الموضوع: روايتي بعنوان ( الجرح ارحم ) .

وعليكم السلام ورحمة الله وبركاته

مشكوووووور والله يعطيك الف عافيه
اندمجت مع الرواية الرائعة بانتظار الجزء الثاني

كل الود

همسااات اشكرك بعمق على مرورك واهتمامك بالقصه

وانا في انتظار الباقي ابي ارائكم فيها

والان اليكم الجزء الثاني

الجزء الثاني :
بعد شهرين من وفاة ام نواف الامور عادت الى وضعها الطبيعي
نواف يدق الباب على غرفة نوف
نوف : تفضل
نواف يدخل : زاد فضلك
نوف : هااااا اش عندك
نواف ماعندي الا كل خير بس جاي بشوف لو عندك اي ارتباطات في جدولك العملي ياست نوف
نوف : متى تبي اسوي لك موعد ياستاذ نواف
نواف : اممممم ابيه على العشاء بعزمك
نوف : واااااو عشا اقول على كذا بلغي اي موعد بعد العشا ولايهمك
نواف : هههههههههههههههههه افهم انك تكرمتي عليه وقبلتي العزيمه
نوف : وهذي فيها كلام عزيمة من اخوي نواف شخصيا وارفضها مستحيل
نواف : ههههههههههههه ايش رايك تكلمين خلود تروح معنا
نوف : اجل خليني اتصل عليها نمرها في بيتها
نواف : طيب يلا
نوف : صح نسيت ماتبي تكلم حرمة ابوي ؟
نواف : تخسي انا ابي اشكال وناس تفتح النفس مثلك
نوف : احم احم يلا بتصل >>>> تطلع جوالها من شنطيتها
نوف : يووه ايش فيها ماترد بسرعه
نواف : شكلها مو عند الجوال
نوف : الا اخيرا ردت
خلود : هلا نوف
نوف : هلا بالقاطعه ولله
خلود : هههههههههه لاقاطعه ولا شي اسفه بس ولله زوجي مشغول الايام هذي
نوف : يلا ماعلينا انا ابيك في مشوار مهمممم
خلود : عسى خير ان شاء الله
نوف : لا خير طبعا انا يجي من وراي غير الخير
خلود : هههههههههههه يلا قولي ايش الخير
نوف : نوااااااف اخوي
خلود : نوى يتزوج اخيرا
نوف : الله يسمع منك ان شاء الله ويتزوووووج ههههههههههههه
نواف يناظرها بتعجب ويقول : ايش بتقول المجنونه هي انتي اخلصي سرعه
خلود : دامه مو زواج اجل ايش
نوف : هههههه ابد نواف عازمنا اليوم على عشا في مطعم راقي فلو يسمح لك وقتك الثمين يامدام خلود وتكرمتي وتعشيتي معنا بيكون هذا شرف لنا وشرف للشعب العربي والاسلامي والعالمي اجمعه وتقبلوا اعذب تحياتي اختكم ومقدمة برنامجكم نوف
خلود تفطس ضحك : ههههههههههههههههههههه ايش كل هذا الكلام اللي يطلع منك ولله مانتي هينه ههههههه
نوف : طبعاااا مو هينة بس ها اش قلتي موافقه ولا لا
خلود : طيب موافقه بس بستاذن من زوجي وشوي تمروني
نوف : اوك يلا باي
خلود : باي

خلود نوف ونواف في المطعم يتعشون
خلود : بجد نواف مو ناوي تشوف لك عروسه
نواف : ولله ماشفت البنت اللي تناسبني الى الان
خلود : الي يشوفك يقول البنات فاتحين لك وجيههم في الشوارع يقولوا لك اختار
نواف : ههههههههههه لا بس خليها تجي بظروفها
نوف : لاتخافي بقعد له الين يتزوج مابي افارقه
نواف : شكلك تبين الفكه ههههههههه
نوف : هههههههه افا عليك لافكه ولا شي بس بنفرح فيك
خلود : وبعدين انا ماراح اقول اني بدور لك بنت نوف اقرب وحده لك وهي اكثر وحده فينا تعرف ذوقك
نوف : يلا جابتها خلود ولاتخاف بتنازل انا عن كبريائي شوي وبشتغلك خطابه بس عشانك
نواف : هههههههههههههههه لو لقيتي بنت الحلال المناسبه ومشى سوقي بشوف لك زباين تتعاملي معهم وتخطبين لهم ههههههههه
خلود : هههههههه وانت الصادق اللي بيشوفها مايبيها تخطب له
نواف : لا لاتخافي بقول انها خطابه درجه اولى
نوف : ولله شغلتوني خطابه هههههههههه
خلود : لا تخافي اللي بيشوفك بيخطبك انتي ببطل من البنات كلهم
نوف تخجل وراسها في الارض : بعدين معك خلاص خلونا نتعشى مثل العالم
نواف : عاد في هذي صادقه خلود هههههههههههههههه
+++++++++++++
احمد مع بايع مخدرات : هات يلا انا مستعجل وتعباااان
البايع : ايش هذا يابو البضاعه زادت اسعارها هذي روح اشتري لك فيفادول فيها
احمد : يااخي انا ثقه هاتها وانا بعطيك الفلوس في المره الجايه
البايع : لا حبيبي انت عارف نظامي سلم واستلم
احمد : اقول احسن لك اعطيني ترى واصله حدي
البايع : اقول شايفك تهدد تدري مافي بضاعه يلا بطلنا نبيع
احمد : لا تكفى ولله غصب عني دقايق بجيب فلوس من تحت الارض واجيك تكفى
البايع : ايوا خليك كذا ادب روح يلا انا بنتظرك بس اياني وايك تعيدها معي
احمد : طيب

احمد يتصل على اخته شوق
شوق تسمع صوت الجوال : خير من متصل هذا الوقت
تناظر الرقم : هذا احمد عسى خير يارب
ترد عليه : هلا خير احمد ايش فيك
احمد : اول شي سلام ياشوق
شوق : وعليكم السلام
احمد : ابيك تدبرين لي فلوس الحين ضروري
شوق : الوقت هذا من وين لي فلوس
احمد : هاتي من عندك من الشنطه
شوق: طيب طيب انا بنتظرك وبعطيك تعال بكره الصباح وخذها
احمد : لالا تكفين ابيها الحين
شوق تستغرب من اصرار احمد : الحين عاد ايش تبي فيها
احمد يفكر لثواني ايش يرد عليها ويلقى الجواب : واحد من اصحابي تعبان مرره وبوديه المستشفى
شوق : طيب تعال خذها
احمد : الله يحفظك لي يارب ويقفل

فهد يفكر بينه وبين نفسه : الحين هي مافكرت حتى فيني ولا قالت انها غلطانه عليه هين ياشوق اذا ماجبت راسك للارض ماكون فهد صار تتغلين عليه بتخلى عن كبريائي واتصل عليك ولو اني كنت ابيك تتصلي بس ماعليه ويقرر يتصل
شوق اول اول ماقامت تدور شنطتها جوالها اتصل : عسى خير ان شاء الله مين هذا بعد
شوق : اووف ايش يبي هذا ولله اخذها حلا مين يتصل اخر الليل
شوق بعد ماردت عليه : اهلين فهد
فهد : صباح النور
شوق : اهلين فهد كيفك
فهد : بخير دامك بخير
شوق : تسلم
فهد : الله يسلمك
ويسكتون شوي
ويبدا يتكلم فهد : شوق انا زعلتك في شي ؟
شوق باستغراب : لا طبعا
فهد : ليه اليوم مارضيتي تكلميني
شوق : انا قلت لك وبقول لك دايم انا اذا جيت من الجامعه اكون تعابنه وماكلم احد وانام حتى احين اقفل جوالي ولو دريت كان قفلته
فهد : شوق
شوق : هلا
فهد : تحبيني
شوق ينقلب وجهها وفي نفسها تقول صدق نفسه هذا
فهد : ايش فيك سكتي ردي عليه
شوق : شوف يافهد انا صحيح اعزك واعتبرك صديق ولكن لو عزيتك مو معناه اني حبيتك
فهد تتغير ملامحه وتصير الوان : ماتوقعت هذا الكلام منك
شوق : ليه انا ماقلت الا الصدق
فهد : يعني كل المشاعر والاحاسيس كانت كذب في كذب
شوق : فهد انا مابادلتك اي كلام حب وكنت واضحه معاك
فهد : خلاص خلاص فهمت عليك يلا تبين شي بنام انا
شوق : فهد انا ماقصد ازعلك
فهد : انا عارف والغلط مني مو منك <<< يحاول يحسسها بتأنيب الضمير
شوق : فهد ارجوك لاتزعل مني
فهد : لا ليه ازعل يلا تامريني بشي ياشوق
شوق : سلامتك
فهد : سلام
شوق : سسلام
فهد بعد ماقفل : ولله لافضحك ياشوق ولا ماكون ولد ابوي
بعد شوي احمد عند باب بيتهم يتصل على شوق : الو شوق وينك
شوق : في غرفتي
احمد : انزلي ابي الفلوس
شوق : تعال خذهم طيب
احمد لاتكفين تعالي سرعه انا مره مستعجل الرجال مره تعبان
شوق : خلاص نازله لك بعطيك هي

في الصباح بيت ابو خالد صحى نواف من النوم : يالله الوقت متاخر شوي يادوب افطر وامشي
بعد مانزل اسفل مالقى فطور زوجة ابوه تعمدت تقدم الفطور عن كل يوم
نواف يشوفهم جالسين الا نوف : ايش فيكم افطرتوا عني انا ونوف اليوم
ام خالد : ايش فيها مو انتم البارح تعشيتوا عننا كلنا
نواف : اصبحنا واصبح الملك لله
ام خالد : ايش فيك متضايق كذا
نواف : على الاقل لو انتظرتوا نوف
خالد : تبي تتحكم فينا وتبي جدولنا على كيفك
ابو خالد : وبعدين معكم كل يوم تبون تتهاوشون وتنسد نفسي عشانكم
خالد : انت ماتعرف تتكلم الا اذا رديت عليه وحضرته يتكلم ويغلط وانت طبطب على راسه
ابو خالد : لا انت انجنيت ولله صرت تفكر مثل الاطفال والطباين قوم عني اعوذ بالله منك
خالد : لالاتخاف الطبينه اللي هنا انفكينا منها في البيت راحت طبينه وجات طبينه ثانيه بيننا
نواف : اقول ولله لو تجيب طاري امي بخير ولا بشر لسانك هذا لاقصه لك
خالد : انت كفو تسكت احد اصلا
نواف : جرب تجيب او تحاول تنجس طاري امي على لسانك الوسخ والنجس وشوف ايش بيصير
ابو خالد : اقول اسكت ان وياه يلا قوموا من قدامي خلونا نتصبح على خير
خالد : صار لساني نجس الحين الحشمه للشيبه هذا اللي جالس هنا لكن ولله ماعديها لك يانواف >>> ويخرج من البيت
ابو خالد : درب يودي مايجيب ان شاء الله
ام خالد : الحين هذا اللي قدرك الله عليه هذي الدعوه بس
نوف : انا ببدل ملابسي وبروح للدوام
نواف : انا بعد
ابو خالد : ام خالد احسن لك توقفين عن هذي المضايقات لعيالي
ام خالد : هذا اللي الله قدرك عليه بروح انام احسن لي
ابو خالد : اوووووف منكم

