب وقهر ..
وطالعت الطائرة وهي تنفصل عن الأرض ..
وابتسمت بحزن ..
**************
ندى وقفت وحطت يدها عند ذقنها (بمعنى تفكر)..
مرت نسمة هوا ..
وطيرت شعرها البني ..
(قصة شعر ندى تشبه قصة سارا لكن ندى اطول) ..
كانت رابطة شعرها مثل ذيل الحصان ..
وخصلات قليلة كان عند اذنها ..
يوسف مات من هذا المشهد ..
ندى كانت حلوة بشكل غير طبيعي ..
ندى تنهدت ورفعت يديها وكتفها بعنى تستسلم :
آه ,افضل لي ارجع لداخل البيت ..
والتفتت وراحت ..
يوسف تنهد هو بعد كان يبي يشوفها اكثر ..
**************
الحال كان هادئ نوعا ما في الطائرة ..
سارا طلعت دفترها وبدأت تكتب :
"هكذا هو القدر ..
لاأحد بإمكانه تغيير شيء في قدره ..
الأحلام .. والأماني .. والآمال ..
وايضاً ..
الآلام .. والأحزان ..
كلها ..
للقدر دور فيها ..
مهما حلمت ومهما تمنيت ..
سيأتي القدر ليضع بصمته على احلامك وامانيك ..
لايمكنك ابدا ان تغيره ..
لذلك من الأفضل لك ألا تبالغ في احلامك وامانيك وآمالك "
(مؤلفة وليست منقولة)
ياسر وقف يطالعها من جديد ..
لاحظها تكتب ..
فكر يروح لها ..
وتردد ..
سارا كانت تطالع في النافذة كانت تحس بصداع بسبب صياحها..
جا شخص وسألها بوقاحة :
ممكن نجلس معك يالحلوة ؟..
سارا ارتجفت ..
وقالت بصوت متردد وخافت :
في اماكن كثيرة في الطائرة ..
قال بمكر : بس انا ابي اجلس مع الجميلة ..
ياسر فك الحزام بعصبية وقام من مقعده ..
وتقرب لمقعد سارا وقال بغضب :
وش تبي منها ؟
سارا خافت وارتبكت ..
وغمضت عينها ..
تكلم بوقاحة زايدة : وانت شنو يخصك ؟
ياسر تكلم بعصبية : انا زوجها شنو يخصك فيها انت ؟
سارا تألمت اكثر ..
كانت المرة الثالثة في نفس اليوم الي يطعنها فيها بكلمة : (زوجها)
دمعت عينها ..
حس بارتباك وتراجع والتفت وراح ..
ياسر ناظر سارا بعصبية ..
ولاحظ دمعتها لكنها ماخففت من عصبيته كثير ..
تكلم : وانتي ؟ ليش جالسة هني ؟
سارا سكتت ..
ياسر صرخ : اكلمك انا ..
سارا ناظرته بحزن ودموعها تنزل ..
ياسر ارتجف من نظرتها ..
واحنى راسه ثانيتين ورفعه ..
وتكلم بتردد : سـ ..سارا

في 27-Jul-2007 الساعة : 04:18 AM

سارا صرخت بألم وهي تبكي : يكفي يكفي
وحطت يدينها على اذنها وهي تصرخ بحزن :
وقف , وقف تجريح .. يكفيني ألم ماابي اسمع صوتك
وصرخت اكثر بعصبية : ماابي
ياسر نزل راسه بحزن وتقدم خطوة ومشى ورجع لمقعده ..
سارا حاولت تهدئ نفسها طلعت منديل ومسحت دموعها ..
حست بصداع حاد ..
حطت يدها عند راسها بألم ..
وتنهدت ..
ياسر تنهد بحزن..
(إذا استمرينا كذا .. اعتقد في يوم ..بتفارقني !)
ارتجف من آخر كلمة..
(معقولة .. في يوم يصير كذا ؟)
سارا ضغطت على الجرس ..
وجت لها المضيفة ..
_يس ؟
سارا بصوت مختنق : واتر بليز
_أوكي مس
************
رهف : احس بملل
سحر وهي تثاءب : انا اكثر ..
رهف : آه
سحر : رهف وش رايك نلعب بالبالونات ..
رهف : لا لا ,مااحب العاب الماي..
سحر : خبلة ,مو بالماي .. بنفجرهم وبنفقعهم ..
رهف بارتباك : لكن الصوت مخيف نوعا ما..
سحر : آه منك ,تخافين من صوت ؟
رهف بتردد: لكن منال ووعدبيخافون منه ..
سحر قربت وجههامن رهف بمكر : فعلاً؟
رهف وهي تبتسم بارتباك : مااظن آآ..فكرة حلوة فكرتك ..
سحر :ههههههههه ,يازينك وانتي خايفة ..
كأنك بتتزوجين .. ماكأنه مجرد بالونات ..
رهف : زين زين واااااافقت
سحر وهي تنط : اخيرااااا ياجبنة البقرات الثلاث ..
رهف تنهدت ورفعت كتفينهاويدينها : كفانا الله شر احم الذكاء الزايد
**************
سارا مسكت الكأس وهي ترتجف قربت من شفتها الجافة ..
وشربت رشفة ..
حست الصداع بدأ يزيد ..
فتحت الطاولة الي جنبها وحطت الماي عليها ..
وارتمت براسها على طاولتها وتخدرت ونامت ..
ياسر كان حاط يدها عند خده وهو يفكر ..
تنبه لصوت والتفت شاف المضيفة تمد يدها له بالأكل ..
ياسر بهدوء : ثانكيو
_ يو ولكم
فتح الطاولة الي جنبه وحط الأكل عليه ..
وتذكر سارا وقف شافها نايمة بتهالك ..
ابتسم بتعب وجلس ..
**************
سارا صحت على صوت جنبها ..
رفعت راسها بتعب وناظرت ساعتها ..
وكلمت نفسها بوهن (نمت 3 ساعات)..
لاحظت شيء يتحرك في المقعد الي جنبها ..
التفتت شافت طفل عمره 6 سنوات شعره اشقر يبتسم لها ..
تكلم : مساء الخير
سارا تفاجأت وتوسعت ابتسامته ..
ابتسمت له : مساء النور
_ كيف الحال آنسة ؟
سارا : تمام ,شكراً ,كيفك انت ؟
_ تمام
سارا : وش اسمك ؟
التمعت عيونه الزرقا وقال : رامي
سارا ابتسمت وابتسم لها ..
رامي : وش اسمك انتي آنسة ؟
سارا ضحكت من كلمة (آنسة) : اسمي سارا بس تقدر تسميني سارونه
سارا : مسافر مع مين رمووي ؟
رامي : مع بابا وماماواختي وبعد اخويي..
سارا : ووين هم ؟
رامي اشر بيده : هناك ..
سارا : اهاا
رامي : وانتي مسافرة مع مين ؟
سارا بين الألم بعيونها لكنها رجعت لطبيعتها
وقالت بصوت مرتجف : مع ..مع...
ماكملت لأنها حست بظل ناظرته كان ياسر ..
ياسر تم يطالعها بنظرات غريبة ..
سارا نزلت راسها ورامي لاحظهم
ابتسم وقال بصوت متفاجئ : هذا اخوك صح سارونه ؟
ياسر وسارا استغربوا ..
سارا نزلت منها دمعة ومسحتها ..
(ياليت مسافرة مع اخويي)
ياسر لاحظ دمعتها وسكت ..
ياسر التفت وابتسم لرامي : انا مو اخوها ..
رامي : اجل انت .. زوجها صح ؟
ياسر ابتسم له اكثر : اي
رامي غمض عينه وضحك ..
والتفت لسارا : هذا هو الي مسافرة معاه صح ؟
سارا رفعت راسها واجبرت روحها على الابتسام : اي
رامي حرك رجلينه المرفوعين عن الأرض بسرعة ..
رامي التفت لياسروطالعه ..
وسارا فتحت شنطتها وطلعت منه بسكويت ..
وتقربت بيدها لرامي : خذ رمووي
ياسر تفاجئ من حركتها وكلمتها (رمووي)
رامي التفت لها ومد يده : شكراً سارونه ..
اخذ البسكويت وفتحه ..
التفت لياسر : وانت وش اسمك ؟
ياسر بغيرة : ياسر
رامي ضحك ..
سارا باستغراب : ليش تضحك ؟
رامي : اسمائكم تتشابه بطريقة غريبة ..
ياسر باستغراب : غريبة ؟
رامي : (س) و(أ) و(ر) ..
الحروف نفسها في اسمائكم ..
ياسر لو قلبتها تصير (ساري) ..
وسارا لو حذفت الألف واضفت ياء صارت (ياسر)..

