الملك, جامعة, سعود>>>>>

()() حب في جامعة الملك سعود ()()

بدأت قصتي عندما دخل صديقي المعاق فكرياً ( بدر الشوق ) في عالم الحب ذلك العالم الغامض الذي لا ينيره أي مصباح حتى لو اقتربت الشمس نفسها من ظلمته فلن تنير إلا جزء يسير لا يسمح بمن كان بصره مثل بصر زرقاء اليمامة أن يرى ما يجول في داخله فكيف بحالنا ونحن نعاني من ضعف في النظر رغم أكلنا لكميات هائلة من الجزر

وعن ظروف صديقته التي لا يستطيع رؤيتها ,, فحارت نفسه النتنة لتسول له بأن يزور شهادتي ثانوية باسمي وأسمه ويقدمها لجامعة الملك سعود التابعة للفتيات لنكون أحد منسوبيها كي يستطيع أن يحقق رغبته وأن يرى حبه الذي نمى مع كثرة المكالمات وشحن البطاقات فقد ألبسني ملابس نسائية وأزال شعر جسدي بالنير لأصبح وكأنني دجاجة نزع ريشها لأشترط عليه والغضب يشتعل في خلايا جسدي بأن ألبس اللون الأحمر ولكنه نهاني وقال بأن إدارة الجامعة تمنع الملابس ذات الألوان الفاقعة والجذابة وأننا سوف نمر من خلال بوابات التفتيش والتي تحمل الأرقام التالية : ( 2، 5 ، 4 ، 7 ) وهناك سننال كماً من التوبيخ غير البصاق في حالة المخالفة
لا أريد أن أطيل عليكم فسأدعكم مع هذه القصة التي سأسردها لكم باللهجة العامية

* * *

(( البـــدايـــة ))

وقفنا عند باب الجامعة بعد ما نزلنا خوينا وحنا لابسين عبايات مخصرة وأنا أقول يا ( بدر ) أنا خايف قالي جمد قلبك يا ( أبو هديب ) قلت أحس بألم وهو يقول لا تخلي الألم يدخل قلبك قلت الألم مو في قلبي الألم في رجلي من ضيق الجزمة قال أسمها شوكه مو جزمة لا تفضحنا وش تبيني أسوي فيك طنشته وتقدمت وأنا أترنح وهو يمسكني ويقول زبط مشيتك كذا بيقولون جايه سكرانة قلت ولا يهمك أبصرفهم وأقولهم أني شاربه بور هورس منتهي تاريخه وسبب لي مشاكل في الأرحام قالي أنت يا( أبوهديب) أسمك ( شهيرة ) قلت لا ياخوي أسم ( شهيرة ) قريب من كلمة فطيرة أبي أسم زي الناس . قالي مافيه مجال نغيره مكتوب في الاوراق كذا قلت طيب وأنت وش اسمك قالي وهو يناظرني بعيونه اللي ملطسه كحل أسمي (ياره ) قلت نفس الشي قريب من كلمة ( بياره)>>> أعزكم الله
أنا أحسن منك

دخلنا من بوابة رقم(2) ولقينا شؤون الطالبات يفتشون وعتقنا منهم بشق الأنفس وحنا نمشي متجهين لمبنى (24 ) قسم التربية الخاصة نشوف هالبنات اللي يضحكون اللي مجموعات والي ثلاث مع بعض وهم يتوجهون للقاعات وأنا أناظر الجدول وأقول وش علينا هالحين قالي ( بدر ) علينا مادة
( سلم ) وحنا نمشي وقفت وأنا أقول مومعقول التنورة ضيقة أحس بتصلب في شرايين رجلي كذا بتجيني غرغرينا لو أستمر الوضع كذا مسكني ( بدر ) وهو يقول وش فيك مطير التنورة إلى نصف صدرك نزلها شوي قلت طيب مشيت بالحسرة كأني طفلة فيها كساح وأنا أقول وحنا نمشي مو المشكلة في التنورة المشكلة بعد في الملابس الداخلية ضيقة ليش ما جبت أكبر قال ياخوي وقسم بالله هذا أكبر مقاس لقيته في نعومي وأنا أأشر وأقول هذي القاعة .

