LinkBack URL
About LinkBacks
والله أخوي خالد القصه للحين ما اتكملت لأني ناقلتها من منتدى طبعا الكاتبه ما كتبت النهايه للحين بس باقي اجزاء ما نزلتها لكم انشاء الله في هاليومين أنزل بقيت الأجزاء
التكمله
الجزء الثالث والثلاثون
وفاء ماكانت حاسة انها ترتجف خوفاً من انها تسمع خبر مو زين كانت تحس بالخووف من ان يكون شي سيء صاير لهم.
تكلمت ريم تهديها: ماصاير شي وفاء ليه كذا خايفة ومتوترة؟
وفاء: جلوسكم كلكم من بدري وهنا مو طبيعي احس ان شي صاير كأن في شي ولا انا ساعتي خربانه!!
نايف:هههههه لا ساعتك مو خربانه بس هو في شي صاير صج لكن شي حلو
ناصر: غربلك وفااؤوة لاتزهقين حالك احنا قررنا نروح المزرعه اليوم بس ست ليلى مارضت نقعدك من النوم تقول مسكينه خلوها تنام مانامت الا متأخرة واذا قعدت بروحها بنروح وكنا ننتظرك بس
وفاء اخيرا ابتسمت وعاد الدم يجري بعروقها طبيعي وقالت: اوووبس يعني اخرتكم خلاص بروح البس بسرعه وابدل والبس عباتي وبجي يله بناات لبسوا عباياتكم عشان لانأخر الشيخ ناصر اكثررر
الكل:هههههههه
**** **** ** *** ** *** ** ** *** ** **
في مكة في هالوقت هم خلصوا كل شي ويبون يردون شقتهم بس البنات تعرفون شو جنونهم في اي سفره>>السوق<< هههااي وطبعا سوق مكة مايحتاج اققول لكم عنه المحلات كثييييرة بجانب الحرم وحولة وكلها تبيع اشياء متشابهه فيه منها القديم ومنها الجديد
فأخذوا لهم على تذكارات بسيطة وكل وحده خذت هدية لأحد صديقاتها وكذاا
واتفقوا البنات جنان ومناهل وايثار على انهم بياخذون لهم ولصديقاتهم مثل بعض وخذوا لهم قلم خشب في علبة خشب مكتوب عليها بالحفر كلام وعلى القلم مكتوب لكل وحده اسمها وصاروا مطقمين وهم مستانسين>> اظن عرفتوه هذا معروف في مكة القلم حتى من قريب بس جاني مثلة من مكة من صديقة واايد عزيزة على قلبي واكيد بتعرف اني اقصدها وهي تقرأ ههههاي شفتوا الوااقعهههههه
خلصوا وقالوا الأمهات هالمرة انهم يبون يروحون مركز ابن داوود هذا مركز يبيع كل شي وعلى مستوى والللي راح مكة او المدينه يعرفةقالوا انهم يبون يروحون يشترون لهم شوية اكولات ويبون يطبخون دام عندهم مطبخ مجهز لأن من اول ماوصلوا ماكلوا الا من مطعم والفطور على الفندق فيبون يسون لهم عشاهم وراحوا واشتروا كل اللي يبونه
سالم وحسام يمشون مع بعض ويسولفون والبنات كل وحده متنقبة ويمشون مع بعض وقدامهم الأمهات
خلصوا كل شي ورجعوا شقتهمودخلوا الشباب غرفهم والبنات غرفتهم
ام حسام: تقبل الله منكم صالح الأعمال يابنيات
جنان: منا ومنك خالتي
مناهل: ايه منا ومنك خالتي
الكل:هههههههههه
ايثار: الحين امك انقلبت خالتك!
مناهل: يوة صج نسيت بس والله بس كنت اقصد اقول مثل ماقالت جنان
الكل:ههههههههههه
الأمهات راحوا المطبخ يجهزون للغداء وظلوا البنات يسولفون وجنان وايد مرتاحه لهم وخذت عليهم مثل ماخذوا عليها
وخصوص مناهل واايد صارت قريبة من جنان بسوالفها المرحة حتى ايثار بس لأنها وايد هادئة اكثر عن هدوء جنان بعديمكن لأنها اكبر وحده بينهمويمكن لأنها ماانخطبت للحين وتحس بعمرها بتعنس وماتدري ان الحياه قسمة ونصيب وهي ان شاء الله بتاخذ نصيبها لأن الله ماينسى احد ويجوز هذا اختبار وابتلاء من الله عز وجل
** ** ** **** *** **** *** ** *** *** ** ***
نرجس وكوثر قعدوا من النوم لأنهم متعودين يوم الجمعه يقعدون بدري
نرجس امس قبل لا ينامون كلمت كوثر وقالت لها انهم لازم يحاولون ولو عشان راشد يتغاضون عن اللي فات وينسون الماضي ومايسبون مشاكل لأخوهم وزوجته كوثر ماردت عليها بس هزت كتوفها وسكتت وقالت بعدها: تصبحين على خير ونامت
نرجس احتارت بس هي عارفة ان كوثر موطبيعيه صار لها كم يوم والدليل انها اغلب الوقت ماتشتهي تاكل وبدت اعراض الضعف تبان على وجهها الحلو وقررت تفاتحها بالموضوع لما تروق وتهدأ
كوثر: تعالي نرجس قبل لاننزل بشاورك بشي
نرجس راحت جنبها وهي تأمل انها تقول لها انها قررت تتقبل وفاء عشان اخوها بس راح الأمل لما قالت كوثر: تذكرين كلام امي عن شهد لحسين اخوي
نرجس: ايه لما قالت انه مو عدلة يخطبها لأنها صغيرة عليه بالنسبة لوفاءلأن.
