الموضوع: أبيات شعريه اخترتها لكم

يا عين عمدان السهـر قامت ولا حولك منـام
الهـم جانـي مبتـداه ورحمــة الله شاملـه



تلعب بي الدنيا وأنا كنت أحسب ان الحـظ قام
الله يعوض خـير فـي جهد اليديـن العاملـه


مثل العقيم اللـي رزقـه الله فأحلامه غـلام
من فرحته مـا فارقـت راس الغـلام أناملـه


ما تمت الفرحه وراحت روحه بسـن الفطـام
الله عطا والله خـذا فرحـه ولا هي كاملـه



خافا من اوجاع الزمان وفاع من نفح العسـام
وليـا تمنى جمـع أشــد العـنا عوامـلـه


عيا يزيـن الحـال حتى فالتمنـي والكـلام
الصبـح مقتـول التوهـم والليـال أراملـه


أقدار سوت بي سوات الشلف عجلات الولام
تبطش ويبطش فالحشا صيب الجروح الداملـه


شرع الدهـر يومين زيـن وشيـن لله الدوام
حدا الليالي مقبلـه مـدري وشنهـي حاملـه


والحظ ما يسمع ولا ينطـق ولا عنـده نظـام
أظن لو يعرف عـنا راعيـه فـز وقـام لـه


ما فات مات وباابتدي ما دام لي شـف ومـرام
دام الأمل موجـود فقلـوب الوجيـه الآملـه


اللي زرع يحصد وأنا بالنور واجهـت الظـلام
واللي يكرر غلطتـه بانـت عليـه الخاملـه


يا صاح أنا سقت القدم صوبك ولا فيها كـلام
خل النظر حول النظر تلقى علومـي صاملـه


الذيب ما هرول عبث والطق فالميـت حـرام
والحـر تكفيـه الإشـاره لا بغيـت تعاملـه


أنا ما أسج الرجل للي يرتخي وقـت الزحـام
أسجهـا للـي علومه طيـبـه وأزامـلـه


لا من صحبنا ما صحبنا الا رفيعيـن المقـام
الكير نحرب نافخه والمسك نصحـب حامله


ما هانت العشره ياخيك الا على روس الهـلام
أترك سميلات الجـداد البـس جـداد السامله


اللي ما يعنيني ما يعنيني ولا أعطيه إهتمــام
كوامـله نواقـفـه نواقـصـه كواملـه


قلنا ذلول احـزام مردوفـه وزعلنا حــزام
يحسب ذلول احزام لا مدري يحسب احزام لـه


أقدام سيقـان النعـام اتأثـر بـروس النعـام
أثر النعامه راسهـا لا طـال تصبـح ثاملـه


حمل الرسايل والمسافه فوق جنحـان الحمـام
الطير بالمكتوب حايـم للوطـن مـا حام لـه


روس الحبال معقده ما بين جوخ وبز خـام
الموقف الغصـاب سلـم لـي علـى قراملـه


الطيبين مصدريـن العلـم قصـاص العظـام
الطيب لو ما جـاو له جاهـم يغنـي زاملـه


وإن ضاعوا أهل المعرفه قلنا على الدنيا السـلام
أصل الأصايـل يحتويهـا مـا تعّـود هاملـه


يعّنها اللي فاللقاء ضاري علـى ورد الحيـام
يزعزع البيدا ولا جـار الزمـن فـي زاملـه


وكان الزمن عيا يطيـع فخلهـا راس وسنـام
وأخوك من بعد التعب عبـر إبتسامـه جاملـه


كلمات الششاعر \ عبد الله بن عماره

تحياتي

---

Hfdhj auvdi hojvjih g;l