الموضوع: المبدع فيصل اليامي

المبدع, الخالي, فيصل

السلام عليكم ورحمه الله وبركاته

عاد الله يعينكم اليووم مزاجي رايق للقصائد هاذي مجموعه من أورع قصائد فيصل اليامي يالبي قلبه <بس لايكثر خخخخ
ان شاء الله تعجبكم


لعيـــــونك

لعيونك اللي علمت قلبـي الطيـش
والبسمه اللي نـورت لـي مكانـي

ورموشك اللي كنها للعـدو جيـش
اني لأخلي الليل لـه شكـل ثانـي

دامك وصلتي والحكي صار بشويش
وشلون انا ماأقول شعـر وأغانـي

طفل المشاعر بيننـا علـه يعيـش
يلقى له ام ٍ تحرسـه واب حانـي

وشللي دخل بالنوم ووسادة الريـش
ما دام حضنك ضمنـي واحتوانـي

طيفك يشاركني على لقمـة العيـش
ان ما لقيتـه ف المحانـي لقانـي

والعاذل اللي قال لي قلت له ايـش
رح رح ترى مالك لـوى ياأنانـي

تبغاني انساها وانـا احبهـا ليـش
من جدك انساها وأضيـع زمانـي

.,.,.,.,.,.,.,.,.,.,.,.,.,.,.,.

باين عليك

باين عليك اليـوم زعـلان منـي
حبيب قلبي قلي اشفيـك زعـلان

لا يكون احد جاك وحكى شي عني
غلطـان لوصدقـت والله غلطـان

مفروض ماتسمح لأحـد يتهمنـي
تعرف غلاك وتعرف القلب ماخان

انا من اول يـوم شفتـك وكنـي
غريب لا قاله وطن بين الاوطـان

لاينشغـل بالـك حبيبـي لأنــي
ولهان بغيابك واذا جيـت ولهـان

لو اخسر العالـم ابفـرح واغنـي
رابح انا بحبك ولو كنت خسـران

انت الوحيد اللـي بحبـه شغلنـي
عجزت توفيك القصايد والألحـان

ماأشوف انا غيرك حبـك سكنـي
ما كن ف الدنيا ابد غيرك انسـان
,.,.,.,.,.,.,.,.,.,.,.,.,.,.,.,.

اغسل يدينك

لك عيـن تتكلـم بعـد ما تسببـت
بجروحي وتسأل بعد ويش سويـت

اخطيت في حقي ولا كنك اذنبـت
اللي يشوفك ما يقول انـك اخطيـت

انا احسب ان عقلك تعافى وقد طبت
اثرك على نفس العقل مـا تعافيـت

ياثقـل دم اليـوم ليسمي السبـت
وياثقل دمك كل ما اصبحت وامسيت

انت اتحرى جيتي كـل مـا غبـت
وانا اتحرى غيبتك كـل مـا جيـت

اذنبت فـي عرفـك ولكننـي تبـت
الله يسامـح زلتـي يـوم زلـيـت

الصدر يتفجر بعـد حالـة الكبـت
انا اشهد ان صدري تفجـر ومليـت

اغسل يدينك اني اجيك لـو شبـت
معروف عني دام صديـت صدي
.,.,.,.,.,.,.,.,.,.,.,.,.,.,.,.,.

