الموضوع: روايه يادانة القلب وينك تعالي شوفي مغليك وشلون حاله

آلبــ(1)ــآرت (b)



نوف وقفت متردده م راحت
عصبت ام فيصل : نوفوه بسرعه لا تموت بنتي
ركضت نوف وتدق عليه الباب
فيصل : مين ؟
نوف بعد صمت طويل : آآ آآ آنا نن ننوف
فيصل تنهد يوم سمع صوتها : وش تبين ؟
نوف : بسرعه ضروري يافيصل
قآم وفتح الباب وبدون م يناظر لها وبصوته الحاد : وش تبين ؟
نوف : آآ ددانه طايحه تحت تعال وديها المستشفى
فيصل بسرعه نزل تحت ومسك اخته يبي يصحيها ولا صحت
فيصل : جيبو عبايتها بسرعه وانتي يمه اقعدي م يصير تجين تتعبين بعدين انتي حامل
ام فيصل : لآ كيف م اجي مو تعبانه ولا شي
نوف : انا بروح ي عمتي وبطمنك عنها
فيصل شال اخته ونزلها السياره ونوف طلعت بعدهم

بعده بساعه ابو فيصل كان توه راجع من عمله
ام فيصل : وينك ي ابو فيصل بنتك ف المستشفى
ابو فيصل : وش فيها ؟
ام فيصل : طاحت علينا ومدري وش فيها
ابو فيصل : لآ يكون رجعت لها حالتها دقي عليهم شوفي وش صار
ام فيصل : دقيت م يردون


ف المستشفى الدكتور : عندها سوء تغديه وقلق وارهاق لازم تهتمو فيها بنت في سنها باقي في زهرة شبابها وعندها كل هذا الارهاق يسبب لمرض نفسي بعدين
فيصل : مشكور دكتور اقدر اخدها البيت الحين ؟
الدكتور : لآ لآزم راحه كامله لها بكرا تاخدونها ووممنوع المرافقه هنا
فيصل : اوك مشكور دكتور
** وفيه عين تراقبهم من بعيد
نوف : هاه وش قال ؟
فيصل جات عينه بعينها وقعد ساكت شوي : ارهاق وتعب بتنام عندهم اليوم
نوف : بنام معها
فيصل سكت وجلس بعيد شوي عنها وطلع جواله يطمن اهله
نوف : فيصل آكلمك آنآ بنآم عندها
جا الدكتور : تفضل هذه هي باقي الاوراق تقدر تروح الحين
فيصل : مشكور دكتور . يللا نوف
نوف : ابنام هنا
فيصل : آوف ممنوع اخلصي ماني فاضي ترا
نوف سكتت وقامت وراهه وحز بخآطرها ردت فعله
بالسياره
: اوديك بيت اهلك ؟
نوف ساكته
فيصل بحده اكثر : اكلمك انا
نوف بصوت خفيف بس آهلي مو موجودين
فيصل سمعها بس تجاهل : يعني اوديك آلبيت
نوف بتردد : وديني مفتاحي معي
فيصل يدري انها تخاف تقعد لحالها ف آخدها لبيتهم
وهي آرتآحت وما علقت آبد
بعد ما طلعت دانه باسبوع
اول يوم برمضآن آلكل مجتمع في بيت الجد الكبير ابو فيصل واهله واخوانه
آبو فيصل : محمد م قلت لي وش صار على ورثك ؟
محمد : اسكت بس ي خوي ربي رزقنا بآخوآن ظالمين يسرقون اخوانهم
( محمد آخو ابو فيصل الصغير عمره 26 ممرض ف احد المستشفيات )

محمد : شفهم كيف يناظرونك يبون ياكلونك لانك تفوقت عليهم بشركتك لكن انا من لي
ابو فيصل : عيب هالكلام وانا اخوك شركتي تحت امرك م تفرقنا فلوس
محمد : الله يطول لي بعمرك ما تقصر
ابو مشاري : الا ابو فيصل وش صار على شركتكك ؟
ابو فيصل : تمام التمام دخل وموظفين واعمال وكل شي
ابو مشاري بقهر الله يديمها وبقلبه ( الا الله يقلبها ع راسك )
ابو بندر : آذن المغرب يللا نفطر عشان نلحق عالصلاه
(آبو مشاري وابو بندر آخوآن ابو فيصل الكبار اما محمد اخوه الصغير )

*** عيال آبو مشآري : مشاري 32 سنه متزوج وعنده ولد آسمه رايد عمره سنه عايش بالدمام

وخلود عمرها 24 ممرضه ومو متزوجه ولا شي

ورندا عمرها 19 سنه قسم الادبي ب3 ثانوي

ومشعل توأم رندا بس قسم العلمي

*** اما ابو بندر ولده بندر عمره 26 سنه ضابط

وهمس عمرها 21 سنه 3 ثانوي ادبي تآخرت بالدرآسه سنتين )

الكل قام يفطر وراحو الرجال يصلون

آلبـ(2)ــآرت (a)

عند الحريم
ام فيصل : وين حطيتيها اخر مره
آم يوسف : مدري يختي م لقيتها اقول لك
ام فيصل : شوفي الخدامه لا تثقين فيها
ام يوسف : بدور معها بس اصبري شوي هالطقم غالي من الغالي الله يرحمه
ام مشاري : ليه وش ضايع لك ؟
ام بندر : تلاقينه شي لابو يوسف اللي تحت التراب الحين هه
ام يوسف انحرجت وقامت ع طول
ام فيصل : ي ناس استحو ف كبر بناتكم تسون فيها كذا ^ وقامت لآم يوسف
*** ( آم يوسف زوجة اخو ابو فيصل بس مات من سنتين وتجتمع معاهم عشان عيالها تبيهم يتعودون ع عيال عمانهم عمرها 26 وعيالها 2 يوسف عمره 9 وابتسام عمرها 7 سنين )


عند البنات
دانه : بنات طفش لآزم نسوي شي اش ذا
رندآ : المشكله اهالينا م كآنهم اخوان
مس : خل نطلع وما علينا منهم
جات ابتسام مسرعه وتشقلبت ع راسها وقعدت تبكي
خلود بغنج : بسومي وش فيك
قامت همس عندها وقعدت تلعبها وتهديها
آبتسسآم : مثعل يقول ادا تبعون تروحون مكان ف بثرعه عثان يوديكم هو وبندر
قامو البنات يناقزون من الفرح ويلبسون عشان يطلعون

عند الحريم
الجدهه : ي ام يوسف لا عاد تقطعينا 4 شهور م شفناك
ام يوسف : شسوي ي عمتي والله انشغلت تعرفين زواج اخوي قرب
ام فيصل : لآ مالك عدر
الجده : صادقه تحرميني من احفادي انحرمت من ابوهم لا عاد تحرميني منهم
ام يوسف بآبتسامه مصطنعه : تامرين امر
ام مشاري : هذا انا عيالي عندك كل اسبوع
ام بندر : وعيالي كمآن كل يومين ثلاثه يجونك
الجدهه : الله يخليهم بس عيال المرحوم غير
ام فيصل + آم يوسف : الله يرحمه
ام فيصل بتغير الموضوع : نادي البنات يقعدون معنآ ي سيري
** سيري خدآمة آلجده **
همس : هلا يمه ام بندر : تعالي انتي والبنات اقعدوا معنا
همس : بنطلع يمه مع العيال بنروح نتمشى ام فيصل : لآ ي عيوني م فيه روحه تعالي بلا دلع
جو البنات كلهم مصدومين : ليه م فيه روحه
ام مشاري : م شاء الله بدون آستئدآن انثبروا هنا معنا
البنات : يووه وش ذا حرام عليكم طفشنا
ام مشاري : بكرا اطلعوا اليوم اقعدو مع جدتكم
آم يوسف : عن ادنكم بروح اتطمن على عيالي
طلعت ام يوسف للحديقه وقعدت تدور وتدكرت ابو يوسف اللي م تهنت فيه الا كم سنه . شوي الا سمعت صوت وراها التفتت الا هو محمد
محمد : آآ مم معليش احسبك وحده من البنات
ام يوسف ضلت تطالع فيه : هاه كيف جيت
محمد م فهم كلامها : وشو
آم يوسف : انت بآقي حي ؟ وش جابك ؟ م تدري وش كثر اشتقت لك
محمد م استوعب اللي تقوله
آم يوسف : ظلت تطالع فيه تدقق فيه ( وبدآت دموعها تنزل )
محمد عرف انها تحسبه زوجها لانهم مره يتشابهون : آلله يرحمه ابو يوسف انا محمد اخوه
ام يوسف جمدت مكانها ويوم آستوعب كل شي
رآحت تدور لعيالها ولا علقت ولا شي
اما محمد ف صورتها بباله ما نساها ابد

