الموضوع: ((( أصبـــر على الصكــات لو جاك ماجــاك ))))

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسامعٍ هرجي أبي أنصحك وأنهاك "=" وخذ النصيحه ربنا لا يهينك
مادمت ياالمخلوق عايش بدنياك "="فأعرف ترى يلزمك حفظك لدينك
وأنصحك في طاعة من أوجدك وأنشاك"="ثم أنصحك في طاعتك والدينك
وتغانم الايام من قبل فرقاك "="لا بد مايومٍ هلك فاقدينك
وأصبر على الصكات لو جاك ماجاك "="والله على الصكات دايم يعينك
هذا ولا تخشى سوى الله مولاك "=" وماصابك الأ ماكتب في جبينك
وحذراك كثر الهرج حذراك حذراك"=" وعند الخلايق لا تبيح كنينك
وعقب الخطا بالحال عدّل خطاياك"="ماب العرب لاعدتها عاذرينك
وخل الوفى والطيب سلمك ومبداك"="مادمت حي لين تقفي ضعينك
هذا وخلان الرخا عدها أعداك"="تنساك لامن كشرت لك سنينك
مادام تبغى الازمه منك تنصاك "="وتقدرك وتحب خشمك وعينك
ولياأنتهى الازم تجنبك مناك "=" ماكنهم يا سامعي عارفينك
الناس ماتنفعك لو تسمع أنداك "="ولو ترفعه ماكنهم سامعينك
ماينفعك في حاجتك غير مخباك "="وماكل في دنياك حاشت يمينك
ولو طبت بالخايب فلا بد ينساك "="ومايذكر ألا بس عيبك وشينك
ولو هو قريب واحدٍ من دناياك"="ماينفعك لوكان يسمع ونينك
ولو طبت بالطيب فلابد يجزاك "="بالطيب وليا أعتزت عونٍ يعينك
وتراك لو شفت السعاده بديناك"="ولو العرب من زودها حاسدينك
جايز كبيرات البلاوي تبلاك "=" وتلقى المرار وتجرعه في سنينك
أقنع بما مدك من الرزق وأعطاك"="ولا تنفتن بالوقت وينسيك دينك

[/poem]