الصباح الساعه عشرة في بيت ابو عادل
التلفون يدق وترد عليه سلوى : هلا ولله
حامد : كيف حالكم ان شا الله بخير
سلوى : ولله الحمد لله
حامد : ابو سالم فيه ؟
سلوى : لاولله ماهو موجود ليه بغيت شي مهم منه
اي ولله بغيت اقول له اننا جايين الليله نبي نخطب بنتكم اسيل لولدنا سلمان
سلوى بلهجة تكبر : ااااااااايه جايين تخطبون خلاص بكلمه بس متى جايين ؟
حامد : المغرب ان شاء الله
سلوى : الله يحييكم
حامد : خلاص خير ان شاء الله مع السلامه >>> بدون ماترد عليه سلوى
سلوى بعد ماقفل مع نفسها تناظر السماعه لانها مالحقت تقول مع السلامه بعد ماقفل :مع السلامتين ياحامد طيب صار تبي تخطب بنتي لولدك الكحيان ماباقي الا هي يصير خير
على الغدا بيت ابو عادل
سلوى : اقول يابو عادل
ابو عادل : ياعيون ابو عادل
شوق : ماتشوفوا انكم كبرتوا على الدلع انتم الحين عندكم احفاد
ابو عادل : اقول اسكتي انتي الثانيه بدلعها لو عمرها يوصل 100 سنه
سلوى : خلاص عاد حتى هذي بتسوون فيها خناقة المهم
ابو عادل : ايوا هاتي المهم
سلوى : اليوم كلمني اخوك يقول بيجي يخطب اسيل
اسيل توقف عن الاكل فجأه وهي فرحانه : يخطبني انااااا ( لانها من صغرها وهي تتمنى هذا اليوم يصير ويحبون بعض )
سلوى : على ايش الفرحه هذي ياحظي هذا لو تزوجتيه يوم بتأكلين ويوم لا
ابو عادل : ماحد يموت من الجوع
سلوى : اقول قول خير ولا اسكت
شوق : ليه يمه ايش الشر في كلام ابويه
سلوى : اووووف كلكم واقفين في وجهي لكن انا مو موافقه عليه لو صار ماصار
اسيل : يما اللي يبي يتزوج انا مو انتي وانا موافقه
سلوى : صدقيني ماتاخذين الا الي انا اوافق عليه رضيتي ولا مارضيتي
اسيل : شكلك لقيتي عريس غيره ومابلغتينا
سلوى : ايوه بقول له يجي بكره يخطبك
اسيل : يبى تكلم قول شي
ابو عادل : امك تعرف مصلحتك اكثر منك
اسيل : بس هذا ولد اخوك وانت عارفه وعارف اخلاقه زين احسن من انك ترميني في واحد مانعرفه
سلوى : ليه انا بزوجك واحد سكير لا بزوجك بزر
اسيل : ماراح اتزوج الا ولد عمي ولاعساني ماتزوجت <<< وتطلع غرفتها
شوق : يما هذي حياتها بكيفها مو بكيفك >>>> تطلع ورا اختها
ابو عادل : خلاص هذا اللي تبينه بس زعلتيهم
سلوى : اقول اكل وانت ساكت واللي يعافيك
شوق واسيل في الغرفه
شوق تمسح على راس اسيل : ماعليك ولايهمك مايصير خاطرك الا طيب ولا بتأخذين الا ولد عمك
اسيل تناظرها وهي تبكي : اش لون اخذه وانا مافي ولا احد واقف بصفي
شوق : وانا وين رحت انا واقفه بصفك
اسيل : انتي وقفتي او ماوقفتي موقفك مثل موقفي ضعيف المشكله ابوي همه الوحيد امي
شوق : اقول لاتستهينين فيني تراني مو سهله ههههه
اسيل تبتسم وهي تبكي : ايش بتسوي يعني
شوق : انتي نسيتي عادل
اسيل : عادل يعني بيحلها هو الثاني
شوق : انتي عارفه عادل صح انه عصبي بس مايرضى الغلط وبعدين من زمان مايعارض امي على غلطها من زمان الا هو وماكثرت اغلاط البيت الا لما تزوج عادل واستقر لوحده
اسيل : طيب متى بتكلمينه ؟
شوق : متى بيكون يعني الحين بتصل عليه بس لحظه بشوف وين جوالي
اسيل : خذي جوالي اتصلي عليه
شوق : طيب >>> تاخذ الجوال وتتصل
شوق : سلام عليكم
عادل : عليكم السلام والرحمه
شوق : من طول الغيبات جاب الغنايم
عادل : الغنايم كلها ماتسوى شي باتصالك
شوق : هههههههههههههههه
عادل : ها ايش عندك عسى خير
شوق : الخير بوجهك ان شاء الله بس اسيل اختي جالها عريس طيب وحبوب
عادل باستغراب : عريس منه ؟
شوق : عريس انت عارفه زين
عادل : ان شاء الله عريسها سلمان ولد عمي ؟!
شوق : ايوا هذا انت قلتها
عادل : مبروك باركي لها وانا اليوم ان شاء الله بمركم
شوق : بس فيه مشكله كبيره حصلت في هذا الموضوع !
عادل : مشكلة ايش لايكون اسيل ماتبيه ترى ماراح تحصل احسن منه لها
شوق : لالا اسيل بتموت عشان يتزوجها بس المشكله في امي الله يهديها
عادل : اها فهمت عليك امي ماتبيه وتلقينها جايبه واحد من عندها كانها شغاله خطابه على بنتها
شوق : اي ولله ياخوي
عادل : خلاص ولا يهمك اليوم بمركم البيت بس سلمان جا البيت خطبها ولا لا ؟
شوق : لسه موعدهم المغرب
عادل : خلاص بمركم قبل المغرب وان شاء الله بسوي اللي اقدر عليه ومايصير الا اللي كاتبه ربي
شوق : على خير ان شاء الله يلا توصيني حاجه انا طولت على جوال اسيل
عادل : ههههههه تستكثرين الدقايق فيني
شوق : لا بس مثل ماقلت لك هذا جوال اسيل
عادل : خلاص ولا يهمها انا بجيب بطاقة شحن معي
شوق : هههه مشكور
عادل : العفو يلا ماطول اكثر من كذا عليك تبون شي وانا جايكم شوي ؟
شوق : لا سلامتك
عادل : الله يسلمك يلا سلام
شوق : سلام
اسيل : ها ايش قال بشري ؟
شوق : ولا يهمك بيجي شوي ويحل الموضوع ان شاء الله
اسيل : من جدك تتكلمي ؟
شوق : طبعا من جدي اجل امزح معاك
اسيل : مشكووووووره
شوق : عشان تعرفين اللي اقدر اسويه انا وماتستهينين فيني
اسيل : انا بخرج شوي برا الغرفه بسوي لي عصيرنفسي انفتحت تبين معي ؟
شوق : اوك سوي لي برتقال على يدك
اسيل : من عيوني ماطلبتي شي
شوق : تسلم عيونك

جوال شوق وترد عليه شوق : هلا فهد
فهد : هلا وغلا ولله فيك شوق كيفك
شوق : بخير انت كيفك ؟
فهد : دوم ان شاء الله انا بخير الحمد لله
شوق : تسلم
فهد : يسلم غاليك متى جيتي انتي من الدوام اليوم
شوق : ولله من شوي توني تغديت والحين بنام
فهد : نوم العافيه يارب
شوق يعافيك ربي ان شاء الله
فهد : اوك ايش رايك انا شوي عازمك على كافي
شوق : متى ؟
فهد : متى مابغيتي انا تحت امرك
شوق : اوك خلي بعد المغرب
فهد : من عيوني
شوق : اوه نسيت شوي مايمديني
فهد : لا كذا نختلف حاولي لو نأجلها بعد المغرب
شوق : مرره صدقني مايمديني
فهد : ليه ؟
شوق : اختي شوي جالها عريس بيخطبها
فهد : عريس لك ولا لها ههههه
شوق : لا لا لها هههههه
فهد : عقبال ماجي انا اخطبك
شوق : تخطبني ؟
فهد : ايوا انا احبك ومتمسك فيك وابيك
شوق : وبعدين فهد حنا تكلمنا في هذا الموضوع وانتهينا
فهد : طيب طيب خلاص لاتسوي لنا زحمه هههههه
شوق : يلا فهد ولله تعبانه ابي انام الحين لازم اقفل
فهد : طفشتي يعني ههههه
تدخل اختها بالعصير
شوق ترتبك : لا ولله حبيبتي بس مره راسي مصدع شوي
فهد يستغرب كلامها لانها تكلمه بصيغة بنت : هي شوق تكلميني
اسيل جنب شوق : خذي العصير
شوق : تسلم يدك يارب يااسيل
فهد يفهمها : اوك شوي بكلمك تبين شي
شوق : لا سلامتك
فهد : باي
شوق: باي

بيت ابو خالد الساعة 5 عصر
نواف يدق باب غرفة نوف
نوف : تفضل
نواف : زاد فضلك اقول نوف
نوف : هلا
نواف : بدلي ملابسك بنروح بالسياره مشوار ابيك في موضوع
نوف : لاتكون لقيت لي عريس هههههههههه
نواف : القى عريس واتخطى الوالد الله يهديك ههههههههه لالا ابيك في موضوع ثاني
نوف : اوك توصل السياره وانا وراك

