الموضوع: وانطبق عليهم المثل اللي يقول (_( ياشين القروي اذا تطور )_)

بسم الله الرحمن الرحيم

مثل ما وعدنا بعض الناس . فانا الحين اوفي بوعدي لهم لعل الموضوع يحووز على اعجابهم واعجابكم
هذا الموضوع برعايه نانسي عجرم وحفيدها سيد عطيات <<<< يا لبى تسبيدها

موضوع الباشا فص فص

ياي منكم يالبدو >> وش عنده الخكري خخخخ
بسم الله نبدأ ياالله من زمان مارديت على مواضيع ناس دلوخ مثلك ياشيخ
ياخي سبحان الله تصدق عاد ان اسمك لحاله احسه من النوع المتين = على وزن ثقيل فص فص
المهم خل اكمل كلامي بصراحه انت تستاهل من يحطك فوق راسه بيض الله وجهك ماقصرت واتشرف اني ارد على موضوع كاتب كبير ( كبير يعني كبير بكل شي كبير بعقله كبير بكلامه حتى كبير بكرشته )
في ذلك الحي المسمى ( منفوحه ) كانت تسكن تلك العائلة الفقيرة الا شوي يعني ميسورة الحال عائلة ( أبو مفرح )

فلنستعرض افراد تلك تلك العائلة
أبوهم ( أبو مفرح ) زوجته ( أمهم ) الابن البكر ( مفرح ) اللي بعده ( أخوهم ) اللي بعده بنت طلقة مدري من وين جتهم شكل بويضتها لبنانيه اسمها ( إغراء) وأخيراالقعده ( مرزق الغفلة )


,,,,,,,,,,,,,,,,,,,,,

كانت تعيش هذه العائلة بسلام وأمام <<< عشان تضبط القافله << قافلة أمتس اسمها قافيه
وفي أحد الايام :

هاحبيبتي وش قلتي متى بشوفك **** طيب انتتي عارفه اني احبك والا لأ؟ ***** طيب ليش متردده ؟ ****** لا لا هذا مو عذر خلاص شوفي حبي انا هاليومين بروح لباغي ( باريس ) بروح اغير جو وبرجع بليز اذا رجعت لازم اشوفك اوكي حبي **** أمممممممووووووووااااااااااح باي *** …وانتهت المكالمه

(( المشهد السابق يمثل الصايع الضايع داشر التسلاب مفرح أكبر مغازلجي في الحارة ))

طربق طربق طربق <<< مشية مفرح يمه يمه هاه ابي دراهم دراهم ! من وين اجيب لك دراهم من مكـ*** يمه وراتس تتكلمين كلام مهوب زين انا ادري عنك تقول تبي دراهم ايه يمه طيب من وين اجيب لك نعنبوا ابليسك تو ابوك معطيك سبعطعشر ريال تكفين ارحميني يمه السبعطعشر ذولامعطيني اياها العيد اللي راح :

عشان احلق والباقي شريت به عشى ماعلي منتس يمه دبري لي دراهم والا بنتحر تنتحر !لا ياليهودي من صلاتك وعبادتك الحين يومك تقول ابنتحر يالاجرب كل تبن واقلب وجهك يالعاطل الباطل ياصندوق البردقان يا… يمه يمه مابي شي خلاص الله يلعن … وشو ! ولا شي أقول فمان الله طس.

وذهب مفرح يسحب رجليه الشهب المتشققه وعلى وجهه آثار خيبة الحزن والكآبه وخيبة الأمل وأخذ يدور في الحاره بحثا عن حل ( ياربيه الحين انا أبقابل البنت ومهيب زينه اقابلها بذا الخلاقين وبعدين وين بدوديها ؟ والله :
البلشه أففففف )
موفو موفو ويلتفت مفرح ويلقى خويه ( سعد البنز ) يأشر له توجه اليه مفرح وأخذه بالأحضان
هههههههه معقولة سعد البنز مرتن وحده وش جايبك عندنا ياولد التجار هع هع هع <<< ضحكة واحد :

مطخطخ ياموفو انا جاي عشانك عشاني ! ايه عشانك الشباب قالوا لي انك أطلق واحد يدق عود وانا والله ناوي اسوي حفلة وودي تشرفنا ايه بس لا بس ولا شي ترى الحفلة ماتتفوّت ياموفو فيها شي يحبه قلبك خلاص قداااام يا سعد خلاص اجل هذا كرتي دق علي يوم الاربعاء عشان اوصف لك الاستراحه ا ح ح ح وش:
ذا الرقم ! كل ذي خمسات هع هع هع ايه بس مهيب احسنمن خمستك << يقولها وهو يغمز قمط وجه مفرح وقال ههههه شخبار كمبيوتركم

وافترق الاثنان على أمل اللقاء يوم الاربعاء .