آلبــ(2)ــآرت (b)


بعدها باسبوع
دانه قامت من النوم راحت تدول لاهلها م لقيت احد
طلعت للحديقه لقيت ابوها مع شخص تعرفه زين
يوم قربت لقيته نواف هو حس بوجودها وناظرها باستحقار وقعد يكمل شغله
ابو فيصل جا بيدخل لقا دانه موجوده عطاها نظره خافت ودخلت وقلبها يدق بسرعه
نوآف هه اوريك ي دوينوه : عمي ابروح انا تاخرت
ابو فيصل : الله معك
وهو طالع قابل فيصل : هلا فيصل كيفك
فيصل : ه هلا والله بخير حمدالله مين انت ؟
نوآف : آنآ سكرتير ابوك الجديد نواف
فيصل بنظرات استغرآب : آهآ ( ومشا وهو مستغرب وش جايبه هنآ وسكرتير ابوي ذاك وش صار عليه )
دانه في حاله صعبه في حالة في غرفتها ميته خوف : وش سويت لك ليه كل هاللي يصير لي ي ربي شوي ودق جوالها : نعم
نواف : وش فيه شكلك كئيب اليوم
دانه سكتت م قالت شي
نوآف : وصوتك كمان من زعل حبيبة قلبي تنهدت دآنه بصوت مسموع : وش تبي انت
نوآف : آفآ لآ بآقي بدري ع اللي ابيه
دانه : نواف قول وش تبي وش سويت لك ليه كل ذا تسويه فيني
نوآف : هه تستاهلين اكثر . يللا حبي اكلمك بعدين ي حلو
دآنه قفلت وقعدت تبكي دخل عليها فيصل : دانه وش فيك
دآنه : فيصل اختك مجروحه ي فيصل تعبانه منهد حيلها
فيصل وآخوك ي بعدي مجروح وتعبان قلبه : من جرحك يا بعدي
دآنه استوعبت كلآمها : هاه لالا بس بيني انا وصديقاتي يللا ابغا اصلي
فيصل م اقتنع بس ماله حيل لاستجواب لان حيله منهد يبي ينام : طيب امي تبغاك تحت
دانه : اصلي وآجيكم

بعد المغرب

عند نوف
نوف : وين آبوي غريبه م شفته اليوم
ناصر : راح للشرقيه عنده شغل هناك
نوف شهقت : وليه م اخدني قد وعدني ياخدني
ام نايف : وش دخلك تروحين معه سافر سفرة عمل معه رجال يعني
نوف : حتى لو م علي والله ازعل منه ولا اكلمه
ناصر : لآ عاد بيموت على مكالمتك
نسرين جايه مسرعه : يمه يمه
*** (آم نآيف آخت ام فيصل عمرها 40 كانت متزوجه ابو نآيف بس مآت ف تزوجت عبدالله اللي هو ابو نآصر

نآيف عمره 26 خاطب صديقة نوف آسمها رنيم يدرس في كندا له 4 سنين يختبر نهآئي ويرجع السعوديه قسم عيون

نوف عمرها 20 سنه تحظيريه كانت خطيبة فيصل

ناصر عمره 19 سنه يحب نوف بنت خالته

نسرين 18 سنه )

ام نايف : بسم الله هيه ي المخفه وش فيك
نسرين وهي بالغصب تتنفسس : ححح ححرآمي ففي ال البيت
الكل وقف : وش !
نسرين : والله العظيم شفت احد لابس اسود وبالحوش يمشي
ناصر : خلوكم هنا لحد يتحرك ابروح اشوف
ام نايف : انتبه ع نفسك يمه
نآصر : ان شاء الله
طلع الا ويشوف ضل وآحد يوم رآح يبي يشوف الا ويضربه بعصا ع راسه آغمى على نآصر ودخل الحرآمي البيت
آم نآيف كانت بالشباك ف قفلت عليهم الباب وكلمت جآرتهم : يختي حرامي ف البيت ارسلي واحد من عيالك تكفين ضرب ناصر ع راسه واغمى عليه والحرامي دخل
آم سعود : طيب برسل لك ابو سعود
دخل ابو سعود والحرامي هرب الحرامي على طول وراح مسك ناصر دخله البيت وبددأ يصحصحه شوي شوي وقآم
ابو سعود : كيفك الحين
ناصر : وش صار وين الحرامي
آبو سعود : لآحمدالله م فيك شي طلع من البيت انا بروح اقدم شكوى قبل ما يخرج من الحاره
وانتبه لامك ولاخواتك بغياب ابوك
ناصر : آن شآء آلله مشكور م تقصر
رآح آبو سعود و دخلت ام نايف : ناصر يمه وش صار لك
ناصر : آنتي مين ؟ آنآ وين ؟
ام نايف بكت ع طول : لا يكون فقدت الذآكره يا ويلي من لي آنآ
اما نوف ونسرين ف واقفين مصدومين
شوي الا ويضحك ناصر : ههههههههههههههههآي لهالدرجه انا مهم عندكم
ام نايف بعد سكوت : وقفت قلبي حسبي الله عليك
نوف : نويصر يالحيوووان اوريك
وقامت تلاحقه وهو يضحك اما نسرين باقي تستوعب
ام نايف : ناصر تعال ابيك
ناصر : ابعدي بنتك الجنيه ذي اول
نسرين تصيح : نويصر اللي صار قبل شوي لعب
ناصر : اشهد ان لا اله الا الله انجنت الثانيه
قامو نسرين ونوف يلاحقونه لين طلع برا وقفل الباب
نوف : اوريه خل يرجع
نسرين : قسم ما اخليها له بكيت بسببه

آلبــ(2)ــآرت (c)
وآخر بآٍت لي هاليوووم بليرز آبي آرآئكم ورآح آتقبل طبعا آنتقآدآتكم وكذآآآ


شوي الا ويدق الباب
نسرين : ابعدي شوفيه جا قسم استقبله بالحذيان بنص جبهته
نوف فتحت الباب : رجعت يالخايس
ونسرين رمت الحذيان وجات بوجهه وقعدت تضحك
اما نوف انصدمت وصار وجهها الوان : نسرين شوفي
نسرين تضحك : اكيد فقعت عيونه
نوف : نسرينوه شوفي
نسرين فتحت عيونها ع الاخير وتحرك راسها تبي تستوعب

رآئد : آه آلظاهر اني جيت بوقت غلط
نسرين : هاه لالا وش غلطه
نوف بآقي متجمده يوم استوعبت انه غريب تخبت ورى الباب ع طول
هو ضحك ع طول : وين ناصر ؟
*** (رآئد خوي ناصر طول عمره معاه يخق عند اخته نسرين م نقدر نقول حب )

