الموضوع: وقال القلب آه (قصة رومانسية اجتماعية ررررررررررررررروعة)

وفاء:اهاا الله يرحمة توني تصدق افكر بابوك ماجا ع بالي
راشد: هههههه مو لازم يجي ع بالك اهم شي انا جيت ع بالك
وفاء كاتمه ضحكة وبتحدي قالت: اصلا مافكرت فيم ابد قبل اليوم
بس لاني عرفت اني خلاص بودع ايام اول وحسيت بتوتر وجيت انت عبالي بس!!
راشد حس شوي بخيبة امل بس مايبي يبين لها هزيمته وقال بانتصار وفرح زايف شوي: اهم شي فكرتي حتى لو بس اليوم.!!
وفاء:هههه الظاهر انت ماتنغلب ابد اقول لك كلمه تقول عشرر الله يعين قلبي بس
>> مثل ماقلت لكم من قبل وفاء وريم عنهم جرأة ودووم الصراحه على لسانهم حتى لو كانت تجرح بس هاي اسلوبهم اللي ورثوه عن امهم ويمكن لو كانت وحده غير وفاء استحت وماتكلمت هالكثر بس وفاء غيير البنات هههااي حبيبتي والله <<
راشد: ااه وقلبي بعد
وفاء: شو هالقلاده
راشد:ههههههههه شسوي مو حرمتي لازم اقلد
وفاء قفطت وسكتت
راشد: محلاتك وانت مستحية
وفاء: اووه راشد خلاص لاتحرجني اكثرر
راشد:هههههه ىىه ياقلبي قولي مره ثانية
وفاء محتارة : شو اقوول
راشد: اسمي بليييييز وفاء بليييز
وفاء استحت ومارضت
راشد: عشاني يله بنفذ لك اي شي تبينه اذا قلتي اسمي
وفاء بحيرة: اي شي
راشد: اي شي طبعا بعد الحفلة تعرفين يعني عشان كلام الناس بس لا غير
وفاء: اعرف
>> وفاء لما تنطق حرف الراء تنطقه بشكل غيير حللو ع لسانها كأنها تدلع ولا شي بس هو طبيعي كذا يطلع منها برقة ونعومة مو طبيعيه تخلي الي يسمعه يحب يسمعها وهي تتكلم <<

راشد: استنى
وفاء: ههههه انزين استنى خليها تطلع عفوية ماعرف
راشد: امري لله انت شكلك عنييده وانا ابتلييت.
وفاء:هههههه محد ضربك على ايدك ترى واايد يتمنوني عادي تقدر تردني لأهلي وتاخذ غيري اي وحدهه ماتبتلي بها
راشد انصدم: بللللللل كل هالجوم عشان مزحه قلناها اسحب كلامي يابنت الناس سوري والله وبلا هالكلام البايخ طيب اصلا انا اتمسكت فيك اكثر الحينولا بردك لأهلك لا الحين ولا بعدين
وفاء ابتسمت
راشد: شو ؟ شحقة هالأبتسامه الغاوية؟!
وفاء:هههه انت اليوم ناوي علي والله لا ولا شي بس نيوف ولد عمتي.
راشد: ايه شفيه نيوف؟
وفاء: يقول لي الله يعين اللي بياخذك بيردك لنا من ثاني يوم شكله
راشد:ههههههه وش درااه
وفاء: نعممممممم!
راشد:ههههههههه لا لا اقصد شدرااه بهالماسة الثمينه اللي ماحد يقدر يتركها وش قال يردها من ثاني يوم
وفاء: احم احم
راشد:ههههههههههه حليلك شوفي انا اطمنك من جهتي ياوفاء راح احاول اقدم لك اللي عندي كله واسعدك قد ما اقدر واخليك ترتاحين معاي وماتندمين ابد على انك خذتينيولا بعد بخلين تتندمين ع الوقت اللي راح من عمرك بدوني
وفاء: ههههه وانا بعد ياراشد بحااول اقدم لك العون اللازم وان شاء الله يوفقنا ونعيش على قد نيتنا
راشد ابتسم وقال: اووف محلى اسمي ع السانك
وفاء قالت باحتجاج وهي مستحيه: اووه راشد خلااص
راشد: ههههههه ياعيني والله ع اللي تستحي
وفاء: كانك زودتها وكأنه نايف ما جأ قالوا بس نص ساعه
راشد: ياقلبي بعدها ماتخلص النص ساعه وبتحدي: وبعدين نايف صديقي الجديد اتفق معاي بربع ساعه زياده لأنه يقول يتفهم
شعوري اني ابي اخذ فكرة عن زوجتي قد ماقدر
وفاء:هههههههه نيوف سباال مايتأدب يصبر بس بكفخه
راشد ع بالها تمزح >>وفاء تظن ابوها وامها قالوا له ان خالد ونايف اخوانها وامها وابوها يظنونها بتقول له ولا احد قاله مسكين وصار هو مايدري>>
وفاء: تعرف اكثر شي مرتاحه منه انا شو
راشد: شوو؟
وفاء: امك الصراحه حبيتها ودخلت قلبي احس اني بقدر اتحمل كل شي في سبيل ارضائها >>كانت تقصد نرجس وكوثر<< واايد طيبه وحنونه
راشد مبتسم وهو يفكر بشي: ايه واايد طيبة وحنونه الحياه ظلمتها واايد والله عوضها بزوج بنتها وان شاء الله بزوجة ولدهاابتشووف خير بعد
وفاء: شي اكيد بس ليش يعني تقول ان الحياة ظلمتها؟
راشد: قصة طويلة انت والله امي قصة حياتها فلم هندي
وفاء:هههه شلون
راشد: سلم الله عمرك هي تزوجت يوم كان عمرها 17 يعني صغيرة ع الزواج شوي واللي خذته كان ظالم كان دوم يضربها ويمد ايده عليها ومايخليها تتهنى بعيشتها لازم يعكر عليها
هي كانت ناويه تطلب الطلاق لما اكتشفت انها حامل بأخوي حسين
ماقدرت تحس انها بتظلم طفلها وبتحرمه من الابو بس هو رغم علمه انها حامل مااكترث وضل ع حاله يضربها يهزأها ودوم معاندها هي تعبت وماقدرت تتحمل اكثر وتأكدت انه مستحيل ي\كون ابو بالهالطريقة ومابيحن على اولاده وبيضربهم ومجرد هالتفكير عور قلبها وراحت لمحامي تستشيرة عشان تبي تطلق منه
وفاء وايد متأثرة وكانت تسمع باهتماام شي اول مره تعرفه
وراشد كمل: وراحت لمحامي وحدد لها يوم ثاني تروح له فيه بعد ماخبرته السالفة وقال لها عشان تروح يأكد لها شو لازم تسوي
ولما راحت التقت هناك بصديق المحامي وهو ابوي خليل الله يرحمهوشاف امي اللي ماتعدت 20 من عمرؤها وشاف اثر الكدمات ع وجهها وكسرت خاطرة وبعد ماطلعت من عند المحامي سألها عنها وقال له انه يبيه يحارب عشانها وانه بيدفع كل المصاريف وفوق هذا كله بيتزوجها اذا تطلقت من زوجها وبيربي ولدها وكانه ولده
وصار هالشي مثل ماطلب ابوي وبعد مبلغ من المال ارضوا فيه ابو حسين طلقها وتزوجها ابوي بعد ماولدت حسين وطلع لهالحياه
