الموضوع: تركي المطيري ( شاعر الوطن ) في محاوره شعريه مع الامير خالد بن سعود والشيخ عائض القرني

الامير, الوطن, القرني, تركي, خالد, شاعر, شعريه, سعود, عائض

السلام عليكم ورحمة الله وبركاته

انا جمعت لكم محاوره شعريه لتركي المطيري ( تركي 2000 )

مع الامير خالد بن سعود الكبير و الشيخ الدكتور عائض القرني


نبدا بالمحاوره مع الشاعر الامير خالد بس سعود الكبير


تركي:


سلام الله سلام (ن) للعلـوم الطيبـه عنـوان
واعرف معزبه والظيف في حكمة معازيبـه
وانا لي صاحب (ن)ماينطق الكلمه بلا برهان
ابا اسولف معه والعلم يدريبه وانـا ادريبـه


خالد بن سعود الكبير:


الا يامرحبا واهلا بقلطة شاعر المطران
تراحيب (ن)لها بالصدر تشريقه وتغريبه
وانا ياصاحبي ماني بمثلك لشعر ميزان
ترفقبي ترى توي غشيم وداخلي ريبـه

تركي:

يدوم لك البقا والطير مايكفخ بـلا جنحـان
وانا خابرك صقر وكل صقر(ن)له مخاليبه
سبحنا في البحور الي تضم اللولو والمرجان
واخذنا مانبي والوقت ماتصفـى مشاريبـه


خالد بن سعود الكبير:

صحيح الوقت مايصفى وتعكير الزمان الوان
واشوف الخايبه تعجب وهذي والله مصيبـه
غدى عند الهزيله شان والجزله ثمنهـا هـان
وسف الكذب والتهريج اشوف الناس تغزي به


تركي:

اشوف اللي تشوفه طال عمرك يالله الغفران
واشوف الناس قامت تبتسم بسنون تركيبـه
لو ان اللي بنى البيت المسمى ثبت العمـدان
ماشفنا الريح تلعب بين ذرياتـه واطانيبـه


خالد بن سعود الكبير:

يا كيف الحل والحاله سفينـه مالهـا ربـان
يمشيها الهوى من حيـث ماهبـت دواليبـه
عربها ترقص وتزف على حس الوتر و الدان
يحسبون المعاني صولها من جاب لـه خيبـه


تركي:

اظن الحل نتركهـا تهيـم بغبـة النسيـان
عسها من نصيب القيض لا هبت ملاهيبـه
لو ان النابغة مخطي ماعود بالرضى حسان
ويكفينا رضى حسان والوقـت وتجاريبـه


خالد بن سعود الكبير:

انا خابرك ميزاني وربعـك كلهـم شجعـان
علامك عرَ ض لـك هدفهـا ماتضحـى بـه
ترى صمتك عن الغاوي وتصديدك عن الخوان
عذاب(ن)للضمير الحي ولا في هرجتك غيبـه


تركي:

انا مثلت فيك القاف مامثلت فيـه فـلان
وطبعي كل مقفي ملحقه واشذب عراقيبه
نبي نبعد عن المنقود والمشروه مهما كان
ولا نفرح على المسلم اذا كثرة عذاريبـه


خالد بن سعود الكبير:

اجل بنشدك عن فيل(ن)يحب مغازل النسوان
تضيق ابه الاماكن والمداخل مـن لغابيبـه
يقول إلهن انا الساحر وانا الباهر وانا الفنان
وهو ياكل شنق غيره وكل (ن)داري بعيبه


تركي:

سمعت انه على كبره يحس بعقدة النقصان
مجند له رعـاة تمدحـه وتقـول ياطيبـه
لكن الفيل يبقى فيل يوم أن الحصان احصان
وضلع طويق ماكل(ن)يبي المرقى يعدي به


خالد بن سعود الكبير:

مابين ممسح الريضان وبين ملهي الرعيـان
غدى ما للجزاله دور ولا لاهل السنع هيبـه
الا يال الزمان الشين الا يال ضيعة الوجدان
نزل في سوق ابن قاسم وكل(ن)قال كم هي به


تركي:

من اول كنت يا هداج تيما تروي الضميـان
لكن اليوم جمـك مانذوقـه مـن غثاريبـه
لابد الوقت يكشف من هو الرابح من الخسران
وكل(ن)يلتبس له ثوب في قده يصلـي بـه


خالد بن سعود الكبير:

انا يعجبني الشاعر قوي الحبك والبنيان
إلى منه بنـى بيتـه يشوقـك فـن تقطيبـه
اجاذبه العلوم اللي تونـس والخفـا مابـان
مثل تركي عساه يفوز بالمليون ويجيبه



=================================================


المحاوره مع الشيخ الدكتور عائض القرني



تركي


سلام يا رمز الأدب والدين وبحور القصيد
ياللي بنيت أمجاد وصروح ما تمحاها السنين
إنت بزمنا أكبر عطايا وقتنا وأغلى الرصيد
ولا أقول غير الله يخليكم ذخر للمسلميـن


عائض القرني


أهلا هلا بالشاعر المقدام والشهم الرشيـد
في حضرتك ننثر سنابل كادهـا والياسميـن
إليا ذكر تركي ذكرنا قصة القـول المفيـد
أقطف زهور الورد من شعره على مر السنين


تركي


الله يبارك فيك ياللي كلمـا زادوا تزيـد
وتبني من الأشعار ما تذهل عقول السامعين
النار فاتح بابها والموت في حبـل الوريـد
لكن متى تصحى قلوب الغافلين النايميـن


عائض القرني


ذكرتني بالنابغة والبحتري وابـن العميـد
مجالس المأمون في بغـداد وأيـام الأميـن
معاوية نمدح علومه مير مـا نمـدح يزيـد
وش لون نمدح من توهق حيل في قتل الحسين


تركي

هذي شهادة والشهادة منك يا دكتور عيد
نبي نعلقها على جدار الزمـن للتابعيـن
أحد بها الدنيا شقي و أحد بها الدنيا سعيد
تمر دورات الزمـن والعاقبـة للمتقيـن


عائض القرني

أبي أرسل الأشواق لكن كيف يحملها البريد
أحسن نوصلها وليلة عيد شوق الطيبيـن
أرجوك خبّر كل مخذول وشيطـان مريـد
قبر الغزاة ديارنا وحنـا عيـال الفاتحيـن



تركي


ضاعت حلول المشكلة يا شيخنا مابه جديـد
إلا غرور أهل اليسار وصمت أصحاب اليمين
مدري نقول لما مضى من وقتنا ليتـه يعيـد
وإلا عليك نهل كل الدمع يا بـدر وحنيـن

عائض القرني


اليآس ذنب وعندنا أحفـاد المثنـى والوليـد
والشبل من ذاك الأسد وأرض الوطن كله عرين
من يعتصم بالله ربه عاش فـي عمـره سعيـد
يبشر بحفظ الله له ويكون في حصـن حصيـن


تركي

حنا بلشنا بالقريب اللي عرض دون البعيد
يا صعبها لا حولت ما بين خشم وبين عين
الجرح مبطي مابرى والصبر ذاب مع الجليد
ولا أقول غير الله يعين القانتين الصابريـن


عائض القرني


حنا تعودنا على طحن الحجارة والحديد
ولا نخاف الموت لنّا للجنان مسافريـن
عدونا والله ما يحميه زيـد ولا عبيـد
على جماجمهم نشيد مجدنا الباهي المتين


========


عسى ان تعجبكمـ

تحيتي لكمـ.

---

jv;d hgl'dvd ( ahuv hg,'k ) td lph,vi auvdi lu hghldv ohg] fk su,] ,hgado uhzq hgrvkd