الموضوع: الخميس28/5/1428 ههههههههههههههههههههه

السلام عليكم ورحمه الله وبركاته




السلام عليكم ورحمه وبركاته




[rams]http://www.6rbtop.com/library/resources/Wadee3_Murad/Collection/listen/29348_hi.ram[/rams]

المقدمه

نعم للذكرياتلا للمخدرات والبلاي ستيشن القديم<--- يعني بيعلمكم إن توه شاري البلاى ستيشن ثلاثه ههههههههه:

عاد والله تحطمت من يوم ما شريته.شفت اخواني الصغار يلعبون ورجفت واحد منهم وقلت قم خل ألعب مع برهومي <--- أخوي الصغير عاد ما امدانا ننتصف في الشوط الأول إلا وهو صاقعني بثنعش هو وخشته ثم توطيت في بطنه وخليته يعض الارض من القهر وجيت عشان اكتب هالموضوع. والله قهر عاد.وش هالبزران اللي ما يحترمون اخوانهم الكبار ولا يخلونوهم يفوزون ولو حتى مجامله؟ يعني قسم بالله حتى ما تعديت نص الملعب حقي ولا شفت الحارس حقه حتىوقاعد نص ساعه وانا أسوي خطه يقالك بفوز عليه أنا و شوشتي بس خلوا مناولات الون تو وهالتسحيبات تنفعهشوفوه هالحين يوم فقّعت وجهه قاعد يصيح في الصاله <-- هذا اللي هو فالحن فيه ذا العربجي


عالعموم ما علينابزران يسكتون بسرعه واذا ما سكت أطب في بطنه مره ثانيه عشان يسكت <--- مسوي فيها هتلر شرق الرياض هههههههههههههههههههههه

الموضوع


قعدت افطر اليوم الصباح مصابيب وطحينيه وفول حق امس وما لقيت الاّ نص خبزه ويابسه بعدقعدت افطر وانا أردد اغنية عبد الحليم عبد القادر : حريم آآخر زمن ثم قعدت اتقهوى وأنا اقرا الجريده.واتنقل بين صفحة وصفحهوقعدت اقرا وأتابع اخبار البلد بكل اهتمام<-- إيه افلقني
ثم بعدها بشويطاحت عيني على تاريخ اليوموآآآآآآآآآآه يا قلبي!! .الله المستعان بسبغيت اصيح قسم بالله.يعني اليوم التاريخ 28 / 5/1428

وشلون ننسى هاليوم اللي طلعت علينا الشمس فيه؟ وشلون أنسى يوم ميلادي ( قلت يوم ما قلت عيد لا تزعجونا عاد ).صراحتن بغيت اسوي حفله وحاولت اعزم بنات في بيتنا.بس يوم دريت ان الدعوى تحجير و تماسيح في تماسيح كنسلت الدعوى وش قالوا قالوا يوم ميلادخخخخخخخخخخخخخ
عاد قعدت اتذكر أيام منولأيام تركي الرياض البثر يومه صغيّر<--- عاد والله انك بثر الى هالحين انطم بس

ولدت طفلاَ صغيرا<-- قل والله حبوبا بريئا كبير الرأس ووجهي كله خدود.كنت يانعا جدا <--- شجره ذا موب ولد

عاد تدرون.ما يحتاج نكثّر حتسي ونزوّد بربرهإنزلوا تحت.;2
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7





يؤيؤيؤ.من ذا المزيون؟

عاد شوفوا.ترى منيب مسؤول عن اي بنت تخق معي وتروح وطيتراني علمتكم من الاول عاد وش تلاحظون اذا تأملتوا في العيون والشعر والخدود؟ ما تحسون انه مملوح وغبي واذا كبر بيصير داشر عالعموم من جد اتكلماللي تبيني والا شي تراني مخطوب قد خطبتني وحده من اقاربنا وما وافقت قالت امي ليش قلت بلاها سعوديه و جسمها موب زين .ثم نشبت في حلقي وحده في السوق شافتني وانهبلت علي وقالت الاخ متزوج قلت لااااع قالت طيب عندك مانع نسوي علاقه غراميه؟ قلت : لا انا أرفض هالفكره من الاساس اصلاعاد ما ودي ارفض كل اللي يتقدمن لي.اخاف يطوف بي العمر وعلى آخرة حياة تركي الرياض يصير عانس .وقبل كمن يوم جانا ابو جيرانا هو وبنته عشان يخطبوني.وقعدوا يسولفون في المجلس ثم دخل علي أبوي في الصاله وقال: البنت ودها تشوفك تركي وش رآيك.؟ قلت : لا خلها بعدينثم رحت أرررررركض لغرفتي

<< ----- تسمع بالدلع أنت وشوشتك

عاد انا اهقى ان العرس في فندق البطحاءوبنحط بوفيه مفتوح بس ما فيه فوق الطاولات اللي تختار منها العشاء الا رز ولحم <--- عرسي وبكيفي ما عليكم مني

عاد لو سولفنا في العرس بنطول وخلوني احطه في موضوع الحاله اصرف

المهم إني قعدت اتذكر أيام منول يومني صغير وحياة البرائه والطفوله ذا اللي كل يوم فيها تنشق جبهتي والا برطمي من زود القشاره

يا زين ذيك الايام بسلا مسؤولياتولا ودني للسوق وأنا امكولا احظر العزيمه عني أنا تعيبان وأنا أبوك يعني يا زينها عيشه قبل لا أسوق السياره <--- على طاري السواقهيوم جا ابوه يعلمه السواقه أول خمس امتار ساقها في حياته قشع في زباله