دخلنا وجلسنا على الكراسي وقلت من اللي راح يدرسنا قالي الدكتورة ( حليمة ) قلت معقولة ( حليمة بولند) اتدرس في الجامعة هذي قالي لاخلك ساكت لا تلفت الانتباه وحنا جالسين دخلت وحده فيها غررو وشوفة نفس وأنا اتمتم وين ( حليمة ) تأخرت ودي آخذ منها توقيع بعد المحاضرة نغزني وهو يقول ( حليمة ) قدامك المدرسة السودانية اللي دخلت قلت معقولة هذي ( حليمة ) هذا تزوير في أسامي الدلع وأنا أعلق سمعتني اللي جنبي وقامت تضحك وهي تقول شكلك فله ومنسمه قلت بحيا ليش شايفتهم حاطين راسي في برميل موية ويشوفون من وين التنسيم أضحكت وانشخف قلبي وهي تقول معك ( هدى ) وش رايك نتواعد بعد المحاضرة في البوفيه قلت مو مشكلة لو تبين نتواعد في الصناعية

خلصت المحاضرة بشق الأنفس وستهلكنا فيها كمية كبيرة من اللعاب والسبة النوم الغلط .
طلعنا من المحاضرة مصابين بآلام في الظهر وتنمل في الرجلين وأنا أقول لـ ( بدر ) وين البوفيه قالي في مبنى ( 12 ) قلت طيب خلنا نروح البنت مواعدتنا هناك . قالي طيب شف أنا أبخليك معها في البوفيه وبحاول أقابل خويتي قلت مو مشكلة وحنا نمشي قلت ثواني تكفى شوي وقف أحس بأن الكلون نزل >>>>> يعني الشراب للناطقين بغير اللهجة النسائية
وقفت ورفعت التنورة شوي وجلست اضبط الكلون وما انتبهت لوحده كانت تشوفني ثمن جتني وهي تقول عفوا قلت مرحبا قالت خويتي تبغى تتعرف عليك قلت مو مشكلة خليها تجي نتشرف والله شوي راحت ورجعت مع خويتها وأنا لاهي أزبط الشراب البايخ اللي بدون مغاط كل شوي يطيح

سمعت صوت غريب قريب من صوت أحتكاك الأشجار في بعضها إذا هبت رياح شمالية رفعت راسي وأشوف هذيك البنت مدة يدها وهي تقول السلام عليكم سلمت عليها وأنا مندهش وهي تقول أنا أسمي
( شروق ) ابتسمت وأنا أقول غريبه مع العلم أن وجهك يوحي بالغروب ابتسمت وهي تقول مقبولة منك يا عسل
قلت آمري قالت معليش بس أنا شفتك وأعجبت فيك وحابة أتعرف عليك وتكونين صديقة خاصة لي قلت لها آسفة أنا من زمان بطلت هذي الحركات أني أكون لك الحنان والدلع ألزم ما علي سمعتي بكره يجي واحد يخطبني ويدري أني وقفت وتكلمت معك ممكن يغير رايه فيني قالت طيب ممكن أطلب طلب أخير قلت ليش أنت بتموتين قالت لا بس أتمنى تكتبين لي إهداء على يدي بخطك وتكتبين أول حرف من أسمك بعد قلت مافيه مشكلة معك طامس عشان أكتب ؟

قالت معي قلم أخذت القلم وجلست أكتب لمدة عشر دقايق وهي تسولف مع اللي جنبها وأنا أكتب قلت خلصت ناظرت ( شروق ) وجلست تقرى بصوت عالي وهي تقول (عاش الهلال , عاش النصر , عاشت جميع الاندية, الرجاء عدم المرور الطريق مغلق للصيانة بين قوسين فندق الوحدة ) سكتت شوي ثمن قالت وش هذا قلبتي يدي جدار مدرسة وبعدين وش تقصدين بكلمة بين قوسين (فندق الوحدة ) قلت وأنا أبتسم مدري وش معناها بس أشوف الشباب دائما يكتبون كذا على براميل الزبايل (فندق النصر ، فندق الهلال ) قلت اكتب هالكلمة في المكان المناسب ومالقيت أنسب من يدك

