الموضوع: أبرحل لعالم الأحزان

أبرحل لعالم الأحزان



أبرحل لعالم الأحزان وبأخذ دمعي تذكاري
وابصرخ بالملا عنوان يا موتي وين أكفانـي
مصيبة يا زمــن غدار مصيبة جرح إعصاري
غديت الـيوم تذكار وأول شيــخ عنوانــي
جرحت الورد بدموعـي حرقت الريشة بنـاري
وخضت المــعركة بسكوت ودمـي مزج الواني
تغير كل شــي حتى وكلمة حــق يا باري
تغير بالوفى عنوان وصارالكذب ينصاني
سكت بأول الأبيات لمحـــة السيف بنحاري
صديق وأم تبكيني وأخ يصرخ بثاني
صراحة يــا زمن ويحك وويح الإنس بالثأري
وثأري اليوم يسألني تبيني الموت يا عاني
صرخت وقلــت عزيني يا حرفي الصارم الناري
غدينا أغراب نبكيها ديار العرب أوطاني
قصيدي اليوم يرثيني ومــات الشاعر العاري
وجزل الشيب أشعاري تباري أزمان عصياني
يا هيه الله يأخذها دروب الحزن اجباري
جبرهــا الشعر لحنها قصيدة اه تنعاني
كتبها الاوف موالي صرخها الطفل أمراري
كتبهـا الحبر أنسانـي دموع الأم تظماني
كثير أيتام أبكاهم رحيل الأم اعصــاري
فقدهــا الابن ثم ماتت خذاها الموت وظناني
يلم ثيـاب قبلها قصور الأم أنهاري
يتابع صوت بالعتمة يا يمه ضاعت أكواني
تذاكر رحلة أحزاني يتيم الأم ينهاري
قدره الرب مكتوب بعمر أيتام خلاني
مثلهم حالي المعروف جنون الحزن أقداري
بكاء ودمع يعميني وجرح الضيم أعماني
سهوم الغدر قادتني لقبر صغير غــداري
صراخ ولوعة أسفاري تغني الشعرالحاني
مسيرة اصقه مطروم كسيح باكي ساري
ضرير حلمــه ليلمــح براق الرعد عناني
يتيم أزهقه يتمه مريض أتعبه ضاري
ونجل مات بأكفانه وبد معــة أمه أردانــي
بموت مودعك دنيا حقيرة ودربك العاري
خلقها ربي لتحيـى وعبده يعبده ثانـي
نهاية قصتي دمعه بكاها أطفال أبراري
لضيـم القهر جازاهم بمــوت الأم يا عاني


الشاعر ثامر بن جدعان