نسرين مفهيه معاه : هنآ لآلآ هنآك لآ مدري راح ايوه ايوه راح
رآئد ي لبى قلبك : متى راح ؟
نسرين استوعبت انها ع الارض وقدام خوي اخوها ولو عرف ناصر بيدبحها : ي ويلي ( قآمت ع طول ودخلت البيت )
نوف : ناصر توه طلع تلاقيه يتمشى بالحي
رآئد : مشكوره ( هه ي نآيف آللي صآر بآختي معك برجعه بآختك بس آصبر علي ) ^
^^^.طبعآ آلسآلفه نآصر مشهور آنه رآعي بنآت وسكرآن وجآ بيوم كآن رآيح لرآيد وهو سكرآن بس شآف آخته وم قدر يقآوم نفسه ودخل عليها وهي تصيح محد سمعها لآن رآيد قآل له بيوصل آمه ويرجع له ورجع لقي آخته مآسكها فيصل من يدينهآ وهي تصيح تبي تبعده عنها رآح وضرب فيصل وطرده من البيت وضرب آخته طبعآ وجآ آليوم آلثآني ونآصر نآسي كل شي لآنه كآن سكران ويحسب آنه كآن يحلم ف قرر رآيد آنه ينتقم منه .^^^


نوف قفلت الباب ودخلت ع طول

رجعت لكم حبايبي بــ
آلبــ(3)ــآرت (a)

باليوم الثاني
بالمستشفى فيصل رآح يعطي آبوه كليته ودخل معاه غرفته العمليات
ام فيصل وهي تبكي : ي رب رحمتك ي رب
دانه : يمه اذا راحو ابوي وفيصل من يبقا لنا
ام فيصل : لا تقولين كذا ي بنتي الله يطول بعمره لنا
الدكتور طلع
آم فيصل : هاه دكتور بشر
الدكتور : حالتهم مستقره والعمليه ماشيه تمام بس حبيت اطمنكم
آم فيصل : حمدالله مشكور دكتور ما تقصر
دخل الدكتور يكمل العمليه وبعدها ب3 ساعات طلع الدكتور وعلامات الاسى في وجهه
ام فيصل : هاه طمننا تكفى
الدكتور : فيصل تشنج بوقت العمليه فرآح ننقله آلعنآيه
دآنه : كيف تشنج ؟ طيب يعني حي هو ولا ؟
آلكتور : لآ عايش آلله يكون بعونه ويقومه لكم بالسلامه
آم فيصل بحزن : لآ حول ولا قوة الا بالله
دانه : وآبوي ؟
الدكتور بعد صمت : عظم الله اجركم بالوالد
( وراح وخلاهم )
دانه تبكي ورآحت لآمها ع طول : يمه يمزح صح الا والله يمزح ابوي وعدني ما يخليني والله وعدني يبقى عز لي
ام فيصل : راحو عزوتنا م بقى غيري انا وانتي ي بنيتي راحو عزوتنا بهالدنيا
دانه : لا يمه يمزح والله يمزح الحين بيقوم ويضحك معانا ويسولف معانا ترى كذاب الدكتور ما مات ابوي ( حضنت امها وقعدو يبكون )
في العزا الكل مجتمع ومنهار اليوم الاول والثاني مرو مثل سنه على دآنه وآمها

بثآلث آيآم آلعزآ نوف حاضنه دانه ويبكون بغرفة دآنه مو رآضيين يقابلون آحد
نوف : دانه خلاص اهدي
دانه : حتى انتي زعلانه على اخوي شوفي دموعك لا تحاسبيني خليني اطلع اللي بقلبي
نوف شدت على دانه اكثر : الله يرحمه ويشافي فيصل آنتي خلي املك بالله كبير ابوك الحين ما يبغا دموعك يبغا دعاء منك ادعي له بالرحمه قومي صلي لك ركعتين وادعي له والله دموعك هذه ما تفيده
سمعو صوت صياح وع طول نزلوا عند الحريم
دانه : وش فيكم وش صاير؟
ابو مشاري سحب دانه مع يدها : امشي انتي الثانيه وشوفي ي ام فيصل لك اسبوع وتفضين البيت وبنتك احلمي عاد تشوفينها واذا تبغينها ف مابتشمين ريال واحد روحي لاختك ولا دبري لك مكان
ام فيصل : انت وش تبغى بالحياه اخوك توه ميت ترابه ما نشف باقي وانت جاي تحاسب صدق ما تستحي وما عندك ذمه ولا ضمير
ابو مشاري : اوص ولا كلمه فلوسه كلها لي ولده منثبر بين الحياة والموت لا وريث ولا شي
دانه بصياح : خير انت وش تبي فكني
ابو مشاري : امشي وانتي ساكته يتجين معانا انتي بس امك خل تروح تدبر لها مكان

وسمعو صوت من بعيد .: على وين ي حلو ؟
ابو مشاري : نعم وش تبي انت وخر عن طريقي
. : لآني موخر ولا شي انت اللي تطلع من البيت الحين ولا اشوف وجهك انت وعيالك والبيت والشركه والفلوس كلها صارت باسمي والمرحوم موصيني فيهم ف اطلع بكرامتك احسن ما ادوسك الحين
ابو مشاري : انت يالحشره تتكلم تراه بيت اخوي
نوآف : قلت لك هالبيت بآسمي ي حلو كل املاكه بآسمي ومو عاجبك بيننا المحاكم وتفضل اطلع برآ ابو مشاري : اخوي م يسويها ويحطها لواحد غريب انت اللي بتطلع
نوآف : مو لازم تصدق يللالا فارق لا اطيح وجهك قدام عيالك
محمد : آبو مشاري توك تتذكر ا ن لك اخو صدق انك راعي مصالح
ابو مشاري : اطلعو كلكم من البيت الحين هالبيت لي
محمد : اطلع لا تنداس كرامتك الحين اخوي كاتب كل شي باسم فيصل
آبو مشآري مصدوم : وليه ما كتبها باسمك
محمد : لآنه عارف انكم حرميه وبتاخذونها لو كانت لي مو ضعف شخصيه لكن تسلط منكم لكن مخليها ع ربي هو بياخذ كل حقي منكم وتفضل برى
آبو مشآري رمى دآنه ع الارض مثل اللعبه وخذا عياله
محمد رآح لدانه : دانه قومي يللا
دآنه حضنت محمد بقوه : عمي لا تخلينا كل عزوتنا رآحو مالنا حد غيرك لا تخلينا نتشرد بالشارع
محمد بعدها من حضنه ومسح على شعرها : مستحيل اتخلا عنكم انتو وصية الغالي يلا قومي صلي لك ركعتين وادعي لآبوك بالمغفره ولاخوك بالشفاء
نوآف آثر فيه هالموقف بس بآقي حآقد على دانه
ام فيصل : حسبي الله ونعم الوكيل وينك ي ابو فيصل شوف حال بنتك وزوجتك من بعدك ( وطلع وتركهم )
ام يوسف : لا تكدري خاطرك ي ام فيصل تنحل ان شاء الله

مر هالشهر كله هم على دآنه وآمها آم نآيف ونوف نآمو عند آم فيصل اسبوعين كذا يواسونهم بوحدتهم وهمهم

