(ياليت ربي ماخلق حـب وفـراق )

**فارس العصيمي** · 18-Dec-2006,07:24 PM

ياليت, حـب, ربي, وفـراق

دمع تحـدر فـوق الاوجـان دفـاق
جاراه حبـر فـوق الاوراق رايـق

حبري ودمعي فالهوا صارن ارفـاق
وكلن على كيفـه يصـوغ الحقايـق

الدمـع وضـح ماكتمتـه فالاعمـاق
في ضامري وسط الضلوع الغلايـق

صبرت واخفيت المحبـه والاشـواق
لين ان نار الحب صـارت حرايـق

ولولا ضلوعي ضبت القلب باوثـاق
والا تـمـزع ماتفـيـد العـلايـق

والحبر صاغ الفكر في بيض الاوراق
تصريف هجس اللي به الفكر ضايـق

لي هاجس عاشـق وللشعـر يشتـاق
يلهيه نظـم الشعـر ضايـق ورايـق

ولي صاحب يسوى طويلات الاعناق
وفي خاطري تفـداه كـل الخلايـق

دايم على وصلـه معـذب ومشتـاق
وياما على شانـه حسبـت الدقايـق

عهـد المحبـه حافظينـه بميـثـاق
مـادام روحـي مالفـت للتـرايـق

واقسمت له باللي كفل كـل الارزاق
اني علـى حبـه اصـون الوثايـق

وعقب الغلا والوجد ومزوح عشـاق
جار الزمان وصار بعـض العوايـق

وحل الفراق وصحت ياشين الافراق
والقلـب للهجـران ماهـوب طايـق

ولو صحت لو ناديت والقلب خفـاق
لو قلت انا المسروق والعشـق بايـق

حكمه وصـارت للمحبيـن طـوراق
وقـول السديـري فالدواويـن فايـق

(ياليت ربي ماخلق حـب وفـراق )
ليه الهواوي لا سمعهـا تضايـق
منقول

(dhgdj vfd lhogr pJf ,tJvhr )

**صخرة الجنوب** · 18-Dec-2006,07:29 PM

كم قلتــــلي بالصبــر خيــر

أي خيـر وانت معــدوم الأمانـــة

كيف اصبــر مايصيـــر

والصبــر مابيني وبينة ميانـــة

المحـــــــــــال إني بخيـــر

بعد طعنات المـذلة والمهانــة

والأكيــد إنك كبيــــر

دكتـــور في علــمالخيانــــة

**الـــيازيــه** · 18-Dec-2006,07:36 PM

دايم على وصلـه معـذب ومشتـاق
وياما على شانـه حسبـت الدقايـق

صح لسانك أخوي ولا هنت ويعطيك ألف عافيه ونتريا منك الزود

أختك اليــازيــه

**القيصر تينوو** · 18-Dec-2006,07:44 PM

(ياليت ربي ماخلق حـب وفـراق )
ليه الهواوي لا سمعهـا تضايـق

الله الله صح لسان قايلها وناقل الموضوع

تسلم فارس ع النقل

تقبل مروري

القيصر تينوو

**فارس العصيمي** · 18-Dec-2006,07:51 PM

مشكوووووووووورين على ردودكم _ الله يعطيكم العافيه

**:: شُـوـقِ اَلْـ عِ يـُوـنْ ::** · 18-Dec-2006,08:18 PM

ياليت ربي ماخلق حب وفراق

ولا خلق حب على غير فرقا

آآآآآآآآه الفراق وما ادراك مالفراق

فرقا جرت لي ماجرت للمحبين فرقا كما روح تفارق جسدها

فرااق الدنيا يهووووووون اما فراق الروووح !

سلمت اناملك اخوي فارس

على هذه الابيات الرائعه

لاتحرمنا من ابداعاتك لاعدمناك يارب

انتظر جديدك بشووووق

دمت بود ومحبه

**HaMoDe** · 19-Dec-2006,08:37 AM

صح لساااااانك مشكور على القصيده الرائعه

**ღ رقيّـق المشاعـّـر ღ** · 19-Dec-2006,09:15 PM

عهـد المحبـه حافظينـه بميـثـاق
مـادام روحـي مالفـت للتـرايـق

واقسمت له باللي كفل كـل الارزاق
اني علـى حبـه اصـون الوثايـق

صح لسانك ولاهنت يافارس
فديت قلمك وفديت ابداعاتك
لا تحرمنا من جديدك فديتك

**سديم ـآلهتآنـ** · 20-Dec-2006,08:26 PM

**مزون** · 21-Dec-2006,08:25 PM

(ياليت ربي ماخلق حـب وفـراق )
ليه الهواوي لا سمعهـا تضايـق

صح لساآآآآآآآآن قايلهاآآآآآآآآ,,,,,

اخوي فارس انا صراحة اول ما شفت نك العصيمي فز قلبي تذكرت اللي في شاعر المليوووووون

وقلت أرد عليك,, قصيدة رائعة سلمت يمنااااااك ع النقل المميز الدال على الذوق والإحساس,,

دمت بووود,,,