الموضوع: د. وليد شعوري تجاه هالاشخاص طبيعي

تجاه, شعوري, وليد, طبيعي

السلام عليكم ورحمة الله وبركاته عندي مشاكل كثير من الناس اللي حولي والمشكلة فيني عندي سوء ظن وعدم ثقة ليست من كل الناس لا من الناس اللي جرحوني او جرحوا احد اعرفه مثل زوجي و اهل زوجي مشكلتي من البداية مع زوجي قبل يدخل علي في فترة الملكة قالي يابنت الناس انا ما ابيك وكان وقتها زعلان بس هالكلمه اثرت فيني كثير وخلاص حطيت ببالي انه هالانسان ما يبيني ومن تزوجنا بدت المشاكل بيننا وصرت اشوف اشياء كثير يسويها عشانه ما يبيني وبعض الاحيان ااكون مقتنعه انه قصده غير اللي ظنيته بس اقول في نفسي لاا يمكن يقصد هو ما يبيني . وفي مشكلة مع ام زوجي كنت كويسة معها كثير واحبها واذا زعلتها بدون قصد وعرفت انها زعلت اروح واراضيها واسوي اي شي عشان ارضيها لين مرة سمعتها تتكلم فيني بالتلفون وتسبني (كنت نايمة عندهم ونزلت مع الدرج بروح لها وهي في الصاله) وتسبني وقفت سمعت لين قالت مع السلامة . وجلست شوي فوق بعدين نزلت الا الحرمة ماكنها تو تتكلم عني قبل شوي تقولي هله يا فلانة نحط لك غداء؟ جوعانة؟ تبين شي ؟ قلت لا خلو السواق يوديني بيتي قالت ابشري ابشري وبحط لك بحافظة اكل يمكن تجوعين كنت احبها لين سمعت المكالمة بعد المكالمة كرهتها وصرت اشوف انها اوصخ انسانة بالوجود وقلبها اسود وحقدت عليها خوات زوجي اكثر من مرة شفتهم يأشرون لبعض من وراي يفتشون في اي شي يخصني طحت عليهم يفتشون جوالي يفتحون رسايلي يستخدمون جوالي ويمسحون الرقم وكان جوال جديد اول ما طلع الدمعه ما يعرفون انه فيه سجل ما يحتفظ في الرسايل والمكالمات واجهت وحده منهم كان معها الجوال وداقة رقم يخصها وفاتحه رسالة لي من صديقتي وماسحتها وقالت مو انا مو انا الجوال كان معها مقفول برقم سري وتقولي يمكن وحدة من زميلاتي فتحته طيب وحدة من زميلاتك تدق رقم زوجك وتمسحه !! ووحده منهم لمن صارت مشكله بيني انا وزوجي ورحت لأهلي طلعت اشاعة اني متعرفه على ولد جيراننا وانه زوجي عرف وضربني ورحت انا وعشيقي للشرطة نشتكي على زوجي لانه ضربني !! وبعد ما رجعت لزوجي عرفت بالموضوع قلت لزوجي خذ لي حقي قال ما اتبع كلام الحريم رحت كلمت اخته قالت لا انا ما قلت عنك هالكلام تقول انا قلت لصديقتي عن مشكلتكم وقلت لها عن مشكلة ثانية لوحدة متعرفه على ولد الجيران وخلطت الامور تحسبك انتي !! هنا انا قفلت منهم ومع ذاااااالك قلت بعاملهم زين وعاملتهم افضل معامله وكنت مشتركة في متندى نسائي واكثر من مرة كتبت عنهم اشتكي منهم ومن معاملتهم لي ومن ام زوجي واللي حصل انهم فتشوا كااااالعاده بالمنتدى وشافوا مشاركاتي وعلموا زوجي وصارت مشاكل كثير وقالوا اني بوجهين طيب انا الان بوجهين يا اما اسوي معهم مشاكل واتطلق او اعاملهم من احسن ما يكون واسلم الطلاق والمشاكل انا الان عندي عدم ثقة بهالناس واي شي يسونه معي افهمه انه يقصدون شي من وراه وعدم ثقه فيهم لانهم يعاملوني زين بعد هم ومن وراي ساكاكين تقطع بظهري وهذا اسلوبهم معي ومع غيري . ياليت تساعدوني وتقولون لي عندي وسواس قهري والا لا ؟ والا وش عندي بالضبط الله يوفق من يساعدني ويجزاه خير

---

]> ,gd] au,vd j[hi ihghaohw 'fdud