مادرت

مـا درت عـن حبهـا ياليتهـا تــدري
ليتهـا ياليتـهـا لــو قــدرت مــره

ان قلبي من كثر شوقـي مـلا صـدري
وان صدري من كبر قلبـي نفـذ صبـره

من ( صباح الخير ) لين الشمس ما تسري
ومن ( مساء الخير ) لين نصير في بكـره

والغلا في داخلـي مثـل النهـر يجـري
ليتهـا تـدري بغلاهـا داخلـي شكـثـره

هي تحسب اني طلبت الشهـره بشعـري
والله ان حبـي لهـا نسـانـي الشـهـره

من يقول ان الشعر بيزيـد مـن قـدري
بس انا شعـري لهـا بيزيـد مـن قـدره

ليتغزلـت بحلاهـا يصطفـق بـحـري
والقصيد يروق لي في عجـزه و صـدره

وان بديت الوصف دوم اختار في امـري
م الجبين او م العيون او أ وصـف الغـره

والخدود اللـي مـن الله لونهـا زهـري
وفمها مـن زود زينـه زاد فـي صغـره

مشيهـا لـو هـو فتنـي والله بـعـذري
قدهـا الميـاس يشبـه ميـلـة الـزهـره

كل شي فيهـا مـن الله خلقتـه مغـري
وقلبهـا خيـره يغطـي دايـمـاُ شــره

العطرهـو يشتريهـا لـو نـوت تشـري
وردة ٍ والـورد دايـم يعـرف بعـطـره

هي هواي وهي بعد لي قلبـي وعمـري
وابتسامـة خاطـري لـو خانـت العبـره

ليتها تدري عن اللي يدور فـي صـدري
وليتهـا تـدري بغلاهـا داخلـي شكثـره
.,.,.,.,.,.,.,.,.,.,.,.,.,.,.,.,.,.,.,.,

الكبر لله

الكبـر لله ودوم ابـن آدم صغـيـر
مهما تعلى مكانـه يرجـع لأصلـه

من طين ربي خلقنـا كيـف نتغيـر
دام الخطايـا تـزود طيننـا بـلـه

انسان مخلوق دايـم طبعـه يحيـر
تتبع خطاويه تلقـى شغلتـه شغلـه

احيان تلقى ضميره صاحي وخيـر
واحيان من قسوته مايعترف ب أهله

ياأبن آدم احذر زمانك دامك مخيـر
لو ترجع احسن مدامك ب أول الزله

سهله تخون الغرايـز قلبـك النيـر
لكن عقلك يوافق مـا هـي بسهلـه
.,.,.,.,.,.,.,.,.,.,.,.,.,.,.,.,.,.
الغيمــــة

الغيمـه اللـي تهـل بطيبـه ورقــه
ماهـي تـدور علـى منهـو يخايلهـا

والجرح ماله دوى علـى الاقـل وقـه
لا تشرح ايـة مسائـل وانـت تجهلهـا

ثوبـك اذا ضايقـك ياصاحبـي شقـه
لا تحـد نفسـك علـى نـاس اتثاقلهـا

( غازي القصيبي ) عطى حريته (شقه)
عطها مثل مـا عطاهـا ليـش تهملهـا

وقتك غدر بك وكـان بمنتهـى الدقـه
واقبل زمانك علـى الناقـص وكملهـا

والصاحب لصاحبه ياخـذ معـه حقـه
ومانـي بناسـي همومـك دوم شايلهـا

كل ما لمحت العبايـر تسرقـك سرقـه
احـس مالـي بـذا الدنيـا ولا هلهـا

ويصيح ( صدري ) ينادي ( كفي ) اتدقه
ابشر وانا محزمـك ياخـوي وازهلهـا
.,.,.,.,.,.,.,.,.,.,.,.,.,.,.,.,.,.,.,.,.
فيصل اليامي

هلا بعمري هلا بروحـي هـلا باللـي تذوبنـي
هلا بمن عطرهـا يملـى علـي دنيـاي وايامـي

هـلا باللـي اذا نـادت اجيهـا بلهفـه وكـنـي
وصلت لآخـر الدنيـا طويـت الارض بأقدامـي

اجي ب احساس وانسى الناس اجي مرتاح ومتهني
ابي تروينـي ب ايديهـا لأنـي بدونهـا ضامـي

اجي عطشان اجي ولهـان كأنـي كنـت مستنـي
تناديني واجيها بشـوق احسـه داخـل عظامـي

هي اطيب قلب واجهته ومـا قـد خيبـت ضنـي
هي اجمل وجه قابلته وهي اكبـر مـن احلامـي

تقول اني ( احب انسان )وتقـول ب انـي وانـي
وانا ليمـن بـدت تمـدح ادور اقـرب اقلامـي

