الموضوع: ديوان كلمات الأغاني .

لعب الهوى


اوعى الهوى تِخلِف معاه
اوعى فيوم تخسر رضاه
ما فيش حياه من غير غرام
ولا تحلى الدنيا أو كلام
ولا تظلموا حبّي البريء
أو تجرحوا أقرب صديق
لعب الهوى لعبته لعب الهوى

لمّا الهوى يؤمر عليك
إيّاك تلاوعوا مهما كان
فرصه وجاتلك بين إيديك
دي جايه مرّه في الزمان
طاوعني وامشي بسكّته
وسيبه يلعب لعبتو
ولا تظلموا حبّي البريء
أو تجرحوا أقرب صديق
لعب الهوى لعبته لعب الهوى

لمّا الهوى تعرف دواه
دنية غرامك تخلى بيه
حتكون بأعلى مستوى
ولا حدّ يقدر يوم عليك
إيه يعني لو ضفنا عليه
أحلام حلوه من حواليه
ولا تظلموا حبّي البريء
أو تجرحوا أقرب صديق
لعب الهوى لعبته لعب الهوى

حدّ ينسى قلبه



حدّينسى قلبه حدّ ينسى عمره
مين غيرك أحبّه وأبقى تحت أمره
شاري ومش حخبّي أنا حبّيت وقلبي
أنا حبّيت وقلبي ما بينساش حبايبه

عمري ما أقدر أنسى اللي فيوم هواني
يبقى صعب أقسى عاللي هواه ناداني
حتّى شوقي غنّى وقللي
قللي إدّيلو حبّي.
شاري ومش حخبّي أنا حبّيت وقلبي
أنا حبّيت وقلبي ما بينساش حبايبه

قلبي ملك قلبك مهما طال غيابي
أملي بيك وحبّك بيهوّن عذابي
ما انت حتّه منّي وانت
انت الرّوح لقلبي
شاري ومش حخبّي أنا حبّيت وقلبي
أنا حبّيت وقلبي ما بينساش حبايبه

آه حبايب

آه حبايب بس فين الحب غايب
وليه يا قلبي ما لكش نايب
شافوا إيه بس فعينينا
سمعوا إيه يتقال علينا
صدّقوه صعبان علينا الفراق
أغلى الحبايب حبايب آه حبايب

الحبايب دول عيونك آه يا قلبي
ونّسوني في ليل غرامك آه يا قلبي
شفت فرح ما شوفتهوش
عشت عمر ما عشتهوش
أنا قلت دول ما بيجرحوش
جرّحوا قلبي اللي دايب
شافوا إيه بس فعينينا
سمعوا إيه يتقال علينا
صدّقوه صعبان علينا الفراق
أغلى الحبايب حبايب آه حبايب

الليالي غدروا بينا آه يا عيني
إتنسينا وباعوا فينا آه يا عيني
آه يا جرح العمر آه
كان حبيب صدّقته آه
خان وعودي وباع هواه
ده الهوى مليان عجايب
شافوا إيه بس فعينينا
سمعوا إيه يتقال علينا
صدّقوه صعبان علينا الفراق
أغلى الحبايب حبايب آه حبايب

الكلمه الطّيبه
الكلمه الحلوه ما بين اتنين
بتهوّن ياما على العاشقين
الكلمه الطّيبه مالقلب قريّبه
بتكون أجمل هديّه لقلوب متعذّبه
وبحق العِشره يا دوب يا دوب بسمه
بتصالح قلبين متخاصمين
الكلمه الحلوه.

الكلمه الحلوه اللي تهوّن
بتطمّن قلب اللي مخوّن
يا حبيبي بحبّك إجمنّك
في الدنيا ما فيش أطيب منّك
ولا حبعد يوم أبداً عنّك
ولا تبعد ثانيه فيوم عن عيني
الكلمه الطّيبه مالقلب قريّبه
بتكون أجمل هديّه لقلوب متعذّبه
وبحق العِشره يا دوب يا دوب بسمه
بتصالح قلبين متخاصمين
الكلمه الحلوه.

أنا قلبي عمرو ما يتحوّل
مشتاق في الآخر والأوّل
يا حياتي بحبّك من إمتى
وما ليش في العالم غيرك إنت
ليه تزعل وازعل من غلطه
واحنا اللي ما فيش بهوانا اتنين
الكلمه الطّيبه مالقلب قريّبه
بتكون أجمل هديّه لقلوب متعذّبه
وبحق العِشره يا دوب يا دوب بسمه
بتصالح قلبين متخاصمين
الكلمه الحلوه.

ليل العاشقين

يا ليل العاشقين أهل الغرام مساكين
عاتبين على الأيّام والدّمع مالي العين
حيفيد بإيه النّدم ما القلب ياما انظلم
وسنين بتفوت علينا وعالجراح صابرين
آه آه آه يا ليل العاشقين

في جراح الشّوق يدوبوا
مش راضيين يتوبوا
عن ويلهم في الغرام
إحتاروا يا عيني حيره
والقلب ما جابش سيره
عن ويلهم في الغرام
حيفيد بإيه النّدم ما القلب ياما انظلم
وسنين بتفوت علينا وعالجراح صابرين
آه آه آه يا ليل العاشقين

