LinkBack URL
About LinkBacks
احلام طاحت دمعتها المحتبسة لما قرت هالمسج
عبير قرته ومسحته وهي تقول في بالها انا لازم اخلصك منه يااحلام لانه كله خطأxخطأ
دقت لها احلام الرقم بيد مرتجفه وعطتها اياه
نايف اول مرنه صاحت رفعه على طول: احلام بليز لاتسكرين خليني اتكلم
عبير تقاطعه وهي تكبر صوتها عشان يظن انها ام احلام ومايعرف انها اختها: شووف لو سمحت وقف عند حدك خلاص بنتي صحت لغلطتها وانا امها سامحتها لاتقعد تتصل وترسل لها مسجات لو ترى بتشوف شي عمرك ماشفته بحياتك فاهم ولا لااا!
نايف انصدم سكت بس عشان احلام بيجازف لانه حسمها بعقلة بدون احلام ماراح يعيش سعيد
نايف: ااسف ياخاله بس لازم تعرفين اني قصدي شريف يمكن صحيح البدايه غلط بس انا الحين ابي انهيها صح
عبير ماتبي تطولها وهي قصيرة وهي حاطة ببالها انه من خوفه ان ام البنت تكلمه قال هالكلام ولا هو مو صاج ابد في ولا كلمه فقالت بسرعه تبي تسكر: اللي يبي احد ويحب احد يروح له بطريقة صح وانا قلت لك لاعااد تتصل لا والله مابتلقى خير وسكرته بوجهه وقفلت الجوال مره ثانيه عشانم لا يتصل
احلام رغم حزنها فقعت ضحك على عبير وهي تكلم ضبطت صوت الأم لدرجة ان احلام صدقت هاللعبة فقامت عبير ضحكت معاها
وبعد فترة قالت احلام بخوف: عبير لاتقولين لأامي وابوي الله يخيليك عبير مابيهم يزعلون علي ولا ابي اطيح من عينهم ابوي وتسكت شوي وتكمل: ابوي واثق فيني ومفتخر بعد لكن انا ماحافت على ثقته فيني عبير انا عاقبت نفسي وشفتي شلون ابتعدت عن الجوال وهذا اللي ناوية اكمله عبير
عبير ابتسمت وقاطعتها بعد ماسمعتها: وانت توعديني ماتوقعين بهالغلط مرؤه ثانيه وتبعدين عن اصحاب السوء
احلام فهمت انها ماراح تعلم احد: اكييد ودمعت عيونها ورجعت ضمتها لها
احلام: مشكورة عبير مشكورة يااختيممادري شكنت راح اسوي بدونك
عبير بابتسامه: وعلى فكرة بكرة انا رايحه معك للمرشده الطلابيه .ز عشان رجاء تنصلح بعد واهلها يحافظون عليها عشان ماتشجع البنات ع الغلط.
احلام حست براحه كبير وقالت لها: طيب خلاص روحي نامي خذت من وقتك كثير
عبير:هه أي والله ايه صح وتقول امي ان اختنا الجديدة نسخه مصغرة عنك طبعا انا ماشفتها بس هذا الي سمعته وطلعت عنها
احلام استانست وتذكرت كلام ابوها انه يبي بنت ثانيه مثلها وراحت نامت متطمنه لوقفة عبير معاها صج تتعذب لحبها له بس هالعذاب يهون في سبيل ضمان سعادة بيتهم!
**** *** *** **** *** ** **
جاسم كان كئيب من اللي وصلوا له هو وامه ليلة امس
طبعا ام جاسم راحت بعد ماطلعت من حفلة وفاء بيت ام سلطان وبعد بعض من السوالف قالت لها انها جايه من السعودية خصيصا عشان تخطب له بنتها
وطبعا ام سلطان رحبت فيهم وقالت لها الود ودي والله بس للاسف البنت محيره ولد عمها وانا مابيدي شي
بس ما اصرت ام جاسم وقالت لها الولد ماعنده مانع تكمل دراستها وبيسكنها هنا بالبحرين باني بيت وخالص كل شي موجود فأنتي حاولي تشوفين اذا فيه فرصة
ام سلطان اكدت لها انها تتمنى ولدها لبنتها بس قالت لها بتكلم زوجها يكلم اخوه ويستشيرون ولد عم النت اذا و ماعنده مانع يتخلى عنها اكيد مابيلقون احسن منهم
