الموضوع: والله انه ماذبحني غير سم النافعيه

النافعيه, انه, غير

بعد ماعافت عيوني نومها والليـل طـال
قلت اْبشد الركايـب والليالـي سرمديّـه
متجه لجنوب مدري متجه صوب الشمال
المهم اني سريت اْبـلا ذلـول ولامطيّـه
سقتها يمكن /لعلى /ليت /يقبلها احتمـال
مير خانتني ظروفي وش بديّه وش بديّـه
شايلا (خفّي حنين) وراجعا من دون مال
خاطري ضايق واردد يازمن ليه الاذيّـه
الهموم اللي عليّ اثقل من حمول الجمال
راسيه بين الحنايا ماتزحزح لـو شويّـه
من سبايب يوم قالوا فيني شي(ن)مايقال
صدقوا كاهن جهينه وابتلوني فـي بليّـه
والله اني ماأوسوس لا. ولا فيني هبال
ولاني بحاجة شيوخا همها تقرى عليّـه
والله اني من رجالا تهتوي رووس الرجال
لاحتمى الموقف وثارت بالعرب هيّه وهيّه
لوتبيها طيب جيتك كنّي الماي الـزلال
ولو تبيها عز جيتك ثاير وفينـي حميّـه
قلتهاا تسعين مررره وافتهم يبن الحـلال
والله انه ماذبحني غيـر سـمّ النافعيـه
الهنوف اللي اْسحرتني بالجمال وبالـدلال
توهتني في غياهب حبها ظلـم وآسيّـه

---

,hggi hki lh`fpkd ydv sl hgkhtudi