الثلاثاء 1/1/1111هـ

طق طق طق طق مين افتح من؟ انا ام جيرانكم تبن افتح يا حيوان انا مفرح كل تراب لا تقول حيوان لا أرنك بذا الراس الله يلعنك لا يشوفك ابوي تعسل يالداشر خله يشوف الله وأكبر عاد ذا الابو مسوي لي فيها وهو من جنبها ياخي ابوك ذا اشهر من نار على علم في الدشاره كل تبن ولا تغلط على الوالد لاااااه توه يصير الوالد الحين اخلص بس وش تبي اقول عنك شرابات موف ايه عندي وش تبي بها ؟ ابي اجمع فيها فضلاتي شرابات يعني وش اسوي بها اكيد بلبسها طيب وراك معصب .ماعصبت بس انت غبي ياخي كنت المزح معد خذ خلاص هه! وراه منشق .؟ لا لا هذي الموضه موظه طيب طيب


( وفي يتلك الغرفة كانت تجلس " اغراء" قبال الشباك وتتفرج على غروب الشمس << انواع الرومنسيه
وتدندن "بدي بوسك كل يوم ياحبيبي ماتغيب عني ولا يوم ياحبيبي" << ماقلت لكم بويضتها لبنانيه
فجأه انفتح الباب والتفتت اغراء ذات الشعر الأشقر وقالت : يامااامي خوفتني ياحقير << ليش خربتيها يا اغراء آسف يا أختي الرقيقه وش تبي يا عربجي الحين ليش ما طقيت الباب قبل تدخل افرض اني كنت ابدل ملابسي أي ملابس ؟ انت وقح عااااادي ماجبتي شي جديد اسمعي بس يانعومه هانم وين ملمع الشفايف حقتس ؟ وش تبي به ابي احطه على شنبي ذا الاشهب كوده ينور شوي شفه على التسريحه وأخذ مفرح الملمع يله باي يارقيقه باي

وفي الصاله كان اخوانه يلعبون بلياردوا الطفارى ( يعني كيرم ) ولا بعد من زين الطبايع حبوبه ناقصه
8
8
المقطع هذا مجرد حشو مثل حركات المسلسلات

الساعه 3 فجرا غرفة الاهل

ام مفرح ماودتس تدهنين ظهري يا ابو مفرح والله ان ركيباتي توجعني مافيني شدة على التدهين ما فيتس شدة أبد . لا والله
ابو مفرح حس بصداع شديد في راسه لأنه كان ماكل بندول أزرق وطبعا المعروف عن البندول الأزرق ان مفعوله قوي مره وسريع يعني مايمديك تاكله الا وراسك مصدع فكر وفكر أبو مفرح وقال بس لقيتها ما يعرف لذا الصداع الا سيتي نزل او مفرح من السرير وهو عافطن ظهره عشان الصداع اللي في راسه ما يبي ام مفرح تدري انه مصدع عشان ما ترحمه وتضغط على نفسها وتدهنه وركيباتها تعورها نزل تحت بحجة انه يبي يتفرج في الملحق على مبارات الهلال وانترناشونال <<< تسمع بالاندية توجه ابو مفرح للملحق بس مهوب الملحق اللي فيه التلفزيون لاااا الملحق اللي فيه سيتي الشغاله ذات الشعر الحريري والبشرة الصافيه والفراغ العاطفي الصغير << ماجد مجودي كيف الحال :

فتح الباب بشويش وقال : دي ردت سيتي هاالووو بابا انتا فيه تأكير معليش يا سيتي انا الحين فيه صداع انتي لازم سوي مساج لراسي اوكي اوكي بابا انا فيه روه جيب كريم لا مايحتاج كريم سوي لي مساج بدون كريم بس اخلصي علي
انتهت سيتي من المساج لابو مفرح وراح الصداع اللي براسه ورجع يجرجر عمره للملحق وشغل التلفزيون ونام

