الموضوع: روايه أعطني حريتي أطلق يديا كامله

البااااااارت ؛؛ الثاني ‏؛؛ ‏



أبو صقرر : عقاب جاني البارحه ويبي يستعجلنا بالعررس طاح وجهي من كثرر مارده كل سنه نقول له الزمان الجآي لا أعرس ولاعين خير

اللي كبره عياله قدهم يدرسون كله من دلع أختك ماودي أكسر بخاطرها وأجبرها أبيها تجي من طيبة نفسها مانبيها غصايب بس هي الله يصلحها ماتبا اللي يباها

صقرر : أنا أقول نجبرها اسبوع اسبوعين شهر شهرين سنه سنتين ومصيرها بترضى

الرجال مهوب صغير ينتظرها
نهار وماجد اللي أصغر منه قدهم معيلين

أم صقر بشرهه :
يعني تدري إنك موب صغير
وش تحتري أجل

أعرس خل أشوف عيالك قبل تغاب عيني ماشفت ضنآ لك أخبره وراي

وتلاعبهم وينسونك كل هم تشيله في عمرك ذا ولا قدك شيبه


صقر : يمه مهوب ذلحين

أم صقر : أجل متى
البنت راح عمرها تحتريك وأنت راح عمرك في راحة غيرك

صقر فلتت أعصابه : البنت ماحترتني بس ماجاها أحد
وأنا ماقلت بحيرها ولاشي بس عمي لزقها فيني

أبوصقر اللي كان مستمع خل نخلص سالفة أختك ونلتفت لك

.‏ ‏* * *

بدر : محمد أرسل أحد يستقبلني في المطار بطلع للدوام على طول


كان حاس أن حسن مسوي شي بغيبابه مستحيل يفوت هالفرصه ولو عليه ماوكل حسن بس جاه التكليف من منهو اعلى منه


بدر يهوجس بالسياره رايح للدوام

هين ياحسن أنا بنبش وراك وأراجع كل صادر ووارد بغيابي دق على أم مازن بمكتبها

أم مازن ماعليك أمر _ بدر يحترمها كونها أكبر منه وعلى مشارف الخمسين ولأسلوبها المحترم _
ياليت لو تجهزين لي
جرد للخزنة كوني لجنه بأشرافك وألأستاذه المسؤوله عن الخزنه وثنتين من الموظفآت بقسم الآيداعات

أم مازن : بس الشغله بتطول

بدر : ماعليش أضغطوو علآ أنفسكم حتى لو ماتطلعون ألا الساعه 12 بالليل وأنا برفع لكم فيها خارج دوام


أم مازن بعقلانيه : بس استاذ بدر مسؤلة الخزنه لسا بنت وصعب تقعد لها الوقت معنا

بدر : بس استاذه منى متزوجه حسب علمي ومو أول مره تجلس خارج الدوام

أم مازن بحذر : بس استاذ حسن نحا الأخت منى عن منصبهآ
ونقلها لخدمة العملآ وهي مبسوطه بها الشي


بدر بغضب : ومن سمح له

بأي حق

من عطاه الصلاحيه

وليش مابلغتوني

أم مازن : استاذ حاولت ،، بس جوالك مغلق

بدر : أنا على وصول نفذي اللي طلبت سكر منها وهو يتنهد ،،

علينا ياحسون
جايبها من طرفك عشان تلعب أنت وياها
أول قرار بطلعه هو فصلها أو تنحيتها لعمل ثاني وبتشوف


دآئما هناك أعدآء للنجاح

يحركهم الحسد والغيره
ولو فكر بنفسه شوي أنه ماراح يستفيد من حسده شي غير غضب ربه ، وكره الناس له ، وغيره تنهش قلبه لاهو اللي أرتاح ولا ريح ،، ولاحصل له شي من خير المحسود ،،


‏*‏ * *

نوف : لا يعني لا قسم بالله ماخذه لو يطلع الشيب براسي وراسه

والله لأطق منكم أن غصبتوني وماتعرفون لي أرض من سما
‏<‏< كانت مجرد تهديدات

أبوصقر : يابتي تعوذي من بليس مالس الا ولد عمس طال الزمان وألا قصر فخوذيه وأنتي توس صغيره أحسن مايروح عمرس وعمره ماعينتو خير ولاظنا ولا راحة بال


نوف بعناد :
جعلني ماعرس حيات عيني جعلني البندق اللي تشق نحري شق كان خذته جعلني .

سكتها أبوها اللي مسك راسه من باس وعناد بنته


* * *

بتول : مضاوي وش فيك ؟
أحسك منتيب طبيعيه هاليومين


تنهدت موضي :
تشوفين ضحكي وسعة صدري وخاطري معس هنيا
تراه في البيت هم ونكد

نوف باسها بآس وراسهآ راس عقووب ولد عمي دم ضروسها وعقاب ألعن منها راسه صميله << يعني يابس
حالفن ماتاخذ غيره


وصقورر : بياخذ مهيان أدري به مايبلعها مع المآ

وبياخذها بس عشان يخاف لاخلاها تخرب حياة ماجد ،، ونهار ، وجوزا ، وشيخه مع حريمهم ورجالهم خبرس مالنا ألا هالعم وبذر الوسيعه ذر بلشنا بهم ألا غصب ناخذ منهم وياخذون منا


بتول بتغير مودها :
طيب جآك زمانه ،،جبوور ،، ماقلتيلنا عنه

موضي شهقت ورجعت لمودها وهي تذكر قبل يومين :

جعلس الليل ماقلتلس إني شفت جويبر والله يوم شفته ذليت منه خبري فيه شبر ونص مدري وش شحطه لين صار متر ونص !!


بتول : هههههههههه وين شفتيه
لاتقولين طليتي عليه

موضي : لا ليت وقت وبس
يوم الجمعه بعد المغرب ماتحرينا لاحد يجينا


حنيت شعري وقعدت أغسل الحوش وأشطفه عشان يآبس شعري

جا ولد نهور ورشحني بخرطوم المآ

وخبرس بشكلي بالحنا قميص روز أحمرر وكشتي فاردتها عشان تيبس بسرعه وأتناقط مآ لحقته بالشطافه بالعن خيررره

وفرك مع باب الرجال
و بآخر لحظه فرك لشآرع فتحت الباب ووقفت وراه رافعه الشطافه بجلده بهآ

دخل جبور بصفره المغرب
وصرررخت لمن شفته وهو التقت وصرررخ من الخررعه
ههههههههههههههههه

وتنحنا في بعض ثواني ثم حط رجله وهج وأنا صفقت الباب بقوتي مدري كان قرطت رجله وألا يده من الفشيله

بتول : هههههههههههههههه

لازم تعوضينه عن هالهبله تشيكي وأخبطي فيه سوي نفسك ماشفتيه هههههههههه

مضاوي بلكاعه : بسويها بس من عينه << يعني شافه

والله أن يطق من البلآد بلا فواد تلقينه عند المطاوعه شايلينه بدوريه يقرون عليه

بتول : طيب هو عرفك
ماتوقع يدري أنه أنتي

‏ مضاوي : العيال جن من سن ال 10يبدون يخزنون صور هالحريم بعقولهم ويسترجعونها لاكبرو

بعد العشا دق علينا ورديت هذي حزته يكلم أن صار بيجي معه أحد والا بيتعلل عند أحد


موضي : مرحب بالشيخ فهيد

جابر : الشيخ جابر ماينفع

موضي طنشته : العيال طالعين من قبل أمس للقنص وابوي عاده بالمسجد مابعد وصل

جابر : أنتي موضي

موضي بنفسها ياليل أبو البعارين مهوب ممرح ذا الورع :

وصلت خير أنا موضي

جابر بضحكه: وش أخبار حنآس
آربه صبغ
غسلتيه وألا عاده على راسس
والحمر ياقلبي على المقطع الحمرر ينقط رومنسيه مايشبه لمقطع جدتي هههههههه

موضي بفشيله من قال إنه أنا

جابر بنغمة صوت خافته هزت أعمآقها ووسرت رعشه وبرد بكل عروقهآ

آه ياقلبي علآ الشامه وأهلها
لاصارت فوق الشفايف ماودك ألا . وألا بس خلي هالحكي بعد عرسنا


موضي : ألا ياقليل الأدب
تحسبني من خنيزك اللي مطيح معهن بالتلفون بانصاف الليول

وسكرت السماعه قبل لاتسمع رده


‏*‏ * *

بدر بنرفزه : كيف تطلع بدون أذني
‏ وألا تحسب أنها بتهج وبنتركها
عجز بمليون ريال
وبفرعي أنا

هذا أختلاس مو عجز


أنا بسوي تحقيق معها
وياليت لو تكوني موجوده أم مازن راح يكون معي أستاذ سعد وسكرتيري محمد

منتهى : لايمكن أجلس مع ثلاثه رجال
وبدون علم أهلي لا

أم مازن : أنا معك أدري إنك مظلومه
بس مابيدي شي
ماقدامنا ألا الأوراق

بدر : نعم رفضت التحقيق !!
حوليني لمكتبهآ

منتهى : نعم استاذ


تنحنح بدر وبهدوء : بدون شوشره وعشان سمعتك وسمعة أهلك
تعالي مع أم مازن لصالة الاجتماعات
بدل مايجي الأمن يسحبك قدام الموظفين والعملاء

منتهى : رمت السماعه وبكت بانهيار مليون مو سهله

وفضيحتها لو أحد درا

وأهلهآ وأبوهآ

خذتها أم مازن بيدها بحنان :
ساعدتها تغسل وجهآ وتلبس عبايتها

وأتجهو لصالة الاجتماعات


شافها بدر تدخل :
عرفها على طول لان أم مازن ببساطه متينه وطويله جدا

تأمل خطاها متردده
باين عليها التوتر
تلف جزء من عبايت أم مازن بيدها وتفركه بتوتر بعدها تتركه وترجع تجمعه ثانيه

متمسكه بعباية أم مازن من ورا وكأنها طفل بأول يوم له بالروضه !!


