الموضوع: عااااااااااااااااجل د.وليد

حياك الله اختي الكريمة جوجو واتمنى لك الخير والسعادة والتوفيق أختي الكريمة.
أختي ابنك في مثل العمر هذا يحتاج إلى احتواء اكثر ويحتاج إلى انك تحضنيه بشكل مستمر وقت مايعصب وفي نفس اللحظة التي يعصب فيها ويبغى يضرب رأسه احضنيه فوراً الطفل في مثل العمر لايعرفوا التصرفات التي يقوموا فيها وتكون بالعادة تعبير داخلي يعب عن شي بداخله منزعج منه فتعتبر علامة يعبر عن نفسه فيها وهنا يجب أن تعرفي وش مزعجه فقد يكون جائع او يبغى يتحرك ويلعب وهنا يجب أن يشعر بحنانك واهتمامك كثير حتى يقلل من هذا السلوك كمان الدلع الزائد له دور في ذلك فحاولي تتجاهي هذا الشعور لديه إذا كان مبالغ فيه من ناحيته .
الله يعطيك العافية أختي الكريمة وإنشاء الله سوف أقدم مواضيع خاصة بالتعامل مع الطفل في مثل هذا العمر .

مشكور وما قصرت يا د.وليد الله يعطيك العافيه بس حبيت اقولك طريقة تعاملي مع ابني كيف؟
انا لو قلتلك اني عمري ما صرخت على ابني او عاملته بقسوة واحس اني اكثر ام بالدنيا تعطي ابنها اهتمام وحب وعطف لدرجة اذا يوم مر وحسيت اني ما لعبت معاه بالشكل المطلوب او ما قضيت معاه وقت اكثر اجلس ابكي قبل لا انام
بس هو احيان وانا اتفرج على tv يجي قدامي ويناديني وبعدين يضرب راسه بيده او بالارض وهو مو معصب فحسيت انو يبغى يلفت انتباهي وبعدها تركت كل شي وضميته وبوسته واعطيته كل الحبوبعدين صار يسوي هذي الحركه كثير خصوصا لما اكون مشغوله باي شي فأاكتشفت انو يبغى يلفت انتباهي له بس انا ما ابغاه يلفت انتباهي بهذي الطريقه عشان كذا صرت لما يسويها اتجاهله تماما علما بأن اغلب وقتي اقضيه معاه في اللعب والتعليم ومن كثر ما اجلس معاه صار يتكلم ويذكر الله اذا سمع الاذان صار يسوي مثلي بكل شي اسويه وفصيح اللسان الله يحفظه
بس ناس كثير قالولي انو يسوي كذا عشان انا ضابطته بمواعيد نوم ولعب وخروج واكل فهل اغير اسلوبي معها من ناحية الضبط وعندي سؤال الله لايهينك هل اسلوب العقاب مع عمر ولدي ينفع ولا لا؟وسلامتك يا دكتورنا الفاضل. وسامحني على الاطاله
ولك خالص تحياتي.

حياك الله اختي الكريمة جوجو وربي يحفظك ويسعدك ويحميك من كل شر .
اختي من الممكن ان طفلك يحاول لفت انتباهك من خلال تصرفه هذا ويحاول ان يجذب انتباهك له من خلال هذا التصرف لكي تحضنيه وتلاعبيه فهي طريقة من الممكن ابتكرها لكي يلفت نظرك له فمن الواضح ان طفلك مدلل ومتعود على الحضن وانك تشيلينه وتعطينه بال هو شي جيد ولكن مو بزيادة عشان لايتعود على ذلك وتسبب له مشكلة في الكبر ويصبح متعود على التصرف هذا وبالتالي تمثل له مشكلة تعلق بك ويبدأ يشعر بالخوف مستقبلا من الناس فحاولي تكوني معتدلة معاه وتجاهليه بعض الإحيان .
حاولي لاتكوني ضابطه المواعيد لديه وتجعلي هذا افمر محدد له وقت فهذا غلط مثال لو جت الساعة تسعة ولازم في العادة تنوميه في هالوقت هنا غلط يمكن الطفل مايبغى ينام وهنا لازم ماتجبريه أبد وتخليه ينام متى ماجت حاجته للنوم لإن الضبط بعض الإحيان يثير القلق والعصبية عند الطفل فاحذري اختي الكريمة ان تجبريه او تلزميه بوقت لإن هذا الشي يثير القلق والتوتر عند الطفل في مثل هذا العمر والطفل لايدرك ولايعرف يعبر عن انزعاجه إلا بهذه الطريقة وهي العصبية.
لا أختي ابتعدي عن العقاب لانه أصلا ماراح يستوعبه وبالعكس العقاب حيثير التوتر والقلق لديه بزيادة فحاولي تهديه وتلاعبيه واعرفي انه طفل ماحيستوعب شي فتعاملي على حسب عقله واحترمي رغاباته واقربي منه واعطيه حنانك بقدر ماتقدري وتجاهلي كل تصرف سئ .
الله يعطيك العافية أختي الكريمة وربي يسعدك ويوفقك يارب.

