الموضوع: رواية نبض قلبي كامله

ويمض المشوار

بيت ناصر
مرام: يما مين هذا
ام احمد: أي هو
مرام: هزاع
ام احمد: ايوا هزاع ايش لك بيه
مرام: يووووووووه يما
ام احمد: هههههههههههههههه ماني قايله
مرام: وليه عاد
ام احمد: بس كذا
مرام: وغلاة مرام عندك لانتي قايله
ام احمد: شوفي هذا هزاع بن محمد معروف والكل يشهد له اولهم ابوكي عنده من الخير الكثير فوق ماتتخيلي عارفه لو بطل شغل وقعد بالبيت الفلوس الي عنده بتكفي لحد عيال عيال عيال عيال عيال عيال عياله
مرام: ول يما من صدقك
ام احمد: ايوا من صدقي ابوكي يقول عنده اموال وبيوت وعمارات ومنتجعات وفنادق واسهم في كل مكان هذا اذا مايملك نص الديره الي انتي ساكنه فيها
مرام: ول كل هذا
ام احمد: هذا ياحظي الي يركضون وراه ماهو سامي
مرام: ماهو متزوج
ام احمد: لا
مرام: مانتبهتي لنظرته لي وهو يسلم علي
ام احمد: في هذي لا تحلمين
مرام: وليه عاد تراه ناظرني وابتسم لي بعد
ام احمد: بالعافيه على النظره والابتسامه بس بعد لا تحلمين به
مرام: وليه انشالله
ام احمد: عشان الي بقلبه وحده ماخلته يتزوج لحد الان
مرام: مين هذي انشالله
ام لحمد: ست الحسن والجمال
مرام: سما؟!!!!!!!!!!
ام احمد: ايوا سما
مرام: سما تحب ما اصدق
ام احمد: لا تحب ولا تدري عنه
مرام: كيف يعني
ام احمد: اتذكر اني كنت في بيت عمك كنت ازور مريم الله يرحمها كان وقتها خالد ولد عمتك خطب سما وكان الكل منزعج انها رفضته اولهم امها امها كانت تبي تزوجها باي طريقه بس البنت كانت على طول ترفض بعد ماهدى الموضوع شوي رحت لمريم ازورها واعرف منها ايش القصه
مرام: ذكيه يما لو رايحه في غز حرارة الموضوع ماحد كان بيعطيكي وجه
ام احمد: هههههههههههههههه ليتك تطلعين ذكيه مثلي وتعرفي تختاري صح
مرام: المهم يما
ام احمد: المهم اني كنت هناك هذاك اليوم ومريم كانت تتكلم بعصبيه على بنتها شوي وجات شيخه ام هزاع الله يرحمها وجلست معانا وسمعت مريم وهي تتكلم عن بنتها قالت لها سمعي يامريم ترا هزاع يحب سما من زمان ويقول اذا ما اخذها ماراح ياخذ غيرها لا تتضايقي ابد من انها ارفضت خالد يمكن نصيبها مع هزاع وهالشي اكيد بيفرحك رحبت مريم بهالشي وسعدت بيه كثير بس عقبها مرضت ام هزاع وبعديها بفتره توفت وانقفل الموضوع
مرام: يعني هزاع يحب سما وهي ما تعرف عنه
ام احمد: ايوا اكيد مريم مافاتحتها ولا ماكنتي شفتيه قاعد معاها اليوم من غير اخوانها
مرام: صح يما
ام احمد: عاد لو بنتي حبيبتي عندها عقل تفكر وتعرف كيف تجيبه لها وتضربي عصفورين بحجر واحد
مرام: كيف يما
ام احمد: تقهري سامي لانك اخذتي هزاع وفضلتيه عليه وتحري سما انك قدرتي تتزوجي واحد كان رافض الزواج عشانها
مرام: وانسى سامي؟!!!!
ام احمد: يووووووووووووه عاد انا قلت لك وانتي اختاري
مرام: بس هذا شكله كبير علي واجد
ام احمد: وكبير عليكي وايش فيها لاهو حرام اوعيب
مرام: بس
ام احمد: الكبير هو الي يدلع ويزيد بدلاله للحرمه ويصرف الي عنده عشان رضاها وهذ هزاع يعني لو طلبتي نجوم السما بيعملها قلاده ويهديكي ياها
مرام: بفكر

