الموضوع: (( فارس احلامي)) قصه رومانسيه جريئه

الــــــجـــــــــزء الاخــــــيـــــــــر





مشاعل اتجهت لنفس الغرفه الي دخلتها ام مشعل مالقت احد وكانت راح تطلع لما سمعت صوت,, التفتت ع الصوت وشافت بنت اول مره تشوفها
البنت : مشاعل تدوري ع احد
مشاعل : ايه كنت ادور ع ماما كأني شفتها دخلت هنا؟
البنت : توها طلعت من هنا
مشاعل ابتسمت: شكرا
البنت : انا احتاج انك تشكريني بس مو ع شان قلت لك ان امك مو هنا ,, ابيك تشكريني لاني راح ابين لك حقيقه زوجك طلال المخدوعه فيه
مشاعل منصدمه: ايش قصدك؟
البنت : ولا شي ,, عن اذنك
مشاعل كانت واقفه عند الباب ومو تاركه المجال لهالبنت انها تمشي
مشاعل: ماراح تطلعي من هنا لحد ماعرف ايش الي تعرفيه عن طلال؟
البنت : انا ماعرف بس ,,, الا انا متاكده وعندي اثباتات
مشاعل تنرفزت : اثباتات لايش؟
البنت: ان طلال يحب وحده غيرك ويموت فيها
مشاعل: ايش جالسه تقولي؟ انتي حقيره وتبي تدمري حياتي,, صدقيني كلامك مايهمني وانا واثقه بطلال
البنت: ماتبي الاثباتات ع شان تصدقي ؟
مشاعل بدى الخوف يسري بعروقها,, معقوله فيه عندها اثباتات ان طلال يحب وحده ثانيه
طلعت البنت موبايل وفتحت الرسايل
البنت: تفرجي ع الرسايل واقري الكلام الي مرسله لها,, ع فكره انا اخذت الموبايل بدون ماتحس البنت,,, بس ع شان انقذك من هالنصاب الي انتي متزوجته
مشاعل انصدمت من الرسايل كانت تدل ع حب كبير واشواق كانت اخر رساله طاحت عينها عليها
"حبيبه قلبي وربي اسف لاتزعلي ترى كل شي ولازعلك ,,, اذا زعلتي علي الدنيا تتقفل بوجهي"
وغيرها من رسايل الحب,, مشاعل كانت في صدمه وذهول ,,, مو قادره تفهم شي,,, طلال سوى كل هذا ع شانها ليش طيب مبين من الرسايل انه يموت بهالبنت ,, ليش
البنت: واصحي تشكي ان الرسايل قديمه طالعي التاريخ وتعرفي ان اخر رساله امس
البنت تطالع مشاعل بكل نصر,,, مشاعل لما دخلت الغرفه كانت كلها سعاده وفرح وامل بحياه جديده سعيده,, بس لما دخلت قدرت هالبنت انها تحطم كل امنياتها وسعادتها
ليش دايما الدنيا تهاجمها ومو تاركه لها فرصه تكون سعيده ليش؟
طلعت من الغرفه الي كانت فيها واتجهت للمكان الي كان طلال ينتظرها فيه,, طالعته ع وسامته وحبها الكبير له الحين تشوفه احقر انسان بهالدنيا ووسامته كلها انقلبت لقبح,,, ليش يسوي كذا فيها ؟ ايش الذنب الي سوته ع شان يصير لها كل هذا
طلال كان جالس ع كرسي يستناها واول ماشافها وقف وطالعها بكل حب : يالله قطوتي نمشي
مشاعل وعينها بالارض ماتبي ترفعها عشان مايشوف كرهها له: يالله
طلال وبان القلق عليه: حبيبي ايش فيك؟ ام مشعل فيها شي؟
مشاعل: لا بس تاثرت لما تكلمت معاها
طلال: حبي لاتخافي راح اوديك كل يوم تزوريها انشالله
مشاعل ترفع عيونها لطلال : طلال ممكن نطلع من هنا بسرعه
طلال يطالعها بخبث وبهمس قال لها : لهدرجه مشتاقه لي
طلال ومشاعل طلعوا سويتهم بالاوتيل ,,, طلال كان حاجز هالسويت بالمملكه لمده يوم لان طيارتهم كانت الساعه 10 الصباح,, فقرر انهم يجلسوا بالاوتيل لحد مايجي موعد الطياره
كان السويت قمه في الفخامه والذوق,,, كان عباره عن غرفه نوم كبيره وصاله وحمام
طلال وقف عند الباب وياشر لمشاعل تدخل قبله
طلال: تفضلي
مشاعل دخلت بدون ماتشكره ,,, جلست تطالع السويت وتتامله ,, كان كل شي من بدايه الزواج الي السويت مرتب ,, ولولا البنت ماقالت لها ع حقيقه طلال ,, كان صدقت انه يحبها وانه سوى كل هذا ع شانها
طلال مسك يد مشاعل وبكل حب قال لها : تدري انك احلا زوجه بالدنيا وتدري اني اسعد رجل بالدنيا , اخيرا احنا مع بعض لوحدنا
مشاعل: طلال ابي الحمام
طلال وهو يبتسم : اوكي شوفي الحمام ,, بس لاتطولي لان عندي كلام كثير ابي اقوله لك ولاتضيعي وقتنا بالحمام ,, حبي ترى العشاء الحين راح يجي
مشاعل بجديه: انا مابي عشاء ابي اغير ملابسي وانام تعبانه
طلال يبتسم بخبث: تنامي اها ,, اوكي راح ننام بس نتعشى اول لاني ميت جوع,,, ليش مستعجله ع النوم
مشاعل فهمت قصده: طلال ممكن تطلع ابي اغير ملابسي
طلال: غيريها وانا ماسكك ,, الا اذا تبي اغيرها لك
مشاعل بعصبيه : طلال
طلال: اوكي اوكي,, انا راح اغير ملابسي بعد ,,, راح اغيرها بالصاله وانتي غيري ملابسك هنا,,, اعوذ بالله ماكانك زوجتي ,,, كل واحد يعزل نفسه
طلع طلال للصاله ,, وقفلت مشاعل الباب ,, وماغيرت ملابسها مثل ماقالت لطلال,,, انسدحت ع السرير وصارت تبكي من قلب ,,, كانت حالتها صعبه ,, الميك اب والكحل ملا وجهها ,, وشعرها انحاس,, على طول اخذت مخده وغطاء وفتحت باب الصاله ورمتها لطلال وقبل تقفل شافت طلال يصلي ركعتين ع شان ربي يبارك له في ليلته وزواجه,, قفلت الباب وكملت دموعها وصياحها,,, كل شي كان حلو مع طلال ,, تحب طلال وتبيه,, لو ما البنت هذي طلعت لها وقالت لها حقيقه طلال
0000000000000000000000000
طلال بعد مانتهى من الصلاه ,, كان لابس بيجاما حرير لونها بيج وكانت مفتوحه من الصدر ,, راح عند باب الغرفه وانصدم لما شاف مخده مرميه ومعاها غطاء
طلال حاول يفتح الباب بس كان مقفل
طلال: ميشو لسى ماخلصتي
مشاعل من ورى الباب وواضح انها تبكي: طلال مابي اشوف وجهك ,,,,, اتركني لوحدي
طلال والخوف قتله : ميشو حبيبتي ايش صار ,, ميشو افتحي خلينا نتفاهم
مشاعل: مابينا تفاهم ,,, روح ياطلال روح
طلال كان راح ينجن من الخوف على مشاعل : طيب ليش تبكي,,, ميشو بليز افتحي
مشاعل: ماراح افتح لك لا باب الغرفه ولا راح افتح لك قلبي,, طلال مابي اسمع صوتك خلاص
طلال اختفى صوته,, ارتاحت مشاعل ع الاقل طلال فقد الامل ,, وبعد دقايق سمعت اصوات عند باب الغرفه الرئيسي,, وشوي ودخل طلال وهو معصب مره
طلال يكلم شخص برا الغرفه : Ok Thanks ,, Every Thing Is Ok
مشاعل: مين سمح لك تدخل
طلال انصدم لما شاف شكلها كان فستان الزواج عليها وشعرها كان محيوس ووجها كله كحل من اثر الدموع,,, قرب منها وبكل خوف
طلال: ميشو لاتذبحيني ايش فيك,, ايش صار
مشاعل تصارخ : ليش تدخل قلت لك مابي اشوف وجهك ماتفهم
طلال: ميشو قلت لهم يفتحوا لي لاني مت خوف عليك,, ميشو ايش فيك,,من شوي كنتي مبسوطه ايش صار
مشاعل: بكل بساطه انا ندمانه ع هالزواج
طلال والصدمه بعيونه : ندمانه؟ ليش
مشاعل : ابد عرفت اني اكرهك وما احبك بمجرد اننا اجتمعنا بمكان واحد,, فيه اشخاص يحبوا الشي بس لما يملكوه يكرهوه,, وهذا الي احس فيه
طلال: ميشو مين تكذبي عليه؟ ميشو تكفين تكلمي ايش فيك؟
مشاعل: طلال بليز اطلع,, اطلع
طلال قرب منها: اسمعي حبيبتي ادري انك منحرجه ع شان هذي اول ليله تكوني معاي فيها بس لاتخافي مارح يصير شي الا برضاك,, ومستحيل ازعلك
مشاعل: وين راح تفكيرك انت ,, انت اظنك ماتفهم عربي قلت لك ماابيك
طلال بحزم: ماراح اطلع لحد ماتقولي ايش فيك
مشاعل تطالعه بحقد : اوكي اذا مصر تعرف ,, طلال اهلي هم الي اجبروني عليك
طلال منصدم: اجبروك ميشو ماني فاهم شي
مشاعل: بعد المساعدات الي سويتها لهم ,, قرروا انهم يشكروك ,,, وماكان فيه طريقه يشكروك فيها الا بزواجنا
طلال الصدمه منعته من الكلام