جزاك الله خير د.وليد
انا راح اسوي اللي قلتلي عليه راح اتجاهله في بعض الاوقات والله يصبرني لاني انا اللي متعلقه فيه موت
وكلامك صحيح انا مدلعته كثير وبالي طويييييييييييل جدا معاه لاني استمتع بقضاء وقتي معاه وما اخليه يوصل لدرجة البكاء الا نسبة 1% . ومن ناحية تعلقه فيني هو متعلق فيني فيني خلاص. ولما اخرج مكان ابدا ما يخاف لاني اخرجه دايم ويشوف اطفال بشكل مستمر وكمان جريئ معاهم ويلعب وما همه احد واتمنى في المستقبل ما يجيه خوف ابدا من الناس.انا معاملتي لينه معاه بهذي الطريقه لاني فقدت هذا الشي في صغري وما ابغى احرم ابني من اي شي انحرمت منو وانا صغيره وانا في قرارة نفسي عارفه انو هذا شي لو استمريت عليه راح يضره مستقبلا بس كل ما اجي ابغى اغير شي معاه افتكر حالي وانا صغيره فا ابطل اكون جامده شويا معاه.بس ان شاء الله من اليوم احاول اجمد قلبي شويييييه بس لاني كما ذكرت سابقا اتأثر جدا لو زعلته واجلس ابكي وهذا شي متعب نفسيا بالنسبة ليا انا.
والف الف الف شكرا لك يا د.وليد عسى الله يرزقك ببنت الحلال اللي تسعدك يارب
مع خاااااااالص تحياتي لك.

حياك الله اختي جوجو وربي يطول في عمرك يارب وإنشاء الله ربي يطول في عمرك ويهدي بالك ويخلي ولدك ويحفظه من كل شر .
اختي جوجو هو ابنك ومن حقك تدلعينه ولكن بحدود أختي الكريمة عشان مايتعود بكرة على هالدلع ولاتقيسي طفولتك بطفولته فكل جيل كان له أسلوب تربية وتعامل وتعرفي اهالي زمان مو مثل الحين متفتحين شوي هذاك زمان كان له اخطاءه في التربية ولكن انتي لاتجعي للماضي ولاتذكريه أبداً اجعليه يذهب في حال سبيله انتي بنت اليوم فعيشي اليوم لإجل غد جميل ولاتتذكري المواقف السلبية التي حدثت لك في الماضي وسامحي من كانوا سبب في طفولتك القاسية فقلبك كبير وشوفي رب العالمين كيف هو غفور ورحيم ومسامح فكيف ونحن عبيده مانغفر ونسامح السماح اختي الكريمة لغة انسانية جميلة لغة الإنبياء وانتي اختي قلبك طيب ورحوم فسامحي من كان سبب في تعبك في طفولتك وعيشي يومك بتفاؤل وربي انشاء الله يكتبلك الخير والتوفيق في حياتك الله يوفقك ويسعدك يارب.

مشكور يا افضل د.وليد عالاطلاق الله يجعله في موازين حسناتك يارب كل اللي قاعد تسويه من مساعده مع الناس
وعلى فكره د.وليد انا من زمان مسامحه كل اللي اذوني بحياتي ومحللتهم ليوم الدين وادعيلهم بعد بالصلاح والهدايه
*ومن ناحية التفاؤل ابشرك بعد اخر زياره لك والتمرين اللي علمتني هو فادني كثيييييييييير احس نفسي احسن بكثير من اول ولا حظ هذا الشي زوجي وجلس يدعيلك والله يا د. وليد كل ما تجي على بالي اجلس ادعيلك
ووعد مني يا د. وليد اذا ربي رزقني بطفل ثاني راح اسميه وليد ويارب يطلع دكتور كمانهههه
الله يوفقك يارب ويخليك لاهلك واحبابك .امين يارب