الموضوع: رواية البيت المسكون

البارت الثاني

ابو روان وام روان: يركضووووون

ابو روان : رونه اشفيج ؟

ام روان : يمــه بنتي

روان : طايحه بنص الحوش وعيونها شاخصه

ابو عبد المجيد : عسى ماشر اشفيها روان

ابو روان : ما أدرى الظاهر طاحت تعرجبة فى هالظلمه بشي وطاحت

الدلال : تفضل ابو روان ماي صب على وجها

روان : هاا هاا منو ما ابي وخرووو اهيه اهيه

ام راون : يمه روان اشفيج ؟

روان : تبجي ولامه امها

ابو روان : ابو عبد المجيد خلك اهنى مع الدلال بوصلهم البيت وارجع

ابو عبد المجيد : اى اى طال عمرك وصلهم احنا فى انتظارك

ابو روان : بالسياره اشفيج ابنيتي رونه

ام روان : انتى شنو اللى يايبج جذى ماخليتينا نشوف البيت

روان : ساكته مصدوووومه على وجها علامة استفهام ؟

ابو روان : حصل خير

ام روان : شوف عبدالله البيت حلو وقع العقد معاه اليوم قبل لايروح علينا لاترجع الا والعقد معاك

ابو روان : ان شاء الله ان شاء الله

ام روان وروان دخلو بيت ام نوال

ابو روان : اتفق مع الدلال على مشترى البيت ووقعوا العقد وتم شراء البيت

بعد شهر من شراء البيت

ام روان : ابو روان خلاص عاد خلصنا تأثيث البيت وصار جاهز لسكن سو حسابك الاسبوع الجاى راح نسكن فيه واجر بيتنا هذا اللى لاعت جبدى منه

ابو روان : الحين هذا البيت صار يلوع جبدج زين على يوم الخميس تكون رونه خلصت امتحانات ان شاء الله نكون ساكنين

روان خلصت امتحانات وانهت المرحله الثانويه بتميز وكانت نسبتها 98.6 علمي

ابو روان : اجر البيت واخذ مقدم 3 سنوات

اليوم الخميس اول يوم راح ينامون فى البيت الجديد

روان : كانت رافضه الفكره من الاول من بعد ماشافت شبح فى البيت والشبح كان لبنت لابسه عبايه وبدون حجاب وماسكه فى يدها طفل ميت

بس روان ماقالت حق احد اللى شافته خايفه انهم يضحكون عليها ومرات كانت تساورها الشكوك ان ما شافته مجرد خيال مو حقيقه وهى من ذاك اليوم اللى راحت فيه للبيت وطاحت مادخلته مره ثانيه ولا كانت تروح تختار اثاث لغرفتها وكل ما قال لها ابوها او امها كانت تتعذر وتقول ابي ادرس وكانو يعذرونها لان كان حزتها امتحانات اخر السنه

بالسياره فى الطريج الى البيت الجديد وكان حزتها الساعه تقريبا 3 العصر

ام روان : روان انتى اشفيج من صعدتى السياره وساكته مافتحتى حلجج بكلمه ولا سألتى حتى
على غرفتج

روان : يمــه انا اعرف ذوق ابوى حلووو عشان جذى ماسألت على غرفتى ولا عن شى

ابو روان : يضحك هههههههههههه حبيتي والله انتى ابنيتي

ام روان : وشمعنى ذوق ابوج وانا ذوقى ما يعجيك ؟

روان : تتحلطم الله يستر من ذوقج وين راح يوصلنا

ام روان : شنو تقولين تتحلطمين

روان : لايمــه ماقول شى اقول ذوقج انتى بعد حلو

توهم واصلين عند البيت وبينزلون من السياره و روان كانت حدهااا خايفه

ام روان تصـــــــرخ )عبدالله شكلى بولد طلق قوووى اه بطنى اه

ابو روان : نوال مسكي روحك اشوى ذكرى الله دقايق نكون بالمستشفى

وصلو المستشفى على طول دخلوها الولاده وابو روان وروان والخادمه ناطرين
(بعد ساعه وربع )
السستر: مبروك يا حجى ياكم ولد يشابه الاموره هذى( تقصد روان)
(بعد 17 سنه من ولادة روان ابو روان فاضت عينه )
ابو روان : مشكوره يصير نشوفها؟
السستر: بعد ربع ساعه ان شاء الله على ما نحولها الجناح تقدرون تشوفونها