ربكتها وتوترها أكد له 60 % أنها هي المختلسه أو ساعدت المختلس على الأقل ؟



عقد حواجبه لشكه فيها وجه كلامه لأم مازن :
تفضلو استريحو
سعد سم بالله وأبدأ بالأسئله


ضغطت لاآرادي على فخذ أم مازن ا للي حطت يدها على يد منتهى عشان تطمنها


سعد : البطاقه الشخصيه لو سمحتي
اسمك سنك شهادتك و.


قاطعه بدر اللي كان يقلب في ملفها وهو منزل راسه والحدة اللي فصوته تلآشت

وبخاطره عرفت تلعبها صح ياحسن طعنتي بسكينتي

بدر بأشاره بيده أخ سعد أخ محمد تفضلو مكاتبكم وأتركونا

فزت منتهى واقفه وبأشاره بيدها لا لا وين يتركونا !!
أنا بطلع !!

كانت خايفه أنه يطلع أم مازن بعد

طالعو فيه محمد وسعد مستغربين وطلعوو

بدر : أجلسي منتهى تعرفين أنا مين

هزت راسهآ بموافقه : أستاذ بدر ، مدير البنك

بدر : وهو يركز بعيونه عليها
بدر سعود محمد البدر ،، ولد عمك سعود


‏*‏ * *

بمكآن آخر في نفس الثانويه

جمع بينهمآ الشيطان ،، وسول لهمآ برآءة فعلتهمآ


نوره : آه ياقلبي يحبني ياأمل

قلت له بعد ماتوطدت علآقتنا إني مو حلوه قال عادي
مايهمني أنا أحبك وأبيك أم لعيالي وخذ رقم أبوي بيخطبني منه


أمل لاتحلمين أهلك يوافقون عليه غير أنه بلا وظيفه أنتم قبايل وهو خضيري !!

نوره : وش فيه الخضيري
مهوب أنسان مثلنا ياكل ويشرب ويصوم ويصلي

أمل : نوره أكيد أهلك يدرون إنك تطلعين معه

أكيد مايدرون بس ورب البيت هي 5 مرات اللي طلعت معه وكانت في كافي أو مطعم بوقت الدوام

ماأنكر حاولت أغريه وأتجاوز اللمسات فقط عشان يتمسك بي أكثر وعطيته ضوء أخضر بس رفض وبشده

‏<‏< قصه هاتان الفتاتان حقيقيتان وليست من نسج خيالي >>


أمل نزلت راسها ياحظك أنا م شهر وبتردد طلعت معه بشقة أخته اللي كانت مسافره وصار اللي صار ومن يومهآ ماعاد عدناها بس للآن يكلمني


‏ أمل وحيدة أمها وأبوها العجوزان وفرا لها كل سبل الراحه واحدث التقنيات
وقتلها الفراغ والوحده لتوجهه أسوأ توجيه



نوره : نشأت بين تسع بنآت
وأب يشتكي شظف العيش

بحثت عن الحنان في إطار البيت فلم تجد سوى أب يعود مسآء منهك القوى ليوفر لهن لقمة عيش بالحلآل وأم صبوره تنهك نفسها بالتعب في شؤون المنزل والبنات والزوج والروماتيزم


خرجت نوره تنشد موردا غير موردها لترتشف جرعات من حنان وأن كانت مغمسه بتريآق



‏"‏ انتهى البارت "

لانقول وداعآ ولكن إلى لقآء "

،،‏ ‏‏ الباااارت الثاااالث ‏،،‏ ‏



أبو سالم : بنتس مهيآن بدالهآ نصيب اليوم ابن عيد خطبها مني اليوم بعد صلآة الجمعه عقب مآأقفوو الريجايل من مجلسنا


أم سالم متعجبه : وولد أخوك صقر

أبو سالم : أنا مارديت عليه ، الرجال مابه شين يعيبه وولد أختس مهوب لم عرس بشاور البنت وأشوف


أم سالم : ريح عمرك مآهيب باغيته وعنده حرمتين وشلقت بزارين وهي في رجا صقيرآن


وطرت ببالها فكرره وابتسمت لأبو سالم وهي ناويه تقوله عليها


أحيآن الحريم تخطط وتدبر والرجال لاصار محتآر ماله ألآ ياخذ بالدبرره


‏*‏ * *

جوزا صقر تكفى شور على سالم عشان نتعالج برا يقولون فيه دكتور بالأردن شاطرر محدن يعالج عنده ألا شهر وألا شهرين وربي مكرمهم

صقر : هذي السوالف بينس وبين رجلس مقدر أحاكيه فيهآ

جوزا : حاكه بطريق غير مباشرر هو يقدرك ويوثق برآيك

صقر : مع أن رجلس ماله ألا علمه بس بحاول


موضي نزلت من الدرج وسمعت آخر الحكي

موضي : اللي مالهم ألا علمهم واجد

صقر بابتسامه : كن مهوب أنا اللي مقصود

نوف من ورا موضي :
ههههههههه ألظاهر أنا وأنت صقورر

صقر يبي يقهر موضي :
وش أخبار المها
آربهآ طيبه
مالها شووفه

موضي بغيظ :
خبري في مهيآن وتخب عليها وش جابها المها

صقرر : عيب موضي أحشميها بنت عمس وبنت خالتس وقريب مرت أخوس

وقبل لاترد وجه كلامه لنوف :
أبوي ما حاكاس اليوم

نوف زفرت بضيق : لا

صقر : جايس خطاب غير عقاب بس مالس أمل وعقاب وراس تركهم وطلع لأمه اللي تسقي نخلها اللي بالحوش


‏*‏ * *

بدر : ماعليش أم مازن أتركينا شوي

منتهى : لااااا بروح مع أم مازن وكان عندك حكي وصله مع أم مازن


بدر وقف وسفهها أشر لأم مازن تطلع وأعترض طريق منتهى


بدر : ارجعي اجلسي بفهم منك وأفهمك

وبترك الباب مفتوح
رجعت جلست بعد ماشافت ام مازن راحت

وبحده نعم

بدر : بعرف كيف صار العجز أو الأختلاس أن صح التعبير
وين راح المليون يامنتهى


منتهى بقهر احترم نفسك استاذ بدر أنا مو سراقه قسم بالله ماخذت هلله وحده بجيبي

جاني أمر صرف مليون ريال من أستاذ حسن وبأوراق رسميه ومختومه

نفذت أمر الصرف ومعي لجنه
بس للأسف ماكانت أم مازن معهم بعدها بأسبوع اختفت الأوراق من الملف وسألت الاستاذات اللي وقعو معي بس أنكرو وبشده

يمكن خافو يتورطون معي بشي

كان ينقل عيونه بين عيونها اللي تلمع بالدموع ويديها اللي تحركها يمين شمال فوق تحت في محاوله لها للتوضيح أكثررر شتت ذهنه بعد ماكان مركز معها في البدآيه

وأفكار تجي وتروح تشبه لسعود أخوهآ وألا حمد ‏ والا محمد بس ماظن يمكن فيصل



صحى من سرحآنه علآ صوتهآ
فهمت أستاذ بدر

بدر بحرج ‏ : معلش عيدي اللي قلتي ‏

منتهى بغيظ وحاسه أن قصده يحقررها بكونه ماأهتم لها وهي متحمسه وتدافع عن نفسها ‏
عادت اللي قالته ببرود ‏ وهدوء أكثرر

بدر باهتمام : مشكلتك إنك كبش الفدآ جيتي بوجه المدفع

منتهى : نعم
مافهمت
وش قصدك

بدر : أنا بحاول أحل الموضوع قبل لايطلع من يدي


وأنتي لاتردين علآ أي أحد يسألك واضح أن اللي سواها أكيد بينشررهآ



‏*‏ * *


بعد أسبوع من خطبة ابن عيد لمها

وفي مجلس أبو سالم اللي أتصل علآ أخوه وعياله عشان يتعشون عنده ‏ وماقالهم مناسبه العشآ :

أبوسالم : والله يابن عيد انت ماترد وقليل جنسك بس شورها مهوب لاعندي ولاعندها عند ولد عمهآ


وأشر لصقر اللي يجلس يمين الشيخ اللي كان جايبه أبو سالم عشان لاتمت خطته يستغل الموقف ويملك لصقر ومها علآ طوول

صقرر مستغرب الجلسه وحاس فيه مؤامرره


رفع جسمه شوي وقدمه وهو ناوي يقلب عليهم الطاوله


‏ قال : بنت عمي شيخة البنآت وماودي أرخص بها لحد


" هنا استبشر وجه أبو سالم وعياله ونوف وأمها اللي قاعدين يتنصتون على كلام الرجال عشان يعرفون وش بيصيرر


غيرر أن ماودي أوقف نصيبها ويروح عمررها وهي تحتريني وأنا مابعد جهزت لا لعرس ولا لغيره

ومنب مرخصهآ ألا لشيخ يستاهلهآ مثلك وشرواك

وأنا الشاهد الأول

انحرج أبو صقرر من كلام ولده كان وده أنه يرفض ويملك له مهوب عشان بنته عشان أخووه وهو ماله ألا هالاخوو


أبو سالم أنكسرر خاطره كان وده يجوزها لولد أخوه رجال ينشرا غير أنه توه ولد مابعد أعرس

تنهد بنفسه طلعت منها ياصقر ببياض الوجه وفكيت نفسك
أدري أن مالك خاطرن بها بس قلت يمكن لا خذاها يتغير شي


أبن عيد ماعليك زود جزاك الله خير
وأبشر باللي تستاهله >> يقصد العطايا عشان خلا له بنت عمه


صقر : راسك سالم بنت عمي ماتقدر بعطايا نبي منك السترر والحشمه والقدر



أم سالم : سحبت بنتها وطلعتها فوق خافت تفضحهم بصوتها وهي تنتحب


مها تشد في ملابسها وشعرها ودموعها تذرف :
حسبي الله عليك ياصقرر حسبي عليك

أحتريك لين صكيت الثلاثين تاليتها ترخصني لأبو مرتين وعواله 15

جعل ربي مايوفقك
جعل ربي يقهرك مثل ماقهرتني
جعلك ماتشوف الولد حيات عينك
جعلك ماتهنى
‏ جعلك .

بس هين هالشيله مهيب على مره كان خليتك تهنا بعمرك

وقضت ليله من أتعس ليالي حياتها

في حين أبن عيد من أسعد الليالي في حياته
لأنها أول زوجه عذرآء ياخذها

زوجته الأولي كانت أرملة أخوه أخذها عشان عيال أخوه مايطلعون من العايله !!!!!

