الموضوع: فارس أحلامي قصة رومانسيه جريئة

الجزء الثامن عشر



صحت مشاعل بدري يمكن الفرحه خلتها ماتقدر تطول بالنوم ,,, وكانها تنتظر الدقايق والثواني وتحسها سنوات
مشاعل في نفسها" يالله متى راح اسافر متى"
نزلت بالصاله ونادت الخدامه ع شان تصلح لها فطور
سمعت صوت التلفون ,, كان اتصال خارجي,,,, قامت ترد
مشاعل: الو
: السلام عليكم
مشاعل: عليكم السلام
: لو سمحتي الاخ سعود موجود؟
مشاعل ماعجبها صوت الي متصل واسلوبه: نايم ,, دق ع موبايله
: مايرد ,, اختي ابيه ضروري ممكن تصحيه
مشاعل خافت من نبره صوته:انا اخته ممكن اعرف ايش فيه لانه نايم ومقدر اصحيه
مشاعل طاح منها التلفون واغمى عليها بعد ماسمعت الي قال لها المتصل
00000000000000000000000000000000000000000000000000 00000
فهده وعبدالمجيد كانوا في السياره راجعين من السفر,, وكان عادل اخو عبدالمجيد هو الي اخذتهم من المطار
عادل : هاه كيف ماليزيا انشالله حلوه
عبدالمجيد: والله مره حلوه ولو ان الجو حر فيها
عادل: اشوفكم طولتوا قلت اكيد الولد صار ماليزي وغير جنسيته هههههههههههههه
عبدالمجيد: ههههههههههه ايه عاد الماليزيين نفس الوجه ,,, كان ما افرق بين وجهي وجه فهده ,, اصحى الصبح
اطالع فهده احسبها انا واقف قدام المرايه ههههههههههه
فهده وعادل: ههههههههههههههههههه
عبدالمجيد: اقول كيف امي وابوي
عادل: الحمدلله امي راح تجن تبي تجي معاي على المطار
عبدالمجيد: الله يطول بعمرها
كانوا متجهين لبيت اهل عبدالمجيد لانهم راح يسكوا عندهم
بعد ماسلموا على اهل عبدالمجيد نزلوا شناطهم
فهده: اقول عبدالمجيد ابي اسلم على امي
عبدالمجيد: انشالله الحين خلينا ننام ونرتاح وانشالله اوديك
00000000000000000000000000000000000000000000000000 00000
تذكرت مشاعل المكالمه الي ردت عليها اليوم الصباح كانت من شركه ابوها وكان الموظف متصل يبلغهم ان ابوها بالمستشفى,,, وتذكرت لما اغمى عليها ,,, ولما صحت على صوت الخدامه الي تحاول تفوقها من الاغماء ,,, وتذكرت صياح ام مشعل بالسياره وهم في طريقهم للمستشفى
كانت في حاله ذهول ,, مو مصدقه ان ابوها بالمستشفى ,,, كان مثل الكابوس بالنسبه لها وتنتظر الي يصحيها منه
صحت من افكارها لما سمعت اخوها سعود يكلم الدكتور ,, عرفت ان اكيد الدكتور انتهى من العمليه
كانت تتجه لمكان الصوت
الدكتور: والله يا اخ سعود مدري ايش اقول لك ولكن انت ايمانك بالله قوي ,,, وهذا حال الدنيا ,, وكلنا ماشين بنفس الطريق
سعود بخوف: دكتور ايش تبي تقول بالضبط؟
الدكتور: سعود حاولنا بكل جهدنا اننا ننقذه ولكن اراده الله اقوى ,,, اطلب لابوك الرحمه
مشاعل : لااااااااااااااااااااااااااااااااااااااااااااااااا ااااااااااااااااااااااااااااااا
صحت ماتدري كم صار لها مغمى عليها,, حاولت تتكلم لكن حست بتعب قوي بكل جسمها ,,, بكت بصوت مسموع تبي احد يجي يقول لها انك تحلمي ,, وان ابوك موجود,,, بس للاسف الكل كان حزين ويبكي ,,, وكل شخص يتمنى انه يحلم وان هذا كابوس مزعج راح ينتهي
سمعت صوت جنبها
ساره: حبيبتي هدي نفسك ,,, كل شي مكتوب لنا قبل نطلع للدنيا
مشاعل بكت من قلب: ساره الحقيني بابا راح وخلاني ,,, قولي له يرجع حرام عليه يخليني لوحدي ,,, ساره بليز قول لي اني احلم ,,, صح كل الي صار كذب؟ صح ان بابا عايش؟
ساره بكت على حال مشاعل: مشاعل حبيبتي انتي مو وحدك انا معاك واهلك ماراح يخلوك,, مشاعل ادعي له بالرحمه ,, صدقيني لا البكاء راح ينفعه ,, ولا الحزن ,, ماراح ينفعه الا الدعاء
مشاعل تصارخ : لااااااااااااااا,,, انتي كذابه بابا ما مات مستحيل يموت ويخليني لوحدي,, عارف ان امي تركتني ومستحيل هو يتركني بعد ,,, اطلعي برا انتي كذابه كذااااااااابه
ساره تبكي: هدي نفسك يامشاعل,, الله يخليك لاتسوي بنفسك كذا
مشاعل تصارخ : ادري انكم تكذبوا وين وديتوا بابا وينه ,,,ادري انكم تبوني اصير وحيده ,, بابااااااااااااا ,, باباااااااااااااا
دخلت الممرضه تعطيها ابره مهدئه ,, وناااااااااامت
00000000000000000000000000000000000000000000000000 00000
اما مشعل الي انفجع بهالخبر تعب يدور حجز مالقى الا اليوم الثاني الساعه 6 الليل
00000000000000000000000000000000000000000000000000 00000
سعود بحزن : راح نصلي عليه بكره الضهر انشالله
ابو تركي ((عم مشاعل)) : عظم الله اجرك
سعود: اجرنا واجرك
ابو تركي: ,,, الله يرحمه ويغفر له ,, شد حيلك ياولدي