لأني لو عجـزت اكتـب غلاهـا وقربهـا منـي
اجل وش فايدة شعري اذا مـا يوصـف الهامـي

صدوقه وان نوت تكذب تقول ارجـوك سامحنـي
"تحس ان الكذب حاجـه عظيمـه شـي اجرامـي

بريئـه فـي سوالفهـا تسولـف عنهـا وعـنـي
تذكرني بكـل موقـف جمعنـا وصـار قدامـي

حنونـه صوتهـا دافـي لهـا نبـره تدوخـنـي
بنبرتها يجي اسمي ما كنـه ( فيصـل اليامـي )
.,.,.,.,.,.,.,.,.,.,.,.,.,.,.,.,.,.,.,.,.,.,.
القسوط الحاله

لاابتدى ليل الطرب والدندنات لحونه
وانشغل كلٍ مع المطرب وعود ٍ شالّّه

وقامت الجادل تثني عودهـا بليونـه
واستمرت في جرائتها ولاهي ذالّـه

قمت افكر في صديق ٍ غارق ٍ بطعونه
شايل ٍ سيف الكفاح وخابر انه سالّـه

وماذبح قلب المكافح غير كثر ديونـه
والآجار المنتهي غير القسوط الحالّه

لو جمع كل الحلال وماوراه ودونـه
والكلام اللي شبع مـن زود ماينقالّـه

كان لاطروّا الوظايف ماتغيـر لونـه
وكان مارجع شريط ٍ فات قد هو مالّه

وقـام يتذكـر مشاهـد شافهابعيونـه
ذكرياته بالدراسـه والسنيـن الزالّـه

وكيف كان اللي بجنبه لازم يمشونـه
ويكتبون الحل عنه حتى لو هو حالّه

ضيعوا مستقبله واستبشروا بحزونـه
نشفوا له ريقه اللي كـان تـوه بالّـه

رسبوه ونجحوا غيره وكانوا عونـه
زمرة ٍ ماتعرف الرحمن زمره ضالّه

ماقضوا له حاجة ٍ في خاطره مكنونه
واقطعوا دربه مع انه كان درب ٍ دالّه

فوق هذا ماتغيـر منهجـه وظنونـه
كل ماضاقت عليه يقول خير انشالـله
.,.,.,.,.,.,.,.,.,.,.,.,.,.,.,.,.,.,.
الأطلال

على الاطلال لا تبكي كفى تبكي على الاطلال
تناسـى الهـم ياقلبـي كفانـا غربلـه وهمـوم

تعال احسب معي الايام وكم ليله بليـا وصـال
"خلاص الماضي ما يرجع ترى حنا عيال اليـوم

هذاك اول نعيش بحـب ونتهنـى براحـة بـال
هذاك اول قبل نكبر وتصبح ف العلـوم علـوم

ياقلبي هـذي الدنيـا ودايـم تنقلـب الاحـوال
ترى ماني الوحيد اللي بصدري ضيقه ومكتـوم

انا ادري ان الزمن ظالم ولا يحسب عنا الرجال
واعرف الحظ ليمن طاح يبيله وقت ليـن يقـوم

وذي قسمتنا ياقلبي تصبر عالحـزن لـو طـال
امر مكتوب ومقـدر وكيـف نغيـر المقسـوم

مهو ذنبـي ولاذنبـك نعـاف الحلـم والامـال
مدام ان السهر فارض علينا مـا نـذوق النـوم

ياقلبي تعبت عيوني وهـي تنظريميـن شمـال
ادور للامـل لكـن لقيـت ان الامـل معـدوم

ياقلبي لا المطر جانـا ولا حتـى بعـد همـال
ما غير تحوفنا الغيمـه تمنينـا المطـر وتحـوم

انا احب البحر واعرف هدير المـوج واليامـال
ولكني معا هـذا احـس انـي مااطيـق العـوم

اعيش بفقري وراضـي ولا ودي يجينـي مـاللاني
لولقيت المال وجيت اشري عجزت آسـوم

ياقلبي مر في سمعي كثير مُن الحكـم وامثـال
ولكن ما لقيت اصدق من اللي قال بكـره يـوم

تعال نعيـش دنيانـا ونتعـود علـى ذا الحـال
ويمكن شمسنا تشرق وتصبح ف العلـوم علـوم

وربي شاعر مبدع بجد
تحياتي لكم

---

hglf]u tdwg hgdhld