والثانيه مطلقه يتيمه شيمته وفزعته خلته يأخذها لأن مالها أحد بعد ماتطلقت وحب يكسب فيها أجرر

‏
‏*‏ * *

صرخت موضي بفرحه ورمت نفسها على أخوها وكأنه هو اللي معرس

مبروك ياخوي مبروك
ربي يحبك أن شآالله لانه فكك منها


ابتسم صقر هالمره وهو يبعدها عنه عكس كل مره يتنرفز ويعصب

بس لانه أسعد منها ولو مابين هالفرحه لكن واضحه لو اخفاهآ في ملآمحه المرتاحه


وخري كتمتيني يالناقه قالولس معرس عشان تباركين لي


موضي : نذر بهالمناسبه لعشيكم من وسحبت بوك صقرر بخفه وخذت 500 ريال

‏ وكملت من بوك الشيخ صقر
ورمت عليه بوكه

ضحك هههههههه وهو يرجمها بعقاله

مهوب الليله لا يدرون حريم خوانس يزعلن


‏*‏ * *

منتهى : من يومين مانمت زي خلق الله

أنا وش بلآني بالبنوك ومشاكلهآ

مقدر أقول لأبوي
أنا متعهده له بعد ما أصريت أتوضف أني ماأشكي ولا أبكي له

أجيه هالحين بمصيبه
قطع هواجيسها ‏ صوت جوالها يدق

أستغربت الرقم المميز بس ما أهتمت هي متعوده ترد علآ أي رقم غريب

عشان خواتها وبنات عمها يغيرون أرقامهم باستمرار مو غريبه

بس الغريب تميز الرقم


ردت : نعم

السلآم عليكم

منتهى : وعليكم نعم من تبي !!

شكلك ماعرفتيني أنا بدر ولد عمك أو مدير البنك

منتهى بغيظ : أستاذ بدر لو سمحت مشاكل الشغل بالشغل
مالك حق تدق على جوالي أبد
تدري أنا مارضآ
وأبوي واخواني مايرضون


بدر : أذا تبين أهلك يدورن أنا قريب بيتكم بأقلط وأقولهم ع السالفه


منتهى بشهقه : لا ، أمانتك ماتقول لاحد ،،
أبوي يمكن يروح فيها بسكته والا جلطه بسم الله عليه ،


بدر : اجل اسمعيني
أنا سددت المبلغ من حسابي الخاص مو عشانك عشان اللي ورطوك يبونها فيني


بكره تتركين الشغل نهآئي
وألا بقول لهلك

منتهى بعد ماتطمنت رجعت لها القوه

مستحيل اللي معي بقسمي وام مازن يدرون بالأختلاس مابي أترك الدوام وتتأكد شكوكهم وبكره بداوم ومايحق لك تفصلني دام العجز انسد

وسكرت بوجهه السماعه قبل لاتسمع رده

‏* * *



أمل : نوره أنا حاسه بحاجه فيني متغيره أنا خايفه موت لي شهر ونص ماجتني الدوره


‏ بعد مانسوي الخطأ نبدا نفكر في النتائج ولو فكرنا بالنتآئج قبل لانسوي الخطأ كان ماسوينآه


‏ نوره شهقت
وش قصدك
حمل يعني


أمل نزلت راسهآ : يمكن


نوره : طيب جيبي لك تحليل حمل منزلي وتأكدي

واستعجليه يجي يخطبك هو قايلك باتزوجك بعد اللي سواه علآ طول



‏*‏ * *

موضي : بتله أبشرس أبشرس

بتول : ومرض أن شآالله كم مره أقولك بتول توته مو بتله

موضي : جعلس القوم أي سعيد أخي مبارك
ماطاح ألا أنبطح

عليكم يالحظران أسامي تجيب المرض
بتول ، وسن ، بيان ، جنان وآخر نكته جاكلين وروز ‏
هههههههههه

بتول : ههههآأااي بايخه ماتضحك

اجل مثل نجر ‏، محماس ، طلق ، جوزا ، نوير ، وأحلآ حاجه وحش ‏
هههههههههههه

موضي : جعل الجحش يتربق ببطنس عاد ماقلتي ألا أشين ماعندنا

عندنا محمد . وناصر . وفهيد .
ونوره ونوف واحم احم محسوبتس مضآوي


بتول : ههههههههههه
طيب ودي أعرف سر تصغيركم للأسمآ نوير ، فهيد .


موضي : لبى قلبس ماتعودتي علآ الدلع هذا دلع

مهوب مثل دلعكم السامج يالحظرآن
ميمي جيجي
شوشو ميدو

كله خيطي بيطي خرآط ماله سنع

نسيتيني ماقلتلس البشاره

بتول : ههههههههه
قولي ولا تكثرين

موضي : مهيآن ابشرس تملكت على شآيب من جماعتنا وحلت عن صقور

بتول : ههههههه حسافه ودي إنها قعدت علآ كبدك

موضي بخبث كجس للنبض : ألا انتم يالحضرآن ماتجوزون البدوان لو خطبو منكم


بتول : هههههههه ‏
تخيلي شكلك أنتي وبدور أخوي
ههههههه بس يبله وحده قويه مثلك تصدقين

موضي : وجع عظم بلآ
أنا أقصد لو صقور خطب عندكم تجوزونه



‏ ‏ ،، انتهى البارت ،،

إلى لقآء متمنيه لكم طيب القرآءه
وتفاعلكم مع القصه

‏ ‏،، البآااارت الرآاابع ،،


حسن : طيب يآبدر قدرت تطلع نفسك منهآ

خيرهآ بغيرهآ ‏
على الأقل طلعنآ حق سفرتنآ لآجآزة الربيع والصيفيه بعد وبآحسن دول آوروبآ

بس يآرب تستر علي ومآينكشف شي

،،‏ آنى يستجآب له ومطعمه حرآم ومشربه حرآم وملبسه حرآم !! ،،



‏*‏ * *

بتول : قدرت أصرف موضي عشآن ماتحرجني بأن البآب يدق وبفتح له بدون لاتعرف ردي


طلعت غرفتي وسكرت البآب وابتسمت كل شي عن صقر أعرفه

سكرت عيوني وآنآ أسترجع بذاكرتي شكله وكل سوآلف موضي عنه

صحيح كنت أتمنى آخذ وآحد أبيض مثل بدر أخوي يآحظ من بتآخذه شكلآ ومضمونآ الله يعينهآ

بس عآدي يكفي آنآ بيضآ اسآسآ السمآر حلوو على الرجآل ‏

فزيت وتوجهت لتسريحتي ‏
رفعت رآسي فوق وآنآ آتخيل كيف بيكون طولي بالنسبه له

أذا النآقه مضآوي ‏ أوصل فوق كتفهآ بشوي فكيف هو

طالعت شعري اللي مدرج تحت كتفي ‏
البدو يحبون الشعر الطويل صح كل الرجآل يحبونه طويل بس البدو بزود

تنهدت أووف وش طرآ علي دآيم موضي تسولف لي عنه مآقد فكرت فيه كزوج يمكن عشآن أحنآ حضر وهم بدو

أوووه ‏ آنآ حطيت منه سآلفه ويمكن هو مآقال بس لقآفه من موضي

وحتى لوو كآن يبي يخطب يمكن أهلي مآيوآفقون

ورآحت بهوآجيسهآ وأحلآم اليقضه


‏*‏ * *

موضي خذني صقر يوديني موعد لآسنآني ولقيتهآ فرصه أحاكيه بعيد عن أهلي

موضي : صقر ليش مآتعرس

صقر : علآ يدس كآن عندس مهرتن طيبه لآتنسين أخيس


موضي : نعبوه ، وين هرجك مآنيب معرس لين يجهز بيتي
وأستعد نفسيآ

صقر : البيت قده جآهز 8 شهور ويخلص

والنفسيه وزآنت وش أحتري

موضي : أمممم طيب وش رايك ببتول بنت البدر

صقر بآهتمام : الحضريه زميلتس

موضي : آيه آنفدآك وش قلت ؟

حك صقر عآرضه ‏ وببتسآمه أوصفي لي شكلهآ آربهآ زينه ؟
وأهم شي ‏ بيضآ خبرس بخوس يلق لق وشعرهآ ابيه طويل مثل شعر نويفه أختس وابيهآ أخلآق ودين

موضي ول ول ول جعلك القوم وش خليت
وش رآيك أخطب لك لميس التركيه وألآ سيرين عبدالنور


صقر آتهبين آخذ هآلخيز خلآص أقطعي هرجس وخلس من ذالسآلفه

موضي : أعصآبك يآلشيخ نمزح نتعجب عليك العذر والسموحه عزالله مآأمرحت معك بنت الحضرآن كآن ذا أسلوبك معهآ

صقر : لآإله الا الله بتحكين وألا

موضي وصفت له بتول وكآنه يرآهآ

موضي عآد الشعر لآجآتك طووله والطول مهب طويله يقآلهآ أطول القصآر

صقر : أبد في طولهآ ماعندي مشكله ودي تجي قصيره أحس آنهآ أنثى ولآهوب طولس كنس نآقة عقآب العفرآ

موضي بغيظ : مآينعرف لكم أن جينآ قصآر قلتو مابيهآ تحك في الآرض وأن جينآ طوال قلتو الأنوثه شرق وأنتم غرب

ويقوا في المرآيه وشوفو خششكم قبل ‏


صقر : نعنبوه من لسآن الله يعين جويبر لآزم نخصم له من المهر كتعويض بدل فآقد لآنه بينطرش مآدار السنه معس

موضي يحمد ربه ويسجد له صبح ومسآ أن الشيخه موضي بنت أبوصقر قبلت به

المهم أحآكي البنيه ؟
صقر أصبري بقلبهآ في رآسي


‏*‏ * *

بدر : لي يومين مآشفت جدتي اللي سآكنه معنآ بنفس البيت

عآدتي لآرجعت من دوآمي أحط رآسي وآنآم لحد أذان العشآ طبعآ أبوي مستحيل يخليني أنآم ماصليت لكن صلآة ا لمغرب أصليهآ بالبيت وأرجع أنآم للعشآ