وطلعت من عندها وهي توعدها انها في خلال يومين بترد عليهم بس يستشيرون البنت وولد عمها
جاسم كان يتمنى تكون هالبنت من نصيبه لأنه مايبي يروح بعد لناس ثانين وتعالوا كل مره بخطب وحده تطلع اما انخطبت ولا محجوزة
قام جاسم اتعوذ من ابليس ودعا ربه ييسر اموره ويسهلها له
**** *** *** *** * ** * *** **
وفاء بعد ماصلت الفجر مانامت ماجا لها نووم تبي تقرا رسالة راشد بس كانت تستنى الكل في البيت ينام
نزلت تحت الحديقة ونست تاخذ جوالها اللي من امس ماشافته ولا شافت رسالة خالد
قعدت ع الكرسي وفتحت الظرف وهي تحس بتقلصات في بطنها هههااي
فتحت الرسالة وابتدأت تقرا:
بسم الله الرحمن الرحيم
الغالية وفااء
هذا انا راشد اخط لك بيدي اليمين اصدق الكلمات اللي ابيها تدخل لقلبك على طول
بغض النظر عن ماضي كل منا ابيك تنظرين للمستقبل مستقبل حياتنا حيتنا مع بعض في كل شي
انا امنيتي اسعدك وان شاء الله اقدر وهاذي افكاري ببثها لك على شكل مو مباشر وانت بتفهمينه وابيك تردين علي ياحياتي بافكارك كل امنياتك ياوردةتشبه كل وردة بليز وفائي اقري كلامي بتركيز لأنه يعني لي كثير انك تفهميني
وهاذي هي مكنونات قلبي اقدمها لك يامن ملك قلبي
هل تسمحين لي بأن ادخل الى مملكتك والوقوف امام عرشك؟
هل تسمحين لمشاعري بأن تبدأ بالكلام,فأنا شاعر وكاتب ورسام,جئت إليك من بلاد الحب,من مدن العشق وجنات الخريف,جئت اجمع الورود والأازهار والطيور والنسمات,حتى النجمات صعدت لها اعالي الجبال, ولكني لم استطع الوصول إليها,لأنها تكوناجمل في البعد,نعم جئت بكل ذلك إليك.
لااعرف كيف ابدأ,فكل العالم يشعر بوجودي,لكني لااشعر الا بوجودك,فهل معنى ذلك اني احبك؟ نعم بدأت اشعر بالدفأ والحنان,عندما كنت احاول ان اكتب اسمك او التفكير فيك.
هل تعلمين انني احببت وبدأت اجمع الورود, لأبني طريقياليك؟وهل تعلمين انني كنت ادخل الى قصرك اجمع الورود من حديقته مساء,لتجديه في خزفيات غرفتك عندما تستيقظين في الصباح؟!!
هل تعلمين انني من كان يقف في آخر سور القصر يعزف على الناي عن الغروب؟ !!
هل تعلمين مامعنان تجدي في شرفة غرفتك رسالة تحمل وردة حمراء,(كرسالتي هذه),مربوطة بشريط ذهبي على ستارة الشرفه كل صباح، وأنت تعلمين ان اسوار المدينة عاليه, وقصرك في وسط المدينه وسور قصرك عالي جداً, وحراس حول قصرك,وفرسان يتجولون في حديقة قصرك ليل نهار,ولكي اصل الى غرفتك,هناك الف باب وعشرة حراس في كل باب، وشرفة غرفتك عالية في السحاب.!!
فهل ادركتي معنى تلك الوردةالمربوطة بالشريط على رسالة غرفتك!!
ان ادركتي معناها ياوفاء فاعتبري رسالتي هذه مرفقه بتلك الوردة
مع تحياات من يعدك بلحب والحماية والأمان مدى الحياة!!
راشد
** ** ** **
وفاء انغرمت بهاي الرساله وتسارع نبض قلبها تحس بالسرور لما تحوية هاي الرساله من معاني
بس كلمه علقت عليها وماعجبتها كثير وهي انه بيجمع لها الطيورخخخخ لأنها ماتحبهمكركركر
وراحت غرفتها وخذت ورقه حلوة وكتبت له رد على رسالته رد من قلبها له وخلتها عندها الى ان تلتقي به بتعطيها اياه
. .