بغرفة سما في المستشفى
فهد: ايش صار
ساره: والله مدري هزاع جا وكانت كويسه ومافيها شي وبعدين جا عمك بواحمد وزوجته ومرام وكانت متضايقه شوي بس مش عارفه من ايش شوي وارتفعت حرارتها
فهد: وين عادل
ساره: جا شافها وعطاها ابره وقالي انها كويسه
فهد: صار شي مع هزاع
ساره: ابدا الرجال كان ذوق وهي كانت مبسوطه مره بس والله ماني عارفه ايش صار لها
فهد: تصحى ونعرف
خالد: ها خير
فهد: هلا ياخوي لا تقلق هي بخير
خالد: سامي وين
ساره: قالت له سما يرجع يريح
خالد: وكيف يسيبها
ساره: خالد تبي الصراحه سما هي الي اصرت يمشي كانت تبي تتكلم معاي
خالد: وتكلمت
ساره: ايوا كنا نسولف ونضحك وهي كانت مبسوطه بس فجأه ارتفعت حرارتها
خالد: هذا هزاع متصل
فهد: رد عليه شوفه
خالد: الو
هزاع: خالد
خالد: هلا والله
هزاع: سما مالها . من شوي انا عندها وماكان فيها شي
خالد: والله مدري ياخوي انقلب حالها بعد ماطلعت بشوي
هزاع: انا بكلم سامي لازم اسفرها اليوم
خالد: ياخوي انت.
هزاع: لا تطولها ياخوي بسفرها يعني بسفرها حالتها ماينسكت عليها
خالد: خلها تصحى ونشوف لا تتسرع
هزاع: انا بكلم سامي الان سلام
خالد: مع السلامه
فهد: ايش يقول
خالد: يقول يبي يسفرها
بومشعل: ها ياعيال ايش صاير
فهد: ارتفعت حرارتها فجأه
خالد: هزاع متصل ويبي يسفرها
بومشعل: انا بروح اشوف عادل تعالي معاي ياساره
خارج غرفة سما
ساره: يبا
بومشعل: ادري يبا تحبه صح
ساره: ايوا ماتوقعت انه يصير معاها كذا
بومشعل: طيب ايش صار
ساره: من قال انه مسافر يومين وهي منقلبه
بومشعل: تعلقت فيه وخافت يتركها
عادل: عمي بومشعل
بو مشعل: هلا ولدي بشرني ياولدي عن سما
عادل: والله ياعمي ايش اقولك كل تحاليلها تقول مامعاها شي هو اغلب الراي انه مشكلتها نفسيه
بو مشعل: وانا اقول كذا بعد
هزاع: ايش تقول
بومشعل: هزاع؟!!
هزاع: ايوا وليه مستغرب
بومشعل: لا ولا شي
هزاع: لا يابومشعل بتقولي. البنت ماهي طبيعيه لازم اعرف ايش معاها
عادل: اسمحولي انا
بومشعل: مسموح ياولدي
هزاع: قول يابومشعل
بومشعل: وحده وافقدت امها من خمس شهور وابوها من اسبوع ايش تتوقع يكون فيها
هزاع: بس البنت ابد ماكانت بهالضعف
بومشعل: حملها يهد جبال وانا عمك
هزاع: ايش هالحمل ذا هي قالت لي انو فيه مشكله انتو طرف فيها وكانت بتقولي عليها من شوي بس دخل عمها ناصر واهله وسكتت
بومشعل: اجل انتظر لحد ماتصحى واسمع منها دامها قررت تقولك
هزاع: لا انا بسمع منك والان ماراح انتظر لحد ماتصحى انا ايش يصبرني لحد ماتصحى

في بيت عادل
عادل: مسا الخير
منال: مسا الورد على عيونك
عادل: كيفك حبيبتي
منال: مشتاقه لك ياروحي
عادل: وانا اكثر وين العيال
منال: راشد نايم محمد وهزاع يلعبو مع بعض
عادل: ناديهم خليهم يتغدو معاي
منال: هههههههههههههههه تغدو قبلك
عادل: وكيف يتغدو قبل ابوهم عاد هذا كلام
منال: ياروحي توهم صغار ومايستحملو يصبرو زينا
عادل: طيب اكل مع مين انا
منال: عندك امهم لحد الان ماتغدت اناديها تتغدى معاك
عادل: امهم ياربي وانا كل يوم بجلس اتغدى معاها ابي وجوه جديده اناظرها
منال: كذا ياعادل طيب اجلس تغدى لحالك وبشوف من تتغدى معاك
عادل: ههههههههههههههههههههه تعالي طيب
منال: لا
عادل: منال والله امزح معك
منال: ياثقل مزحك
عادل: مزحي تقيييييييييييييييييييييييييل؟!! عسل على قلبك
منال: الا بصل وانت الصادق
عادل: هههههههههههههههههههههه
منال: ايوا اضحك انا الغلطانه الي جالسه انتظرك واقول بتغدى مع حبيبي الاكل معاه احلى
عادل: ياروحي انتي
منال: واضح اني روحك روح دور لك على وجه جديد واجلس ناظره يمكن يفتح شهيتك على الاكل
عادل: ههههههههههههههههههههههه يازعول والله امزح
منال:.
عادل: طيب انا اسف
منال:.

