مشكله اثرت على حياتي (الرجاء مساعدتي واطلع الدكتور عليها ) بـ اقصى سرعه

**rooz** · 30-Mar-2010,02:18 AM

مشكله, الدكتور, الرجاء, اثرت, اقسى, سرعه, على, عليها

بسم الله الرحمن الرحيم

الى طبيبنا الغالي (الدكتوروليد )انا اعاني من مشكله اظن انه مايسمى بالرهاب الأجتماعي منذحوالي سنه تقريبا
وانا متزوجه وعندي طفله 3سنوات المشكله انني اشيل هم اي مناسبه وافضل اني مااروح لها
وبعض الأحيان اتجهز مره على اساس اني بروح بس فجأه اهون ولا اروح وافضل اني اجلس اخاف الناس يشوفون تصرفاتي ويدرون ان فيني شي موطبيعي
اذا رحت للناس تجيني زي الرعشه خفيفه وانا جالسه عادي واسولف بس موبحدة الرعشه حقت
الأكل او الشرب مااقدر اتقهوى ولا اكل اي شي لدرجة اني اتعذربأن معدتي تعورني او اي شي
عشان انقذ نفسي من الموقف تزداد اكثرفأكثر اليوم انا شفت برنامج نفوس حائره
وكنت تتحدث عن مهارات التعامل مع القلق والتوتروشفت تمارين الأسترخاءالتنفسي الله يعطيك العافيه
فأنا سؤالي هل هذه التمارين تغني عن العلاج الدوائي وهل دواء هذه الحاله يؤثرعلى الحمل
ولا لازم اجي للعياده عندك ومااسباب هذه الحاله 0
آسفه يادكتورعلى الأطاله والله يعطيك الف الف عافيه شاكرين لك جهدك ووقتك من اجلنا
وهل ان الواحد يتعود على العلاج طول العمر والعلاج النفسي صحيح يسبب السمنه وهل التمارين الرياضيه والمشي تفيدفي هذه الحاله
وابي تنصحني وش اسوي اجيك للعياده او تعطيني الخطه العلاجيه في النت اوكيف وكيف طريقة حضوري للندوات اللي تسوونها بها الخصوص ولا عليك امر ابي تكتب لي اسماءالمحاضرات اللي تفيد حالتي عشان احضرها0
ىنا آسفه على الأطاله ولك مني جزيل الشكر والله يطول في عمرك ويجزاك الف خير
وجعله الله في موازين حسناتك شاكرين لك حسن تعاونك معنا 00

la;gi hevj ugn pdhjd (hgv[hx lshu]jd ,h'gu hg];j,v ugdih ) fJ hrwn svui

**عمر الشمري** · 30-Mar-2010,07:00 PM

أسأل الله تعالى ان تجدي الراحة والاستقرار
والدكتور وليد ماراح يقصر ان شاء الله

**rooz** · 31-Mar-2010,08:08 AM

يعطيك الف عافيه اخوي عمر00
الله يرفع قدرك ولا يعنيك مكروه
رفعت معنوياتي الله يجزاك خير

**لآ أعرف من أكَـونْ ؟!** · 31-Mar-2010,09:23 AM

اختي حالة نفسية واضح
الرعشة سببها الاهل ايام ماكنتي صغيرة

بسبب الخوف منهم او عدم الثقة فيك او او

ممما جعلك تفضلي الوحدة
وبالاخيراادى الى الضعف للرؤية الناس عامة

:: مجرد ( توهم )

كآن الله في العون
. .
ويإذن الله الدكتور وليد الله يحفظه ماراح يقصر أبد معك ويفيدك .

**د. وليد الزهراني** · 31-Mar-2010,12:32 PM

حياك الله اختي الكريمة روز واسئل الله لك الخير والعافية اختي الكريمة .
اختي الكريمة من الواضح ان لديك قلق اجتماعي ناتج عن ضعف الثقة في نفسك في التعامل في المواقف الإجتماعي والتعامل معاها بشكل طبيعي وبكل ثقة وهذا يكون ناتج لإسباب كثيرة منها نقص المهارات الإجتماعية وضعف الثقة بنفسك اختي الكريمة وهنا اختي انتي بحاجة إلى تدريبات نفسية وخطة علاجية تمشين عليها ومو بحاجة إلى دواء نفسي إلا في حالة إذا كان القلق والتوتر عالي وماقدرنا نسيطر عليه بالإسترخاء ولكن نقول إن شاء الله مانتي بحاجة لها ويفضل اختي الكريمة اني أراك في العيادة إذا أمكن أننتي اختي بحاجة فقط لأخطة علاجية مناسبة فقط لا غير ويجب ان تلتزمي فيها اختي الكريمة تطمني مشكلتك بسيطة ومحتاجة لبعض التطوير .
الله يعطيك العافية اختي الكريمة.

**rooz** · 01-Apr-2010,02:59 AM

الله يعطيك الف عافيه دكتوروليد ويوفقك ويريح بالك
طمنتني 00 الله يجزاك خير 0
بسس ودي اعرف انت في مركز النخبه ولا وين بالضبط؟
وكيف الطريقه للحجز الله يوفقك ولا يعنيك مكروه 0

**rooz** · 01-Apr-2010,03:17 AM

المشاركة الأصلية كتبت بواسطة لآ أعرف من أكَـونْ ؟!

اختي حالة نفسية واضح
الرعشة سببها الاهل ايام ماكنتي صغيرة

بسبب الخوف منهم او عدم الثقة فيك او او

ممما جعلك تفضلي الوحدة
وبالاخيراادى الى الضعف للرؤية الناس عامة

:: مجرد ( توهم )

كآن الله في العون
. .
ويإذن الله الدكتور وليد الله يحفظه ماراح يقصر أبد معك ويفيدك .

مشكورعلى المرور
واتمنى اذا مريت على اي حاله تدعي لها
بدال ماتقول 00 مجرد توهم 00
وتكتب لك كلمتين تريح بال المريض عشان يدعي لك ويكتب لك الأجرعندالله
بأذن الله 0

**الم الحب** · 01-Apr-2010,04:08 AM

اخت روز حابه افيدك وماابقى الا دعواتك
الدكتور فمركز مطمئنه خذي رقمهم من السنترال وكلميهم واحجزي
يابختك انك فالرياض لاتفوتي هالفرصه
انا فمكة وياليته عندنا
اختي اتمنى للك الشفاء ولكل المسلمين لاتنسيني من دعواتك

**rooz** · 01-Apr-2010,08:52 AM

المشاركة الأصلية كتبت بواسطة الم الحب

اخت روز حابه افيدك وماابقى الا دعواتك
الدكتور فمركز مطمئنه خذي رقمهم من السنترال وكلميهم واحجزي
يابختك انك فالرياض لاتفوتي هالفرصه
انا فمكة وياليته عندنا
اختي اتمنى للك الشفاء ولكل المسلمين لاتنسيني من دعواتك

هلا اختي الم الحب يسعدني مرورك حبيبتي 00
الله يوفقك ويفرج لك يارب ويسعدك ويحقق اللي في بالك
ولا يعنيك مكروه ماقصرتي ان شاءالله بكلمهم 0
اللهم آمين الله يتقبل منك 0