الموضوع: قصة تركي الرياض في المغازل هو و امير مياسه

المغاسل, الرياض, تركي, قصة

رلا هذي صفحه من مذكرات تركي الرياض << طلع الولد كاتب

خخخخخخخخخخخخخخخخخخخخخخ

اترككم مع القصه

وانا في عز النوم رن التلفون
رفعت السماعه وقلت نعم إلا وصوت يرد الروح
انا ما عرفت وش اقول انشلت براطمي
قالت مين معاي
قلت : انا
وهي اللي تضحك وانا قلبي احسه موب طبيعي وجاني صداع
سوسو موجوده
قلت لاقالت يؤ شكلي غلطانه آسفه
قلت لا شكر على واجب ( دايم اسمع هالكلمه وجالس اتحرى الفرصه اني اقولها)
وقفلت السماعه
حسيت بشعقريره في جسمي
و افرازات الخشم عندي زادت
لا يكون هذا هو الحب اللي يقولون
المهم اني قررت اني اتعرف على بنات بس عندي مشكله وحده اللي اني ما عندي اسلوب ابد ( عندك الف مشكله ومشكله واهمها وجهك اللي كنه لوحة انتبه امامك نقطة تفتيش)
مالقيت قدامي ألا واحد من العيال اسمه برهوم معروف ان البنات ما يعوقون معه
وانا القط مفتاح السياره واروح له وعلمته بوضعي وان امنيتي في الحياة التعرف على بنت قبل لا اموت
وقال لي شوف انت حماار وماراح تفهم إلا بالدروس العلميه ويطلع جواله ويدق
وقال هلا حياتي هلا عمري انا لؤي حبيبك ومجنونك (( نعن ابوك وين لؤي . والله لو اشوف وجهه في احسن الاحوال اعطيه اسم جعفر قال ايش قال لؤي
وقال احبك واموت فيك وانا بدونك مثل البيت بدون حاره
مثل التلفووون بدون حراره مثل السواق بدون سياره
انا البنزين وانتي الشراره انا الشارع وانتي الاناره((قسم بالله اني بغيت اضمه وابوسه يوم سمعت كلامه حسيت بشعور غريب نعن ابليسه لو يكلم جدار كان ذاب))
المهم انه خلص المكالمه والتفت لي وقال لي يالله دورك
وهو اللي يدق على بنت ويعطيني الجوال عشان اكلمها وانا اللي اقول الووو يوم سمعت صوتها ضاعت علومي وقلت لها بابا فين
وما حسيت إلا بذيك الجزمه في مقفاي
وقال لي قوول نفس الكلام اللي قلته يا ثوور
وانا اللي اقول لها :
هلا حياتي هلا روحي
قالت بعدين
قلت انا بدونك مثل الحمار بدون حماره
مثل السلطه بدون خياره
انا الددسن وانتي الغماره
انا طووووط طوووط طوط
قفلت الخط في وجهي
قال برهوم وش فيك
قلت له الخط مشغول (( مايعرف يصرف ابد))
يأس برهوم منى وطردني
رحت للبيت ونمت
وفي عزالنوم دق جرس التلفون وارفع السماعه إلا هي نفس البنت اللي كلمتني اول مره
قلت نعم قالت سوسو موجوده
قلت اسمعي يابنت الناس بيتنا كله شباب ومافيه احد يبدا اسمه بحرف السين
والبنت كررتها ضحكه وقالت مشألله دمك خفيف(( هي تحسبني استهبل ما درت اني دلخ من جد ))
وقلت شكراً.( مسوي مؤدب))وسألتني انت وش اسمك قلت لها تركيوش
قالت وش معناه
قلت هذا اسم تيس كان عند جدي وسماني ابوي عليه
وسألتها وانتي وش اسمك قالت داليدا ((البنات تسألها وش اسمك تقول رهف ولا شوق ولا افنان بس انها من جنبها في الغالب اسمها خزنه ))
المهم ان البنت قالت لي اوكي اكلمك بكرى لان امي تناديني