نواف في السياره : هلا ولله نورت سيارتي
نوف : ههههههه ماعليش تاخرت عليك ؟
نواف : بالعكس يلا نبي ناخذ قهوه من اي مكان
بعد عشر دقايق بعد ماخذوا القهوه
نواف : اقول نوف ايش رايك نتاجر بالورث اللي من الوالده الله يرحمها
نوف : الحين بدري ايش بيقولوا الناس
نواف : انا ماعليه من كلام الناس انا عليه في نفسي وفيك انتي وبس انا اذا فيه شي واحد يردني وهو انك انتي تقولي اجلها او انك تعاني من لصدمه الى الان لكن الحمد لله اثنينا تجاوزناها وانتهى الامر
نوف : طيب سوي اللي تشوفه مناسب بس ايش بتسوي فيه ؟
نواف : ولله الى الان بكلم خالي بطلع له في الرياض واجلس معه واناقشه في موضوع نصيب امي بالذات وهو قبل ماتتوفى الوالده بكم يوم الله يرحمها قال يبيني في موضوع تقسيم الورث لانه له ثلاثة سنوات شغال من وفاة جدي
نوف : اها طيب حجزت له ولا ؟
نواف : لاولله لسه بس انا قلت اول اكلمك بعدين ارد عليك
نوف : طيب سوي اللي تشوفه مناسب بس ابي اروح معك
نواف : هههههههه اي تروحين معي انتي وراك دراسه
نوف : وانت وراك دوام طيب
نواف : الدوام انا مابيه قدمت اجازه مفتوحه فيه
نوف : خلاص اغيب عن الجامعه احجز لنا يوم الاثنين
نواف : الظاهر مافي جامعه يوم الثلاثاء والاربعاء
نوف : هههههههههههه الا فيه بس بغيب عنها
نواف : لالا كله الا دراستك مابي اعطلك عنها
نوف : لا ماعليك ماتعطلني ولا شي احجز لي بس
نواف : خلاص بكلم الوالد واحجز لنا
نوف : طيب خلاص

بيت الخال سالم ( عبدالعزيز وسالم واختهم حنان )
سالم : اقول دامكم كلكم هنا ايش رايكم نتكلم عن الورث بالذات وانه الحين مر عليه ثلاث سنوات وبعد وفاة اختي الله يرحمها
عبدالعزيز : هذا عين العقل عني انا مابي اخرج فلوسي منها ابيها تستمر مثل ماهي
حنان : انا بعد مثل عبدالعزيز
سالم : تمام عليكم بس باقي ناخذ شور نوف ونواف
عبدالعزيز تغيرت ملامح وجهه : نواف ونوف !!!
فجأه دق جوال سالم
نواف : سلام ياخال
سالم : عليكم السلام ورحمة الله وبركاته
نواف : كيف حالك ياخال ان شاء الله بخير ؟
سالم : ولله بخير ونعمه الحمد لله انت بشرني عنك وعن اختك ان شاء الله طيبين ؟
نواف : ولله الحمد لله انت بشرني كيف خالي عبدالعزيز وخالتي حنان عساهم طيبين ؟
سالم : ولله الحمد لله بخير ونعمه بس تصدق تونا جايبين طاريك ومالحقنا نتكلم فيك الا وانت تتصل
نواف : هههههههه القلوب عند بعضها ياخال
سالم : ايه انت من ريحة الغاليه الله يرحمها
نواف : اي ولله الله يرحمها ويسكنها الجنه بس بغيت اقول لك ياخال !!
سالم : امر ياولدي عسى خير ان شاء الله
نواف : تسلم ياخال
سالم : الله يسلمك ياولدي
نواف : بغيت اجيك الاسبوع الجاي يوم الاثنين ان شاء الله انا واختي نوف
سالم : الاثنين بعد بكره يعني ؟
نواف : لالا مايمدينا عشان الحجوزات الاثنين اللي بعده ان شاء الله
سالم : حياكم الله انت واختك في اي وقت
نواف : الله يبقيك ياخال يلا خال توصي شي ؟
سالم : سلامتك ياولدي بس سلملي على نوف
نواف : الله يسلمك >>> يكلم نوف جنبه . ترى خالي يسلم عليك
نوف : قوله الله يسلمك سلملي بعد عليه وعلى اخوالي
نواف : ياخال سلم لنا على خالتي حنان وخالي عبدالعزيز
سالم : ان شاء الله
نواف : مع السلامه
سالم : مع السلامه
بعد ماقفل نواف
نواف : اوك خلينا الحين نروح نشوف لنا حجز عشان السفر
نوف : مو اول تكلم الوالد
نواف الوالد مابيقول لا حنا نخبره ونقول اننا رايحين
نوف : طيب لو قال الوالد يبيك في شي ايش بتسوي في الحجز
نواف : بكل بساطه الغي الحجز
نوف : توكل على الله اجل
نواف : الله يكتب اللي فيه الخير ان شاء الله

في بيت الخال سالم ثاني
عبدالعزيز : زين اللي اجتمعنا قبل مايجون الحين نبي نتكلم في الموضوع
سالم : اي موضوع ؟
عبدالعزيز : كيف اي موضوع موضوع الورث طبعا
سالم : ايش الفايده نتكلم فيه والورثه ناقصين ؟
عبدالعزيز : لا بس عشان نتفق قبل مايجون على شي معين
سالم : نتفق على عيال اختي ؟
عبدالعزيز : انت لاتفهم الموضوع كذا
سالم : اجل كيف تبيني افهمه ؟
عبدالعزيز : طيب اهدا عشان اعرف اتكلم
سالم : طيب هديت بس ايش بتقول ؟
عبدالعزيز : الورث نبغى ناخذ اتعاب عليه
حنان : اي اتعاب ؟
عبدالعزيز : اتعاب شغلنا
سالم : اي شغل هذا ؟
عبدالعزيز : ايش اللي ا شغل نسيت انهم من زمان في جده من وفاة الوالده الله يرحمه ماحد يجي ويشوف الحلال ويهتم فيه الا حنا
سالم : الله يشوفك يقول انت الكل في الكل مو الدعوه ومافيها مكتب عقار ماسك كل العماير والشركة انا مديرها
عبدالعزيز : كيف يعني يجون من جده وياخذونها بارده مبرده كذا ؟
حنان : مثل ماتاخذها انت بارده مبرده وبعدين الشرع قسم نصيبهم كذا انت لاتعترض على الشرع
عبدالعزيز : ايه بس الشرع قال لعيال الورثه
سالم : ايه بس حنا نبي نعطيهم ورث امهم وامهم الله يرحمها توفت بعد ابوي وفي حياتها كان لها شي من الورث
عبدالعزيز : لالا انا شايفها مره صعبه ماتدخل راسي يااخي >>>>>> ويقوم من مكانه
سالم : وين رايح ؟
عبدالعزيز : بطلع برا فيه شي ؟
سالم : ايه فيه نبي نتكلم في الموضوع ماكملنا كلامنا
عبدالعزيز : موضوعنا مثل ماتكرمت نكمله اذا صاروا الشركاء متواجدين حضرتهم >>> ويطلع برا
سالم : ولله وانا اخوك الظاهر عبدالعزيز مو ناوي على خير
حنان : الله يستر بس لايعكسها
سالم : اي ولله انك صادقه
حنان : بس كلامك عين العقل ويمكن اقتنع فيه ؟
سالم : وقفة عبدالعزيز وكلامه كلام اللي ماقتنع الله يستر بس


انتظروا الجزء الثالث لكي نعرف موقف عبدالعزيز من الورث وماذا يفعل عادل لكي يوافق والداه على زواج أسيل

تسلم الايادى على القصه
فى أنتظار جديدك
كل الود

.

اوهااااااام

اسعدني تواجدك واهتمامك

اليكم الجزئين الثالث والرابع

بيت ابو عادل
دخل عادل البيت قبل المغرب عشان يرتب موضوع خطبة اخته
عادل : سلام عليكم
الجميع اللي في الصاله : وعليكم السلام ورحمة الله وبركاته
عادل : اسيل ليه جالسه الى الحين هنا روحي ضبطي نفسك
اسيل بخجل : خلاص انا جاهزه بس باقي شغلات بسيطه
سلوى : وليه تتضبط ان شاء الله ؟
عادل : مو مقتدم لها عريس الليله
سلوى : وانت على طول قلت تضبطي يبي يشوفها ؟
عادل : العريس ولد عمنا وحنا اكثر الناس اللي عارفينه مايحتاج نسال عنه موافقين على طول بس ننتظر رأي البنت
اسيل تنظر للارض بخجل
سلوى : ومن قال اننا موافقين ولد عمك مايناسبنا
عادل : وليه مايناسبنا ايش فيه يعني ؟
سلوى بس مايناسبنا وخلاص
شوق : يبى قول شي ليه ساكت ؟
ابو عادل يناظر الارض : يعني ايش اقول خلاص سووا اللي تبونه مناسب
عادل : شوق انا عارف انه مابيسوي شي خلاص اسيل انتي روحي جهزي نفسك
سلوى : ايش اللي تجهز وماتجهز
عادل : روحي اسيل ليه جالسه
اسيل : تقوم بخجل طيب >>> وتروح غرفتها
سلوى : ولله انا معاد لي اي اعتبار ترى مافي زواجه شوفوني خبرتكم
عادل : يصير خير يمى بعد المغرب انا الحين بروح اصلي يلا سلام >> ويطلع

نواف مع اصحابه في السياره
باسم : انت ايش ناوي تسوي في موضوعك يانواف ؟
نواف : ابد ولا شي بروح لخوالي يوم الاثنين واشوف موضوعهم وموضوع الورث
وليد : طيب تبيه يمشي مثل ماهو ولا تنفصل عنهم ؟
نواف : ولله ياطويل العمر بحاول انفصل عنهم انا واختي عشان لانتسبب في مشاكل بالذات مع خالي عبدالعزيز لكن لو فيه ازمه ماليه شوي عندهم بأجل الموضوع لسنه او سنتين قدام
وليد : خلاص وقفوا لنا عند اي مسجد عشان نصلي
نواف : يلا طيب

