نـــــهـــايــة الــــقــــصــة

**بَرَِآءَةْ دَمَعَتِي** · 28-Nov-2006,11:23 AM

نهاية القصة

ابا انتظر لين اشوف نهاية القصه
بشوف راع السوالف وين يغديها

والعاقل اللي كلامه طايحٍ نصه
لايعتق الكلمه الا عقب ينهيها

ماعاد هي فيد وش خصي ووش خصه
وسوالف العجز من يومي مدانيها

راسٍ يبا ذلي ليا زم باقصه
والا انت مع جنبها مدري تباريها

لاينظر بعين طبعه ياولد وصه
لايسري بطرقةِ يجهل مساريها

ماهوب كلامِ تقوله مريم لحصه
ولاكلام المحب لميتن فيها

الفرق واضح بمضمونه وفي نصه
مابين ضرب الشطير وصفق ايديها

والغصه اللي ثوتبك غيرها غصه
في ذمتي ماتعقبها وترميها

واللي يعوضه عن هروج السعه اصه
يفرق عن اللي هروجه مايقديها

فالساعه اللي تعض اصبعك وتمصه
وتحط في نفسك اللي ماهو بفيها

ابتركك لين تنهي تالي القصه
وبشوف كل السوالف وين تغديها

الشاعر عناد خلف

kJJJJJiJJJhdJJm hgJJJJrJJJJwJJm

**حور الامارات** · 28-Nov-2006,11:32 AM

صح لسان شاعرها يعطيج الف عافيه ع هالمشاركه اختي لولوه

**بَرَِآءَةْ دَمَعَتِي** · 28-Nov-2006,11:34 AM

صح بدنج
الله يعافيج
ومشكورة اختي بنت بلادي حور الامارات على المرور العذب

**مزون** · 29-Nov-2006,03:46 PM

صح لسااان الشاعر

اختي لولوة

جميل مانقلتي سلمت يمناااك دائماً رائعة،،

لك كل الحب والتقدير،،

دمتي بووود يالغلاااااااا،،،

**فـــيصـــل** · 29-Nov-2006,09:06 PM

صح لسانك
عزيزتي لولوة

صح لسانك واعتلى شانك

قصيدة روعة بكلماتها ومعانيها

سلمت يمناك ولاعدمنى هالطلة الجميلة وما تحمل معها من مشاركات
تستوقفنا بجمالها وعذوبتها

دمت بود وعلى دروب الابداع نلتقي

هذا انا فـــ يصـــل