الموضوع: ديوان كلمات الأغاني .

شفتك
شفتك قلبي رجف صبري ضعف
شفتك يا لهفه خاطري لوني تغير و انخطف
و الكلمه أنطقها و ترد حتى الكلام طعمه اختلف
و انا في صمتي اقول الله يا زين الصدف

حالتي ياحالتي عيت الخطوه تطوف
خاطري و لهفتي آمروني بالوقوف
حاولت اصبر واداري الشوق تحت رمشي
حاولت اصبر واصد عنك و انا امشي
قضيت الوقت في حيره و صمت
و انا في صمتي اقول الله يا زين الصدف

شوفتك يا منيتي صدفه رتبها الزمن
فرحتك وفرحتي ما تتقدر بثمن
انا تمنيت صدق حلمي ورجع كل شي
صدق من قال مسير الحي يشوف الحي
قضيت الوقت في حيره و صمت
و انا في صمتي اقول الله يا زين الصدف

ياليل الدجى

ياليل الدجى والصمت وين الامل والنور
وين الحجي والهمس اصبح ولا الاقي الشمس
ياخاطري المكسور الم
يا دربي المهجور وهم
نظرتي حزينه ارسمتها الأقدار
دمعتي سجينه في عيون الأسرار
نظرتي للدرب الطويل
خطوتي ترفض الرحيل
بس لازم اواصل رحلتي
لو الهم على قلبي ثقيل

آه يا زمن وين الطريج
وين الرفيج اللي ماله ثمن
بروح للنور ولا انتظر وابدي للشوق وضعي
انا مقهور وابي استمر وآخذ بثار دمعي
يا ليل الدجى والصمت

يا صمت الليالي يا صبري وحالي
جف الحبر ونشف انا ريجي صبر
يا صمت الليالي ياصبري وحالي
ذاب الفكر وبقيت انا وشوقي ننتظر
نظرة تجمعنا انا وانت وبس لا احد معنا
ياليل الدجى والصمت

من بعد غربة

من بعد غربه جيتك وكلي محبه
عجزت القى في عيون حنان
كل ما اشوفك صد ونسيان
من العيون اللي حبتني
ولا العيون اللي خانتني
من بعد غربه جيتك وكلي محبه

كيف القمر تحزن بليلة قمرها
وكيف العيون تنسى ليالي دهرها
ليتني ما جيتك ولا عن غربتي اقبلت
ما دريت ان ورى غربتي غربه
ما دريت فيها اماني الأحبه
من بعد غربه جيتك وكلي محبه

حسايف حسايف كلمة احبك قالتها الشفايف
قلبي تحسر على خل جحدني وقصر
الغربه مكاني وهذا زماني
لا هي اول جروحي ولا هي اخر جروحي
من العيون اللي حبتني ولا العيون اللي خانتني
من بعد غربه جيتك وكلي محبه

كل عام وجرحي بخير

مرت سنه على فراقك
على صوتك واشواقك
غريب كيف االزمن يرحل
واحلام العمر تذبل
سنه مرت وانا أول
حبيبٍ يوقد الشمعه
لجرحه في يوم ميلاده
هلا بالحب واعياده
وكل عامٍ وجرحي بخير
مشيت دروبنا خطاوي قلوبنا
ومريت الوعد وعدنا العام
ماكان الوعد ولا الأيام هي الايام
وما ادري ليه هالشارع نسوه الناس
ومتى هالمقعد الخالي يجوه الناس
حبيبي ليه فـ غيابك يغيبوا الناس
حبيبي ايه والله حبيبي ايه والله
نساني العمر لو انساه
نساني الفرح لو انساه
احبه ما ظهر نجم ونبت عشب وسرى براق
أحبه لا زمن يشقي جروحي لا جفا وفراق
أنا هذا الهوى كله وقلبي آخر العشاق

يا قدرة الله

ياقدرة الله ياخلقة الرحمن
شافت عيوني ملاك في شكل إنسان
حارت خطاي مذهول مسحور
كني أشوف مخلوق مخلوق من نور
ياقدرة الله ياقدرة الله