بعدها رحت وخليتها واتجهت للبوفيه وجلست على الطاولة وأنا أشوف البنات يروحون ويجون اللي كاش وغنية ، واللي فقيرة ومنزوية على حالها ، واللي تستهبل وتضحك بصوت عالي ( يعنني منسمة ) واللي حامل ويالله تشيل نفسها

وأنا جالس على الطاولة مستمتع بالريحة المعفنة حقت البوفيه جاني ( بدر ) وجلس معي وهو يقول شف اتصلت عليها تقولي بتخلص وبتجي للبوفيه بس أتمنى ما تقوم معي انتظرني هنا قلت ليش خلني أشوف هالجمال اللي مسحبنا عشانه للجامعة وأنا أسولف جت ( هدى ) البنت اللي كانت جنبي في المحاضرة ومعها شلتها وابتسمت في وجهي وهي تقول ممكن نجلس معكم قلت وقلبي يخفق أجلسي على الكراسي وأن ما كفت الكراسي مستعد أتعلم السحر وأسحر زميلتي ( ياره ) عشان أحولها لك كرسي أنا قلت أسم ( ياره ) طاحوا البنات ضحك وهم يقولون لـ ( بدر ) بالله أسمك ( ياره ) ثمن ألتفتت البنت وهي تقولي وأنت وش أسمك قلت أنا أسمي ( شهيرة ) ويدلعوني ( أم هديب ) أنا قلت كذا على طول طاحوا ضحك ألأ وحده منهم تقول وش هالاسامي أسامي لبنانيين قلت وأنا ألعب بخصلة من خصلات شعري البلاستيك إيه الوالده جدها لبناني عشان كذا نعود لبنانيين من عائلة الأطرش

قالت وحده منهم غريبة مع أن أشباهك أشباه يمنية طاقها الجوع ابتسمت وأنا أقول قصدك عشان بشرتي لا اللي مخرب بشرتي هو لأننا نسافر كثير لليمن وأنت تعرفين اللي يسافر لليمن ويشرب من موية النيل حقهم لازم يرجع لهم شوي جاني كوع من ( بدر ) وهو يقول وش نيلة النيل في اليمن مادرست جغرافيا !!

قلت من زين هالجغرافيا اللي درسنها كلها عن طقس المملكة من الأبتدائي الين الجامعة والطقس ما تغير هو هو جلسوا البنات وهم يضحكون ووحده منهم تقولي أنتي تحفه هبال دمك خفيف ممكن أتعرف عليك وإذا ما عندك مانع تكونين من شلتي قلت أنا في الخدمة مستعدة لو تبين تتبنيني وإلا تسكنيني في غرفة السواق حقكم ما عندي مشكلة ضحكت وهي تقول خلاص أجل بس اعملي حسابك ترى البنات يجتمعون عند الشيخة في القصر وهي تحب الضحك وأنا أبعرفك عليها بتنبسط عليك دق جوال ( بدر ) ثمن قال بصوت ناعم عن أذنكم مواعده وحدة وأن شاء الله أخلص وأجي

قلت مو مشكلة بس لا تتأخرين ووجهي يحرقني من النير قامت وحدة من البنات وقالت أنا أبروح أجيب شي نشربه أنتي وش تحبين تشربين قلت وأنا متحمس علي الطلاق محد يجيب الطلبات غيري وقفوا البنات يناظروني وهم مستغربين!! وبعد أشوي استوعبت ثمن قلت معليش تعلمت الكلمة هذي من أخوي وعلقت في لساني
ابتسموا ووحده منهم تقول تحفه تحفه جنان هالبنت قلت معليش وش أسمك من اليوم تقولين تحفه تحفه . شكل تخصصك أثار ومرسلينك الإدارة تقنعيني عشان يحطوني في متحف الجامعة هنا البنت أنسدحت على الطاولة وغطت وجهها وهي ميته ضحك قلت يا جماعة شوفوا خويتكم ليكون جاها هبوط ودخلت في غيبوبه