بيت ابو عادل
اسيل بعد ماجهزت نفسها : شوق انا مره خايفه
شوق : خايفه من المقابله الاولى هههه ؟
اسيل : لالا خايفه انه امي تخرب الزواجه
شوق : لاتخافي عادل ان شاء الله بحل الموضوع
اسيل : الله يسمع منك
شوق : انتي للدرجه هذي تبينه يعني ههههههه ؟
اسيل وخدودها حمرا تنزل راسها في الارض وتهزه بالموفقه
شوق : ولله وصرتي تحبين يااختي هههههههه
اسيل : عقبالك انتي
شوق تتكلم بحزن : انا ويني ووين اللي يحبي
اسيل : الف من يتمناك
شوق : انا خايفه انه اللي يحبني مايستاهلني اخاف يستاهل احسن مني وانه انا ماستاهله
اسيل : بالعكس انتي تستاهلي افضل حب في الدنيا هذي كلها
شوق : خلاص غيري الموضوع وخلينا في فرحتنا فيك >>>> وتحضن اختها اسيل
اسيل وهي في حضن اختها : الله يحفظك يارب ويجيب لك ولد الحلال
شوق واسيل في حضنها تناظرها وعينها دمعت : امين يارب

وليد وباسم ونواف خارجين من المسجد وظلعوا السياره
وليد : اقول ياشباب وين نروح ؟
باسم : تعالوا عندي خلونا نأخذ قيم سوني
نواف : قيم سوني الحين بعد المغرب
باسم : ايوا ايش فيها اصلا فاضين فاضين
وليد : اجل يلا مشينا

بيت ابو عادل
جرس الباب يرن
ابو عادل : هذا اكيد اخوي حامد الحين جاي افتح الباب ياعادل
عادل : ان شاء الله يبى
بعد مافتح الباب
حامد : سلام عليكم
عادل : وعليكم السلام ورحمة الله وبركاته ياحي الله من جانا تفضول ادخلو حياكم ياعم البيت بيتكم
حامد : الله يبقيك ياولدي
بعد ماجلسوا في المجلس
ابو عادل : كيف الحال ياخوي ان شاء الله بخير
حامد : ولله الحمد لله انت كيفك وكيف العيال ان شاء الله بخير ؟
ابو عادل : ولله بخير الحمد لله وانت كيفك ياولدي ياسلمان
سلمان : ولله بخير عمي
ابو عادل : عادل شوف القهوه استوت ولا لا سرعه
عادل : ابشر يبى

بيت ابو خالد
نوف في غرفتها تدق الباب عليها اختها هديل
نوف : مين ؟
هديل : ممكن ادخل نوف
نوف : طبعا تفضلي وانتي يحتاج لك استئذان
هديل تفتح الباب وتدخل
هديل : تسلمين يانوف
نوف : الله يسلمك
هديل : اقول نوف
نوف : هلا امري قولي
هديل : انا عارفه انك زعلتي من كلام ماما اليوم
نوف تتغير ملامحها : لاعادي مشاكل تصير في كل البيوت
هديل : لا مو كل البيوت اليوم ماما زودتها معك شوي بس انا ولله مالي دخل في كل اللي صار
نوف : انا عارفه ياحبيبتي لاتاخذين في بالك ولايهمك ماصار الا الخير
هديل : يعني مو زعلانه مني ؟
نوف : وليه ازعل منك وبعدين تعالي معقوله انا ازعل منك
هديل : تسلمي لي يااحلى اخت بالدنيا
نوف : الله يسلمك حبيبتي

بيت ابو عادل
حامد : اقول يابو عادل نبي ندخل في الموضوع اللي جايين عشانه
ابو عادل : امر يااخوي
حامد : مايامر عليك ظالم وانا اخوك بس اعتقد ام عادل قالت لك عن السالفه
ابو عادل : ايه قالت لي
حامد : طيب انتم ايش رايكم ؟
ابو عادل : ولله وانا اخوك ماراح نلقى افضل من ولدك سلمان يحفظ ويصون بنتنا اسيل بس !!
حامد : بس ايش عسى خير ؟
ابو عادل : لا خير ان شاء الله بس اول نأخذ رأي البنت
عادل باستغراب لانه عارف انه البنت موافقه وابوه نفس الحكايه : رأي البنت
حامد : ايه ياخوي من حقك هذا خذ رأي البنت وانا انتظرك
عادل عرف نية ابوه انه بيمشي كلام امه ويحاول يغطي الموضوع : خلاص يبى انت ارتاح وانا بكلمها واشوف رأيها وارجع لك
ابو عادل حس انه عادل بيخرب عليه وبيقول البنت موافقه : ليه انت انا ابوها وبأخذ رأيها خليك انت ياولدي
عادل : لا يبى انا بروح >>> ويقوم بسرعه عشان اخته

نواف ووليد وباسم
نواف : الا على فكرة وليد ايش ناوي تسوي مع ابوك ؟
وليد : في ايش ؟
نواف : في موضوع السفر له في الرياض
وليد : ولله ياصاحبي ماودي ارجع وانا مشتغل في الشركه هذي حجه واني ماقدر اتركها لانه عاجبني الجو هنا
باسم : طيب انت ماقلت انك خاطب هناك من سنتين
وليد : طيب وان كنت خاطب ايش يعني ؟
باسم : يااخي حرام عليك تعلقها كذا اذا ماتحبها وماتبيها اتركها وخليها يمكن يجيها نصيب غيرك
وليد : انتم ماتعرفون شي انا احبها وامووت فيها لكن فيه ظروف معينه تمنعني عنها
نواف : ظروف اي ظروف ؟ اول مره اسمع انه عندك ظروف انت
وليد : ماقلت ماتدروي عن شي انتم خلوها على الله بس وخليني اكسر راسك في السوني بس وانت ساكت هههههههه
باسم : الحين نشوف من يكسر راس من عشان الفايز يحط فوق راسه شي لانه بيجيه تكسير روس ههههه
نوف : هههههه طيب نشوف

بيت ابو عادل
يدخل عادل عليهم وكلهم يناظرونه
حامد : ها ياولدي بشر
عادل وهو مبتسم : ابشركم وافقت
حامد : الحمد لله مبروك ياولدي
سلمان : الله يبارك فيك يبى
ابو عادل باستغراب لانه في باله ام عادل ماتبيهم يتزوجوا : كيف خلوها توافق >> يقصد ام عادل
سلمان بصوت عالي شوي : وليه هي ماكانت تبيني
حامد : لو ماتبيه ترى حنا ناس واعين ومتفهمين مو لازم نربط البنت بواحد ماتبيه يااخوي
ابو عادل يرقعها لنفسه : هههه الله يهديك يااخوي مو هذا القصد انت في الاول والاخير اخوي وسلمان ولدك في حسبة ولدي وانا لو مو موافقه ماراح نخفي شي لاني عارف انكم واعين ومتفهمين الوضع بس انا اقصد انه البنت ردت بسرعه قلت يمكن احد ضغط عليها هذا زواج وارتباط العمر كله مو لعبه وانا اخوك هذا كل قصدي
عادل : لاتخاف يبى انا من اليوم كلمتها وقلت تفكر براحتها عشان كذا اول ماكلمتها على طول قالت انها موافقه لا وبعد جاهزه الحين عشان يشوفها سلمان يصير لو قدر الله ماقتنع فيها كل واحد يروح في حال سبيله
حامد : الله يجزاك بخير ياولدي مايحتاج يشوفها حنا عارفينها من زمان
سلمان يقاطعه وهو ملهوف على شوفتها : لالا يبى ابي اشوفها يمكن تغيرت ولا شي
عادل يضحك : ههههههه على قولتك ياسلمان

في الداخل
سلوى : انتي متلبسه كانك الحين بتروحي بيت ولد عمك
اسيل : يمى خليني في حالي
سلوى : نجوم السما اقرب لك منه
شوق : ليه يمى طيب ؟
سلوى : خلاص انا كلمت ابوك وانتهى الموضوع وقلت له لايوافق
في نص كلامهم يدخل عليهم عادل
عادل : اسيل يلا جاهزه بالعصير ؟
اسيل بخجل : ايوا
سلوى : ايش اللي جاهزه ابوك ايش موقفه ؟
عادل : يمى مو وقته يلا اسيل
سلوى : يعني سويتوها من وراي >>> وتطلع غرفتها زعلانه
اسيل : يووووه من امي ليه تسوي فيني كذا ؟
عادل : ماعليك انا براضيها انتي قومي الحين

حامد : الله الله ياولدي سلمان لاوصيك على بنت عمك
ابو عادل : مابعد شافها يمكن يهون ههه
سلمان : لالا وش اهون وماهون ياعم مستحيل اهون
ابو عادل : افهم من كذا انك تبيها يعني مايحتاج تشوفها هههههههه
سلمان : لا كله الا هذا خلني بشوفها الحين مو انا بخطبها خلاص
تدخل اسيل وعادل وحامد يضحك على سلمان : ههههه هذي هي دخلت
اسيل وهي تقدم العصير اول لعمها حامد : تفضل عمي
حامد : زاد فضلك وياخذ العصير
اسيل تقدم العصير لسلمان بخجل : تفضل عصيرك
سلمان يأخذ العصير بعدين يطمع انها تمر عليه مره ثانيه ويرجعه ويقول : اول عمي ابو عادل
اسيل : تفضل يبى
ابو عادل : زاد فضلك يابنيتي
ترجع تمده على سلمان : تفضل
سلمان يطمع مره ثانيه : نسيتي اخوك عادل
عادل : ههههههه اقول تراك زودتها كل شوي تبي تناظرها تبي تشبع منها بعدين هههههه
سلمان يأخذ العصير وعينه فيها : ايش اللي اشبع منها انا لو معها ليل نهار ماشبع من النظر فيها
اسيل من الخجل وباقي عصير اخوها عادل معها تدخل جوا بسرعه
عادل : هذا اللي استفدته منك ماعطتني العصير هههههههه
سلمان : ايش عرفني فيها انها بتسوي كذا هههه
عادل : اجل هات عصيرك بعوضه
سلمان : لالا واللي يرحم والديك كله الا العصير اللي من يدها بشربه لاخر قطره
عادل : ههههههههه بالهنا والعافيه والله يتمم عليكم
الجميع : اللهم امين ان شاء الله

سلوى في غرفتها تتكلم بينها وبين نفسها : طيب ياسلمان اذا ماكرهتك انت واهلك هذي الزواجه كلها م اكون انا سلوى لا وبعد عادل واقف في صفكم طيب يصير خير ياعادل انت استغليت نقطة ضعفي انك ولدي لكن ماراح اعديها لك لازم تجيك فرصة اذن عشان بعدين ماتطلع عن شوري