مشاعل: يعني لا يعجبك الدور الي امثله لاني اكرهك ,, ولاتفكر انك تشاركني السرير او حتى تشاركني حياتي انت زوج بالاسم
طلال طالع مشاعل بنظره كلها زعل وحقد وكره : وتدمري نفسك ومستقبلك مع واحد ماتحبيه
مشاعل: ع شان الفلوس اسوي اي شي,, وانت مليونير واكيد فرصه حلوه بالنسبه لي,, بس لاتفكر اني احبك بيوم
طلال قام وكانه مقروص وطالع مشاعل بنظره كلها احتقار وطلع للصاله وسكر الباب
مشاعل كملت دموعها وصياحها لازم تحسسه انه ماجرحها ولا كذب عليها,,, مايستاهل انها تحسسه بانه اهانها ,,, لازم تخليه يندم ع اليوم الي عرفها فيه
بكت حظها,, بليله زواجها والمفروض الي تكون ليله العمر,, صارت ليله الحزن,,, بعد تعب وصياح قامت تتحمم وتغير ملابسها وتشيل الميك اب ,,,, ولبست قميص نوم عنابي قصير واستسلمت للنوم بصعوبه
000000000000000000000000000000 0000000000000000000000000
طلال كان جالس وماذاق طعم النوم,,, يوم زواجه وزوجته تهجره,, وتعترف له انها تكرهه وان زواجها بس مصلحه بس,, حبيبته وحياته وقلبه خذلته باليوم الي جمعهم,,, تذكر فرحته بالقاعه وفرحته اول مادخلوا السويت ,,, شلون الحين انقلب عليه كل شي,, ليش لما تخلص من كل المشاكل ,,, يكتشف انه طاح في مشاكل جديده, ع الاقل اول كان عنده امل ان الظروف تتحسن ,,, وترجع له مشاعل,, بس الحين كل امل وفرحه بقلبه قتلتها مشاعل,,, ليش سوت كذا ,,, ايش تبي بعد,, حتى لو تزوجته مصلحه مثل ماتقول ليش تعترف ع الاقل كان لعبت الدور بصمت,, والا اكيد خايفه انه يلمسها وهالشي اكيد يحسسها بالاشمئزاز
طلال: لهدرجه تكرهني؟
ضحك ع حماسه ,, كان مجهز لمشاعل مفاجاءه ماكان يبي ليله زواجه تكون مثل اي ليله,,يبيها تكون مميزه ,,, كان مجهز لها هدايا والعاب ,,, حتى انه جاب البلوت معاه ع امل انه يعلمها ويلعبوا ويكسروا الخجل,,, كل هذا راح
كانت الساعه 8 وطلال ماذاق طعم النوم,,, موعد طيارتهم 10 ,, كيف راح يسافر لشهر العسل مع وحده ماتحبه,,, بس مستحيل يكنسل الموضوع لان اهله اكيد راح يشكوا فيه,, ومستحيل يبين لهم لانهم وقتها راح يحطوا اللوم عليه لانه ماعرف يختار,, رغم كل الي قالته مشاعل له,, ماكان يبي اهله يكرهوها,,, معقوله للحين يحبها بعد كل الي سمعه
راح طلال ورى الباب يبي يصحي مشاعل بس بدون مايدخل
طلال: مشاعل,, مشاعل
اخيرا سمعت
مشاعل: نعم
طلال: البسي لاننا راح نروح للمطار
سكتت وتوقع انها قامت تلبس لما سمع صوتها
مشاعل: مابي اسافر معاك
طلال: مشاعل لاتستهبلي قومي ماابي اهلي يحسوا بشي
مشاعل: يعني كل الي همك اهلك
طلال: اجل مين راح يهمني؟ انتي مثلا قومي بلا استهبال والبسي ,, لك نص ساعه وتكوني جاهزه ع شان نفطر قبل نمشي
مشاعل ضغطت ع نفسها واعصابها
مشاعل : اوكي
طلال: طيب انا ابي شنطتي , ابي اغير ملابسي ممكن ادخل
مشاعل: لحظه
قامت مشاعل وغسلت وجهها ولبست روب طويل وتغطت كويس,, وبعدها فتحت الباب لطلال,, وعطته ظهرها ماتبي تشوف وجهه
طلال دخل
مشاعل: خذ ملابسك واتحمم وانا راح البس اذا انتهيت
طلال قرب من مشاعل ماقدر يقاوم حبيبه عمره قدامه يمكن ع الاقل فيه امل
طلال : ميشو قولي ان الكلام الي سمعته الفجر كذب وانك كنت تمزحي معاي
مشاعل التفتت لطلال تبي تواجهه وانصدمت لشكله مبين عليه مانام,,, اكيد يكلم الهانم خويته
مشاعل باحتقار: لا تخاف ماغيرت رايي
طلال نزل عينه بالارض بعد مافقد الامل ومد يده بورقه معاه وعلبه
طلال: هذى شي بسيط كان المفروض تاخذيه مني امس الفجر بس بعد الي صار نسيته ,, هديه بسيطه لك
وحطه ع الطاوله ودخل الحمام
مشاعل اخذت العلبه وفتحتها ,, كان عقد لولو يجنن ,,, كان انيق وذوق,, سكرت عيونها ونزلت دمعه منها,, معقوله يجهز هالعقد هديه لها ليش؟ والبنت الي يعرفها ماخاف ع مشاعرها
طاحت عينها ع الورقه الي ع الطاوله فتحتها وانصدمت منها ,, كانت ورقه تنازل,, تنازل طلال عن حصته في شركه ابوها وكتبها باسمها
معقووووله طلال يسوي هذا لها ,,, و لهدرجه يحبها ,, طيب والرسايل,, الرقم كان رقم طلال,, وهي متاكده,,, شلون تصرفاته تدل ع انه يحبها,,, بس الرسايل تنفي هالشي,, ليش ماتصارحه ,, لا لو صارحته راح تهين نفسها وكرامتها
طلع طلال من الحمام وكان لابس فوطه لافها ع خصره ,, اما صدره كان مكشوف,,, وهالشي خلى مشاعل خدودها تحمر,,, ومره استحت,, كان صدره وبطنه مرسوم رسم ,,, عضلات صدره بارزه ,, وعضلات بطنه مقسمه ومحدده,, نزلت عينها ع الارض على طول
قرب منها طلال وهالشي اربكها ,,, كان قريب منها لدرجه انها صعب تقاومه ,, لمس خدودها بكل حنان ,, تاكدت مشاعل انها اضعف من انها تبعد عنه ,, جمعت كل قوتها وشجاعتها ,, وبعدت عنه بسرعه
مشاعل: ممكن تطلع ابي اغير ملابسي
طلال كانت نظرته بارده ماتعبر عن شي
طلال بكل برود : مشاعل انتي تزوجتيني مصلحه مثل ماتقولي والا انا غلطان؟
مشاعل بكل بجاحه: ايه
طلال: اوكي يعني انتي الطرف المستفيد
مشاعل: مو فاهمه
طلال: يعني انا راح اعطيك كل ماتحتاجيه من فلوس وطبعا مافيه شي بدون مقابل
مشاعل: ايش قصدك
طلال: انا ابي استفيد من هالزواج مثلك
مشاعل : وكيف راح تستفيد مني
طلال: ابي امارس معاك حقوقي كزوج
مشاعل ارتبكت وخافت وبعدت عنه باخر الغرفه
مشاعل بتهديد: اصحى تفكر تلمسني لاني ماراح اجلس معاك ولا دقيقه زياده
طلال ابتسم ابتسامه برود : صدقيني اذا ابي اسوي الي ببالي راح اسويه غصب عنك,, بس الحين مالي خلق ,, يله البسي ,,, ولما يكون لي خلق راح اسوي الي ببالي غصب عنك
وطلع وتركها ,, خافت منه مررره ,, معقوله يتجرا معقوله يسويها لازم توقفه عند حده
قفلت الباب وتحممت ولبست وفي خلال 45 دقيقه كانت جاهزه
انتظرته يناديها وسمعت صوت التيلفون
مشاعل: الو
طلال ببرود : مشاعل انزلي باللوبي انا طلبت الفطور
مشاعل: واغراضي؟
طلال: اتركيها هم راح ينزلوها,, يله لاتتاخري ع شان مانتاخر ع الرحله
مشاعل: اوكي نازله
مشاعل لبست عبايتها ونزلت متحجبه,, كان اللوبي فيه زحمه شوي,,, واغلب الموجودين شباب,,, وكانت انظارهم ع مشاعل ,,, كانت مشغوله تدور طاوله طلال ,, حست باحد يكلمها من وراء
طلال بعصبيه : خير انشالله
مشاعل لفت باتجاه طلال : بسم الله خوفتني
طلال: الحين صوتي خوفك بس نظرات هالشباب الي يطالعوك ماخوفتك
مشاعل تغير الموضوع : اوكي راح نفطر او نطلع
طلال بعصبيه : غطي وجهك
مشاعل بعناد : ماراح اغطي
طلال: متاكده؟
مشاعل: ايه ماراح اغطي ايش راح تسوي
طلال مسك يدها بقوه ومشى لما الاصنصير,,, ودخل معاها وكان ساكت وسحبها لما الغرفه وقفل الباب
طلال بصراخ: تستهبلي انتي والا ايش
مشاعل : انا حره اتغطى او ما اتغطى
طلال صرخ بقوه : مشاعل
مشاعل خافت انه يضربها وسكتت
طلال بصراخ: راح نفطر هنا ,, وراح اسوي نفسي اني ماشفت شي,, بس وربي لو اشوفك مره ثانيه مو مغطيه وجهك راح امد يدي عليك فهمتي والا لا
مشاعل تبكي: طبعا لازم تمد يدك علي ,, لو انا حبيبتك الي تراسلها كان ما مديت يدك علي
طلال مستغرب: حبيبتي؟واراسلها؟
مشاعل ندمت ع الي قالت: اكيد عندك الف حبيبه
طلال : لا انتي ماقلتي هالكلام من فراغ,, مشاعل ايش فيه واي حبيبه الي تتكلمي عنها ومن هي الي اراسلها