وعوضها عن كل شي ناقص بحياته وانولدت بعد سنه اريج وبعدها انا وبعدين كوثر ونرجس ةهاذي القصة بس سلمك الله امي وابوي قالوا لحسين ان ابوه مات طبعا كان يعرف ان خليل مو ابوه الحقيقي بس متقبل الوضع لأانه يحبه بس بعد فترة صار اللي محد توقعة امي وابوي قالوال لحسين ان ابوه كان عايش وهم كانوا ناوين يقولون له بس اذا فات الفوت ماينفع الصوت كان ايوه الحقيقي ماات وهو عصب وانقهر ومات ابوي بنفس اليوم اللي سافر فيه لهولندا وغاب عنه مده طوييلة وتوه رجع من فترة بسيطة
وفاء بتأثر شديد: بلللل مسكينه امك ومسكين اخوك الله يعينهم
راشد بمسخرة ماحب يشوف التعاسة على محياها: لا تصيحين خلااص اووه لاتكسرين خاطري

وفاء:ههههههههه طيب مابصيح بس صج تصيح قصة امك
راشد:هههههه اصلا ماكان المفروض اضيع وقت وانا اقول لك القصة كان المفروض نتكلم عننا وعن حياتنا
ابتسمت له بامتنان وهي تنفي هالشي: لاا انا شاكرة لك انك قلت لي هالقصة عشان اعرف شلون اتعامل مع عمتي واحاول اسعدها
راشد فخور فيها:هههه طيب واناا
وفاء: انت شوو
راشد: وش بتسوين معاي
وفاء ابتسمت محتارة: ولا شي بلعب معاك خشة في الشارع
راشد:ههههههههههههههههههههه لايكون يهال وانا مادري
وفاء: شمدريني عنكهههههههه امزح لاااه

راشد: زين والله تعرفين شو احب اكثر شي في الحيااه
وفاء بحماس: شو؟
راشد: البحر
وفاء: وانا تعرف شو احب اكثر شي بالحياة احب الورد يهبل الواحد . امووت في الطبيعه
راشد: خلاص اجازتكم الجاية نروح لبنان نزور فرع الشركة وناخذك معانا تشوفين الطبيعه
وفاء:هههههههه يصير خير
راشد: شو وقطع كلامهم نغمة جوال كانت اغنية فرقة ميامي غرامك شي عجيب
راشد قال لوفاء اللي تحاول تسمع من وين الصوت: فيه جوال هنا ترى هاي ثاني مره يصيح بنفس النغمه لما كنت انتظرك بعد صاح
وفاء بخجل:هههه هذا جوالي وهاذي نغمة المسج امس كنت قاعد هنا مع ليلى خالتي ونسيته واليوم حتى ماجا على بالي ادوره هههه لأن صديقاتي اتصلوا ع البيت فما احتجته
راشد: اهاا بس انتبهي ترى من اليوم بتحتاجينه لازم تخلينه في ايدك طول اليوم ماتتركينه
وفاء استحت وسكتت بس قامت من على الكنبه كانت بتروح تجيب جوالها راشد مادرى بنيتها ع باله بتطلع خلاص ولا شعوريا مد يده ومسك نهاية ايدها يوقفها وهو يقول: تعالي وين رايحه
وفاء سحبت يدها من يده بسرعه وهي تحس بحراارة وشي يتفجر بكيانها تحس بشي غريب واول شي قدرت تقوله وهي تحاول تحافظ على هدوئها:ممكن بس بجيب جوالي داخل هالدولاب حطيته
راشد كان يحس بنفس المشاعر بس هو كان بشكل اقل شوي فتماسك وابتسم وقال: على بالي بتطلعين تفضلي روحي عادي والله
مشت وفاء لوين المكتبه الكبيرة اللي بوسطتها التلفزيون وهو
يراقبها ويراقب تحركاتها الرشيقة وهي تفتح الدولاب وتطلع منه جهاز صغيرونيوفيه حلقة صغيرة على شكل دبدوب ومحطوط فيها قلب احمر وفيه حرف بس ماقدر يشوف الحرف؟
ورجعت قعدت مكانها
راشد مد يده وفال مبتسم: ممكن
وفاء: شنوو
راشد: افتح الرسايل اللي جايتك واقول لك من منو
وفاء ابتسمت وقالت له بحركه انه مايهمها الامر عادي ومدت له الجوال وخذه بخفة وانصدم اول ماقرا على الشاشة 14 مكالمه لم يرد عليها
وفاء تشوفه مندهش: شو فيك
راشد: غربل الله بلييس شو هذا يالمهمه 14 مكالمه
وفاء:ههههههههه طبعا قلت لك وايد يحبوني ههههه
راشد فتحهم ولقاهم كللهم من شخص واحد واسمه ( ملك الحنان)
صار يفكر من هذا؟ وشاف ثلاث رسايل فتح الاولى مكتوب:
وفاء يانظر عيني والله تعبان ردي علي تكفين ابي ارتاح
والثانية:
شو يعني تعانديني شو هذا بعدك ماتملشين وانت حاقرتني شلون بكرة ردي علي وفاء انا قلت لريسم تقول لك تتصلين اذا حسيتي انك تقدرين تكلميني بس تأخرتي علي
فتح الثالثة اللي توها واصلة: وفاء شوفي انا بتصل لك بعد خمس دقايق وان مارديتي والله مابتصل مره ثانية حى ذليتينا مو حاله هاي انا قاعد متضايق وانت مو هامك شي خلي عنك الدلاعه وردي
** ** * * * * * * *** **** ** *****
في مكان ثاني بعيد شوي عن هالمكان
حليمه مستلقية على الكنبة وحواليها فواز وهيفاء اللي مهتمين فيها كثير لدرجة ان فواز ماحضر عقد بنت اخوه عشان امه ايه نعم حليمه بحسبة امه وهي حاليأ اهم من اي شي ثاني
كانوا يتابعون برنامج في التلفزيون يوم مدت حليمه ايدها للريموت وطفت التلفزيون
طالعوها هيفاء وفواز وهم متعجبين من حركتها هاي وطالبتها عيونهم بتفسير
حليمه: ابي اتكلم معاكم شوي
فواز: تفضلي يمه قولي احنا نسمعك
هيفاء: ايه يمه وهو الصاجقولي اللي في خاطرك
حليمه: شوف ياولدي فواز انا الحين وانا قاعده معاك وهيفاء تسمع ابيك توعدني بشي كنت عايشة ميته ابيك تنفذ الوعد
فواز: طول الله عمرك يمه شهالكلام
حليمه: لا تقاطعني. بعد وشو شهالكلام الموت حق وكلنا بنموت ومثل ماتشوفون وحده مثلي كبرت وصارت عجوز وماضل مرض الا زارها يعني الموت قريب
هيفاء تقاطعها: اعوذ بالله فال الله ولا فالك يمه صجه عمي شهالكلام
حليمه بحزن: هذا كلام الحق والواقع يا اولادي ولازم تتقبلونه وتتقبلون قضاء الله وقدرة
فواز وهيفاء: ونعم بالله
فواز: ان شاء الله يمه ولا يهمك شو تبين مني اوعدك فيه
حليمه: اسمعوني ولا تقاطعوني لين ما اخلص كلامي
الكل: ان شاء الله
حليمه: احنا في اي شهر الحين
هيفاء: شهر رجب بالعربي
حليمه: ايوة يعني بعده يجي شهر شعبان ثم رمضان ولا انا غلطانه
فواز: لا مو غلطانه بس ليش
حليمه: ابيك توعدني قدام هيفاء اني سواء كنت ميته ولا عايشة لازم تكون خاطب قبل رمضان!!