أدري مقصر بحق أهلي وجدتي بس غصب عني أرجع تعبآن مآشوف وش قدآمي

نزلت شفت في حركه مو طبيعيه بالبيت أدري ضيوف بس شكلهم سبشل

الجوهره أختي جآيه ومعهآ صوآني ‏
بدور تبخر البيت

بتول معهآ الشبشب وتطلع روزه وعيآل محمد والجوهره للصآله فوق وتهددهم مآحد ينزل لحد مآيروحون الضيوف

وبغرفة الضيوف مصفوف حلآ وترآمس قهوه

جلست وصبيت لي فنجآل وخذت حبة دونآت

مسكت بدور اللي تدور بالبخور : وش السآلفه ؟
من بيجيكم ؟


بدور بهمس : عمي فهد وأهله بس لاتقول لجدتي ترآ مادرت


سعود أبومحمد : من دريت من بدر أن بنت أخوي فهد معه بالدوام طلعت بسرعه

عآرف مكآنه وين بيكون سحبت بدر معي ومريت نآصر أخوي وخذته معنآ من تركنآ مآعاد سمعنآ عنه شي ولآشفنآه


منتهى : أووف وش هالعم الأقشر اللي طلع لنآ بعد

مآبي أروح كفآنآ مآجآنا منهم هالعمآن بس أبوي حلف ماحد يقعد خآصه منى أختي


عزيز خآله منتهى أنا حفظت تسمعين لي

منتهى هآت ويآويلك أن ماكنت حافظ

أبو محمد : دقيت الجرس وقلبي يدق معه مدري وش بواجه

فتح لي ولد صغير عمره تقريبآ 7 أو 8 سنوآت
جيت بسلم عليه وأسأله عن أبوه بس نآصر أخوي سحبه من يده وضمه لصدره وأنهآر يبكي كنه طفل

نآصر من عمره وهو حنون وهش ومايتحمل

أبو حمد أنا ماقلت لك لأتفتحون الباب ألا . .


رمى نآصر نفسه عليه بعد ماترك الولد وبكآ أكثر نزل ليديه يبوسهآ وهو يقول سآمحني سآمحني يآخوي أمسحهآ بوجهي

رفعه أبوحمد وضمه لصدره وبكوو مآكأنهم شيآب فوق الستين والخمسين

بدر : كان ودي أقول لعمي عن سوآيا بنته بالبنك عشان يفصلهآ بس بعد اللي صآر تراجعت سالفه من سنين نسينآها

وعيآله ماعدت أذكر أشبآهم زين حتى حمد رفيق عمري نسيته ونسآني

‏*‏ * *

الجوهره : بدر يالله أطلع الضيوف جوو

بدر : لآ منيب طالع بشوف لقآء جدتي بعمي فهد وعيآله

الجوهره : يآحبك للشر غريبه تهتم لشي بس بنآديك لآجا عمي بيدخل اطلع أنت بس الحين ويصير خير


‏*‏ * *
صقر : مضيوي خلآص حاكي البنت عشان كانهآ وافقت نخطبهآ من أهلهآ

ويآويلس مني كآن ذوقس مهوب زين لآعلقس بآذانس في المروحه وأخليس عبره


موضي : لبى قلبي عومه مآكوله مذمومه بس أحلقهآ من لحيه كآن ماطيرت عقلك

صقر : ههههههههه تحرين باللحيه مرجلآنيه وعلومس علوم غانمين

موضي تشققت : نفدآ عوينآتك هالصغآر هذا الحكي الزين

السبت بحاكيهآ وأردلك العلوم


‏*‏ * *
بدر شفت عمي أبوحمد وعيآله بيدخلون على جدتي ودخلت معهم أنآ مآحب أدخل وفي المكان حريم مهوب محارمي بس هالمرره غيرررر



،،‏ انتهى البآرت ،،
ألى لقآء قريب بعون الله

أتمنى أن يكون لبصمتكم أثرر

السلام عليكم ورحمة الله ‏

//‏ البآاارت الخآااامس //


‏ أبو صقر معصي ،، بنآت عمك وبنآت قبيلتك مايملن العين
أشرر على أقربهن وأذربهن وأخطبهآ لك من ذا الليل
لكن تخلي بنيت عمك وتآخذ بنت الحضرآن


صقر مآكآن متعلق فيهآ لدرجة يعآرض أبوه بس مآيحب احد يفرض عليه شي وبعد كان يبي يآخذ بعيد عن قبيلته عشان لآجا بينهم زعل وطلآيب فهم من بعيد السعه مهوب أهل يهمه مايخسررهم


صقر : الله أكبر يآبوصقر هذا عيال عمك
واحدن خذآ له كنديه ‏ لاأصل ولافصل وهجت ببنآته لديرتهآ

والمحكمه حكمت لامهن بحضآنتهن
بنآت حمآيل وقبآيل يتسكعن بشوارع كندا بلا حسيب ولا رقيب

وأخوه العقيم خذآ له مسيحيه وكلت ماوراه ودونه وحدته على الدين عشآن هدآيا وشرآيا أهلها وجيرانها وقرآيبها عقب يوم فضآ البوك
والبطآقه صفرت
والديآنه تحآدوه
وعلى السجن قآدوه

حثت في وجهه الترآب
وقالت له آنا ماخذيت عشان سواد عوينآتك آنا خذيتك عشان الزرق << عملة السعوديه 500 ريال

بآعت أغراض بيته لو فرآشه بآعته وهجت لأهلها

وأبو هادي رفيقك الله يرحمه خذا له هنديه عقب موته ورثته وخذت خويه

‏ وش قومها بنت الحضران ماخذها ؟
أقلها معروف أصلها وفصلها ‏ وأنهآ جآت بالحلآل

أطلع من بيتي وآنا ضامن أنها بتصون عرضي مهوب يدي على قلبي أقول من عقبني على بيتي في غيبتي

وتربي عيآلي على كتآب الله وسنة نبيه ‏ مهوب على رقص وكاس وقلة حيآ


أبو صقر : أجل بهوآك سو اللي في راسك وليآك تجي عقب تشكي مثل النسوان وتقول الحضريه فيهآ مالا فيهآ 0

أم صقر : لا مهوب بهوآه يآخذ من بنيت عمه وهو مايشوف الجآده << الطريق
ولو تشيب عيونه مآخذآها


صقر : أنا عصاكم اللي ماتعصآكم أنتم أمي وأبوي ومالي شور عقب شوركم وكان تبون أهون عن هالعرس اللي ماوراه اللا ضيق الخلق هونت لاني أن ماخذت بنت الحضرآن منيب ماخذن أحد

وطلع ومعدته طآيشه من نفسيته الزفت


موضي قربت لأمهآ وقعدتهآ وهي تحآوط كتوفهآ وتسآيسهآ

جعلني فدآس يآلغآليه وش قومكم على صقير
يوم بغآ يفررح تكآثرتوهآ عليه
نآكدتوه وضيقتو صدره وخربتو فرحته

ماقلنا ربي هداه وفك عقدته عشان يتزوج تجون تحرونه

معجبس حاله
طآف الثلاثين وهو لاولد ولاتلد ‏ يركض لذا ويعطي ذا ويساعد ذا ويوم جآ يبي منكم العون صديتوه موب حق !!


أم صقر تبكي :


من قآلس أني مابآه يعرس أنا ودي ذا الساع أشوفه ابشته وأم عياله جنبه

صقر أول فرحتي
وجآبر كسرتي
ومآسح دمعتي


آنا مآبا مرت الصقر تذوق الويل والمر مثل ماذاقته اميمتي بس عشآنهآ غريبه عنهم ومهيب من ثوبهم

واسترسلت أم صقر بذكريآتهآ


‏ أبوي كان يعرف جدي الجنوبي كآنوا خويآ في البندق << جنود الحرس الوطني

وأبوي لآقده رايحن للجنوب لزوم يمره أبوي وآجد خير وعنده حلآل ذود ،، وغنمان ،،
ويدآين بدوانه ،،

وشاف حال جدي عيشتن قشرا ووراعين كثر الدبآ وزود يربي عيال أخته أيتام

وراتب البندق مغير 2500 يروح نصهآ في أجار لآراح للشمال وفي مصاريف بيته

‏ ‏
كل مآجاهم أبوي حمل الشآص من الخيور عيش وحب وسكر وقهوه وحتى اللحم ماينسآه وكسوتن له ولعجوزه

‏ وجدي استحى من جمايل أبوي اللي مقصده فيهآ وجه الله الكريم


جآته أمي تشل معه الأغراض من الشاص اللي كان أبوي يوطيهآ

قال لابوي يمزح معه ماتجوزني ذا الذآهبه

كان أبوي يسبرهآ وهي تهدف بالبهم وجت تشل معهم


جدي وكنه همين طاحن منه رد الجميل لابوي وهم ورعن طآح عنه

قآل : أتريهآ جآتك هبه وعلي الحرام مايدور كفره ألاوهي معك

أبوي مايحب يرد هدية أحد خص لوه أدون منه عشان ماينتقصه

خذآها معه بعد ماملكو له تلطم وفتح الدرايش من ريحة البهم اللي معه


وصلو لأهلهم ودخلهآ علآ حرمته هي بنت عمه ووحيدت أبوهآ وصآه أبوهآ يآخذهآ وكآنت أكبر منه ب 12 سنه


لأن مالها احد عقب ابوها ألا ولد عمهآ كانت رآجع وهو توه صبي شوفته من الله عيشه

طول وزين ومرآجل ويده ميسوره


‏ قال لبنت عمه خذي هذي طبينس عمرهآ 13 عديهآ مثل بنتس سنعيهآ


‏ عآينتهآ بنت عمه وكانت حرمتن جيده بطآعة ربهآ وذكره مايطيح من لسآنهآ
ويدهآ رطبه للضعيف واليتيم والمسيكين

وقدهآ نفضت بطنهآ من الصيب جآبت علآ ابوي خمسة وراعين مآعاش منهم ألا سعيد أخوي الله يحفظه

عوالهآ اللي مآت بجدري واللي سل واثنين غرقو بالسيل ‏

أمي كآنت قدهآ سويدا من الشموس
وكشيشتهآ مخلآتن على طروقهآ والقمل مسداد مرداد ويعجز المشط يدخل فيه