مشاعل: كذا كلمه طلعت لاتعطي نفسك اكبر من حجمك واهميه بزياده ,, وتحسب اني اغار عليك
طلال: مستحيل اقدر اتحملك ,, فطورك راح يوصلك هنا,, ولما يوصل السواق راح ادق عليك
مشاعل: طبعا تبي تفطر تحت ع شان تاخذ راحتك مع البنات
طلال التفت عليها: اي بنات الي تتكلمي عنهم ,,, ترى ماصار لي 24 ساعه متزوج وزوجتي مو قادره حتى تطالع بوجهي ,, تبيني اطالع بنات,, اصلا كرهت البنات منك ,,, وعموما لا تخافي انا مو رايح افطر لانك سديتي نفسي
طلع وكلها دقايق وفطورها وصل ,,, ومااكلت منه شي ,, حتى طلال كان جالس باللوبي ومااكل شي اللهم شرب كوفي ع شان يبعد النوم شوي
000000000000000000000000000000
بحدود الساعه 9 دق طلال ع مشاعل
طلال بدون سلام: انزلي انا انتظرك عند البوابه
مشاعل بدون نفس : اوكي
نزلت وركبوا السياره وكلهم كانوا ساكتين ,, حتى لما وصلوا المطار طلال سوى كل الاجرائات وكانت مشاعل تنتظره ,, حتى لما ركبوا الطياره كانوا ساكتين ,, لما طلال نطق اخيرا
طلال بدون مايطالعها : ايش تبي فطور؟
مشاعل: الحمدلله توني افطرت مابي شي
طلال : لاتكذبي انا عارف انك ما اكلتي ,, اصلا اكلك نفس ماهو
مشاعل: وانت جالس تراقبني
طلال: ايه انتي الحين مسئولتي ولازم اهتم فيك
مشاعل: لا شكرا اقدر اهتم بنفسي
طلال طنشها وطلب لنفسه ولها فطور
طلال: انا ميت جوع بس ما حاكل لما تاكلي
مشاعل كانت ميته جوع ومسويه نفسها تاكل علشانه وهي اصلا ودها تدخل الكروسون كله بفمها مره وحده من الجوع
000000000000000000000000000000 00000000000000000000000000
كانوا في طريقهم لجزر تنغالوما في استراليا وهالجزر معروفه بالطبيعه والجمال
ممكن تكون مشاعل اسعد مخلوقه بس لوما البنت الي طلعت لها فجاءه
عرفت ان الدنيا قدمت لها طلال مو حب لها ,, لا ,,, عشان تجرحها جرح صعب تتحمله,, كيف راح تكون لوحدها مع طلال الكذاب الخاين ,,, وكيف راح تكون زوجته وتشاركه حياتها مستحيل,,, لازم ترفضه بكل ماعندها من قوه
هي الحين مع طلال بمكان شاعري وبشهر العسل ومو قادره تكون سعيده,, ليش,, ياليتها ماشافت هالبنت ولا عرفتها وعاشت مخدوعه اهون عليها
وصلوا للشاليه الي كان طلال مستاجره ,,, وكان يجنن ع الشاطئ في مكان هادي وكان عباره عن دورين الدور الاول عباره عن صاله كبيره اما الدور الثاني كان مفتوح ع الدور الاول وبالنص كان سرير كبير ,,, ماكان الشاليه يحتوى ع غرف او جدران كان كله مفتوح ,, الجدران الوحيده الي فيه هي جدران الحمامين الي فوق
دخل طلال والي كان يتفاهم مع واحد برا الشاليه ,, تجاهل مشاعل وطلع ع طول فوق وتكلم وهو يمشي
طلال: اذا تبي تنامي السرير فوق وعلى فكره مافيه الا سرير واحد ,, واذا تبي اكل رقم المطعم موجود عند التلفون اطلبي الي تبي,, انا راح انام
مشاعل انقهرت منه,, تجاهله لها قهرها,, حست بغربه , هي بمكان لوحدها مع طلال ,, طلال المفروض الي يملا عليها وحدتها,, بس للاسف انه زادها وحده وخوف ,, تطالعه بس ماتعرفه
جلست تحت مو عارفه ايش تسوي , قررت تروح للحمام ,, طلعت الدرج ,, وتفاجات بالمنظر الي شافته,,, كان الدور الثاني مفتوح كله وبالوسط سرير كبير وكان طلال نايم عليه ,, قربت منه تتامله ,, كان برئ ,,, مبين عليه التعب والارهاق,, ماكان متغطي ,, كان نايم بشورت بس ,,, وكان الجو بارد شوي,,, اخذت الغطاء مشاعل وغطته ,, شافت الحمام كان ودها تاخذ دش سريع بما ان طلال نايم ماراح يشوفها
قامت من جنب طلال تبي تروح للحمام فرصه بما ان طلال نايم,, لما قامت مسكت بها يد طلال
طلال بهمس: ميشو لاتتركيني خليك جنبي
مشاعل سحبت يدها بقوه منه ونزلت تحت
استنت تقريبا نص ساعه وقالت اكيد الحين نام خليني اروح اتحمم ,, لم اطلعت فوق حست من انفاسه انه نايم
ودخلت الحمام ,, اخذت دش سريع ,, انصعقت وكانت راح تبكي لما تذكرت ان روب الحمام بالشنطه,, ايش راح تسوي ,, شلون راح تطلع ,,, لقت فوطه ماتتعدى الشبرين ,,, كانت مبلوله مبين ان طلال بعد ماتحمم مسح بها,, لفتها ع جسمها ,, وكانت تظهر اكثر من الي تخبيه,,, طلعت راسها ع شان تتاكد ان طلال نايم ,,, تبي تطلع لعند الشنطه تطلع روبها,,,
بعد ماطلعت راسها لقت طلال شكله بسابع نومه
مشت ع اطراف اصابعها ,,, لما وصلت الدرج الي ينزل ع تحت ,, نزلت اول درجه وعينها ع طلال,, انصدمت لما انقلب طلال ع الجهه الثانيه,, ماكانت تقدر تحدد هو مغمض عيونه والا لا,, لان الظلام كان قوي
طلال: ميشو ليش ماتشتغلي عارضه ازياء,,, جسمك يجنن
مشاعل صرخت وشدت ع الفوطه اكثر,, ايش راح تسوي تنزل بس المسافه مره طويله وبكذا راح تترك مجال لطلال انه يتفحصها اكثر,,, ولو رجعت للحمام راح تكون قريبه من طلال ,, ايش تسوي
من الخوف جلست ع الارض تحاول تغطي جسمها بيديها
طلال: ههههههههههه ,, قطوتي تعالي اسوي لك مساج شكلك مرهقه
مشاعل: طلالوه سكر عيونك اكرهك ,, سكرها
طلال: هههههههه,, ايش رايك البسك؟
مشاعل شافت طلال واقف يبي يجي لجهتها
قامت تركض بسرعه ع الحمام وقفلت ع نفسها
مشاعل: طيب اوريك ياطلالوه
طلال: ههههههههههه,, بشوف متى راح تطفشي من الحمام ,, وبعدين راح تضطري تطلعي
مشاعل طاحت عيونها ع ملابسها الي غيرتها ,,, وعلى طول رجعت تلبسها من جديد وطلعت من الحمام
طلال: ههههههههه ,, والله عرفتي تدبري امورك
مشاعل: بصراحه انك بايخ
طلال: عادي زوج وشاف زوجته بالفوطه فيها شي؟
مشاعل: اوووووووووووووه
وراحت ع السرير واخذت مخده وغطاء ,,, ونزلت تنام تحت ع الكنبه
طلال: هههههههههههههههههه اتمنى لك نومه سعيده ومريحه
مشاعل بنفسها" حقير شلون يخليني انام ع الكنبه وهو مرتاح ع السرير"
تقلبت مشاعل ساعات ماتدري كم كانت ,,, بس اكيد ماكانت شويه ,,, كانت تفكر بالي صار لها من اول ماشافت البنت الي قالت لها ع طلال,, لحد لحظتها هذي,, تعبت من الكنبه ,, واظن من كثر الكنبه ماهي متعبه نامت مشاعل
00000000000000000000
صحت مشاعل وبدت تتقلب بالسرير ماكانت تعرف كم الساعه,,, سرير؟ انصدمت مشاعل ايش جابها بالسرير ,,كانت نايمه ع الكنبه ايش الي صار,, على طول طالعت مكان طلال,, لقته فاضي,, شلون جت هنا,, قامت بسرعه تدور ع طلال تبي منه تفسير,, كان الشاليه فاضي ,, دخلت تتحمم وهالمره جابت ملابسها وروبها معاها خافت يصير نفس الموقف مع طلال
تحممت ولبست وطلعت ,, جلست ع كرسي مقابل مرايه كبيره,, ورفعت شعرها المبلول ,,, حطت ميك اي خفيف,, وكانت مشغوله بالروج والي كانت مركزه برسمه,, طاح منها الروج من الخوف لما سمعت صوت طلال يصفر
طلال وهو يصفر: حركات ايش هالجمال,, لاتقولي انه هالحلاوه ع شاني
مشاعل : انت ماتعرف تستاذن ,,, بعدين ممكن تفسر لي سبب وجودي بالسرير
طلال: ايش اسوي لك ,, حتى السرير تبي تشاركيني فيه,,, بعدين ميشو ليش ماقلتي لي انك تمشي وانتي نايمه بصراحه خوفتيني امس
مشاعل: لا والله تبي تقنعني اني مشيت امس لحد ماوصلت السرير
طلال: يب ,, بسراحه خفت منك قلت اكيد هالبنت مسكونه,, ميشو انتي مسكونه؟ قولي لي ع شان اوديك لشيخ يقرا عليك
مشاعل: يامصلك اذا قمت تستخف دمك ,,,((وبتردد قالت)) طلال ابي اعرف ايش صار امس؟