في 28-Jul-2007 الساعة : 11:26 PM

(( تصحيح خطأ : عمر رامي 5 سنوات))..

سارا وياسر تفاجئوا ..
سارا تنهدت بهدوء ..
رامي قام من مقعده ..
ووقف في المنتصف بين مقعده ومقعد سارا ..
وتكلم : صح سارونه ؟
سارا ابتسمت له بارتباك : صح ..
ياسر استغل الفرصة وجلس على مقعد رامي ..
سارا تنبهت له ..
لكنها تجاهلت الموضوع ..
رامي تثاءب بنعس ..
سارا طالعته بابتسامة: نعسان رمووي ؟
رامي بتعب : اي
ابتسمت له : زين ,ليش ماتنام عليي ؟..
رامي تفاجئ : عادي ؟
سارا ابتسمت له اكثر : اكيد .. عندي اخو عمره 3 سنين
كان ينام عليي كل ليلة تقريباً ..
رامي تقرب لها ..
سارا مدت يدها وحملته ..
حطته على رجلينها ..
وحوطته بذراعينها ..
رامي ارتاح وابتسم كان حضنهامكان دافئ كثييير..
غمض عينه وتخدر ونام ..
ياسر اشتعل غيرة من هذا المشهد ..
مسك اعصابه وقام لمقعده بيجيب اشياءه ..
سارا تفاجأت منه ..
وهزت كتفيها بعدم اكتراث ..
*****************
سحر كانت تنفخ البالونة بقوة
رهف شالت بالونتها من فمها والتفتت لسحر : تنبهي لا تنفقع ..
سحر اشرت لها : ام ام ..
رهف : اعتقد يكفي نفخنا اكثر من 20 بالونة ..
سحر ربطت بالونتها : ابيهم يكونوا 30
رهف : لا ,يكفي 22
وعد ومنال كانوا فرحانين حولهم بالبالونات ..
منال : عادي افقع انا ؟
سحر التفتت لرهف بمكر وهي تقلد صوتها الخايف : "لكن..لكن وعدومنال بيخافون من الصوت "
اشوف خوفهم باين
رهف ابتسمت بارتباك : هههه , كنت اقصد ..
سحر : خلاص اسكتي عذرناك .. الدبابيس وين ؟
شافوا ندى تتقرب منهم وهي مرتبكة ..
سحر لوحت بيدها : هااااااي
ندى تفاجئت وقالت في نفسها : "هو هنا بالفعل"
وابتسمت لسحر بقلق : هايوووو
سحر صرخت : تعااااااااالي شااااركينا..
ندى وصلت لمكانهم وباستغراب : في ايش ؟
سحر : بنفقع بالونات ..
ندى : وااااااااااو بكون معكم اكييييييييد ..
سحر التفتت لرهف وطالعتها : يعني المفروض نزيد البالونااااات
رهف بارتباك : لكن ..
ندى التفتت لرهف وطالعتها : مسكينة رهووفة
رهف تنهدت : زين , لكن 7 بالونات بس ..
سحر : لا ماتكفي
ندى : بالفعل ماتكفي ..
رهف استسلمت : اوكي خلاااص
**************
ياسر رجع شاف سارا تقرأ كتاب "الجريمة النائمة" لأغاثا كريستي ورامي بعده نايم..
جلس في مقعده بهدوء مع انه يغلي من منظر رامي ..
سارا ماعبرته ..
وظلت تقرأ ..
رامي حرك راسه ..
سارا التفتت له ..
مسحت على راسه بحنان وكملت قراءة ..
ياسر غلى زيادة ..
حست بصداع خفيف ..
ونعست من جديد ..
ياسر تكلم بقهر : سارا .. انا بروح اصلي ..
سارا تنبهت
(انا ماصليت للحين)..
سارا : انتظر .. بروح انا بعد باصلــ..
وتذكرت رامي ..
ياسر التفت لها: ويش ؟
سارا هزت راسها : لا , خلاص ..
عطاها نظرة غريبة وراح ..
***************
ياسر رجع شافها نايمة ..
كان راسها ملاصق لراس رامي ..
ياسر ناظرهم بغيرة ..
كان مركز على رامي ..
تنبه لشيء ..
لو ولدهم كان مكان رامي ..
وتخيل سارا بعد 3 سنين لو كان بالفعل عندهم ولد ..
ابتسم من هذا الخاطر ..
كان بيجلس بس تنبه ليد سارا ..
كانت على مقعده مسك يدها وجلس ..
حطها على خده وحس بدفئها ..
التفت لها ..
كان شكلها ملاك وهي نايمة ..
جا له خاطر ..
حط يدها على رامي وتقرب من خدها بتردد ..
و..باسها
سارا حست به ..
ماكانت نايمه ..
كانت على وشك ..
حست بالخجل والغضب في نفس الوقت ..
(كيف يتجرأ؟ .. وقح صحيح)..
حركت راسها للجهة الثانية بقهر ..
