الموضوع: سالفة هلوسة هو والسفر

سالفة

أسمي ( مناحي ) هذه قصتي مع السفر وحب السفر من يوم ما كانت في الصف الأول الثانوي
وأنا أسمع أصحابي يقولون أنهم يسافرون لحالهم مع اًصحابهم وما أحد معاهم
من أهلهم>>> وأنا اللي عمري ما طبيت خارج السعودية لا لحالي ولا مع أهلي وكل ما اتجرأ
وأقول للوالد يوبا تكفى أبي أسافر مع أصحابي والله أنهم أصحاب زينين وما شاء الله
ولا فرض ما يتركونه في المسجد >>> وهم دشير ولا عمرهم ركعوها




تكفى يوبا مثلي مثلهم إلا يوم يجيني بيالة الشاهي اللي يشربها أبوي على راسي
ويوم بعقاله يمحط في لين ما يخليني ما أجيب سيرة السفر كبرت وكبرت
معي فكرة السفر لحالي تخرجت من الثانوية بتقدير عالي وأنا أقول لأبوي الله يخليك خلني
أسافر مع أصحابي وهو يقول لي سفره مع هذولا الدشير مافيه >>> وأنا أقول في نفسي الحمد لله يعني مع غيرهم في أمل




وأنا أقول يوبا أنا أبي أدرس في جامعة جدة وأنا كان ودي أدرس في
جامعة البترول والمعادن>> مرحباً بكم في المنامة لكن أبوي ذهين قال لي
أختار أي جامعة إلا جامعة البترول تبي تروح سردادي مردادي على البحرين
لا تحسبني ما أدري عن خنبقات الطلاب هناك جارنا أبو علي رد ولده وجابه
يكمل دراسته هنا بالرياض قلت أمري لله ما لي إلا أدرس في جامعة جدة قال ورى
ما تدرس في الجامعات اللي في الرياض قلت هاااا وقعت مفهي ما ادري
وش أقول له وما جاء على بالي إلا قسم علوم البحار وأنا اقول القسم اللي
أبيه ما يدرسونه في جامعة الرياض قال لي كيف الحين ما هي كلها جامعات وحدة
قلت إيه بس القسم مخصصينه للبحر وما هو موجود إلا في جدة والشرقية
وما عندنا بحر بالرياض علشان يفتحون قسم له قال إيه أجل توكل على الله ياولدي
وأقدم أوراقي هنا وانقبلت هناك . وأنا أقول فرصه أحذف لي ترم وأدشر مع أصحابي اللي أتعرف عليهم .




هناك دخلت القسم وانا أشوف هذاك الكوري اللي متشخص وطاق الشماغ والعقال
وأنا أقول والله جامعاتنا متطوره اللي يجون الكوريين يدرسون فيها وجا وقعد قربي
وأنا أأشر له بيدي وكم كلمة بالأنقليزي اللي طلعت فيهم من الثانوية ولا هذا
يتكلم عربي بس مختلف شوي عن لغوتنا وأنا أقول الأخ من كوريا
إلا هو يناظرني ويقول تخفف دمك ياحبيبي ليه شايف عيوني خط ولا يعني عيوني خط
ولا شايفني سواق عندك>>> هو من ناحية عيونه خط عيونه خط
وأنا أقول هذا من اللي يرجعون طرش بحر >> ( وجه خايف ويقول الكلام مو لك يامشرفنا طرش بحر )
أعتذرت منه وقلت ياشيخ أنا أمزح معك ما تعرف المزح أنا معاك أخوك ( مناحي )
من الرياض قال اش تقول مناحي اسم هادا ولا أسم ( حي ) >> وأنا اسكت وأنا أقول ياغريب خلك أديب أهلاً بالبدوي
وأقول وأنت وش اسمك قال اسمي ( مدحت ) وأنا أقول هلا اخوي ( منحل )
إلا هو يطير فيا نحله تقرصك بلا في شكلك أقول أسمي ( مدحت ) ما تسمع أنت
ومن هذاك اليوم وأنا وهو أصحاب اليوم الثاني جاء الجامعة بالبنطلون الجنز
والبذلة الكت ويجي ويقعد قربي وأنا أقول أهلاً أخوك مناحي من الرياض ممكن نتعرف
قال ياواد أنت ما عرفتني أنا ( مدحت ) وأنا أحسبه طالب جديد عندنا هلا هههههه
أمزح معك يا شيخ ولا هو بالثوب شق وهو لابس البنطلون شق ثاني تقول سواق من سواقين اندونيسيا.