روان : يبه يتربى بعزك

ابو روان : ما قدر يرد على روان بس عبر عن فرحته انه لم روان

بعد ربع ساعه ادخلو شافوا ام روان وكانت تعبانه من الولاده

ابو روان : باس راس ام روان الحمد لله على السلامه يا عسل يا ام اعيالى

ام روان : وهى تعبانه تبتسم الله يخليك لهم

روان : تبوس امها الحمد لله على السلامه يمه

بعد نص ساعه

السستر : هذا احلا بيبي يقول وين ما ما وين بابا

ابو روان : على طول راح وشال نواف الطفل الجديد وحط يده فى جيبه وطلع افلوس وبدون لايعدهم يعطيهم لسستر

بعد 3 ايام من بعد الاستقبال فى المستشفى والفرحه بالمولود الجديد

وطبعا فى هذى الثلاث ايام ابو روان وروان كانو ينامون عند ابو نوال في بيتهم
عشان ابو روان كان مايبي يدخل البيت الجديد الا مع دخول ام روان

الساعه 10 الصبح بعد ثلاث ايام ترخصت ام روان مع الولد

بالسياره

ام روان : عبدالله وين بنروح لاتقول بروح اتنفس عند امي ما ابى ابي اتنفس فى بيتى

ابو روان : يامعوده لاحقه على البيت روحى قعدى عند عمتى شريفه تنفسج

ام روان : ابي اتنفس في بيتى ما صارت اطلعت عينى على ما اسكن فى البيت

ابو روان : يضحك ههههههههههه تأمرين امر يالغاليه

روان : يمه انا اقول تنفسى عند جدتى شريفه احسن لانها خايفه

ام روان : سكتى انتى

روان : يمه كله تجعمينى وشكل التجعم هذى الايام بيكثر من بعد نواف

ابو روان : يضحك ههههههههه لا انتى الغاليه

روان : صج يمه انا الغاليه

ام روان : تسكت اشوى اي يمه كلكم غالين بس ابوج لو يخف الدلع عنج شوى احنا بخير

روان : اصلا لو ابوى يخف الدلع عنى ماتستانسون مايصير عندكم دلوعه بعدين

الكل يضحك هههههههههههههههههههه

الساعه 12 الظهر

وصلوا البيت الجديد

ابو روان : يفتح الباب منوره بيتج يا م روان

ام روان : بوجودكم

الساعه 4 العصر

الكل حاظر يبارك لهم على المولود الجديد والمسكن الجديد

الساعه 7.30

الكل مشى

روان : وناسه اليوم وايد من زمان ماتجمعنا هذى الجمعه

ابو روان : اى والله الله لايحرمنا الجمعه

الكل

اميييييين

روان : مستانسه وايد فى اثاث غرفتها بس للحين تذكر اللى شافته قبل فى الحوش

روان : انا بروح غرفتى تبون شى

ام روان: تو الناس اشعندج تقعدين بروحج

روان : تضحك بروح اشبك على الانترنت

ابو روان : اى بنيتى روحى وسعى صدرج

روان : اوكى (وهى صاعده )

روان : فى غرفتها شابكه وتنزل نغمات حق تلفونها

فصلت كهربة غرفتها

روان : تقوم بتروح تنزل خايفه وهى رايحه على باب الغرفه وهو كان مسكر
تشوف على الباب نفس اللى شافته المره اللي طافت

