LinkBack URL
About LinkBacks
في بيت العامري
العنود/يالله انا قايمة اشوفكم على خير.
ام خالد/قايمة وين بتروحين يمه توها الساعة ثلاث ونص؟
العنود/هند بتمر تاخذني
ام محمد/وليش ماتدخل تقعد معانا هند
العنود/معليش السموحة توها طالعة من البنك يالله بتروح تصلي وتاكل لها لقمة وبتنام
وضحى/وانتي ليش بتروحين معها؟
العنود/عشان جايبة لي اوراق الاجازة من البنك وبمر اوديهم المستشفى وشغلة يعني.
لؤلؤة/يابنت الناس قعدي لايجي محمد بعدين ومايشوفك ويحرق البيت فوق راسنا.
ام محمد/ههههههه وهي الصادقة اذا جاء وماشافك بيزعل علينا
العنود سكرت عبايتها ولبست شيلتها ومسكت شنطتها ووقفت/معليش كلها كم ليلة وبنجي يعني وين بنروح.يالله مع السلامة.
***
لبست النقاب ولااول مرة في حياتها وطلعت من بيت جدها وهي خايفة موت ان احد يشوفها ويوم شافت ان المكان امان مشت في الشارع لين وصلت للسوبر ماركت اللي اتفقوا انهم يلتقون فيه.ودخلت هناك
***
هند طلعت من البنك وعلطول على السيارة رمت شنطتها جنبها وطلعت الجوال بتدق على العنود
هند/محي الدين شفيك واقف خلاص امشي,,
لف عليها خالد اللي كان قاعد مكان السايق وهي ماانتبهت عليه وشال النظارة من على عيونه وقال لها انا خالد
هند بفزع/بسم الله الرحمان الرحيم انت شيمقعدك هنا بالله؟ووين محي الدين راح
خالد/فكرت ان احنا نقعد مع بعض شوي افضل.
هند/خالد انا مااحب هاالحركات ابدا.
خالد/انا مو قصدي اضايقك اسف بس كنت ابي نقعد في مكان محايد بعيدا عن البيت وماكنت ابي اتكلم معك على التلفون,,,
هند/.
خالد/يضايقك ان احنا نقعد مع بعض شوي نتكلم
هند/كم يعني؟
خالد/يمكن ساعة
هند/فيني اعطيك نص ساعة بس.
خالد/هند عمتي تدري اني مار اسلم عليك وبعدين انا طرشت السايق بيتكم بسيارتي يعني امك عندها خبر انك بتكونين معي
هند/طيب بلاش نتاخر لو سمحت
خالد/نمشي يعني.,,
هند/تفضل
***
في سوبر ماركت السعادة
العنود كانت واقفة عند المجلات تقلب فيهم
محمد من وراها/احم احم .
لفت العنود لعنده.
محمد/من زمان تنتظريبن؟
العنود/لا لسه وصلت
محمد مسك ثلاث مجلات ومشى لعند الحساب,,,,ووقفت العنود وراه واول ماخلص طلعوا وركبوا السيارة
العنود/اه
محمد/ههههه شفيك؟
العنود/شفيني بعد احس نفسي مجرمة.
محمد/مجرمة عاد ليش شمسوية انتي بالله؟
العنود/ماادري يامحمد بس ياليتني ماطعتك وجيت؟
محمد حط يده على يدها /تعوفيني قعدتي يالعنود
العنود/محمد انا مو قصدي بس انا من جد كنت خايفة حيل لايعرفني احد
لف عليها محمد وهو يتاملها/عنود
العنود/شنو؟
محمد/ليش ماتظلين لابسة النقاب علطول.
العنود/انت تبي كذا؟
محمد/.
العنود/بفكر
محمد/.ان شاء الله خيروين تبين نروح اللحين؟
العنود/نروح!!!!مااتفقنا على كذا يامحمد؟
محمد/أي بس احنا مااتفقنا على شي اصلا ياعمري.