فواز: شو يمه شلون لو كنتي لا ماقدر ماقدر
حليمه: حبيبي فواز شو ما تقدر قصدك لو مت بيكون مامداه جا وقت طويل اوكي مافيه مشكلة ذكراي انا حتضل بقلوبكم وثق ميه في الميه اني مابرتاح الا لما انت تستقر بحياتك يله اوعدني لأكون مرتاحه
هيفاء متأثرة: يمه خليها المدة اطول شوي لاتضغطين عليه عشان يستعد ع الاقل
حليمه: خلاص ابني توعدني حتى لو برمضان اهم شي قبل مايجي العيد بدي تكون فرحان فرحتين زوراجك والعيد والأعمار بيد الله تعالى لو كنت معك بفرح معك ولو كنت مو موجوده كون اكيد اني فرحانه لك ومستانسة وبالعكس تكون احترمت رغبتي ونفذتها ومو تقول انك بتتزوج يعني تقلل من احترامي لااا بتكون احترمتني اكثر وانا عارفة انكم تحبوني مثل ماحبكم يله فواز ماما اوعدني.!!؟
فواز وايد صعبه عليه بس!! هاي امنيتها ولازم يحققها لها
فواز: خلاص ماما اوعدك اني لازم اول يوم بعيد الفطر اعايد فيه مع زوجه جديدة وان شاء الله تكوني معنا معايده عشان تزيد فرحتنا
هيفاء: ان شاء الله
حليمه: وكمان شي ثاني
فواز: شو
حليمه: هيفاء لازم تحط بالك عليها تراها مالها غيرك انت وابوك من بعدي اوقف معاها في كل شي اوعدني ماتتركها لحالها ابد لو صار لي اي شي
فواز: الله يحفظك ان شاء الله وبعدين شلون توصيني على نظر عيني هاي الغالية بنت الغالين والله هي اقرب شخص لي.
هيفاء ابتسمت
وحليمه غمضت عيونها براحه!!
هيفاء شافتها وخاافت: يمـــه؟!!
فواز بنفس الوقت: يمـــــــه!
حليمه ردت فتحت عيونها مبتسمه لأنها عارفه مخاوفهم وقالت: وانت يابنتي هيفاء بدي اياك توعديني كمان
هيفاء: انت تأمرين امر ياعيوني
حليمه: شوفي نفس ماقلت لعمك لو صار لي ايش مايصير وعادت بتأكيد: ايش مايصير ماتوقفي حياتك ابد اولاً بدي اياك ماتغيبي ولا يوم عن الجامعه عشان تخلصي دراسة وتحققي حلمنا كلنا وبدي اياك ماتصيحي يابنتي >> هيفاء صاحت
حليمه كملت: لازم تعرفي ان الأافضل تقري لي اية قرآن بدل الصياح انا مابدي حدا يصيح فاهمة حطي ببالك ان في اي دقيقة ممكن اتركك ولا تخليه شي مفاجىء لأني احس اني خلاص راح انتهي وان ماعندي شي اسويه بالحياه وبدي ارتااح
هيفاء: وانا يمه ؟
حليمه: انت لك ابوك وعمك وان شاء الله مستقبلا زوجك اسمعي مابدي اياك ترفضي ولا شخص يتقد لك عشان هيك سبب فاهمه بدي اياك لو كان شخص متعلم وخلوق من عيله محترمه توافقي عليه عشان يكون لك السند والعون حتى لو كنت ميته من اسبوع بس اوعديني هيفاء اوعديني بليييز بدي ارتاح
هيفاء وهي تمسح دموعها: وعد مااما وعد بس ماما لا تفاولي على عمرك حراام عليك تخوفيني
حليمه: هذا مو تفاؤول حبيبتي هذا احساس بالموت احس اني خلاص خذت حاجتي من الدنيا واني بفارقها قرييب!!
قام فواز اللي ماسك عبراته وباسها على راسها ونفس الشي هيفاء سوته بس هي حضنتها فترة لين ماراتاحت شوي ودخل كل واحد فيهم غرفته عشان يرتاح

*** * * **** ** **** * **** *** * ****
نرجع للخطيبين الجدد:
وفاء تشوفه وهو يقرأ الرسايل ومستغرب فجاها الفضولوسألته: منو
راشد بحيرة باينه وانفعال خفيف: اممم منو هذا ملك الحنان
14 مكالمه و3 رسايل
وفاء بدهشة: شوووو !وسحبت من عنده الجوال بسرعه وقرت الرسايل وقالت بصوت حزين: مسكين خلود مادريت عنه يفكرني حاقرته
راشد: هي انتِ حرقتي اعصابي منو هذا
وفاء ابتسمت اول مره تحس باحد يغار عليها كذا اومو متقبل فكرة
ان ممكن يكون هذا اللي مايعرفه احد تحبه قبل العرس ولا شي من هالحركات اللي ماتقرب لها: تطمن شفيك!! هذا خالد ولد عمتي وخطيب ريم اختي و.