وتطورت العلاقه وصرنا نكلم بعض كل يوم
وانا انقلب حالي ولاحضو اهلي اني تغيرت يعني نكون جالسين على الغدى ولا العشا وانا ما اكل سارح ولاحضو اهلي اني صرت مؤدب واقرا واجد وانا اقرا على شان اعرف كلام جديد في الحب والشعر والطبخ (( لا تستغربون لان كتب الطبخ اتعلم منها كلام حلو بعد مثل يا عسل يا حليب يا قشطه يا كريم كرمل ))وصرت اروح عند بيارة جارنا اللي طافحه وافكر وأتأمل وارمي فيهاحصى (( مسوي رومنسي مثل اللي يجلسون على البحر يرمون حصى ))مره قالت لي البنت تركيوش. اوصف لي شكلك ياوالله البلشه وش اقولها هذي هالحين
اقولها اني قرد اعترف لها بالحقيقه المره . واقولها اني جدار بلا ملامح
الوكاد اني قلت في نفسي يا ولد خلني اسوي مثل كل الشباب وانصب عليها يعني تلقا الواحد من الشباب شين وإذا شفته بالشارع ما تدري هو رايح ولا جاي لان وجهه ماله معالم
ولو تشوف وجهه تحسبه واحد معطيك مقفاه يعني المفروض يحط لوحه على وجهه يكتب هذا وجهي . المهم اني قلت لها انا عيوني مثل عيون جواد العلي ((( اخس يا انا ))) وطولي مثل فايز السعيد ((( عادي الفرق كم متر ))) وخشمي مثل خشم خالد عبد الرحمن ((( مع بعض التعديلات ))) وملحي مثل ملح راشد الماجد ومهضوم كثير مثل رامي عياش (( والله ماناقص إلا تحط ملحن معاهم ويكمل الاأوبريت ))الوكاد ان البنت شكلها خقت معي وقامت تشاهق من الفرحه ((( ما درت عن القرد اللي تكلمه ))) وسألتها وانتي اوصفيلي شكلك قالت ما اقدر .ما تشوفني بتعرف لان مالي شبيهه (( اخس يا نانسي عجرم ))قلت لها يعني بشوفك .؟قالت اكيد انا بكرى بروح شاليهات اليمامه اللي على طريق الرياض الخرج ونتقابل هناك قلت لها بس هذيك للعوائل بس
قالت عاد انت دبر نفسك قلت اوكي مو مشكله بس كيف اعرفك قالت بيننا الجوال إذا وصلت كلمني وانا اعلمك وين تلقاني قلت لها خلاص الوعد هناك المهم اني انا توهقت وشلون ادخل الشاليهات وهي للعوايل؟ وقلت مالي إلا برهوم رحت له ، قابلني بعصبيه نعم وش تبي يا الغبي ؟
وعلمته بالسالفه من سل سل إلين طقاق عليكم (( تراني اقصد من طق طق إلين السلام عليكم بس مدلخ شوي ))وقال لي والله صعبه وش بتسوي؟قلت له وش رايك تلبس عباه وتسوي نفسك حرمه ؟
تروح معي على انك زوجتي ؟وهو اللي تغير وجهه وقال انا ولد ابوي قلت له بالله توني ادري كنت احسبك ولد ابوي انا قال تستهبل يا الزبال انا اسوي نفسي حرمه ياويل ويلي ويلاه خيل الخيل ياخيالها .قلت له يا رجال كل لك تبن لا ادوس ببطنك جالسين في مضارب الباديه احنا؟
قالي لا يا تركيوش هذا شي ما اقدر عليه وش اقول للجماعه؟قلت له من قالك اننا بنحضر عرس ؟ حنا بنروح الشليهات وانت ماراح تكشف وجهك ابد قال طيب ليش انت ما تسوي نفسك حرمه ؟ وانا الرجال قلت له يا اخوي انا ما اقدر لاني لا رجال نافع ولا حرمه نافع وبعدين حتى لو غطيت وجهي بيكشفون اني ماني حرمه من ريحتي اللي كنها ريحت شرابات عزوبي
