الموضوع: ديوان كلمات الأغاني .

نظرة الناس

لاهم لاشكوى ولا شئ أحاتيه
عندي تساوت نظرة الناس للناس
ماعاد لي شخص مع الناس برجيه
دام الخيانة بالبشر مالها قياس
ودعت ماضي ذكرياتي ولابيه
وصديت باب القلب عن كل هوجاس
وقت مضى ماعاد لي حاجة فيه
ماشفت فيه إلا المآسي والأتعاس
نفسي عزيزة وقدرها ماتوطيه
دايم لها في درب الأشواق مقياس
أبديت عذري والعذر واضح فيه
في بعض خلق الله غريبين الإحساس

الحبيبة

يالحبيبه مثلك أنا مرهون بالحيره
والهم وأشياء كثيـــــــــــــــره
لا تغرك حولي الدنيا الرحيبه
والله إني مثلك إنتي يالحبيبه
مو مهم إني أعاني مو مهم إنك تعاني
المهم إنك قريبــــــــــــــــــه

يوم غطى النور شانك يالمسى ذاك المسى
صارت الشوفه محال وحلم في وسط الخيال
قلت أبصبر لين يا عل وعسى
تهتف الفرحه تعال يسمح الحظ بوصال
آه كم حرف سقيته مدمعي كم من قصيد
آه ياني متعب ليلي معي وياهو عنيد
وجهتي باكر ولا ادري ليه باكر ما حضر
بالي مسافر وقلبي في تلاويع الصبر منتظر
أكيد بتنتهي الغيبـــــــــه
مو مهم إني أعاني مو مهم إنك تعاني
المهم إنك قريبـــــــــــــه

متعه الحب بعذابه لذه الشوق بغيابه
بهجت الدنيا بطاريه هلت بعينه سحابه
يابعد كل العذارى ما أتوارى الأمل ألمح نهاره
كل عشق لو تدارى السهاره لو حصل هدوا جداره
حالنا حال الكواكب في المدار ادور ما خبرت ان الليالي تستمر شهور
أكيد بتنتهي الغيبـــــــــه
مو مهم إني أعاني مو مهم إنك تعاني
المهم إنك قريبـــــــــــــه

ما بقالي
حبيبي يوم احبك مابقالي
من دروب الهوى كود التمني.
بقالي جرح في عمر الليالي
عذابه خيب أحلامي وظني
لقيتك في زمان ماطرالي.
دريت انه يبي منك ومني.
لثمتك بالغلا وأنسر حالي
بعد ما زاد شوقي وامتحني.
شريتك في هوى من كان غالي.
ونسيت جروح في قربك طوني
رفعت الصوت في حبك ولالي.
سوى قلب لك أشواقه تغني.

جمر الوداع

جتني تودعني بصمت وسكوت
يا وقت لا تمشي بسرعة وتفوت
أيدي بكت في إيدها نار وجمر
وعيني سكنت في عينها وقالت صبر
وأنا من الفرقة أحيا وأموت
إهيه وأنا ما بين صمت وانتظار
إهيه وأنا وكيف نبدي بالحوار
حبيبتي وش حالها قبل الرحيل حبيبتي
أشوف أنا بعيونها دمعة ورا دمعة تسيل
كلمتها طمنتها وعدتها أبقى لها
وراحت قبل ما أنهي الكلام
وراحت تخنقها عبرة في الزحام
وأنا من الفرقة أحيا وأموت
من بعيد عيني عليها من بعيد
ومن بعيد تومي بيديها من بعيد
تلتفت صوبي وأنا
أحتضن حزني وحزنها
وأتساءل ويا نفسي
كيف باصبر لحظة عنها
حارت الكلمات ما بين الشفاة
ما بقى بالجوف غير آه وآه
ناظرتني وادعتني
وأنا من الفرقة أحيا وأموت

يطري علية الوله
يطري عليه الوله وأطري على باله
يامرحبا لاضوى خلي على بابي

هجيت حدب الضلوع ونوخ جماله
لاجله بكت دمعتي ولأجله ضحك نابي
كل ما ضحك لي لمحت النور في آماله
والى تجهم سترت السقم بثيابي

كل ما شكى من عنى همه وغرباله
أقول لعل به جرحٍ من أسبابي
طال الحكي ما لقيت الوصل بوصاله
لاني حبيبه ولا هو أقرب اصحابي

ناديت دامك حزين وحالتي حاله
يكفيك همك وأنا بصبر على مابي
لو الشجر له نصيب فـ بارد ظلاله
ماحرق القيض جفني وأنت فـ أهدابي

يا اسري
يا اسري حبك شغلني عن الغير
ما يعجب عيوني ولو ناظرت له
عقبك طواني الهم وكثر التفاكير
واشواق قلبي غيركم ما هفت له

المشكلة من رمش عينك انا اغير
لو شفت غيري واحدٍ يلتفت له
متى يجي منه الخبر والتباشير
إنك تبي قربي وروحي انطرت له

لى شفت زولك مقبلٍ حرت بالسير
لولا الحيى رجلي سعت واركضت له
صورتك تفرق عن جميع التصاوير
والنفس غيرك لا حشى ماشفقت له

ظماي انت
ظماي انت
ومن يعشق ظماه غيري
جروحي انت
ومن يكره دواه غيري
اسقني لو ما ارتويت
داوني لو ما شكيت
ماهقيت اني اعطش
في حياتي لغيرك انت
مادريت ان مابه أغلى منك الا انت
يا ظماي انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك
ياللي يسبقني زماني
من عطش ليلي ونهاري
عطني موعد وانسى موعد
بس لا تهجر وتبعد
اسقني لو ما ارتويت
داوني لو ما شكيت
ماهقيت اني اعطش
في حياتي لغيرك انت
مادريت ان مابه أغلى منك الا انت
يا ظماي انت
يا ظما قلبي لقلبي
وغربة اعيوني عن عيوني
وينك انت
ياترى الليله في صدري
لا
في جفني
لا
في الشعور اللي خطفني
آه . لو تدري بشوقي
آه . .يا ظما الدنيا بعروقي

حتى النظر

من الهجر ياصاح شفت المضره
جرحي مثل جرحك له سنين ماطاب
حتى النظر مايفيد وان جاك عذره
حبه سطي في الجوف والوجد نهاب

زوله وسط عينه وقلبي مقره
لو غاب عني طيفه اليوم ماغاب
شوقي عذاب شوفتي له بحسره
ليته درى في قلب من حبه انصاب

عمري مضى مابين حلوه ومره
والعمر فاني والهوى كله اسباب
احبس دموعٍ زادة اليوم نثره
واكتم وداري دمعتك عند الاجناب

اصبر عسى الايام تبدي المسره
واللي مضى خله مع هم وعتاب
خل الأمل موجود بايدك مره
يقوله اللي طال جرحه من احباب

الا واعذابي

ألا واعذابي يا طول ليلي
أشكي ولا من يرد الجواب

ابي اشكي لجرحي لو طال شرحي
وينك يا فرحي اشوفك سراب
أيا حب غالي خذتك الليالي
من لي ولا لي ما غير العذاب
ألا واعذابي

تروح وتجيني ذكرى سنيني
وتسهر في عيني ولا ابدي عتاب
يا وقتي كفاني غدرني زماني
في صدري اماني جرحها الغياب
ألا واعذابي