طلال: لاتخافي كل الموضوع انك ماهنتي علي تنامي ع الكنبه,, وشلتك ونومتك ع السرير ,, بس تبين الصراحه احلى نومه نمتها لانك جنبي
مشاعل: وربي لو تسوي هالحركه مره ثانيه راح تندم
طلال: المهم الساعه 7 الصباح واحنا ماشالله قايمين نشيطين ,, خلينا نروح نتمشى ونفطر
000000000000000000000000000000 000000000000000000000000
كانت الجزيره خيال وروعه بالنسبه لمشاعل,,, الطبيعه والشواطئ الي تجنن,, حتى طلال وداها للمركز تجاري بالجزيره ,, وماخلى شي الا اشتراه لها ,,, لدرجه انها حست انها شرت السوق كله
وهم يمشو لمحت تيشرت لونه سماوي كانت تتمنى ان معاها فلوس تشتريه لطلال,, مع انها الحين حاقده عليه لانه كذب عليها وغشها وخانها بس ابد مو قادره تمنع نفسها من السعاده معاه,,, حست نفسها نست كل شي ووقفت تتامل التيشرت وتتخيل طلال لابسه
طلال: ميشو ماودك تمشي؟
مشاعل: اممم فيه تيشرت عاجبني
طلال مسك يدها ودخلها المحل: وينه؟
اشرت ع تيشرت رجالي
طلال: قطوتي هذا رجالي؟
مشاعل: ادري وودي اشتريه لك بس مامعاي فلوس
طلال رقت ملامحه وعلى طول قال للي يبيع يعطيه التيشرت ,, ودخل غرفه الملابس ولبسه وكان شكله يجنن فيه,, كان ماشي مع لون عيونه وبارزها,, دفع له الفلوس وطلع
طلال وهو يلف حول مشاعل : هاه حلو
مشاعل تحاول تخفي اعجابها : اممم يعني مو بطال
طلال: طيب فيه قميص نوم عاجبني ابي اشتريه لك ممكن
مشاعل تطالع طلال بحقد ومبين عليها انها عصبت مرره
طلال: انتي حره ,, بس حبيت اشوفه عليك,,, اذا ماتبيني اشوفه عليك راح اشوف اي وحده تلبسه لي
مشاعل: ليش تبي ترجع للرياض جثه
طلال وقف مشاعل : شفتي انك تغاري علي
طلال صرخ بالسوووووق صرخه قويه
طلال: ميشو تغار علي تغااااار علي
مشاعل تركض وراه وبعد محاولات وصله له وسدت فمه بيدها
مشاعل: طلالوه اسكت فضحتنا
طلال حس انه الوقت المناسب ع شان يحرجها,, باس يدها الي مسكره فمه,, ومثل ماتوقع على طول سحبتها
طلال: ههههههههه احبك ياقطوتي الشرسه
مشاعل مشت وتركته ,, طلال قدر يلحقها وصار ينغزها بيدها بضهرها,, لحد ماتنرفزت
مشاعل: طلال بس ذبحتني
طلال على طول شالها
مشاعل: طلال نزلني ياكرهك
طلال: ماراح انزلك لما تقولي لي احبك
مشاعل: اكرهك نزلني
طلال: هههههههه لا انا قلت قولي احبك مو اكرهك ايش فيك صرتي تفهمي بالمقلوب
مشاعل: يوووه طلال نزلني
طلال نزلها
طلال: يوه ميشو صرتي ثقيله,, ((ويسوي نفسه يفكر )) لاتكوني حامل؟
مشاعل: حامل بعينك
تعبوا من اللف طول اليوم واخيرا قرروا يرجعوا ع الشاليه ,, وهنا مشاعل اكيد راح تعاني من جلستها لوحدها مع طلال وهالشي يصعب الامور عليها
بعد ماوصلوا للشاليه مشاعل كانت تطلع الدرج تبي تتحمم بعدين تنام ع الكنبه ,, وهي بنص الدرج مسكت بها يد طلال
طلال بجديه: ميشو لازم نتكلم
مشاعل: مافيه شي نتكلم فيه
طلال: لا فيه
مشاعل: انا تعبانه وابي انام
طلال: ميشو شكلنا مو شكل ثنين مالهم يومين متزوجين,,, ميشو لازم نحل الخلاف الي بينا لان كل كلامك الي قلتيه لي ماني مصدقه
مشاعل: مو لازم تصدقه
طلال: ميشو انا احاول احل المشكله وانتي تزيديها تعقيد,, ميشو خلينا نتفاهم,,, وحتى لو كلامك صدق ع الاقل مثلي قدامي انك تحبيني
مشاعل باحتقار: انا ماعرف امثل مثلك ,,, انا صريحه واظن انك عارف هالشي زين,, انا تاركه التمثيل لك
وتركته وراحت تتحمم
طلال تاكد ان الشكوك الي في باله صدق,, لان مستحيل تتغير مشاعل بلحظه,, كان متاكد انه شاف حب بعيونها بالزفه,,, بس اول ماراحت لام مشعل وهي متغيره,, اكيد ام مشعل لها يد بالموضوع ,, بس ايش قالت لمشاعل ع شان تتغير,,, تمسك برايه اكثر,, وراح يسوي اي شي ع شان يعرف ايش الي مزعلها,,دخل يتحمم ,,, ولما طلع شاف مشاعل نايمه ع الكنبه تحت
لبس ملابسه,, ونزل كان لابس شورت كحلي وبودي كحلي بنفس لون الشورت
طلال بهمس: نايمه
مشاعل جلست بسرعه: لاتخاف مانمت لاتفكر انك تشيلني مثل امس لاني مفتحه عيوني
طلال جلس ع الارض بين رجلين مشاعل وحط راسه ع رجولها
طلال: ميشو انا ادري انك زعلانه علي بس ماعرف السبب,, بس ميشو تكفين لاتهدمي الي تعبنا نبنيه ,,, مشاعل فكري كويس,,, مهما كان السبب الي مزعلك مني,,, ميشو احنا اجتزنا مشاكل كثير اجتزنا غسان وبعده بندر وبعده تمسكنا ببعض اكثر لما قررتي تعتني باخوانك ,, ميشو كافحنا ع شان بالنهايه نصير مع بعض
ورفع عيونه لها: ميشو بليز لاتهدمي كل شي حلو وهالايام الي عمرها ماتتعوض,,, ع سبب انا متاكد انه تافه,,, ميشو عشاني اتركي كل شي وراك وخليك معاي انا وبس,, خلينا نكون مع بعض بكل مشاعرنا,,, ميشو انا مااستاهل هاللايام الحلوه معاك
كانت كلمات طلال مثل البلسم ع جروح مشاعل ,,, ليش ماتتغاضى عن كل شي وتنسى كل شي,,, ليش ماترجع تبني حياتها من جديد معاه ,,, ليش ماتعطيه فرصه,,, ضحى كثير ع شانها وجاء دورها
لقت نفسها بدون ماتحس تقول له: طلال وربي الكلمات الي قلتها لك بليله زواجنا كلها من وراء قلبي,,, انا تزوجتك لاني احبك ومو قصدي انــ
حط اصبعه ع شفايفها : اشششش مابي اسمع شي ,, ابيك تقولي اني تحبيني وبس
مشاعل نزلت دموعها مو قادره تقاوم فارس احلامها وبمكان رومانسي وشاعري ,,, ويجمعهم بيت واحد ,, نست كل شي تبي تكون معاه وبس ,,, وموضوع الرسايل كيفه المهم انها تسعده وتكون معاه,, ضمته من قلبها وبكل حنان شالها وطلع بها الدور الثاني,,, وجلسها ع السرير
طلال وهو يلعب بشعرها : قطوتي وربي اني احبك ,,, بدونك ماقدر اعيش,, ودموعك هذي مابي اشوفها فاهمه
مشاعل تبتسم : وانا احبك احبك احبك احبك احبك
سكتها حظنه,, وكان رومانسي بشكل ماكانت تتوقعه,, كانت الليله هذي من احلى ليالي عمرها ,,, كان طلال جنبها ونام بحظنها مثل ماتمنت ,,كانت تحبه من قلب,, بس بعد هالليله زاد حبه بقلبها
في الصباح صحت قبل طلال,, والتفتت ع طلال الي نايم جنبها ,,تتامل وسامته ورجولته,, صدق يستاهل تنسى كل شي ع شانه,,, واخذت غطاء السرير وصارت تحكه ع خشم طلال
طلال بدى يتحرك
مشاعل: اصحى يامدمن النوم
طلال وكله نوم: صبحيه مباركه ياعروسه
مشاعل استحت: قوم يله طلول ميته جوع ابي اكل
طلال: مابي اتحرك تعبان
مشاعل: يله طلول ع شاني قوم,, خلنا نطلع
طلال: ليش حظرتك متى صاحيه
مشاعل: اممم ساعه يمكن
طلال: وايش جالسه تسوي بهالساعه؟
مشاعل: اتاملك
طلال: اااه ميشو جد امس كانت احلى ليله بعمري
مشاعل استحت: طيب يله قوم البس ع شان نطلع
طلال: حاظر عمتي
000000000000000000000000000000 0000000000000000000000000
بعد الفطور راحوا ع الشاطئ
طلال: ميشو شفتي البحر شو كبير
مشاعل: ادري اد البحر بحبيك
طلال: لا
مشاعل: اجل ايش
طلال: تتوقعي متى تجف المويه فيه
مشاعل: ههههههههههههههههه
طلال: ياناس اموت بهالضحكه
شاف طلال الحزن بعيون مشاعل
طلال: ميشو حبيبي ايش هالحزن الي اشوفه؟
مشاعل تحاول تقاوم الدموع: تذكرت بابا وماما
طلال: الله يرحمهم,, ميشو مابي اشوف دموعك ولاحزنك,, انا راح اكون لك ابوك وامك ,, انشالله ماراح احسسك بيوم انك وحيده,, انتي الحين عالمي كله,, واتمنى اني اكون عالمك
