الموضوع: واثـق الـخـطـوه

الـخـطـوه

واثـق الـخـطـوه




الله العالم لحاله عالم ٍ كل الخوافي
وإلا انا يكفيني اني عندكم شفت الاذيه


والله اني مانويت بدنيتي صد وتجافي
لين شفت ان إحسناتي تنقرا سيه بسيه


انت وهموم الزمن اول سبب في انجرافي
اجترفتوني على دنيا عذاب ومهمهيه


شفت منكم شي ماعمره على غيري يشافي
ذقت طعم الموت لا لا,وارد إحياض المنيه


هذا جرح ٍ من زماني وذاك جرح ٍ منك لافي
كلبوهن في دروع القلب طعنات ٍ قويه


لو دريت إنك على خبري مايرضيني تصافي
كان ماارضى بالتسامح قبل اسامح بالقضيه


كافي اللي صار منكّ مع هموم الوقت كافي
نيتك نيه وانا فازع معك عن طيب نيه


جيتني مبحر ورسيتّك على مرسى ضفافي
جيتني ضايع وجيتك بالغلا و العاطفيه


احتميتك ثم غدرت وصار منك الاختلافي
احتميتك بالمواقف وانت شخص إبلا حميه


ايه مخطي يوم انا صدقتك وهذا اعترافي
ويش مخطي!إلا هذي تنحسب أكبر خطيه


ماذبح قوّ العزيمه واجتهادي واحترافي
غير طعنات ٍ تجي من كف بنت ٍ غشمريه


ولا تسبب في ضياعي وانخداعي وانحرافي
غير حظ ٍ من عرفته ماصدق في يوم ليه


كل مامديت رجليني قصر عنها لحافي
عادته دايم يعاند لين جاب.العيد فيه


إيه صابر رغم هذا مانظرت اللي خلافي
ارقى للقمه واعاند بالكرم والشاذليه


إيه سامع من حكوّ بي وسفه الناس الضعافي
مشيتي مشيت ملك لو الليالي سرمديه


واثق الخطوه مشى دربه لو انه كان حافي
سار دربه لين يوصل مقصده والنار حيه


احمد الله (جاه وسمعه) واطيب القيفان قافي
صرت اترجم من احاسيسي حروف ٍ ابجديه


لا تفكر انتظر منّك تقول اجر وعوافي
إعرف اني ثابت ٍمثلي مثل هضبة طميـه


بس والله مانويت بدنيتي صد وتجافي
لين شفت إن احسناتي تنقرا سيه بسيه





الشاعر فهد الديحاني

---

,heJr hgJoJ'J,i