العنود/محمد انا توقعتك بتوصلني البيت وبس؟
محمد/خلينا نقعد في مكان شوي ياحياتي.
العنود/لا توصلني البيت وبس.
محمد/شوي بس ياقلبي
العنود/لايامحمد الله يخليك الى اللحين وانا احترمك واحترم علاقاتنا لاتخليني اغير راي الله يخليك
محمد/واحنا شبنسوي ياقلبي بنقعد بمكان بروحنا بس وبعدين احنا طلعنا من قبل تغذينا بروحنا ولانسيتي؟
العنود/لا مانسيت بس ذيك المرة كانت امي عارفة وجدي عارف وحتى خوالي عارفين بس هاالمرة لا احس نفسي طالعة اسرق
محمد/خلاص بلاش تزعلين نفسك بردك البيت بس انا كان قصدي نكون مع بعض شوي
العنود/الايام جاية وبنظل مع بعض علطول ولاانت غيرت رايك,,,
محمد/انا اغير راي ليش بالله مجنون!!!
العنود/اسم الله عليك من الجنون لاتقول كذا في حق نفسك يامحمد.
محمد/عنود.
العنود/.
محمد/تحبيني
العنود/
محمد/ليش ساكتة ياقلبي ردي علي
العنود/لانه اسمي العنود ماهو بعنود يامحمد ومايصير كل مرة اصحح غلطتك
***
في مقهى كوستا كوفي.
خالد/ممكن تشيلي نقابك وتقعدي طبيعي؟
هند/لا.
خالد/ليش ماخذة السالفة عناد؟
هند/ماهو عناد بس انت قاعد تسير كل شي على كيفك وانا مستحيل امشي ورا مزاج احد مهما يكون ياخالد.فاهم علي.
خالد/يالله هذا شي وعرفنا.بعد
هند/بعد وشو؟
خالد/هند انا حبيت نتقابل ونتعرف على بعضنا البعض في مكان محايد وبدون علم احد لاني ماودي يصير شي رسمي الا اذا فهمنا بعضنا وعرفتك وعرفتيني وقدرنا نتاقلم على بعض
هند/.
خالد/انا عارف انك بنت فاهمة وواعية وتدركين معنى كلمة ان الزواج يكون متكافىء بين الطرفين
هند/ممكن تتكلم بوضوح اكثر وبدون هاالمقدمات!!
خالد/شوفي هند انا بدخل معك في الموضوع مباشرة.امي دايما تتكلم عنك بالخير وابوي مايجيب طاريك الا بكل شي طيب وانا هاذي ماعندي خلاف عليهابمعنى اخر هم مرشحينك تكونين زوجة لي ولو كان بالتلميح بس بدون مايقولونها صراحة وانا عن نفسي حبيت اتقابل معك واعرفك وتعرفيني وافهمك وتفهميني قبل لايصير بينا أي شي رسمي.وهاذي كل السالفة.
هند/اناانا ماعندي شي اقوله لك
خالد/ممكن اعطيك رقمي واخذ رقمك ونظل نشوف بعض هنا اذا تحبين لين نتفاهم وبعدين نقرر شيصير
هند/خالد احد عارف بفكرتك هاذي؟
خالد/لا محمد بس؟
هند/وممكن ماحد يعرفها غيره هذا في حالة ان انت كان ودك نشوف بعض ونتكلم بصراحة طبعا.
خالد/من ناحيتي تطمني انا ماابي احد يعرف بها الشي وانتي حرة في اللي تسوينه وتقولينه اكيد
هند/طيب فينا نروح اللحين انا تاخرت ياخالد ولازم اروح البيت.
خالد/بدينا بالتغلي وحركات البنات
هند/انا مااعرف في هاالسوالف يعني اذا حاب تعلمني جزاك الله خير .بس انا من جد تاخرت عندي اوراق للعنود وبمر بيت خالتي بعطيهم اياها,,,
خالد/طيب بشوفك في وقت قريب.