وكمل راشد يقاطعها: واخو نايف صح
وفاء:هههه ايه بشحمه ولحمه
راشد:وليه يعني يقول انك حاقرته
وفاء: لأانه سافر وانا زعلانه عليه وايد وحتى ماسلمت عليه لأنه والله اقرب لي من ناصر اخوي شلون مايحظر ملشتي وفوق هذا اختي ريم خطيبته كانت تبي تروح معاه وتسوي دور الزوجه اللي تضحي بكل شي عشان حبيبها وزوجها
راشد فهم مشاعرها بس ضحك:ههههههه ايه هاي المره السنعه
وفاء بنظرة تقلب الواحد تخليه يحس بشي غلط: احلف انت بس
راشد:ههههههههههههههههه
رن الجوال في هاللحظة على نغمة غير كانت نغمة تايتنك الأنجليزية
طالعت في راشد وروته المتصل وقالت له : ممكن ارد
راشد طالع في ساعته وعرف ان نايف كلها 5 دقايق بالكثير 7 وبيدخل له عشان يطلع بس ماحب يكسر بخاطرها وهي اول مرة تطلب منه شي وتستأذن يعني عملت له حساب
وردت ودارت على ورا ماتبية يشوفها وهي تتكلم وهو ابتسم يعرف انها مستحيه
وفاء: مرحبا ملااين
خالد: مابغيتي انسة وفاء كان لارديتي كان خليتيني اموت
وفاء: اسم الله عليك خلود شو هالكلام لاتزعلني والله جوالي كان مو عنديكان تحت وانا مدري عنه

خالد: يعني مو زعلانه علي خلاص؟
وفاء: وانا اقدر ازعل عليك لا عيوني ازعل من الناس كلهم الا انت فديت عمركصج تمنيتك بقربي بس مثل ماقلت الا ملشةومو مهمه وماتستاهل
خالد: وفااء لاتقعدين تفسرين كلامي غلط انا قصدت
وفاء تقاطعه: خلاص خالد اسكت سكر الموضوع بليز خلنا عادي مابي اذكر الالم اللي عشته ذيك اللحظة
خالد: آسف وفاء والله ماقصدت
وفاء: طيب وانا مسامحتك ياخوي ولا تحط في بالكولا تنسى اني وفاءالطيبة
خالد:ههههه ايه باين مو لأنه 14 مسكول ومارديتي
وفاء: والنهاية خلوود حتى اسأل راشد هو شاف اني ماكنت مادري
خالد: راشد ! منو راشد؟
وفاء ابتسمت وطالعت في راشد اللي كان يتأملها مبتسموقالت له: راشد؟ ماتعرفه؟ خذ كلمه ومدت الجوال على راشد
راشد قبل مايتكلم قال: اووه وفاؤوة لاتحرجيني اول قولي منو هالراشد اوه عرفت لاتقولين لايكون خطيبك المصون الله يعينه عليك ماشاء الله ماصدقتي على الله انخطبتي ونسيتيني بهالسهولة ماهقيتها والله هئ هئ > يمزح
راشد:هههههههههه مرحباا
خالد انصدم: هااه مرااحب
راشد: اي نستك الله يهديك من شافت المسكولات والرسايل جن جنونها تبي تكلمك وصار لها ساعة تكلمك وسافطتني وعاطيتني ظهرها تقوول ناسيتك
وفاء استحت وهو يطالع فيها بخبث
خالد: ههههه ها عجل هاذي ام الحركات اللي تفاجئك المهم ماوصيك عليها تراها الغالية بنت الغالي ان اشتكت عليك ياويلك
راشد:هههههههه توصيني على حرمتي امممم لا وصني ع شي ثاني هالشي مايباله
خالد:ههههههههه ادري انها سحرتك يله تحمل اللي يبي الزين والحلو يتحمل
راشد منصدم من هالكلام ووده لو يعرف شكثر هم مابينهم كلافه عشان يتكلمون كذا بس ماحب يتكلم في هالموضوع وقال: الشرف لي اني كلمتك
خالد: ولي بعد
راشد: يله مع السلامه
وفاء : لالحظة بقول له شي
عطاها اياه راشد وهو متغيظ
ورجعت تكلمه وهي عاطيته ظهرها
نايف طق الباب ولا انتبه له لاراشد المنقهر ولا وفاء المنغمسة بالحديث
ودخل مندهش من هالمنظر اللي يشوفه قدامه الرايل قاعد وشكله منقهر ووفاء تكلم تلفون وتضحك وعاطية زوجها اشكل خووش والله بنات اخر زمن
وفاء: يله خلود عمري اكلمك بعدين ولا تعرف مابكلمك بس خلي بينا رسايل المكالمات غاليه هههاي ومابي اخسرك
خالد: ولا يهم ادري تحبيني ماتبين تخسرينيههه
وفاء": ايه اكيد احبك ولا كان ماسامحتك هههههه طيب يله باي انتبه لنفسك واكل عدل لابتغدي عصاه
خالد:هههه طيب ماما اوامر ثانية؟
وفاء: لا سلامتك ياشطول لازم تسمع كلام ماما يله بااي
خالد: باي روحي لحقي ع ريلك لا يذبحك هههههه وفاء ضحكت وسكرت دون ماتعلق ودارت تواجه نظرات راشد الغاضبة ونظرات نايف المستغربة والغاضبة بعد
وفاء ببراءة: شوفيكم؟ اشوفكم متفقين علي وهي تطالع في الاثنين
راشد دار ورا ماانتبه لدخول نايف واستغرب الا اندهش وانقهر بعد شلون هذا يدخل على حرمتي وهي كذا ولا حتى لبست شيلتها المفروض يدق الباب
نايف: وفاؤوة ياللي ماتستحين شلون تاركة زوجك كذا وتكلمين جوال شو هالتربية
وفاء باندهاش: شوو هو سمح لي انت شدخلك!!