شوق بعد مادخلت عليها اختها اسيل
شوق : ها كيف كان العريس ؟
اسيل تبتسم وهي خجلانه وماتتكلم
شوق : شكله تحفه ايش رأيك تخليه لي ؟
اسيل : انتي اختي وتستاهلين كل شي لكن يفداك كل شي الا هذا
شوق : ههههههههههههههههههههه حلوه هذي

نواف وباسم ووليد
وليد : ياشباب فيه جلسه يحبها قلبك انت وياه بعد العشا ايش رأيكم ؟
باسم : اكيد من جلساتك اللي ماتنتهي
وليد : ابشركم هذي بنت مالي من تعرفت عليها الا اسبوع والحين تطلع معي اي مكان لا بعد ابشركم اول بنت تعزمني في كافي تقول تعال انت واصحابك لانه هي بعد معها مجموعة بنات
نواف : بعد ولله صرت دولي في الامور هذي ياوليد ههههههه
وليد : ايش تعرف انت بكره النهار ينقلب السحر على الساحر يصيروا البنات يشحنوا للشباب
باسم : تبيهم يشحنون لك ويعزمونك بعدين هم ههههه
وليد : وليه لا بكرا بتشوف
نواف : اقول وليد ولله انك ماخذ مقلب في نفسك ولله لو اني مكان البنت اللي تعرفك تدري ايش بسوي
وليد : لاتقول بتحج على ظهري يابابا وتستغلني قديمه هذي الحين مع المبتدئين
نواف : لاولله وانت الصادق حتى استغلالك استكثره ايش اقول لك بس ولله حتى مالي نفس اطلبك شي
وليد : لاياشيخ البركه فيك انت والشيخ الفاضل باسم عشان ماتنعطون وجه مسوي خفيف دم عليه انت وياه
باسم : ولله صادق نواف ولله من جد ماخذ مقلب في نفسك
نواف : هههههههههههههه من جد بسألك وليد ايش الزين اللي فيك تناظره البنت ؟
وليد : هذا سر المهنه يابابا اذا كبرت تعرف
نواف : يلا بس العشا اذن حنا من المغرب وحنا دواره في الشوارع يلا بس شوفوا لنا مسجد

بيت ابو عادل
حامد : متى تبون كتب الكتاب ؟
ابو عادل : متى مابغيت حنا حاظرين
سلمان : خير البر عاجله خلوها بكره
حامد : اقول اركد انت ماتبي تروح تقضي مقضاة وتجي
عادل : ولدك الظاهر انخبل اذا هذا اوله كيف تاليه ههههههه
حامد : ولله انك صادق ههههه
سلمان : استلمتوني ليه طيب
حامد : خلاص ياولدي الحين نبي نصلي اما موعد كتب الكتاب نشاور الاهل في البيت ونرد عليكم
ابو عادل : خلاص نصلي ونرجع عشان العشا
حامد : لا واللي يرحم والديك خليها وقت ثاني
عادل : افا تجون البيت وتمشون ولاتتعشون اقول سلمان ترى مافي زواج لو ماتعشيتوا
سلمان : ههههههههههههههه اما اللي مافي زواج خلاص بنتعشى يبى
حامد : هههههههههه طيب بس شوفوا لنا الطريق عشان نتوضى

بيت ابو خالد
نوف وهديل في غرفة نوف
هديل : انتي ايش تسوين في غرفتك ؟
نوف : شوفي انا ماحب الغرفه تفضل على شكل واحد لازم اغير فيها
هديل : تغيري على عيني وراسي بين تغيري شكلها كل اسبوعين ثلاثه
نوف : لاتغلطين بالحساب كل شهر او اكثر شوي
هديل : طيب وكل شهر تسوين في غرفتك ماصارت
نوف : خلاص لايكثر تعالي ساعديني بالستاره هذي جديده جبت قماش من برا وسويتها بنفسي
هديل : لالا خلاص خارجه >>> تخرج بسرعه
نوف : هديل تعالي ساعديني عشان اسوي لك ديكور حلو في غرفتك طيب ياهديل اوريك انا

الساعه 9 ونصف مساءأ
وليد : ياشباب هذي المليح تتصل تأخرنا عليها هيا الكافي
باسم : مانبي
نواف : خلينا نروح مو خسرانين شي
وليد يرد على الجوال : هلا وغلا بصاحب الصوت خلاص دقايق وانا عند الكافي انتظروني هناك

وصلوا الكافي وقفوا برا
نواف : وين ساندريلا وليلى والطقه الحلوه
وليد : شوفهم متجهين لنا
نواف : ايش هذا ذولا ماهم حلوات وفوق هذا بشرتهم سودا
وليد : طيب وان كانت بشرتهم سودا ؟
نواف : بشرتهم سودا ونمشيها لكن شوف اشكالهم وليد ولله انت احلى منهم
باسم يموت ضحك على نواف : هههههههههههههههههههههه انا ماشي
وليد : اقول احمد ربك بنات يعزمونك
نواف : اي بنات ياشيخ لاتقول بنات واللي يرحم والديك
وليد : اهم شي جنس ناعم
نواف : اي جنس ناعم ذولا اتوقع جلودهم مثل التماسيح
وليد : خلاص اسكت هلا هلا ولله بالحلوات
نواف : طيب جايبنا مع هذي الاشكال اذا مافشلتك >>>> بصوت منخفض

وحده من البنات اسمها حلا طبعا هي من النوع اللي يتقبل اي كلمه ولسانها ياساتر عليه : هاي وليد
نواف : حنا مالنا رب يعني ؟
حلا : لاولو بس حنا ناخذكم بالدور الاجمل فالاجمل >>> يضحكوا البنات اللي معها عليه
نواف يحس بأحراج : اي واضح هذي اولها >>>>> في نفسه يقول هين
وليد : ههههه لقيت اللي تعرف لك يانواف
نواف : ماعرفتنا على قمر 28
حلا : لاياشيخ تستخف دمك
نواف : اقول استاهل اللي كبرت منك شوي وقلت 28 المفروض اعطيك حجمك واقول قمر 30 واريح بالي ومن اليوم ورايح بلاشي مجاملات
باسم : هههههههههههههههههههههههههه
حلا : ولله الجلسه معك بتكون حلوه وتستاهل العزيمه يلا الكافي بس
دخلوا الكافي وجلسوا على الكراسي
نواف : وليد ؟
وليد : هلا
نواف : ماعرفتنا على الكاكو
باسم : هههههههههههههههههههههه
حلا تكلم باسم : وانت بس تضحك مايحتاج يعرفك وليد اسمي حلا وهذي ابرار وهذي سحر
نواف يفكها ضحك : هههههههههههههههههههههههه اهلكم مالهم ذوق
ابرار : ايش فيه الخبل هذا ايش فيها اسمائنا تضحك عليها
نواف : ولله الاسماء مافيها شي بس ولله الاسماء حلوه بالذات اسم حلا وووووووولله ظلمتوا هذا الاسم وينك ووين الحلا
باسم : ههههههههههه يعني نواف الشكل وماهو حلو حتى الاسم تبيه مو حلو مايصير عاد خليها تحلم لو عن طريق اسمها
وليد يضحك وهو منحرج من البنات لكن مايدري انه البنات مثل هذي الكلمات عندهم فرررررري
حلا : اقول نواف هات رقمك باين انه جلسه وحده معاك ماتكفي

نواف : ومن قال اني بعطيك رقمي انا البنت الحلوه ماعطيتها رقمي تبيني اعطيك انتي ههههه ولله حاله
وليد بدأ يحس بالاحراج مره وقتها
حلا : ومن قال انت ووجهك ذا اني ابيك تتغزل فيني من زينك السالفه ومافيها انها جلسة وحده ماتكفي اني اسرد لك عيوبك في جسله وحده قلت كل يوم اخصص وقت معين عشان اعددها عليك
وليد كانه جاه الفرج برد حلا وبدا يضحك بقوووه : هههههههههههههههههههههههههههههههه يبيلك دفتر ابو ميتين عشان تكتبين فيها عيوبه ومادري تكفي ولا لا هههههههههههههههه
باسم : تنكت انت ووجهك
نواف : اقول وليد اول مره اشوف وحده تتعرف على واحد احلى منها صدق وليد انبسط ولله انت احلى منها هههههههههههههه
حلا : اقول وليد بغيت انبهك ترى دفتر ابو ميتين مايسوي شي هذا يبيلنا نسويله معلقه كامله >>>>>> صاحباتها يضحكوا بشده عليها
نواف : ولله اذا انا نواف معلقه اجل انتم الثلاثه ياأصابع الكتكات يبيلكم نفرغ لكم مكتبة كبر جرير هههههههههههه
وليد ماقدر يصبر على محشات نواف وبدا يفكها ضحك من قوتها : ههههههههههههههههههههههه نواف ياشيخ شوي شوي ترى حنا ضيوفهم
فجأه يدق جوال نواف
نواف : هلا نوف
نوف : وينك تأخرت على البيت ماتبي تتعشا معنا
نواف : خلاص نص ساعه وانا عندك ان شاء الله
نوف : خلاص انتظرك
نواف : اوك يلا باي
نوف : باي

نواف : ياجماعه مضطرين نمشي
حلا : وين تو بدري نبي نتعشى
نواف : لا بتعشى في بيتنا
حلا : انا عارفه انك وجه فقر
نواف : عشان ماتعشيت معكم يعني
حلا : لاتخاف مانبي نقول هات قطه
نواف : ماني فاضي ولارديت عليك يلا مشينا شباب
حلا : خلونا نتقابل ثاني يوم الخميس الجاي
نواف : ان شاء الله خير
ابرار : ترى مايمديني الخميس
نواف : على كذا حلا وسحر بتتغير الشركه من كتكات ثلاثه اصابع لتوكس اصبعين وعقبال مانشوف توكس ابو اصبع بعدها بلاشي كاكاو مره
باسم : هههههههههههههههه
حلا : خلاص يلا اذلف لسانك ياطوله
وليد : يلا باي بنات >>> ويطلعوا من الكافي