قالي خلاص بس لا احد يدري .قلت له ابشر بس جهز نفسك بكرى بمرك ونروح واخذت سيارت واحد من العيال ورحت لبيت برهوم ولقيت عند بابهم شحاده وهي اللي تجي تبي تركب
قلت لها الله يعطينا ويعطيك ياخاله وهي اللي تطق قزاز السياره شوي وتكسرها
وانا اللي اطلع من جيبي ريال ونص كنت ناوي اشتري فيه توكس بس قلت مو خساره فيها على شان الله يوفقني وتوني افتح الدريشه بعطيها إلا وهي تقول افتح الباب الله ياخذ هالراس
الصووت مو غريب علي يوه برهومقال ايه برهوم الله لا يبارك فيك افتح بسرعه قبل لا يطلع احد من اهلي وفتحت له الباب وركب وانطلقنا لشاليهات المهم وصلنا الشاليهات ونزلنا من السياره .وامسك يد زوجتي اللي هي برهوم سابقاً ودفعنا التذاكر ويوم جينا ندخل وقفنا الحارس اللي على الباب وقال لحظه لازم زوجتك تدخل محل تفتيش النساء لاننا شاكين فيها قلت له ليش في مطار حنا.؟ تراه شاليهات وبعدين وش فيها زوجتي ؟قال الحارس ياخوي وش الحرمه اللي لابسه زبيريات !وانا اللي اناظر في رجول برهوم إلا فعلاً لابس زبيريات .يالله لا تفضحنا وانا اللي اقول للحارس ممكن تتركني مع زوجتي ابيها في كلمت راس ؟قالي ادخل هالغرفه فاضيه تفاهم معاها وانا اللي اسحب برهوش (على وزن تركيوش) في الغرفه واترفس في بطنه وانواع الاكواع .نعن ابوك يا الغبي زبيريات مره وحده !! ؟قال وش اسوي مالقيت جزمه على مقاسي .قلت له اسمع نزل العباه على رجولك على شان ما احد ينتبه يا الغبي المهم اننا رجعنا للحارس واعتذرنا منه على سوء التفاهم ودفيناه بمية ريال على شان يسكت واول ما دخلنا استاجرت شاليه صغير وقلت لبرهوم يجلس فيه وانا ابي اروح ادور خويتي وطلعت ودقيت جوال على خويتي .ووصفت لي مكانها تقول انها عند الشجر اللي جنب المطعم وانا اللي اروح هناك وجلس ساعتين ادورها مالقيتها قلت لها وينك فيه ؟لي ساعتين ادورك ؟ قالت انت وينك بالضبط قلت لها انا واقف جنب كيس زباله وانتي وينك ؟قالت انا واقفه جنب واحد شكله مجنون وعليه قل صحهالزباله اللي انا اقصده ))وهي اللي تنصدم وقالت هذا انت !! وين الوصف اللي تقول اجل طلال الرشيد هاه ؟امحق طلال اللي تشبه له انت (( صادتني ان عيوني مثل عيون خالد الملا وجسمي مثل نبيل شعيل وخشمي مثل عبد المجيد ))قلت لها لا انا فعلاً مثل ما قلت بس صار لي حادث هو اللي اثر على وجهي ولا انا كنت حلو (( أي هين )) قالت مو مشكله اهم شي اسلوبك اعجبني
قلت لها اشوى ان فيه شي اعجبك فيني طلبت منها انها توريني وجهها .قالت طيب بس لا يشوفنا احد ((( اخس يالحيا )))
وانا اللي اغطي عليها وقلت لها يالله بسرعه وهي اللي ترفع الغطوه وانا اللي اضحك