قالت لابوي : البنت خآويه ذآبحهآ الجوع نظرة عوينآتهآ ساهيه ، وهدبهآ متبرم ، وبطنهآ ضآمرر ، وصوتهآ ذاوي ،،


‏ لاتدخل عليهآ ذي مابعد جآتهآ عآدة الحريم

خذتهآ عمتي وسبحتهآ ولبستهآ من ثويبآت بنيتهآ اللي قد مآتت أكبر بنآتهآ قدهي بعمر أمي يوم تموت


مشطت شعرهآ بمشآط وجدلته ‏ وسوت لهآ قرص ودقته بعسل وسمن وأقط وسوت لهآ دلة حليب بزنجبيل

أمي كلت من القرص والعسل والسمن يتنآقط من يديهآ لين تطققت جنوبهآ من الأكل وشربت من الحليب شرب الهيم


،،‏ يتبع ،،

،،‏ يتبع ‏،،


أبوي وخوانه عآدهم بيتهم واحد ،، وكلن له حجرته ،، والمطبخ كل يومن علآ وحده من حريمهم


‏ جآت امي وشآفت شي مآقد شآفته وبغت تعلم الطبيخ

بس حريم عمآني ووحده من خوآت ابوي مطلقه وقدهآ ساكنه هي ووراعينهآ معنا

لاشافو أمي دخلت تعآينهم وهم يعجنون ويقرصون ويرقون ضفو عجينهم لاتشوفه وطفو مقارصهم

وماخلوهآ في حالهآ يهمزون ويغمزون عليهآ ويعآيرونهآ بهرجهآ ويتهزون عليه


وذاك النهآر دخلت عمتي ام سعيد وشافت امي منطويه وتبكي

نشدتهآ وش فيس
حدن طآقس

‏ امي لا أبي أتعلم الطبيخ بس الحريم لادخلت ضفن عجينهن وشالن قدورهن وطفن ضوهن

عقبهآ عمتي ام سعيد خفرت امي تصك عليهآ بحجرتهآ وماتخلي من يقول ربي الله يشوفهآ

ولاجآ وقت السحر فتحت لهآ وراحت ويآها للمطبخ وعجنن عجينهن وشبن ضوهن وحطن قرصهن وسون حليبهن

عقب ضفن مآورآهن وغسلنه وماكن ذيبن سرآ بليل

دخلن بقرصهن وحليبتهن كلن وصلن ورقدن وساعدهن أن المطبخ بآخر الحوش ولو تذبحين فيه محدن درآبس

أمي مع الخفرآت والقعده انقشع سوآدهآ وتجلآ بيآضهآ وزانت حالهآ وبعد مآجآتهآ عآدت الحرريم استدار بدنهآ وبآن معنقهآ ونبت ردوفهآ وزآن شعرهآ



‏ وبعد سنه من جيت امي أبوي أول كان ينشد منهآ عقب مل ولآ عاد سأل


وعمتي ام سعيد فهمت أمي علوم الحريم وأنهآ في ذمت رجآل ورجآلهآ وش يبي منهآ وماخلت صغيره ولاكبيره مافهمتهآ عليهآ ذلت إنهآ تنفضح في الرجآل


ومرتن جآ ابوي يبي يتعلل عند عمتي
وأول ماجضع جنبه قالت له عمتي

حرمتك غدت مره عآدك تبي الشآة يآلذيب قم كلهآ عآد اللحم غض

أبوي جآ في خاطرره صورت امي بكشتهآ ودثرتهآ قآل :
عآدها دثره

أم سعيد : نفدآك قم عآينهآ الشوف مهوب مثل التواصيف

عآنهآ في حجرة امك الله يسكنهآ الجنه

فز ابوي وهو في خاطره وده يشوف وش جرآ عليهآ خذا المفتآح وفتح الباب بيسر عشان يباغتهآ


أمي قدهآ سآبحه ومتطيبه ونآقضتن الجديل وتلبس بنآجرهآ اللي تشرتهآ لهآ طبينتهآ وتنشد من قصيد أهل الجنوب اللي تقوله لاقدهآتسرح غنمهآ

أبوي شآفهآ وبسرعه نزل نظره وطرف الباب ورجع لبنت عمه يتوكد أنه مهوب غلطآن خآف أنه داخلن علآ حدا حريم خوآنه

‏ عقب عود ،، وقفل البآب وراه ،، بغت تصيح بس هو قآلهآ أنآ رجالس

وقال فيهآ قصيد عيت أمي لاتعلمنآبه مآتت وهي مآقالته لنآ أكيد آنهآ ذالتن من حكين فيه

ومن ذاك الليل وهو مآعاد يمرح ألا متوسدن جديلهآ بعد مآبيحته ام سعيد من ليلتهآ

وأبوي حبهآ ودللهآ وشيخهآ وعطآها الخيط والمخيط

وهي تموت في تراب مواطيه أبوهآ في طيبته ورجالهآ في حنآنه وحبه

بس ماخلوهآ حموآتهآ في حآلهآ ناكدوهآ لاسوت شي طفو عليه ولاطبخت حثو في ترآب لو قهوتهآ لاسآقت لهم الفنجآل كتوه قدآمهآ يقولون مآندري وش حآطتن لنآ فيهآ من طبوب

وعند بآبهآ يحطون أذى وراعينهم كانت صآبره وساكته لاكلمه ولا علمه


وبنهآر جآ أبوي ووطآ برجله في الأذى اللي عند بآبهآ وكانت امي قد معهآ ثلآث وراعين ذيآ فوق ذيآ

هآش أبوي وطآش وحط على أمي يآلوصخه يالعفنه ياللي فيس مآيخطيس أبوي كان متهآوش مع حدا صبيآنه وحط حرته في آمي اللي سكتت ومانطقت بهرجه

نطت له عمتي المطلقه وجت في وجهه قالت :
طلقهآ طلقهآ وأقلعهآ لديرتهآ وأنا ببزا عيآلك

كآنت تغار من دلال أبوي لامي

‏ أبوي نهرهآ : وقآل مآضفيتي وراعينس تضفين وراعين غيرس لو فيس خيرر ‏ منعتيني من مطآلبهآ سدي عمرس ومآعليس من غيرس

طلعت عمتي ذليله منكسره تبكي

ودخلت ام سعيد وشافت أمي ضآمتني في حجرهآ وتبكي وأبوي يترضآهآ

فهمت ابوي السالفه وأن ذا شغل غيرة نسوان وحلف أبوي مآيمرح بهآلبيت ليلتن وحده هو وحريمه أشتلهن معه واستكرآ بيت هو وحريمه ومآتت ام سعيد وأمي مآتقولهآ ألا يمه ولبيه ويوم طاحت عن عمرهآ ماضفهآ غير امي لو قذآهآ تنظفه عنهآ

صفقت موضي : نهآيه سعيده لفلم هندي

نوف : وآنا أقول وين جآني هالزين أثره من جدآني

جوزآ : شوفي فرتس في المرآيه أحد ضاحكن عليس وقآيلس أنس حلوه

نوف : ياشين غيرت الخوات عشان أمي وابوي كانو متصافين يوم قررو يجيبوني صرت زينه وأنتي متهآوشين يوم قررو يجيبونس

شيخه : هآعآد يآم الصقر خلي صقور يعيش ذكريآت جدي بس مع الحظريه مهوب مع الجنوبيه

أم صقر ببتسآمه جعلكن مآتكثرن على الصديق كلتني

البنآت صرخن مع بعض
وآااااااااااااو يعني موافقه

شيخه راحت تبشر صقر
وجوزآ نطت تحب رآس امهآ
ونوف طلعت تجيب الاستريو عشآن يردحون
وموضي جآبت قدر وقآمت تطق علييه

آووووووووي هآاااا وصقور بدو يجوز
آوووووووووي هآ وانفكت عئدتو لخيوو
آووووووووي هآااااا وبدو يآخود بتله بنت هيآ
آووووووووي هآاااا وبدو .

وسكرت فمهآ نوف يخرب بيتس وش هآلصوت ولا أبو بكر سآلم بوقته

‏*‏ * *

بدر : دخل ابوي وعمآني على جدتي قبل لايجون الضيوف وبعدهآ بربع سآعه عطيت الجوهره خبر أني بدخل ودخلت رغم احتجآجهآ تنحنحت ‏
ا
احم احم يآااااولد
سلم بدر وبجرأه وعيون حآده دار بعيونه على العبآيآت اللي قدآمه وابتسم لمن عرفهآ وجلس بتخطيط مقآبل لهآ وهو نآوي يحرجهآ ويعلمهآ كيف طولت اللسآن وقلة الأدب

خلود تساسر منتهى : عمى بعينه شوفي كيف يقز كنه يطالع في تلفزيون بس طخه مزيووون ينعن شكله

منتهى : صدق وقح وسخيف بآين أنه راعي خرآبيط
أوووووف منه بس ساح الميك آب وعرقنآ وه بس حررر

بدر : أدري هي واللي جنبهآ يحشون فيني وأنا أحآكي عمي وأسأله عن أخبآره وأرجع أعطيهآ نظره حآده


وابتسمت بخبث وإنا أوجه حكيي لعمي أبو حمد
//‏ انتهى البآرت //

،،‏ السلآم عليكم ورحمة الله ‏،،


//‏ البآااارت السآاااادس //


بدر : آلآ وش أخبآر حمد يآعمي ؟
دآرت بنآ الدنيآ ‏ وتفرقنآ

نزل أبو حمد رآسه بذل وهو يسترجع سبب فرآقهم

مآعليه طيب هو مسافر لامريكآ سته شهور وبيرجع بعثه تبع شغله بأرامكو وانت يآولدي وش تشتغل

بدر : مآشآء الله بدر بارامكوو
آنا مدير بنك **** ووجه نظره خآطفه بدون لآحد ينتبه لمنتهى يشوف ردة فعلهآ