وراحت رجعت نامت وهي مرتاحه
على الساعه 2 الظهرفي بيت ام ناصر
ليلى جالسة مع جنان وخواتها ام ناصر وام سالم في الصاله ينتظرون سالم وحسام عشان بيردون السعودية لأن سالم قال لهم انه بيت ام حسام بيجونهم اليوم
وفاء بعدها نايمه
وريم في الحديقة تكلم خالد وجالس معاها نايف
اما سالم كان حاط في باله انه بيروح اليوم السعودية عشان يوصل اهلة ويخلص من موضوع حسام وجنان ويرجع يوم ثاني البحرين يخلص موضوع هيفاء اللي شاغل باله حاليأ اكثر من اي موضوع ثااني
مشوا قوم جنان وامها بعد ماسلموا ع الكل
ع الساعه 2 ونص جلست وفاء من النومطالعت الساعه واستغربت كثر نومها بس تذكرت انها يوم تنام الصبح من حقها تتاخر استغفرت ربها وقامت بسرعه غسلت وتوضت وصلت صلاة ربها خلصت الصلاة الواجبه بعدها صلت ركعتين شكر لربها للراحه اللي تحس بها وقرت شوية قرآن
ويوم تخلص كان باقي عشر دقايق وتصير ثلاث بالضبط اي بيجي مسلسل عباس الابيض في اليوم الاسود
هي عادة تشوفه بالليل بس هي كانت مشغولة بحفلتها طبعا فنزلت تبي تشوفه
كان مافيه حد بالصاله يوم تنزل ماعادا هادي
مرت ناحيته بتروح المطبخ وقالت له: جهز نفسك هدوي بطالع المسلسل انا عشان تقوم ودخلت المطبخ وهي تسمعه يعاند مثل كل مره ويقول: مااني قاايم عشان هالمسلسل البايخ
وفاء سوت لها كوب حليب كافي وخذت فطيرة جبن
ووراحت الصاله تستعد للمعركةوهي تسمع اصوات ليلى وريم ونايف برا في الحديقة
شربت شوي كافي وكلت شوي من الفطيرة وحطتهم ع الطاولة وحطت يدينها الثنتين على خصرها: هدووي جيب الريمووت احسن لك
هادي بعناد شديد وهو حاط الريموت ورا ظهرة وهو ع الكرسي طبعا: ماراح اجييبه انا قاعد اطالع كونان ولا ماتشوفيني يعني اطالع ولا مو مالي عينك
وفاء بمسخرة >>تنحرق اعصابها مع هادي: لااا مالي نص عيني بس والحين معااك يعني
هادي: انااللي مشغل التلفزيونكيفي
وفاء كانت واقفة وعاطيه ظهرها للباب ومواجهه هاديوسمعت الباب ينفتح بس مالتفت ولاجابت خبر على بالها انه احد من اللي برا
وكملت كلامها: والحين معااك هدوي بتجيب الريموت ولاناوي على شر.!.!
هادي يطالع باللي جاي من ورا وفاء
راشد: لا شكله ناوي على شر
وفاء عرفت الصوت وتصنمت
وبعدها عاطيته ظهرهامنصدمه ماتصورت انه بيجي الحين ومن غيرموعد بعد
راشد: شنو مافيه تفضل مافيه حياك الله
وفاء وهي تحس شكلها مو عدل كانت لابسة بيجامه حرير لونها سكري واطرافها فيها ورود وردية وكانت مرة ناعمه وشعرها كان مفلول لأنها توها جالسة من النوم وهي مستحيل تنام وتربطه او ترفعه فما غيرت فيه شي وكان شكله حلو بس تعرفون هواجييس البناات!
كركركر
وفاء التفت له وباين عليها التفاجئ: اهلا
راشد: وسهلاا
راشد يتمعن في ملامحها وكانت عنده احلى بمليون الف مرة دوون مكيااج وكان يتمنظر فيها من فوق لتحت وفاء احمرت ومشت عنه بعيد شوي وقالت لهادي: والنهاايه معك يعني جيب الريموت خلص
راشد مستعجب منها وفيه ضحكة بس حابسها وقال: هادي جيب الريموت
هادي مد يده لراشد وعطاه الريموت على طوول
وفاء تطالعهم بغيضكأنهم متآمرين عليها
راشد يدري انها بتنقهر فتعمد يسوي كذا
جلس على الكنب وسوى روحه مايشوفها شوي طالع فيها وقال اوه وفاء تفضلي قعدي
هي طالعت فيه بعين وجنب وراحت جلست مكانها والكافي قدامها ومعاه الفطيرة
هادي: لاتحط مسلسلها البايخ مانبيه
وفاء: هدوي انطم احسن لك
راشد: لا انت ولا هي الحين انا اطالع مسلسل طالعوه معاي حلو
وحط دبي وعلى مسلسل عباس الابيض في اليوم الاسود
هادي: حتى انت تطالع هالبايخ مبتلشين بوحده صاروا اثنين
راشد بتعجب:ليش هذا اللي تبيه وفاء
هادي: ايه هذا هو لابارك الله فيه
وفاء ابتسمت غصبا عنها وهو بعد
هادي تحرك بالكرسي ونادى ع الخدامه تطلعه برى الحديقة
وفاء: منو دخلك
راشد: الباب منو بيكون يعني الشباك
وفاء يقهرها لما يستعبط عليها ويرد ردود تبط الشبد فقالت له:بلا بيااخه اقصد منو فتح لك الباب
راشد: ههه نايف وهم جالسين برى قلت لهم وين وفاء قالوا نايمه بعدها دخلت ناوي اسوي فيك مقلب بس الله ستر وجلستي
وفاء: لو سويت لي مقلب كان تشوف شي ماشفته في حياتك
راشد:ههههاااي
وفاء: وكذا تجي ماتقول لي
راشد: شنو يعني طرده اطلع يعني
وفاء: لااا مو هذا قصدي بس ان يعني شووف حالتي!!
راشد: شفيها حالتك مثل العسل!
وفاء: ياربي!
راشد: وش فييك تتحنطبين
وفاء: لاسلامتك عزيزي
راشد:الله يسلمك عزيزتي
وكل واحد ارتسمت شبه ابتسامه على شفاته وسكتوا يطالعون المسلسل
****** ** * ** * ** ** * *** **