((سعود حاول يكون قوي عند عمه بس ماقدر بكى غصب عنه))
00000000000000000000000000000000000000000000000000 00000
ام مشعل كانت في حاله حزن مستحيل نتخيلها ,,, حبيب عمرها وزوجها مات ,, تذكرت امس لما كان يحاول يهديها بعد مارجعت من زواج مشعل ,, وشلون كان حنون معاها
اما ام سلطان كانت حزينه بس مو كثر حزن ام مشعل ,,, كانت شايله هم عيالها الي راح يتيتمو
00000000000000000000000000000000000000000000000000 00000
الهنوف تعبت تتصل على سعود والي مارد عليها من الصباح كانت خايفه عليه ماتدري ايش صار,,, واخيرا رد عليها
الهنوف : هلا حبيبي وينك قلقت عليك
سعود كان يبكي
الهنوف ماتت من الخوف: سعود حبيبي الله يخليك طيحت قلبي ليش تبكي ,, ايش صاير؟
سعود ماجاوب عليها وظل يبكي
الهنوف انهارت وبكت معاه: سعود تكفى والله راح انجن ,, ايش صاير فيك شي سعود تكلم
سعود يحاول يتكلم: هنوف بابا ((ورجع يبكي))
الهنوف: ايش فيه تعبان سعود تكلم ايش صار لابوك
سعود: مااااااااااااااااات
الهنوف سكتت يمكن ثلاث دقايق بس تسمع صوت بكى سعود,, وكانت مصدومه امس كان بالزواج مافيه شي ,, ايش صار ,, ماكانت تعرف شلون تعزي سعود
الهنوف: عظم الله اجرك
سعود رجع يبكي
الهنوف: سعود وينك راح اجيك
سعود: لا انا في المستشفى, اختي مشاعل تعبت بعد ماعرفت وماما حالتها صعبه ,, وعماني كلهم بالمستشفى
00000000000000000000000000000000000000000000000000 00000
في بيت ام فهده
فهده: ماما مره وحشتيني
ام فهده: ايه مره ,, لو انتس مشتاقه لي كان زرتيني قبل خالتس
فهده: يمه ايش اسوي اول شي احنا ساكنين عندهم,, وبعدين صعبه اقول لعبد المجيد ودني لاهلي وهو توه ماشاف اهله
ام فهده : يالخبله ,,, صيطري على رجلتس قبل مايصيطر عليتس
فهده : يمه الله يهديك ايش يصيطر علي واصيطر عليه احنا في حرب؟
ام فهده: خليتس يالخبله وراه ,, همن تقولين امي ماقالت ,, وتالي يطلقتس وتجين عندي واحلمي احدن يخطبتس مرتن ثانيه والله ان تمشطينها شيبه
فهده: يمه المفروض تعينيني على طاعه زوجي ,, مو تحرضيني عليه
ام فهده: اقول بس ايش جبتي لي هديه من ذا الديره الي رحتي لها ,, والا انشالله جايتني ويدتس فاضيه
فهده ابتسمت لامها: وانا اقدر ,, جبت لك ياماما نفس الي جبت لخالتي ,,, مو انتي تقولي اي شي تشتريه لخالتك اشرتي لك مثله
ام فهده: ايه بالله قلته , والله لايحللتس ان شريتي لها شي ولا شريتي لي
فهده: اوكي ماما انا جبت لك بكيني يجنن
ام فهده: وش كبينه ذا ؟
فهده: ههههههههههههه ماما بكيني مو كبينه ,,, ((وقربت من اذن امها تشرح لها البكيني الي جابته لها ))
ام فهده قبصت فهده قبصه خلتها تعلم ع يدها: وجعن يمحاتس محي يالبازعه ,, انا تجيبين لي هالخلاقين ,,, هاتيه بحطها خرقه نمسح بها المطبخ
فهده ماتت ضحك ع امها: ههههههههههههههههههه لا ماما امزح معاك
وفتحت الكيس وطلعت منها عقد ذهب متواضع ع قد حاله عبدالمجيد الماديه البسيطه
ام فهده: وووووووووووع الله يغربلتس ,, ماجبتي لي الا هالصغير ,, اكيد خالتس جايبين لها هالعقد الزين
فهده : والله يمه ان عقدك وعقد خالتي بنفس السعر((فهده في نفسها : من متى يمه يعجبك شي))
00000000000000000000000000000000000000000000000000 00000
مشاعل صحت لما حست بيد تمسح على شعرها
مشاعل في نفسها" اكيد هذي ساره,,, انا غلطت عليها ,, بس ماني قادره اصدق ان ابوي مات مستحيل"
ورجعت تبكي ,, وسكتت لما حست بالشخص الي كانت تتوقعه ساره,, قرب منها وحست بانفاسه قريبه منها وانصدمت لما باسها على جبينها وطلع
حست انها كانت تتوهم من اثر الابره المهدئه الي عطتها الممرضه,, وحاولت ما تشغل بالها بالتفكير
00000000000000000000000000000000000000000000000000 000000
كان اليوم الثاني لموت ابو مشاعل وصلوا عليه الضهر ,,, ودفنوه ,,, وصار العزاء في بيت ام مشعل لانها الكبيره ,, وكل الناس جو يعزو ,,, كان ابو مشاعل محبوب,,, حتى خالاتها الي ساكنين بجده والي ماتشوفهم الا نادر جو يعزوا
اما ساره صاحبتها ماخلتها من اول مات ابوها فيه
00000000000000000000000000000000000000000000000000 0000
وبعد اسبوع على موت ابو مشاعل
مشاعل كانت تعبانه من الكلمات الي تسمعها عظم الله اجرك واحسن الله عزاكم و و
كانت تبي تجلس لوحدها تبي تبكي وتبكي وتبكي لحد ماتشفى جروحها الي صارت اكبر من انها تتحملها ,,, مشكله بعد مشكله
