الموضوع: ديوان كلمات الأغاني .

لحـــــــظــــــات الـــــــتلاقـــــــــي


من يقول أن الحبايب ما تلاقى من يقول الأماني ما تحقق

زفت الأفراح نوره مع محمد ما نقول إلا عسى ربي يوفق

حلوه الحلوات يا نور الليالي فارس الفرسان وصالك تشوق

من كفوف العز لكفوف المودة الحسن كله على نوره تطوق

المحبة المحبة المحبة تجمع الأحباب لكن ما تفرق

أجمل اللحظات لحظات التلاقي الفرح غنى من النشوه وصفق

القمر والشمس والنجمة تبارك المشاعر في سما الدنيا تحلق

والنسيم يعانق أزهار الخزامى عطرها حول على الغصن وتسلق

ليله الأشواق بالبسمة تغني ليله ألي بالوفاء روحه تعلق

من يقول أن الحبايب ما تلاقى من يقول الأماني ما تحقق

لـــــــــولاك غـــــــــــالي


لولاك غالي ما تغليت يا خل أدريبك أدري يا بعد كل غالي

يا لي حلاك أن جيت غطى على الكل ما قد خبرت إلا أنت شمس الليالي

لي وصلت الهم عني يحول وأن غبت عني صحت يا ويل حالي

وفيك الأماني مشرقه مالها ظل وفيك الأغاني دندنة لالالي

أن جيت ولا رحت بالقلب تنزل مكانك إحساسي وبيتك خيالي

ولو قال قايل خل عنك التدلل كل ما يزين أطباعي إلا دلالي

يا حب من ورد وجاء اليوم تقبل ولصوت همس الحب يا راس مالي

بالبعد لا تبطي وبالقرب عجل مالي بدالك وأنت مالك بدالي

ليــــتــك معــــــي



ليتك معي ساهر ليل الهوى كله ما نوم أنا وأنتي لجل الحب سهرانين

ترى السهر مع حبيبك يبري العلة لا صرت شفقن وهو عليك شفقاني

كلش طراته إذا وافق على حله ولا ترى كل شي يا لقضي فاني

لا عاش خلن تنكر عن هوى خله يوم حبيب ويوم صار قوماني

وشفيك دايم تعصر القلب وتله أخاف يوم يجي ما عاد تلقاني

ليتك معي ساهر ليل الهوى كله ما نوم أنا وأنتي لجل الحب سهرانين

مـــايـــــعــــزي



ما يعزي خفوقي كثر وجدي ونوحي في حبيب قدا عني وقلبي قدابه


دمع عيني على فرقاه يجري نضوحي وأشقى قلبي إلي ما تحمل غيابه

نور عيني بدت فيه المحازن تنوحي الحبيب الذي أسوي جنابة


كاعب أحول ريجن طفى عينه ذبوحي صادق القلوب ما عظم صوابه

والله إني أحبه حب صادق نصوحي ولا سمع القول من راعي الوشاله والسعابه


قلت له ليه يا حبيبي ليش ناوي تروحي أفتهم للسؤال ولا عطاني أجابه

قالي يا حبيب الروح ما قدر أبوحي يا بعد قلبي وروحي وعمري وشبابه


ظروفك سرت قلبي وزادت جروحي شوف كيف الغرايب في زماني غرابه

قلت له ناوي تبعد لك في قلبي صروحي راسخ الحب في قلبي ولحدن درابه

راح والحزن بان في وسط قلبي وروحي يجبر الله مصابي ويجبر الله مصابه

ما أبـــــــــي تشـــــــــرح


ما أبي تشرح ولا هرجك يطول كل ما قلته سمعته من زمان

المحبة مالها عندها عندك أصول ما يعرف الحب معدوم الحنان

بيني وبينك ترى مو شي يحول جرحك الأول في قلبي له مكان

ما يطيب القلب جرحك ما يزول ما يعرف الود من بالعهد خان

ماتت الرغبات مالي من ميول يكفي إلي شفت من ظلم وهوان

قلت أو ما قلت أو ودك تقول كل ما قلته سمعته من زمان

مــادريـــــــــت " مرثيه "


ما دريت وش صار فيني يوم عني غاب صوتك

رحت أضملك صوره عندي على الأقل أسمع سكوتك

وش أسوي مالي حيله غير بروازك أشيله

واشكي همي وأشتكيله شوف جرحي لا يفوتك

ليتني أنا بمكانك وليت بهل الدنيا بقيت

بس ما أفقد حنانك مهما رحت ولا جيت

ماهـــــــي بدايــــــــــــم


ما هي بدايم على كيف المحبين يومين تصفي وعشر أيام مرتجة

يا كامل الزين وشيخ المزاين مشاعر الود من فرقاك محتجة

قربك سعد خاطري والبعد يشقيني والعين تذرف غزير الدمع وتزجه

لو أن خلي مثل ما عطيه يعطيني هذا الوفاء والعداله تنهي الحجة

أحلى الليالي مع ناس تسليني واكره ليالي بها هذرات واللجة

لاشك الأيام العذبة وبتجيني وأنهايه الحب كلن يبقي الهجه

مثل الذهب اصلي


ما راح تلقى أحد مثلي أنا مثل الذهب أصلي

لو غرك زمانك يوم يجيلك يوم وترجعلي

غليتك فوق ما تتصور على روحي بعد وأكثر

رغم هذا أنا مدري وش الي جاك تتكبر

حطيتك في وسط عيني وحبك قيد في يديني

حقيقة ما ني متوقع يجي وقت و تخون فيني

تراك الحين ما تلزمني مدام أنك بعدت عني

زي ما يطاوعك قلبك أنا قلبي يطاوعني

مــــــــثل الـــــــزمــــــــــن


مثل الزمن يا صاحبي صرت خوان لو للزمن محبوب عيا يخونه

أنت الغدر والكذب في صوره إنسان حتى شعوري تعجز أنك تصونه

مثلك يعيش الحب من غير وجدان يقرأ ملامح كذبته في عيونه

الطبع يغلب لو تطبعت ويبان دايم وراعي الزين تفشل ظنونه

هجرك وصل ومواصله صار هجران سرقت من ليلك معاني سكونه

العاشق إلي حمله حبك أحزان والله حرام أنك تحرك شجونه

الفرق شاسع بين سالي ولهان بين القلوب القاسية والحنونة

مثل الزمن يا صاحبي صرت خوان لو للزمن محبوب عيا يخونه