رفعت راسها وهي تضحك وتقول خلاص خلاص . قلت وأنا مرتبك عن إذنكم أبروح أجيب لكم شي تشربونه وتاكلونه وش تبون قالت وحده يا حسره وش عندهم غير الكفي والكرواسون قلت حلو نعمه ثمن رحت للبوفيه وأنا أمشي اسمع سواليف البنات في الجلسات بنات يتكلمون في الميك أب وفي اللبس وبنات يحشون في الدكاتره وفي مبنى المعلمات رقم ( 15 ) وبنات يتكلمون عن سوء الزفلته الداخليه بين المباني وعن كمية الحصى اللي تكسر الجزم والرجلين وفيه بنت تأشر علي وهي تقول شوفوا جسمها كيف شكله طالعه كأنها غسالة ووحدة جالسه على الكرسي حابسه دمعتها وهي تكلم بالجوال وتقول معليش يا قلبي صدقني كنت في المحاضرة ما قدرت أرد عليك . أرجوك لا تزعل وهو شكله يهزئها ومستقوي عليها وهي حابسه عبرتها وحالته حاله وتمسح عبرتها وتسوي أن عينها داخل فيها شعرة (عشان محد ينتبه)
جيت عندها وقلت معليش أختي ترى سمعتك وأتمنى ما تضنين انه تطفل مني لكن أبقولك شي ترى اللي خلقه خلق غيره واللي ما يحس فيك وفي دموعك ما يستاهل أنك تذرفين له دمعة عشان كذا شوتيه وأكثر ما كثر الله الرجال اللي يحسون ولو تبين رقمي خذيه ناظرتني بعين بعدها انا استوعبت الموقف وقلت وأنا مرتبك سوري أخذني الحماس وترى أمزح معك بس صدقيني خذيها كلمة مني اللي ما يحس فيك لا تحسين فيه أبد ابتسمت لي وقالت شكرا

رحت للبوفيه وجبت الطلبات ورجعت للبنات ولقيتهم مهمومين ومتضايقين قلت وش القصة يا بنات سلامات ناظرتني وحده منهم وقالت ( هدى ) متضايقة جيت جلست جنب ( هدى ) وقلت وش فيه سلامات وش اللي مكدرك قالت مافيه شي قلت ( هدى ) هالحين صرنا صديقات وبيكون بعد شوي بينا كرواسون وكفي عشان كذا وش فيك ناظرتي وهي تقول مدري بس أحس بضيقة قاطعتها ما يحق لي اعرف هالضيقة وإلا تشوفيني غريبه قالت لا عادي وش دعوة تمونين أنتي هالحين وحده منا وفينا

السالفة اني تعرفت على واحد في الانترنت وجلست أسولف معه وأنا من طبعي أحب خفة الدم والضحك وأخذت وعطيت معه وحبيتة مع مرور الوقت وكان يطلب مني صورتي بإلحاح وكنت أقوله صورتي على الجهاز ماني موريتك اياها ألين توريني صورتك ووراني صورته وقلت ما عندي لك صورة عقبها حقد وطلب من هكر أنه يهكر على جهازي وأخذ الصورة ثمن طلب مني رقم جوالي وعطيته وكلمته وهالحين طالب مني أنه يقابلني والا بيفضحني وينشرها قلت لا حول الله ولا قوة إلا بالله وش هالناس مصايبهم كثيرة مالك هم واللي أنا أريحك منه قالت كيف