عادل: تعرفي احب ازعلك عشان اراضيكي
منال: طيب انا زعلت وبشوف كيف تراضيني
عادل: شوفي اذا مارضيتي بالطيب تراني براضيكي بالغصب
منال: والله !!!!!
عادل: أي والله
منال: هاه
عادل: منال طاوعيني احسن
منال: ايش بتسوي يعني
عادل: اول شي ابي اخذ بوسه
منال: احلم
عادل: هههههههههههههههه وبعدين ماراح افكك من يدي غير
منال: غير ايش
عادل: غير
منال: ايوه غير ايش
عادل: نجيب اخت لاولادك
منال: ههههههههههههههههههه لا خلاص رضيت
عادل: رضيتي اكيد
منال: ايوا ايوا اكيد
عادل: اقول كاني اشوف لسا فيه زعل بسيط
منال: لا لا رضيت خلاص
عادل: طيب ماعندك شي تعطينه هالمسكين الي راجع من الشغل تعبان
منال: الا عندي
عادل: يلا هذا انا ناطر
منال: يلا
عادل: وين رايحه
منال: ماتبي شي اعطيك ياه رايحه احط لك الغدا
عادل: ههههههههههههههههههه طيب يا منال انا اوريكي
منال: هههههههههههههههههههههههههههههههههههههه
عادل: انا مع العيال يا منال
منال: ها قررت تلعب معاهم
عادل: فيها شي؟ بلعب معاهم الان وبعد شوي اخلص لعب مع امهم
منال: ههههههههههههههههههههههههههههههه والله اني بذبحك
عادل: واهون عليكي زوجك حبيبك تذبحيني
منال: والله ماتهون لسانك هذا يبيله قطع
عادل: ما تصبري من غيره ياروحي تموتي على لساني
منال: اتركهم طيب وتعال تغدى
عادل: يلا
منال: ايش اخبار سما
عادل: والله هالبنت كاسره خاطري
منال: اليوم لما شفتها ماعرفتها ضعفت كثير وجهها اصفر والتعب باين عليها كثير
عادل: لسا من شوي حرارتها ارتفعت مره وحده هالبنت حساسه كثير
منال: وانت ماعرفت ايش فيها
عادل: الي فيها نفسي يا منال ماهو جسدي
منال: الي شافته هالبنت ماهو قليل
عادل: انتي تعرفي عنها شي حنا ما نعرفه
منال: اكيد اعرف هي صاحبتي من سنين
عادل: طيب قولي لي
منال: لا طبعا تبغى تعرف شي روح اسالها هذي اسرارها وأأتمنتني عليها اقوم اقولها لك
عادل: هي على علاقه باحد
منال: مين سما؟!! ياليت البنت هذي طبعها غير عن البنات كلهم
عادل: كيف يعني
منال: ذكيه جدا قويه جدا عنيده جدا عصبيه حاده تجي عند موضوع الزواج ومافي اضعف منها
عادل: غريبه
منال: ايش اخبارهزاع معاها
عادل: مجنون بيها
منال: هههههههههههههههههههه عارفه عنه
عادل: من جد اقولك اخاف يجرا عليه شي من كثر حبه لها
منال: هو جاها
عادل: هذا كل يوم عندها
منال: من صدقك
عادل: أي والله من صدقي
منال: واخوانها
عادل: لا عادي هم عيال عمتنا
منال: داريه بس ولو ايش بيقولو عنه
عادل: اجل اسمعي هذي
منال: خير
عادل: امس لما شافها تعبانه قرر يسفرها
منال: والله!!
عادل: اليوم عاد لما دق علي يسال عنها وقلت له انه ارفعت حرارتها مالقيته الا واقف على راسي يصارخ يبي يسفرها يتطمن عليها
منال: مسكين والله يحبها
عادل: انتي ماكلمتيها عنه
منال: انا؟ لا
عادل: ليه يا منال كنتي تقولي لها عنه
منال: لا وانا ايش يدخلني يبيها يروح لخوانها يطلبها منهم بس اقولها عنه ويقولي عنها لا انا هالسوالف ما احبها
عادل: يقولي انو اليوم لما زارها الصباح كانت مبسوطه فيه مره انا بعد شفت السعاده بعيونه بعد ماطلع من عندها بس ما ادري ايش حصل لها