000000000000000000000000000000 00000000000000000000000
بالليل كانوا بديسكو وكانوا مشغلين موسيقى Popcorn وهالموسيقى المفضله لطلال
طلال: ميشو الموسيقى هذي حمستني قومي نرقص
مشاعل: مجنون انت لا مستحيل ارقص
طلال: امشي يله ولاتبيني اشيلك
مشاعل: طلال ماعرف ارقص بليز راح يضحكو علي
طلال: امشي مافيه احد يعرفنا
مشاعل كانت بتقول لا بس يد طلال اسرع منها ومسكها وقومها
صارت مشاعل تهز هز خفيف ومو راكب مع الموسيقى الصاخبه,,, اما طلال كانت خطواته مرسومه بدقه ورقصه متقن ,,, واضح انه متعلم الرقص بمكان لان رقصه رقص خبير,,, وكانت مشاعل تحاول تجاري طلال بخطواته
مشاعل تحمست بزياده وصارت تنطنط وتستهبل وتصارخ <-- انهبلت البنت
بما ان طلال مهبول مثلها صار يحمسها ويشجعها,, والبنت خشت جو وراح الحيا
مشاعل تصارخ ع شان يسمعها طلال : طلال علمني شلون تسوي هالحركه
طلال يصارخ :اي حركه
مشاعل: مدري هذي وكانك تتزلج ,,, مره خطيره كيف تسويها
طلال : هههههههههههه,, لا تسويها بعدين تطيحي وتفشليني ترى اذا طحتي بطلع واخليك
مشاعل: هههههههههههههههه
رقصوا لما تعبوا
كانت هذي رحلتهم الرومانسيه والي كان الحب والتفاهم يملاها ,, واكيد حب طلال بقلب مشاعل كبير لدرجه انها نست موضوع الرسايل
000000000000000000000000000000 00000000000000000000000
بعد شهر
كانوا بالمطار,, راجعين من استراليا
ابو طلال: الحمدلله ع سلامتكم
طلال ومشاعل: الله يسلمك
طلال: ليش يابابا جيت ,, انا قلت لماما ترسل السواق ليش تتعب نفسك
ابو طلال: لو عندي اشغال الدنيا راح افضي نفسي لك , كم عندي من طلال,, وبعدين مشتاق لك تبي تحرمني من شوفتك وشوفه مشاعل
طلال : الله يطول بعمرك
000000000000000000000000000000 0000000000000000000000000
دخلوا ع بيت طلال والي انبهرت مشاعل من شكله كان قصر بمعنى اصح,, البوابه كبيره والحديقه تحسسك بانك في غابه مو حديقه,,, شكل البيت ديكوره كل شي حلو
دخلوا مع البوابه الرئيسيه واستقبلوهم عشرات الخدم ,,, الي تاخذ عبايتها والي تاخذ الشناط,, كان مدخل البيت كبير وعباره عن مجلسين مفتوحه ع بعض ,,, يتوسطهم صاله كبيره واضح من الاثاث انه مكلف الملايين,,, انفتح الاصنصير وطلعت منه هيفاء وام طلال
هيفاء: الحمدلله ع السلامه
طلال ومشاعل: الله يسلمك
ام طلال: أوولاا <-- هلا بالاسباني
طلال: أوولاا ماما
ام طلال: كومو إستاس <-- كيفك؟
طلال: موي بيين ماما
وسملت ع مشاعل والكلام كان بالاشاره
واستلمت طلال بسوالف مشاعل مافهمت منها ولا حرف
لمياء دخلت: واااااااااااااااااااو ميشو وطلال الحمدلله ع سلامتكم
مشاعل وطلال : الله يسلمك
طلال: لمو دلي مشاعل ع غرفتنا ,, راح اجلس مع ماما شوي
لمياء: روح ميشو بامان,, تعالي ميشو افرجك ع البيت
كان الدور الثاني يحتوي ع غرف النوم ,, اما الدور الاول كان فيه مجلسين وصاله مفتوحه بالنص اما البيسنت كانوا ثنين البيسمنت 2 مخصص للباركينق وللمطبخ ,, ولما شافته مشاعل تذكرت اليوم الي دخلت فيه الغرفه مع غسان وطلال وسلمان, اما البيسمنت 1 كان فيه المسبح وغرفه الاجهزه الرياضيه والسوانا والجكوزي وجلسه ع المسبح وكانت تطل ع الحديقه,,, فرجتها ع جزء من الحديقه ,, ودلتها ع غرفتها والي موقعها برا البيت,, ارتاحت ع الاقل راح تكون لوحدها ومو مضطره انها تجلس معاهم
الغرفه ابهرت مشاعل,, وقفت عند السمك والي يشكلون جدار بين غرفه النوم وغرفه الجلوس سمعت صوت طلال يدخل
طلال: ميشو فيه ضيف يبي يشوفك
مشاعل: ضيف؟
نواف: هاي ميشو وحشتينا
مشاعل : هاااي نواف
نواف: طلال اطلع خلني مع مشاعل شوي ابيها بكلمه راس
طلال: بعد كلمه راس ,, والله اني صرت اخاف ع ميشو منك
مشاعل: ههههههههههههههههه,, تعالي نواف سولف معاي مشتاقه لسوالفك
نواف: طيب ايش رايك نسولف بغرفتي؟
طلال: نوافوه ياحقير بعد تبي تدخلها غرفتك
نواف: ميشو ماعليك منه تعالي نلعب بلي ستشين
مشاعل: يله مشينا
طلال : لا اترك ميشو تعبانه وتبي ترتاح بعدين العب معاها مثل ماتبي,, وانتي يامجنونه لاتعطيه وجه ترى وربي مايخليك ولا دقيقه
مشاعل: ههههههه عادي يمون
نواف: هذي الناس الي تعرف ترد مو مثلك,, عموما ميشو ارتاحي ولما تصحي انا انتظرك بغرفتي يا((وطالع طلال)) يا حلوه
وراح يركض خايف من طلال
000000000000000000000000000000
نامت تقريبا 4 ساعات وكانت الساعه 8 الليل
صحت ع صوت طلال والي يصحيها بكل رقه
طلال بهمس : ميشو حبي,, اصحي
مشاعل: يووه طلال ابي انام
طلال: بعدين ارجعي نامي ,, لازم الحين تروحي تسلمي ع اهلك
مشاعل قامت بكسل: كم الساعه
طلال: 8
مشاعل: اوكي قلبي راح البس
طلال: طيب عمري انا استناك بالصاله راح اجلس شوي مع امي
مشاعل: اوكي عمري ماراح اطول
وعلى طول تحممت وصلت ولبست كانت لابسه بنطلون جينز وبودي ملون وكان مفتوح من الصدر ,, لبست عبايتها واخذت الطرحه وطلعت من الغرفه
قطعت الحديقه ,, وطبعا مو عارفه شلون تدخل مع البوابه الخلفيه لان البيت كبير وخافت تضيع,, فقالت احسن حل ادخل مع البوابه الرئيسيه,, بس لما قطعت الحديقه سمعت صوت صراخ لمياء,,, وقالت اكيد قريبه من هنا خليني اروح ادورها يمكن تدلني ع الصاله
قربت اكثر من مكان الصوت,,, كانت خلفيه البيت كلها مكشوفه ع الحديقه وتقدر مشاعل تشوف الي جوى ,,, لمحت نواف يسبح ومعاه لمياء ,,, اما هيفاء كانت منسدحه جنب المسبح,, وجنبها وحده عرفتها مشاعل زين ,,, نفس البنت الي ورتها رسايل طلال
انصدمت اكثر لما شافت طلال جالس معاهم,, معقوله حتى وهي موجوده يخونها ,, لهدرجه مو قادر يكبت عواطفه ومشاعره تجاهها ,, قررت انها تواجهم,,, دخلت من الباب الخلفي ووقفت قدام المسبح
لمياء: وااااااااااو ميشو تعالي اسبحي معانا
طلال قام على طول لما شاف مشاعل: حبيبتي طولتي ذبحني الشوق
على طول طالعت البنت الي جنب هيفاء بنظره حقد ,, والبنت ماقصرت رده لمشاعل نفس النظره
طلعت على طول للحديقه وراحت تمشي باتجاه غرفتهم ,و مسكها طلال بيدها ولفها ع جهته
طلال: ميشو ايش فيك وكان شي قرصك
مشاعل بصراخ : انت حقير وحيوان
طلال منصدم: ايش سويت؟
مشاعل: ولاشي اترك يدي اتركها
كانت تحاول تبعد يدها عنها
طلال: ابي اعرف ايش سويت ع شان تثوري هالثوره
مشاعل: ولا شي جالس مع هالحقيره الي جوا وكانها اختك
طلال : ميشو حبيبتي اول شي انا ماجلست معاها ,, انا جالس مع لمياء ونواف وكنت احكي معاهم,, وكنت معطيها ظهري,, وبعدين انا متعود ان صاحبات اخواتي مايتغطوا فعادي اني اجلس معاهم
مشاعل: اها اجل ان اراح اجلس مع اصحاب مشعل وسعود
طلال: اكسر راسك
مشاعل: لا والله حلال عليك وحرام علي
طلال: ميشو انا مو قصدي واذا هالشي يضايقك وربي خلاص ماراح ادخل مره ثانيه اذا عند اخواتي صاحباتهم
مشاعل , طيب اترك يدي لاني الحين ماطيقك ولا ابيك تلمسني
ترك يدها
طلال: طيب امشي نروح لبيت ام مشعل ترى انا واعدت مشعل
مشاعل مشت معاه بدون ماتنطق بكلمه,, ولما ركبوا وطلعوا من البيت
طلال: ميشو حبيبتي وربي ماكنت اقصد
مشاعل تتكلم وهي شاده ع اسنانها: لاتتكلم فاهم