اما ساره اثبتت لها انها صديقه وفيه ومخلصه ,, حتى بندر الي ماترك اخوانها من اول يوم مات فيه ابوها وكان في 3 ايام العزاء
يحظر كل يوم وكان يحاول يخفف على اخوانها باي طريقه,, وكان يرسل لهم الغداء والعشاء كل يوم ,,,
مشاعل اعجبت بشهامه هالولد ,, الي وقف معاهم وقفه رجال ,,, حتى ام ساره كانت تجي كل يوم من العصر وماتطلع الا 10 بالليل
اما فهده فكانت تجي وتزيد هموم مشاعل بدون ماتقصد والى ماعندها الى هالكلمه الي تعبت مشاعل من كثر ماتسمعها من فهده
فهده وهي تبكي: ياعيني عليك يامشاعل صرتي يتيمه لا ام ولا اب ,,, ايش هالمشاكل الي تجيك وراء بعض ((وترجع تبكي))
مشاعل تدري انها تقول هالكلام ببراءه وماتدري بهالكلام شلون يأثر على مشاعل
00000000000000000000000000000000000000000000000000 00000
مشاعل كانت في غرفتها تستعد للنوم,, لما دق موبايلها,,, وبما ان مشاعل ماتقدر تشوف الارقام
ابتكرت لها ساره طريقه سهله تقدر من خلالها مشاعل تعرف الرقم الي يدق عليها
وكانت طريقه ساره هي انها تخزن كل رقم عند مشاعل بنغمه مسجله بصوت مشاعل يعني لما تدق مها تكون النغمه بصوت مشاعل والي تقول فيها مها
وبهالطريقه يسهل ع مشاعل انها تعرف مين الي يتصل,,, وحتى يسهل عليها تدق ع الي تبي مجرد انها تذكر الاسم والموبايل اتوماتيكي يدق
استغربت مشاعل مين الي يدق عليها لان الرقم اكيد غريب لان موبايلها كان يدق عادي
مشاعل: الو
بندر: السلام عليكم
مشاعل: عليكم السلام,, مين معاي
بندر: معك بندر ,, مشغوله يامشاعل؟
مشاعل استغربت اتصال بندر و خافت ع ساره : لا انا مو مسغوله ,, بس فيه شي ؟ ساره فيها شي؟
بندر: لا ساره بخير ,,, انا اسف اذا ازعجتك ,, بس حبيت اتطمن عليك
مشاعل انحرجت : تسلم
بندر: مشاعل الضروف ماكانت تسمح اني اعزيك ,,, جد مدري ايش اقول لك ,, بس الكلمات ماتعبر لك عن حزني على الي صار
مشاعل حاولت تكتم عبرتها الي خنقتها : تسلم
بندر حاول يرطب الجو: للحين تسلم ماغيرتي؟
مشاعل ماقدرت تمسك نفسها وبكت تذكرت ابوها ,, الي مانسته ولا دقيقه
بندر: خلاص مشاعل انا اسف ,, الله يخليك لاتبكي علشان خاطري
حاولت تسكت ماقدرت
بندر: طيب علشان خاطر ساره ,, مشاعل الله يخليك انا داق اخفف عليك مو اضايقك
مشاعل حاولت تمسك نفسها ,, حست انه عيب تبكي وهو معاها ع الخط ,,, لان مابينهم شي
مشاعل بصوت مخنوق: شكرا يابندر ع كل شي سويته لي ولاخواني ,, شكرا ع وقفتك معانا انت وساره وخالتي
بندر: لاتشكريني ,, هذا واجبي,, واذا ماوقفت معاكم مين راح يوقف معاكم
مشاعل: تسلم
وضحكت غصب عنها لما قالت تسلم
بندر يبتسم: تصدقين صرت احب كلمه تسلم لانها خلتك تضحكي
مشاعل: جد بندر اشكرك من كل قلبي
بندر: لاتشكرني انا ماسويت شي
مشاعل سكتت تنتظره يقفل,, وشكل بندر فهمها
بندر: اوكي مشاعل اخليك الحين ترتاحي ,,, بس توعديني انك ماتبكي
مشاعل: انشالله
مشاعل ارتاحت شوي من بعد مكالمه بندر ,, فيه الخير واقف معاهم ,,, وحتى مانام قبل يتطمن عليها
00000000000000000000000000000000000000000000000000 00000
وبعد شهر من موت ابو مشاعل
في بيت مشاعل
ساره: ميشو حبيبتي الدراسه باقي عليها اقل من شهر ايش رايك تحذفي الترم هذا لما ربك يحلها
مشاعل: وليش احذف الترم وانا ماراح ادرس خلاص
ساره : ليش انشالله ماراح تدرسي اذا قصدك على شان نظرك ,, انتي انشالله راح تسوي العمليه , وراح تنجح انشالله
مشاعل : ساره انتي عارفه ان ابوي الله يرحمه كان حاجز لي عند الدكتور علشان العمليه بس بعد مامات كيف راح اسويها ,, صدقيني الحين مايهمني ,,, اغلى انسان مات ,, ليش اسويها؟
ساره: الله يرحم ابوك يامشاعل ماقلت شي ,, بس هو لو انه عايش مارضى انك تتركي نفسك كذا
مشاعل: سارونه فيه حاجه ماقلت لك عليها تخص ابوي وتخصنا
ساره :ايش هي
مشاعل: انتي عارفه ان ابوي توفى بسبب نوبه قلبيه
ساره: ايه الله يرحمه
مشاعل: كان سببها الفلوس
ساره مستغربه: الفلوس
مشاعل: ايه ,, بابا كان حاط كل فلوسنا بالاسهم,, ولما نزلت الاسهم مثل مانتي عارفه خسر اكثر من 90 بالميه من فلوسه,,, وبابا ماقدر يتحمل ,,, خاصه ان الشركه كان عليها ديون كبيره وكان معتمد على الله ثم على الفلوس الي راح يكسبها من الاسهم ,,, والحين بعد ماتوفى بابا اخواني مشعل وسعود,, يحاولوا انهم يغطوا الديون والخساير ,,, حتى الفلوس الي نملكها ماتكفي تسدد الديون كلها ,, تبيني اجي واقول لاخواني اني ابي اسوي عمليه