بس كآنت فيه عيون ترقبه من أول مآدخل ووتمنى لو لفته منه


حصه بنت عمته منيره سمآها أبوهآ على جدتهآ

ودلال بنت عمته ساره بالجامعه لغه عربيه

وساره بنت عمه ناصر بالثانوي


‏ ابو حمد هذا نفس بنك بنتي منتهى أي فرع أنت


بدر وتوسعت ابتسآمته فرع الشمآل قريب من بيتكم

أبوحمد : ألآ نفس الفرع ‏!!
أجل انتبه لهآ يآبوك والله آني مآودي بشغلهآ فيه بس الله يصلحهآ مآسمعت شوري وآنا محب أكسر خآطر بنيآتي ولآ أخآف عليهم ياولدي من اللي مايخافون الله


نزل نآصر راسه بالارض وجلس يحرك أصبعه علآ خدادية الكنبه وكآنه هو اللي مذنب
وسحب عزوز الصغير معه وطلع للرجآل


بدر : والله يآعمي مآورا شغل البنآت بالبنك ألآ مصآيب لو تقعد ببيتك أزين لهآ وألآ تدور لهآ وظيفه بحضآنه وألا مدرسه أهليه أبرك

منتهى : آوووف يتفلسف ع الفآضي قآل حضآنه قآل

انتبهت لخلود اللي عطتهآ كوع من جنبهآ عشآن تنتبه لابوهآ يحآكيهآ

أبو حمد : وش رآيك منتهى بحكي بدر وبيدور لك بعد عقد هو بنفسه

منتهى بغيظ تحآول تحكم بنبرة صوتهآ لآتنفعل

أنا مبسوطه بشغلي ومرتآحه اووظيفة الحآظنه خل يخليهآ لمرته كآنت حآسه أن زوجته بتزعل منهآ بس هو أللي بدآ ويبشآهل
؛ مآكان عندهآ أدني شك بأنه مو متزوج ؛


ضحك بدر : هههههههه ولمع برآسه موآل خل تجي أم العيآل بالسلآمه وتحصل الوظيفه اللي تليق بمقآمهآ


احسآس وآحد بثلآث جهآت مختلفه خجل ، فرح ، توتر

دلآل حصه وسآره

كل وحده أحسآسهآ أنهآ هي المقصوده زآد في خجلهآ


ورجع بدر لعمه نآوي يلعب باعصآبهآ :

تصدق عمي عندنآ موظفه بالقسم النسآئي مختلسه مليون وطالع فيهآ وكتم ضحكه كآنت بتنفجر بعنف لمآ شآفهآ رفعت طرف طرحتهآ عشآن تطالعه ‏ حركه عفويه سببهآ الخوف والتوتر


بالغصب بعد نظره عنهآ لآينفضح وبالغصب مسك ضحكته اللي بددهآ بحركآت عشوآئيه في محآوله فآشله لكتم ضحكته

آبو حمد : لآحول ولآقوة الآ بالله
مآقآلت لنآ عنهآ منتهى

بدر يلتفت لعمه : بلآهآ أمينه على شغلهآ واسرآره

منتهى : تدري آنه يدقهآ بالحكي كرهته وكرهت شوفته لنفسه الظآهر يحسب نفسه وزير مو مدير يآليت من يفتن عليه ويقول أنه يكب أخبآر الشغل بكل مكآن

الله أكبر هذي الآمآنه

طلعت جوآلهآ وحآولت تشآغل به عن سخآفته


ابوحمد : طيب وش بتسوون بهآ يآبوك ترآه حرمه مكسورة جنآح مهمآ كآنت ضروفهآ


‏ بدر : خيرنآهآ في ثلآث حلول تفكر وتختآر اللي يريحهآ

يآ إنهآ تسد المبلغ قبل تنفضح في أهلهآ وجمآعتهآ ويسحبونهآ الشرطه ويكلبشونهآ

يآإنهآ تقدم آستقآلتهآ وتنآزل عن أي مستحقآت لهآ وتقلب وجههآ

‏ يآإنهآ وسكت طلع جوآله واعتذر لعمه أنه بيرسل رسآله مهمه لسكرتيره

فتح إنشآء رسآله وكتب

‏ يآإنهآ تزوج مدير البنك
‏ وتفك نفسهآ من الشبهآت

وآرسلهآ لاسم عنآاااد وأستأذن وطلع


‏ خلود : رسآله جتك رسآله تكفين بقرآهآ


منتهى وهي مآسكه جوآلهآ بيدهآ طيري بس
آوووف مآبغآ يطلع


‏*‏ * *


موضي : جعلس الشقآق ببطنس يآبتله أقولهآ بكلمس ضروري وعآجل

تقول عندنآ عزيمه وبآتعشي وأكلمس السآعه طآفت 12 هآلبقره مآبعد شبعت


نوف : وش فيس يآلعجوز تحآكين مع عمرس
أحدن مآكل عشآس ؟


موضي : بسم الله علي وعلى ذريتي

نوف : ههههههههه عيني أبوهم عشآن تعينينهم

موضي : جعلس القوم وجويبر وش خآنته وألآ مايترس عينس

نوف : الله يهني سعيد بسعيده وش علي يترس عيني

موضي : تهقين بتول بتوافق

نوف : ووآلله يحصل بس مثل صقوري آنفدآ عوينآته


‏*‏ * *

حمد : الخآيس والله لاجيبه لاجيبه يحسب سآفر برآ مآقدر أوصل له صبرك علي بس

‏*‏ * *

دخل بدر و فادي بعد مآانتهى عشآ أبوهم

فآدي : منى قومي جيبي لي اللآب توب حقي من غرفتي

منى : وليش إنآ أن شآء الله
أصغر مني روزه وأكبر مني بتول ليش تآمرني آنا

بدر :بنت عيب قومي جيبي لخوك اللي يبي

منى بعنآد : لآ مو قآيمه هذا يحسبني عبدة أبوه كله منى مني

قآم فآدي وركلهآ برجله وسحب شعرهآ ووقفهآ

يآحيوآاااااااانه قلت لك قومي يعنيي قومي تفهمين .

بعده بدر : أتركهآ يآبن الحلآل تحط راسك برآس بدر

منى : يآفاااااشل والله لقول لبدر وش انت مسوي وكل خرآبيطك


حآول فآدي يمسكهآ من ورآ بدر بس بدر كتفه وصرخ بمنى أطلعي فوق يآبنت

طلعت منى الدرج وهي تمسح دموعهآ وصرخت لبدر

بدر ترآه حآط صورتك صوره رمزيه له ويطيح فيهآ البنآت


صرخ فآدي يآال يآ

دفه بدر ع الكنب وطلع لغرفة فآدي وفتح اللآب توب وجلس افتح لي على منتدآك


فآدي يزفر بتعب : صحيح آنا حاط صورتك على آنه أنا عشآن صورتك أحلآ بس كذآبه الخرآبيط اللي قآلتهآ كذب

بدر بغضب : حتى لو أنا لي مركزي وعملآئي وأصدقآ ومعآرف من كبآر الشخصيآت وأعدآئي بعد أكثر ممكن أي كلمه تقولها عندك عآدي بس غيرك مكن يستغلهآ ضدي

نزل فآدي راسه بخجل مايصير خاطر ألا طيب يآبو سعود

بس شكل هآلسعود بتشيب مآشفنآه

بدر بثقه : آشدعوه قريب بآذن الله


طلت عليهم بتول : غريبه ،
بدر مآنمت ؟
فآدي مآطلعت ؟

بدر : أخوك حآلف مآينآم ألا شآرب شآهي من يدين توته الحلوه


‏ بتول : من عنوني كم بدور عندنآ

نزلت تحت ولحقآ بدر يستدرجهآ بالحكي

جلس على طآولة المطبخ وتصنع البرآئه وهو يسآل

شخبآر ضيوفكم

بتول يآحليلهم يوسعون الصدر فله

بدر : كم عنده عمي من بنت

خبري بمنى بس أصغر مني ابسنه
عنده بعد خلود ، ومنتهى ، وعنود ،وسوزي مدري وش اسمهآ بس ينادونهآ كذا أظنه دلعهآ أكبر من روز بشوي


حك عآرضه بتوتر وحيره لسآ مآوصل للي يبيه

وبتهور قآل حلوين ؟

بتول : استدركت نفسهآ قبل لآتوصفهم وقطبت حوآجبهآ عيب بدر مآيجوز

بدر : أمزح معك بشوف تصدقين وآلا
طلع وتركهآ سمعهآ تقول شآهيك

رد عليهآ يتريق آشربيه أنتي وبنآت عمك


‏ ‏* * *


ابو صقر لام صقر وصقر : نوف جآها ولد ابن عيد رجل مهآ بنت عمك خطآب
والرجآل كل من نشدته عنه قآل جوزهآ ولآتسمي رجآل من ظهر رجآل

والبنت مآتبي عقآب وش الدبره


صقر نقول لعقآب يآيعتقهآ وألا يآخذهآ

أم صقر الرآي عندي
نجوزهآ بلا طق وطقطقه ولامن شآف ولامن درى

والعقد والعرس بليلتن وحده يذن المغرب ويآخذ حرمته ولآذن العشآ وقدهم في بيتهم نعزم ولآ تعشو نعلم


أبو صقر استحسن الرآي بس صقر مآاعجبه بس سكت عشآن شآف فرحة نوف بالفكره

السبت " البنك " مكتب بدر

بدر : سفهتني مآردت آووف وشفيني شي أكيد مآراح ترد

أنا تهورت لمآ أرسلت لهآ بس أنا قصدي شريف


أجل ادفع عنهآ مليون كذا ببلآش دون مقآبل صحيح دفعتهآ عشان سمعتي بس ولو أهمآلهآ السبب

ع الأقل نطلع بفآيده من هالمليون ولو أن مآورآها الا الغثآ بس بآخذهآ بآخذهآ


دق علآ رقم مكتبهآ المبآشرر
رفعت آلسمآعه بآليه دون لآتنتبه

بدر : آلوو
منتهى لعميله : تحت امرك مع السلآمه أم فيصل ‏ ‏

رجعت تكلم بعد ماطلعت العميله : نعم

بدر : وتحت أمري أنا بعد

نزلت السمآعه دون لاتسكرهآ سكرت الباب بهدوء

ورجعت خذت السمآعه بغيظ وقهر

أستاذ بدر : لو سمحت ‏ حل عني وفكني من شرك
مو كل دقيقه والثآنيه دآق لمكتبي احرجتني يآ أخي