قعدنا مع بعض طول فترة الدراسة وكل سنة يقص لي وش يسوى في اندونيسيا
يوم سافر مع أهله وأنا أقول كيف يفرقون بينكم يوم تروح هناك >> وهو يناضرني وده يعطيني بقس من القهر
وأنا أقول له ما تعرف المزح يا شيخ وأقول له طلبتك يا مدحت قال أبشر
وأنا أخوي ( فتو ) وأنا أقول وش اللي ( تفته ) قال أنت تراك بتعصبني منك تاني ( فتو )
أختي وأنا أقول والنعم فيك وفيها >>> وشكله سمع الكلمة هذه من مسلسل بدوي
قلت جات والله جابها أسمع أحنا الحين آخر سنة لنا في الجامعة وأبي أسافر
معك لأندونيسا وهو يقول أبشر وانا أقول والله سنايدي ما كملت كلمتي
إلا يقول بس شوف كل واحد يحاسب عن اللي يخصووو يعني لو بشوفك بتمووت
مالي شغل فيك >>> وأنا أقول الصديق قبل الطريق قلت له أبشر ما عليك
الجيب عمران والحمد لله قال لي مين هادا ( عمران ) اللي بتجيبوا معانا
وأنا أقول له عمران يعني مليان متعبي بالقريشات >> ما صرفت المكافاة اللي تجيني من الجامعة وخليتهم في حسابي
وما قصرت الوالدة عليّ كل شوي ترسل لي والحجه ما صرفوا للحين المكافأة




تخرجنا من الجامعة وقال لي ترى بابا عمل لنا حفله صغيره أنا وأنت
وتفضل عندنا وانا اقول في نفسي الحين تعزمني أربع سنين وجهي بوجهك
ما عزمتني إلا وأنا خلاص راد للرياض قلت يالله طيب أنها جات منه
ورحنا لفلتهم ودخلت البيت استقبلني أبوه طبعاً نفس النمونه والشكل
وأنا أقول هلا يا عم وش أخبارك وش لونك العيال طيبين وقال لي كلمتين هلا ياولدي
وبس مو مثل شيابنا يرد ويزيد وكيف حالك وش علومك ووو ويعيدها عليك
لين ما تصير مبرمج على الرد حتى لو سألك سؤال ثاني تلقاك على طول
الحمد لله طيب شخبارك طيب بس شفت شئ غريب ما شفت ولا بزر يوطوط
عندنا ولا يناقز اللي نشوفها عندنا وأنا أقول لمدحت أنت ما قلت لي
أنه عندك أخوان صغار وينهم ما أشوفهم قال ( ستي ) أخذتهم فوق علشان
لا يزعجون الضيوف >>> وانا أقول في نفسي تعال شوف البزارين عندنا.
الرجال طلع أجودي وسدح لنا هذاك المفطح اللي ما قعدنا عليه إلا 5 أنا
وهو وأبوه واثنين من اخوانه الكبار دقيت في النعمة بالخمس وهو كل واحد
جايب له صحن ياكل فيه لحاله أنا شفته قدامي قلت يمكن للحلا سويت أديب
واني فاهم اثنين من أخوانه قرفوا وقاموا عن الأكل وما بقينا إلا أنا وهو
وأبوه مستحي يقوم علشان أحنا في بيته. ودعتهم وطيارتي جاهز ما بقي لها
إلا 4 ساعات وأرجع للرياض. واتفقت أنا و ( مدحت ) أننا نسافر بعد 15 يوم
قال لي أسمع أنا أجي عندكم نفسي أروح أشوف الرياض كيف شكلها
قلت حيا الله من جاء بس تراني مو بساكن في الرياض العاصمة أنا ساكن
في ديره قريبه من الرياض وهو يقول لي أفاااا عليك بس وأنت رجيتني عربان وغربان
والكرم ومن الكلام هدا وأنا عشيتك >> ما يسوى عليّ العشا اللي سواه لي ذلني فيه
دحين لما جاء وقت الجد طلعت من جنمبها قلت أبد بس قريتي بعيده
عن الرياض ومو ساكن في الرياض وتبي الصراحه عمرهم ما شافوا
واحد مثلك من أهل البلد الطيبين و أنا أقعد أمدح فيه قال ياسلام
يعني في ( أسار ) وقلت له وش هي الاسار قال لي يا هو أربع سنين ما قدرت
تفهم كلامي ( آثار ) قلت ما عندنا آثار بس بيوت طين قديمه قلت تحمل اللي يجيك ولا تزعل