نايف: لا ماشفتي وجهه شلون غادي من القهرر يااه انت هالكثر عديمة احساس
ومسكت وفاء مخده وفلتتها عليه وهو تلقاها وهو يضحك: ماعلية رشود تحملها وايد مدلعه هاي الله يعينك
راشد بتحدي : شكلي بتعب واايد معاها
نايف وهو يضحك: واايد وااايد
وفاء خلاص عصبت منهم اثنينهم ووصلت حدها: عن اذنكم مع السلامه
راشد استدرك الموضوع قبل لاتروح :لا تعالي دقيقة بقول لك شي وطالع في نايف: ممكن دقيقتين بس لأنه ربع ساعه صار لها في التلفون
نايف بنظرة لوفاء: عادي عندك ربع ساعه لو تبي
وفاء: نيووف احترم نفسك يله بروح انا
نايف: عناد لك ياوفاؤوة وانتقاما منك على دلاعتك الزايده عنده نص ساعه لو يبي وطلع وسكر الباب
راشد: شوو لهالدرجة ماتبين تضلين معاي لو دقيقة
وفاء تطالعه بقهر: ثمن كلامك قبل لاتقطة ويصير خير
راشد ابتسم: اسف والله ماقصدت بس ماشفتي شلون سافطتني وكأني مو مهم
وفاء تبي تقهرة: صج والله انت مو مهم
راشد: شووو اقوول اذا ناسية اذكرك تراني اليوم صرت زوجك ولو بغيتك تعيشين معاي في بيتنا من بكرة حلال علي ولا نااسية انك وقعتي اليوم
وفاء: طيب والمطلوب مني الحين قربت الدقيقتين تنتهي
راشد: يرضيك اطلع باول يوم لنا واحنا زعلانين من بعض
ابتسمت لأانه مهتم: اسفه والله ماقصدت بس خالد كان يعتذر وانا احتجت اعتذر وطولت دون قصد
راشد ابتسم: مسموحه والله وطالع في عيونها اللي التقت بعيونه وكان يحس نفسة بضيااع العيون الخضرا ماتوضح شي ابد لا مشااعر لا حقيقة الوضع تضيع الواحد في بحر من الأسئله تخليه محتار تحسسة انه يواجه شي غاامض وحس انه قدام البحر اللي يحبهوقطعت وفاء افكارة واحاسيسه يوم وخرت عيونها عنه وطالعت الجنب الثاني راشد تقدم لها يبي يبوسها على راسها بس وفاء ابتعدت عنه ووجهها احمر
راشد ماحب يضغط عليها قال خليها براحتها بعدها ماتتعود عليه و
قال وهو مبتسم بسخريه لأنه يعرف انها متوترة ومستحيه : طيب انا ماشي تآمريني على شي
وفاء بتفكيرهزت راسها بنفي:اي دونت ثنك سو
راشد: نو
وفاء: يس
راشد: شوور.
وفاء: شوور
راشد: طيب ممكن رقم جوالك ويوم شاف نظرتها تغيرت قال: لا تحاتين خذت اذن من ابوك
وفاء بخبث: اي دونت ثنك سو
راشد: واات؟ يو ماست قف ات تو مي!!
وفاء بتحدي اكبر: اي دونت ثنك سوو وش تبي بالشي اللي بيتعبك تصبح على خير وقبل لايستوعب معنى كلامها طلعت هي من الغرفه وتسندت ع الباب وهي تتنفس الصعداء تحس انها كانت مربوطة طوول الوقت بالغرفة وتحاسب على كل افعالها مو بحريه تاامة
*** **** ******* ****** *** ***
دخل نايف: ها طلعت
راشد: ايه وخلتني بحيرة
نايف:. ليش ادري انها قمر وتسحر الواحد بس يعني مانبيك تجن
راشد ماكان في وضع يخليه ينقهر: هههه اكيد بس مارضت تعطيني رقمها زعلت يوم اقول شكلي بتعب
نايف: اووه شعليك منها هاي دلووعه واايد
راشد: شو شعلي منها ياولد الحلال هاي خطيبتي
نايف: ولا يهمك ولا تزعل خذ الرقم وعطاه اياه وهو مستانس وخلى الرقم بدون اسم حاليا
راشد: مشكوور نيوف ماتقصرر
نايف: افا عليك رقبتي سدااده ومو تنسى اللقاء يوم الأحد هذا
راشد: اكيد ولو دامك بتعطينا اخبار حلوة
نايف:هههههه اكيد اعجبك اناالمهم حسين طلع يقول لك هو بيتصل ع الأهل الحين بيقول لهم يطلعون وانت اطلع وراهم
راشد: اوكي
**** **** * ****** **** ****
حسين طلع من المجلس بعد ماسلم عليهم واتصل لجوالاتهم كلهم ولا وحده فيهم رفعته فاضطر يروح يطق باب الصالة الداخلي عشان يقول لهم يخلون اهله يطلعون لأنه استحى يرد يدخل المجلس وهو توه طالعوراح ضرب ضربات خفيفة ومسموعه ع الباب وكانت ليلى رايحه بتشوف وفاء لأنها صار لها تقريبا ساعه ومارجعت لهم وسمعت طق الباب وراحت خذت شيله بيضا ولفتها على راسها بسررعه بشكل مرتب عشان شعرها مايبان دون ماتنتبه للخصلة اللي ضلت على وجهها بشكل لا ارادي راحت فتحت الباب وطالعت من اللي واقف
انصدمت وشافته وهو واقف كان وسيم واايد وجذااب بس على طول غيرت تفكيرها وقالت: اي خدمه
حسين كان صاد ورا ودار لما سمع الصوت وانصدم ماكان يعرف انه بيشوفها هنيه
حسين:اووه هاذي انت صج صدفه غريبة شخبارك؟
ليلى مو عاجبها وضع وجودها معاه قالت بسرعه: تماام بشو اقدر اخدمك
حسين حس بقصدها: امم ولا شي بس لأان اخوي راشد للحين ماطلع والاهل مايردون ع جوالاتهم وبغيتك تقولين لهم اني برا بستناهم في السيارة
ليلى لمحت وفاء تمشي وهي تفكر وقالت: خلاص راشد توه طالع من المجلس والحين بيجي لك والأهل الحين بناديهم اي خدمه ثانية
حسين من كلامها فكرها تقصد انها كانت معاه بالمجلس خلااص دار راسه شلون كذا اخوه خطبها وهي كانت في باله حس بانه مايقدر يتواصل يحس بالموت مارد عليها ولا حتى طالع فيها ومشى عنها وراح السيارة وهو مهموم
ليلى رجعت متعجبة منه وراحت قالت لهم ان اخوهم يستناهم برا وكانت وفاء داخل وهي محمرة من تعليقاتهم
اريج حبت ريم وخذت رقمها واتفقوا يتواصلون مع بعض لأن الثنتين ماعندهم صديقات كثير نوعهم منعزل لا اجتماعي وكانوا واقفين مع بعض لما سمعوا كوثر تقول لوفاء بحقد: شوفي لا تظنين ان القلوب صافيه عليك
وفاء:ومن قال لك اني ظنيت اصلا بس اقول لك شي لاتحطين راسك براسي تراك مو قدي وانت اللي بتخسرين في النهاية عن اذنك وراحت تسلم على خالتها نوار