ساره: الله يعينكم ,, طيب ميشو تذكري الدكتور الي يعرفه بندر ,, خليني اساله يمكن يكون هنا,, خليه على الاقل يشوفك
مشاعل: لو سمحتي انا مابي اتعب بندر معاي ولا ابي اتعب اي شخص ثاني معاي ,, انا راضيه باللي ربي كتب لي
ساره: ميشو لاتصيري عنيده
مشاعل: لو سمحتي ساره قفلي ع الموضوع,, اما بالنسبه للجامعه انا ماراح احذف الترم هذا لاني ببساطه راح اترك الجامعه
ساره تعبت من مشاعل ونزلوا تحت عند ام مشعل ولي من بعد ما مات ابو مشعل وهي حزينه
ام مشعل: حبيبتي مشاعل خلي الخدامه تسوي لك شي تاكليه انتي وساره
((من بعد ماكان عندهم خدامات ,, اكتفوا بخدامه وحده علشان يوفروا شوي ,, ويقدروا يسددوا الديون))
مشاعل: اوكي ياخالتي انا مستعده اكل بس بشرط
ام مشعل: ايش هو؟
مشاعل: انك تاكلي معانا
ام مشعل: والله ياحبيبتي مااشتهي,, كلوا انتم بالعافيه
مشاعل :اوكي خالتي انا ميته جوع بس ماراح اكل لما تاكلي
ساره :يله خالتي حتى انا ميته جوع,,,, لاتحرمينا من الاكل ,, كلي معانا
مشاعل: ايه انا ماتنفتح نفسي ع الاكل الي وانتي تاكلي معاي
ساره: وانا يعني مافتح نفسك؟
مشاعل: لا انتي المقبلات ,, بس خالتي الوجبه الرئيسيه
ساره وام مشعل: ههههههههههههههههه
كانت ام مشعل نادر ماتضحك ,, مو قادره تنسى الي صار
اما ساره فهي سوت معجزه لانها ماسافرت هالصيف علشان توقف مع صاحبتها مشاعل
00000000000000000000000000000000000000000000000000 00000
ام عبدالمجيد: اقول فهده ايش في وجهك اصفر ,,, حالتك مو عاجبتني هاليومين
فهده: والله ياخالتي مدري ايش فيني لي اسبوع حاسه اني تعبانه ,,, واحس معدتي ثقيله كاني ماكله خروف
ام عبدالمجيد: هههههههههه خروف عاد,, اقول فهده رحتي للدكتور؟
فهده: لا ياخالتي ,, انشالله خير,,, شويه تعب وانشالله راح اطيب
ام عبدالمجيد: اليوم انشالله راح اوديك انا وعبدالمجيد
دخل عبدالمجيد
عبدالمجيد: لايمه انا ماراح اوديها لاي مكان خليها تنطق بالبيت
ام عبدالمجيد استغربت هجوم ولدها ع فهده: سلم اول,, وبعدين عيب عليك ذي حرمتك
فهده لما دخل عبدالمجيد كشرت((مدت بوزها)) وطلعت فوق
عبدالمجيد: شفتي يمه ايش تسوي من اول ماتشوفني تطلع فوق ,, ومستحيل تجلس جنبي,, حتى النوم يمه تنام لوحدها ,, تقول مابي انام جنبك
ام عبدالمجيد استغربت: ليش ياوليدي انت مزعلها , مالكم الا شهرين معقوله لحقتوا تزعلوا
عبدالمجيد ببراءه: والله يمه مازعلتها بس هي تقول اني كرهتك وماعاد اطيقك,, وريحتك تقرفني ,,, يمه بذمتك عمرك شميتي فيني ريحه شينه
ام عبدالمجيد ماتت ضحك: ايه ياوليدي احيانا تجي ريحتك عرق هههههههههههه
عبدالمجيد : حرام عليك يمه توني شاري دهن عود ب3000 كله علشانها ,, وللحين تقول ريحتك شينه
ام عبدالمجيد فرحت: يالخبل هذا الوحم
عبدالمجيد: الوحم؟
ام عبدالمجيد: اكيد ان فهده حامل , علشان كذا هي كارهتك,, لان بعض الحريم وحمها يكون كايد ,,, وبعضهم تكره رجلها
عبدالمجيد فرح: الله يبشرك بالخير يمه ,, ترى جتني حساسيه من كثر مافرك جسمي بالليفه,,, صرت امشي واشم ,, الي يشوفني يقول هذا يشم هروين
ام عبدالمجيد: خلنا اليوم نوديها نتاكد
عبدالمجيد: والله يمه لو طلع كلامك صدق وان ولي العهد بيشرف ,, والله لاشتري لك حلاوه
ام عبدالمجيد: حلاوه بعينك ,, المفروض تقول هذي امي اشتري لها ذهب مو حلاوه
عبدالمجيد: يمه انا اقصد حلاوه الي تسموها شمع علشان تدلعي عند ابوي وتلبسي قصير
ام عبدالمجيد صار وجهها احمر وحطت يدها ع فمها تحفي ابتسامتها: ياوليدي كبرت ع هالحركات
عبدالمجيد: الا انتي كل الحركات ياحركه انتي
00000000000000000000000000000000000000000000000000 00000
كانت الساعه 10 بالليل
وكان مشعل وزوجته نجود وام مشعل ومشاعل جالسين بالصاله
مشعل: هاه نجود نمشي ؟
نجود: بكيفك
ام مشعل: لاخلكم عندنا شوي,, تونا 10
مشاعل: ايه مشعل خلك مامليت من سوالف نجود
نجود: انشالله كل يوم عندكم والا مليتوا منا؟
ام مشعل: لا والله ماملينا ,, ياليتكم تسكنوا عندنا منها تملون علينا البيت من بعد الغالي
سكتوا ,, وكانت لحظه صمت الكل كان يتذكر فيها ابو مشعل وحسه بالبيت
حاول مشعل يقطع الصمت: مشاعل مشالله على بندر اخو صديقتك ماقصر معانا جد عيال ناس ,, ماطلعوا الا بوقت الشده
مشاعل: ايه يامشعل تصدق ساره كنسلت سفرتها لايطاليا علشاني
ام مشاعل: ايه والله انهم عيال ناس ومتربين,,, حتى بندر ماشالله عليه ماتركنا بايام العزاء ابد,,, عيال عمكم جو يوم وقطعوا ,, والغريب هو الي واقف معانا