وهم في السياره
وليد يدق جواله وبعد مايرد : هلا يبى . يبى بس عندي شغل هنا >>> واصحابه يناظرونه باستغراب
وليد : خلاص يبى يصير خير بعدين ارد عليك طيب طيب خير ان شاء الله . يلا سلام
نواف : خير ان شاء الله وليد ؟
وليد : الوالد المره هذي مصر ارجع
باسم : طيب ايش فيه طلبه ؟
وليد : يعني تبون الفكه ؟
نواف : لا مو هذا القصد بس مهما كانت معزتنا وصداقتنا لبعض يضلون ذولا اهلك واحق فيك منا
وليد : بس فيه امور هناك انا شارد منها صراحه
باسم : مهما كان الامر لازم تواجهه يااخي
وليد : انا عارف بس ماهو وقت اني اواجهه الحين
نواف : اجل متى بتواجهه خلاص انا لك فتره طويله هنا وماتروح هناك الا من فتره وفتره لازم يكون هذا الوقت المناسب بالذات وانه انت ماعندك اي ارتباطات هنا تخليك تفكر فيها وتبتعد من هناك
وليد : يااخي ولله عجزت مادري ايش اسوي في هذا الموضوع ولله عذبني من زماااان
باسم : وليد انت على روحتك وجيتك معنا الا اننا عارفين انه عندك سر ماتبي تقوله لاحد رغم معزتك لنا ورغم انك تعرف عننا كل شي لكن حنا لا
وليد : ياشباب خلوها بالقلب افضل ولله اللي في قلبي من زمان متعبني
نواف : يااخي طيب حنا اصحابك قول لنا لاتخفي عننا
وليد : بس حتى لو اقول ماراح تحلون الموضوع
باسم : انت قول ومانت خسران
نواف : بعدين لو تقول يمكن نحله لك ولو ماحليناها تشيل شوي من الهم اللي في صدرك
وليد : خلوها على الله ان شاء الله تعرفون بعدين
باسم : بعدين متى ؟
وليد : كل شي في وقته حلو
نواف : بس ماقلت ناوي تتركنا يعني وتسافر ؟
وليد : ولله مادري انا اكيد بسافر بس الرجعه علمها عند الله بحاول اني ماجلس هناك
نواف : ياشباب ترى انا بتأخر عن العشا بسببكم
باسم : يهب انت همك بطنك وبس
نواف : انتم لكم ساعه تلفون والعشا في البيت جاهز بس ينتظروني ليه اللفلفه هذي كلها
وليد : خلاص بنوديك بيتك لايكثر كلامك
نواف : لالا ودوني عند سيارتي
وليد : اي ولله جد نسينا
نواف : نسيت من الطقاقات اللي وديتنا لهم
وليد : اقول لايكثر بس بنوديك

نوف وهديل
نوف : نواف تأخر عن العشا
هديل : مو انتي قلتي تأخري عشاك وعشاه مع بعض
نوف : ايوا بس انا جوعانه مرره من الصباح ماكلت
هديل : خلاص اكيد بيجي الحين
نوف : اوووووف ولله طفشت
هديل : طيب اتصلي عليه
نوف : مابي هو يجي بكيفه

الشباب وصلوا نواف لسيارته
نواف : يلا شباب بكرا نتقابل ان شاء الله
وليد : اقول اقلب وجهك ولله اليوم فشلتني
باسم : هههههههههههه انت اللي فشلت نفسك
نواف : ولايهمك وليد براضيك واشري لك هديه طااااار على كيف كيفك
وليد : ولله انك رايق >>>>>> ويشخط بالسياره

نواف وصل البيت بسيارته ووقفها
خالد في نفس الوقت وصل توه وشاف نواف توه واقف بسيارته
خالد بينه وبين نفسه : توك واقف ها
ويدق سيارة نواف من الخلف دقه ثقيله شوي عشان يثير اعصاب نواف
نواف : اااااه مين المجنون ذا اللي صادمني ؟ >>> ويناظر الخلف
نواف : هذا خااااااااالد وبعدين معاه ؟

ااااااااايش يصير بين نواف وخالد في الجزء الرابع

نواف وصل البيت بسيارته ووقفها
خالد في نفس الوقت وصل توه وشاف نواف توه واقف بسيارته
خالد بينه وبين نفسه : توك واقف ها
ويدق سيارة نواف من الخلف دقه ثقيله شوي عشان يثير اعصاب نواف
نواف : اااااه مين المجنون ذا اللي صادمني ؟ >>> ويناظر الخلف
نواف : هذا خااااااااالد وبعدين معاه ؟
خالد ينزل من سيارته ويناظر نواف بسخريه
نواف ينزل بعد : خالد انجنيت انت يوم تصدم السياره
خالد : اقول عن الغلط نواف انا مامسكت معي الفرامل زين
نواف : حلوه والفرامل ماتوقف الا على سيارتي يعني ؟
خالد : اقول مو عشان سيارتك اخر موديل تحسب كل السيارات مثلها
نواف : اوووووه >>> ويمشي يدخل البيت ويتركه
خالد بصوت خفيف : طيب يانواف وانت شفت شي اصلا

بيت ابو عادل شوق واسيل جالسين بالصاله لوحدهم
شوق في نفسها تتكلم : هذي هي اقرب وحده لي في هذا البيت بتروح مع زوجها وتتركني بس انا مادري هل احصل الزوج المناسب لي مع كل اللي اسويه ومع كل هذي اللامبالاه اللي معي ؟ ماعتقد رغم اني عارفه انه كل الي اسويه غلط في غلط >>> وتسكت شوي بعدها . اااااااااه من اللي في صدري انا وش لون اتحمله
اسيل : سلامات ايش فيها الحلوه وجهها كذا مقلوب ؟
شوق تفكر وسرحانه مرررره مو معها
اسيل تصايح عليها : هي انتي شوووووووووق ايش فيك كذا
شوق توها اخذت بالها من صوت اسيل العالي وناظرتها : هاااااااااااا
اسيل : ايش اللي ها وماهاه سلامات ايش فيك انتي
شوق : هههههههه ايش بيكون فيني يعني ؟
أسيل : تضحكين بعد
شوق : ايش تبيني اقول يعني ؟
اسيل : مادري عنك انا اكلمك صار لي ساعه وانتي سرحانه
شوق : لا مافيني ولا شي
اسيل : علينا هالحركات الحين كل هذا وتقولي مافيك شي
شوق : صدقيني مافيني شي
اسيل : طيب مافيك شي بس في ايش تفكري الوقت هذا كله وانا من اول اكلمك
شوق : لا صراحه بس كنت افكر فيك بعد ماتروحي مع زوجك من يجلس معي
اسيل : اهااااا بس هذا الموضوع يعني ؟
شوق : ايوا بس هذا الموضوع
اسيل : اكيد ولا تصررررريفه منك ؟
شوق : ههههههه لاتصريفه ولا شي وبعدين ليه اصرفك وانتي عارفه انه انتي الاقرب لي في البيت
اسيل : ايوااااااااا صح
شوق ترجع تفكر في نفسها وتناظر الارض : سامحيني يااسيل ممكن اقول لك اي شي بخاطري الا هذا الشي ماقدر عليه ابي اكون مثل مانا في نظرك مابي اطيح من عينك
اسيل : اوووووووه رجعتي تسرحي ثاني >>>> وشوق سرحانه مثل ماهي مو معها
اسيل : انا بروح انام ابرك لي

في غرفة وليد وهو متمدد على سريره يفكر في اموره اللي بتصير في سفره
وليد : انا وش لون اجلس هناك ماقدر انا اصلا ماصدقت القى اصحابي هنا وينسوني شي من اللي راح اااااااه من الهم اللي في صدري بس بنت الناس اللي خطبتها وعلقتها ايش ذنبها ؟ انا حتى ماشفتها زين امممم انا خلاص مابي اسافر بكره بتصل على ابوي وبقول هونت واللي يصير يصير

الساعه 8 صباحا وليد اول مايصحى
وليد : الحين قبل كل شي بتصل على الوالد واقول مو جاي ولااااا انا ليه اخرب الفطور على نفسي انا عارف انه نفسي بتنسد خليني افطر بعدين اكلمه >>>>>>>>> يرفع الجوال بشوف فيه مكالمات لانه العاده جواله وقت النوم صامت >>>>>>> ياسااااتر 14 مكالمه خيراول مره تجي في جوالي اوووف هذا اهلي يارب خير خليني اتصل واشوف
وليد بعد ماتصل : الوووووو سلام عليكم ايش صاير ايش فيكم . ايش ابوي جاته جلطه . طيب طيب في اقرب فرصه ان شاء الله انا عندكم . يلا سلام يالله انا ايش اسوي في نفسي في هذا الوقت انا لازم اروح المطار واشوف لي اقرب حجز في اقرب فرصه لو اجلس انتظار عشرين ساعه ولا اجلس عشرين ساعه في البيت

دق جوال شوق
شوق : اهلين شيماء كيفك
شيماء : ولله تمام انتي كيفك ايش اخبارك ؟
شوق : ولله الحمد لله عاش من سمع صوتك
شيماء : عاشت ايامك تحبي نتقابل اليوم ؟
شوق : طبعا اجل ايش بس وين حابه نتقابل ؟
شيماء : ولله ماني عارفه بس ريم كلمتني اليوم تقول شوفي شوق
شوق : اوك ماعندي اي مشكله
شيماء : اوك اجل الحمعه اليوم عند ريم ونشوف اذا نخرج او لا

عصر الخميس
نواف وباسم مع بعض
نواف : باسم كلمت وليد اليوم ولا ؟
باسم : لاولله قلت نمره انا وانت
نواف : طيب اتصل عليه اول
باسم لاماعليك ماعنده شي بأخذه غصب عنه حتى لو مايبغى يروح نبي نجلس عنده
نواف : يلا اجل

