جيتك وقلبي حامله في يديني

ماهو بكيفي جاكم القلب منساق

حافظ علية وطمنه ياضنيني

عندك امانة لاتخليه صفاق

عايش بغابة موحشه وانقذيني

خوذيني لنورك ياشمس الاشراق

صوتك ملكني وفجر الحب فيني

وسالت ينابيع الهوى صوب الاعماق





كافي عذابي منك يانور عيني

حبك لهيب النار يحرقني حراق

ناداك ليل الهوى تنور سنيني

عطني جوابك ياهوى البال مشتاق

إن كان حبل الغلا عندك متيني

ومثلي تنام الليل والقلب خفاق

لا والله الا سدد الحب ديني

واصبحت أنا للهم ياشمعتي عاق


وكانك نويتي مهجتي تتركيني

هذي معاناتي على صدر الاوراق

auv [dj;