روان : تصاااااارخ يمـــــــــــــــــــــــــــــــاااا يمـــــــــــــــــــــــاااا
كل ماتصرخ تشوف جن البنت اللى لابسه عبايه وبدون حجاب وماسكه طفل ميت تقرررررررب منها روان موقادره توصل للباب عشان تطلع تصارخ انتى شنو تبين مني
الجن يمد لها يده وكان كأن يبي يعطيها الطفل الميت

روان طاحت على الارض وتسكر عيونها بايدها وتبجى وتصارخ وطبعا ما كان احد يسمعها
وفجأه تشيل روان يدها من على عيونها تشوف الطفل الميت في حظنها

/
/
/
/

البارت الثالث

روان : تشوف الطفل الميت في حظنها وتصاااارخ وتبجى

وكان الطفل يناظرها

بعد مده من الصراخ روان

((ابو روان و ام روان والخادمه ميري

يررررركضووون روان اشفيج اشفيج ))


ابو روان : يفتح باب غرفة روان

الكل يدخل الغرفه

ابو روان : اسم الله عليج رونه اشفيج اشلون طحتى

ام روان والخادمه ميرى : يحاولون يقومونها من على الارض

روان : شبووو الكهربه وخروو هذا عنى وكانت فى حاله هستيريه فوق ماتصورن

ام روان : روان قومي اشفيج الكهربه شغاله ومنو اللى نوخره عنج
اسم الله عليج شنو فيج

روان كانت ملابسها متكشفه وحالتها حاله

ابو روان : يابنيتى مافيج الا العافيه ام روان غسلى وجها وقعدى معاها اشوى لما تهدي
انا بروح اتمدد شوى اذا هدت نادينى اشوفها

ام روان : ان شاء الله لاتحاتى مافى الا الخير

ابو روان : وهو طالع من الغرفه الله كريم

روان : للحين ساكته ومصدوووومه وتلفت يمين وشمال وامها تكلمها ماترد عليها

ابو روان : وهو رايح لغرفته عشان يتمدد وقبل لايتعدى غرفة روان فى طاوله
يشوووف القطووه السوداء تطالعه ( تخزه ) وعيونهاا تلمع ابو روان كل شعر جسمه
وقف حس بقشعريره فى جسمه ابو روان تت تت تت القطووه ولا تحركة من مكانها وتخزززه
وبدون شعور وبالخوف ابو روان يفصخ انعاله ويحذف فيها القطوه .
القطوه اركضت ركضه خفيفه وقبل لاتنزل من الدرج خزززة ابو روان ونزلت

ابو روان : دخل غرفته وتمدد على السرير يفكر فى روان وشنو فيها
فجأأأأأأأة انفتح باب غرفته

ابو روان: يفززززززز مخترع

ام روان :اشفيك خرررعتك هههههههههه ترى روان قاعده مافيها شى اذا تبي تشوفها

ابو روان : الحين الحين جايكم

ام روان : (وهى طالعه) زين انا بروح عند روان وانت تعال تطمن عليها مو تنااام

ابو روان : قام دخل غرفة روان

روان : قاعده تبجى وتراجف ومتغطيه بالديباج وام روان قاعده تسكتها

ابو روان : نوال تقولين مافيها شي تعال شوفها والبنت ميته بجى وتراجف جذى

ام روان : عبدالله اشفيك ؟
انا متى قلت لك @@

ابو روان : انتى ما جيتي عندى الغرفه وقلتيلى تعال شوف روان ساكته مافيها شى تعال مو تنااام

ام روان : @@ انا ماقمت ولا تحركت من مكاني
ام روان : اشعليج روان ابوج الظاهر غفى وانتى فى باله مانقدر على هذا الحب اللى عطاج يعطينى

ابو روان : @@ اعوووذ بالله من ابليس اعوذ بالله من ابليس

ام روان : انت اشفيك ؟

ابو روان: مافينى شى

روان : من بعد الصمت يبااا انت شفت امي ياتك وكلمتك

ابو روان : اى رونه الظاهر مثل ماقالت امج من خوفى عليج غفيت وانا افكر فيج وتخيلت امج ياتنى تبشرنى انج مافيج شى