هند/ان شاء الله
خالد/معناته بنكون على اتصال
هند/طيب.
خالد/.هند شكرا لانك تفهمتي الموقف
***
في اخر الليل في بيت العامري.
ابو محمد وابو خالد وخالد ومحمد وطلال ومشعل كانوا قاعدين بالديوانية,,,
ابو خالد/ها محمد يقولون اليوم العنود عندنا تغذت.
محمد/البيت بيتها ياعمي هي الداخلة وحنا الطالعين.
طلال/شنو يعني هي الداخلة واحنا الطالعين!!!
ابو محمد/هههه لاتخاف على نفسك ياطلال ماحد بيطلعك من بيتك ابدا وبعدين تعال يامحمد ليش تسوي لروحك سالفة وتجي اليوم البيت وانت عارف انها بتكون هني
محمد/انا الغلطان يوم قلت بنتظر فيصل يرد لو ماقلت احسن شوف كم تاجلت الملكة بسبايبه
مشعل/هههه هاذي غلطة ماكنت حاسب حسابها اكيد ياولد العم,,,
خالد/على فكرة ترى يقول سعود ليلة بكرة فيصل بينزل
ابو خالد/بس ابو فيصل ماتكلم ولاقال انه بينزل بكرة,,
محمد/هو مايبي يقول لااحد خايف مايرد مثل ذاك اليوم اذ تاكد كل شي بيقول لكم.
ابو محمد/ان شاء الله هالمرة يرد ومايخلف بوعده ,,
طلال/خلونا من فيصل اللحين.اقول محمد انت كل ليلة تدق على العنود؟
محمد/وانت ليش تسال؟
طلال/اذا انت تكلمها كل ليلة وانت نيتك الزواج فمعانته مايخالف انا اكلم نوف بعد!
ابو خالد/اقول اركد وبلا هاالكلام الفاضي انت لبنت عمك وهي لك من الصغر بعد ليش تكلمها وتكلمك
ابو محمد/ماعليك من محمد هذا بيخربك .اول نفرح في اخوك خالد وبعدين انت تكون بعد اشتغلت وكونت نفسك يبى ياطلال.
خالد يهمس لمحمد/طلعت مع هند اليوم
محمد/لا جد.
مشعل/شعندكم تسولفون بروحكم
خالد/قاعد اقول له عن المهندس الجديد اللي شفته اليوم.
محمد/شصار؟
خالد/ماكو شي.كلمته في الموضوع وشرحت له وجهة نظري وهو مشاء الله عليه بعد تفهم وان شاء الله الايام الجاية بنتعرف على بعض اكثر وماتدري يمكن يكون بينا عقد ويمكن,,,,
طلال/هذا وجهي اذا كان مهندس قلبي حاس انها مهندسة والله,,
محمد/هههههههههههه شدعوة عاد طلال
****
وفي اليوم الثاني في بيت العامري بيت ابو فيصل.
نوف/يبى اجيب لك شي تشربه؟
ابو فيصل/لايبى ماابي شي
ام فيصل/يارجال ارحم نفسك شوي من البارح لانمت ولااكلت مايصير كذا ياابو فيصل.
ابو فيصل/وصال دقي على سعود شوفي وش سوه خل يرد علي هو فيصل طلع ولا بعده ولا شنو .والله ماانا عارف وش صاير
وصال/والله ياعمي دقيت عليه مقفل جواله هو قالي الصبح انا بقولكم بللي يصير انتوا لاتتصلون علي
ابو فيصل/انا مافيني اتحمل اكثر من كذا لازم يطمنه سعود لازم.
نوف/يبى هدي شوي مايصير كذا.
لطيفة/يبى سعود قال اذ بيجي او ماراح يجي بيرد علينا اول مايعرف واكيد للحين ماعرف شي.