في سيارة هزاع
هزاع: حسام
حسام: سم عمي
هزاع: البيت بكره ينكتب باسم سما وتروح لبومشعل يوثق العقد بمعرفته
حسام: حاضر
هزاع: قول له انو الموضوع الاهم انا شغال عليه وما بهدى لحد ماتنحل الامور
حسام: حاضر
هزاع: مابوصيك خلك ظل لعيال عمي راشد
حسام: انت تامر
هزاع: خلك على صله قويه بسامي
حسام: كيف يعني
هزاع: اذا بغيتك تروح تشتغل معاه تروح؟
حسام: واتركك لا طبعا ما اروح
هزاع: انا محتاج لعيونك تكون عندهم
حسام: حتى اقولك اخبار عمتي سما
هزاع: تقرا افكاري يا حسام
حسام: وانت من بيكون معاك
هزاع: ماني مهم المهم عندي أمان سما
حسام: وانا حاضر دام هالشي بيطمنك وبيخليك مرتاح تطمن دامي معاها
هزاع: انت عزيز علي يا حسام انت اخوي الصغيرلا تتوقع اني اتركك بعد هالعشره بالساهل بس ما اقدر أأتمن على سما لحد غيرك
حسام: شوف الي يرضيك وقلي عليه
هزاع: انا بغيب يمكن اسبوعين
حسام : ايوا بس انت قلت يومين
هزاع: عارف في شغل جديد غصب عني اتأخر
حسام: علي انا ياعمي أي شغل جديد ذا
هزاع: موضوع جديد لا تقلق انت
حسام: ما اظن
هزاع: ماتظن ايش
حسام: انا حاسس بتعبك من كنت مع بومشعل اشوف الهم باين بعيونك كأنك مصدوم من شي او عرفت شي ازعجك انا عارفك ياعمي صارلي سنين معاك انت تبي تبتعد وبس متأكد ماهو شغل يمكن تبي تفكر وانت لحالك واذا ما خاب ظني اكثر الموضوع بكبره متعلق بعمتي سما
هزاع: لا تشغل بالك انت بس اذا كنت عزيز عليك زي متقول خلي بالك عليها وقولي كل شي يصير معاك
حسام: طيب انا كيف بدخل على عمي سامي واقوله اني بشتغل معاه
هزاع: لا تقلق انا بتصرف
حسام: خلاص توكل على الله
هزاع: الو
.: نعم مين
هزاع: انا هزاع ياسما
سما: .
هزاع: سما
سما: هلا
هزاع: مالك
سما: ابد خير فيك شي
هزاع: سلامتك انا رايح المطار الان قلت اسلم عليكي
سما: بالسلامه
هزاع: انا رايح اسبوعين
سما: اسبوعين؟!! انت قلت يومين
هزاع: معلش جاتني ظروف اجبيرتني
سما: اه عرفتها
هزاع: سما
سما: خلاص هزاع خلاص
هزاع: مابيكي تزعلي مني
سما: لا زعل ولاشي الموضوع عادي
هزاع: انتي يمكن منتي عارفه ال
سما: انا عارفه ومقدره لا تقلق علي انا بخير
هزاع: شوفي ياختي
سما بهمس: اختك!!!!!
هزاع: سما سلامتك الان اهم من أي شي اسمعيني كويس موضوع البيت انا حليته خلاص بكره تروح الاوارق لبومشعل حتى يكمل عملية التوثيق سما انا مسافر وبترك حسام حارسي الشخصي معاكي ابي اتطمن على سلامتك ابي كل شي يصير معاكي تقولي له عليه وهو بيعرف يتصرف ابي تأمني على نفسك واخوانك بعد انا اوعدك خلال هاليومين يكون كل شي منتهي بسلامه باذن الله انتي غلاتك بقلبي كبيره انتي اعلم بها
سما: انا سعيده انك ليقيت البيت هزاعانا ماطلبت أمان من احد اذا تبي تساعدني زي مقلت ابي اختي ترجع لي هذا جميل ما بنساه لك غير كذا ما ابغى شي بالمره بالنسبه لحارسك انا مابيه وما ابي اعرف انه موجود حولي ابد
هزاع: بس هذا يحافظ على سلامة عمرك
سما: هذا عمري وانا مابيه
هزاع: يعني ايش!!!!!!
سما: يعني هذا عمري واذا الموت مكتوب علي ياهلا بيه
هزاع: سما ما احب اسمعك تقولي كذا
سما: انا مالي رغبه اني اعيش وبعدين هذا ماهو موضوعنا
هزاع: ليه مالك رغبه تعيشي
سما:
هزاع: سما ردي علي
سما: هزاع ممكن اطلب منك شي اخير
هزاع: عيوني ليكي
سما: لا تتصل بي مره ثانيه كل شي منتهي خلي اتصالك بخواني
هزاع: منتهي!!
سما: هذا قرارك يا . يا خوي
هزاع: الو الو
حسام: خير
هزاع: سكرت الخط
حسام: سامحني ياعمي بس انت جرحت مشاعرها
هزاع: ادري
حسام: بعد ماجيتني اليوم من عقب زيارتك لها كنت مبسوط مره ياعمي تأكدت وقتها انها بدت تحبك حسيت انو احساسك بالدنيا غير الان صدمتني وانت تصدها ماهو ذا الي تتمناه
هزاع: زمانها تبكي
حسام: اذا حست معاك بالامان اكيد انها بتبكي وبتوت نفسها من البكا بعد انت تتخلى عنها يا عمي
هزاع: انا ما تخليت عنها وعمري ما اقدر اتخلى عنها هذي روحي
حسام: روحك وتتركها ياعمي هذي صار مالها رغبه انها تعيش
هزاع: ماعندي حل غير كذا لازم اختار
حسام: اتمنى انك اخترت صح