ياسر اخذ يدها وحطها على رجله وابتسم لنفسه
(بظل احبك سارونتي)..
غمض عينه ..
وناااام ..
سارا فتحت عينها ..
لاحظته مغمض عينه ..
سحبت يدها ..
ياسر تحرك بتملل ..
والتفت وجهه لجهتها سارا انحرجت ..
كان وجهه قريب من وجهها ..
باعدت وجهها بخجل ..
وطلعت روايتها وكملت قرائتها ..
***************
وظلت تقرأها لساعة ونص ..
وصلت للنهاية ووقفت عند جملة ..
"ستأتي لو كان هنالك اطفال "..
ابتسمت ..
كان شخص يقولهافي الرواية لزوجته ..
سارا التفتت لياسر ..
(ممكن .. في يوم ..انا .. انا .. اجيب اطفال منه ؟)
كشرت وهزت راسها ..
(مستحييييييييل .. خصوصاً هو مستحيل)
(ليش مستحيل ياسارا ؟)
(هذا الشخص بالذات .. اكرهه مااطيق شوفته)
(بس هو يحبك)
(مايهمني حبه .. مابانسى الي سواه فيني مابانسى)
(بس ياسارا ذاك ماضي .. وانتهى ليش ماتفتحي معاه صفحة جديدة؟)
تحرك رامي وقطع حوارها ..
سارا تنبهت له ..
كان يحرك راسه بانزعاج ..
وبسرعة ..
فتح عينه وصحى..
فرك عينه بتململ ..
سارا ابتسمت له : صحيت ؟
رامي التفت براسه : اي..
في ذيك اللحظة مرت بنت وهي تدور عن شيء ..
انتبهت لسارا وقالت : راااااااااميييي
سارا التفتت لها باستغراب ورامي التفت بخوف ..
سارا تفاجأت : هاااااه , لمـــــــــى ؟
اشرت باصبعها : سااااااااااارااااااا
(لمى 22 ام رامي .. مرحة وحبوبة وتحب الصداقات ..
لكن اذا اغضبها احد تصر على الانتقام ..
ودايم تاخذ حقها بالقوة ..
تحب المزح .. وعندها غير رامي ..
بنت وولد عمرهم 6 شهور صديقة حميمة سارا)
سارا باستغراب : وش تسوين هنا ؟
لمى باستغراب اكثر : انتي الي وش تسوين هنا ؟ وليش رامي عندك ؟
سارا ناظرت رامي وبتفاجئ : هذا شنو يقرب لك ؟
لمى بعصبية مفتعلة كتفت : حمقااااااااااااء .. انااااااا امـــــــه ..
سارا انذهلت : امــــــــه ؟؟؟؟؟؟؟؟
ياسر صحى من الضجة ..
فتح عينه وناظرهم ..
لمى باستغراب اشرت على ياسر: وهذا شنو يسوي معك ؟
سارا بارتباك : لا , لاتفهمين الأمور غلط هذا ..
رامي تكلم بصوت يشبه الصرخة نوعا ما : زوجها ..
لمى بغضب مفتعل : وانتي متى تزوجتي ؟
سارا بقلق : ققبل ااامس ..
رامي قام من حضن سارا وتقرب لأمه ..
لمى تنبهت له وبعصبية : وانت شنو تسوي هنيييي ؟..
تعبت وانا ادور عليك ..
سارا ضحكت : الحقيقة جا جلس جنبي , وخليته ينام عليي شوي ..
لمى : اهاا وعصبت من جديد : وكييييف تتركينه معاك ؟
سارا بارتباك : هو قال يبي ينام .. وخليته ينام عندي ..
لمى تنهدت ونزلت راسها : آه
رفعت راسها بابتسامة : لكن صدفة حلوة نشوفك هنا ..
سارا ابتسمت اكثر : اكثر من حلوة , وين رايحين ؟
ياسر وقف وقال : سوري سارا برجع مكاني
سارا التفتت باستغراب : اا .. زين
لمى تراجعت ..
وراح ..
سارا : ماجاوبتيني ؟
لمى جلست جنبها وهي تمسك بيد رامي : بنروح تكساس ..
سارا بتفاجئ : واحنا بعد ..
لمى : رووووووووعة اجل بتسكنون في اي فندق ؟ ..
سارا : فندق ال(...)
لمى : واااااااو نفس فندقنا كم بتقعدون هناك ؟
سارا ابتسمت بحزن: شهر
لمى لاحظت حزنها لكنها سكتت ..
ماحبت تتدخل في امورها ..
سارا : وانتو؟
لمى : مثلكم ..
سارا ابتسمت : صحيح لموو .. يقول رمووي عنده اخت واخ بعد ..
متى جبتيهم ؟
لمى ابتسمت : قبل 6 شهور ..
سارا ضحكت : من قدك عندك ثلاثة عياال ..
لمى ضحكت بخجل ..
سارا : وش اسمائهم ؟
لمى : الولد اسمه عامر والبنت رنا..
سارا : اهاا
واستمروا يسولفون ..

