الموضوع: لكن تبي درب العناد. صادفت في راسي العنيد

\


\


\





[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من العصر الأول مانقاد=لا والله الا إحنا نسيد
لو جيت بالطيبة تفاد=تامر وأنا أعطيك المفيد
لكن تبي درب العناد=صادفت في راسي العنيد
مآكل من يمسك زناد= دايم بطلــقاته يصــيد
وإلا أنت ياخس العباد =منزلك من دون العبيد
مثلك إذا جات الشداد=تتحول أصخوره عصيد
ارجع لوعيك والرشاد=وهذب الفاضك نشيد
ترى الأدب مثل العماد=يحمي كلامك مايميد
علمت من سن المهاد=من اللهب ذاب الجليد
وأنت بخانات الآحاد=وحدك ولا عندك عضيد
فضلت عنك الابتعاد=تبقى مع أطباعك وحيد
إما اقبل الرأي السداد=ترجع عزيز وتستفيد
وإلا ابشر بعيشة نكاد=تجرعك كاس الصديد
هذي الخلاصة والمراد=والله يفعل مـــايريد
دام الغلط في ازدياد=ماعــاد بصبر للــمزيد
خذ العلم مني وكاد=ماهمـني مهــما تكيد
بحثي على وجهك رماد=وقول تخسى يالبعيد[/poem]
بقلمي

ع@م@ المثيبي

13\11\1429هـ