العيون آه من سحر العيون
جور وحنان خوف وأمان
تضحك وهي غرقا دموع
فيها تقل وهج الشموع
موج المشاعر بين الأهداب دوار
فيها ندا فيها مدا فيها عطا وأسرار
حارت خطاي مذهول مسحور
كني أشوف مخلوق مخلوق من نور
ياقدرة الله ياقدرة الله

لأول مرة في حياتي تحير الكلمة بشفاتي
من دهشي
يخون المعنى تعبيري
تشل الفرحة تفكيري
من لهفتي
لأول مرة اتهنا واقول كل اللي اتمنا
واعيش الفرحة في عمري واسلم للحبيب أمري
حارت خطاي مذهول مسحور
كني أشوف مخلوق مخلوق من نور
ياقدرة الله ياقدرة الله

ساعة الفرحة

يا ساعة الفرحة تشوقت للعيد
عيد العيون وعيد قلب الصبابة

ردي الجمال لشوفتك يااتلع الجيد
واسحب على حرفي لحون الربابة
حرفي بصوتك يأجمل الصوت تغريد
يارمز حبي هاك رمز الكتابة

ياصبح عمري فيك للعمر تجديد
حبك يجدد كل يوم شبابه
للعين والقمرا وحسنك مواعيد
ودليل الهوى شرع للأحباب بابه

ياما زعجت الصوت باسمك تراديد
وياما نسيم الوجد يمك سرى به
ياما تمنيتك على باقي الغيد
واقول مثلك ياغلا الروح مابه

ابيك تهوى مثل مأهواك وتزيد
يامن خفوق القلب حسنك غدا به
ياقطرة الغيمة على يابس البيد
رد الحياة لخافقي ياذهابه

قالت لي الليلة

قالت لي الليلة ترا ليلة سهر
والشعر مرفوع على هامة قمر
قالت أنا مشتاقة لك بالحيل
وأرخت على جيدها الليل وسلهمت
تسدل على سحر عيونها ظلال تبسمت
وشالت من على متنها الشال
وقالت لي الليلة ترا ليلة سهر

الليلة لعيونك أنا بكتب قصيدة
وباخلق في غرامك ولاجلك سوالف جديدة
وباصرخ بكل مافيني أحبــــك
وشوقي نظرة عيونك تزيده
وأناجي بروحي وجـــــــودك
وألاقي بوعودي وعــــــودك
وقالت لي الليلة ترا ليلة سهر

لو تحسبين الليالي اللي في حياتي انقضت
وحسبت عليه ليالي ومرت في عمري ومضت
ماتسوى عندي دقيقة ألقاك فيها بلهفتي
وأشوف خيالي حقيقة والمح في عينك فرحتي
ياهنا الروح.يانتي قلبي جـــــروح وأنتي
بلسم الجرح ودواه
فرحة العمر وهناه
وقالت لي الليلة ترا ليلة سهر

قربني منك

قربني منك ليه تبعدني عنك ليه
ليه المشاعر في حياتك غريبه
لا صار جرحي بالهوى اليوم فنك
انا دخيلك من يعذب حبيبه
عذبتني وياك من صغر سنك
عمري مضى مابين شك وريبه
ضاعت بين همك وظنك
والمشكله حبك في قلبي مصيبه
ان كان جرحي من غرامك ومنك
وش حيله اللي صار همك نصيبه
لو الليالي يم ليلي طوانك
غيرك انا يا غايتي وش ابي به

تصدق حبيبي

تصدق حبيبي تاخذني الأشواق
نصايف الليل ويمك توديني
تصدق حبيبي تجبرني الخطوه
غصبن على روحي صوبك تمشيني
المشكله اني لا سامع صوتك
ولا شايف زولك ولا بيننا ميعاد
من حر مافيني مره نص الليل
ولهان لك بالحيل والشوق لك وقاد
حبيبي حبيبي ليتك تشوف شلون
امشي الخطاوي بهون من همي وجروحي
تصدق حبيبي
لوتدري يا عمري كم بالخفا ناديت
من كثر ماعانيت والحيره بظنوني
والله ياعمري ماشفتني بهالحال
ويا الحزن رحال لون الحزن لوني
حبيبي حبيبي بعدك انا ماقوى
وانطالت الشكوى حبك سكن روحي