في 30-Jul-2007 الساعة : 03:10 AM

لمى : سارا ,سارا,سارااااااا
سارا فتحت عينها بنعس : هاه ؟
لمى : قومي وصلنا المانيا .. حشى كل هذا نووووم ؟
سارا عدلت جلستها : صحييييح ؟؟؟
لمى : ايه ..
سارا لاحظت ياسر كان بيروح ..
لمى تنبهت له : مايحتاج تروح .. انا بروح لزوجي الحين ..
ياسر وقف شوي وبعدها تكلم : مايحتاج خلك هني ..
وراح ..
لمى التفتت لسارا : انا بروح لزوجي..
سارا : وين رمووي ؟
لمى ضحكت : تتدلعينه من الحين ؟ .. راح لأبوه ..
سارا : يعني ببقى لوحدي ؟
لمى : زوجك اكيد مابينساك ..
سارا تألمت من كلمة زوجك وتنهدت : خلاص روحي ..
لمى لاحظت حزنها لكنها مابغت تتدخل ..
لمى : اوكي بايووووو
سارا : بااااي ..
سارا طالعت النافذة الدنيا صارت ظلاام وتذكرت : ياربييييييييي ماصليت ..
تنهدت من قلب : والحييييييين ؟
خلاااص اصلي في المطار ..
****************
ندى وسحر : ون ,تو ثرررررررررررييييييي
فقعت بالونتها والثانية فقعتها ..
التفتوا لرهف وفي نفس الوقت : يلااااا دووووورك ..
رهف بارتباك : أووكي ..
ارتجفت ..
سحر تقربت منها ومسكت الدبوس معاها : يلا كلها مجرد ..
وحركت الدبوس وفقعتها رهف طااااارت من الصوت ..
سحر وندى ضحكوا ..
سحر كملت : ضربة بالدبوس ..
رهف بخوف : الصووووووت يخوووووووووف ..
سحر تنهدت ورفعت كتفها ويدينها : مافي فايدة بتظلين جبانة ..
ندى : هي سحر , مو تحسي رهف وسارا مناسبين لبعض ؟
سحر : في ايش ؟
ندى : سارا هادئة مثل رهف صحيح مو خوافة لكن تشبه نوعاً ما ..
صفات رهف .. لكن انا وانتي ..
نحب الإثارة واللعب والرررررعب وإلخ ..
سحر : صحيح ندووي اصبتيها ..
والتفتت لرهف وبسخرية : طلقناك خلاص .. روحي لسااروووه ..
رهف ابتسمت بثقة : طلقتوني ؟ هههههههه براويكم كيف الي يشبهكم ..
ورفعت كمها كانها بتقاتل ..
رهف : براااااويييييييييييكم ..
وقامت تلحق ندى وسحر الي ركضووا بسرررعة هااااربيين ..
*****************
في المطار :
سارا : ياسر
ياسر التفت لها : نعم ؟
سارا : ابي اصلي ..
ياسر : صلي ماحد مانعنك ..
سارا : ا..يمديني ؟
ياسر : على الطائرة بقى نص ساعة ..
سارا : اوكي ..
وقامت عنه ..
عند لمى :
رامي: ابي سارا ..
لمى : بنلاقيها لاتخاف ..
رامي : ابيها الحين ..
لمى : انتظر شووي ..
رامي : ابييييييييها الحييييييييييييين ..
لمى بغضب : انتظر قلت لك ..
رامي التمعت في عيونه الدموع فصارت كأنها بحيرة صافية :ابيييييها الحين
فادي تقرب من رامي : انتظر شوي قالت لك الماما ..
(فادي 25 زوج لمى عاطفي وهادئ وصبوريحب زوجته مثل ماتحبه )
رامي : لكن انا ابيها الحين ليش راحت ؟؟
لمى : لأنك رحت عنها ..
رامي وهي يدمع زيادة : انا مارحت هي رااااحت عنيييييي ..
لمى بتهكم : اووووووف (التفتت لفادي) خذ عامر شوي بروح الحمام ..
فادي : وانا كيف اقدر احملهم اثنينهم وهذا يصايح ؟؟؟؟؟
لمى : مي مشكلتي .. وحطت في يده عامر وراحت ..
ورامي كان بعده يبكي ..
فادي تنهد ..
حط عامر ورنا على المقعد وحاول يسكت رامي ..
***************
لمى غسلت وجهها ..
وناظرت نفسها في المراية ..
شافت سارا تدخل عليها ..
لمى التفتت : سارونه ؟
سارا : يب ..
لمى : اخيييييرا جيتي .. الأخ رااامي مب راضي يسكت بسببك ..
سارا باستغراب : ليش ؟
لمى : يدوور عنك ويبكي ..
سارا ضحكت : ههههههههه ,الله يهديه ..
لمى : آه , يتعبني كثييييير ..
وابتسمت : على اي حال .. رامي قليل مايعجبه احد عشان كذا انتي محظوظة ..
لأنك عجبتيه ..
سارا استغربت : محظوظة ؟
لمى ابتسمت اكثر : اذكر قبل اسبوعين زارتنا بنت خالتي ..
وهي طيبة وتحب الأطفال وحتى الأطفال يحبونها ..
جت بتسلم على رامي .. لكن رامي ابتعد عنها ..
وتخبى ورايي .. عصبت عليه وقلت له يتصرف بأدب قالي بخوف :
انا ماحبها ..
سألته : ليش ؟
قال : ريحة عطر الفوااكه الي تحطه ماتعجبني ..
على اقل شيء مايحب الشخص .. اتسائل طالع على من ؟
سارا : هههههههه ظريييييف
لمى ابتسمت بمكر : واطفالك كيف بيكونوا ؟
سارا انحرجت : لماااااااااااا
لمى تقربت من وجهها وحطت عينها في عين سارا : ماامزح , كيف بيكونوا ؟
سارا صار وجهها احمر : لسا بدري
لمى : مو بدري , انا حملت برامي بعد شهرين بس ..وانتييي ؟
سارا بحرج : ماادري
لمى : آه , على اي حال وش رايك تاخذين الدلخ رامي معاك ؟
سارا : صرتي ام وبعدك تتكلمين كذا ؟
لمى : الله يستر منك اذا صرتي انتي ام ..
سارا بخجل : خلاااص باخذه معاي ..
لمى : افضل .. فكيتينا منه ..
سارا : صحيح لموو , ليش رايحين تكساس ؟
لمى : نبي نرتاح شوي ..
سارا : اهاا
****************
فادي كان متمشكل مع رامي ..
فادي : رامي بعطيك حلاااوه ..
رامي وهي يصايح : مااااناااااا ابي سارااااااا ..
فادي : وش راايك بعطيك نظارتي ؟
رامي : ابيييييي ساراااااااا
فادي تنهد : وين راحت لمووي الحين ؟
لمى وسارا تقربوا منهم ..
لمى : اسكت رامي خلاااص
رامي : مااااااااانا ابي سااارا
سارا طلعت من ورا لمى : ازعل عليك ؟
رامي فرح : ساروونه ..
سارا ابتسمت له ..
رامي ركض لها : اشتقت لك ..
سارا ضحكت عليه ..
وحاولت تحمله ..
خفييييييييف ..
سارا : سوري لمى بروح الحين ..
لمى : روحي وخذيه معاك ..
سارا : وكيف نلتقي بعدين ؟
لمى : بتصل لك في المطار اوكي ؟
سارا : خلاص اوكي ..
رامي قال لابوه : ابي النظارة ..
فادي : يالماكر .. تبيها هاااااااه ..
انت قلت تبي سارا وخلااص ..
رامي : ماااااااااانا ابي النظارة ..
لمى انزعجت من صوته ..
لمى : سارا بتخليك هني اذا عاندت ..
سارا : خلاص رمووي خذ حقت عمو ياسر اوكي ؟
لمى : لاتعودينه على الدلاعة سارونة ..
سارا : خلاص بس ذي المرة اوكي رمووي ؟
رامي : زين
**************
ياسر كان ينتظرها بملل شافها تجي وهي تحمل رامي ..
هالمشهد اثار غيرته ..
سارا نزلته على المقعد الي بجنب ياسر ..
وهو كان وده يقتله ..
سارا : اقعد هني رمووي , انا بروح اصلي وباجي اوكي ؟
رامي : والنظارة ؟
سارا تذكرت التفتت لياسر : ياسر عادي تعطيه نظارتك شوي ؟
ياسر بغيرة : لا
سارا تفاجأت من رفضه : ليش ؟ عطها اياه شوي وبيردها لك ..
ياسر : اخاف يسوي بها شيء
سارا : اذا صار لها شيء انا بشتري لك نظارة جديدة بدلها ..
ياسر بعناد طفل : مابي ابي هذي
سارا تنهدت والتفتت لرامي وابتسمت له :خلاااص رمووي انا باشتري لك نظارة حلوة ..
بعدين ..زين "حبيبي"؟
ياسر استغرب من كلمتها وفووووووووور من الغيرة ..