00000000000000000000000000000000000000000000000000 00000
بندر : سارونه حبيبتي لسى راجعه من ميشو؟
ساره: ايه الحين وصلت
بندر: طمنيني عليها كيفها؟
ساره: اسكت البنت هذي رافعه ضغطي
بندر: ليش؟
ساره: تقهر مو راضيه تسوي العمليه,, اقول الدكتور الي قلت لي عليه موجود هنا ؟
بندر: لا بس اقدر اشوف متى يقدر يشوفها,, ليش اخيرا وافقت؟
ساره: لا بس راح اغصبها مو ع كيفها
بندر: طيب خلي الموضوع علي وانشالله اقدر اقنعها
ساره تطالع بندر بتفحص: ليش انت تكلمها
بندر ارتبك : لا والله,, بس راح اكلمها علشان اقنعها
ساره : وانت من وين جبت رقمها؟
بندر: نسيتي انتي عطيتيني رقمها لما دقيت اعزيها بابوها
ساره تتذكر: ايه صح نسيت,, بس ماقلت لي كيف راح تقنعها؟
بندر: راح اكلمها واقنعها تسافر تتعالج عنده
ساره : بس بندر ميشو ماتقدر تسافر
بندر بان عليه الاهتمام: ليش ايش فيها؟
ساره حكت لبندر عن احوالهم الماديه ,, وكيف تدهورت ,,, وخوفهم من المستقبل ,, هل راح يقدروا يغطوا الخساره والديون والا حيخسروا الي وراهم والي قدامهم ومع كذا ماراح يقدروا يسددوا كل الديون
بندر يفكر : طيب سارونه اتركي الموضوع علي
بندر ترك ساره ودخل غرفته
00000000000000000000000000000000000000000000000000 00000
مشعل وزوجته كانوا راجعين بيتهم
نجود : حبيبي ودي اقول لك شي بس خايفه تزعل او تفهمني غلط
مشعل : قولي ياقلبي,, وماراح ازعل عليك,, اصلا مااقدر
نجود : مشعل انت عارف الاوضاع الماليه الحين لاهلك ,,, وماظن بيضرنا لو ساعدناهم شوي
مشعل: بس يانجود من وين اجيب ,, انا كل فلوسي سددت بها جزء كبير من الديون,, حتى سعود الفلوس الي كان بيتزوج بها اشترك معاي فيها في تسديد ديون الشركه
نجود: ادري ياقلبي اننا مانملك الا الشي البسيط الي نقدر نعيش به,, بس عندنا شي نقدر نوفر به فلوس لنا ,, ونقدر نساعد به اهلك
مشعل مستغرب من نجود: وايش هالشي؟
نجود: بيتنا,, مشعل قبل تقول اي شي ,, احنا لسى متزوجين وبيتنا كبير علينا ,, وبيت اهلك ماشالله كبير,, ليش مانسكن عندهم ,, وبسعر البيت نحاول نساعد اهلك ,, يامشعل هذولا اهلك ,, ولازم نوقف معاهم ,, وبعدين ماعندي مشكله اعيش باي مكان اذا انت معاي
مشعل كان معجب بعقل نجود وبحكمتها ,, بس اليوم كبرت بعينه كثير وحس انه اول مره يشوفها
مشعل: نجود انا مادري ايش الشي الحلو الي سويته بحياتي علشان ربي يرزقني زوجه مثلك,,, انتي ملاك
نجود استحت: يعني موافق
مشعل: بس يانجود هذا بيتك ومــ
قاطعته نجود : البيت الي اكون انا معاك فيه هو بيتي ,, وبعدين لي الشرف اني اسكن مع خالتي ,, وع الاقل اونسها شوي
00000000000000000000000000000000000000000000000000 00000
مشاعل كانت جالسه مع ام مشعل بالصاله بعد ماطلع من عندهم مشعل وزوجته
ام مشعل: ياحبي لها نجود طيبه والله اني حبيتها من اول ماشفتها
مشاعل: ايه يمه انا الي خاطبتها لمشعل اكيد راح تعجبك
ام مشعل: لا والله لانه مره سنعه مو لانك خاطبتها
مشاعل تبي تغير جو النكد الي ام مشعل عايشه فيه من بعد موت زوجها: يعني تنكرون فضلي
ام مشعل: الفضل لله مو لك ههههههههههههه
مشاعل: طيب ياخالتي
دخلت عليهم ام سلطان مثل البركان
ام سلطان: وين عيالك ابي عيالك
ام مشعل خافت وقامت: بسم الله ايش صاير؟
مشاعل خافت من صوت ام سلطان الي مايبشر بالخير: خالتي ايش فيك؟
ام سلطان: انا ابي عيالك وين مشعلوه ,, وين سعودوه
مشاعل: احترمي نفسك اخواني مو اسمائهم سعودوه ومشعلوه,, تكلمي زين والا اطلعي برا
ام سلطان دخلت البيت وبدت تصارخ: سعووووووووووووود ,, اطلع انا عارفه ان هنا
ام مشعل: انتي جايه تتهجمي علي ببيتي
ام سلطان: تحسبوني غبيه وراح تلعبو علي,, انا الحين ابي حق عيالي
ام مشعل ومشاعل انصدموا
مشاعل:اي حق الي تتكلمي عنه؟
ام سلطان: الورث,,, قالوا ايش عيالك الشركه خسرانه,, انا مايمشي علي هالكلام,, لما كان ابومشعل عايش ماكانت الشركه خسرانه
والحين خسرت بعد موته,, اسمعوا الحركات هذي مو علي,, ابي حقي وحق عيالي
مشاعل انقهرت من وقاحتها ابوها ماصار له شهر ميت وهذي جايه تبي فلوس: اطلعي برا واذا تبي فلوسك روحي طالبي بها بالمحاكم ,, اما اخواني انشالله ماراح نقصر معاهم
ام سلطان: والله مااخليكم والله لاسحبكم بالمحاكم
مشاعل: الي ماتطوليه بيدك وصليه برجلك ,, برااااااااااااا
طلعت ام سلطان معصبه