وصلت للرياض ورحت لديرتي سلمت على أبوي وأمي وأخواني و قابلت أصحابي
ولا هم مثل ما تركتهم في الأول الثانوي وأنا أقول لأبوي
شوف يا بابا دحين انا خلصت مرررره كل دراستي ولا تقول لي
اشكلوا وما اشكلوا >> متأثر للحين بلهجة أهل جدة وأبوي يناظرني ماهو عارف كلمة من اللي قلته
قال لي ياولدي أنت وش تقول وانا أفرر الموجه وأعدل التردد وقلت أبد
كنت اتكلم أنقليزي قال أبوي ما شاء الله ولدي ما شاء الله عليه يتكلم
مثل اللي يجون في التلفزيون قلت أسمع يوبا أنا أبي أسافر وما عندي دروس تمنعني
وأبي أسافر وترى صاحبي اللي من جدة جاي عندنا وتراه ما قصر معي لا هو ولا أهله
بالضيافة قال أبشر ياولدي دام خلصت دراستك أنا ما عندي مانع تروح أنت وصاحبك
بس كيف صاحبك قلت ينحط على يمناك وتراه ولد حلال .




جاء مدحت لمطار الرياض وأنا في استقباله واخذته للديره ودخلته الحاره
عندنا وعمنا متشخص وكاشخ بالشماغ ومسويه كوبرا ومبسوط من اللي يشوفه
بس ما شف شئ للحين ويستلمونه عيال الحارة من يوم ما دخلنا الحارة
وهم وراه الكوري المتشخص الكوري المتشخص وأنا أجري وأحذفهم بالحجار
وأطردهم لين ما دخلت البيت وقام الوالد يهلي ويحيي فيه ويا هلا ياولدي منحل
وأنا أأشار لبوي إلا يقول منخل >>> أبوي وريته صورته قبل ما يجي علشان لا يفضحنا يوم يجي
ومدحت وجهه منقلب وزعلان قال مالي شغل ابغى أروح جدة دحين وأنا أقول له
لا تفضحنا عند أبوي وهو مصر إلا يروح وأنا أقول له ترى عيب عندنا
ويمكن يطخك قلت أفجعه قال اش يعني يطخني قلت شايف البندق
قال وين لا شفت بندق ولا مكسرات وأنا اقول اسكت البندق اللي فوق
معلق قال ايوه البندوقيه قلت ايه لو ما قعت عندنا 3 أيام يطخك عيب عندنا وهو
يهون وحط الوالد لنا ذبيحنين مفطح للنجاح ومفطح للضيف وأنا أناظر فيه
أقول شفت الكرم شوي إلا ما نشوف إلا غبار جاي من الحوش
أثرهم أخواني صغيرهم وكبيرهم ومثل أسراب الجراد وهاتك تقطيع
وأخوي دحمي بغى ياكل صبع الرجال وشوي إلا ما يشوف إلا قاعاً صفصفاً الصحن
وما خلوا قطعة لحمه فيه .
انا صراحه خجلت من اللي شفته خلاص صرت ولد دلع جداوي