في 01-Aug-2007 الساعة : 01:23 PM

سارا راحت عنه من دون اي كلمة ..
ياسر رجع راسه لورا وتنهد ..
رامي تنبه له وابتسم بمكر ..
لاحظ ان ياسر يتنفس بهدوء ..
ابتسم بخبث ..
وتقرب لياسر ..
وسحب النظارة ..
من دون مايحس ولبسها ..
**************
سارا تقربت لهم ..
لاحظت ياسر نايم ..
ورامي يناظره ..
تنبهت لصوت رحلتهم ..
سارا : رامي ..
رامي التفت لها كان لابس نظارة ياسر ..
اشر لها باصبعه : اششش ..
سارا ضحكت غصباً عنها ..
وتكلمت : الله يغربلك ويش سويت ؟
رامي بصوت خافت : اخذتها من عنده وهو نايم ..
سارا ابتسمت : اجل ماتبي هديتي خلاص ؟
رامي باستغراب : اي هدية ؟
سارا طلعت يدينها من ورا ظهرها ..
كان في يدها الأولى نظارة ..
والثانية قبعة عليها حرفين :s .r
رامي صرخ بفرح : نظاااارة ؟
ياسر صحى على صوته ..
وتنبه ان نظارته مو معاه ..
التفت لرامي ..
ياسر بعصبية : ليش اخذتها ؟
رامي ابتسم بارتباك: آآآآسف سيد ياسر ..
ياسر شالها بعصبية من عينه ..
وهو يشيلها صابت طرفها بالغلط عين رامي ..
لكنه مالاحظ ولبسها ..
رامي حط يده بألم عند عينه ..
سارا لاحظت ..
وبخوف : شفيك رامي ؟
رامي بألم : عيني ..
ياسر تنبه له ..
سارا : من ايش ؟
رامي بصوت متقطع : يمكـ ..ـن من النظـ ..ـاره ..
بين الألم على ملامحه ..
ياسر تفاجئ ..
سارا التفتت له بعصبية صرخت : ليش سويت له كذا ؟
ياسرباستغراب : بالغلط صارت ..
سارا بعصبية اكبر : بالغلط ؟ ليش شلتها بالقوة ؟ مافي شيء عندك اسمه شوية رقة ؟
ياسر بغضب : لاتصرخي عليي كذا ,انا مب اصغر عيالك ..
سارا بقهر : كرييييييييه ..!!
ياسر عصب ووقف وحط عينه في عينها..
سارا زادت : سخيييييف صحيح..
ياسر رفع يده وصفعهابقهر !..
احمر خدها ..
وحست بالأهانة ..
نزلت دموعها غصباً عنها ..
رفعت يدها وكأنها بتضربه ..
لكن ياسر مسكها بالقوة ..
سارا تألمت ودمعت زيادة ..
رامي لاحظ المشهد ..
تقرب من سارا وهو بعده يتألم من عينه..
شد عباتها وقال بصوت خافت : سارونه!
سارا تنبهت له وطالعته بحنان وترجي: آسفة رامي نسيت عينك ..
شالت يدها من يد ياسر بعصبية ..
حملت رامي ..
وراحت معاه للحمام ..
في الحمام :
طلعت منديل وبللت وسطه بالماي ..
نزلت لمستواه ..
وبدأت تمسح عينه الي حمرت ..
كان ساكت ..
لكنه بعد فترة تكلم : سارونه ..
سارا بصوت حاني وهي تمسح بهدوء :نعم ؟
رامي : ليش عمو ياسر صار كذا ؟
سارا تفاجئت ووقفت يدها لحظة ..
لكنها غمضت عينها باستسلام ..
وابتسمت ورجعت تمسح ..
وبلطف : لما تكبر بتعرف كيف الحياة صعبة والظروف مؤلمة ..
رامي مافهم كلامها لكنه سكت وكانه حس بألمها ..
سمعت صوت رحلتهم الاخير ..
وقفت : كيف الحين ؟
رامي : تألمني قليل ..
رمت المنديل ..
وطلعت منديلين وبللتهم بالماي وطلعت معاه ..
تقربوا لمكان ياسر ..
سارا كانت ساكته ..
وياسر بعد ..
وقف وتكلم بصوت غريب : يلا
مشى وسارا مشت وراه وهي ماسكة يد رامي ..
رامي كان يحط يده على عينه بألم بين فترة وفترة ..
سارا لاحظته ..
مسكته وحملته ..
وكل دقيقة تحط المنديل على عينه ..
******************
ندى وقفت وهي تلهث عند مكان : آآآآآآآآآه تعبت ..
سحر : انا تعبت اكثر .. غرييييييبة رهف ماتعبت بالعادة هي تتعب اكثر وحدة ؟
ندى بمزح: يمكن من قوة الحقد على ذاك الكلام ..
سحر : آآآآه انا ماليي شغل انتي الي قلتي ذاك الكلاام ..
رهف تقربت بصمت وعلى رووس اصابعها ..
مسكت طرف بلوزتينهم ..
وشدتها ..
ندى بخوف: اووووووووووه
سحر التفتت رهف بمكر : يعني تظنون انكم تقدرون تهربون ؟
****************
في المطار الثاني اتصلت لمى لسارا ..
لكن رامي مارضي يروح لهم ..
لمى : رااااامي خلاص بتشوفهم في الفندق ..
رامي : ماااااااانااااااااا
لمى خلاااص وصلت حدها ..
عطت فادي رنا ..
واخذت رامي بعصبية من يد سارا ..
رامي قام يصارخ ..
لكن لمى اخذته مع انه قام يرفس ..
سارا حست بالحزن عليه ..
لكنها سكتت ..
وقالت بحنان : يلا مع السلامة رمووي
رامي صاح ..
لمى تكلمت : يلا نشوفكم في الفندق ..
والتفتت وراحوا..
سارا حست بإشفاق على رامي ..
نزلت راسها بحزن وسكتت ..
ياسر جا وقال : يلا ..
****************
وصلوا الفندق وكانوا لمى وفادي في الاستقبال ..
ياخذون المفتاح ..
رامي كان واقف جنب امه وساكت ..
سارا تقدمت لهم ..
تنبه رامي والتفت صرخ بفرح : سااارونه ..
سارا ابتسمت له ..
وياسر تقدم وسلم على فادي وطلب مفتاحهم ..
رامي جا لها وحملته : باروح معاك صح ؟
سارا ابتسمت بارتباك :مو الحين رمووي
رامي بحزن استسلم : زيين
سارا : كم رقم غرفتكم لمووي ؟
لمى :306
ياسر : سارا يلا ..
سارا ببرود : زين كم رقم غرفتنا ؟
ياسر ببرود اكبر :304
سارا التفتت للمى بفرح : يعني في نفس الطابق (والتفتت لرامي) معناته تقدر تجينا زي ماتبي..
رامي بفر ح : صحيح ؟يعني اقدر اجي الحين ؟
لمى : لا ,بيرتاحون هم الحين وانت بعد المفروض ترتاح ..
رامي تنهد سارا باسته ونزلته : يلا انتظرك ..
ياسر عطى الشناط للعامل ..
وراح حق يفتح المصعد ..
سارا : باي لموو ..
لمى : باي ساروون ..
سارا ضحكت وراحت لياسر الي كان فاتح المصعد وينتظرها ..
ركبت المصعد وركب هو ..

