الموضوع: قصة واقعية من الواقع بس مولمة شوي

مؤلمة, الواقع, سوى, قصة

«®°·.¸.•°°·.¸¸.•°°·.¸.•°®»[align=center]هاذي السالفة كانت باليل حوالي الساعة2 اليل كان في اربع بنات جالسين في بيتهم في الطابق الثاني خوات وكان وقت عطلة المهم الكبيرة عمرها حول 22 والثانية حول 20 والثالثة18 والرايعة 15 تقريبا اعمارهم متقاربة ويقولون امهم كانت نايمة في الطابق الثاني مع عيالها الثلاثة الصغار والبنات فوق المهم متجمعين الخوات ويسولفون وكان عندهم واير الكهربا مكشوف يقولون دايم يلتمس عليهم ويطلع منة شرارة والواير قريب منهم بشوي والبنت اللي عمرها 18 تحركت من مكانها وقعدت جنب الواير بس ماكانت منتبة لة ومعاها بيالة الجاي تشربة وحطة البيالة جنبها وقعدت تسولف بعدين قامت ونست بيالتها فيها الجاي ومادرت وتحركت وانكب الجاي وحاش الكهرب بس ماحست البنت تحسب انها خلصت بيالتها والكهرب التمس وطلع منة شرارة واللة ياجماعة حقيقية وتحترق الزولية خافوا البنات قاموا يبون يطفون الزولية بس الاول ارتبكوا لين زاد الحريق المشكلة الاب ماهوا موجود ماكان عندهم رجال بالبيت ولة يبون يطفونها بس ماقدروا زاد النار البنت الكبيرة تصيح تقول الوالده تحت تقصدامها واخوانها تحاتيهم المهم البنات الكبار راحوا فوق لسطح انحاشوا يستنجدون والبنت اللي عمرها 18 و15 جالسين يبكون ماتحركوا من مكانهم من الصدمة المهم البنت الكبيرة تبي تنزل تنادي خواتها الثانيات اللي اعمارهم 18 و15 بس ماقدرت تنزل لان الحريق وصل الى عندها فوق قالت خلاص اكيدخواتي ماتوا وتصايح باسطح والبنات اللي تحت انحكروا زاد عليهم النار تاكل في كل مكان الحين هم يبون ينزلون بالدرج بس مو قادرين تماسكوا مع بعض ونزلوا صوب الحريق لان بيتهم خلاص ماصار ينشاف كلة دخان وتقوم الام وتحس بالنار وتاخذعيالها اللي عندها وتنحاش برة مولابسة ولاشي يعني مومتغطية مستعجلة تبي النجاة بس وشافت فوق الطابق الثاني ولة محترق قالت خلاص بناتي اكيداحترقوا وتقعدتصيح بالشارع بناتي بناتي الحقوا علينا وتروح للجيران وتبكي تقول انقذونا ويدقون على المطافي وتعرفون المطافي متى جات جات بعدالحادثة بساعتين يعني عقب مااحترق البيت وصار اسودمن الدخان البنات اللي ينزلون من الدرج قاعدين يحترقون من شده الحرارة تاكلهم صاروا هيكل واللة يقولون بعدماطفوا البيت شافوا هيكل اثنين لحمهم احترق مع النا راما البنات الكبار فوق بالسطح ييصحون ولة يشوفونهم الناس والجيران ويقولون لهم انزلو ويجيبون السلم اللي هوالدرج وينزلونهم وصار للام بنتين بس وثلاث اولاد بس واللة تكسرالخاطر الام قاعدة تبكي على بنتين مو وحدة والبنات الكباريبكون على خواتهم يقولون كنا نسولف مع بعض وسبحان اللة ماتوا واللة قاعده اكتبلكم والدموع بعيني والعبرة خانقتني الام قالت واللة معاد اسكن في هاذي الديرة خلاص تقول تذكرني في بناتي اللي ماتوا والابوا يكسرالخاطر فية قلب انصدم يوم درا عن بناتة يقولون قعد يوم كامل ساكت مايتكلم مع احدمن الصدمة المهم هاجروا من الديرة واسكنوا ديرة ثانية شفتوا هاذي القصة ترى قصةصديقتي اللي ماتت اللي عمرها 15 سنة كنت انا وياها نلعب مع بعض واللة مومصدقةانها ماتت وامها كل ماشافتني تقعد تبكي تتذكربنتها تقول كانت تلعب وياي وجذي والحين من سافروا ومادري عنهم انقطعت اخبارهم عنا السالفة هاذي صارلها6 سنوات وماشفناهم خيرشر ماقول الا اللة يوفقهم ياااااارب واللة طيبين وناس اجوديين بس اللة يعوضهم بالجنة ويرحم اللي ماتوا ويدخلهم جناتة يارب امواتنا واموات المسلمين اجمعين في انحاء العالم واشاللة ماطولت عليكم 0






مع تحياتي:


حور العين1[/align]«®°·.¸.•°°·.¸¸.•°°·.¸.•°®»

---

rwm ,hrudm lk hg,hru fs l,glm a,d