طلال: ميشو انتي تعاقبيني ع شي ماكنت اعرف انه راح يزعلك,, ميشو انا معتود ع اني ادخل عادي حتى لو فيه صاحبات اخواتي ,,, وصدقيني لو انا بس شاك انه راح ياثر عليك ماكان دخلت البيت كله
مشاعل حاقده ع طلال مره وتبي تنتقم منه باي طريقه وعلى طول شالت الطرحه وكشفت
طلال: مجنونه ايش تسوي
مشاعل: انا حره مابي اتغطى
طلال وقف السياره ع جنب وتكلم وهو معصب بس يحاول يتحكم باعصابه : غطي وجهك يامشاعل
مشاعل: كيفي انا متعوده ع كذا مالك شغل
طلال يصارخ: اوكي ماراح احرك السياره لحد ماتغطي
مشاعل: اوكي عادي خلنا اليوم ننام بالسياره
طلال بحركه سريعه منه اخذ الطرحه وغطى بها مشاعل بكل عصبيه
طلال يصارخ بقوه: وربي لو تكشفي مره ثانيه راح تندمي فاهمه
مشاعل خافت من لهجته وقررت انها تسكت وماتعانده لكن راح تخليه يندم
وصلوا بيت ام مشعل وكلهم كانوا ساكتين
000000000000000000000000000000 0000000000000000000000000
ام مشعل: نجود بخرتي البيت
نجود: ايه ياخالتي,, بس كأن مشاعل تاخرت
ام مشعل: لا اكيد انهم ع وصول الحين
سعود: احم احم
نجود: تفضل((كانت متغطيه))
سعود: اقول ماما مو عارف ايش راح تكون رده فعل مشاعل لما تعرف ان ملكتي ع هنوف بكره
ام مشعل: عسى بس ماتزعل وتقول ماقلتوا لي
سعود: انا مسويها مفاجاه لها
ام مشعل : الله يستر
دخلت مشاعل
مشاعل: اسمع طاري مفاجاه الله يستر
سعود: بسم الله مين فتح لك؟
مشاعل: نسيت ان معاي مفتاح
ام مشعل ركضت تضم مشاعل وتبكي: الحمدلله ع سلامتك
ونجود وسعود كانوا مشغولين بالسلام ع مشاعل وبعد السؤال عن الصحه والاحوال
سعود: اوووه نسيت طلال بالمجلس
مشاعل: لا فيه مشعل
سعود: اجل بروح اسلم عليه
مشاعل: مافيه طلعه من هنا لحد ماتقول لي ايش هالمفاجاءه
سعود: امسكي اعصابك
مشاعل: مسكتها
سعود: امسكيها بقوه اخاف تنفلت
مشاعل: يوووه سعود قول
سعود: بكره ملكتي ع هنوف
مشاعل قامت من مكانها: وانا اخر من يدري
ام مشعل: قلت لك ياسعود انها راح تزعل
سعود: لا مستحيل تزعل وتخرب علي فرحتي
مشاعل كانت معصبه مره لانها اخر من يدري ,, بس لما سمعت كلام سعود رحمته
مشاعل: مع اني زعلانه بس مبروك بدون نفس
سعود: هههههههه الله يبارك فيك بنفس
0000000000000000000000000000الساعه 12
طلال دق ع مشاعل: مشاعل مشينا؟
مشاعل: لا بجلس مع ماما شوي
طلال : طيب تبي ارجع اخذت بعد ساعه
مشاعل بنبره امر: لا راح انام عند اهلي اليوم
طلال: مشاعل عيب توك راجعه وتنامي عندهم ايش راح يقولوا
مشاعل: هذولا اهلي عادي,, وبعدين بكره ملكه سعود ابي اروح
طلال: طيب انا ماقلت لاتحظري بس اطلعي الحين وبكره راح اجيبك
مشاعل: طلال قلت لك راح انام هنا يعني راح انام هنا
طلال يشد ع اسنانه : ميشو اطلعي خلينا نتفاهم
مشاعل: مابي
طلال: انتي حره بس وربي اذا ماطلعتي الحين راح تندمي
مشاعل: ماراح اندم اكثر من الي ندمته معاك
طلال عصب: كل هذا ع شان جلست مع العنود
مشاعل: بعد اسمها العنود
طلال: مشاعل اطلعي لا اسحبك مع شعرك,, اركبك غصب عنك
مشاعل: مابي
وقفلت الخط بوجهه
جاها مسج
" اوكي ع حركتك هذي وربي راح تندمي يامشاعل ونشوف"
ارسلت له مسج
" ماهمني وماخفت منك ,, اهم شي اني مع الناس الي احبهم ويحبوني"
جاها مسج منه
" يعني انا ماحبك"
ترددت مشاعل بالرساله الي كتبها ترسلها او ماترسلها ,, قررت اخيرا انها ترسلها ع شان تقهره
" لا انت ماعمرك حبيتني انت ماتحب الا نفسك"
جاها ع طول مسج من طلال
" اذا طول هالفتره ,, وكل شي سويته ع شانك اكتشفتي اني ماحبك ,,, وعشان بس اني جالس مع صاحبه اختي,, فخساره اني اضيع وقتي معاك"
مشاعل ارسلت
" ايش قصدك"
طلال
" اذا تاكدتي اني احبك وعقلتي تعالي البيت , انا ماراح اخذك"
مشاعل خافت مره هل هذا تلميح للطلاق معقوله طلال يطلقها ,, لالا اكيد معصب,, وليش مايطلقها اكيد العنود اخذت عقله ويبي يطلقها ع شان يتزوجها ,, بس ليش ماتزوجها من الاول
تعبت مشاعل من التفكير واستسلمت للنوم
000000000000000000000000000000 0000000000000000000000000
نواف: طلال وين ميشو
طلال: عند اهلها
لمياء بخوف : ليش ايش صار؟
طلال: اخوها راح يتملك بكره وتبي تروح مع اهلها
نواف: وانت طبعا انقهرت لانها مو عندك اليوم
طلال: لا عادي,, خلها تجلس عندهم اكيد مشتاقه لهم
دخل غرفته وطالع مكان مشاعل,, ليش تسوي فيه كذا ,, ليش لاتفه سبب تثور ,, ليش تدور اي عذر ع شان تبعد عنه,,, معقوله ماتحبه,, طيب ليش تزوجته,,, معقوله تغار من عنود والي ماتعني له اي شي
انسدح ع السرير وانقلب بالجهه الي بجنب مشاعل وصار يطالع المخده و يلمس مكانها
طلال : ميشو ليش تعذبيني وتعذبي نفسك,, انتي تحبيني وانا احبك ,, ليش هالعناد والدلع,, لازم اادبها واعلمها كيف تحافظ ع الي بينا مو لاي مشكله تثور وتتخلى عني,,, انا ماراح امرها بكره ,, حخليها ببيت اهلها تتعلم,, وتتادب وتعرف اني اقدر اكون شديد معاها ,, بس اخاف مقدر اتحمل بعدها"
000000000000000000000000000000 00000000000000000000000000
اليوم الثاني
مشاعل كانت خايفه لان طلال مادق عليها
سعود: يله ميشو جاهزه
مشاعل: ايه خلصت
سعود: يله اخاف نتاخر
مشاعل: ههههههههههههه يله ياروميو
راحوا لبيت الهنوف وتمت الملكه ع خير واخيرا سعود تحقق حلمه وتزوج هنوف
000000000000000000000000000000 0000000000000000000000000
في بيت ام مشعل بعد مارجعوا كانت الساعه 11
ام مشعل: مشاعل راح تنامي عندنا اليوم والا راح يمرك طلال
مشاعل: لا راح انام اليوم وبكره انشالله راح ارجع
ام مشعل: الله يحييك ليتك تنامي عندنا اسبوع نشبع منك
مشاعل ابتسمت غصب عنها,, استغربت طلال مادق ولا حتى ارسل,, لايكون بينفذ الي براسه ويبيها ترجع لوحدها,,, مستحيل ترجع ,,, اذا يبيها يجي هو
,, بس بكذا راح تشك ام مشعل واخوانها فيها,, احسن حل انها ترسل لها مسج ,, وتشوف اذا زعلان والا لا
ارسلت مسج
" سعود تملك ,,, اتصل بارك له"
ارسل لها مسج
" ما انظر منك امر ,, انا اتصلت من زمان وباركت له "
قفلت مع مشاعل,, يعني اتصل ع سعود ومافكر يدق عليها
ارسلت مسج
" طلال لاتمرني اليوم,, ودي انام عند ماما "
انتظرت بخوف المسج وخافت من الي كاتبه ,,, فتحت المسج بخوف وكان مكتوب فيه
" اذا مليتي منهم ,, دقي ع السواق وهو يجيك"
مشاعل ارسلت
" وليش انت ماتمرني"
طلال
" لاني مو فاضي لك,, وعلى فكره انا راح اقفل موبايلي عندي دوام بكره "
انقهرت وماتت قهر من تصرفه ,, صدق مغرور,, ماكفاه الي سواه بعد يتغلى
قررت انها ترجع بكره وتقصر الشر وتشوف نهايه لهالمهزله
000000000000000000000000000000

00 في اليوم الثاني
كانت مشاعل متجهه لبيتها الجديد ,,, الي هو بيت ام طلال
وصلها السواق ,, ودخل القصر ووقف عند غرفه طلال
نزلت مشاعل ودخلت الغرفه وهي محتاره ماتدري ايش تسوي
راحت لجوا البيت ,, كانت ام طلال ولمياء وهيفاء جالسين لوحدهم ,, كان الوقت عصر ,, وطلال عنده دوام العصر ع شان كذا ماكان موجود
لمياء: ميشو حبيبتي لاتنامي مره ثانيه عند اهلك مره توحشينا
مشاعل: انتي اكثر,, هاي ((تاشر لام طلال والي مابينهم سوالف الا هاي واذا كثرت باي))