طبعا عبير واحلام ودانه وامهم وابوهم رجعوا بيتهم قبل نص ساعه
نرجس: خلاص كوثر عشان اخوك حاولي تنسي الماضي
ليلى: ايه صج مايصير انتوا بتعيشون مع بعض
كوثر بحنق وغضب: انتوا شوفوها اول شلون شايفه حالها ياالله اكرهها وطلعت عشان تروح سيارة اخوها اللي ينتظرهم برا
>> كوثر تقارب اطباع راشد بس على اقوىفي الغضب وعدم التحمل وهو اقوى منها بالغرور والثقة بالنفس رغم انهم ماينقصونها
نرجس: هاي هي كوثر ماتحاول تضحي رغم ان كلامها صحيح بس اخوي اولى من مشاعري ولازم اوفق بيننا عشان نعيش صح لو مره وحده
>> نرجس مثل اطباع اريج اكثر اهم شي عندها اهلها
ليلى: والله انك خوش بنت يانرجس صرااحه عجبتيني
نرجس: ههه وانت بعد غيير عن بنت اختك هاي
الثنتين:هههههه ليلى: ماسمح لكم تراها حبيبتي والله هي طيبة وماتحمل في قلبها بس لازم انتوا تشجعونها وهي بتنسى الماضي
نرجس: عشان خاطر راشد بسيلا بااي
وراحت لحقت اختها
ريم واريج يتبادلون نظرات الذهوول

وضحكواعلى خبالة اليهال وودعوا بعض ومشوا
اريج راحت تسلم على وفاء وماشافت منها الا الأادب في السلام والاخلاق وماشافت ذرة غرور مثل ماتقول كوثر فيهاولازم تكلم خواتها عشان يعقلون وهم ريم قالت بتكلم وفاء عشان ماتخسر حياة حلوة بسبب شي تافهه وقديم
** ********* *** ** ** **** ** ****
في السيارة كان حسين وراشد قدام حسين يسوق وراشد يفكر
كوثر ونرجس قاعدين جنب امهم وساكتين
اريج مع زوجها وبنتها في سيارتهم
حسين كان يقود بعصبيه ومومتحمل اي كلمه تجية ولا حتى متحمل يطالع في اخوه مسكين حتى ماتذكر انه قالوا له اسمها وفاء لو قدر يفكر كان بيحلها صح بس الحزن والغضب كان عامي عيونهوعرف انه كان متعلق بها بالخفاء دون مايدري
والحين يوم اكتشف انه بغاها اكتشف انها صارت لأخوه اللي يحبه مووت واللي مو قادر في هاللحظة يحس تجاهه الا بالحقد
نوار:حسين يمه شبلاك؟ بغيت تصقع بنا وتودي بحياتنا؟!!
حسين: آسف ماقصدت
الكل مستغرب
راشد: اسوق عنك ؟ تحس بالتعب
حسين: مشكور مابي منك شي!!
الكل مو عارف شفيه اول مرة يتصرف بهالطريقه بس سكتوا لانه واضح انه مايبي يتكلم
يوم وصلوا البيت راشد اسـاذن وراح دارة بعد ماشكر امه على حسن اختياره وقال لها انه وايد انعجب في وفاء وانه يحس انه بعد وقع في حبها مثل مايقولون من النظرة الأاولى امه استانست وقالت له: لاشكر على واجب وراح يبي يفكر شو يسوي مع الرقم ومع وفاء
وبس راح قالت كوثر بحنق لأامها: مسكيين ولدك مخدووع فيها مثل مانتي مخدوووعة يايمه هاذي عقربة وانحس انسانه بهالوجوود وهي تكرهنا واحنا نكرهها خلصي ولدك منها بس قبل لايصير شي يحطمه
وركبت فوق لغرفتهاا
ام راشد دارت لنرجس اللي منزلة راسها: شو تقصد اختك بهالكلام
نرجس: يمه تذكرين اول مادخلنا ثانوي يوم قلنا لك ان في بنتين دوم نتهاوش معهم
نوار:ايوه شبلاهم
نرجس:وحده منهم وفاء والثانية عبير صديقتها
نوار: مااصدق باين عليهم بنات ناس ومتربياات ومو مثل ماتقولون!!
نرجس: والله يمه هم بس شنسوي كلنا انصدمناا
نوار: اقوول لا تهتمي باشياء بايخه سويتوها ايم مراهقتكم وطفولتكم البنت بعد كانت صغيرة ولازم الحين تنسون الشين وتبدون بالزين
نرجس: ان شاء الله يمه
نوار: وقولي لاختك بعد لا تعاند وترحم حال اخوها اللي اتعذب وايد وشكلة بيلقى السعاده هالمرة
نرجس: بحاول اقنعها وركبت فوق بعد
حسين كان مو في حاله واتصل برمزي صديق سكنه في مامضى وشكا له همه وحاول صديقة يخفف عنه شوي ويطمنه انه يقدر ينسى ويواصل حياته بينما حسين اعتقد هالشي مستحيل.
** *** ** *** **** * ** ******
ريم سألتهم عن اللي صاير وفهموها وقالت لهم ان شي تافهه ولازم وفاء تتخطاه عشان ماتتعذب بحياتها
وراحت غرفتها تكلم خالداللي ارتاح بعد ماكلم وفاء ويحس بحمل ثقيل انزاح من على صدرة لأن يحب وفاء وايد ويهتم بأمرها ومايتمنى لها غير السعاده
****** ******* **** ****** ****** ***
احلام لما رجعت بيتهمراحت غرفتها تقول بتنام
عبير بعد راحت غرفتها بتنام
دانه راحت غرفة يدتها تبي تنام عندها >دانه مثل عبير وايد يحبون يدتهم حتى احلام تحبها لكن احلام دوم تعاندها
هدى راحت ترتاح مع زوجها وهم يشربون قهوة عشان بيدخلون ينامون بعد شوي
اما احلام غسلت اسنانها ولبست بيجامتها وطفت الأانوار وشغلت الأبجورة عشان بتنام بس قبل فكرت بنايف تبي تعرف الحين هو بشو يفكر هي من يوم الأاربعا يوم تقرر انها مستحيل تروح طفت جوالها ولا فتحته للحين فقررت تفتحه الحين لانها لازم توضح لنايف انها مستحيل تطلع معاه وانه اذا صج يحبها يحترم رغبتها وبس يكلمها لين ما الله يفرجها ويتقدم هو لخطبتها
فتحت الجوال شوي لقت فيه مسج فتحته وكان نايف يقول :
وينك ؟ كذا تسوين فيني وماتجين؟ ماهقيتها منكانا صراحه زعلان باي
احلام انصدمت هي متفقة معاه مايرسل ولا يتصل الا اذا هي اتصلت عشان مايكون حد جنبها وتنفضح وتستوي لها مشاكل
دقت له رنه
اتصل>> هو كان ماخذ المسأله تحدي بما انها مو اول مره له وكان عادي عنده الوضع لأانه اللي في باله بس لعب عكسها هي البريئة المسكينه رغم انها بيني وبينكم تستااهل.لأن من البدايه كان المفروض تتحاشى هالشي دامها تعرف عنه غلط
وردت عليه
احلام: الو
نايف مسوي نفسة زعلان: نعم شتبين توك متفرغه تتصلين؟!