بالعيد آول يوم
قآمت دانه بتثآقل والباب يدق بازعاج : يوه من جا هالوقت آكيد آلسواق آعرفه لحجي
نزلت وفتحت الباب
آم نآيف : صبآح الخير ي النآيمين
دانه : صباح النور احد يزور الوقت دا
ام نايف : نعيد عليكم بعدين وش هالشكل
نوف دخلت وحضنت دآنه بقوه : دوينه وحشتيني كل عام وانتي بخير
دانه : كسرتيني خلاص وانتي بخير م صار عيد
دخلو الصاله جات بتقفل دانه الباب الا ونآصر يتكلم : كيفك دانه ؟
دآنه جاها تناحه : وعليكم السلام
نآصر بضحكه حلوه : طيب كيفك
دآنه : تفضل حياك
نآصر : ههههههههههه ع العموم كل عام وانتي بخير ( ودخل )
دآنه : وانت بخير ( وش به دا مجنون يضحك على أي شي )
دخلت غيرت ملابسها وجاها اتصال : آلو
نوآف : والله صوتك متحسسن اليوم
دآنه : انت م تبغا تشوفني مبسوطه ليه تنكد علي دايم ليه
نوآف : يووه مسرع انبسطتي ابوك واخوك نسيتيهم
دآنه حز بنفسها هالكلام وبدآت دموعها تنزل
نوآف : انتي م خليتيني يوم وآحد انبسط 4 شهور وانتي تجرحيني بكلامك
دآنه صآحت : وش سويت م قلت لك شي م جرحتك بشي م تفهم
نوآف : دافعي عن نفسك دافعي بس كل شي مردود لك وكل عام وانتي لي يا بعديى
( وقفل آلخط )
دآنه تذكرت ابوها وبدآت تبكي من قلبها
نص ساعه وراحت غسلت وجهها وغيرت ملابسها وتصحي امها ورآحت لخالتها على طول
وقعدو يسولفون وبآين فيهم الحزن
دق البآب رآحت دانه تفتح
آم يوسف : صبآح الخير
دآنه : آهلين صبآح النو
آم يوسف : من العآيدين
دآنه : من الفآيزين تفضلي . آهلين بسومي ويوسف شخبآركم
يوسف : بخير
آبتسآم : آحسن رحنا البحر وانتي لا
دانه : هههههه آدخلي ولا يكثر
وبدآ يتغير جوهم وسوآليف وضحك لين 4 العصر
آم نايف : خلونآ نطلع مكآن
آم فيصل : آبروح لولدي فيصل آشتقت له
آم يوسف : نروح له كلنا ونطلع نغير جوكم شوي خل تنبسطون تشوفون الناس عيد ترآ اليوم
نوف بخنقه : نشوف فيصل بعدين نروح
ام فيصل : آجل قومو البسو وانا بخلي السوآق يجي

آلبــ(3)ــآرت (b)

بعد 5 دقآيق دق آلبآب آلكل مشغول
آم فيصل : آم يوسف الله يسعدك آفتحي الباب كلنا مشغولين الا انتي خل نستفيد منك
آم يوسف : هههه من عيوني
رآحت فتحت الباب
محمد : آلسلام عليكم
ام يوسف : هلا
محمد آبتسم : كيفك يا ام يوسف كل عام وانتي بخير
آم يوسف : حمدالله وانت بخير من العايدين
محمد : تسلمين شخبار آبتسآم ويوسف ؟
آم يوسف : تمآم
محمد : حمدالله . آذ ما عليك امر نادي لي دانه ابسلم عليها
رآحت تنآدي له دآنه
دآنه : وآآآآآآآآو عمي محمد
محمد ناظر لدانه وهو يضحك : عيون عمها م واشتقتي لي ؟
دآنه رآحت تحضنه : الا وربي كل عام وانت بخير
محمد : وانتي بخير هذه هديتك للعيد تفضلي
دآنه باحراج : م كان له داعي
محمد : وانا عندي اغلى منك (حضنها بقووه )
وحشتيني وربك
دآنه : آدري وحشتك بس بتخنقني ترى
محمد : هههه آوريك
دآنه : نمزح والله وش فيك
محمد : ههه يللا دوينه ابروح تامرين بشي ناقصكم شي محتآجين شي ؟
دآنه : مو ناقصنا الا شوفتك والله
آم فيصل من ورى الباب : هلا ي محمد كل عام وانت بخير
محمد : وانتي بخير شخبارك ي ام فيصل
آم فيصل : بخير حمدالله
محمد : تبغون شي ناقصكم شي قولي لي لا تستحين مني ؟
ام فيصل : سلامتك والله
فيصل : استآذنكم آجل الله يحفظكم
آم فيصل : في امان الله

راحو المستشفى ودخلت ام فيصل عند فيصل
ام فيصل تبكي : ي قلب آمك تكفى قوم لا تخلينا كذا انا واختك مالنا غيرك والله ( طلعت كل اللي بقلبها وبعدها بنص ساعه دخلت دانه وبعدها ام نآيف )
نوف حزينه عليه ودها تدخل بس م بيخلونها تطمنو عليه وطلعوو رآحو لمول قعدو هناك تسوقو وانبسطو وجآ نآصر يآخدهم
دآنه آول وحده دخلت السياره : السلام عليكم
نآصر وعليكم السلام
نوف : مسوين لي ادب واحترام انتو ووجيهكم
دآنه : ههه لا تعرفين لازم ايتيكيت عشان ما اخرب برستيجي اللي مسويته بالسوق
نوف : والله لو نسرين موجوده ان تكرهين الايتيكيت والبرستيج
دآنه : ههههه اوريها الحيوانه كل ذا نوم
ناصر : دانه مؤشر الصوت عندك وش فيه م تقدرين ترخين صوتك شوي
دآنه : وش عليك صدق ملقوف
ام فيصل بصياح : ناصر وديني المستشفى بطني آلم فضيع والله الم ولاده
ام يوسف : لا يكون بتولدين
دانه : بآقي بدري توها داخله الثآمن
آم نايف : بسم الله عليك ناصر بسرعه روح المستشفى

في المستشفى بعد 6 ساعات
الدكتور : فيه خبر مفرح وخبر حزين
دآنه : لآ يكون آمي جاها شي تكفى
آلدكتور : لآلآ آمك سليمه والحمد لله
دآنه : قول آلخبر آلحزين
آلدكتور وآحد من آللي في بطنها مآت
آم نآيف بحزن : يآرب رحمتك طيب والخبر المفرح
آلدكتور : 2 عاشو بنت وولد زي آلقمر يهبلون
دانه صآحت : لآلآ من جدك ي لبيييييييييييه هههههه والله تمزح
الدكتور : بآبتسآمه والله ذا الجد
الكل : حمدالله ع كل حال
دانه : وامي كيفها ؟
الدكتور : حمدالله بس لازم ترتاح
دانه : اقدر انام هنا
آلدكتور: لا م تقدرين ممنوع
دآنه : دكتور تكفى الله يخليك والله م عندي الا امي بالبيت
آلدكتور : والله لو بيدي بخليك بس من الادآره ذا آلقرآر
ام نايف : تعالي عندنا م يصير تقعدين بالبيت لحالك
دانه : اني بجيكم مجنونه اقعد لحالي
نوف : هههه من ززمان م نمنا عند بعض
دانه : أي والله الله يعيني على ترفيسك اخر الليل
نوف : ههههه لآزم نرحب فيك تعرفين
دآنه : الله غني من ترحيبك بس
رآحو آلبيت مبسوطين بعد م وصلو ام يوسف لبيتها