في بيت سالم
سالم يناظر ساعته : هذا من اول كلمته قلت تعال
حنان : ايش تبي فيه خليه يمكن عنده شغل
سالم : امس انتهينا من حصر الورث عشان نبي نطلع حق نوف ونواف
دق باب سالم
حنان : هذا هو اكيد جا بروح افتح الباب
فتحت الباب حنان
حنان : هلا ولله
عبدالعزيز : هلا حنان كيفك وكيف زوجك وعيالك ؟
دخل وهو يمشي مع حنان
حنان : بخير الحمد لله انت كيفك
بعد ماجلس عبدالعزيز : انا بخير الحمد لله كيفك انت ياسالم ؟
سالم : انا بنعمه الحمد لله
حنان : بقوم اسوي الشاهي زوجة سالم ماهي موجوده
سالم : لالامايحتاج خلي الشاهي شوي بس
حنان : يمكن عبدالعزيز يبي شي يشربه
عبدالعزيز : لا ماعليك مو محتاج شي مشكوره اجلسي بس
سالم يناظر حنان وعبدالعزيز
عبدالعزيز : عسى خير ياسالم على ايش الجمعه الحلوه هذي؟
سالم : ان شاء الله كل خير امس انتهى حصر الورث وحصر حق نواف ونوف
عبدالعزيز : لاولله ماقلت خير وانا اخوك اي حق هذا اللي تتكلم عنه هذا حقنا وبس
حنان : حق امهم ياعبدالعزيز نسيته
عبدالعزيز : امهم ماتت الله يرحمها ويسكنها الجنه خلاص واللي فيه حلال ابونا
سالم : تدرين ياحنان سوي شي نشربه كذا ماينفع الكلام خلاص عني انا معطيهم حقهم وخلي الامور مثل ماهي تتعقد ولا اللي يصير يصير
حنان : طيب
عبدالعزيز : حنان لاتسوين لي شي انا ماشي اما الحق هذا ريال واحد ماراح يأخذونه الا في حالة اننا نعطيهم من الزكاه
سالم : بس هم مو في حاجه زكاه
عبدالعزيز : سالم الله يخليك قفل الموضوع انا معارض اليوم وبكرا ودايم
سالم : معارض على حلالهم ؟
عبدالعزيز يوقف : سالم مليون مره قلت لك لاتقول حلالهم هذا حلالنا حنا وبس اما الباقي مالهم شي >>>>> ويخرج من بيت سالم
سالم : الله يهديك بس ويعينك يانواف ويعيني على عبدالعزيز

نواف وباسم عند باب شقة وليد
نواف : حنا لنا ساعه ندق الباب اكيد ماحد فيه
باسم : طيب لحظه بتصل عليه
نواف : توك تتصل ؟
باسم : وليه يعني انت اللي اتصلت من اول
نواف : خلاص اتصل ولايكثر هرجك
باسم يطلع الجوال من جيبه ويتصل على وليد
وليد بعد مارد على الجوال بصوت ضعيف : هلا باسم
باسم : يارجال ايش فيه صوتك تعبان ولا شي افتح الباب حنا لنا ساعه واقفين ولو تعبان بنوديك المستشفى ولا تبينا نكسر عليك الباب
وليد : بس انا رحت الدمام مو في البيت
باسم : في الدمام وليه ماقلت لنا او خبرتنا ؟
نواف يناظر باسم باستغراب !!
وليد : الوالد تعبان ادعو الله يقومه بالسلامه انا يمكن اطول هنا ويمكن ابقى على طول
باسم : الله يقومه بالسلامه ايش فيه ابوك سلامته ؟
وليد : جلطه
باسم جلــــــــــــــــــطه لاحول ولاقوة الا بالله ومتى الكلام هذا
وليد : البارح في الليل
باسم : طيب وليد الله يقومه بالسلامه ان شاء الله طمنا عليه تكفى اول باول
وليد : ان شاء الله
باسم : وليد حنا اخوانك اي شي امانه لاتتردد
وليد : مايحتاج تقول لي ياباسم
باسم : يلا وليد توصيني بشي ؟
وليد : سلامتك وسلمني على نواف
باسم : يوصل ان شاء الله يلا سلام
وليد : سلام

بعد ماقفل باسم الجوال
نواف : لاحول ولا قوة الا بالله الله يقومه بالسلامه ان شاء الله
باسم : امين ان شاء الله بس ترى لازم نزوره هناك
نواف : طبعا لازم نزوره بس انا مواعد خالي على الاثنين
باسم : طيب والحل ؟
نواف : خلاص خلينا نشوف اقرب حجز اليوم ونروح له سوا
باسم : طيب بس لو مافي مكان ؟
نواف : حاول لو تدور في الدرجه الاولى لثلاثة اشخاص
باسم : ثلاثه مين الثلاثه ؟
نواف : انا وانت واختي
باسم : واختك ليه تروح ؟
نواف : عشان الورث ياشاطر نبي من الدمام على الرياض عند خوالي
باسم : يمكن نحجز يوم واحد ونرجع ومايحتاج اختك تروح
نواف : طيب يلا

بيت ابو خالد
نواف دخل البيت وكل العائله متجمعه
نواف واقف قبل مايجلس : سلام عليكم
الجميع رد باستثناء ام خالد وخالد : وعليكم السلام ورحمة الله وبركاته
اول ماجلس نواف : كيف الحال يبى
ابو خالد : توك تقول كيف الحال
نواف : سامحني يبى ولله مشاغل
خالد : ايه الاستاذ صار مليونير من قده هو و نوف
نوف تناظره بنظرة استصغار : اللهم لاحسد
خالد : اقول صار عندك فلوس وصرتي شايفه نفسك ترى طول وجودك بالبيت مالك هرجه الهرجه للرجال ولو شفت هالحركه منك مره ثانيه ياويلك
ابو خالد : خلاص نوف اسكتي
نواف : يبى بدل ماتوبخ خالد تقول اسكتي نوف بس يكون بعلمك يبى وعلم اللي بالبيت كله اذا ماتبي تدافع عن نوف انا اللي بدافع عنها ولله لو يمس شعره من راسها لاعلق يده على رقبته
خالد : تخسى الا انت يالبزر ماباقي الا هي
ابو خالد : الحين ماتقولوا لي ليه كل ماجلستوا جلسه جلستوا تتكلمون مثل الحريم مو عيب عليكم
نواف : يبى المفروض تسكته من البدايه مو توقف في صفه بعدين تبي تسكته
ابو خالد : خلاص لاحد يتكلم جلستكم تجيب المرض
نواف : لاتخاف انا اجيب المرض يبى مسافر بعد بكره ان شاء الله انا جيت عشان اخبرك ولا جلسة اللي معك ماطيقها
خالد : فكه
ابو خالد : وين رايح ؟
نواف : والد صاحبي وليد معه جلطه بروح ازوره
خالد : عقبالك
نواف : اووووووف اللهم طولك ياروح يلا بروح انام سلام
خالد : باقي شوي وتضبط جلستنا
نوف : يالله >>> وتقوم ورا نواف
خالد بصوت عالي : الحين الجلسه احلى منها مافي
ابو خالد : خالد انت ماتستحي على وجهك ليتك ماجيت ولدي الكبير اعوذ بالله منك
ام خالد : ابو خالد هذا كله عشان خالد يقول اللي في خاطره
خالد : ايه يبى امي صادقه
ابو خالد : بس نواف اخوه ومايصير يشيل هذا كله على اخوه
ام خالد : بس نواف شايل اكثر من اللي شايله خالد عليه
ابو خالد : هذا يتهيأ لكم بس نواف قلبه ابيض لكن انتم ااااااه منكم
ام خالد : ليه يعني حنا قلوبنا سود
خالد : يبى الله يسامحك حنا قلوبنا ابيض من الثلج بس في بالك انها كذا
ابو خالد : ايه باين عليكم انه قلوبكم بيضا لاحول ولاقوة الا بالله >>> ويقوم غرفته

شوق مع صاحباتها ريم وشيماء واشواق
شوق : ايش فيك ريم كذا سرحانه ؟
ريم : لا مافيني شي
اشواق : ريم سرحانه من اللي ماخذ عقلها
ريم : اشواق بعدين معاك ؟
شوق : حنا صاحباتك تبين تخفين عننا ولا ايش ؟
ريم : مو كذا بس مو حلوه تتكلم الحين
شوق : اقول ترى الشباب كذابين وماوراهم الا وجع الرأس ياويل البنت اللي تصدقه
ريم : بس حبيبي غير عنهم كلهم
شيماء : وغير ليه يعني على رأسه رررريشه ؟
ريم : لا ياشيخه ياثقل دمك
شوق : ههههههه اقول كلهم كلامهم معسول وحلو وينقط عسل بس مدسوس فيه سم ياويل اللي يشربه
ريم : خلاص غيروا السالفه حنا متجمعين عشان نستانس مو عشان تخوفوني
شوق : حنا صاحباتك ونصحناك وانتي وضميرك
شوي جوال شوق يدق
طلعت شوق جوالها من الشنطه :يووووه هذا فهد الحين ايش اقول له كلامه كثير
شيماء : ردي عليه طيب وريحي بالك انا اعرفه لزقه بيتصل عليك الين تردي وعشان كذا ريحي بالك وردي من الحين
شوق : تدرين ولله انك صادقه خليني ارد قبل >>>> شوي قفل الجوال عشان ماردت
اشواق : تستاهلين عشان مارديتي الحين انتي اتصلي
شوق : ياماما انا اتصل على شاب انا هلله ماخسرها عليه هههههههههه
ريم : ولله ماشاء الله عليك مو سهله ياشوق
شوق : لاتخافون بيتصل مايفارقني الين يتصل وارد عليه
>>>>>> دق جوالها ثاني
شوق : ماقلت لكم الحين يتصل >>>>> وترد عليه
شوق : هلا وغلا بصاحب الصوت
فهد : هلا فيك اليوم ماشاء الله رايقه
شوق : ان شاء الله دايم رايقه كذا على طول تبي تحسدني انت ههههههه
فهد : انا احسدك حرام عليك انتي لو امك وابوك ممكن يحسدونك انا ماحسدك
شوق : هههههه ماعليش فهد انا مع صاحباتي ماقدر اطول ارسلك كولمي وقت ثاني
فهد : لالا انا ابيك بس كلمتين
شوق : امرني
فهد : مايامر عليك ظالم بس انا بكره المغرب بنزل السوق زواج اختي بعد اسبوع بشوف لها هدية مناسبه
شوق : وانا قلت لك لاتنزل ههههه
فهد : مو كذا بس قلت انتي بنت اكيد بتعرفين سواليف البنات
شوق : خلاص طيب ولايهمك بنزل معك بس بعد بكره بكره مايمديني خلي بعد بكره
فهد : خلاص بعد بكره بعد المغرب بس على طاري الكولمي اكيد ماعندك رصيد الحين برسلك شحن لجوالك
شوق : لا فهد مايحتاج انا من زمان قلت لك انا مابي الامور هذي
فهد : خلاص اعتبريها حق مشوار السوق
شوق : بس انا مابي كذا
فهد : خلاص عاد طلعت الهديه اقبليها مني
شوق : طيب المره هذي بس
فهد : طيب خلاص بتوصلك في اقرب وقت
شوق : اوك فهد مشكور
فهد : العفو يلا لاتنسين الموعد
شوق : اوك يلا باي
فهد : باي

