الموضوع: ياغير مسجل الفضايح // بعـد أول طبخــهـ [[ بلاوي ]] 000

السلام عليكم ورحمة الله وبركاته
هلا اخوي ابو عبدالله
اول طبخة كنت مع صاحبي في البيت وكانت الطبخة سمك بهرت السمكة وحطيتها في الفرن وبعد فترة طويلة يمكن بعد نص ساعة كذا تعرف اخوك يتعلم طبخ بعد نص ساعة دخلت انا وصاحبي المطبخ علشان نشوف الطبخة شافها وقالي يبغالها وقت اطول ليش ماهي السمكة ناضجة ولونها احمر قلت معليش نخليها وقت اطول علشان تحمر وراح عن بالي ان السمة مايتغير شكلها تكون بيضاء لانه بالفرن وتعرف الفرن مامعه زيت علشان تصير حمراء المهم ان حنا خليناها ساعتين ارتفع ضغطي قلت ياخي سمكة ونخليها 1 ساعة بالفرن المهم اني رحت المطبخ وطلعت السمكة الي على شكلها قلت ياحول قلت في نفسي الحين انا الي اطبخ ولا صديقي الي مايعرف يطبخ بالمرة والله واخذها واقدمها وناكلها وصارت ضحك ذاك اليوم ماانساها هالطبخة هاذي هذي سالفة السمكة الي ماصارت حمراء .
انشاءالله تعجبك اخوي ابو عبدالله

هلا وغلا بأبو عبدالله
موضوعك حلو بس كان ودي أعرف وش يدخلك المطبخ وإنت ماتعرف إلا الشاي
بقولك شي مو عيب الواحد يغلط بالعكس كل ماغلط كل ماتعلم مسويه فيها دكتوراه بالطبخ هههههههههههه
المهم قلنا عادي الوحدة تغلط بس شنو نوع الغلط إلي تغلطه
كيكة مو راضية تجمد :::::::: وهذه قد صارت لي
ولا كيكة انحرقت ::::::::::::: الحمدللة ماصارت :: مسوية فيها طباخة ماهرة
ولا كبسة مابقس فيها رز من الحرق ::::::::
ولا رز عربي صاير سليق ::::::::: دايم تصير
والموقف الي ماأنساه مرة جيت أبسوي حلا وليتني ماسويته طبعا الحلا يتطلب إني أغلي ببسي وأحط عليها مقادير المهم هي مدته خمس دقايق وأختكم ماقصرت نسيته عالنار وكيف تذكرت إني حاطة شي عالنار لقيت الدخان يتوزع بالبيت ورحت المطبخ لقيت القدر سوادة وحدة
شااااااااااااااااااطرة
أتمنى تكون مداخلة حلوة وخفيفة عليكم

أن حاصل على الشهادة العالمية في فن طهي (.)
وذلك من الجامعة الامريكية سنة 1325 م

و أول من نقل فن طهي (.) الى اليابان

فبذلك بس سويت كاس شاهي أيام الحرب العالمية الثانية


وبس

أنا من كان عمري سنتين وأنا طباخه ماهره بسم الله علي

وشفت الشيف رمزي ترا تعلم مني الطبخ احمم احم

وتسلم عالموزززووووع بس ليتك تقولي عن الحركه الي طايح فيها . حركة أسامي الأعضاء خخخخخخخخ

السلام عليكم
صح كلنا اول مادخلنا المطبخ عفسنا الدنيا
وانا اول ما دخلت المطبخ عشان اسوي عصير فريش
خلطت العصير من دون مااحط غطاء الخلاط
وعدمت المطبخ صار كله عصير وطبعا اخذت جزاي
وانا الي نظفت المطبخ
بس دحين انا اكتر وحدة تعرف تسوي عصير

لكم كل حبـــــــــــي وتقديري .

ياعيني عليك يابو عبدالله

شكلها هذي كلها صارت معك

أنا أعترف إني طباخه ممتازة

بس إنت الله العالم ياخوفي سويت

مصايب لاهلك بس وين امك عنك وين

الخدامه وين خواتك وش لون سمحو لك تدخل

المطبخ ياقلبووووووووووووو

الصراحة اول مرة نويت اطبخ طقت براسي اسوي رز مع البطاطس والدجاج(بزعمي طباخ)
الله لا يوريكم الرز انتفخ وصار مثل العجينة
البطاطس بعد ما نزلتها من النار حطيتها نص ساعة بالفرن(اشوفهم بالتلفزيون يسوون كذا)
طلعتها ما شاء الله ريحة كفرات محترقة
الدجاجة اكمل ولا لا

مبدئيا قلت للهندي لا تقطعها انا ابي اتصرف
طق طق طق شوهت امها ، قلت عادي تبي تنطبخ
حطيتها بالماء ساعة كاملة بعدها طلعت مثل الفرخ الصغير
مدري شكلهم نافخينها هرمونات
بس الحين ، احم احم ، دقو علي بس ترى التوصيل مجاني واوعدكم ما راح تطلبوني ثاني

ههههههههههههههههه
طيب
انا مواقفي دايما تصير مع الدجاج
يعني
اللي يشوفني وانا اقطعها يقول اتضارب
اول مرة امسك الدجاج قبل سنة
ولو الدجاج يتكلم كان قال فكيني
وامي ماقصرت اظنها ماخلت دجاجة ماطلعتها
المهم اول شي جلست احاول اقطعها ماقدرت
بعدين رحت جبت اكبر سكينة وجلست في الارض
وجلست اقطع شوي شوي وانا خايفه منها
المهم قطعتها وسويت الطبخة اللي امي قالت لي هيا
وكانت رز كوزي بس طلع جنان
وكانت اول طبخة ليا تكللت بالنجاح
ههههههههههه
وايش تبغا كمان الموقف وقلناه
تحياااااااااتي للجميع

[align=center]هلا ابوعبدالله


والله روعتني قلت وش جاب اسمي في منتدى الماكولات


على طول جاء في بالي ان فيه حلى بأسمي خخخخخخخخ(واثق انه حلو)

اما بنسبه للفضايح ياكثرها

اقولك وحده


مره كان عندنا اخويا اخوي واهلي كلهم مسافرين ولا فيه الا انا واخوي

قال اخوي عطنا قهوه وشاهي وانا بجلس عندهم قلت ازهلها

المهم رحت المطبخ ولابست قفزات <<<ييسمع في النظافه


الشاهي سهل اضبطه بس المشكله القهوه

واخذ بهارات طبخ والهيل والزعفران واي شي في علبه ولونه بني احطه في الدله واحطه عليها مويه واغليها على النار الين اخلصت,

وسيده على المجلس وياليتني مارحت واجلس واصب الفنجال عاد انا من طفاقتي ماذقتها القهوه مستعجل ابي الحق على السوالف

ويشرب خوي اخوي ويقعد يكح واعيونه اقلبت حمر ويوم شرب اخوي قال الله يأخذ وجهك انت مسوي قهوه ولا غدا

عاد بعد التحاليل للقهوه طلع فيها :

1- بهارات طبخ (هنديه)
2-زنجبيل
3-كمون
4-فلفل اسود
5-زعفران
6-هيل
7-اعويدي(مسمار)
8-قهوه


من بعدها ماعاد دخلت مطبخ اسوي شي



وشكراً ابوعبدالله[/align]