نسرين صآحت : آممممآآآآآآآآآآآآآآآآآآنه ي لبييييييه
نوف : والله العظيم آثنين جابت
نسرين : بنات ولا اولاد
دانه : بنت وولد
نسرين : وناااااااااااااااااسه
دانه : ابشرب مويه وارجع عطشت من صيآح المزعجه ذي
نزلت تشرب مويه جا شخص من وراها وغطى عيونها وباسها مع خدها
دانه : نوفوه فكي حركات السماجه دي ي كرهي لها
آمآ هوانصدم من الصوت وظل ماسك ع عيونها
دانه عضت يده لين فك عيونها التفتت له بس انصدمت وضلت ساكته شوي : نن ننن نآيف
نايف منصدم : مع معليش احسبك وح وحده مم من اخواتي
دآنه : ممم متى جيت ؟
نآيف : بعد عيونه عنها : توني الحين وين اهلي ؟
دانه طارت فوق بسرعه : بنات بنات
نوف : وش فيك ي قلق
دآنه : نايف تحت جا
نوف : آلحمدالله والشكر نامي نامي يامريضه هو بآمريكا وش جابه
ام نايف : آمآنه من جدك
دانه بالقوه تتنفس : والله والله انزلو شوفو
طلع ناصر : وش فيه
دانه : نايف اخوك جا
ناصر : جد وينه الحين ؟
دانه : تحت تحت روح شوفه
نآصر : ي لبييييييييييييه ( وطار مع اهله له يبون يشوفونه )
حضنو نايف وسلمو عليه وبكو وكل شي
نآيف : خنقتيني يمه خلاص
نوف : نحفان يالحقير وش سويت
نآيف : سر م اعلم آحد
ناصر : طيب نجحت ولا فاشل كالعاده
ام نايف : يقطعكم تأدبو تراه اخوكم الكبير
نايف : نجحت اخدت المركز الثالث
الكل مبروك والله تستاهل
نوف : يجي منك والله فيك خيير
نآصر : غريبه والله مو من عوآيدك
ام نآيف : لآزم حفله
نسرين : متى تتزوج ي القرد ؟
آم نآيف : بنت تأدبي مع اخوك
نآيف : شفتي كيف يمه بناتك ما ربيتيهم زين
نوف : رنيم ترا طفشت تقول بتفسخ الخطوبه
نآيف متفآجئ : آيش من جدك
نوف : ياخي طفشت سنتين مخطوبين خلاص
نآصر : متى نآوي تحدد موعد الزوآج
آم نآيف : آي والله خل نفرح فيك
نآيف : آنآ بروح عندها اليومين دي واشوف متى تبغا هي
نوف : ي حرككات تروح لها هااه
ام نآيف : لازم حفله ع رجوعك والله
نوف : كيف حفله يمه وفيصل بين الحياه والموت وتو عمي مات والله تزعل خالتي ودانه
نايف : وش صآر ؟
نآصر : عمي ابو فيصل مات كان محتاج كليه وفيصل جا بيعطيه بس فشلت العمليه مات الاب وفيصل بالعنايه
نآيف بحزن : الله يرحمه ويقوم فيصل بالسلامه ( التفت على نوف وحب يغير الجو وقال بضحكه ) وآنتي فسختي الخطوبه ولا تنتظرين فيصل يصحى ؟
نوف خنقتها العبره وم قدرت ترد
آم نآيف حبت تغير الموضوع : نوفوه روحي لبنت خالتك لوحدها المسكينه
نوف قآمت بدون م تقول حرف
نآيف : وش بها هالمريضه قبل شوي تضحك الحين قلب مزاجها
نسرين : نايف جبت لي هديه شي
نآيف بآقي بآله مع اخته : يمه وش فيها انقلب وجهها
نسرين : فسخت الخطوبه من زمااااااااااان المهم م عليك جبت لي هديه
نايف : طيب ليه
نسرين : يوووووه مالت عليك من اخ ليتك م رجعت
ام نايف : م عليك منهم قول لي وش سويت وين رحت وين جيت
نايف : بكرا اقول لك يمه ابنام الحين والله تعبان
ام نايف : تعال نآم بغرفتي غرفتك مو نظيفه وابوك مسافر عادي
نآيف بآحرآج : لا يمه وش دعوهه انام بالصاله
ناصر : ينام معي يمه م عليك
آم نآيف : طيب يللا نامو عشان من الصباح نروح لخالتك ام فيصل جاها توأم
نايف : امما جد
ام نايف : أي والله
نايف : والله فيه تطورات ي شين الغربه
ام نايف : حلو انك رجعت يللا روح بدل ملابسك ونام
نآيف : ان شاء الله يمه تصبحين ع خير

آلبــ(4)ــآرت (a)


ف اليوم الثاني الكل بالمستشفى
نوف : وش بتسمينهم ي خاله ؟
دآنه : انا بسمي البنوته وانتي سمي الولد
ام فيصل : الولد بسميه همممممممممم بآسم
دآنه : انا اسمي البنت تكفين
ام فيصل : هاه وش تسمينها ؟
دآنه : همممممممم ديمآ
نوف : ي لبييييييييييه خقه هالاسم والله
ام فيصل : نآصر تروح تسجل اساميهم ؟
نآصر : من عيوني ي خالتي شوي واروح اسجل لهم
نآيف آلا وين فيصل ف آي غرفه ؟
دآنه : ف الدور الثالث غرفه 12
نآيف : اوك عن آذنكم بروح له
طلع وقعد يناظر فيصل بشوق وشفقه ومسك ايده وبكى ع طول : ما عرفتني صح انا نايف جيت افا للحين م شبعت نوم قوم ابشبع منك انا والله مشتاق لك ههه تدري جوك ثنين اخوان يهبلون مثلك قوم رجع الامل لاهلك م عندهم عزوه غيرك اختك وامك لحالهم بدون رجال من يحميهم من بعد عين ابوك قوم ترا مالهم حد . ههه تدري العيال هناك يسآلون عنك وحشتهم سوالفك ومواقفك تتدلع علينا تبي تشوف غلاتك صح ؟ . وربك نغليك بس قوم يللا
شوي الا يشتغل جهاز نبضات القلب ويحرك فيصل رآيه بكل ثقل
نآيف طلع مستعجل : دكتور بسرعه تعال شوف
جا الدكتور والممرضآت قعدو ساعه كامله عنده
طلع الدكتور : حمدالله صحى المريض
نآيف : حمدالله شكرآ ي دكتور م تقصر
نآيف دخل عند فيصل
فيصل بتعب وبالغصب يتكلم: نايف متى جيت
نايف : توني امس حمدالله ع سلامتك ي اخوي والله تاشتقت لك
فيصل : وين اهلي ؟
نايف : امك جابت توأم يجننون تحت بالدور الاول هم
فيصل :وابوي وينه ؟
نآيف سكت شوي ثم قال : م عليك ابروح اناديهم لك
نايف نزل لاهله وابتسامه شاقه حلقه : عندي لكم خبر بمليون ريال
ام نايف : وش فيه
ناصر : قلبي مو مطمني
نايف : فيصل
ام فيصل : لا يكون صار له شي
نايف : قآم صحى من غيبوبته
دانه وقفت وقربت منه : هااه آيش
نايف : صحى من غيبوبته خلاص
دآنه صآحت وحضنت نايف لا شعوريا : من جدك ولا تمزح لالا بالله قول لي
نآيف بآرتبآك : آيه والله روحي شووفيه
وطلعت دآنه مسرعه تروح له
الكل م انتبهو من الفرحه الا شخص واحد هو اللي انتبه اللي هو ناصر واوجعه قلبه على هالموقف
دانه دخلت ع فيصل لقته يبتسم
رحت وحضنته بقوه وبكت : اشتقت لك والله وينك والله محد عوض مكانك
دخلو بعدها الاهل م عدآ آم فيصل م تقدر تطلع
ام نايف :بس ي بنت كتمتي الولد خل نسلم عليه
دانه : لا شوي خل اشبع منه شهر م شفته
فيصل : كتمتيني تراك بموت كذل
دانه فكته ع طول : لا تقول كذا الله يطول بعمرك
ناصر : آخييييييرن فكيتيه احسك شوي وتاكلينه
دانه : كيفي اخوي
الكل قام يسلم عليه
فيصل : امي وابوي وينهم
ام نايف : امك م تقدر تطلع توها وآلد
فيصل بحزن : وابوي
الكل قام يطالع الثاني وعم الهدوء
فيصل : مآآآت صح
نايف قرب من فيصل ومسك كتفه : انت رجال تؤمن بربك وبالقضاء كلنا بنموت آنت بس ادعي له بالرحمه هذا اللي يبيه ابوكم ما يبي دموع وحزن
فيصل نزلت دمعه من عيونه ولا قال شي طالع ف اخته اللي آبتسمت آبتسآمة حزن
نايف : اهلك الحين محتاجينك عوضهم عن ابوك انت رجال البيت الحين انت مسؤول عنهم لا تضيعهم قوي ايمانك بربك قضاء وقدر كلنا لاحقينه محد بيدوم غير ربك عظم الله آجرك فيه شف ربي خداه منكم وعوضكم بثنين غيره
فيصل : آلله يرحمه
نآيف : آمين يللا انا بروح اصلي توه آدن
نآصر : آبروح معك
وطلعو وبقى فيصل ودانه وام نآيف
فيصل اشر لاخته بحضنه وحضنها وزادت دموعها اكثر
ام نايف : بس يمه م يصير كدا ادعو له
فيصل منهد حيله : دانه خلاص ي قلبي انا ابوك واللي تبين مسحي دموعك يللا
دانه ابتسمت : انت اللي خليتني ابكي
ام نايف : وش هالرومنسيه ترا اغار م عندي لا اخوان ولا شي
فيصل : هههههههههه روحو عند امي يللا يمكن تحتاجكم
الدكتور جا : لا ماشاء الله زي الفل
دانه : متى يطلع ي دكتور ؟
الدكتور : بعد اسبوع ان شاء الله اذا التزم على العلاج
فيصل : تامر امر ي دكتور
جا بالليل
نايف يفكر بدانه وفيصل بعد ما عرف باللي سووه اعمامهم شوي ودق جواله : هلا وغلا
رنيم : صآحي للحين ؟
نايف : لعيونك اصحى ي قلبي
رنيم بخجل : وش تسوي ؟
نآيف : آبد ع التويتر اطقطق
رنيم : نايف
نآيف : آمري ي عيوني
رنيم بتردد : آشتقت لك
نايف : ي لبى قلبك ي ناسس وربي ميت على شوفتك
رنيم : آنآ بعد متى تفضآ لي
نآيف : فاضي لك ي عيوني بس والله عمي توه توفى وولده ف المستشفى وامه توها ولدت وابوي مسافر ومشاغل خليها على الله
رنيم : الله يرحمه ويقومهم بالسلامه
نآيف : آمين بعد بكرا بجيك ان شاء الله
رنيم : اوك ي قلبي
نآيف : الله يسلمك ويخليك لي
رنيم : يللا ابي انام تامر بشي ؟
نآيف : سلامتك ي بعد عمري تغطي زين
رنيم : من عيوني يللا مع السلامه
نآيف : مع السلامه
بعده بآسبوع رجع ابو نآصر وآنبسط برجعة نآيف
الكل جا ف بيت ابو فيصل يباركون لام فيصل ويتحمدون لفيصل بالسلامه بعد م طلعو باسم وديما مع فيصل
البيت م فضا ابد حتى عيال عمانهم جو م بينهم مشاكل المشاكل بين الابآء

