الموضوع: لإتعتـذر

لاتعتذر منت بعلى الصد معذور . وش عاد لو كثرت علي المعاذير



تعبت أسايرها وهّديك وتثور . واسووق رجلي في سراب المشاوير



ياصاحبي ماني على الصبر مجبور . ولولاك تسوى مارقيت المحاذير



يوم الغلا جاله على القلب منثور . سقت الثمين ولاحسبت المخاسير



جيتك وانا كلي بساتين وزهور . وانفاس هيلً بالدلال المباهير



يحدني يمك احاسيس وشعور . وجيوش عشقً بالحنايا طوابير




قلبً يضمّك وانت بالقلب محصور . وريضان وجدك بالضماير مزاهير



وطعوونك اللي كلها آلآلآم وكسور . مّرت علي ضيوف دار ومسايير !!



اشيلها راضي ولاعنك مذخور . واصير دونك بالليال المعاسير



واليوم ضاعت بك محيطات وبحور . لفت بك الدنيا شتات ومقادير




قامت تلفك لف وتلف وتدور . مابين ضايعها وشّح التدابير



ورجعت لي ضامي وتايه ومقهور . عقب البطا شمّيت ريح التباشير


ماعاد لك عندي . مراتيع وقصور . أتلى العهد يومك حرقت المخاضير!!