ام مشعل انهارت من القهر لان زوجها ماله شهر ميت وهي جايه تطالب بفلوسه
00000000000000000000000000000000000000000000000000 0000
ساره طالعت موبايلها ,,, لقت رقم حسين يدق عليها للمره الالف,, ذبحها من كثر الاتصالات ,و خافت ترد تخيب ظن اخوها فيها,, يكفي انه وثق فيها ,,, لو واحد مكانه اقل شي كان حبسها ,,, لكن طلع متفهم ورجع يثق فيها ومستحيل تخيب ظنه
اما منال ووليد وماجد ولا واحد رجع يدق عليها,, طبعا اكيد كل واحد لاهي بمشكلته,, ولاحتى فكروا فيها
دقت ساره ع مشاعل
ساره: ميشو ودي اقول لك شي بس مستحيه
مشاعل: قولي ياقلبي؟
ساره: بصراحه حسين صار له اكثر من شهر يدق كل يوم ,,, وبصراحه انا خايفه بندر يشوف الرقم ويشك فيني
مشاعل: طيب تعالي عندي بكره ودقي لي عليه وانا راح اكلمه واقول له مايزعجك
ساره: بس اخاف احرجك يامشاعل
مشاعل: لا عادي انا ودي ادق عليه الحين بس تعرفي ماقدر اخزن الرقم ولا اكتبه ,, هو اكيد يدق يدورني
ساره: ايه تعبت من كثر ماارد عليه ,, ودايما يسال عنك
اتفقوا ع ان ساره تجي عند مشاعل بكره وتدق ع حسين ,, سمعت مشاعل صوت خط جاها ,, ماكانت تدري مين ,,, ولما قفلت من ساره ,,, سمعت الموبايل رجع يدق ,, دليل ع ان الرقم غريب يعني مو اي وحده من صاحباتها لانه لو كان وحده من صاحباتها كان سمعت الاسم
ردت ع الرقم
مشاعل: الو
بندر: هلا ميشو ((انحرج لانه قال ميشو ))<-- متعود عند ساره يسميها ميشو
مشاعل على طول عرفت صوت بندر و مره استحت لان قال لها ميشو
مشاعل: اهلين
بندر: كيفك
مشاعل: الحمدلله كويسه
بندر: غريبه
مشاعل : ايش الي غريب
بندر: ماقلتي تسلم
مشاعل: هههههههههههههه
بندر: عموما انا بخير
مشاعل: ماقلتلك كيفك
بندر: يعني قلت ماتبعك لو كنتي راح تسالي
مشاعل: ههههههههههه طيب كيفك؟
بندر: ههههههههه,, اوه يعني لازم اجاوب مره ثانيه ,, توني جاوبت
مشاعل رجعت للرسميه: هلا بندر كيف الوالده والوالد
بندر: كلهم تمام الحمدلله , ,بس غريبه ماسالتي عن ساره؟
مشاعل:ببساطه لاني توني مقفله منها ههههههههههههه
بندر : اها ,,, ياليتني ساره
مشاعل استغربت وقاحته خير مايعرفها يقول هالكلام:
بندر: مشاعل انا اسفه ,, اظن اني تماديت شوي
مشاعل: .
بندر: مشاعل ودي اكلمك في موضوع
مشاعل: تفضل
بندر: يعني احتمال الموضوع يطول شوي ,, فاضيه
مشاعل: ايه
بندر: اسمعي ارجوك لاتقاطعيني, خليني اكمل للنهايه بعدين عطيني رايك
مشاعل :انشالله
بندر: مشاعل انا كلمت واحد بالمستشفى على موضوعك
مشاعل: بندر لو سمحت الموضوع هذا انتهى
بندر: مشاعل انتي وعدتيني انك ماتقطاعيني,, بعدين انتي ايش راح يضرك اسمعيني للنهايه واذا ماعجبك كلامي قفلي ,, اتفقنا
مشاعل :اوكي
بندر : مشاعل انا سمحت لنفسي اني اخذ نتيجه تحاليك من المستشفى الي كنتي فيه قبل,, والاشعه ,, وتقرير الدكتور عن حالتك وعرضتها ع الدكتور الي قالت لك ساره عنه,, واستغرب الدكتور مره انك للحين ماسويتي العمليه ,, وخاصه انها سهله وانشالله نتيجتها مضمونه ,, واستغرب ان الدكتور الي بالمستشفى ماسواها لك ,, لانه ع كلامه ماتحتاج دكتور خبير
المهم يامشاعل انا حددت معاه موعد علشان يكشف عليك
مشاعل: يابندر انا جد مااقــ
قاطعها بندر: ادري ايش راح تقولي ان اوضاعكم صعبه هاليومين ,, بس لاتخافي علاجك كله وسفرتك والمرافق الي راح يكون معاك كلها ع حساب المستشفى
مشاعل مستغربه: اي مستشفى
بندر: لاتخافي ماراح ادفع شي من جيبي,, انا كلمت واحد مسئول كبير بالمستشفى ,,, وجبت امر ملكي انك تتعالجي ع حساب المستشفى ,, ولاتخافي ماراح تحرجي اهلك باي شي لان سفرتك كلها ع حساب المستشفى من تذاكر وسكن واكل وشرب وعمليه ولو تبي استجمام بعد
مشاعل تفاجاءت من كلام بندر ,,, معقوله فيه امل لها ,, خافت تفرح يصير شي يخرب فرحتها
مشاعل: مدري ايش اقول لك
بندر: انا مابيك تقولي شي كل الي ابيه ,, انك تقفلي الحين وتفكري كويس,, وبعدها ابيك تستخيري ,, وبكره راح اتصل فيك واسمع انشالله موافقتك
مشاعل: والله مدري شلون اشكرك ع الي تسويه يابندر جد احرجتني
بندر: انا ماسويت هالشي ع شان تنحرجي او تشكريني ,,,, وعموما اذا تبي تشكريني تقدري بطريقه وحده بس
مشاعل: ايش هي
بندر: انك توافقي تسوي العمليه,, وعموما لاتشيلي هم يامشاعل الاوراق انا راح اجهزها وراح اروح معاكم واجهز كل شي انتي مالك الا توافقي , اتفقنا