بعدين جوآلي إنسآه امسحه نهآئي من عندك وألآ

قاطعهآ بدر : وآلا أيش تقولين لاابوك عن الاختلآس ترا للحين الأورأق اللي تدينك عندي وبغرفتي بالبيت مو هنآ ‏

بعدين آذا ع الآحرآج احنآ فيهآ

بجي أخطبك اليوم ومآتشوفين خير لو رفضتي

منتهى : أحتقن وجههآ غيض مع كل كلمه يقولهآ عجز لسآنهآ عن الرد وبدون تردد سكرت السمآعه بوجهه تآفه تآفه قآمت توضآ عن الغضب

بدر : سكرت السمآعه ههههههههه كل شي بحسآبه صبرك علي

؛؛ انتهى البآررت ؛؛

السلام عليكم ورحمة الله ‏



//‏ البآاااارت السآبع //



بدر : أم مازن لاهنتي أنا برسلك ألحين أمر نقل الاستاذه منتهى كمساعده لك مؤقتآ تسلم العهده بحضورك وشهود ثقه من طرفك وتوصل لي اوراق الجرد والعهده فور انتهآءهآ

ويعمم خبر النقل لكآفة الأقسآم

أم مازن : تآمر استآذ بدر

منتهى : صدمه صدمه ماتوقعهآ منه لهآلدرجه حآقد علي وشآيل بقلبه طيب أنا وش ذنبي

لاأخفيت الاوراق ، ولا أهملت ، ولاقلت له يسدد عني .
.
دام فلوسه طالعه من عينه وقاطعه قلبه ليش يتعنتر ويسوي لي فيهآ ابن العم المنقذ

وعقب ندم وتحسف وجآي يحط حرتهآ فيني

أتصلت بمكتبه حولني السكرتير عليه
بدر : يآهلآ ببنت العم
كنت منتظر اتصالك لأني متأكد منه

منتهى : استاذ بدر لو سمحت
بلآش هالقرار انت عارف السالفه مامر عليهآ اسبوعين والكل بيشك فيني لأنك نقلتني وآنا لسا ماكملت شهر في قسمي

بدر : خلصتي اسمعي اجل
أنا رقيتك مانزلتك لقسم أقل
وبعد فكيتك من مسؤولية الخزنه لأني مآاظمن ان اللي سوآها أول مره مآيرجع ويسويهآ مره ثآنيه

وبعد أنا اصدرت القرار ووقعته وانتهى وراح أكون أنا وام مازن رؤسآئك المباشرين وشغلك كله معنآ وبأمرنآ

أو تقدرين تقدمين استقالتك وأنا بقبلهآ برحآبة صدر

منتهى : هآااااه أجل كذا السالفه هاللف والدوران عشان أقدم استقالتي

بس طل بعينك أنآ متمسكه بوظيفتي هنآ أكثر من أول

وسكرت بوجهه

بدر : ههههه هذي ماتعرف تقول مع السلآمه فمآن الله

وطلع جواله فتح اسم عنآااد وأرسل

لاتنسين موعدنآ المغرب يآحلووه

وضحك هههههههههه


‏*‏ * *

في الثآنويه

نوره : أمول شكلك تعبآنه ليش غآيبه 3 أيآم ومآتردين على تلفونك

أمل امتلت عيونهآ دموع وطلعت هم كآنت شآيلته بصدرهآ

نوره حآمل حآمل طلع في حمل

نوره شهقت وانقلب وجههآ حآمل

هزت أمل راسهآ بتأكيد وانفجرت تبكي

نوره : الحمدلله مآصار بينآ شي وألآ كآن صرت مثلك

‏
أمل : وش الحل ؟ قولي لي تكفين

نوره : قولي له خل يجي يخطبك ويستر عليك

امل : يقول مآقدر أمه وأبوه رفضو لانهم يبونه لبنت خالته وهو بعده يدرس

نوره : حآولي تسقطينه

أمل : حآولت حآولت بس ماصآر شي شلت اسطوآنة الغاز بنفسي سحبت الدولاب والثلاجآت رجفت بطني بيدي ومآخليت شي يشرب وألا يوكل من أعشاب تسقط ألا شربتهآ وكلتهآ بس أحس به يتحرك يتحرك بعدهآ تهدا حركته ويرجع يتحرك
‏
نوره : قدامك حل واحد قولي لأمك وأبوك لايدري

ونزلت راسهآ بخجل وابتسمت بفرح أمول يقول بيجي يخطبني اليوم من أبوي


‏*‏ * *

بمكآن آخر بنفس التوقيت

سألت موضي بتول عن رايها في خطبة صقر لهآ
سردت لهآ ردة فعل صقر
وتمسكه فيهآ

وبتول زاد تعلقهآ بصقر وابدت موافقتهآ المبدئيه ‏ وعطتهآ رقم جوال أبوهآ عشان يتقدم ويخطب ويسألون عنه

موضي : بتوله تدرين أن عرس نوفه اختي ليلة الخميس

بتول باستغرآب : خلآص وافقت على عقآب
موضي : عزالله ماعين خير عقآب لآ على ولد ابن عيد

بتول : غريبه وافق عقآب

ضحكت موضي باستهزآ : ههههه مآدرا بنسوي عرسهم بالدس لو درا غير يشق بطن سعيد ولد ابن عيد وألا يطير راسه بفشقه << رصآصه يعني

بتول : أووف ليش عآد ليش مايخليها تشوف نصيبهآ دام انهآ ماتبيه

موضي : بس هو يبيهآ ويعد عمره مهوب رجآل لو خلا بنت عمه للغريب يقول هو أولى بهآ

ولو ماطاعت تآخذه بيخليهآ معلقه محد يتجرا يآخذها عشآنه وهو بيعرس وبيجي له مره وعيال وهي يآ ترضخ وتآخذه وألا تموت مآاعرست ولا جالها عوال أن عآندت ‏


بتول : زين ماعندنآ هالحركآت والحجر بس تدرين احسها متعه وأكشن بعدين تصير ذكريآت غير

موضي : مآلت عليس أنتي وهالذكريآت بلآ يدس بالمآ مهوب بالضو

‏*‏ * *

‏ ‏" عرس نوف "

الخطبه والموافقه والتجهيز تمت باسبوع واحد وسط تكتم شديد من الطرفين حتى أن أخوال وعمام العرسآن مادرو


أم صقر بالمطبخ الخارجي :
جويزي يآامس أقلبي الذبيحه وكبي رزس

وخذي شوي من مرقة الذبيحه وسآقي بهآ الرز

وانتي يامضيوي افرشي السفره وصفي الخضره والزلطه << السلطه
وشبي علآ الجمرر
.
موضي : طيب العود في حجرتس

ام صقر : لا عآينه بالمطبخ الداخلي في المرافع << تقصد الادراج العلويه من المطبخ

نوف : خآيفه خآيفه أخاف يدري عقاب ويحوس مريرنآ << يعني يخرب شغلنا

شيخه : أذكري ربس وش بيدريه حتى سلوم ماقلتله ومحدن من اخوانس قال لحرمته وقدهن في بيوتهن يتسدحن ويتبطحن مآعندهن من الشيطان طاري


دق صقر لشيخه يآالله المعرس بيدخل

شيخه خلآص عشر دقآيق ودخله وطلعت تنآدي أمهآ

دخل سعيد وسلم على راس عمته ام صقر وعينه على نوف ذكر الله عليهآ بنفسه

وتوجه لنوف صافحهآ وبارك لهآ وجلس خذله كاس عصير يبل ريقه

واستعجلته ام صقر :
يآامك خذ حرمتك وتوكلو على الله وقام ووجه كلآمه لنوف

نسري يانوف << يعني نروح
هزت راسها بحيآ
وقآل ‏ أنا احتريس في السياره نهار دخلها في الحوش وطلع


التمو خواتهآ وامهآ يباركون لها واللي تجهز شنطتهآ واللي تلبسها عبايتهآ واللي تقرب لها عصير تبل به ريقها قبل ماتمشي جهزت وطلعت وخواتهآ يشيعونهآ بالدعآ لهآ بالتوفيق والذرية الصالحه

ركبت بجانب سعيد قدام وانطلقو متجهين لبيتهم


‏*‏ * *

أبو بدر : والله ياخوي شوفتك عقب هالسنين تسوا عندي الدنيآ ومافيها

واحنا أهل وبنصير أكثر من أهل ولدك بدر يبي بنتك منتهى على سنة الله ورسوله


استبشر ابوحمد بدر رجال وينشرآ بس بعد بنتي لها شور وكل شي بيدها

بدر : ماعجبه الحكي بس ورآها وراهآ أكيد بتوافق

استأذنو وطلعو


منتهى : لا مآبيه
ابوحمد : وراه يابوي والله أن كلن يذكره بالخير وش يردك عنه ؟

منتهى : يبه هذا شآيف عمره يحسب محد مدير ألاهو
وبعد هذا أكبر من منى أختي بسنه بس
بعدين معقد عقليته متحجره يحقر الحرمه ومايشوفهآ شي وزود يدخن بعد



أبوحمد :فكري يابنتي لاتستعجلين الدخان تقدرين عليه لاخذتيه تساعدينه يتركه مو عذر بعطيك فرصه اسبوع فكري براحتك

جآ بيطلع ومسكته منتهى يبه طلبتك أنا متأكده من رأيي كلمه الحين وبلغه عشان مايأمل بشي

رجع أبو حمد وجلس وهو يحوقل وطلع جواله يبحث عن رقم أبو بدر إخوه

‏*‏ * *


عقآب : دخل ورجف باب الحوش المفتوح برجله توجه للمطبخ الخارجي وتنحنح ودخل مآ انتظر رد

شهقت شيخه وجازي وأم صقر لمن شآفو عيون عقاب الجاحظه كنهآ شرار وبيده الرشآش
دار علآ القدور وطفآ عليهآ الضو رجف القدور برجله وطلع بدون ولا كلمه

توجه للمجلس وحط رشاشه بصدر ابن عيد


‏ عقآب : أشتر رقبتك ورقبت ولدك يآابن عيد قل لولدك يرجع هو ووبنت عمي

صقر ونهآر وفزو بياخذون الرشاش لكن كان اسرع منهم ببدآهته وضخآمة جسمه

ووجه رشاشه لهم انثبر مكانك انت وياه يآواحدن يقرب مني لاطير راسه

دخل أبو سالم ياولدي طلبتك تعوذ من الشيطان وهات سلاحك


ابن عيد فهم الحركه وطلع مفتاح جيبه اللآندكروزر وطيره في الهوآ لعقآب هذا لك ولاأبوك مثله