قلت ما عليك هاتي رقمه فليها ووسعي صدرك وما عليك وشوفي وجه خويتك هالدبه اللي معك كنه دونات بدون سكر وأخذت دونات وعطيتها وقلت خذي هذي من يدي وأكلنا سوى وحنا ناكل حسيت بمغص مو طبيعي من قوته وقفت
وأنا أقول سوري يا بنات أبروح دورة المياه بعد اذنكم رحت أمشي ألين أبعدت عنهم ثمن رفعت التنورة ألين الركبه وقمت أركض والسيقان مشلعة ألين وقفت عند وحده والوجع مسيطر على مخي وأنا أقولها عفوا أختي وين دورات مياه الرجال ؟ ناظرتني وهي تقول تستخفين دمك !! مافيه إلا سيدات وإلا نزعتي الحياء . قلت أحب رجلك وينها قالت في أخر السيب رحت ركض ودخلت لقيت كومة بنات على المريات يعدلون في الميك أب وأنا أقولهم عن أذنكم دورة المياه وأنا أمشي لقيت في وجهي ( شروق ) وهي تقولي إيش الصدفة الغريبة هذي

قلت مو صدفة ولا شي كنت متوقعه ألقاك في دورة المياه هذا مكانك الطبيعي ودفيت ( شروق ) واختل توازنها وأنا أدخل لدورة المياه تمسكت ( شروق ) في حافة باب الحمام وأنا من العجلة ما شفت يدها صكيت الباب على أصابعها شوي سمعت صرخة رجت الجامعة كلها تقول أفتحي الباب يا حييوانة قلت بكل برود وش هالاخلاق بين البنات ألفاظ منحطه (( ما كنت أدري أنها تكلمني )) جلست شوي ثمن فتحت الباب لقيت ( شروق ) طايحه عند الباب ووجهها أزرق قمت أخذت شنطتي وسطرتها على خشتها وأنا أقول قلة أدب جالسه تطلين من تحت الباب وصلت فيك الوقاحه ها المواصيل

و بعدها طلعت ورجعت للبنات وجلست معهم وتوني أبقول لـ ( هدى ) لا تشيلين هم دخل علي ( بدر ) وهو يقول بعد إذنكم ممكن اكلم ( شهيرة ) على أنفراد قمت معه ورحت بعيد قلت وش فيه قال خلنا نطلع طلعت البنت بشعة قلت طيب وخير يا طير يعني أنت زين هالحين عشان تعذرب على البنت أهم شي الجوهر قال أقولك قم خلنا نطلع قلت طيب ابستأذن من البنات وجيت عندهم وقلت لهم بعد إذنكم يا بنات . ومعليش يا ( هدى ) ممكن تعطيني رقم جوالك عطتني رقم جوالها وقلت لها صدقيني بخصوص الشاب الوقح راح تسمعين أخبار تسرك ومارح يعترض لك ابد أن شاء الله بس انتبهي في المرة الجاية لا تثقين في أحد


طلعنا من الجامعة ورجليني منتفخه من ضيق الجزمة وخصري بينقطع من ضيق التنورة وحالتي حاله قلت قسم بالله أن ضيق المشد اللي يلبسونه أهون من ضيق هاللبس اللي أنت جايبه لي
جلسنا في البيت وقال ( بدر ) تحطم حبي يوم شفتها قلت ياخوي لا تدقق والحب مو بالجمال الحب بالأخلاق والمعرفة والعشرة

بعدها دقيت على رقم الرجال وقلت له أني خوية ( هدى ) وأني مره سمعتك تكلمها و أعجبت فيك وأخذت رقمك بدون ما تدري وأبي أتعرف عليك
تعرفت عليه وطلبت أقابله وعطاني موعد ورحت شفته وأنا مرسم وجيت عنده وقلت له ممكن يا الحبيب
قالي خير قلت ممكن نجلس شوي معليش يمكن تنصدم بس أنا اللي كان يتصل عليك و ( هدى ) اللي كانت تكلمك هي واحد من الشباب يقلد وكنا نسحبك وصراحة اسمح لي أقولك أكلت المقلب وبخصوص الصورة اللي معك تراني قاصها من مجلة أتمنى ما أكون صدمتك بالخبر ولا تزعل شوي جاني بقس خلخل عظامة
^
^
^
^
^
^
^
^
^
^

خلس حبايبي
توته توته خلست الحتوته
^
^
^
^
^
^
خلس وشله بعد جالسين يالاااا هات الردود ومع السلامه
م ن ق و ل

pf td [hlum hglg; su,]>>>>> iu iu iu iu iu