هزاع: بومشعل انا ابي.
بومشعل: انا ابي منك رد اقوله للبنت
هزاع: انا توقعت انها تتصل تقولي هالشي
بومشعل: وهي بعد توقعت انك تنتظر اتصالها شوف يا هزاع سما عزيزة نفس حتى لو حبتك انسى انها ممكن تسامحك بيوم عارف لو انك اخترتها انا متأكد انه حياتك كلها بتتغير معاها بس للاسف اختيارك طلع في غير محله
هزاع: لا تثقل علي بلومك يابومشعل
بومشعل: ما اثقل عليك انا انتظر منك رد حتى اقوله لها
هزاع: الي تبيه هي بيصير
بومشعل: ومثل ماقلت لك ابيك تشيل يدك من موضوع سماح والان كم سعر البيت


في بيت راشد
سما: سامي
سامي: ياعيونه
سما: نبي نحدد موعد ملكة فهد على الاسبوع الجاي
سامي: انتي شايفه كذا
سما: ايوا وبنقول انك ملكت في نفس اليوم
سامي: ممتاز
سما: دق عليهم وخلهم يستعدو
سامي: والبيت
سما: زمان عمي بومشعل كلم هزاع وانا متاكده انه بيقوله على سعره حتى يرضيني
سامي: انتي منتي زعلانه
سما: من ايش
سامي: من موقف هزاع
سما: لا عادي
سامي: انا شايف انك متضايقه
سما: هذا ضيق سماح ماهو ضيقي احس اني عايشه معاها بس للاسف ما اعرف هي وين
سامي: يعني ماتفكري بهزاع
سما: ولا جا ببالي انا توقعت هالشي وانتو تدرون
سامي: الغريب انه.
سما: خلاص عاد الرجال ماينلام على الي سواه هذي سمعه ياسامي وهذا سوق
سامي: كيف عرفتي انه بيختار شغله
سما: ابوي مره قالي انو التاجر اكبر خوفه على اسمه اذا اسمه هزته الريح بيتأثر مستواه في دقيقه قدام التجار وهزاع ماعنده اسم بس عنده معارف وكبار اكيد بيخاف على اسمه يتأثر قدامهم شغله بيتعطل اذا اهتزت ثقة الناس فيه اعذرني شوي ارد على التلفون الو
جابر: انا جابر يا سما
سما: هلا عهود
جابر: عهود اكيد في احد جنبك
سما: الحمدلله اجرنا واجرك
جابر: ماراح اطول عليكي اكيد انهم حولك اتصلت اقولك الي بغيته انا وصلته وانهم بيكلمونك اليله الساعه 12
سما: حبيبتي انتي والله
جابر: بحياتي مما سمعتك تقولي حبيبي سما ياحلوها من لسانك ياسما
سما: البيت بيتك تشرفي في أي وقت انتي واهلك
جابر: ياليت لي اهل غير اهلي هذول مكنت تنازلت عنك بسهوله ياسما احبك يا سما احبك
سما: اشوفك على خير ياعمري سلمي على الوالده مع السلامه
سامي: جاينك؟
سما: لا يسألو بس هذي صاحبتي وامها يسألو عني بس
سامي: طيب نكمل كلامنا
سما: ايش كنا نقول
سامي: عن الملكه

الجزء السادس

سما
ليه أمان المرأه دايم مايصير الا بوجود رجال حولها ليه انا ادور على الامان هذا انا عندي بدل الرجال 6 الله يحفظهم ويخليهم لي ليه ما احس بالامان نفسي افهم ايش ابغي كان عقلي رافضك ياهزاع ليتني صدقت عقلي ليتني تبعت عقلي اه يانبض قلبي زادت سرعتك تخلى عنك اول شخص تتعلق فيه يا مسكين ياقلبي مالحقت تفرح ولا لحقت تحس بالامان الي تدور عليه