قالت وش فيك تضحك ؟لت لها يالله عاد بدون استهبال قالت وش فيك ؟قلت لها يالله بسرعه شيلي القناع اللي على وجهك لا تستهبلين وهي اللي تقول هذا وجهي الصدقي يا القردوانا اللي انصدم واحس ان الارض تدور فيني وش ذا الوجه الشين اول مره اشوف وجه يطلع منه ريحه مخيسه نعن ابوها حتى الشجره اللي كنا واقفين جنبها رفعت ثوبها وانحاشت وانا كنت حاط في بالي كلام رومنسي على شان إذا شفتها اقوله لها سألأتها ليش الغمس ساكن عيونك جاوبتني من الارق .سألأتها وش هالببسي اللي مكبوب على ثوبك جوبتني هذا ماهو ببسي هذا مرق سألأتها طيب ما عندك غير هالثوب ؟ جاوبتني إلا كان عندي بس انسرق .سألتها طيب ما دم انك شينه وشوله تغازلين ؟جاوبتني انا كنت حلوه بس وجهي انحرق سألتنني وش رايك فيني ما اشبه باسكال؟جاوبتها انتي جسمك جسم باسكال بس الوجه الله خلق وفرق.المهم اني ما قدرت اتحمل وجهها وقلت لها انتي جدك الاكبر كان غوريلا ؟قالت لي لا تطنز انت ووجهك قلت لها شوفي يا انسه جراده انا ودي اجاملك واقول لك كلامك حلو بس وجهك يقول مالك امل !!قالت لي والله حتى انا ودي اقولك كلام حلو بس وجهك مايساعد وجهك كنه دعاية لا للمخدرات
المهم ان كل واحد منا تفل في وجه الثاني ورحنا وانا من الصدمه توقف تفكيري كل امالي واحلامي راحة ادراج الدواليب وركبت السياره ورجعت للبيت وانا متحطم وقررت خلاص ماعاد ابي اتعرف على بنات ((اخس يا محطم قلوب المعجبات يا راغب علامه اقول انطم بس ))
الوكاد اني سكرت باب الغرفه ونمت نومت عدوكم ومادريت اليوم الثاني إلا باللي يرفس الباب
وانا اللي انقز من فراشي وش السالفه يا الربع إلا وهو ابوي يصايح افتح يا السمرمدي .
وانا اللي افتح الباب إلا وابوي في وجهي ووجهه مايطمن ويطلع ذيك العجرا من وراه وانواع التلحيط ويقول تتزوج من ورانا يا الخسيس قلت له والله ماتزوجت قال ياكذاب الشاليهات اتصلو علينا وقالو خلو تركيوش يجي ياخذ زوجته اللي نساها امس .وانا اللي تضيع علومي
وابي افهم ابوي السالفه بس انه شغال ضرب فيني ماترك لي اي فرصه
المهم اني فهمت ابوي السالفه ((كعيت على طول )) ونمر بيت ابو برهوم ونعلمه بالسالفه وانواع التصفق فيني المهم اننا وصلنا الشاليهات . ودخلت على برهوم وقلت له معي مفاجأه .
وهو يقوم يضحك قال والله اني خابرك ذيب ماتترك خويك .اكيد بتعرفني على وحده من خواتها ماكمل كلامه الا ابوي وابوه داخلين علينا وابو برهوم ماسك مفك الكفرات في يده و من هول الصدمه برهوم ماعاد شالته رجليه .وستلمه ابوه انواع تفقيع الوجه وانواع الترفيع والتنزيل وانا جالس اتفرج ومبسوط ومادريت إإلا وابوي ماسكني وانواع الركب .
قلت توك طاقني قبل شوي .؟ قال ابوي ايه صحيح بس عيب الرجال يطق ولده وانا جالس اتفرج.
لازم اسوي شي انا بعد ((لا صراحه ان ابوي فاهم في الاصول طالع لي ))
المهم انا وبرهوم تزاعلنا مع بعض وانا حرمت اتعرف على بنات (الواحد يتزوج احسن له ، اذا لقيت اللي تقبل فيني )
وأأأسفه طولت عليكم ,,,

تقبلووو مني احلى التحااايا.!!

---

rwm jv;d hgvdhq td hglyh.g i, , hldv ldhsi