الموضوع: الحب والورد

الحب

امسح دموعك من على صافي الخد
لا تجرح القلب المولع وتشقيه


ياهني عين آخر الليل ترقد
وانته خيالك قدام عيني اراعيه


منساك يازين التواصيف القد
وانت الوحيد اللي من الناس نغليه


تحطمت آمال قلبي من العد
وجرحي بقلبي عجزٍٍٍ من يداويه


جيتكم باخلاص والرب يشهد
درب الهوى عقبك هجرته ولا ابيه


عقبك وحيد في حياتي مشرد
يازين وقت فات ما اجمل لياليه


شعارنا الأخلاص والحب والود
هذا شعار الحب ياجاهل فيه


شانت ظروفي يوم قلنا لك ابعد
القلب ظنك يوم صديت ناسيه


واليوم في المجلس تقولي وتنشد
عن حال من وقته يظميه حر كاويه


ماله وسيله كود بالقاف يقصد
يترجم شعور عن الناس يخفيه


عندي امل تشرق الشمس في الغد
تضحك لناالدنيا واقول لك لبيه

---

hgpf ,hg,v]