الموضوع: ديوان كلمات الأغاني .

من يسدّ يمـكانـه

قرب الرحيل وخاطري منك ما طـاب يا واحدٍ عنـدك حياتـي رهـانــــه
تـدري بعلـه واحـدٍ منـك منصــــاب اللي بقلبه لك يقوله لسـانــــه
بك طيب لو ما حط بك زين الأطيـاب يا غصـن بان ناعــمٍ بـه ليـانـــــه
يا ليتـهم سمّـوك يـا زيـن معـطـاب حيث ان حبك بالضماير مكانـــه
كلٍ عذلني فيــك عــدوان وأصحــاب وأقــول خلونـي وكـلٍ وشانـــــه
وان قيـل وإلا بـدّل أحبـاب بأحبـــاب قلـت آه لكن من يسد بمكانـــه

كنك وكنـي

لا تـحسب إن النـور يـا زيــن منّـي وجهي ترى يعكـس لك النـور منّــك
مثـل القمـر والشمس كنّك وكنّـي أعكس شعاعــك وأسهـر الليـل عنّــك
مدامعـي تشهـد غرامـك سكـنّــي والقـلـب قـبل الروح والعيـن حـنّــك
أنا أعتـرف لك كـل ما بـك فـتـنّـي لو تطلب عيوني حبيبـي يـجـيـنّــك
قـصـيـدتـي تـو اجـبـه القلب فنّـي نظرتك مع ضحكتك كلهم تابع لفنّـك
وعسى الوفى بالحـب ظنّـك وظنّـي وأعيش طـول العمـر في حسن ظنّــك

فـزّوا لـهــا

فـزوا لـهـا لين أقبلت فـزوا لـهـا حبيبتـي فـي حسنها من مثلها
ليـن أقبلت ريم الفـلا في وجهها شاع الحـلى
فـزوا لـهـا حبيبتـي ومع فـزّكـم قولوا هلا
فزوا لـهـا حبيبتـي فـزوا لها
غنوا لـهـا يا أهل الطرب غنوا لـهـا خلوا السهر يا أهل الطرب يحـلى لـهـا
خلوا الشعر ليـن انتثـر يرجع لـهـا حبيبتـي كل الطرب غني لـهـا
لين اوقفت حبيبتـي قولـوا هلا بوصـولـهـا تم الفرح بوصولـهـا
واهدوا لها سلام عشق اهدوا لـهـا من روض نجدٍ والهوى ومعشـوقـهـا

لا لا تهز الراس

لا لا تهـز الراس وتـنـثــر غرتــك عينـي يجرّحـهـا سل لون الخضيــر
لون الذهب صنعـه يقلد صورتـك بس أعجز الصانع شعـاعٍ بـك يثيــر
لا خيـر فـي دنيـا إذا مـا سرّتــك لا خير بأرضٍ ما تـجي تحتك حريــر
الجـرح يا جرحي سبايب نظرتـك والدمع من صـدك وجفني يستجيـر
لو ترحم العاشق وتطفي جمرتـك ولاّ تـفــك قـيـود جنحـانـي وأطيــر
كـم مرةٍ روحي بالـقـلـب طرتـك تـحـالفــوا يوفـون لك حق العشيــر

يا ظاميــــة

يا ظامية يبس شفايفك العطش غير ملامحك الوله
وانتي وأنا شمس وقمر ما نلتـقي لو نحتظـر يا ظاميــة
أشتاق لك وانتي بعيد ويزيد حبـي لك يزيد يا ظاميــة
أموت بعيونـك أموت والحب يغنيه السكــوت
إلى متى بسكت وإلى متى بـبـكــي
يا ليت أدري قبل أمـوت يا ليت أدري قبل أمـوت
ودي أعيش الليـــل وأقول أحبك حيـــل
ودي أقول الآااه وانتـي معي تبكيـن
يا ظاميـة ببعد عزمت أنا ببعد
يا ظاميـة ببعد حلفت أنا ببعد
يا ظامية يمكن بعد الهجــر لقيـا