مكتوب يا ليل علينا
نسهر والخوف مالينا
هوّ إحنا عملنا إيه
علشان بنصون هوانا
يحلالو يا ليل بكانا
ويعذّبنا بإيديه
حيفيد بإيه النّدم ما القلب ياما انظلم
وسنين بتفوت علينا وعالجراح صابرين
آه آه آه يا ليل العاشقين

جرحونا


جرحونا برمش عين يا عين كلامهم مسِّنا
سألونا نبقى مين مين قدِّمنا نفسنا
قلنا احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا

سيدي انت الحب نعمه جايالنا من السما
معاها احلى نسمه للناس المغرمه
دوّر عالحب تلقى في وجودو الدنيا حلوه
وان دق القلب يبقى حنشكي الحب شكوى
قلنا احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا

يابا ليه النظره ديّا بتقول مُش قدّها
إن كان غيرنا رضي نقدر على ردّها
علشان نقدر بنعفي ونسامح لمّا نقدر
والعقل لوحدو يكفي عشان نبقى احنا أكبر
بس احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا
جرحونا برمش عين يا عين كلامهم مسِّنا
سألونا نبقى مين مين قدِّمنا نفسنا
قلنا احنا اللي القمر يا قمرما عِرفش يذلنا
الناس طلعوا القمر وقمرنا نزلِّنا

بتعاتبني على كلمه


بتعاتبني على كلمه جات منّي من غير تفكير
بتحاسبني على غلطه ده انت ياما غلطت كتير
ما فيش حساب… بين الأحباب
ما فيش حساب بين الأحباب
إن كنت ناوي تصون الود
ده انت يا روحي إن جيت للجد
لو عدينا نتوه في العد
نتـــــــوه نتوه في العد

ليه بتفكّر في اللي ليك
وتنسى دايماً اللي عليك
ده غلطه وكانت مش ذنبي
إني يوم ما أحلمش بيك
ما انت دايماً في خيالي
وفمنامي وعلى بالي
ما فيش حساب… بين الأحباب
ما فيش حساب بين الأحباب
إن كنت ناوي تصون الود
ده انت يا روحي إن جيت للجد
لو عدينا نتوه في العد
نتـــــــوه نتوه في العد

لو تحب الحب يوم
يبقى العتاب ما لوش لزوم
ليه دايماً بتحب تلومني
انت الجاني وانا المظلوم
ليه بنسى وما تهونش عليّا
انت ليه غاوي قسيّه
ما فيش حساب بين الأحباب
ما فيش حساب بين الأحباب
إن كنت ناوي تصون الود
ده انت يا روحي إن جيت للجد
لو عدينا نتوه في العد
نتـــــــوه نتوه في العد

روح الروح


روح يا روح الروح وارتاح عند الحبايب
يا قلبي المجروح ما تروح تعرف ليه دايب
واعرف منّو جواب لحالتنا اللي احنا فيها
ليه ورّانا الجنّه ونارو ساكنه فيها
لو حيسيبنا شويه مسامحينو
عمرو ما كان له كلمه وعارفينو
روح يا روح الروح روح يا روح الروح
روح يا روح الروح وارتاح عند الحبايب
روح وارتاح عند الحبايب روحي

روح ولا تنسى يوم إنّه حبايبك هِنا
ما بلاش كتر اللوم اتمنّالو الهنا
وان سألك علينا قلّه خلاص نِسينا
وان سألك علينا قلّه خلاص نِسينا
واعرف منّو جواب لحالتنا اللي احنا فيها
ليه ورّانا الجنّه ونارو ساكنه فيها
لو حيسيبنا شويه مسامحينو
عمرو ما كان له كلمه وعارفينو
روح يا روح الروح روح يا روح الروح
روح يا روح الروح وارتاح عند الحبايب
روح وارتاح عند الحبايب روحي

روح ولا تنسى يوم إنّه حبايبك هِنا
ما بلاش كتر اللوم اتمنّالو الهنا
ياما تعبنا وياما ما هانش علينا علينا
ياما تعبنا وياما ما هانش علينا علينا
واعرف منّو جواب لحالتنا اللي احنا فيها
ليه ورّانا الجنّه ونارو ساكنه فيها
لو حيسيبنا شويه مسامحينو
عمرو ما كان له كلمه وعارفينو
روح يا روح الروح روح يا روح الروح
روح يا روح الروح وارتاح عند الحبايب
روح وارتاح عند الحبايب روحي

لو نويت


لو نويت تنسى اللي فات
واللي كان والذكريات
إنّو غيري خاد مكاني
إنّو قلبك مُش عشاني
ليه تجرّحني بكلامك
طب ما تهجر من سُكات

قالوا النّاس إنّك بايعني
ياما قالوا النّاس عليك
قلت شاري سيبه يبيعني
زاد كلامهم حُبّي إليك
بلاش تشمُّت غيري فيّا
بلاش تلومني علّي فات
ليه تجرّحني بكلامك
طب ما تهجر من سُكات

ليه بتستكتر عليّا
إني أعيش الذكريات
حرام عليك إرحم شويّا
كفايه تجريح اللآهات
بلاش تشمُّت غيري فيّا
بلاش تلومني علّي فات
ليه تجرّحني بكلامك
طب ما تهجر من سُكات

لو نويت تنسى اللي فات
واللي كان والذكريات
إنّو غيري خاد مكاني
إنّو قلبك مُش عشاني
ليه تجرّحني بكلامك
طب ما تهجر من سُكات