****************************
بيت بومشعل -غرفة البنات-
ساره بفرح: نور . يانور
نور: خير ايش فيكي ايش صاير
ساره: ابوي يقول لقو البيت
نور: والله الله يبشرك بالخير
ساره: ابوي يقول جهزو نفسكم
نور: ايوا اكيد انا طلعه اجهز
ساره: وانا رايحه اقول لامي
نور: وانا بدق على سامي
ساره: انا بسبقك وبدق على فهد الو
فهد: هلا والله
ساره: هلا بك
فهد: كيفك ياعمري
ساره: طايره من السعاده
فهد: دريتو عن البيت
ساره: ايوا ابوي من شوي مكلمني وقالي
فهد: مبسوطه
ساره: كثير كثير كثير
فهد: ومبسوطه كثير ليه
ساره: عشان بنتز
فهد: هههههههههههههههههههههه وفرحانه عشان بنتزوج
ساره: انا قلت كذا؟!!
فهد: ههههههههههههههههههههههه لا ماقلتي انا قلت
ساره: فهد
فهد: ياعيونه
ساره:
فهد: قولي الي بخاطرك
ساره: انا ودي اقولك عن سما
فهد: عارف كل شي
ساره: لا ما اظن
فهد: يعني ايش
ساره: يعني في اشيا محد يعرفها غيري
فهد: طيب منتي خايفه سما تدري انك قلتي لي
ساره: انا ماني خايفه منها انا خايفه عليها وبعدين انت مابتروح تقولها اني قلت انت بتتصرف كأنك ماتدري مني شي
فهد: حاضر
ساره: اهم شي انها تجي تجلس هنا هاليومين لحد ماننتقل
فهد: وهذا الي سامي يسويه بس هي ماهي راضيه
ساره: انا بقول لنور تجي عندكم حتى تجلس معاها
فهد: ليه انتي لا
ساره: اجي ايش اسوي
فهد: سما ترتاح معاكي اكثر من نور تعالي انتي
ساره: لا اذا جيت الان بكون غريبه بينكم بس لما اتزوج بتكون المسأله مختلفه
فهد: وهذا يعني يافهد عجل بالزواج تراني مستعجله
ساره: فهد!!!!!!!!!! انا قلت كذا
فهد: ايوا انتي قلتي
فهد: ايوا انتي قلتي
ساره: حرام عليك والله مو قصدي
فهد: عارف ياروحي والله عارف لا تقلقي انتي ولا تستعجلي تقولي لنور نبي نجلس معاها حنا الاول ونشوف ايش بنقرر
ساره: خلاص الي تشوفه

****************************
في مكتب بومشعل
بومشعل: الو كيف حالك يبا
سما: هلا يبا
بومشعل: ايش اخبار حبيبتي اليوم
سما: كويسه
بومشعل: زعلانه مني
سما: انا!!! وليه ازعل
بومشعل: انا تسرعت وقت الي قلت لهزاع
سما: عمي موضوع هزاع منتهي قبل لا يبتدي
بومشعل: يعني ايش؟
سما: يعني انا عارفه انه هذا بيكون اختياره وما الومه
بومشعل: بس انا حاس انك تعلقتي فيه
سما: ايش تقول ياعمي كان قدامي طول عمري وما تعلقت فيه الان بتعلق انت غلطان انا محتاجه له يرد اختي وبس
بومشعل: طيب يايبا هزاع لقى لنا بيت ممتاز واوراقه وصلتني وباقي التوثيق
سما: طيب وايش منتظر
بومشعل: هزاع يا سما كتب البيت باسمك
سما:.
بومشعل: سما
سما: معاك يا عمي
بومشعل: ايش قلتي
سما: لا طبعا انا ما انتظر منه يهاديني ياعمي هزاع بيوصله ثمن البيت واذا عارض البيت ذا يرجع له محنا بعازه له عمي
بومشعل: امريني
سما: مايامر عليك ظالم ابي تتصل عليه وتقوله هالكلام انا ما انتظر منه صدقه او احسان انا اذا لجأت له لحاجه بيكون عندي ثمنها قبل لااطلبها وقوله حتى مساعدته بياخذ اجره عليها
بومشعل: بس هالكلام مايصح ينقال وانا عمك
سما: اذا طلع هالكلام منك بتكون عيبه ياعمي بس هذا كلامي انا سما الراشد هو عارف اساسا انو هذا الشي الي بيصير وانا متاكده انه ينتظر اتصالي فياليت انك تسمعه هالكلام حتى يصدق انه مني
بومشعل: حاضر بقوله
سما: عمي
بومشعل: عيوني