روان : تصررررررررخ يبااا انت ما تحلمت انت شفت اللى انا شفته

ابو روان : @@ شنو اللى شفتيه رونه حبيبتى

روان : وهى مهستره وتبجى يباا شفت جنيه والله شفت جنيه طفت علي الكهربه وماخلتني اطلع كانت تلحقنى ولما طحت حطت فى حظنى بيبي صغير جنه ميت

ابو روان و أم روان : @@ انصدموووو من كلام روان وقامو يطالعون بعض بصدمه
بس ام روان خذت كلام روان بعدم الجديه وقالت
ام روان : شنو هالخرابيط هذا كله من التلفزيون اللى مقابلته 24 ساعه وتشوفين افلام الرعب

روان : تبجي كنت ادرى محد فيكم بصدقنى والله كنت ادرى انا مو مينونه مومينوووووونه
وتمجع فى شعرها وتصرررخ وتبجي

ابو روان و ام روان : قاعدين حواليها ويهدونها ومره يقولون لها مصدقينج بس اهدى ومره يقولون لها انتى توهمين ومره يذكرونها بالله


ابو روان: سرح فى كلام روان وكان شبه مصدقها وصار يفكر فى ام راون لما جاته الغرفه
وبعدين لما يسئلها تقول ماتحركت من مكانى وهو كان مو نايم والقطوه اللى طلعت من تحت الطاوله بس سكت وماحب يقول حق ام روان ولا روان لسببين
الاول :كان متأكد ان ام روان ماراح تصدقه وبتقوله انت خرفت او انك تبي ترجع البيت القديم او او او سوالف ام روان اللى ماتنتهي
والثاني : كان مايبي يزرع فى قلب روان الرعب ويصير فيها شى


روان : انا ما ابي انام اهنى ودونى عند جدتي بنام عندها

أم روان : انتى شنو تقولين جدتك فاضيه حق تخاريفج بروحها تخاف من الظلمه ناقصه تخريع منج ومن افلامج الرعب

روان : لا ما ابى انا اهنى ما ابي

ابو روان : خلاص ابنيتى روووونه كلنا بنام بالصاله اليوم مع بعض

ام روان : عبدالله من صجك انت ؟

ابو روان : اى من صجي يالله نزلو لنا فرش وخل ننام بالصاله مع بعض

أم روان : نامو انتو بالصاله انا بنام بغرفتى

ابو روان : نوال انا قلت نزلو الفرش وخل ننام كلنا بالصاله

ام روان : انت شكلك خووفتك بنتك بتخااريفها زين بنزل الفرش

ابو روان و روان: بروحهم فى غرفة روان

ابو روان : يالله ابنيتى تعالى ننام تحت كلنا وباجر ان شاء الله يصير خير نامي عند جدتج اذا تبين

روان : صج يباا

ابو روان : صج ابنيتى

نزلو الفرش والكل نام تحت وكانت نومه مافيها اى شي
بس ابو روان و روان : استصعبت نومتهم بالبدايه


الصبح

ام روان : عبدالله الساعه 8 بتروح الشركه

ابو روان : اى اى كانى قايم

((قام بو روان اخذ الشور وكانت ام روان مزهبه الريوق كالعاده تريق وطلع ))

روان : قعدت من النوم الساعه 10 يمه وين ابوى ؟

ام روان : ابوج راح الشركه قومي يالله قعدي معاى خل نعدل دار حق نواف
اذبحتنى الخادمه ماقولها شى وتيبه صح اقولها جيبي ملابس تجيبلى ماى
وانا كل ماشفت الماى زفيتها وشربت الماي اليوم شربتنى تااانكى ماي كامل