كوثر: ايه ايه لأنه مايصير زوجة اخوه الصغير تصير اكبر من زوجته وهو الكبير ولذلك قلت ابي اقول لك ان حنا لازم نكلم شهد ونقنعها
نرجس: ايه صح لازم تقولين لها صرااحه هي كاسرة خاطري لأنها شكلها من زمان تحب حسين ولازم نقول لها تشيله من بالها وماتقطع نصيبها بيدها
كوثر: ايوه لازم خصوصاً بعد ان قبل فترة هي قالت لي ان تقدموا لها ناس بس هي رفضت لأن عندها حجة انها تبي تركز على دراستها حاليأ فأمها واخوها اقتنعوا لكن بكرة اذا خلصت بأيش بتتحجج لهم على امل انها ترفض عشان حسين لو فكر
نرجس: مسكينه شهد ماتستاهل بس لازم توعينها وتكلمينها انا ماقدر اشوفها تتعذب لهالفكرة فانت قولي لها
كوثر: خلاص بكلمها الحين اكيد قعدت وبشووف
نرجس بحذر: وانت طيب ماراح تقولين لأختك حبيبتك على اللي شاغل بالك!!!!!
كوثر ماتوقعت ان حد لاحظ وماتبي حتى نرجس تلاحظ هي تعرف ان نرجس تقرأ افكارها فخافت انها تعرف شي عن خليل وقالت بسرعه: انــــــــا وتسوي نفسها متعجبه: مافيني شي ليش تقولين ان فيني شي
نرجس: كوثر انت توأم روحي قبل أي شي وانا احس فيك واكبر دليل انك دوم رافضة تاكلين وحتى بالمدرسة دو سرحانه كوث هذا اخر ترم ولازم يكون معدلنا زين عشان ندخل الجامعه ولا انت تبين تخسرين كل شي عشان شي واحد رافضة تقولينه لي!!
ونزلت عنها.
كوثر تلقت صفعة من نرجس شافت اختها نرجس اللي نادر ماتعصبمعصبه كانت منقهررة ماعرفت شو تسوي تلحقها تأكد لها ان مافيها شي ولا تقول لها الصج ولا تخليها براحتها
ماقدرت تسوي ولا واحد من هالأشياء لأن شهد دقت لها مسكول على جوالها راحت وقررت تكلمها وتقول لها كل شي عن حسين
راحت للتلفون ودقت رقم بيتهم صاح مرتين ورفعته سعاد: الو مرحباا
كوثر: اهلين خالتي صباح الخير
سعاد: صباح النور هلا والله ببنيتي
كوثر: هلا فيك شخبارك ان شاءالله طيبه؟
سعاد: عايشين نحمد الله ونشكرة
كوثر: الحمدلله ها وينها شهودة
سعاد: منو كوثر ولا نرجس
كوثر:ههههههه انا كوثر خالتي
سعاد: شسوي ماينعرف لكمدقيقة انادي شهد
سعاد: شهــــــــــد تعاالي ياشهد تلفوون
شهد: ها يمه شحقة تصارخين؟
سعاد: كوثرع التلفون
شهد: هلاااا والله
كوثر: هلاا فيك
شهد: ها شلونك وشلون كانت ملشة اخوك
كوثر: كلوه تماااام
شهد: مبروووك
كوثر: الله يبارك فيكوتكلم روحها:مدري أي بركه وهو ماخذ وفااؤوة
شهد: شو قلتي؟
كوثر: لا سلامتك المهم
شهد: ايه جيبنا للمهم شنوو؟
كوثر: ابيك في موضوع مهم وضروري
شهد: كلي اذان صاغية
كوثر: لاااا مايصلح ع التلفون ابيك تقولين لأمك وتجين بيتناا
شهد: طالعي الساعه كم ؟!
كوثر: عادي الحين بتصير 8 واحنا عازمينك انت وامك على ريوق ماتذوقتين مثلة بحياتك
شهد:هههههههههه طيب انا بقول لأمي ومااظني بتمانع وانت روحي قولي لأمك مو بس على كيفك
كوثر:ههههههه طيب يله بااي
شهد: اوكي بااي
نزلت كوثر وقالت لأمها ان خالتها سعاد وشهد بيجون يفطرون معاهم
سعاد رحبت فيهم وعاادي عندها لانهم متعودين يفطرون مع بعض ويقومون بدور الصديقات قبل الجارات
وشهد قالت لامها انهم عازمينهم ع الفطور واستانست سعاد لأنها اصلا كانت حاطة بباها انها تبي تروح لأاختها ام راشد وتشوف شو صار مع ولدها وملشته وتتطمن عليهم
**** * **** ***** ***** ****** ***** *