وانا اقول لأبوي ترى طيارتنا من غبشه بكره وأنا والرجال مجهزين كل شئ قال لي
بأمان الله ياولدي وأخيراً أنا ومدحت في الطياره ومدحت شكله شايل علينا من
هذاك اليوم وصلت الطيارة للمطار شوي إلا مدحت صار يراطن مثلهم أفااا يولد
تعرف تتكلم مثلهم قال أيوه كل سنه نقعد شهرين أنا وابويا وأخواني
والسنه هادي قلت أروح لوحدي المهم رحنا وانبسطنا وما خلينا مكان ما رحنا له
وأخوكم ذهين صارف كل فلوسي دولارات وحاطهم في شنطه في يدي
وين ما رحت وهي معي وقلت اسمع يامدحت نبي نشوف البنيات
اللي هنا كيف أشكالهم وهو يقول لي مصيبه أنت يا مناحي اسمع اليوم
الساعه 8 في المساء نروح محل جونان يهبل بالمررره وأخوكم يلبس ويتعطر
ونخرج ورحنا هناك بس قلت اسمع يا مدحت خليني لحالي اختار قال لي براحتك
واشوف هذيك الاندونيسية اللي تطرح الطير من السما وهي ما أحد عندها
وقفه لحالها وأنا أدرعم عليها وشويه انقليزي على كلمتين اندونيسي
علمني عليها مدحت وسواليف لا أنا فاهما ولا هي فاهمتني بس في شئ مشترك
بيننا يمكن الحب وتأشر لي تبي أكل وأنا اطلب لها أكل وشراب
وصرفت عليها هذيك الليله مبلغ مو قليل وهي لي تأشير لي أنها تروح للحمام
وأنا أشر لها روح وعيني عليها لا تروح تشرد بعد كل المصاريف وشوي
إلا أنا فاتح فمي ومفهي دخلت حمام الرجال وما دخلت حمام الحريم
وأنا أناظر مدحت وهو يضحك عليّ وأقول له وش فيك قال لي هدا رجال
اللي قاعد تصرف عليه من أول الليل وأنا أقول وش اللي تقوله قال هذا جنس ثالث وهو يضحك




وأطلع لغرفتي وأنا شاب ضو من القهر كل المصاريف هذه ويطلع ولد ومن القهر
حطيت راسي ورقت قمت الصبح وقومت مدحت واقول له خلنا نروح للبحر
على الاقل الواحد يشوف حريم قال لي طيب اسبقني وأنا اجي وراك
وطبعاً ما نسيت شنطه القريشات معي وكل يوم على هذا الحال لين قعدنا
أسبوعين ويتصل أبو مدحت تعال ( ستك ) مريضه جاني وقال
أنا رايح جده ( ستي ) >> يعني أم أمه مريضه ترجمه ميجا ستار
ولازم أروح أنا صرت خبرة وقلت خلاص ما عاد لمدحت عوزه قلت أنت كل سنة
تروح وتجي أنا خلني أقعد هنا لين ما تخلص قريشاتي مدحت على أول طياره على السعودية
وأنا قعدت وقضيتها لعب ووو كلام مشفر ويوم يقولون لي الفندق
لازم تسدد اللي عليك علشان نقفل الحسابات قلت أبشروا أفطر وأسدد
وياليتني سدد لهم أول وبعدين أفطرت




وأنا اطلب الفطور على البحر وقاعد أكل وعيوني أربع أربع على الخواجات
اللي هناك متسدحين إلا ما أشوف إلا الناس تجري وتمر من قربي وحدة
وهي تقول لي تسونامي وأنا أقول أطلعي معي الغرفة ونامي
واحسبها تبي تنام معي وهي تأشر على البحر وما أشوف غير هذيك الموجه
اللي ياكبرها وأنا أحط رجلي وجري ولا السباق وكلاً حاط رجله في شق
وأنا على الفندق وما لحقت الا الموجه جارتني معها وأنا على درج الفندق وامسك
في الحديد وبيديني ورجولي والموج يغطيني ويفك وأنا اتشهد
وما ألقى إلا يد واحد يسحبني ويتلني على متونه أثره اللي على الشاطئ ينقذ
ودخلني الفندق وما جاء الفندق شئ لأنه مرتفع وتنفس اصطناعي لين
ما فوقوني أول شئ سويته أحط يدي على جنوبي
إلا ما في حزام الفلوس اللي معي وحتى السروال راحوا مع الماء
وأنا أقول ياويلي ويلاه رحت فيها يا مناحي ويسترون عليا أهل الفندق
بشورت وألبسه ودروا أني ما عندي فلوس وقريشاتي كلها راحت مع الموج
وأنا أقول لهم صبروا عليّ شوي أكلم أبوي يرسل لي فلوس إلا مدير الفندق
مخرجني يورني الخراب اللي صار ومافي عامود قايم في ماكنه ولا تلفونات
ولاشئ يعني البنية التحتيه كلها راحت والفندق عايش على المولدات الخاصه له فقط
يعني ولا بعد 6 شهور ما يرجع الهاتف و ياخذوني أما تدفع أو تشتغل عندنا
في الفندق تغسل صحون وقلت أمري لله وقعت أغسل في الصحون