مشاعل كل يوم يكبر بندر بعينها اكثر ,, استغربت حرصه الزايد عليها ,, معقوله كل هذي شفقه,,,مستحيل,,, اكيد هالشي اكبر
بندر: مشااااااااااااعل وينك؟
مشاعل: معاك
بندر: معاي متاكده,, عيني بعينك
مشاعل استحت
بندر: عموما بكره راح اتصل فيك وانشالله اسمع اخبار حلوه
مشاعل: انشالله
بندر: اوكي مشاعل تصبحي ع خير
مشاعل: وانت من اهله ,, باي
بندر: باي
مشاعل كانت تفكر ببندر ,, وطرى ع بالها طلال تذكرت مكالماتها له ,, وكيف كانت تحس لما تكلم طلال,, بعكس الاحاسيس الي تحسها مع بندر,, صح انها منجذبه له وصح انه فيه كل شي تتمناه البنت,, بس ماكانت تدري ليه معاه ماتحس بالمشاعر الحلوه الي تحسها مع طلال مع ان طلال ماقدم لها الاالعذاب والحسره,, اما بندر قدم كلها كل شي حلو
مشاعل في نفسها"ايش الي يخليه يسوي لي كل هالاشياء علشاني؟ ,, معقوله بس علشان ساره ,, لاني صاحبتها؟ لا حسيت من صوت بندر ان فيه شي ثاني,,, الله يستر لايكون الي في بالي صدق,,, معقوله ,, لالا ,, انا اتوهم,, معقوله بندر يحبني"
خات من هالفكره
مشاعل"بندر مايتستاهلني,, انا مقدر احبه,,,انا حبيت مره ومقدر احب مره ثانيه,, قلبي سلمته لطلال والي ماعرف شلون يقدره,, مستحيل اسلم قلبي لاحد,, ياليتني اقدر ابدا مع بندر بدايه حلوه ,, بس ليش مقدر,, ليش خيال طلال مو راضي يبعد عني,, ليش لم اسمع صوت بندر احن لطلال اكثر"
تعبت من التفكير,, كان بندر موصيها تفكر بالعمليه ,, بس لقت نفسها لاشعوريا تفكر بطلال وتحن له
بكت مشاعل" اااااااااااه ياطلال والله احبك,, لو تعرف ايش كثر مشتاقه لك ,,, طلال ياليتك تحبني مثل مااحبك"
00000000000000000000000000000000000000000000000000 00000
الهنوف:حبيبي صدقني والله ماهمني لا مهر ولا شهر عسل ولا همني شي ,,,سعود انت كم معاك الحين؟
سعود: الهنوف انتي عارفه وضعنا المادي الحين ,, هنوف اسف لازم ناجل موضوع الخطبه,, وبعدين ايش تبيني اقول لامي ,, تعال اخطبي لي وابوي ماله شهر متوفي
الهنوف: ياقلبي والله انا مقدره بس اهلي مو راضين يحسون فيني ,, طيب اسمع انا عندي مبلغ حلو بالبنك,, راح احوله ع حسابك,, وقدمه لي مهر,, وانشالله اذا تحسنت ضروفك راح تعوضني
سعود عصب: تبيني اخذ مهرك منك ,, جد يالهنوف طحتي من عيني ,, على بالك انا مو رجال
وقفل الخط بوجهها من الزعل
طفش من الظروف الي يعيشو فيها ,, احوال ماديه زفت,,, وديون من كل مكان,, وهنوف الي مو راضيه تستنى,, ومشاعل التعبانه والي تتمنى تسوي عمليه
كان وده يقفل عيونه ويفتحها وتنحل كل مشاكلهم
00000000000000000000000000000000000000000000000000 00000
فهده وعبدالمجيد كانوا في الطريق للعياده
طبعا فهده راكبه ورى ماتبي تشم ريحه زوجها
عبدالمجيد وهم بالاشاره رجع يده لورا عند فهده: شمي ريحتي شمي
فهده: وووووووع ,, عبدالمجيد والله برجع ياشين حركاتك
عبدالمجيد: تدري يافهده سببتي لي عقده,, والله صرت اشك بنفسي,, تدري لو ماتطلعي حامل بطلقك بالعشر
فهده: احسن فكه منك
عبدالمجيد: العيال بالدوام يقولون ايش فيها فتحات خشمك كبرت ,, قلت لهم والله من كثر الشم ههههههههههههههه
فهده : ياسخفك,, اسكت ترى ماحب اسمع صوتك
وصلوا العياده ,, وبعد التحاليل
الدكتوره : الف مبروك يامدام انتي حامل
فهده مو قادره تصدق من الفرحه : الله يبارك فيك
عبدالمجيد ضم زوجته قدام الممرضه والدكتوره ماقدر يستحمل
فهده: وووووووع بعد عني ريحتك مقرفه
عبدالمجيد: اقول دكتوره زوجتي حامل بطفل والا عطر؟
الدكتوره: هههههههههههه ,, طبعا ولد ,,, بس ايه السؤال الغريب ده؟
عبدالمجيد: لانها من تشوفني تقول تعطر ريحتك خايسه
الدكتوره: ده الوحم شي طبيعي ,, ,معليش استحملها شويه,, وهي حتبأ ام عيالك
عبدالمجيد: طيب دكتوره لو اجلس 3 ايام ماتحمم تتوقعين تروح العقده الي عند زوجتي من الريحه,, لما تشم ريحه الخياس جد
الدكتوره: هههههههههههههههه ,, لا حرام عليك انتا عاوز تأتل العيل
00000000000000000000000000000000000000000000000000 00000
كانت مشاعل عند ساره ودقت لها ع حسين
مشاعل: هلا حسين
حسين : هلا والله وغلا بميشو,, اكرهك يادبا وينك وحشتيني
مشاعل: معليش حسين كنت تعبانه شوي, عموما انت كيفك
حسين: انا الحمدلله ,, انتي الي كيفك
مشاعل: انا تمام,, حسين بغيت اقول لك شي ,, لاتدق ع ساره لان ظروفها بالبيت صعبه
حسين : ميشو انا كنت ادق عليها علشان ودي اكلمك واتطمن عليك
مشاعل: شكرا ياحسين والله فيك الخير
