الموضوع: مواســــــــــــــــــــــــــــــــــــــــــــــ ــــاة

مواســــــــــــــــــــــــــــــــــــــــــــــ

السلام عليكم ورحمة الله وبركاته. هذه القصيده لها قصة عايشتها وتابعتها بنفسي من بدايتها حتى نهايتها وهي كما يلي.

احد زملائي في العمل وكان بيني وبينه محاولات شعريه وفي يوم جاني ووجهه ماهوب الوجه الأول عسى ماخلاف قال اصيبت زوجتي بالسرطان في الباطنيه عافانا الله واياكم وحاولت اني اساعده بقدر ما استطيع حيث تم نقلها الى الرياض واعطيت كيماوي واستمرت على العلاج يمكن سنه واشهر ولكن القضاء والقدر كان كما نعلم جميعاً محدد وتوفيت رحمها الله.وكلمني وصليت مع من صلى عليها وبعدها بكم يوم ارسل قصيده حزينه مقيوله وقمت بالرد عليها وارجو المعذرة ان اكون قد اطلت أو أحزنت أحد.

وهذي القصيده طبعا مقيوله لكنها معبرة عن الموقف الذي مر به صاحبي العزيز وارسلها لي والرد يليها

[frame="10 50"][align=center]حيل الله اقوى يالعيـون الشقيــــــه
وش في يدي غير السهر والقصايد
اشوف حبـي ميـت فـي يديــــــــــــه
واصوغ له بأبيات شعـري قلايــــــد
قالـوا توفـت وافقتهـا المنيــــــــــه
واصحى ترى اللي مات ماهو بعايد
الموت حق وخـل نفسـك قويــــــــه
يامـا بهالدنيـا تشـوف النكايــــــــــد
قلـت العنـا شـي مقـدّر عليـــــــــــه
والحزن عندي صار سلم وعوايــد
ماتت وذكراها على البـال حيـــــه
ودموع عينـي لاطرتلـي شدايـــــــد
حبيتهـا والحـب ماهـو خطيــــــــــه
عشقتها عشق على العشق زايـد
وافراقها للقلب مـن غيـر نيــــــه
وانا اشهد ان فراق الاحباب كايـد
عفت الهوى عفت الليالي الهنيـه
عفت الغزل حتى منـام الوسايـد
كـل الليالـي عقبهـا سرمديــــــه
والا الفرح في دنيتي شـي بايـــد
والقلب ميت من ممـات الوفيـه
مايشحنه حـب البنـات الجدايــــد[/align][/frame]

[align=center] الــــــــــــــــــــــــــــــرد[/align]


[frame="7 50"][align=center]يالله يامعطـي علـى كـل نيــــــــــه
ياواحـد مايعجـزه كـل نـايــــــــــــد
سبحانـه المعبـود رب البريـــــــه
اللي جعل تالي المخاليـق بايـــــد
الحمد له في كـل خيـر ورزيـــــــه
لـه الثنـا بافراحنـا والسهايـــــــــد
ارحم فقيد مـات تالـي عشيــــــــه
يـارب تجعـل قبرهـا للسعايــــــــــد
روضه من الجنه في البرزخيــــه
ويوم القيامه جنة الخلـد زايـــــــد
يالله تصبر من فقـد لـه خويـــــــــه
واكتب له اجر الصبر يوم الشهايد
الصبر زين ولـه ثمـار جزيـــــــه
رب كريـم مـال جـوده عدايــــــــــد
يالله يا غفـار مـن كـل ســــــــيــه
اغفر خطاياهـا قديـم وجدايــــــــد
بنت الرجال اللي تـذود الحمـــيــه
اللي لهم بالطيب مجـد وفرايـــــد
تستأهل أبيـات جـداد وسنيـــــــه
وتستأهل المقيول بنت السنا يـــد
وصلاة ربي ألـف مليـون ميـــــه
علي شفيع الناس يـوم الشدايــد[/align][/frame]

---

l,hsJJJJJJJJJJJJJJJJJJJJJJJJJJJJJJJJJJJJJJJJJJJJJJ JJJJhm