الخواجات جاتهم طيارات خاصة كل واحد شال ربعه وطبعاً ربعنا ما أحد درى عنك
قعدت أغسل في الصحون شهر وشهرين تعلمت لغوتهم وصرت
أتكلم وأخذ وأعطي مثلهم >>> ما ينلامون الهنود يوم يتعلمون العربي بسرعه
وما أخذت دولار واحد ويعطوني تالي الليل أكلهم الماصخ رز بسكر ونارجين
وأنا أكله وأقول حسبي الله وهذه جزات اللي ما يسمع كلام الوالدين
جات الجمعيات الخيرية والمعونات من كل الدول وما لقوا فندق سالم من الكارثه
إلا اللي اشتغل فيه واستقروا فيه . شوي رقوني في الفندق قالوا بنخليك
جرسون تخدم على الحاضرين في الفندق قلت لهم أبداً أنا هنا مستور لا أحد يشوفني
ولا أشوف أحد قال لي الطباخ اللي معي روح ترى فيها زياده وبخشيش وتقدر
تسدد ديونك بسرعه غير البخشيش>> وأنا أقول هذه آخر أيام يامناحي تدور البخشيش
اللي يكون مصروف جيب لك وأنت ما عندك ولا دولار قلت والله أنك جبتها
وجلست أخدم عليهم وفي يوم جات جمعية الحفاظ على النسل ومدري وشوا ثاني
مدري من وين هي وأنا أخدم عليهم صاروا كلهم يناظرون
في المنطقة في نصف جسمي من قدام ويتهامسون مع بعض




أنا قلت أعذوا بالله من شرهم وهم يعطوني بخشيش 100 دولار وأنا أقول
لا يكونون من جنس اللي قابلتهم في المطعم ثاني ليله لي ويبغون وأنا أقول
اعوذ بالله منكم وأروح للمطبخ ويلحقني واحد منهم وأقول ما تقلب وجهك
أنت وخشتك اللي تسد النفس وقد يراطن كلام ما عرفته قام الطباخ
يترجم لي يقول هذا الرجال عرف أنك من السعودية ويبي يرجعك هناك معزز مكرم
قال لي الطباخ هو يقصد أنك تتبرع مثل ما تتبرع بالدم
بس هذه المره بالحيوانات قلت فهمت اسكت>> في بنات في المنتدى
وش يبي فيهم قال تعرف اندونيسيا خليط شعوب ومنهم عرب ويبي ياخذون منك
ويحطونها في البنوك بعد الموت الكثير اللي صار يعني مثل بنوك الدم
قلت بس هذا حرام أنت مو مسلم قال هذولا جمعية أجنبية والدولة معاهم
ومأيدتهم وأنت اعتبر أنك (خنبقت لك كذا ولا كذا)>>من كثر ما عيالنا راحوا اندونيسيا حتى الاندونيسين عرفوا كلمه خنبقه
وروح لأهلك قلت قول له خلني أفكر قال طيب وتواعدنا الصبح وانا منسدح في المطبخ
وأبليس يوسوس طول الليل في راسي واحسبها يمين يسار قلت فرج وجاني أرده
وأنا من صباح الله خير وأنا أقابله في بهو الفندق وأقول له أنا موافق
شوي إلا المعاملة لي في الفندق كلها تغيرت وانحجز لي سويت وقلت له
ما ابي لا سويت ولا غيره خلص شغلك وخلني امشي قال لي لا اصبر لين
ما ترجع عافيتك وما غير قاعد يأكلني انواع الفسفور سمك على قمبري
حتى اخطبوط أكلني وعلى هذا الحال اسبوع وجاء وقت التبرع قلت له
لا ياحبيبي أول شئ التذكر ومؤكد بتاريخ اليوم وعلى الخطوط الأمارتية
أحسن من السعودية ودرجة أولى ومصروف جيب ويروحون يقصون التذكرة
ومصروف جيب 500 دولار وأتبرع ولهم>> بما تدفق وما ردني إلا المطار
وأطلع الطيارة وانا أشوف مصدق مكذب وأول ما دخلت السعودية وأنا احب
على تراب السعودية بعد غياب 5 أشهر رجعت لبيتنا وأدخل الحاره
وما أشوف إلا بزارين الحاره كل واحد يحط رجله يوم يشوفني والعيال
جني مناحي جني مناحي وأدخل بيتنا إلا الوالده في وجهي وهي تخم الحوش
وأول ما شافتني يغشي عليها وش فيك أنا مناحي حي ما مت عرفت بعدين
أنهم سوي لي عزاء وقالوا لهم في السفارة انه من المفقودين وطبعاً ما أحد
كلف خاطره من السفارة يجي يسأل مو مثل الانقليز والأمريكان والخواجات
اللي جات لهم طياره واللي قارب وطبعاً سعودي ما عندك أحد .
قلت لهم السالفه كلها إلا السالفة الأخيرة ما تنقال الوالد والوالدة والأخوان
والاهل فرحوا وكل يوم معزوم عند أحد




