الموضوع: المطيري ====> عندما تعشق الشوكلاته ====> القصه الاكثر مبيعا في الاسواق العالميه

السلام عليكم ورحمة الله وبركاته

احب اذكركم ان هذا اول موضوع بعد ما استلمت مقاليد الحكم <قصدي الاشراف

جاء براسي اكتب موضوع وتصدقون قاعد اكتب ولا ادري وين اروح

< يفكر

كنت في يوم ماطر وعلينا برد يكسر الظهر وفي البرد وافكر في مواضيع الامه

ومن الافكار تعرفون او اللي درسناه ان الفصول اربعه

الصيف و الخريف والشتاء والربيع !

من يعرف فيكم الخريف والربيع <سوال ذكي

يالربع من عرفت واحنا ماعندنا غير حر وبرد حتى مو شتاء وصيف

يعني اما الحر مايخليك تطلع خشمك ولا برد ماتطلع اصبعك

والفصول الباقيه ماهنا شي يعني بس اسم وانا اتمنى يجي الخريف ودي اعرفه

وقطع حبل افكاري < رغم ان الحبل كان مشدود حيل

جاني اتصال الا رقم غريب وقطع طبعا قعدت افكر

اول ماجاء في بالي بنت واقعد اتنحنح واضبط في الصوت والحمد لله لم يضبط ههههه

المطيري : الوووو < بصوت ناعم يقطع الكبد من زينه

المتصل عليه : هلا مطيري اخبارك

المطيري : مستغرب برتني ؟

برتني : ايه انا ماعرفتني يالهيس

المطيري : طيب لاتسبين <مسوي قوي : وش بلاك دقه وفصله على كثر فلوسك

برتني : لا انا شحنت واتصل علي بوش يقول دقي علي مامعه رصيد وراحت عليه

المطيري : (بلع العافيه) بوش براسه

برتني : لا برجله (تنكت) ايه ازعجني يقول يحبني وانا معطيته اقنور <<ثقيله البنت

المطيري : يعني تحبيني برتني

برتني : ايه وعلامات الحياء قد بدت من صوتها <مفسر احلام على غفله هههههههه

المطيري: وينك برتني ترا مشتاق لك

برتني : انا الحين في جزر الهاواي في البيت

المطيري : طيب ابي اجيك بعد يومين وش رايك

برتني : من جد تبي تجي ترا اميركا بتنور فيك << اقول لاترفعين في اصدق هههههه

المطيري : ابشري وتبين اجيب لك حليب بعارين معي وحطب يقولون عندك شماليه تكسر الظهر ؟

برتني : ايه ماتقصر وجيب معك حنٌا ترا خلص اللي عندي


انتهت المكالمه

وحجزت على واشنطن واتصلت عليها قلت تنتظرني بالمطار

يوم جيت في المطار الا برتني متكيه ومعها عشرطعش مصور

وهي تجي ركض لما شافتني

ويوم وصلتني *جزء من النص مفقود*

برتني : اخبارك مطيري

المطيري : ابشرك بخير انتي وش علومك؟

برتني : تماموز بنكهة الموز <تستخف دمها هههههه

المطيري : يالله نبي ناخذ لنا تكسي عشان يوصلنا

برتني : اقول وش تكسي انت ووجهك السياره موجوده

المطيري : تصدقين احسك من شيوخ امريكا <ينصب عليها ههههه

وركبنا على السياره اللي من طولها كانها باص بنات اصفر ههههههههههه <محش

ووصلنا لبيتها وتقلطني عندها وترحب فيني والقهوه والعلوم الزينه

والقهوه طبعا مشكلتها حاره ع الحلق وبعد في كوب ونفس صبة القهوه في اخر الكوب ههه <افهموا

برتني يدق جوالها قالت لي شوف هذا بلير قاعد يتلزق

قلت عطيني ابي اكلمه

قالت ابيك تشرشحه

بلير : الووو

المطيري : هالووو

بلير : وين برتني ممكن اكلمها

المطيري : راح تكلمها بس تعرف تعد بيض الحمام كم ؟

بلير : لا ما اعرف

المطيري : بلاك زلابه ياحقير

بلير : طيب لاتذب <يعرف سوالفنا هههههه

المطيري : اقول لا تدق على محارمنا ولا اتوطى في بطنك

بلير : اخر مره طيب

المطيري : يالله اقلب وجهك < قفلت في وجهه ماقلت لكم قبل اني شديد ههههه

برتني كفووو المطيري

المطيري : احم تسلمين وش رايك تدقين على بوش اخربها معه يوم الله جمعهم هههههه

برتني : شكلك اخذتها حلا انثبر ولا يكثر

المطيري : كوندليزا رايس الجميله تتصل عليك

برتني : فارقني وجهها كنه ركبة صومالي << تحش هههههههههههه

المطيري : هعهعهعهعهعهعهعهعهعهاااااااااااااااااااااااااع

برتني : وش الضحكه هذي

المطيري : سلامتك بس كنت اضحك بضحكه الفراعنه يقولون كذا ههههههه

وكان هناك حركات مشفره نظرا للبث كان اقل من 18 سنه ههههههههه

وكنت ابي اسوي حركه وحسيت بحراره في رجلي وقمزت بسرعه

اكتشفت اني مازلت على جالس جنب النار وان الافكار قادتني الى حلم خطير خخخخخخخ

وبصراحه زعلت زعل مو طبيعي احد يقطع الحلم وهو مع برتني <لاحسه مخي

انتهت السالفه .

وربي مدري كيف جات السالفه هذا موضوع غير قابل للنشر

بس حبيت اسولف عليكم شوي وانشالله تجدون فيه مايضيف اليكم الابتسامه

وهذا هو اسباب كتابتي للموضوع <تحسون اني منسق اعلامي (وشي هذي)


دمتم بود

تحيتي لكمـ.