و قدامك مراح غنمي وأبلي خذ اللي يرضيك

‏ بعض عيال العم يحيرون بنات عمهم عشان العطايا اللي تكون جزله غالبا سيارات وجيوب والا الآف توصل احيان ل 50الف واكثر أو أقل غير الغنمان والأبل
.‏ ‏

عقآب رجع له المفتاح في الهوآ وقال مآ ابي ألا بنت عمي وبس ولو تعطيني مالك وفوقه حلآلك مآيوازي بنت عمي عندي

اسلم على رقبت ولدك وقله يعود ببنت عمي قبل لآيجي علمن ثاني


ابن عيد بحكم خبرته بالرجال
دق على ولده وقال يعود لكن لكز عقاب المركى اللي جنب ابن عيد بقفا رشاشه وقال أوصف لي بيت ولدك

خذ الوصف وركب سيارته وانطلق وراهم
في حين سعيد ونوف مالهم ألا دقايق طالعين من بيت أهلها متجهين لبيتهم

‏*‏ * *

منتهى : داومت الصباح بنشآط وحيويه ونفسيه فوق نفسي أشوف وجهه كيف الحين

جلست ورا مكتبي ولفيت علآ نفسي بالكرسي الدوار مرتين وبدون شعور صفقت وكأني لحالي مو حآسه بأحد

ابتسمت ام مازن :
دوم يارب أول مره أشوفك بهالنشاط والفرحه من داومتي عندنا

ابتسمت وقلت انا اليوم احس بنشاط وحماس

وخذت السماعه بخفه ودقت رقم مكتبه المباشر

وبدلع القصد منه تقهره

صبآح الخيرررر استآذ بدر الأوراق اللي طلبتهآ امس جآهزه

في البدايه قطب حواجبه من صوت الدلع اللي انسآب في آذآنه بنعومه ووصل لقلبه بسلآسه سآرعت بدقآت قلبه

ورفع حآجبه بابتسامة سخريه لمآعرفهآ

وقال قاصد يحرجها ويقهرهآ :

مآدريت أنك مع طولة لسانك وقلة ادبك وقصر صوته صر علآ اسنآنه بقهر تملكين اسلوب آغرآء بطريقة كلآمك الدلوع

هذا مكان محترم يآ انسه مو في ك

احرجهإ جدا واحمر وجههآ وتطافرت دموعهآ ولعنت نفسهآ وسخافتهآ

وسكرت السماعه وجرت علآ الحمام وهي تقول بنفسهآ استآهل استاهل مآجآني

//‏ انتهى البآاارت //
وآلى لقآء

آلسلآم عليكم ورحمة الله ‏


//‏ آلبآاااارت آلثآااامن //



بمجلس آبو نوره

عبدالله : وآلله يآعمي منيب لآعبن عليكم آنآ مهوب قبيلي

لكن حمد الله ضآبطن صلآتي ولي آشغآلي الخآصه اللي تمشي حآلي آنآ متعهد روي ميآه لكذآ مدرسه بوآيتي الخآص اطلع بالشهر مر ألفين مر ثلآثه وآلرزق على الله

وأخلآقي أسآل عنهآ إمام مسجدنآ وأي أحد بديرتنآ ويقولك

آبو نوره : ونعم والله كفوو
بس يآولدي انت عآرف أن الرسول عليه الصلآة والسلآم وصآنآ نتخير لنطفنآ فآن العرق دسآس

وآنت يآبوي منتب من ثوبنآ انت رجآل ونعم خذ لك بنت حلآل منك وفيك وعسى الله يرزقك

عبدآلله أظلمت آلدنيآ في عينه
طلع من آبو نوره وهو وده بشي ينفس فيه ضيقته

آلحين وش فيني يردني
خلق ودين ‏ ليش مآيزوجوني
صنت نفسي وبنتهم عن الحرآم وآنآ قآدر أوصل لهآ ‏ ويوم بغيتهآ بآلحلآل يردوني عشآن أصل وفصل


‏*‏ * *


عقآب : قبل مآاطلع ذكرت إني مآسألت ابن عيد عن نوع سيآرة ولده

رجعت وسألته آجل فورد أبيض طيييييب طيييييييب


عطيت جيبي طبلونه ومآدري كمن آشآره قطعتهآ

كل من شآف سرعتي وسع لي الطريق يضنون آن معي حآله أسعآفيه

سعيد : كلمني آبوي وقآلي ترآ عقآب في آثرك بالرشآش دبر عمرك

كنت منيب بعيدن عن البيت
عكست آتجآهي عشآن آروح أقرب فندق وآلآشقه مفروشه لين آسآفر وتهدآ الأمور وكآد آنه مستآصفن البيت

نزلت بشتي عن كتوفي ودست البنزين قبل لآيعثر بنآ << يلقآنآ


عقآب دخلت شآرع فرعي يودي لبيتهم بس لمحت سيآره معآكستني بالآتجآه ومسرعه كنهآ في طريق سريع

لفيت سيآرتي ولحقته قبل لا أتوكد أن كآنه سعيد وألا

بس اللي أكد لي أنه زاد سرعته ومعه زول حرمه تمآيل من سرعة السيآره حديته بسيآرتي وعرضت سيآرتي في وجه سيآرته وحولت برشآشي وفتحت بآب سعيد ودقيت جنبه بالرشآش


عقآب : حول بنت عمي قبل لا انثر دمك واعشيك للذياب

سعيد : تعوذ من الشيطان يآرجآل

بنت عمك ذلحين حرمتي
وان كان تبي عطيه اطلب وتخير

وغيره حرمتي منيب مخليها لك عقب مآصارت في ذمتي لو تذبحني آلآ

ورد نظره لنوف اللي سآده آذآنهآ بكفوف يديهآ وتبكي بدون صوت لحد مآ فجرهآ سؤآل سعيد

آلا كآن نوف بآيعتني
وهذي هي قدآمك أن بغت خوتي وملفآي دونهآ دمي علي الحرآم مآتلمسهآ آلا لآصرت تحت الترآب

وآن كآنت تبي ولد عمهآ وشآريته فآنآ آبيع آللي يبيع

دونك آيآها وهي الفصل بينآ آنآ آلليله يآقآتل يآمقتول دون آللي مآآرخصني


‏*‏ * *

بدر : هه ترديني آنآ يآ منتهى
آنآ آللي مآبقآ قريب ولآغريب مآقط بنته في وجهي

آنآ آللي كلن يتمنى نسبني ويتشرف آخذه منهم

‏ ولعت زقآرتي وجلست فوق طبلون سيآرتي مآلي خآطر آدخل مع الشبآب ولآ لي خآطر ارجع لآهلي ولآني طآيق غرفتي ليش عمي يوآفقهآ

لو آنا متقدم لوحده غيرهآ كآن طآرت هي وآهلهآ من الفرح


وقعدت أقلبهآ برآسي آنآ بآخذهآ برضآهآ أوغصبن عن خشمهآ بس كيف كيف


منتهى : يومين من بعد مآهزأني بدر وآنآ مآعآد احتكيت فيه نهآئي


أذآ طلبني خليت آم مآزن ترد عليه وآذا آصر آتحجج بآي تصريفه عشآن مآارد عليه مآلي وجه آكلمه آنا نسيت نفسي وآنآ آكلمه كآن همي بس آقهره وألشيطآن كبرهآ برآسي


بدر : من بعد مآفشلتهآ وهي تتهرب من مكآلمتي أتصلت بجوآلهآ كذآ مره مآترد وتلفون العمل تخلي آم مآزن ترد علي أرسلت لهآ رسآله :
‏"‏ ردي ضروري عشان اوراق خاصه بالعمل "

وبعد طنشتني تجآهلهآ لي أربكني كل مآحآولت آركز بشغلي تنط لي آفكآر وهوآجيس كلهآ بسببهآ :

‏ كم لي مآسمعت صوتهآ
‏ ليش مآترد علي
‏ ليه مطنشتني

‏ تآففت أعوذ بالله من الشيطآن الرجيم

أخذت السماعه بصرآمه
ودقيت لآم مآزن

لآهنتي آم مآزن عطيني آستآذه منتهى أكلمهآ

أشرت لهآ منتهى بآيدهآ يعني صرفيه بعد مآحست من نظرآت ام مآزن لهآ أنه بدر


أم مآزن : استآذ بدر قلي وش تبي وآقولهآ تسويه هي ألحين عندهآ عميله مهمه ومشغوله معآهآ

بدر بنفآذ صبر وبحده مآتعودتهآ ام مآزن منه كآن جدآ محترم وخلوق وآنآ آهم

وآستدرك عندي شغل أهم


أم مآزن طيب أن شآء الله أستآذ بدر ومدت السمآعه لمنتهى وهي تأشر لهآ بحوآجبهآ ويدهآ آنه معصب


منتهى : يآليل آلليل وش يبي ذآ آستغفر آلله بس

بدر : آخيرآ آنسه منتهى تنزلتي تردين على رئيسك

منتهى تتنهد نعم أستاذ وش بغيت

بدر : آه يآلقهر بكل برود وش بغيت تطنش ومآترد علي وزود رآفضتني وتقول وش بغيت

قلت وآنآ احس آني آبرد حرتي
برسلك ملف كذآ وسوي فيه كذآ

وملف كذآ وسوي فيه كذآ
وملف

رصيتهآ بالشغل أدري مو من مسؤوليآتهآ هذآ كله بس خلهآ تستآهل

قآطعت استرسآلي بطلبآتي
بسؤآل استفهآمي لآيخلو من التعجب

آستآذ بدر بس هذا كثير علي .
.‏ مستحيل أخلصه آليوم

شوف آحد يسآعدني

بدر بسخريه وهو حآس آنه برد كبده منهآ شويآ

هذآ شغل سري وخآص وآنآ مآ آثق آلا فيك

ضروري يخلص آليوم ودقهآ بالحلي لو كنت آثق فيك كآن قلت لك كمليه بآلبيت



‏"‏ يتبع "