اليوم الثاني 2/2/2222هـ الساعه 2:22 ص :


غرفة مفرح
كل ما أقولوه آآآه يقولي هو لأ لألألألألأ اح << هذي خاشه عرض
وه ياملحي ياناس بس قهر ليش فقير وليه ذاالتفخ سعيدان اللي وجهه كنه قوطي ببسي واطيته تريله يملك الملايين وكلا يفز له لي جا ويحسب له مليون حساب وانا كل من شافني تفل بوجهي أخ يالقهر أخ
ترررن ترررن اوه ابو خمسات يدق هلا سعد هلا موفو هاه متى بتجي خلاص مسافة الطيرق وانا جاي
تضبط مفرح واخذ معه صديقة سليّم عشان يوصله وصلوا للاستراحه
أح أح أح وش ذا القصر سليّم : قصر ! أي قصر الله يخلف عليك هذي استراحتهم
دخلوا للاستراحه وكان سعد البنز في استقبالهم
هع هع هع هلا موفو حيا الله نجم السهره الله يحييك ويبقيك يا موفو نبيك تطربنا الليله وهاه تكفى توصى بالاغاني نبي شي حق " مزاج "
( طبعا كل الشعب المدعوا داخل الاستراحه رايح فيها شراب / بنات / وهرج / ومرج )

بدأ مفرح بالغناء ودن دن بالعود تقوى الهجر . وبدأت الآهات ترتفع مما زاد منحماس مفرح كمل مفرح 4 اغاني وما ان انتهى حتى أخذ الحضور بالتصفيق ونطل البوسات عليه يومنه خق الرجال وحمرت خدوده
طلب مفرح شي يشربه لان ريقه نشف مع الغناء جابوا له كاس وفيه ( عصير تفاح حق الكبار ) مفرح ماكان عارف ان ذا هو عصير تفاح الكبار وقام يقحن منه الين فقد وصار لسانه ثقيل وبس يضحك ويترنح يمين ويسار
خلصت الحفلة وأخذ سليم مفرح ووصله لبيتهم وطبعا مفرح فاقد مايدري وين ربي حاطه دخل الملحق ونام بحضن ابوه . .


الجمعه 3/3/333 هـ :


فتح الابو عيونه <<< اكيد بيفتح عيونه اجل بيفتح خشمه ولقى مفرح بين اخضانه قام وهبد مفرح على راسه وقال له مفيريح يالتسلب وش جايبك بحضني ؟ هاه آآآآآ كنت اترفج على فلم رعب وخفت منه عشان كذا نمت بحضنك ابي احس بالامان :


الساعه 8:30 م

تلقى مفرح اتصال من مدير شركة روتانيا اللي كان من ضمن الحضور اللي في الاستراحه وطلب منه انه يجي عندهم عشان يوقع عقد بقيمة 100 مليون ريال
راح مفرح يستأذن من ابوه عشان يوقع العقد وافق الابو ولكن بشرط انه ياخذ 50 مليون ريال والا يظف خشته وافق مفرح على العرض وقال العوض ولا القطيعه

وقع مفرح العقد واستلم الـ 100 مليون واخذ خمسين وابوه خمسين وبدأت حياة جديدة
حياة المطخطخين
وانطبق عليهم المثل اللي يقول :
(( ياشين القروي اذا تطوّر ))


حال العائلة بعد الـ 100 مليون

•اشتروا قصر في المحمدية وصفوا قدامه 5 سيارات 2 للاستخدام و3 برستيج
•عائلة مفككه محد يشوف الثاني الا بالصدفه .
•أدمن مفرح على عصير تفاح الكبار وصار أربع ساعه وعشرين فاقد .
•جاب الابو اربع شغالات فلبينيات للبيت وصار كل يوم يروح لوحده تسوي له مساج ولاننسى الشغاله السيلانيه اللي يقابلها بس اذا كان صايم عشان تنسد نفسه .
•طلّعت الام خط جوال خاص لأم هيثم عشان تنقل لها أخبار الحاره القديمه
•مازالت اغراء <<< يالبى قلبها في قمة الدلع والرقه والعذوبه .
•تطوروا عيال ابو مزعل واشتروا بلياردوا صدزي