سما: تسمحلي اخذ ساره تنام عندي
بومشعل: وليه مو نور ياعمي انتي عارفه انو.
سما: ايوا عارفه خلاص انسى الموضوع
بومشعل: سما انا.
سما: خلاص ياعمي والله عادي اسمحلي خالد يناديني
بومشعل: مع السلامه
سامحيني يابنتي ادري انك محتاجه لساره كثير هاليومين بس اعذريني ماكنت اتوقع انو هزاع يتركك ويمشي كذا صدقتي بكلامك يايبا توقعت انه بختارك على شغله اجل كيف حبك كل هالسنين كيف رفض يتزوج غيرك كذا ياهزاع ماني قادر اصدق انك سويتها وتركت سما حبيبتك وايش يعني مشكله واكيد لها حل كنت تتأكد الاول وبعدبن تقرر ماهو كذا ياهزاع ماهو كذا ابد البنت ياعيني عليها عزيزة نفس مابتقدر تشتري خاطرها الي انكسر ببيت تكتبه باسمها ياهزاع ماهي قاصره عندها الي يكفيها ويزيد اتصل عليك احسن
بومشعل: .الو
هزاع: مرحبا بهالصوت
بومشعل: اهلا
هزاع: هلا بك ايش اخبارك واخبار الي عندك انشا الله كلكم بخير يا بومشعل
بومشعل: تمام
هزاع: ايش فيك جاف معاي شكلك شايل على يابومشعل
بومشعل: لا ابد
هزاع: بحياتك ماكنت معاي جاف زي كذا
بومشعل: لا عادي مافي شي
هزاع: اكيد ندمت انك قلت لي صح
بومشعل: ندمت كثير ياهزاع ندمت كثير
هزاع: بومشعل ياليت تعذرني انا تعتب على اسمي انا.
بومشعل: معذور ياولدي معذور
هزاع: خلني اكمل جملتي على الاقل
بومشعل: حتى لو كملتها مراح تستفيد شي مني المهم غيري وانت اعلم بغيري مني
هزاع: تقصد سما هي بخير؟
بومشعل: ماهو مضوعنا الان الاهم انها مارضت على البيت وتقول انها ما تنظرانك تهاديها او تتصدق عليها ثمن البيت بيوصلك واذا عارضت البيت يرجع لك
هزاع: كذا
بومشعل: ايوا كذا انا اشوف كذا بعد هزاع
هزاع: سم
بومشعل: انا اشوف انك تشيل ايدك عن موضوع سماح بعد حنا بنعرف نتصرف
هزاع: بومشعل اذا مافي نصيب بيني وبين سما هذا مايمنع اني اهتم بسماح
بومشعل: سما هي سماح يا هزاع واذا خوفك على اسمك وسمعتك من سما اخاف انك تتظرر من مشكلة سماح بعد
هزاع: افا عليك يا بومشعل والله ماهقيتها منك
بومشعل: معلش انا الي ماهقيتها منك يا هزاع هذي بنت عمتك المفروض انك واثق بسمعت ابوها انت عارف راشد زين مستحيل تخاف على عمرك واسمك من نسبهم يا هزاع