في 03-Aug-2007 الساعة : 08:48 PM

لمى والباقيين راحو للمصعد الثاني ..
ياسرضغط على دورهم ..
سارا بقت ساكته وهو ساكت ..
تكلم بعدها بصوت هادئ :سارا ..
سارا تكلمت ببرود : نعم ؟
ياسر : سارا انا آسف ..
سارا بعصبية : ولمتى بتظل تقول آسف .. آسف .. على كل خطأ تسويه ؟
تهين على مزاجك وبعدها تتأسف ؟..
وتبي اسامحك .. ليش ؟.. بسبب الشيء السخيف الي تعلل لي به ..
ان حضرتك (وبسخرية) تحبني ..
ياسر انصدم من كلامهاوسكت بسبب الصدمة ..
صحيح هو اهانها بس تجريحها كان قوي بالنسبة له ..
(غبي .. نسيت انك انت بعد جرحتها ؟)
تنهد بعمق وسكت فتح باب المصعد
وسارا طلعت وياسر طلع بعدها
شافت لمى ورنا وعامر ..
لكن فادي ورامي مو معاهم
فادي كان يدخل الشنط ورامي وراه ..
سارا تقربت منها بابتسامة : عطيني رنا ..
لمى عطتها رنا ..
وعدلت عامر ..
ارتاحت : فكيتيني ..
سارا ابتسمت لها وحطت إصبعها على خدها : رنوويتي ..
رنا ابتسمت بسعادة سارا فرحت : ياحليلها ..
ياسر كان يدخل الشنط للشقة ..
فادي جا ..
لمى التفتت له وعطته عامر ..
والتفتت لسارا ..
سارا عطتها رنا وهي تبتسم : باي باي رونووي وانت بعد عموور..
لمى :وانا ؟
سارا : هههه , وانتي بعد مع السلامة ..
والتفتت وراحت لشقتهم ..
كانت شقتهم مواجهة لشقة لمى ..
فتحت الباب بهدوء ..
وسكرته ..
طالعت الشقة ..
الصالة كانت حلوة وكبيرة نوعاً ما
وفيها تلفزيون..
وكان فيه غرفتين ..
ومطبخ ..
مو مطبخ تماماً ..
شبه مطبخ ..
سارا تكلمت ببرود : ياسر
التفت بلهفة : نعم ؟
سارا ببرود اكبر :ابي انام في غرفة لوحدي ..
ياسر تفاجئ : لكن ..
سارا بنفس البرود : مايحتاج لكن .. نام انت بغرفة وانا بنام في غرفة ..
على الأقل نمنع (بعض) المشاكل ..
ياسر تألم ..
وسكت لحظة قال بعدها بهدوء : على راحتك .. لكن مو دائماً فترة قصيرة ..
سارا سكتت وراحت للغرفة الي جنب المطبخ ..
دخلتها وشغلت الأنوار ..
كان فيها سرير كبير ..
ومكتب صغير ملاصق للسرير ..
وموكيت وارضية وااااااااسعة ..
وحمام ..
التفتت واخذت شنطتها ومشتها ..
دخلتها الغرفة وسكرت الباب ..
ياسر كان يناظرها ..
تنهد بعدها بحزن ..
وجر شنطته لغرفة المواجهة لغرفة سارا ..
دخل وسكر الباب ..
دق موبايله طلعه من جيبه : الو ؟
..... : هلااا بالمعرس ..
ياسر ابتسم بحزن : هلاا والله
.....: كيفك الحين ؟
ياسر : مو تمام ..
.....: افاا ليش ؟
ياسر : مشاكل ..
....: من اليوم الأول عاد ؟
ياسر بحزن : خلود انت ماتعرف شيء ..
خالد : وشو الشيء الي مااعرفه ؟
ياسر تنهد : المشكلة الي عندي الحين انها تبي تنام بغرفة وانا بغرفة ..
خالد ضحك : عااااادي .. يمكن من الخجل ؟
ياسر في نفسه :(اي خجل اي حسرة .. من الخوف والعناد) ..
خالد : المهم ريم قتلتني تبي تكلم زوجتك واختها..
ريم نغزته : انا قتلتك ياالظالم ..
خالد ضحك : المهم انها تبي تكلم ..
في ذيك اللحظة جت رنده بنتهم ..
عمرها سنتين ونص ودلوووووووعة ..
رنده : ماما ..
ريم التفتت لها : نعم حبيبتي ..
رنده : ابي حلااوة ..
ريم : لا مافي .. اكلتي اليوم كثير ..
رنده صاحت ..
سارا فصخت عبايتها وارتمت بتعب على السرير ..
(آآآآآه , الحياة صعبة) ..
وابتسمت لنفسها بحزن ..
ونزلت دمعتين حارقتين بهدوء على وجهها ..
ياسر قام وراح لسارا طق الباب ..
(ساراا)
سارا بعصبية : نعم ؟
ياسر دخل ..
وشافها كيف هي على حالها ..
كانت رابطة شعرها مثل ذيل الحصان ..
وكانت حلوة وهي منسدحة ..
ياسر بهدوء مد الموبايل : اختك ريم تبي تكلمك ..
سارا قامت بسرعة واخذت الموبايل منه وطلعت من الغرفة ..
وراحت المطبخ وجلست على الكرسي ..
سارا : الو ؟
خالد عطا الموبايل ريم وقام لرنده ..