نوف طايره من الفرح لبست احلى لبس عندها لان براسها شي اليوم
اما دانه ف تعبت وهي رايحه جايه تقهوي وتضيف وترتب
جو بنات عمها وساعدوها شوي
رن جوالها طلعت بالحديقه :: الو
نوآف : ي لبيييه ع النيلي ( لبس دآنه ) تهبلين فيه
دانه خافت التفتت تدور له :وش تبغا انت
نوآف : اثاري عيال عمك كدا هه لو يدرون عن اللي بيني وبينك ي ترى وش يسوون ولا اخوك بكبره وش يسوي
دانه قفلت بوجهه الخط ودخلت البيت وقلبها يدق من الخوف

عند العيال
فيصل حس بتعب : ي جماعه تعبان بالحيل بريح شوي وارجع
ابو ناصر: احنا بنروح اجل ي ولدي نبيك ترتاح
فيصل : لا والله م تروحون اجل خلاص ماني طالع
نايف : لالا روح ريح ولا يهمك م بنروح بننشب لكم
دخل بمجلس الحريم وتمدد بالكنب وانفتح الباب شوي شوي ودخلت نوف
فيصل وهو مغمض عيونه : يمه م فيني شي بس ابرتاح
نوف : اصير آمك لو تبي
فيصل وقفت كل شرايينه ورفع رآسه وجلس على طول : نوف
نوف : عيونها
فيصل بعد عيونه عنها : آنتي الحين بنت خالتي م بيننا شي يسمح لنا نظل كدا
نوف قربت منه وهو مصدوم منها وجلست جنبه
ومسكت يدهه : الحب اللي بيننا يسمح لنا
فيصل : هه انتي خليتي فيها حب
نوف : آه ي فيصل لو تدري شكثر مشتاقه لك
فيصل بعد يدينها : قلت لك م بيننا شي يخليك تسوين كدا
نوف : لا فيه
فيصل : الحب لحاله م يكفي
نوف : مو حب وبس
فيصل : ههه وش فيه بعد ؟
وقربت منه ومدت له ورقة
فيصل مصدوم : من متى ذا
نوف : من وانت بالمستشفى م اتحمل بعدك اكثر وربك م اتحمل
فيصل : كيف تسوين كدا بدون م تاخدين شوري
نوف : لاني ادري انك تحبني
( آلورقه كآنت عقد زوآج جديد لهم وآلكل سآعدها بهالشي وخذو بصمته يوم كان بالعنآيه )
رفعت راسه والتقت عيونهم : قول لي صح تحبني وللحين تبيني ؟ آبي جواب صآدق من قلبك واوعدك لو كان جوابك لا م عاد تشوف وجهي ف حياتك كلها
هالورقه بمساعدة اخوي ناصر وآمك ترى
فيصل قعد يناظر بعيونها ونسى كل الخلافات اللي بينهم وحضنها ع طول : لو تبيعيني بظظل طول عمري شآريك وابيك
نوف : آحبك وربي ي فيصل
فيصل : نوف
نوف : لبيه
فيصل قرب منها واعطاها بوسه ع خدها : احبك
نوف آستحت وطلعت ع طول اما فيصل ف طاير من الفرح نسى المرض نسى كل شي تجدد كل شي بحياته
باليوم الثآني
نآيف كان يتكشخ عند المرآيه بالصاله
نوف طلعت : آكشخ وش هالزين ي بخت رنيم فيك
نايف يضحك : غيرانه والله
نوف : لا والله ماني غيرانه ولا شي بس ابعطيكم عين
نايف : هههه يللا خل اروح تآخرت
وطلع راح عند رنيم
فتحت له الباب وهي بكامل زينتها
نآيف : مسآء آلحب وش هالزين كله لي
ابتسمت رنيم بخجل : تفضل حياك
دخل نايف وحضنها بآقوى شي وبآسها ع خدها : اشتقت لك
رنيم : وانا اكثر
دخلو المجلس وجابت له رنيم كوب عصير وقعدو يسولفون ويتغزلون ببعض ^^ صار لهم 7 شهور م شافو بعض معذورين

