الموضوع: السحر والسحره هدموا حياتي فهل من حل . ؟

السحر, ؟؟؟؟؟؟؟

[align=center]
[align=center]السلام عليكم ورحمة الله وبركاته[/align]

يوم لا انساه كان من افضل ايام حياتي وتقدرون تقولون كان اخر يوم فرح وسعاده في حياتي !!!
يومها تقدم ابن خالتي عمار لخطبتي فرحت كثير وهذه اللحظه الي كنت اتمناها وانتظرها من زمان وأخيراً قربت وصارت والحمدلله .
ولكن ارى الكثيرين من حولي رافض الفكره من الأساس والكثير يعاتبوني ويحاولون يغيرون وجهة نظري في الموضوع !!
لكن انا مصره على الموافقه وعلى هذا الزوج بالذات الي يقولي هو متزوج ايش لك به وانتي لسا صغيره ؟
والي يقولي زوجته ماهي سهله ترى توريك الويل لا ترمين نفسك في الهلاك ؟
وانا مصره على رأيي وموافقه ولا بذني ماي كنت ازعل من اي أحد من اخواتي او اخواني اذا حاولوا يغيرون رأيي !!
لأني ذيك اللحظه ما اشوف الا نفسي وانا عروس ولابسه الطرحه والفستان الأبيض وواقفه جنب عمار حبيبي الي طول عمري ما تمنيت زوج غيره يكون لي في حياتي كلها على رغم السلبيات الي في حياته انه متزوج وعنده اطفال لكن حبي له خلاني ما اشوف اي شي من هذا كله كل الأوضاع عندي عاديه جداً ولا فيها اي خلل .
ولكن بدأت التعاسة من هذه النقطه الي ماكنت حاسبه لها اي حساب واعترف اني كنت متهوره لحظتها ولا كان عقلي براسي كل ما كان همي اني اوصل لنقطة الي كنت احلم اني اوصلها من زمن طويل وهي الزواج من عمار رغم فارق السن بيني وبينه .
يومها اتصلت علي زوجة عمار استغربت الوضع لما قالت لي اختي تعالي زوجة الحبيب متصله عليك الظاهر تبي تخطبك شخصياً !!!
كانت اختي تخاطبني بهزل لكني تركتها وصلت مسرعه للهاتف ابغى اعرف ايش تبغى متصله هذه
زهور : آلو
زوجة عمار : آلو
زهور : هلا بيك كيفك يا أم ياسر .
زوجة عمار : كيفي وانتي خليتي فيها الكيف عدل ولا مرتاح >>>> "بنبرة حاده وصراخ شديد" .
زوجة عمار : تاخذين الرجال من زوجته واطفاله وتقولين لي بكل هزل كيفك صحيح قليلة ذوق .
زهور : رجاءً لاتتلفظين وخليني محترمتك .
زوجة عمار : بعد تطاولين .
زهور : وليش ما اطاول شكانت حضرتك والله زوجك هو الي جاني مو انا الي جيته وخطبته هو يحبني ويبغاني وانا ابغاه واحبه بعد .
زوجة عمار : لا وبعد تقولينها يحبك صحيح ان اهلك ما ربوك عدل ولا كانت ثمنتي كلامك قبل لاتقولينه .
زهور : والله هذه الصراحه عجبك ولا كيفك روحي سأليه ليش بيتزوج عليك ولا اقولك راجعي نفسك شوفي ايش ناقصك وخلاه يتزوج عليك .>>>>> "بأستهزاء "
زوجة عمار : انا الي ناقصني شي اقول لا تخليني اسمعك كلام لايعجبك ولا يعجب اهلك .
زهور : شوفي لا تهدديني انا الحين مو فاضيه لك لا تشغلين نفسك بي انا اجهز لزواج يعني ماراح اعطيك اهميه فلا تتعبين حالك .
زوجة عمار : شوفي هم كلمتين ورد غطاهم ارفضي الزواج احسن لك .
زهور : ماني رافضه يعني ايش بتسوين .
زوجة عمار : والله اذا ما رفضتي الزواج هذا صدقيني لا اخليك تتأسفين طول حياتك .
زهور : انتي تهدديني الي عندك سويه والزواج بيتم غصباً عنك .
زوجة عمار : يعني انتي مصره على العناد .
زهور : اي مصره .
زوجة عمار : شوفي اخر كلام بقوله لك و اعتبريه تهديد وانذار في نفس الوقت !!!
والله ان تم هذا الزواج ماراح اخليك تتهنين لا مع عمار ولا مع غيره اخليك تتمنين الزوج وما تلاقينه طول حياتك .
زهور : روحي بس ولا تهدديني الي ما تواصلينه بإيدك واصليه برجلينك .
زوجة عمار : يعني هذا اخر كلام عندك .
زهور : اي اخر كلام ويلا سكري التلفون بس وتوكلي .
زوجة عمار : زين ان ما خليتك تبكين طول عمرك دم ماني ام ياسر .
وسكرنا الهاتف وانا ولا كأني سمعت منها شي كان كل تفكيري ان كلامها كله من حرقتها على زواج زوجها عليها .



سأأتيكم لاحقاً بقلمي لأكمل القصة .
أنتظروني . [/align]
وان شاء الله اشوف تفاعل منكم كي اكمل قصتي .

---

hgspv ,hgspvi i]l,h pdhjd tig lk pg > ?