ام فيصل كانت تحاول تهديه بس هي نفسها كانت متقطعة وتحس ان فيصل اذا مارجع الليلة بتصير مصيبة كبيرة لها
دق التلفون وشاله ابو فيصل قبل لايكمل رنته كلها
ابو فيصل/الو.هاسلطان هذا انت يبى.لاياولدي للحين ماعرفنا شي .حنا بعد كل ماندق عليه مقفل جواله.
ام فيصل/يارب استرها معانا يارب.
لطيفة/ يمه طولي بالك انتي بعد مايصير كذا احنا للحين ماسمعنا خبر عنا
باسل كان يتحرش في جده يبي يلفت انتباه علشان يشيله بس ابو فيصل كان مجمد ومو عارف يتحرك من مكانه,,,
ابو فيصل/خليني يبى باسل خليني في اللي فيني.
نوف/تعال حبيبي عندي تعال
سعود/السلام عليكم.
الكل وقف اول مادخل سعود وكلهم يطالعون بوجه
ابو فيصل/سعود طمني يبى
سعود/يبى .الليلة عشى العيلة كلها عندك احسب حسابك.فيصل الساعة ثمان بيكون موجود
ابوفيصل/سعود انت تتكلم من صدقك؟
سعود/أي يبى من صدقي.توه داق علي ويقول انه وصل تركيا اللحين,,
ابو فيصل/تركياليش.
سعود/عشان ماكانت فيه رحلة دايركت من تركيا لهنا طلع من امريكا لتركيا وبعد ساعتين بيطلع من تركيا على لبنان ومن لبنان على الدمام ومن الدمام للرياضيعني الساعة ثمان بيكون عندك في البيت
ام فيصل/يعني انت من امس كنت عارف وماقلت لنا ياسعود؟
سعود/خفت انه يغير رايه في اخر اللحظات واتفقت معه اني مااقول لكم غير لمى يوصل تركيا.
لطيفة/الحمد لله ياربي الحمد لله
نوف/بنروح المطار نستقبله.؟
سعود/لا انا وتركي ولد خالتي بنروح نجيبه ماله داعي روحتكم كلكم.
ام فيصل/لايمه سعود انا ابي اروح اشوفه؟
سعود/يمه علشان طول الطريق وانتي تبكين انا اقول اروح انا وتركي وانتوا تظلون هني بعد مو عدلة عماتي وعمامي يجون البيت وانتوا تطلعون.
لطيفة/وهو الصادق يمه بعدين في المطار مابناخذ راحتنا كثر البيت
وصال/خالتي قومي نجهز غرفته من اللحين
ام فيصل/يالله يمه جاية بعدك
سعود/صحيح هو بيجي رحلته متعبته على الاخر انتوا شفتوه كيف تنقلاته صارت كثيرة يعني لاتضغطون عليه يقعد معاكم وااجد خلوه يرتاح اليوم وبكرة بتشبعون منه.
ابو فيصل/سعود.
سعود/امرني يبه
ابو فيصل/الله يبشرك باالخير يبهاذا رجع اخوك الليلة حلاوتك انت ومرتك وولدك عندي انا ياسعود.بسفركم اسبوع على حسابي ووين ماتبون تروحون
نوف/لا شمعنى يعني ناس دون ناس يابو فيصل
سعود/تسلم ياالغالي وجودك بينا هو اكبر هدية لنا عسانا مانعدمك .ابو فيصل/الله يخليك مرتك وولدك ويريح بالك مثل ماانت مريحني علطول ياسعود
***
على الساعة ثمان كانت العيلة كلها متجمعة عند ابو فيصل ينتظرون وصول فيصل على احر من الجمر .الرجال كانوا في الحوش والحريم في الصالة والبنات في مجلس الحريم,,,,,,
نوف/والله مو مصدقة ان اخوي بيرجع حاسة باحساس غريب.
هند/الله يجيبه بالسلامة ان شاءالله.
لطيفة/والله مو عارفين شنسوي ياهند حاسين بربكة وبشي مو طبيعي ماراح نصدق انه وصل غير مانشوفه بعيونه هني.