روان : تضحك ههههههههههههههههه يمه وشلى حادج تشربين

ام روان : منكم كله منشفين ريجى انتى مع افلامج الرعب وبوج ونومتنا امس بالصاله جن عزاب والخادمه بغبائها اصلا انا اشوى على اشرب تاانكي المفروض اشرب نهرررر

روان : تضحك ههههههههههههههههههههه يمه والله انتى فلم بروحج مع تشكيج

ام روان : تضحك انا فلم روانوو لا يكون بعد من افلامج الرعب

روان : اووو عاد يمه يلا انا باخذ شورر وتريق وايي اساعدج

أم روان : زين موطولين على لاتجيبلى الجلطه الخادمه هذى

روان : (وهى رايحه) اسم الله عليج يمه ان شاء الله ماراح اطول

ابو روان : ماراح الشركه وراح بيت اهله وشاف اخوانه هناك وقالهم القصه كلها

(((طبعا ماراح اضيعكم وعرفكم فى اهل ابو روان ومثل ماقلت راح اختصر لكم القصه
فى الامور الغير مهمه عشان مانطلع عن الرعب فى القصه)))

طبعا الكل شار عليه ان يجيب شيخ يقرأ فى البيت واللى قاله حط قرآن فى البيت
واللى قاله اوهام ومافى جن بس عشان البيت جديد عليكم باجر تعودون
يعنى اختلفت اقوالهم فى الامر وطبعا الكل كان مومصدق مثل ماكان متوقع ابو روان

ابو روان فى الشركه

ابو روان : ابو عبد المجيد عطنى رقم الدلال ولا اقولك دق عليه خله يجينى اهنى

ابو عبد المجيد : خير طال عمرك فى شى البيت

ابو روان : قال القصه كلها حق ابو عبد المجيد

ابو عبد المجيد : معقوله يا ابو روان اخاف اوهام

ابو روان : ابو عبد المجيد دق عليه خله يجينى اهنى الشركه

ابو عبد المجيد : ان شاء الله طال عمرك

الدلال وصل الشركه

ابو روان : يسلم عليه استريح

الدلال : عدوك الريح امر طال عمرك اى خدمه اقدر اخدمك ؟

ابو روان : البيت من متى مهجور ؟ وعطنى رقم اللى كانو ساكنين فيه قبلنا ؟

الدلال : خير ان شاء الله

ابو روان : خير بس عطنى رقم التلفون وجاوب على سؤالى

الدلال : طال عمرك البيت صارله تقريبا 3 سنين مهجور من شريته انا من راعيه

ابو روان : وانت ماسكنت فى البيت

الدلال : لاوالله ماسكنته أجرته

ابو روان : متى اجرته وانا لما شريته ماكان مأجر

الدلال : طال عمرك شريته وأجرته بس ماطولو المأجرين وطلعو يمكن ماكملو شهرين وطلعو
ومن بعدها عرضته للبيع وما اجرته حق احد بعدهم من 3 سنوات بس ليش كل هذى الاسئله

ابو روان : وشلى يخلى المؤجر مايكمل شهرين ويطلع يعنى انت ماتعرف ؟

الدلال : طال عمرك شنو ورى اسئلتك هذى كلها فى شى ؟

ابو روان : اى فى شى وقاله القصه كلها

الدلال : الكلام اللى تقوله كله موصحيح وانا بعتك وانت شريت يالله تـامر على شى
وطلع

ابو روان : حسبي الله ونعم الوكيل



نهاية البارت

البارت الرابع






ابو عبد المجيد : بشر طال عمرك عسى تطمنت ان البيت مافي شى

ابو روان : مينون انا لامينون الله يهداك بس يابو عبدالمجيد

ابو عبد المجيد : اسف طال عمرك ما كنت اقصد انا بس عمرى ماعرف شى عن الجن
لاتواخذني سوالف الجن مامرت على من قبل