عند دانه
يمه متى يجون اخواني
ام فيصل : شوي اش بك م فيك صبر
دخل فيصل : تبوني ولا ارجع باللي معي
ام فيصل : ي لبى قلوبهم جيب لي
دانه نطت وشالت الولد : ي لبى روحه يشبه لي
فيصل : لا والله يشبه لي انا
آم فيصل : اسكتو كلهم يشبهون لي
فيصل : هههههههه لا يمه انتي البنت تشبهك وانا الولد
دانه : لا والله وانا
فيصل : انتي بنقاليه مدري من وين جايه
دانه صاحت : نعم نعم
فيصل : يمه هذا دفتر التطعيمات اليوم اول تطعيمه لهم وتطعموو خلاص
ام فيصل : الله لا يحرمني منك تسلم لي
رن جوال فيصل يوم شاف انها نوف آبتسم
دآنه : مين هاه مين اللي يخليك تشق الحلق مترين
فيصل : وش عليك
طلع برى ورد على نوف : هلا والله لك وحشه يالسامجه
نوف : وانت اكثر كيفك ؟
فيصل : تمام . اقول نوف
نوف : لبيه
فيصل : انتي كنتي بتدخلين أي قسم ؟
نوف : ادارة اعمال
دآنه من ورآه : نووووف هااااه اوريككككم
فيصل حط يده ع فمها : يا فضيحه اسكتي
دانه : قول لي وش رجعكم
فيصل : هي تقول لك بعدين
دآنه بصيآح : لا قول لي الحين
فيصل: خلاص خلاص بقول لك الله يعيني بس فارقيني الحين
نوف : خلاص انت قول لها وانا بروح عندي محاظره الحين واكلمك بعدين
فيصل : بي تعالي مع اهلك اليوم
نوف : آوك مع السلامه

وقال لدآنه كل شي
دآنه : مالت عليكم وفلمكم الهندي ذا بروح لاخواني الله يجعلني فدوتهم
فيصل : انقلعي ي شين اللي يعطيك وجه
( ورآح للشركه يشوف آمورها *)
عند رنيم ونايف
نآيف : يللا ي قلبي ابروح
رنيم : لا خليك شوي
نايف : مقدر تاخرت مره ع اهلي
رنيم : طيب
نايف قرب منها ومسك آيدها : اقطع روحي ولا اقطعك ي بعدهم
رنيم استحت : الله معك انتبه لنفسك
نايف : م فيه احبك ولا شي
رنيم : هههه احبك
نايف : آآآه ي لبى اموت فيك انا يللا باي
رنيم : الله معك

آلبــ(4)ــآرت (b)


بعده بشهور خلصت ام فيصل عدتها وكل شي
نوآف جآته دعوه من المحكمه ورآح لهم
نوآف : آنت وش تقول ؟
الضابط : هذا اللي صار وهذه الدعوه
نوآف : ومتى الجلسه ؟
الضابط : الاسبوع الجاي يوم الاحد
نوآف : اوك اشوفك وقت الجلسه
آلضآبط : آلله معك
طلع نوآف وهو محتار كيف يخبر فيصل باللي صاير فآتصل عليه وقال له ان اهله يبون يزورونهم اليوم
التعريف بآهل نوآف

آم رعد : آمه عمرها 44 سنه توفي زوجها ابو رعد قبل 3 سنين

رعد : آلآخ الكبير عمره 24 سنه مهندس

نوآف : عمره 23

نوال : عمرها 20 سنه تركت الدرآسه بعد الثانوي ليان : عمرها 5 سنوآت



نوآف راح الشركه دخل المكتب وتفآجئ بوجود فيصل : هه هلا فيصل
فيصل : ليه الشغل مو ماشي بالشركه آبوي ليه كتب كل شي بآسمك عشان تمشي الشغل مو عشان تهمله
نوآف آرتبك : ه هو مآشي بس
فيصل : لآ مو مآشي عقود كثيره م توقعت آيجآرآت م وصلت انت وش اهميتك ف هالشركه
نوآف تنهد : فيصل آول يوم بالعزآ جو عمانك وهددو اهلك سحبو اختك مثل آل مقدر اقول لك لان شكلها كان مرثي
وكانو بيطردون امك قالو لها اسبوع اذ م فضت البيت بيقلعونها وقالو بيحرمونها من بنتها
فيصل وقف من الصدمه : آآ آنت من جدك
نوآف : وآكثر انا طول هالفتره صرت اراقب اهلك اخاف حد يتعرض لهم وشوف هذا هم رفعو قضيه علينا ويوم الاحد الاسبوع الجاي الجلسه
فيصل ارتبك م عرف وش يقول
نوآف : فيصل انتو وثقتو فيني وانا قد هالثقه واهلك اهم من الشغل
فيصل : مشكور ي نوآف والله اللي سويته م يسويه اخ
نوآف : آآ فيصل
فيصل : هلا
نوآف : خذ هذه ورقة الدعوه انا بروح اكمل شغلي آنت المدير الحين انت بمكان ابوك وآنآ بدبر لنا محامي بهاليومين واتفاهم معه
فيصل آبتسم : آوك
نوآف رآح مكتبه وقعد يشتغل اما فيصل ف قلبه نآآر من عمانه رآح طيرآن لبيت عمه ودق الباب بقوه جنونيه
مشآٍري طلع : فيصل وش فيك
فيصل دخل ولا آعطاه اهتمام : وين ابوك
آبو بندر : وش فيك انت مجنون
فيصل : ماشاء الله انت موجود هنا زين وفرت علي مشوار اني اجيك
آبو مشآري : وش تبي خير
فيصل : انتو مخلوقين من آيش آلطمع بيعمي عيونكم خافو ربكم وش اللي سويتو باهلي يالخسيسين
ابو مشآري : هه مسرع انتشر الخبر بينا المحاكم وتفضل اطلع برآ
فيصل : هه لا ي عيوني المحاكم م تاخد حقي وحق اهلي انا اخده بيدي
قآم ابو بندر وطلع سكين وقربها من فيصل : تطلع ولا اخليك تلحق ابوك
فيصل رمى السكين من يد عمه : هه لا خوفتني ي هووه انت تخاف من ضلك حتى كيف بتذبحني
عصب ابو بندر وخنق فيصل فيصل يحاول يفكه بس ما قدر ويحاول يلقط انفاسه ويبعد عمه
بس بالهدوء طلع صوت من بعيد
: لآ يبه تككفى
آلكل آلتفت لها وبآستغرآب
.: يبه لا تدبحه تكفى م توصل لهالشي
آبو بندر : نعععم عيدي عيدي والله اني م عرفت اربيك
آبو مشآري : همس انقلعي ادخلي
همس : م بخليك تذبحه لو تذبحني بداله
آبو بندر : تعاندين ابوك عشانه
فيصل بعد من آبو بندي ويتنفس بصعوبه : لآن ابوها ظالم واضعف مخلوق ع وجه الارض
جآ آبو بندر بيعطي فيصل كف بس فيصل مسك آيده وبعدها عنه بقرف : آيدك لو تنمد علي اقصها لك ماني واحد من عيالك ي الحقير شف حتى بنتك الوحيده ما تبيك
آبو بندر : همس آطلعي برآ لآآنتي بنتي ولا آعرفك وآنت ي فيصل اطلع برآ كلكم اطلعو برآ
همس : كمان تطردني بنتك تراني بنتك
آبو بندر مسك همس من شعرها وطلعها برآ ورمى عليها عبايتها : عشان كلام الناس م يقولون بنته عاريه وطالعه برآ
فيصل : والله انك مريض م فيه حد يطرد بنته
آبو بندر عصب : آطلع برآ يالخسيس لآ آشوتك
فيصل : هه آشوفك ف المحكمه ي حلو
وطلع وركب سيآرته ورآح ولا آهتم لهمس آما همس جالسه عند الباب وتبكي
نص سآعه كذا وفيصل م يطاوعه قلبه يخليها وهي دافعت عنه وقفت بوجه ابوها عشانه رجع لها رغم كل اللي سوته له ووقف قدآمها هي ضآمه رجولها وحاطه راسها عليهم وتبكي
وقف قدآمها ونزل لمستوآها : همس
همس تجمد كل شي فيها وطالعت فيه والتقت عيونهم همس آبتسمت تلقآئيآ
فيصل : قومي معي يللا مستحيل اخليك بالشارع
همس : بس
فيصل : لا بس ولا شي قومي معي ومسحي دموعك وبلا دلع
همس قآمت وركبت معاه بالمرتبه الثانيه وهي مستانسه من دآخلها
رآحو البيت دآنه اول م شآفت همس صآحت وراحت تحضنها : وش جابك ي الخايسه اشتقت لك
آم فيصل مستغربه انهم جايين لوحدهم : فيصل تعال ابيك
همس : شخبارك ي عمتي ؟
آم فيصل : بخير حمدالله يللا فيصل انتظرك بغرفتي
طلعت وطلع فيصل معاها
آم فيصل : وش جآبها معك ولحالكم
فيصل : رحت لآبوها يمه
وحكآهآ السسسالفه كلها