احلام: يوم انك بترد علي كذا ليه متصل؟!
نايف: تعرفين ليه لأني احبك
احلام: طيب اسفة ماقصدت اني احقرك بس لأني عندي ظروف
نايف: ليش ماجيتي احلام يوم الاربعاء؟
احلام: اعتذر نايف والله ماقدرت حاولت اقص على نفسي وماقدرت!
نايف: تقصين عليها بشنو
احلام: اني اقص على نفسي اني اللي اسويه صحنايف هذا غلط اصلا مجرد اني اكلمك غلط بس لأني عارفة انها الطريقة الوحيده اللي بتقربني منك متحملتها شوي
نايف: شو يعني افهم منك انك ماراح تطلعين معي ابد
احلام بتوسل: نايف دخيلك اذا صج تحبني مثل ما احبك لازم تتحمل انك ماتشوفني لين ماانت تخلص دراسة وتجي تخطبني تخيل شلون الصورة حلوة
نايف: شنوو؟ تبيني انتظر بعد سنتين لااا عيوني مافيه تبيني بس اكلمك
احلام بقلق: حتى المكالمات نلقيها نخليها بس رسايل عشان ماحس بتأنيب الضمير على الأقل بيخف الغلط نايف امي وابوي وثقوا فيني وانا خنت ثقتهم انت ماسمعتهم شيقولون ماقدر نايف والله ماقدر
نايف عصب ووصل حده كان لما يكلم بنت وبعد فترة يطلب منها تشوفه توافق على طول بس هالمرة اول مرة تصير بنت تكلم وتقول احبك وترفض تطلع ماكرت عليه اي حاله كذا يعني ان بنت تكلمه وتكون صاجه في حبها وترفض تطلع معاه فانقهر وقال بلا شعور: شو احبك الله يخليك لو ماتدرين انت مو اول وحده اكلمها ومو اخر وحده ومو اول وحده بطلع معاها لاني بس اتسلى واذا رفضتي تشوفليني خلال هالأاسبوع والله بتندمين بخلي ابوك وامك يعرفون بخيانتك لثقتهم ويعرفون منو احلام اللي وثقوا فيها ترى رسايلك عندي ومسجل صوتك بعد وصدقيني سويتها مع غيرك وفضحت وانت اللي تختارين .
احلام كانت منهااارة سكرت الخط بوجهه لهنا ماقدرت تكملقفلت الجوال وفلتته على الكومدينه وهي تصيح عبراتها غسلت وجهها ماتوقعته كذاا انسان نذل كل همه التسليه واللعب كانت تحبه صج وتظن انه يحبهاا بعدها مصدومه وخاايفه من اللي بيصير سمعت قصص كثير كذا ورغم ذلك ماعتبرت عمرها ماتخيلت فيوم انها بتكون في مثل مكان اللي تسمع عنهم استغفرت ربها توها تحس بعظم غلطتها تذكرته يوم يقول انه بيفضحها وزادت بالصياح
راحت انسدحت على السرير وغطت وجهها وهي تصيح كانت تظن انه مهتم فيها وانه يحبها بس الظاهر انه كان يقص عليها ويلعب عليها وهي مثل الساذجه
تذكرت يوم تكلم زهرة يوم قالت لها احذري من رجاء لأنه سمعتها شينه ويوم تقول لها انتبهي لنفسك انت ورده في ريعان الشباب لا تسوين شي غلط حست بالندم لأنها رضت تكلمه وحست بالكرهه تجاه رجاء اللي زينت لها الأمر وبينت لها شكثر هو حلو
عبير كانت ماره ذيك الجهه وسمعت صوت في غرفة احلام فاستغربت فتحت الباب ودخلتلقت احلام تصيح داخل البطانية اللي مخبية وجهها راحت عندها وشالت البطانيه احلام سكتت فجأه متفاجأة
عبير: شو فيك احلام؟ ليه تصيحين
احلام: مافيني شي عبير رجاء روحي خليني انام
عبير: شو اروح وانت بهالحالة
احلام: صدقيني مافيني شي بس بطني يعورني الحين بيخف وبنام
عبير تدري انها كذبه: احلام حبيبتي انا اختك الكبيرة ثقي فيني وعلميني شفيك بكون لك عون صدقيني
احلام:مافيني شي عبير اذا صار فيني شي بقول لك
عبير: متأكده
احلام: ايه
عبير: طيب بخليك تنامين بس اذا احتجتي لي في اي شي انا موجوده
احلام: مشكورة عبير
عبير: ولو انت اختي يله تصبحين على خير
احلام: وانت من اهل الخير
********* **** ***** **** ***** *******

راشد مو عارف شيسوي محتار هل يتصل بها الحين ولا لاا بس قرر انه يخليها ترتاح وتنام وبكرة بيتصل لها
** **** ******* ***** ****** **** ***

وفاء منسدحه على سريرها وليلى منسدحه على سريرها بعد مابدلوا ملابسهم
ليلى: يله وفاؤووة علميني بكل شي
وفاء: هههه مو عارفة من وين ابتدي والله لو قلت لك بتنصدمين الا ماراح تصدقين
ليلى : بسررعه حمستيني قولي
وفاء: شفتي اخوهم اللي التقيتي فيه
ليلى: ايه شفيه؟
وفاء: تذكرين اللي قلت لك عنه اللي بغينا نسوي معاه حادث
ليلى باستغراب: اييه شدخلة
وفاء بابتسامه: الظاهر ان اللي انا شفته واللي انت شفتيه طلعوا اخوان
ليلى مافهمت: كيف . اييييييييه قصد ان
وفاء وهي تضحك : اييه هو
ليلى:ههههههههههه حلفي
وفاء: والله هو نفسة رااشد
ليلى: سبحان الله موجد الصدف
وفاء: اكبر صدف وصدمات صارت لي اليوم العايلة اللي تهاوشت معاهم كلهم طلعوا عيلتي الجديدة
ليلى:هههههههههههههه بس تدرين شوو انا متأكدة انك مستانسة اذكرك يوم قلتي لنا حلمك كنتي متشوقه ويوم قالت لك احلام لايكون حبيتيه نفيتي هالشي وانت تتمنينولما شفتيه بالمجمع كنتي وايد فرحانه
وفاء: بلا هبال ليلوة انا لا حبيته ولا شي بس صاير الموضوع اثاره
ليلى: ايييه شو هالصدفه يطلعون اخوان
وفاء: حلاتها ياخذك والله ونصير قراب من بعض
ليلى: اليوم شفته بس مدري شفيه كأنه عصب وراح
وفاء: كيف؟