سما: اه اسمع نبي نجهز حفله عائليه بس ولا اقولك شوف البنات ايش يقررو وحنا ننفذ هذي سعادتهم مابي سعادتهم تكون قاصره ابد
سامي: ماراح تتكلمي معاهم وتتفقي على الي يبونه
سما: نور اكيد بتستحي مني وساره بعد خلهم يقولو لكم ايش يبون انا ابي ارتاح احس بتعب
سامي: طيب روحي انا اكلم نوروجايك
ساره: وين رايحه انا جيييييييييييييييييييييييييت
سامي: وحنا مانعرف نرتاح ابد لازم تدخلي باهالازعاج ذا كله
سما: ساره !! روحي والله
ساره: ماقدرت اقاوم وانتظر لبكره حتى ازورك
سامي: ماقدرتي تقاومي جيتك لزيارتها ولا زيارة فهودي
ساره: سما ياروحي تعالي ابيكي بكلمة راس بعيد عن العذال خليهم يموتو قهر
سما: هو اساسا بيكلم زوجته
ساره: لا تكلمها تراها جايه وراي
سامي: وليه ما انتظرتيها تدخلو مع بعض
سما: انتظري بس اسلم عليها
ساره: هاه روح انت انتظرها تعالي تعالي اتركك منهم بيشوفو بعض وبينسونا
سما: والله اني كنت بموت لو ما جيتي
ساره: وانا اقدر ما اجي
سما: ياروحي انتي
ساره: يلا قولي ايش عندك
سما: ماعندي شي غير اني .
ساره: حزينه على هزاع
سما: حزينه على نفسي
ساره: بعيد الشر ليه كذا بس
سما: كل الي تعلقت فيهم يتركوني تخيلي اني ماكملت يوم وانا احب حبي دام اقل من يوم تخيلي
ساره: مو مهم المهم انك عرفتي الحب عرفتي شعوره وجربتيه
سما: وايش اعمل بالتجربه دامها ما اكتملت
ساره: ماهو شرط انها تكتمل هذا النصيب اكيد خيرك ماهو معاه
سما: صح كنت اكذب احساسي واقول انه بيفاجأني وبيصر على وجودي جنبه كسر نفسي لما عرفت انه تركني تخلا عني ومشى
ساره: ماكلمك ؟
سما: بعث مسجات كثيره يعتذر فيها بس من غير مايفتح الموضوع او يبرر
ساره: عارف انك فاهمته
سما: ايوا عارف هالشي زين
ساره: ولو رجعلك عقب هالمشاكل ماتنحل بترضي فيه
سما: على جثتي على جثتي ياساره اذا هو تخلى عني ومشى من اول مشكله واجهتني اجل بعدين ايش راح يعمل أماني ماهو معاه ياساره كنت افكر لو اني متزوجه منه الان ايش راح يكون مصيري معه اكيد بيطلقني اكيد.
ساره: تعوذي من ابليس كنتي تقولي انه معذور بالي سواه
سما: ايوا عاذرته بس لا يحلم اني ارجع احبه مستحيل
ساره: يعني انتي الان ماتحبيه؟!!
سما: حبيت احساسي معاه كان حلو مره

****************************
في الصاله
نور: عقب اسبوع!!
سامي: ايوا عقب اسبوع ايش فيكي
نور: بس مانلحق نجهز شي ياسامي
سامي: يجهز كل شي ياعيوني
نور: هذا زواج ياسامي ماهو ملكه
سامي: وايش يعني
نور: ياسامي نجهز لروحتنا للبيت الجديد ولا للزواج والله اني ما اقدر على هالشي
سامي: وليه وانتي بتكوني لحالك؟
نور: وينها ساره وسما
سامي: استني بناديهم
ساره: لا تنادينا ولا شي هذا احنا جينا
نور: هلا حبيبتي كيفك اليوم؟
سما: بخير وانتي؟
نور: انا الحمدلله تمام
سما: ايش فيكم
سامي: نور تقول.
نور: انا اقول نبتدي من الان نجهز ونحجز للي نبيه ولا تنسون عندنا البيت بعد
سامي: !!!!!!!!!!!!!! كذا انقلب الكلام من غير مقدمات
ساره: فهودي وينه؟
سامي بخبث: فهودك بالشركه ليه مايدري انك هنا
ساره: ياربي يسلمه تظن اني بجي من غير لا اقوله اني هنا اكيد هو جاي بالطريق
سما: طيب انتي ايش في خاطرك تعملي
نور: أي شي بسيط
سما: طيب وين تبون الحفله
فهد: الحفله بنسويها بفندق كبير
ساره: هلا والله
سما: خلاص بفندق
سامي: ايوا تراه ملكه وزواج
فهد: والله من صدقك مادريت
سما: والله عاد تبي تعيش معاها ببيت واحد انت مالك عليها بس
فهد: انا موافق . موااااااااااااااااافق
ساره: فهد اثقل
فهد بهمس: اثقل والله اني سامع دقات قلبك ترقص من الفرح علي انا ها
سامي: اقول عن الهمس ترانا موجودين وبعدين انت ايش قعدك جنبها ابتعد عنها وتعال اقعد هنا
فهد: تراك زودتها وانتي ساكته ماتردي عليه
ساره: كلها اسبوع واعرف ارد عليه الان هو معاه حق
سما: ممكن نركزو شوي سامي فهد ابيكم تسكتو ممكن
نور: حبيبتي اسمعي نبي كل شي بسيط مانبي بهرجه كبيره وانا افضلها عائليه بس نسويها ببيت ابوي وخلاص
سما: لا هذا زواج امكم وابوكم لازم يفرحو فيكم مانبي شي سكيتي نبي نفرح
بومشعل: امهم وابوهم فرحانين بهم وبزواجهم سواء كان في حفله او مافي
سما: الله يخليك لي ياربي
ام مشعل: بس هو لحاله
سما: وانتي قبله الله لايحرمني منكم ابد شوفو عاد نبي نخطط لشي بسيط بس حلو بتصل على وحده من معارفنا عندها رقم وحده تخطط لحفلات بخليها تجي الان
ام مشعل: الان عاد ياسما