الموضوع: ياأجمل إحساس

ياأجمل إحساس



ياأجمل إحساس لوم الناس وش يعني
لاصرت لاتكتب أحزاني ولا تقرا


إن جيت أزورك تقابلني تودعني
وإن جيت أودعك قلت جروحنا خضرا


بين إنتظارٍ قطعته لين ضيّعني
وحبال وصلك وغبات الهوى الكبرا


أغيب وأشتاق وآخر ليل يجمعني
على مواويلك ألقى للغلا مسرا


أهد الأحلام في ساعة لقا وآبني
قصرٍ تخيّلت فيه أشواقنا عذرا


صدك وذكراك تنقذني وتغرقني
وأنا إبتسامات وقتي كلها صفرا


كم سقت أمانيك من غيثٍ يواعدني
وأمسى خيالي خضار وواقعي صحرا


يا أجمل إحساس قول أسمعك وإسمعني
يمكن معك نتفق وجروحنا تبرا


أما إني أقنعك ولاّ قول وإقنعني
لو قالوا القلب سوق البيع والمشرا


إلا أن ودك بعد صدك تفارقني
غدرى لياليك مثل أفعالها الغدرا


أحيان تامر وأطيعك كيف تمنعني
علمتني لو عصيتك ماكسبت أجرا


من بعد الإحساس لوم الناس وش يعني
مادام لايكتب أحزاني ولا يقرا



الشاعر عبيدالله العرابي