ام طلال وهي تشرب شاي طاح ع بنطلونها نقطه وقامت تجيب منديل وكان المنديل اقرب لمشاعل,, على طول مشاعل قامت قبلها وجابت لها المنديل
ام طلال : قراثييس <-- شكرا
مشاعل: لمياء بليز ترجمي
لمياء تضحك :هههههههه تقول لك قراثييس يعني شكرا
مشاعل : وكيف اقول لها عفوا
لمياء: ههههههههه قولي لها دى نادا
مشاعل: دى نادا
ام طلال ولمياء: هههههههههههه
وبدت تتكلم كلام مو مفهوم
لمياء: ههههههههههه تقول لك ماما انها تبي تعلمك اسباني لانها حبتك مره وودها تسولف معاك
مشاعل: هههههههه بصراحه احس انه مستحيل اتعلم اسباني , لان الاسباني صعب وحروفه غريبه ,, اخر شي هي الي راح تحكي عربي راح اعلمها
لمياء ترجمت لامها الكلام وماتوا ضحك
الخدامه دخلت وعطت هيفاء موبايل
لمياء: ايش هالموبايل الي عطتك الخدامه
هيفاء: موبايلي
لمياء: ليش وين كان موبايلك؟
هيفاء: كنت معطيته العنود
لمياء: ليش وين موبايلها؟
هيفاء: هي اخذت موبايلي وانا اخذت موبايلها كذا تغيير
لمياء: اشتري نفس موبايلها وريحي نفسك
هيفاء: لا مابي اغير موبايلي
لمياء: وليش
هيفاء: موبايلي فيه رسايلي كلها
مشاعل كانت تحس ان هيفاء ماتتقبلها ,,, بس كان لازم تسالها سؤال مصيري
مشاعل: من زمان موبايلك معاها
هيفاء بدون نفس: يعني من قبل زواج طلال باسبوع
مشاعل كان شكها بمحله اكيد طلال كان مرسل الرسايل لهيفاء وهالحقيره استغلت هالشي وتبي تدمر حياتها ,,, وهي الي تركت لها المجال انها تلعب براسها ولو طلال مايحبها من قلب وكان متسامح معاها ,, كان تدمرت حياتها ,, كانت تبي توصل لجهاز هيفاء باي شكل
هنا خطرت فكره تجنن ع بال مشاعل
مشاعل: لمو تعالي معاي ابيك شوي
بعد ماقالت مشاعل للمياء كل الي صار مسكت يدها وراحوا ع غرفه هيفاء
000000000000000000000000000000 0000000000000000000000000
هيفاء: مين
لمياء على طول دخلت وكانت مشاعل معاها
هيفاء: انا ماقلت ادخلي ,, انا قلت مين
لمياء: هيفاء ابي موبايلك
هيفاء: وخير ايش تبي فيه
لمياء : ابيه في موضوع مصيري
هيفاء: لا والله وايش هالموضوع المصيري الي بموبايلي؟
لمياء حكت لهيفاء كل الموضوع وكانت هيفاء منصدمه معقوله العنود تسوي كذا,,, صح انها ماتحب مشاعل,, بس ماتكرهها,, بس حركه العنود مره وصخه
هيفاء: بس يامشاعل ايش عرفك انها نفس الرسايل الي شفتيها
مشاعل: انا اتذكر الرسايل الي قريتها كويس,, وراح اقول لك المكتوب فيها وتاكدي انتي
هيفاء فتحت رسايلها الي جتها من طلال وقرتها مع مشاعل ولمياء,, وفعلا كانت نفس الرسايل الي قالت عنها مشاعل,, كانت الرسايل مرسلها طلال لاخته هيفاء
هيفاء: معقوله عنود تسوي كذا ,,, وربي راح تشوف ايش راح اسوي لها
مشاعل: هيفاء لاتقولي لها شي بليز
هيفاء :وليش انشالله
مشاعل: خايفه تضرك هذي وحده ماتخاف الله ,, الي حاولت تدمر سعاده شخصين ممكن تسوي لك اي شي
هيفاء: لا ميشو مستحيل اسكت عنها كذا
لمياء ومشاعل انصدموا اول مره هيفاء تقول لمشاعل ميشو ,,حتى هي انحرجت
هيفاء تغير الموضوع: المهم ايش راح تسوي مع طلال؟
مشاعل: راح ادق عليه واتأسف منه وانشالله يقبل اسفي
هيفاء: ايش الي تتاسفي لا طبعا
مشاعل منصدمه: وليش انا غلطانه بحقه ولازم اتاسف
هيفاء: فيه طريقه حلوه اكثر من انك تتاسفي
لمياء تحمست: وايش هي
خططت هيفاء مع مشاعل ولمياء وبعض المشاركات من نواف,,,, راح يظطر طلال انه يرضى لما يعرف ايش سوت مشاعل عشانه
كانت الخطه انهم يجهزوا شموع وجلسه رومانسيه بغرفه طلال ومشاعل تخلي طلال يرضى علطول ,, وبعد مانتهوا
هيفاء: هاه كيف شكل الغرفه جنان صح؟
مشاعل: مرره خطيره,, بس ايش رايك هيفاء اشيل الشموع هذي واحطها بغرفه الجلوس
هيفاء :لا خليها جنب السرير احسن ((وغمزت لمشاعل))
استغربت جرات هيفاء ,, حتى هي المتزوجه تستحي وهذي منزوع منها الحيا
000000000000000000000000000000
اخيرا طلال رجع من الدوام تعبان وماله خلق وطفشان والاكثر من هذا مشاكله مع مشاعل الي ماتنتهي
دخل يسلم ع امه واخواته ,, وكان نواف معاهم
نواف: طلال لاتجلس
طلال: ليش
نواف: روح غرفتك احسن
لمياء نغزت نواف نغزه قويه خافت يفضحهم
نواف: اوووووووه ماقلت شي
طلال: ايش الي تقوله ,,, ايش القصه
هيفاء: نواف دخل اليوم غرفتك وكسر حاجه وهو خايف تعاقبه((وطالعت نواف بنظره تهديد وتحذير من انه ينفي كلامها))
طلال: وليش داخل غرفتي
نواف: كنت ادور ع سي دي بغرفتك
جلس طلال يسولف مع امه تقريبا ساعه,, وهيفاء ولمياء ونواف طفشانين يبوه يروح غرفته,, عشان المفاجاه
طلال: ايش فيكم ساكتين
هيفاء: انا راح اروح مع نواف غرفته يبيني بسالفه
لمياء: ماما تعالي ابيك بموضوع ضروري
طلال استغرب ليش يتهربوا منه,, حس ان فيه شي كبير,, وشكل هالشي بغرفته,, راح ع غرفته
واول مافتح الباب شم ريحه بخور,, وعطور وكان الغرفه مغسوله بها,, استغرب ,, وصل غرفه الجلوس,, وكان فيها كيكه مكتوب عليها طلال ومشاعل,, عرف على طول ان مشاعل هنا بس ليش تسوي كذا مو كانت زعلانه ايش الي تغير ,, حتى لو رضت هو لازم يبين لها انه زعلان ع شان تتادب,, دور عليها بغرفه النوم والي كانت كلها شموع وانوار رومانسيه وكانت متخبيه عن طلال بغرفه الملابس
جلس يدور عليها مو لاقيها
طلال: مشاعل
وماكان فيه صوت
مشاعل طلعت بشويش من غرفه الملابس ومشت بشويش لما وصلت لطلال
مشاعل: بوووووووووووووووووووو
طلال فز من الخوف والتفت عليها وانجن عليها كان شعرها مرفوع بتسريحه مرتبه والميك اي خفيف مثل مايحبه طلال وكانت لابسه قميص نوم اسود ,,, وطبعا مشاعل كانت بيضاء فكان اللون الاسود عليها خطيرررر
طلال بدون نفس: نعم
مشاعل: طلول تى كييرو <-- احبك بالاسباني تعبت هيفاء تحفظها هالكلمه
طلال انصدم وقال يمكن ماسمعت كويس
طلال: ايش؟
مشاعل : تى كييرو ياطلال
طلال: اشوفك تتكلمي اسباني؟
مشاعل: لعيونك راح اتكلم صيني بعد
طلال حبه كبير لمشاعل ومستحيل يقدر يزعل عليها ,, على طول شالها من الارض وسمعها احلى كلمات الحب,, وتعاهدوا ان محد يزعل من الثاني مهما كانت الاسباب,, اقتنع طلال بسبب مشاعل الي زعلها ولام هيفاء لانها ماعرفت تختار صاحباتها وبدوا حياه جديده سعيده
000000000000000000000000000000 000000000000000000000
بعد 3 سنوات
مشاعل: انا لي 3 سنوات وماحملت خايفه ياماما
ام مشعل: طيب روحي تعالجي
مشاعل: ماما انا خايفه ان العيب يطلع مني
ام مشعل: ياحبيبتي خلي ايمانك بالله قوي, و ياما ناس لهم خمس سنوات وماجابوا عيال
مشاعل: بس ياماما اخاف يتزوج علي طلال
ام مشعل: خلي عنك هالافكار طلال يحبك ومايقدر يستغنى عنك
000000000000000000000000000000 0000000000000000000000000
في العياده
الدكتوره: بصي ياحبيبتي انتي عندك مشكله صغيره اوي
مشاعل انصدمت: عندي مشكله لا يادكتور طالعي التحاليل كويس والفحوصات ,, انا مافيني شي
الدكتوره: مالك اتخضيتي كدا,, انا أولت عندك مشكله صغننه أوي,,, وانشالله حنحلها بشويه ادويه وكل حاقه تكون زي الفل
كتبت الدكتوره لمشاعل بعض المقويات والهرمونات الي تقوي البويضه عندها وفي اقل من 3 شهور مشاعل حامل
000000000000000000000000000000 0000000000000000000000000
مشاعل: فهده ماني عارفه كيف راح اقول له