مــــوادع

موادع وكل خلٍّ جاك بيـجـيـه وقت ويـوادع
موادع وكـم خلٍّ قال بعد فرقاه راجـع مـوادع
أعــدّ الوقـت بحسابـي ليالـــي وأشـوف حساب غيري له ثواني
غريب الوقـت فـي طبعه يعاند أبــي أطـويـه ولكنــه طوانــي
حبيبـي فـارق عيونـي ولاجـــه تقلّب صـورتـه فينـي مــواجع
غريـب الوقـت يا ليتـه يــطاوع يمـر يمكن يجـي منهو مــوادع
دموعـي تطلـب عيوني نهايـة وجرحـي ينزف المعنى قصايــد
موادع صـارت بعمـري حكايــة وعمـري ماخـذ أحزاني عوايــد
حبيبـي يقبــل وقلبـي يهلّـي يمـد إيـديـه يطلبنـي أجـي لـه
وإلا منّي جيتـه ودمعي يهلّي لـقـيتــه هاجـسٍ معنى رحيله
عجـايب كـل هالدنيـا عجـايــب دمـوع وحــزن ومفارق حبايـب
تسلّي خـاطـر المحبـوب لحظـــة ويرجـع عــاشق الأحلام خـايـب
يروح العاشق المجـروح يبــكــي ويشكي وقت في طبعــه مخـادع
صحيح الحب فـي الدنيـا ولكـن يعيـب الوقت فـي حبه مخـادع

ويـن انـــت

وين انت قبل اللي مضى سنينـي يـا مسعـدٍ باقـي حـيـاتـي بـالأفــراح
ما قـول قبلك في حيـاتي ضنينـي ولا نيب مع غيرك من الناس مرتــاح
حتى فرحـك ارهب شقاي الدفيـنِ ومنـك السعادة بدّدت هـاك الأشبـاح
يـا غـالــيٍ قـرة بـلامـاك عـيـنــي حبـي وحبــك مـن سبب ربط الأرواح
كـأس الـهـنـا تو أقضبنّـه ايدينــي وأروى ظـمـأ وقـتـي هذاك الـذي راح
واللـــه مـا لك فـي حيـاتي وزيــنِ برق الفرح قبـلك على العيـن مــا لاح

يا حبنيـلك

يـا حبّنيـلك دون كــل المخـاليــق ياللي تسـاوي كل شيء بحياتــي
لا شفت زولك ينجلي عني الضيق وإن غبت عن عيني تزيد عبراتـي
دايم عيـونـي من فراقك غواريـق وطلعتك ترسم بسمتي في شفاتي
الـحـب مفتـاح القفـول المغاليــق وحبك دواي وفرحتـي يا غناتــي
أغـليك وإن لي بلشه فيك بالريــق يا منوتـي دايم محقــق مناتــي
غـلاك ساقـه رامعي في المعـاليـق ولـولاه عينـي ما تعدت وطاتــي

حــروف الحـــب


أكتب حـروف الحـب حبـسٍ برجليـك قيـدٍ يقيــــد خـطــوتـك لا تــــروحِ
إقعد معاي وإن رحت خذني مخاويـك آن لا تـروح إن كــان قفيـت روحــي
ريّـظ خــطا رجـلـك شـوي لـغـالـيــك خـلـه عـليـك بسـرّ حـبــه يـبـــوحِ
يا واحدٍ مـالك شبيـه لـك بـحــاليــك يبـسٍ بحبـك من ظمـاهـا شـحـــوحِ
أغليـك واللي كـوّن الكـون أنا أغليــك حب الغلا ماهـو بمثل حب المــزوحِ
يا غاليٍ دمعـات عــيـنـي تنـاجـيــك هـدايـرٍ مـن فـوق خــدي تـفــــوحِ
حتى وأنا فـي غـفـوة النـوم أناديــك وطيفــك عـلـى شاشة خيالي يلـوحِ
إرجـع عـلـي وضمنـي بيـن أيـاديــك ضمة غلا تحـيـي بهـا بيـت روحـي