ريم اخذته بفرح وقامت عنه : هلااا سارونه
سارا بسعادة : هلاا
ريم : شكلك فرحانة ؟
سارا بتعب : لا ماني فرحانة ..
ريم : ليش ؟
سارا : اعتقد تعرفين السبب ..
ريم تنهدت : سارونه حاولي تحبينه ..
سارا في ذيك اللحظة تذكرت كل الإهانات الي سواها ياسر لها ..
سارا صارخت : لاتقولين ليي هذي الكلمة الغبية والسخيفة ..
ياسر طلع لما صارخت وتفاجئ من دموعها وصراخها ..
ريم بتفاجئ : زين زين .. مايحتاج تصارخين ..
ياسر : ليش تصارخين سارا ؟
سارا سكتت بألم ..
وببرود ودموعها بعد هي تنزل : مالك دخل ..
ريم تفاجئت من برودها : سارا .. بخليك الحين ..
سارا : انتظري ريم لحظـــــ ..
ريم صكته بهدوء ..
سارا انقهرت ياسر بقى ساكت..
سارا طلعت من المطبخ ..
ياسر حاول يتكلم لكن سارا مدت يدها له : خذه ..
ياسر مد يده وتلامست يده بيدها واخذه ..
سارا تجاوزته لغرفتها بسرعة ..
كان بيتكلم بس سارا صفعت الباب بوجهه ..
تنهد وراح بعدها لغرفته ..
سارا انهارت على السرير ..
وبدات تبكي بهستيريا ..
(اكررررررررهه .. اكرررررررررهـــــه)
(العن اليوم الي انولدت فييييييييه .. لييييييييييييش ؟
لييييييييش سويت كذا ياابوويي؟ انا ويش سويت حق تعاقبني كذا ؟)
وشوي شوي هدأت ونامت ..
****************
الفجر صحى ياسر ..
طلع من غرفته للصالة ..
دخل المطبخ وناظر غرفة سارا..
كان يبي يدخل بس كلمات سارا كانت ترن في ذاكرته ..
وقف ومشى لغرفة سارا ..
فتح الباب بهدوء شافها نايمة على جانب وبدون ماتغطي نفسها..
ياسر غطاها بهدووووووء ولاحظ دموع جافة على وجهها
تنهد بصوت خافت , حس بالنعاس فجأة ..
ابتسم ونام جنب سارا !
بعد فترة قصيرة سارا تحركت للجهة الثانية وجا راسها على صدر ياسر ..
ياسر ماحس بها لأنه كان متخدر تماماً ..
بعد 15 دقيقه سارا صحت ..
فتحت عينها عدل وتفاجأت ..
حمر وجهها بشكل مو طبيعي ..
(صـ .. صدر يا .. يااسر ؟)
بلعت ريقها ..
بعدت راسها بحرج ..
(والمشكـ ..ـلة .. ان .. انه فا..فاتح قميصه)..
ولعت خلااص ..
(يمكـ ..ـن ا انا .. دخلت غر .. غرفته)
ماكانت تعرف شكل الغرفة الثانية ..
علشان كذا ظنت انها غرفته ..
وبينما كانت تفكر ياسر حرك راسه ..
وجا على صدر سارا
الحركة نفسها هنا بس معكوسة ..
سارا انحررررررجت موت ..
كيف تجلسه الحين ؟..
فكرت في المنبه ..
دقت عليه بيدها اليسرى ..
ياسر انزعج من صوته ..
وحرك راسه اكثر وحط يده على خصرها..
سارا ماااااااااااتت من زود الخجل ..
بلعت ريقها بخوف
(ويش هذي الورطة ؟)
تلفتت حولها ..
لكن ترتيب الغرفة كان يشبه غرفتها ..
والشنطة ..
شنطتها هنا ..
(معناته هو الي جا الغرفـــــة)
ولعت من العصبيييييييية ..
لكن حتى وهي معصبة ماعرفت كيف تصحيه ..
******************
سحر نامت ذيك الليلة عند بيت عمها ..
الساعة 3 العصر ..
رهف كانت تصحي سحر
(سحر .. سحر .. سحرررر)
سحر بنعس : بعدييييي عني
رهف : نو وي .. قومي يلااا
سحر بدأت تخرف : انتي وش جيبك بيتنا ؟
رهف ضحكت : ههههههههههه , انتي الي في بيتنا ..
سحر همهت بكسل : زين بقوم بعدين روحي عني
رهف : قوووووومي صلي
سحر بتفاجئ : اذن ؟
رهف : من زماااااااااان وحضرتك نااااااااايمة
سحر : كم الساعة ؟
رهف : 3 العصررر
سحر قامت : اووووووووووه
سحر : ندى صحت ؟
رهف : لا حتى هي نايمة
سحر قامت للحمام
ورهف راحت غرفة ندى تصحيها
****************
سارا كانت متمللة ومنحرجة ومعصبة في نفس الوقت
(كييييييف اصحي هالعلة ؟ المشكلة الثانية ان يده على خصري
يعني مااقدر اقوم)
ياسر صحى فتح عينه وحرك راسه ..
حس بشيء
طالع يده
كانت على خصر سارا ..
(انا نايم على سارا ؟!!)
حس بحرج خفيف ..
لكن في نفس الوقت حس بفرحة كبيرررة

