الموضوع: أنا التايه عن الغايه

أنا, الباحه, العاده

أنا التايه عن الغايه




عسى ربي يعوضني بصبري والفـرج يأتـي
ويسعدني بعد حزن الزمـان وكثـر ويلاتـه

اقول لمن سأل مستغرب(ن) حالي وسجاتـي
ومن ظنه لحق فـي فالـح بريكـان شكّاتـه

بلاي اني بديت اطلع من الهفـوه لهفواتـي
ويحز بخاطري شوق الصديق وكل شرهاتـه

انا نفسي شكت منـي وتلعـن كـل حالاتـي
وعيني تشتكي من دمعهـا والليـل ماتباتـه

عسى افكاري تساعدني على التعبير بابياتـي
احاول لو قليل اوضـح الموقـف ومأساتـه

دموعي عذبت عيني وقلبي ضـاق بآهاتـي
تعبت من الشقا واللي بقا بالعمـر حسراتـه

انا التايه عن الغايه انا المحتـار فـي ذاتـي
احد يحتار مثلي ياجماعة خيـر فـي ذاتـه؟

عجزت افهم واحدد ماتبي نفسـي ورغباتـي
تحيّر قلبي الرغبـات واجهـل كـل غاياتـه

عشقت بلانهايـة ياعسـى ماهـي نهاياتـي
حقيقة تهت في عشقى وضايع فـي متاهاتـه

ابيـه ومـا ابيـه! ولايغيـب بكـل حزاتـي
احبه واكرهه مدري! احبـه والعـن اوقاتـه

ليامن غاب عن عيني افكـر فيـه واحاتـي
واذا عندي يضايقني كلامه واكـره اسكاتـه

ماغيب الا لضرورة واختصر بالحيل غيباتي
وهو لاغاب احسّب بالثواني طـول غيباتـه

مابي شوفه وابي قربه ولا ابغا اجيه او يأتي
واراقب كني الجاسـوس روحاتـه وجياتـه

واذا صدفه تواجهنـا اعبّـر لـه بنضراتـي
وهو لاشاف نظراتي تعـرف العلـم نظراتـه

تعبت من التردد ماقـدرت اثبـت بخطواتـي
واجاوب بالدموع الويل فـي قلبـي ووناتـه

جعل من لامني مثلي عساه يسـوّي سواتـي
على شان يتذكر يـوم فالـح قـال بابياتـه

عسى الله يرحم الحال ويحقق كـل غاياتـي
وعسى يكتب لي الخيره ويهديني لمرضاتـه





الشاعر فالح البريكان

---

Hkh hgjhdi uk hgyhdi