>>>>>>>> بعد ماقفلت شوق
اشواق : شوق ولله انك خبله
شوق : وليه ان شاء الله
اشواق : تلقين مثل هذا الدلخ وماتستغلينه
شوق : تبين الصدق انا مابي شي من الامور هذي وانا متضايقه منها مره وعارفه اني غلط عشان كذا ماحب اغلط اكثر
اشواق : براحتك

فهد بينه وبين نفسه : طيب ياشوق اوريك انا السوق هذا اللي تعرفينه اذا ماكرهتك في شي اسمه شاب بتحملك المره هذي وارسلك البطاقه لكن المرات الجايه راح تطلعين بلاش وين مابي ولا ماكون فهد

ريم : ههههه طيب دقيقه بس ومحضره لكم احلى مشروبات

يوم السبت نواف وباسم في اتجاههم للمطار
باسم : يااخي شركة الاتصالات منزله عروض وانا مشتغلين فيني فواتير وابي اشتغل في عروضهم هذي
نواف : اي عروض ؟
باسم : العروض هذي ابو عشرين هلله لخمسه ارقام
نواف : هههههههه طيب شغلها
باسم : ارقام من احط ؟
نواف : اي ارقام انت تتصل عليها انت دايم تكلم
باسم : صح دايم اكلم بس فيه اشخاص معينين اكثر الناس اللي اكلمهم
نواف : طيب حط اسمائهم
باسم : انت تدري على ايش ناوي ؟
نواف : على ايش ؟
باسم : انا بكلم الشركه بقول اني مابي اخسرهم تمام ؟
نواف : ايوا وبعدين ؟
باسم : بقول انا مابي الا رقمين وثلاثه متنازل عنها حلو ؟
نواف : طيب حلو وبعدين ؟
باسم : وبقدم لهم عرض
نواف : عررررررض كيف تقدم للشركه اللي تقدم لك عروض عرض ؟
باسم : شفت انك ماتفهم عليه
نواف : طيب فهمني
باسم : انا ابي الدقيقه بعشر هللات لرقمين بس يعني كأني اكلم بأربعه ارقام والرقم الخامس بتنازل عنه عشان يقبلون بعرضي
نواف يناظر باسم : باسم انت عقلك فيه شي ؟
باسم : ليه شايفني ارقص قدامك ؟
نواف : ولله لو ترقص ارحم بس هذا كلام عاقل ؟
باسم : ليه هذا عرض انا ابي استفيد منه
نواف : هي شركة ابوك ولا امك حتى تقول عرض وماعرض
باسم : انت الكلام معك فاضي ودينا بس المطار وانت ساكت
نواف : ههههههههه طيب طيب بوديك

شوق واشواق وريم وشيماء
شوق : يابنات مو تأخرنا عن البيت شوي
شيماء : يلا انا بمشي الحين تنتظرني محاظره طويله
شوق : هو بس انتي كلنا كذا واللي بتطلع منها ريم عشان استضافتنا
ريم : انا اخذت نصيبي من تعب ضيافتكم
اشواق : ههههههههه يعني ضيافتنا صارت ثقيله
ريم : هههههههه لاتقعدين على الحبه انتي

نوف واختها هديل في غرفة نوف
هديل : انتي صح بتسافري الاثنين مع نواف ؟
نوف : اي ولله
هيل : راح يشتاق لكم البيت كله
نوف : اشتاقت لك العافيه حبيبتي وانا بعد بشتاق لكم
هديل : طيب وووالسفريه هذي
نوف بتعجب منها من سكوت هديل : ايش فيها السفريه ؟
هديل : عشان الورث
نوف : نواف يقول انه عشان الورث
هديل : طيب مافيه اي مشاكل ممكن تصادفكم ؟
نوف : قولي خير ان شاء الله ماتواجهنا اي مشكله وبعدين خوالي كلهم راعين دين ومايأكلون مال احد
هديل : ان شاء الله

نواف وباسم يبون يزورون ابو وليد
نواف : الحين انت تعرف وين المستشفى ولا على عماها
باسم : ولله من اول على عماها
نواف : طيب ياثور لو قلت لي كان من اول كلمت وليد وسألته عن المستشفى
باسم : طيب وايش فيها لو تتصل الحين
نواف : الواحد لازم يحسب حسابه لاي ظرف يمكن ينشغل ومايكون الجوال معه بعدين وين نروح
باسم : نواف انت دايم تشوفها صغيره مني تسوي من السالفه سالفه كبيررررره خلاص اتصل وريحنا
>>>> يطلع نواف جواله من جيبه ويتصل على وليد
نواف : سلام ياوليد . كيف حالك ؟ حنا عندكم ايش اسم المستشفى . خلاص بنشوف اجره ونجي . لاااااا لاتكلف على نفسك . خلاص طيب طيب دقايق وانا عندك ان شاء الله يلا سلام

فهد مع صاحبه سامي >>> سامي رجل طيب واضح من وجهه
فهد : سلام ياصاحب
سامي عليكم السلام وين الناس
فهد : موجودين في الدنيا بس انا الحين جاي ابي اطلبك طلب
سامي : انا ماشفتك يعني الا الحين وينك من زمان
فهد : خلاص تكفى سامي يعني عشان انا جيت طلبتك الحين
سامي : طيب طيب امر ايش تبي
فهد : هذا الكلام الطيب يالطيب
سامي : جينا للمدح
فهد : هههههه طيب ياطويل العمر الموضوع ومافيه انه انا ابي استراحة ابوك في وسط الاسبوع يعني مافي احد يحتاجها في هذا اليوم تقدر تجيبها لي ولا
سامي : خلاص ابشر ولايهمك ومتى تبي تجمعنا فيها ؟
فهد : ومن قال اني بشوف احد منكم
سامي : اجل اييش
فهد : انت قول اللي سويته لك وبغيت شي ثاني
سامي : امرني
فهد : مايامر عليك ظالم بس تذكر كاميرا مراقبه
سامي يتعجب من الطلب : كاااااااميرا
فهد : ايه كاميرا
سامي : عندي بس ليه الكاميرا ؟
فهد : يااخي انت دبرها ولاتسأل
سامي : فهد انت اكيد دام موضوعك وصل لكذا اكيد فيه مصيبه
فهد : لامصيبه لواشي انت هات كاميرا علقها في الغرفه وخلاص
سامي : واعلقها في الغرفه بعد
فهد : بعدين معك سامي تبي تجيب ولا لا ؟.
سامي : ماراح اعطيك هي الا بعد ماعرف ليه الكاميرا
فهد : خلاص انا اشري لي وحده جديده
سامي : لا الموضوع في استراحة الوالد وماراح اعطيك شي الين اعرف الموضوع كله
فهد : الموضوع بأختصار بجيب بنت هنا واصورها
سامي : بدون ماتدري ؟
فهد : اجل كاميرا صغيره ابيها تدري
سامي : بس كذا تنكب البنت
فهد : سامي عرفت ليه خلاص لعاد تقول البنت ومالبنت
سامي : لا ابي اعرف كل شي عنها
فهد : البنت تطلع مع شباب كافي وماني عارف ايه بس تقول لي اماكن خاصه ماروح وانا بجيب راسها الارض ومتى مابغيتها اجيبها
سامي : دام البنت كذا خليها براحتها دامها ماتروح اماكن خاصه
فهد : اماكن خاصه هذي لي انا بس تقولها ولا تطلع مع غيري اكيد فيها ان
سامي : مادري عنك انا انصحك تبعد عنها
فهد : انت خلاص عرفت كل شي دبر اللي قلت لك عليه
سامي : طيب خلاص اعتمد
فهد : يلا اجل انا ماشي الحين
سامي : وين يابوبه
فهد : عندي اشغال ضروريه ولازم اخلصها
سامي : طيب بكيفك
فهد : يلا اشوفك على خير سلام
سامي س: سلام
>>>>> سامي يفكر بينه وبين نفسه : انا مجنون يوم وافقت على هذا انا مابي اضر احد ياساتر على تفكيرك يافهد انا ايش اسوي عشان انقذ البنت منه الله يكون بعون البنت هذي انا بسوي اللي اقدر عليه عشان امنع حدوث هذا الشي وبعدين انا احسن حاجه اني وافقت عشان اساعد هذي البنت لانه لو ماوافقت كان بوديها مكان ثاني واحتمال كبير ماتلقى احد يطلعها من هذي الورطه

نواف : والحين ياوليد ابوك كيف حاله ماتحسنت صحته ؟
وليد : لاولله من سيئه الى اسوأ
باسم : ادعي ان الله يقومه بالسلامه
وليد امين يارب

يوم الاثنين بعد مارجع نواف وباسم موعد سفر نواف لخواله
نواف : يانوف وينك جاهزه ولا لسه ؟
نوف : خلاص بس باقي شوي واكون جاهزه
نواف : يلا ترى موعد الطياره مو بعيد
نوف : خلاص دقيقه بس

بعد مانتهت نوف
نوف : يلا هديل اشوفك على خير ان شاء الله
تشوفهم ام خالد : ليه وحنا مالنا وداع
نواف : مع السلامه طيب للجميع
ام خالد : كان وفرتها احسن لك دامها بدون نفس
هديل : يمى ليه كذا ؟
ام خالد : وجع ان شاء الله هديل مو شايفتهم كيف يعاملون امك
هديل : يمى ماغلطوا
ام خالد : هديل روحي غرفتك احسن لك
هديل : اوووووه طيب يمى وتمشي غرفتها


فهد بالجوال : الو شوق وينك
شوق : انا في السوق داخل
فهد : طيب خليك عند محل معين وانا دقيقه وانا عندك

بعد شوي وهم يمشون في السوق خارجين للسياره
فهد : صراحه الطقم اللي اخترتيه مرره حلو وروعه مادريت انه ذوقك حلو للدرجه هذي
شوق : لا ادري من اليوم وراريح انه انا في اختيار الهدايا مايحتاج
فهد : طبعا مايبيلها كلام
شوق : الحين انتهت مهمتي كذا ؟
فهد : لا طبعا نبي نأخذ فرة كذا بالسياره
شوق : مو لازم فهد
فهد : افا عليك ترى بزعل انتي اخترتي الهديه اللي احترت ايش اخذها لاختي وتقولي كذا لالا لازم تروحي
شوق : اتدري ماردك بس مانطول
فهد : حاظر من عيوني

هل ينجح سامي في افشال خطة فهد الخبيثه اللي مدبرها لشوق