خاص كلام الحب

**اسـ الشوق ـير** · 02-Nov-2006,03:08 PM

خلص كلام الحب وايش باقي غير كلمة اشتقت لك

خلصت المشاعر مابقى غير شظايا شوقي وبقايا لهفتك

خلص كل الكلام من وين أجيب كلام أوصف غيبتك

وايش أقول وأشعاري تقول كل اللي أقول

بس مومعقول أشعاري تعبر عن اللي أقول

حبي لك في الخيال و ماتتخيله كل العقول

ياليتني بس أقدر أخترع كلام عشان أتغزل فيك غزل نبيل

والا ياليتني أألف قاموس غرام عشان تشوف بعينك الدليل

ياليت بس تحس بقلبي والهيام والا ياليتني أقدر على التمثيل

ياخي كلمة مشتاق والله ما تكفيك

حتى كلمة وحشتني وتعـال أبيك

أحس ان كلام الغرام مايعبر عن جزء من اللي أشيله من شجون

أحس ان أموال الدنيا ماتكفي أرد جزء من اللي أحمله من ديون

ياخي أنا مديون لك وعليك

كل اللي لي ما يغلى عليك

بس اشلون أسدد وأنا مو ملاقي حتى كلمه أكتب فيها شطر

واشلون أكتب أشعار وكلام الحب خلص وماعاد بقى سطر

مسامحك عاللي عليك وبعطيك اللي علي

بس تكفه اصبر علي شوي مابيدي شي

أدري اني بلف وبدور وبرجع لأحلى كلمه من كلام الحب

وأرجع وأقول غير أحبك ماني لاقي ياجوهر وألماس وذهب

خلص كلام الحب مابقى الا أحبك اللي قلتها لك في رجب

اســـ الشوق ـــير

**في خاطري** · 02-Nov-2006,07:08 PM

اسير الشوق

كنز الابداع والتفوق.

كنز من النثر المتواصل.

روح مياسه

جميله كلماتك هذه

كلماتك الملهمه التي تشع نورا

نور من الابداع

ننتظر جديدك

تحيتي لك

**اسـ الشوق ـير** · 03-Nov-2006,05:07 PM

اخوي في خاطري مشكور مرورك الجميل والله من كل القلب من اخوك اســ الشوق ــير

**مشاااعر ألم** · 04-Nov-2006,02:41 AM

أسير الشوق

ابداع لاتفيك حقك فيه الكلمات والحروف ،،،
حروف مسافره وبوح رائع ،،،

كم يسعدني ان اقرأ كلماتك .

تقبل اعجابي بعدد ما بعثرت على

هذه الصفحه من كلمات .

دمتي بتألق

مــــــــــــــــــــــــــشااااااعــــــــــــر

**فزاع المنهالي** · 04-Nov-2006,10:59 AM

ياليتني بس أقدر أخترع كلام عشان أتغزل فيك غزل نبيل

والا ياليتني أألف قاموس غرام عشان تشوف بعينك الدليل

ياليت بس تحس بقلبي والهيام والا ياليتني أقدر على التمثيل

يسلمووووووووووووو
اخوي اسـ الشوق ـير ولا هنت الله يعطيك الف عافيه