ومن ناحية سالفة الحوادثوالله يبي لي ثلاث أيام بلياليهن وعساني أعدّهن كلهنبس أذكر مرتن من المرات حطيت المخده على المرتبه عشان اشوف اذا بغيت اسوق ثم تهورت شوي وأبعدت عن البيت خطوتينكان اليوم اربعاء وخمّت في رآسي آخذ لفه في طريق الامير عبد الله مسوي فيها شبابي أنا وشوشتي وامسك الأيمن ويجي وراي واحدن لو أشوفه هالحين لعنت جدفه ابن الإيهخلاني ارتبك هو ووجهه قاعد يكبّس لي;6 وأنا كمخه أحسبه يكبّس يعني يقول اسرع<--- عليمي بقوه منول وهو اللي يكبّس وأنا ادوووسيكبّس وأدوووسالين ما وقفوا الناس قدامنا وكان يمديني اوقف بس تلخبطت بين الكلتش والفراملورصيت الكلتش كله يقالكم بوقف وطررررررررقعععععع. <--- ترى جبهته ما نشبت في القزازه ابد حولت على اللي صدمته مع ورى وأنا مرتبك مرره وقلت : ما تشوف يآخي .!!



عاد والله ما تعلمت السواقه الا في ديرتنا بلانا نسرق سيارة خالي اذا نام ونروح نفحط بها في البروانواع التفحيط أنا وعيال خالتي ( دحيم أبو ديود.عبيّد ابو خشه ) <--- وقسم بالله ذا الثنين عاهات مستديمه في المجتمعطبعا سرقناها مليون مره.وكل يوم ننكفش ثم نآكلها خابور بس اننا نعاود الكره غدا صباحا من زود الكفاح اللي فينا قد مره سرقنا الموتر وعطيناه القااااز من جدوجا دور عبيد ابو خشهوقسم بالله إنه يعتبر الاب الروحي للعليمّيين في نجد وضواحيها جاك ماحط يمشي فوق الميه في البر وينطل على البيبان هو وسعبولته ذا اللي تقطّر ويكمخ بنا في الردميهوينكسر الكفر بكبره!! << مسح به التراب ذيك الحزه .توهقنا وقسم باللهوش نسويانتم لو تشوفوت يد خالي ذا اللي كنها بلكه كان رحمتونا والله





مر من عندنا عامل مزرعه وركبنا معه في الصندوق وودانا للديره ثم رحنا نررررركض لخالي كننا مهتمين فيه ونقول له : خالي قم قمفيه بدو سرقوا سيارتك <--- حقوق التصريفه ذي محفوظه لدحيم ابو ديود عاد وقسم بالله ان السالفه مشت على خالي.والى هالحين وهو يقول.البدو اللي في الديره مهنا بأطيب منهممن اللي سرق سيارتي فيهم؟ <--- والله اني رحمت خالي ذا المخفه واتذكر اننا يا هالثلاثي الكوكباني نطلع للمزرعه ونسبح الظهر كله وتلفحنا الشمس بس ما عندنا فيها هما دحيم ابو ديود معك وأنت تسبحأقسم بالله تستانس غصبن عنك يا شيخوالله كنه فقمه عاد تحسبوننا متمدنين إذا جينا نسبح تحسبون الدعوى مايوهات ونظارات سباحه وسدادات خشم اي والله لو تجون وتشوفون موية المسبح هالخضرا ذا اللي كنها موية أديتر كان تغسلون يدينكملو دروا حقوق الانسان عن ذا البرتسه كان هاوشوا جدي( البرتسه = البركه<<لغير الناطقين باللغه العربيه هههههههههههههه)






وياشين عبيد ابو خشه إذا قام يتميدح يعنني قويقد مدحته وحنا نسبح وغطس برآسه فوق الثلث ساعه ولو ما رفعت رآسه بالقوه كان تلقونه هالحين في البرتسه فاطس من ثمان سنين
صراحتن عبيد ابو خشه طيب وفزوع ونشميبس عيبه في براطمهيعني تطب المسبح وهو فيه تحس المويه وهي تتزالق على جلدك من كثر سعابيلهعاد أطلق شي اذا طلع دحيم يركض على حافة البرتسه يعنني اتشمسيغدي كنه جلي محترق في فرن عاد ذيك وشسمها كنها موتر داق فليشر <--- ههابس وجع عيب استحواثم نطلع من البرتسه وتصفقنا الشمس لين نغدي شهبانن لهبان كننا من لبنان<--- أنا اقصد كننا من زنجبار بس للضروره الشعريه حطيت لبنانثم نروح نتغدى.عاد ما يقهرني الا خشم دحيم ابو ديودما تمسك معه إنه يقطّر الا اذا قعدنا على الغداء عاد يسمع بالمناديل هو وخشتهما يعرف يمش خشمه الا بكمومه أما من ناحيه عبيد ابو خشه وسعابيله وما أدراك ما سعابيله.فهو فاهم الوضع من الاساس ويقول لا ما ابغى غدا شبعانواذا قمنا يجي يآكل اللي على السفره <--- والله قايلكم انه مؤدبوينطبق عليه المثل القائل : شين بس اخلاق

7
7
7
7
7
7
7
7
7
عاد اذا تبون الصراحه.أنا بديت بهالسواليف ولا عرفت اوقفيعني توهقت بالعربي مجال الذكريات مجال طويل ولا تقدر تجيب اللي في رآسك في موضوع واحدوالقادم احلى حبايب قلبي




واحس اني طولت عليكم وغثيتكم.لكن استروا ما واجهتواوحافظكم ربي..

وداعا جزيلا.