تمر الأيام وتجي الأيام واتزوج ويكبرون عيالي وربي يفتح عليّ
ومر على السالفة أكثر من عشرين سنه إلا حرمتي والبنات ليش ما تجيب لنا سواق
احسن أخواني كلاً واحد ومعاه سيارة وما أحد يوصلنا قلت أبشروا وأقدم على
فيزه سائق ويروح ولدي الكبير ويجيبه من المطار دخل ولدي عليّ وأنا أقول له
ياولد وش فيك مفهي ما جاء السواق قال لي إلا جاء بس في شئ وش فيه قال
تعال شوفه بنفسك وأقوم معه للغرفة حقته وشوي إلا بيغمى علي وولدي قربي
يمسكني ولاني كأني واقف قدام مرايه نسخة طبق الأصل مني في صغري
والبلى فرحان بنفسي حاط لي صورة وأنا شباب ياكبرها في الصاله
وأنا أقعد مفهي مو عارف وش اسوي الشكل أنا واللسان اندونيسي
وأنا ترجع بي الذاكرة لعشرين سنه وينطق لساني بالكلام الاندونيسي
واقول له وش اسمك وهو يراطن ويقول لي سوسو وأنا انتبه لنفسي قدام ولدي
أقول سبحان الله يخلق من الشبه 40>>> تصريفه للموضوع
وانا اقول في نفسي غلطة 20 سنة خلتني أدفع ثمنها هذا اللي اشوفه قدامي
وهو نطفه وأنا متبرع لهم بأكل اسبوع فسفور يعني اندونيسا ثانيه
ومن قرادة حظي من دون سكان الرياض كلهم يطح في كبدي
ومن دون سكان اندونيسيا المكتب ما يجب لي إلا هو . السائق طلع ذهين راح اليوم
الثاني على السفارة واشتكاني وقال هذا ابوي لانه داري كل شئ من أمه
أن ابوه يطلع سعودي لأنه سألها ليش هو مو أفطس مثلهم بس ما قالت له أنه تبرع
لا قالت تزوجني وهج للسعودية السفارة اشتكت على الخارجية أنه لازم مناحي
يعترف بولده اللي تركه في بطن أمه وشرد من اندونيسيا يوم كانوا متزوجين
جاني استدعاء من وزارة الخارجية وكان موجود واحد من السفارة ويسألني أنت
رحت لأندونيسا قبل قلت طال عمرك ولا عمري عتبت بابها إلا مندوب السفارة
يطلع برنت وفيه ميعاد دخولي وخروجي من اندونيسا وأنا أفتح فمي .
قلت هذا مو ولدي قال لي مندوب الخارجية ياشيخ وجهه كله أنت ويشبهك
قال على العموم أحنا نسوي لكم أختبار حامض Dna نعرف فيها إذا كان هو ولدك
ولا مو ولدك استحيت اقول له أني تبرعت معقوله يصدقني>> وأنا أقول في نفسي لو كان أخذتوني مثل الخواجات كان ما صار اللي صار الحين
ويسون لي الاختبار ويطلع متطابق بنسبة 100% ويقولون الزم ولدك وخاف الله فيه
وحرام اللي تسويه فيه زوجتي بعد كل العشره طلبت الطلاق وعيالي طحت من عينهم
وانا أقول لهم خلكم مكانكم أنا طالع وأروح أدور لي بيت في جدة لا أحد يعرفي فيه ولا أعرفه
وأضيفه مجبور لعيالي وأطلع له بطاقة وغيرت اسمه من (سوسو) إلى ( مدحت )



استناء ردودكم على الموضوع

بمناسبة رمضان حبيت اهدي هلوسة هدا الموضوع

---

shgtm ig,sm i, ,hgstv