آلبــ(5)ــآرت (a)


آم فيصل : الخايس رفع سكينه بوجهك
فيصل : والله هذا اللي صار وطرد همس لانها دافعت عني م طاوعني قلبي اخليها وهي انطردت عشاني
آم فيصل : آعرفك ي ولدي آصيل
فيصل : يمه آنتي ليه سويتي كذا مع نوف ساعدتيها
على اننا نرجع لبعض وانتي تدرين انها فسخت الخطوبه وتخلت عني قبل زواجنا بشهر
آم فيصل : آنهآرت عندي م طاوعني قلبي وعلمتني سبب فسخها للخطوبه والله عورت قلبي وادري انكم تحبون بعض لآيكون م تبيها ؟
فيصل آبتسم وبآس رآس آمه : آللي سويتيه معروف م انساه طول حياتي
آم فيصل : ترى الكل يدري بس مو مبينين لكم عشان م يحرجونكم ونبي نسوي لكم ملكه من جديد
فيصل : لآ يمه وش ملكه زواج وخلاص
آم فيصل : هههه مستعجل لآ بنسوي لكم حفله بمناسبة خروجك وملكتك ومناسبة رجوع نايف
فيصل : اللي تشوفينه يللا ابروح ارتاح انا
ام فيصل : الله معك يمه

عند آم نآيف
نوف : يممه والله آحرجتوني مع الولد بيقول ذي كذابه
آم نآيف : لا م عليك م بيقولها انتي م كنتي تدري ان كلنا ندري
نآصر : ههههههههه خربنا صورتك قدامه
نوف : آسكت انت ي قليل الحيا كله منك
نآيف دخل عليهم : يؤ يؤ وش هالصيآح
نسرين بملل : فيصل فيصل فيصل وفيه آحد آكثر قلق من سالفته
آم نآيف : نايف يمه حددتو موعد الزواج
نآيف : آيوه بعد شهرين آن شآء آلله ف شهر 1 يعني
آم نآيف : الله يبشرك بالخير والله بنبسط فيك آخيرن
نآصر : عقبالي بس
نسرين : ههههههههههههههه مستعجل ولد ابوه
نآصر رمى مخده عليها : لا يكثر انتي الثانيه
نآيف : وين تبون اطلعكم اليوم ؟
نوف : عند خالتي نروح مشتاقه لدانه
نسرين : دآنه ولا فيصل هاااااه
نوف : انقلعي من وجهي انتي الثانيه
( ورآحت لغرفتها تكلم فيصل )
نآصر : خل نروح الشرقيه قبل م تبدآ المدآرس
آم نايف : لا والله منهد حيلي ووعدت اختي اروح لها
آبو نآيف : مجتمعين بدوني هاااااااه
نآيف : ههه هلا يبه حياك
آم نآيف : هلا بو نآيف تبي تآكل شي
آبو نآيف : آي والله جيعان
نسرين : ثوآني ويجيك الاكل ي بعدهم
نآصر : ههه مصلحه يبه مصلحه
نسرين : ادلع ابوي ع الاقل مو زيك ي ابو وجهين
نآصر : آنقلعي بس انتي وشوشتك اللي م لقينا لها حل للحين امشطي اسك ترى فيه امشاط فيه سشوار مو تفكيرك المغبر ذا
آم نآيف : بس احترمو ابوكم وهو موجود وانتي طيري جيبي اكل ابوك
نسرين : آن شآء الله

اهل نوآف رآحو لآم فيصل
آم فيصل : ي هلا والله نورتي البيت ي آم رعد
ام رعد : منور فيك تسلمين
دانه : ي هلا والله تفضلو حياكم
آم رعد : شخبارك ي دانه
دآنه : بخير تسسلمين
آم رعد : وانتي اختهم ولا ؟
همس : لآ بنت عمها
آم رعد : مآشآء الله وش آسمك
همس : همس
آم رعد : بسم الله عليك
نوآل : سنه كم آنتي
دآنه : المفروض اني 1جامعه بس وقفت دراسه
نوآل : ححلو مثلي
دآنه : آيه قال لي عنك نوآف
نوآل بآستغرآب : وش ؟
دآنه بآحرآج : لآلآ ولا شي بس قد قال لابوي وكدا
آم فيصل : دآنه خدي نوآل وهمس وآطلعو فوق عشان تاخدون راحتكم
دآنه : ان شاء الله يمه يللا تعالو
آم رعد : الا م قلتي لي دآنه كم عمرها
آم فيصل : 19 سنه
آم رعد : آيه بسم الله عليها ويقرب لها نصيبها
آم فيصل م فهمت وش قصد ام رعد بس اكتفت بآبتسآمه

باليوم لثاني
ام فيصل : انا بروح اطعم اخوانك
دانه : بجي معاك
آم فيصل : وانتي همس تجين ؟
همس : لا ابغا انام والله
آم فيصل : يللا دانه قومي البسي
قآمت لبست وطلعو م بقا بالبيت الا همس وفيصل
فيصل توه صآحي نزل يدور اهله م لقي آحد طلع بالحديقه لقي همس تكلم هو ع باله انه دانه
قرب منها بس سكت يوم سمع صوتها عرف انها همس وظل يتسمع لكلامها
همس : مدري ي رنا بس لا شعوريآ دافعت عنه
رنآ : اه من الحب
همس : والله احبه اموت فيه بس هو يحب بنت خالته خاطبين بعض انا من طفولتي احبه
رنآ : خلاص حاولي تنسينه الله يعينك ويللا ضفي ابساعد امي
همس : طيب مع السلامه وقفلت آلخط
آآه تقولين انسآه آنسى روحي ولا انسآه حب الطفوله ذا مستحيل افكر بغيره ي بختك ي نوف الله يهنيكم ف بعض ويعيني على جرحي
فيصل تنحنح يبي يحسسها بوجوده
لفت بسرعه : فف في فيصصل م من مت متى وآنت هه هنآ
فيصل : توني جيت وين اهلي
همس : مدري
فيصل : كيف م تدرين
همس : هاه ايوه رآحو يطعمون بآسم وديمآ
فيصل رن جواله : هلا يمه
آم فيصل : شوف همس بالبيت جيبها وتعال المستشفى خل نطلع نغير جو
فيصل : تامرين امر يمه يللا مع السلامه
لف يكلم همس م لقآهآ ضحك على برآئتها ورآح قال للخدامه تقول لها تتجهز وتطلع
وطلعت واخد آهله ورآحو لحديقه وكلمو آم نآيف وآم يوسف يلحقونهم