مرح/يالله الله يجيبه بالسلامة بسرعة نبي نتعشى قبل لايبرد العشاء.
الجازي/هههه هذا اللي تفكرين فيه يابنت الناس كلهم يحاتون فيصل وانتي تحاتين بطنك؟
لؤلؤة/وهي الصادقة بنت خالي لايدري عنها ولايدري عن هوى دارها فصيل باشا
نوف/لااحد ينقص باسم اخوي هذا الدكتور فيصل لو سمحتوا
ليالي/عدال لاتطيح براطيمك ياقلبي.
البندري/ههههههه زين تسوين فيها.
وضحى/عنود شفيك ماانتي على بعضك اليوم؟
والتفتوا البنات على العنود اللي كانت سرحانة
العنود/ماادري والله حاسة باحساس غريب والله
لطيفة/خير اللهم اجعله خير
العنود/حاسة قلبي مقبوض بس من شنو ماادري
نوف/نتصل في الحبيب نخليه يطيب خاطرك بكلمتين.
العنود ببتسامة/انتي قلبي وجهك عني
نوف/وانا الصادقة من جبنا طاري الحبيب ابتسمتي
هند/يالله لاتحرجين صديقتي وخلي محمدوا يولي.
لؤلؤة/اه ياقلبي شفتي يالعنود قالت عن اخوي محمدوا وانتي مادافعتي؟
مرح/انا لو منك اقوم اتصل فيه افتن عليها.
واسكتوا البنات مع صوت ام وحيد اللي كان يجبب وقاموا يطالعون من الباب لان فيصل اكيد وصل
ودخل فيصل واتجهت انظار البنات كلها له عدا لطيفة ونوف اللي راحوا يركضون يسلمون عليه.
فيصل مثل ماراح مثل مارجع بنفس الكبرياء والهيبة والجبروت مع زيادة شوية في الغرور حتى وهو حاضن امه ماكن يبين عليه حنان ولاعطف ولااشتياق لاامه اللي غاب عنها عشر سنين!! وبنفس البرود سلم على عماته ونسوان عمه واخته لطيفة وماابتسم غير لمى شاف نوف واقفة قدامه.
نوف/نورت الرياض يابو عبدالعزيز.
فيصل/الرياض بس مايكفي قولي المملكة كلها اليوم نورت فيني.واخذها في حضنه.
وابتدت مسيرة السلام وصال
وصال/حمد الله على سلامتك ياولد عمي
فيصل بدون مايلتفت عليها او على اللي جايين وراها/الله يسلمك ياام باسل
هند/حمد الله على السلامة ياولد خالي.
فيصل/الله يسلمكم كلكم .
لؤلؤة تهمس لمرح/هاذي معناته لاتسلمون ؟
مرح/الله ياخذك على هاالاخلاق لو مارجعت لنا احسن متى بس يحطون العشى بدل ضيقة الخلق
الجازي/الله ياخذه على هاالغرور بس صراحة يسوى يجنن وسيم بشكل لايصدق احسه مو ولد خالي غير عنهم هذا شكله سوري على لبناني
فيصل/معليش اسمحولي انا بدخل اخذ دوش وبطلع للرجال
ام وحيد/خذ راحتك يمه
ام الوليد/واذا انت حاس نفسك تعبان بلاش تطلع يمه استريح.
لطيفة/تعال من هنا بوريك غرفتك.
***
في غرفة فيصل بعد مرور ساعة.
دق جواله.
تركي/وينك انت ماصار ذا دوش اللي بتاخذه
فيصل/مو قلت لك انها مو معهم ؟
تركي/بالله !! انت من صدقك هذا وقتهاكيد بتكون معاهم يعني وين بتكون واهلها كلهم هني تلاقيها هنا ولاهنا يالله فشلة ينتظرونك على العشى واذا مابتطلع قولي اروح بيتنا,,
فيصل/لا هذا انا جاي لكم اللحين