في 03-Aug-2007 الساعة : 11:35 PM

سارا تململت
جربت المنبه مرة ثانية
ياسر تنبه لحركتها وحرك راسه بانزعاج للجهة الثانية
وفك يده عن خصرهاسارا ارتاحت ..
وقامت بسررعة كبيرة للحمام
حس بالحزن وتنهد وقف وطلع لغرفته
سارا طلعت من الحمام
ماكان فيه احد
(افضــــل)
سارا بقت شوي في الغرفة ماكانت تبي تشوف ياسر ..
بعد الي صار لها معاه
(آه)
جلست على السرير وحركت رجلينها في الهوا ..
(ووووووووووف , مللت خلااص)
سمعت صوت رنة التفتت لموبايلها واخذته ..
(3 مسجات ؟)
المسج الأول والثاني من ندى :
(هااي سارونه ..
ماذكرتينا ؟..
والا (من لقى احبابه نسى اصحابه)؟..
اي اكيييييد نسيتينا ..
انتي مع الأخ الرومانسي ياسروو ..
(سارا تنهدت بحزن)
المهم المهم ..
كنت ابي رايك في خاطرتي الجديدة ..
بس للأسف دفتري ضاع ..
لكن اذكرها انا نوعاً ما ..
خذيها ..
"المسج الثاني" :
(" في مهب الريح ..
ضحكنا ..وبكينا..
واحينا تشاجرنا..
لكن احلامنا ..كانت قبلنا مباشرة
طوقتنا الفصول الملونة ..
ذكرتنا بالأشياء المختلفة ..
النائمة اقبل صورتك الجانبية..
غدا ليس اليوم ..
سيكون غدا اكثر اشراقا ")
لاتنسي ترسلي راااايك
اوه صح ..
وابي اشوف اذا الفتي خواطر جديدة ..
تذكريني وارسلي ليي ..
ولاتنسي الهدايا الحلوة للحلوة "ندى"
باااااااايووووو)
سارا ابتسمت ..
وراحت للمسج الثالث كان من سحر :
(كيفك سارووه ؟..
مو انا قلتلك تتصلين لي اول ماتوصلين ؟
لكن انا الغبية الي صدقتك ..
نسيت انك مع الحبيب ياسر ..
(سارا كشرت من الكلمة)
على اي حال ..
لاتنسي الهدايا ..
و ابي بعد ظروف حلوة
روحي (ول مارت) وبتشوفينها
بااااااااايااااااااات)
سارا ضحكت من قلب على خبالهم ..
(يرسلون مسجات مو لأنهم مشتاقين لأنهم يبون شيء اروايهم)
رسلت لكل وحدة منهم نفس المسج :
(بانسى اجيب لكم هدايالوووووول
لازم تتعلمون ترسلون مسجات حلوة
مو مسجات طلبااااااات يالخووونة)
وضحكت
صلت وطلعت من غرفتها ..
في الصالة كان ياسر يلعب بالريموت ..
ويفرفر في المحطات ..
سارا راحت المطبخ وهي بعدها خجلانة من الموقف الي صار ..
جلست على كرسي في المطبخ ..
وطالعته ..
كان عاطنها ظهره وجالس على الكنب (الأريكة)
ظلت تطالعه فترة وملت كانت تبي تقوله انها تبي تطلع بس الخجل منعها..
ياسر تكلم بانزعاج : سارا
سارا التفت له وبحرج : نعم ؟
ياسر : اليوم بنطلع
سارا استرجعت قوتها وببرود : وين ؟
ياسر : ول مارت
سارا تذكرت سحر وابتسمت : زين
ياسر : جهزي نفسك العصر
سارا ببرود : زين
****************
الساعة 2 بعد ماصلوا
اندق جرسهم ياسر راح يشوف
فتحه وشاف رامي تضايق وتأفف في نفسه
رامي تكلم بابتسامة : اقدر ادخل عمو ؟
ياسر : تفضل
رامي دخل صارووخ داخل
سارا كانت توها طالعة من غرفتها
رامي ركض لها كعادته : ساروونتي
سارا ابتسمت بسعادة : رمووي
وحملته باسته على خده وهو باسها
ياسر ناظرهم بغيرة
سارا تذكرت شيء : صح رمووي , نسيت قبعتك والنظارة
رامي بفرح : عندك الحين؟
سارا : اكييد تعال ندخل اطلعهم لك ..
ودخلت معاه غرفتها وسكرت الباب
ياسر ناظر الغرفة
(من حقي ادخل بعد)
فتح الباب ودخل
سارا تضايقت
(وش جيبه ؟)
طلعت النظارة والقبعة من شنطتها
والتفتت لرامي لبسته النظارة
ولبسته القبعة على ورا
رامي بفرح : حلو انا ؟
سارا ابتسمت : احلى ولد شفته في حياتي
وش رايك اصورك رمووي ؟
رامي بسعادة : اييييييييه
سارا طلعت موبايلها وصورته 5 صور ..

في 09-Aug-2007 الساعة : 02:07 AM

مشكورة اختي على ها القصة الحلوة بس بليز كمليها لاني مب قادرة اصبر
بليييييييييييييييييييييييييييييييييييييييييييييييز

(كذا الحياة )قصة رومنسية من تأليفي

فضاء الأدب القصصي