ليلى: قال لي انادي الأهل بس وقلت له حاضر اي خدمه ثانيه مارد علي وراح ولا شو يبيني اطق معاه سالفه ماقدر
وفاء:هههههههههههه شكله يحبك ليلوة
ليلى:هههههههه بلا سبوليه وبعدين انا اللي بياخذني لي شرط عليه ان نعيش بالسعودية طوول ماابوي عاايش لأنه وبحزن: من بعد امي بصير لحاله كلمته اليوم ياوفاء وقال لي انه الأامل خلاااص فقده وان لامحاله الأطباء يقولون ان امي ماراح تعيش اكثر من شهر
ودمعت عيونها هي ووفاء بس سرعان ماتذكروا كلام يدتهم يوم قالت لهم لاتصيحون ابد بس اقروا قرآن وادعوا لي بالرحمه وعرفوا اني برتاح
وفاء تبي تغير الموضوع عشان ينسون الحزن: بس تدرين انا في الحلم شي مافهمته
ليلى: وش هو؟
وفاء:لما راشد راح لعبير وصدت عنه وراحت لناصر وبعديت جا لي وش معناته وشدخل عبير
ليلى: ايه صج شرايك تقولين لعبير اكيد بتتفاجئ مثلي وتسألينها عن الحلم يمكن تقدر تفسرة
وفاء: صح فكرة ولو ماقلت لها بتزعل واتصلت لها على جوالها حطته سبيكر عشان ليلى وقالت لها وهي مستغربة وتشهق وهم يضحكون عليها بعدين قالت لها عن اللي مو فاهمته بالحلم
قالت عبير بتردد: امم اقول لك شي بس ماتخلينه يأثر على علاقتك معاه بأي شكل من الأشكال
وفاء بخوف: شنو؟
عبير: شفتي اللي قلت لك عليه انه خطبني وانا رفضته عشان ناصر
وفاء: هو راشد؟
عبير: ايوهامي تقول بعد خطبك ورفضتي بيخطب غيرك لأنه يبي يتزوج
وفاء: ايه صج عادي مثل مايقولون الحياة قسمه ونصيب
وسولفوا شوي وسكروا وكل وحده راحت تناام
وفاء كانت تفكر باللي يصير معاها ويا راشد ويا خواته ومستغربة هالصدف بس تحس بالراحه هي بكل حقيقة معجبة براشد هو صج حلو ووسيم وجميل وشكلة محبوب بس لو ماهالغرور اللي فيه !!
**** ***** **** ***** ***** **** ****
حسين مسكين ماكان في حاله الطبيعي كانمتضايق واايد وخاايف ان حالته اللي يعاني منها تجيه اليوم بسبب ضيقته
كان يبي ينفس عن الغضب اللي فيه أي شي مسك التحفة اللي على الكومدينه وفلتها على الارض بكل قوة وانكسرت نتفة نتفة
كان يحس بألأألم يحس انه مجرد تفكيرة بهالأانسانه خيانه لأخوه
لأنه ماعاد له اي امل معاها
لما شافها ببيتهم ماجا على باله انها ممكن تكون البنت اللي خطبها راشد لو ماقالت بكل سهولة راشد توه طالع من المجلس وبعد انها كانت تبي تدخل بسرعه وحتى مابتسمت له هذا دليل انها خلاص تقريبا تعلقت باخوه وهو يعرف شكثر البنات يعجبون فيه ويحبونه بسهولة رغم انه ماكان اقل من اخوه بس خلاص وش له بهالشي دام اهم وحده راحت لأخوه
راح طلع اوراقها وهو يحس بانه خسر شي كان يتمناه دون مايفهم هالشي الا اليوميوم فهم انه خسرة خلاص
مسك قلم وكتب على ورقة من الفاضيين اللي بملفها وكتب
وكتب يعبر عن الامه يومم كان برا البلاد:
وصفوها
عبُورا عنها بتفاصيل ممله
اسهبوا في شرحها
اتقنوا رسمها
شبهوها بليلة ظلماء
لا فيها نجوم لا كواكب لاقمر
كل مافيها مخيف
ومع هذا ابينا ان نصدقهم
وقلنا سنجرب
وذهبنافرأينا
كوردة ليس فيها اي لون او عبير
كعود ليس فيه اي معنى للحياة
كشلال بهي دون ماء
كفتاة كل مافيها مثير
كل مافيها يعبر عن جمال
لكن دون روح
انها الغربه
اي شيء سيضيفون الى قاموسهاا
غير قول السابقين
انما الغربة كربه
ودخل الورقة بالملف ورجعه مكانه وقرر ينام لأنه تعب من التفكيير!!
* * ************ ***** ***** *** ******
يوم الجمعه الصباح الساعه 4ونص
القوم اللي بمكة قعدوا من نومهم كلهم وتجهزوا وتلبسوا عشان بيروحون الحرم يصلون هناك ويدعون ويأدون مناسك العمرة ويرجعونلأنهم يبون يسولفون مع بعض بعدها ويتعرفون على بعض
مناهل: يله جنان بسررعه خلنا نروح عشان نخلص ابي اسوولف معاك واايد
جنان ضحكت:هههه وانا بعد والله
ايثار كانت مبتسمه وهي عارفة ان مناهل اختها بتسهل عليهم المهمه وبتخليهم يتعرفون على جنان بسرعه لأنها تسحب الكلام مثل ماتقط غيرة
** **** ** **** ***** ***** **
الحين صارت الساعه 7 الصباح
وفاء قعدت من بدري رغم انها نايمه متأخر من التفكير
لقت مكالمه من عبير قبل ربع ساعه واستغربت من السالفه لأن اليوم جمعه ومافيه دوام ليه الكل قاعد بدرية وطلت على كرفاية ليلى ومالقتها هذا اللي خلاها تستغرب اكثرر.
قامت غسلت ونزلت تحت لقت عبير وليلى وناصر ودانه وهادي وريم ونايف قاعدين بالصاله
وفاء بدهشة:
وش صااير خوفتوني ليه كلكم قاعدين هناا؟ وليه عبير هناا
الكل طالع فيها بصدمه من هالهجوم لأنه ماتوقعوها بس ماردوا عليها
وفاء: تكلموا شصااير
يتبع
شتتوقعون صاير
ووش بيصير

الحب المجرووووح قصة رائعة جدا وننتظر التتمة
واذا ممكن سؤال ؟
القصة كاملة كم جزء

تانكيو و مرسيه كثير كثير بس لاتتأخري كثير بليز و الله بشتاق لقصصك كثير

الحب المجرووووووح وينك فية ؟ يلااااا احنا في انتظارك تكفى لاتتأخر

بليز ما تتأخري علينا ملاك بليز