حسين: وربي ياميشو من اخر مره كلمتني ساره وقالت لي ع الي صار لك وانا ما اذوق طعم النوم زين
مشاعل: احسن لاتذوقه اصلا هو الايام هذي صاير بدون ملح هههههههههههه
حسين: ههههههههههههه ميشو للحين ثقيله دم
مشاعل: لا خففته شوي
حسين: وكيفك بعد هالحقير طلالوه ,, الله لايوفقه ع الي سواه فيك
مشاعل: حسين لو سمحت لاتفتح لي مواضيع انتيهنا منها وسكرناها
حسين: انا انتقمت لك منه الحقير
مشاعل خافت :ايش سويت ياحسين؟
حسين: صدمته بسيارتي
مشاعل صرخت: مجنوووووووووون,, وايش صار له ,, حسين ايش سويت له تكلم؟
حسين انصدم من رده فعالها: ميشو هذا جزاي المفروض تقولي انت ايش صار لك,, مو تخافي ع هالحقير,, عموما لاتخافي هو قطوه له 7 ارواح وانا بس لعبت مع روح من ارواحه
مشاعل ارتاحت: يعني ماصار له شي؟
حسين بزعل: لا
مشاعل:حسين لاتزعل ,, بس هو ماله ذنب بالي صار لي,, هو ماحبني بيوم ,, كل الي سواه انه مثل علي وانا المغفله الي صدقته,, بس مو معنى هذا اني اتمنى له الموت
حست بشوق يقتلها لطلال,, نفسها تسال حسين عنه ,, بس استحت
حسين: عموما انا حبيت اسلم عليك,, ميشو هذا موبايلك؟
مشاعل: ايه
حسين: ترى بدق عليك اذا اشتقت لك اوكي
مشاعل: حسين انا مادوي ارجع مثل قبل اكلم ,, حسين انا كلمتك لاني اعتبرك اكثر من اخ ,, مو هاين علي اتركك كذا بدون ماودعك
بس حسين لازم ننهي الي بينا
حسين: مشاعل مستحيل انساك او اتركك,, انتي مثل اختي الكبيره ومااستغنى عن نصايحك لي , والا تبيني انحرف؟
مشاعل: ههههههههههههه تنحرف عاد,, طيب حسين اذا فيها انحراف اوكي ,, بس بليز حسين لاتكلمني في مواضيع الشباب او الطلعات لاني عاهدت نفسي اني اترك هالاشياء
حسين:احسن لاني اغار عليك
مشاعل: ههههههههههههه تغار علي ياغبي ,, انا لو متزوجه كان عندي ولد كبرك ههههههههههه
حسين: ايش عندها العجوز ام 100 سنه
مشاعل: ههههههههههههههههههه
00000000000000000000000000000000000000000000000000 00000
طلعت ساره من عندها وكانت تستنى بندر تبي تقول له ع ردها بخصوص موضوع العمليه
دق موبايلها وكان رقم بندر لانها قالت لساره تخزن رقم بندر بصوتها بس باسم بدريه لووووووووول
علشان لو كان احد جنبها مايسمع الموبايل يقول بندر
دق موبايلها وكان صوت مشاعل يقول بدريه ,,معنى هالكلام ان بندر هو الي يدق
حست بسعاده نوعا ما , ع الاقل ترتاح لما تكلم بندر,, فرحت لهالاحساس يمكن بندر يقدر ينسيها طلال
بندر: هلا والله وغلا بتسلم
مشاعل : هههههههههههه تسلم
بندر: كيفك ؟
مشاعل بمرح : تمام,, انت كيفك
بندر: تسلمي انا بخير ههههههههههههه
مشاعل: خلاص بندر كرهتني بهالكلمه
بندر: وراح اكرهك فيها لحد ماتردي علي ايش صار بموضوعي؟
مشاعل: اتذكر انه موضوعي والا؟
بندر بحنيه: اظن ان موضوعك هو موضوعي,, وكل شي يهمك يهمني
وسكت يبي يشوف رده فعلها
استغربت مشاعل من الي حست فيه ,, ,كانت تحس بفرحه لكلامه,, كانت محتاجه لحنان مو من صاحبه ولا اخو ولا اخت,, تبي شخص يحكي معاها ويهتم لها
مشاعل :
بندر بحماس: هاه ميشو ايش سويتي ,, قررتي والا نتصل بصديق؟
مشاعل تضحك: لا قررت
بندر بدا مهتم : بشريني
مشاعل: بندر انا موافقه
بندر كان راح ينجن من الفرحه
مشاعل: بس بندر انا منحرجه اقول لاخواني,, اخاف يقولو عني انانيه وافكر بنفسي
بندر: ولا يهمك اتركي موضوع اخوانك علي
مشاعل: شلون
بندر: انتي اهم شي سوي نفسك ماتدري عن شي ,, واخوانك هم الي راح يقترحوا عليك اتفقنا
مشاعل اعجبها طريقه بندر في حل كل مشاكلها ,, حست انه له قدره ع اسعادها
لما دق عليها كانت الساعه 1 بالليل ,, وماقفلوا الا 5 الفجر ,, كان 4 ساعات حلوه تكلموا فيها عن كل شي ,,, حست انها مبسوطه معاه,, وكلها فرح,, كان يتكلم عن نفسه ,, وعن مشاريعه ,, وكان يتكلم بصيغه الجمع وكانها راح تشاركه بحياته
حست مشاعل انها تعني الكثير بالنسبه لبندر ,,, واعجبها هالاحساس مع انها في البدايه كانت تنفر منه,, حست ان بندر ينتظر نتيجه العمليه ع شان يخطبها,, حست هالشي بكلامه,, وبسكوته
كان سكوته معبر ,,, وكلامه بلسم ع جروح مشاعل
ومع كل هالاحاسيس الحلوه حست انها قربت كثير من نسيان طلال,, حتى انها نادر ماتفكر فيه,, وحتى لو فكرت كان بندر ينتصر ع طلال في النهايه
مر اسبوع ع موضوع بندر ,, وكان كل يوم يكلمها ,, وكانت سعيده بمكالمته
وجاء اليوم الي ع قولت بندر راح يكلم اخوانها بموضوع العمليه
كانت خايفه من رده فعل اخوانها وهل بيوافقوا او يرفضوا