فهده: ياختي لاتسوي رومانسيه زياده عن اللزوم ,, روحي قولي له يابن الناس انا حمال
مشاعل: ههههههههههه,, لا لازم يكون جو شاعري ايش عرفك انتي بالرومانسيه
فهده: مالت مخليتها لك
مشاعل: ماقلتي لي كيف زوجت اخوك صالح مع امك؟
فهده: اسكتي مجننه امي وصار اخوي صالح مثل الخاتم باصبعها,, خاصه بعد ماجابت له ولي العهد وهي تتحكم فيه بشكل مو طبيعي
مشاعل: الي اتذكره ان امك كانت مصيطره عليها في بدايه الزواج
فهده : هههههههه امي اصلا ماخطبتها الا لانها سمعت ان لسانها قصير وتستحي,, ع بالها راح تصيطر عليها,, مادرت انها عقرب,, وتمسكنت لما تمكنت ,, والحين بنظره وحده امي تخاف منها
مشاعل: الله يهديها
فهده: انا احس انها عقوبه من الله,, لان امي باول سنه كانت مجننتها ,, بس اظاهر البنت جتها حاله نفسيه وانقلبت شرسه
مشاعل: ههههههههههههههههههههه
دخل طلال الغرفه
مشاعل: فهده قلبي بعدين اطلبك
فهده: ايه جاء حبيب القلب, ايه من شاف احبابه نسى اصحابه
مشاعل: اكيد اجل ايش ابي فيك وطلول جنبي,, اصلا انا ادق عليك اتسلى بس
طلال : هههههههههههههههه
قرب منها طلال وطبع بوسه ع خدها
فهده: اوريك يالعصلا
مشاعل: اوكي يام كشه
قفلت مشاعل من فهده وراحت لطلال
مشاعل بدلع: طلول انا زعلانه
طلال: ليش ياعمري
مشاعل: لان بستني
طلال: ومن متى بوستي تزعل
مشاعل: انا زعلانه لانك ماتعدل
طلال: ليش ناويه تخطبي لي وحده ثانيه
مشاعل: والله لاقتلك
طلال: ههههههههههه لاتحطي الفكره براسي يمكن تعجبني
مشاعل: اووووووووه طلول اسمعني
طلال: اسمع,, بس تعالي قبل لاتتكلمي ايش عندك محلوه اليوم؟
مشاعل: يمكن ع شان تركي
طلال: تركي مين؟
مشاعل: الي هنا ((واشرت ع بطنها))
طلال مو مصدق: ميشو تتكلمي جد
مشاعل: من جد وعم وخال ولد عم وولد خاله و
طلال ماتركها تكمل لانه شالها وضمها بقوه
مشاعل: يوه طلال نزلني ترى الولد يتاثر
طلال نزلها على طول,, وكان هالطفل سبب في زياده فرحه مشاعل وطلال والكل كان يستناه بفارغ الصبر,, اما نواف كرهه قبل يجي,, لانه راح ياكل الجو عليه
000000000000000000000000000000 0000000000000000000000000
في المجلس
كانت عمه طلال وبنتها غاده ومشاعل وام طلال وهيفاء ولمياء جالسين,, طبعا مشاعل حكمت عليهم انهم يعزلوا البنات عن الشباب لان مشاعل تغار ع طلال وماتبيه يجلس مع بنات عمه,, اما طلال فكان يحبس مشاعل اذا عيال عمه في البيت,, لانه مايبيهم يشوفوها,, وع شان كذا قرر ابو طلال ان جلسه الحريم لوحدهم والرجال لوحدهم
عمه طلال: اقول مشاعل بطنك كبير مره انتي باي شهر
مشاعل: بالخامس
عمه طلال: والله كانك في التاسع
مشاعل: ايه مره تاعبني الحمل
عمه طلال: كم قالوا لك في بطنك ثنين
مشاعل: اربعه
عمه طلال: مشالله,, بنات او عيال
مشاعل: 3 اولاد وبنت
عمه: ياعمري مسكينه راح تنظلم مع هالعيال
مشاعل: انا مالي شغل بالاولاد انا ابي البنوته ,, اما الاولاد راح ارميهم ع ابوهم
الكل: هههههههههههههههههههههههههههههه هههه
000000000000000000000000000000 0000000000000000000
بعد 5 سنوات
نتيجه للشله الي جابتهم مشاعل من اثر الهرمونات ,, اضطر طلال انه يبني لهم فله صغينونه جنب فله ابوه وطبعا ابوه رفض انه يطلع من البيت ,, لانه كبير ,,, ويكفي لاحفاد احفاده ع قولته
كانت ريما بنت مشاعل تلعب مع تركي اخوها ومشاري ,, اما ونواف ولدها والي مسميه نواف اخو طلال ,, يبيه يكون نفس اسمه ,, وهو الي كان متكفل به,, وياليته ماتكفل به,, خلاه شرس وشرير مثله
كان نواف عمره 4 سنوات مثل اخوانه,, وكان نواف الكبير ملبسه بنطلون ورابط عليه سلاسل حقت العرابجه وتيشرت واسع وطويل ومسوي شعره سبايكي
مشاعل: طلال شوف نواف اخوك ايش مسوي بولدي
طلال يطالع نواف وشاله: ياحليه ولدي صاير نيقر
مشاعل: نيقر بعينك ,,, صاير عربجي يخوف هو وهالسلاسل
طلال: وربي صاير رجال ,, ياحلوه ,, نواف حبيبي روح اضرب اختك ريما
مشاعل: طلالوه لاتخرب ولدي حرام عليك ,,, ماقلتله الا يضرب ريما حبيبتي خله يضرب عيالك
طلال: هههههههههههه لا راح اخليه يتصلط ع ريموه الكريهه
مشاعل: ابي اعرف ليش تركهها
طلال قرب من مشاعل ولمس ع خدوها : لاني اغار منها,, اخذتك مني,, طول الوقت جالسه معاها ,, تصدقي اني صرت اتمنى اني اكون ريما ع شان تهتمي فيني
مشاعل حست بالذنب: طلول قلبي وربي اني احبك,,, لاتصير دلوع
طلال يقلد الاطفال : مابي انا زعلان
مشاعل: خلاص ياماما اشتري لك حلاوه ع شان ترضى
طلال: لا ابي بوسه
مشاعل قربت من طلال وعطته بوسه خلته يعرف ايش كثر تحبه وايش كثر هي ماتقدر تعيش بدونه
000000000000000000000000000000 0000000000000000000000000
سعود بعد ماتزوج الهنوف جابوا ولدين الاول اسمه رامي والثاني رائد,, وكان مصمم ان اي ولد راح يجيه راح يسميه بحرف الراء
نجود ومشعل جابوا بنت وحده اسمها روان
ساره خلصت جامعه واشتغلت ولسى ماتزوجت
حسين تزوج بنت عمه وعقل وترك البنات
غسان طلق بنت عمه بعد ماجاب منها ولد ,,, وبعد الطلاق اخذت الولد منه وحره قلبه عليه,, وطبعا مركز ابوها اكبر من مركز ابوه,,, وع شان كذا ماقدر لايرفع عليها قضيه ولا حتى يتحرش فيهم
بندر ماتزوج ,,, كمل دراسته برا ودرس الدكتوراه
000000000000000000000000000000 0000000000000000000000000
كانت مشاعل بالغرفه منسدحه ع سريرها وقدامها عيالها ريما وتركي و مشاري كانوا هادين بس يلعبوا , اما نواف كان نزغه لووووول, مايخلي شي الا يكسره ,,,
مشى نواف باتجاه اخته ريما وضربها ,, وصارت ريما تبكي,, اخذتها مشاعل وضمتها وحاولت تسكتها,, اما نواف كرر محاولته مع مشاري وعطاه كف,, وصار الثاني يبكي
مشاعل: اووووووووه طلال شوف ولدك نواف ذبح عيالي بس يضرب فيهم
طلال: نادي المربيات ياخذوهم
مشاعل التفتت ع طلال وماتت ضحك"تذكرت نفسها لما كانت تحلم بانها متزوجه طلال وعندها توائم منه ,, وكيف كان البيت ازعاج ,, كان حلم والحين صار حقيقه"
طلال مستغرب من مشاعل ليش تضحك: ليش تضحكي يالخبله
مشاعل: مالك شغل تذكرت شي يضحك
طلال: ممكن اعرفه
مشاعل: سر بيني وبين الي يقروا القصه
طلال مستغرب: اي قصه
مشاعل: قصتنا ياغبي
طلال: ايه قصدك الي تكتبها Bent Ksa
مشاعل: ايوه هذي هي
طلال: مدري هي خلصت منها والا توها
مشاعل: ايه اظنها خلصت ايش رايك ندخل ونقراها
طلال: ايه عاد اكيد المنتدى مليان بنات خليني اوسع صدري
مشاعل: طلالوه ياحبك للبنات ترى وربي راح يكون قتلك ع يدي يوم من الايام
طلال: لا خلاص توبه
مشاعل : خلاص مافيه منتدى ولا فيه نت
طلال: اهم شي فيه مشاعل
مشاعل تطالع طلال بكل حب : طلول اخيرا تحقق حلمنا اخيرا احنا مع بعض يجمعنا بيت واحد
طلال: الحمدلله,,, تصدقي ياقطوتي احس ان كل يوم اشوفك فيه كأني مولود من جديد
مشاعل: يعني كل يوم نطلع لك شهاده ولاده
طلال ومشاعل: ههههههههههههههههه





وتوته توته خلصت الحدوته






الـــــــــــنـــــــــــهــــ ـــــــايـــــــــــــــــــــ ــه


ردودكن بنات تفرحني خلوني اكحل عيوني بها و اتمنى تعجبكن القصة
وطبعا شكرنا كله للكاتبة Bent Ksa اللي تمتعنا بقصتها كثير
انتظركم