ابو روان : مسموح يا بو عبد المجيد انت سامحنى اذا فقدت اعصابي عليك

ابو عبد المجيد : مسموح طال عمرك بس انت عشان تطمن جيب شيخ يقرأ فى البيت

ابو روان : هذا اللى راح يصير ان شاء الله

((ابو روان يدق تلفون على اخوه سامي وهو ملتزم واصغر من من ابو روان بسبع سنوات))

ابو روان : الو السلام عليكم سامي اشلونك

سامي : وعليكم السلام ورحمة الله وبركاته الحمد لله انت اشلونك

ابو روان : الحمد لله سامي ابي شيخ يقرأ فى البيت على الموضوع اللى قلت لكم عنه

سامي : خير ان شاء الله خير ما تسوى انا اعرف قراى اكلمه وردلك خبر

ابو روان : سامي الحين تردلى الخبر

سامي : ان شاء الله

((طبعا سامي كلم الشيخ وعطاه رقم ابو روان وتم الاتصال وتفقو على بعد صلاة المغرب
يصلى ابو روان فى المسجد اللى الشيخ هو الامام فيه ))

(ابو روان وصل البيت وكانت الساعه 2 الظهر وهم يتغدون)

روان : يبه انت على وعدك اللى امس

ام روان : اى وعد بعد

ابو روان : روان تبي تنام اليوم عند جدتها شريفه اشرايج نوال تروحين معاها وامر عليكم
الساعه 10 بالليل اخذكم

روان : لايبه انا ابي انام هناك

ام روان : مافي نوم هناك بنروح ونرجع الساعه 10 بالليل ابوج يمر ياخذنا
بس انت اشعندك تبي تصرفنا

ابو روان : هاا لا ماعندي شى اليوم مشغول وما راح ارجع البيت الا الساعه 10 بالليل
ليش تقعدون بروحكم روحو وسعو صدركم هناك

ام روان : زين مو تأخر علينا فوق الساعه 10

ابو روان : ان شاء الله

روان : يعنى يبه مافى نومه هناك

ابو روان : يصير خير روونه بعدين

الساعه 3,30 العصر

(ابو روان يوصل ام روان وروان والمولود نواف والخادمه بيت شريفه ام نوال
والبيت الحين صار فاضى وهذا اللى كان ابو روان يبي عشان يدخل الشيخ يقرأ
وبدون لا احد يعرف عشان مايزيد من خوف روان ولا يسمع كلمه من ام روان
مثل انت خايف او خرفت او شي من هذا الكلام
ابو روان صلى المغرب فى المسجد اللى تواعد فيه مع الشيخ وكان الشيخ اهو الامام
بعد الصلاة ابو روان راح سلم على الشيخ وعرفه بنفسه وقاله كل السالفه واللى صار مع روان واللى اهو شافه وصارله )


الشيخ : يالله نتوكل على الله ونروح البيت بس البيت فى احد الحين

ابو روان : لا مافى احد البيت فاضى

(وهم بالسياره رايحين البيت الشيخ بدأ يقول حق ابو روان درس فى العقيده وهدى من روع ابو روان ويقوله ان احنه لازم نؤمن بالجن وانهم موجودين وهم ذكرهم الله فى كتابه الحكيم
وذكرهم الرسول صلى الله عليه وسلم فى السنه
وصلو البيت)

ابو روان : شوووف غرفة البنت تحترق ابو روان قبل لاينزل من السياره شاف ناار يطلع من دريشة روان وكانت دريشتها تطل على الشارع

الشيخ : تعوذ من ابليس مافى نار ولا شى قول لااله الاالله

ابو روان : ينزل بسرعه بيدخل البيت

الشيخ : يمسكه عطنى مفاتيح البيت انا افتح وانت خلك خلفي

ابو روان : ياشيخ يعنى انت ماتشوف النار شابه

الشيخ : لا مافى شى عطنى المفاتيح وخلك خلفي

ابو روان : تفضل ياشيخ

(يفتح الشيخ الباب وابو روان ماشى خلفه حتى استقر جلوسهم فى صالة البيت)

الشيخ : شيل كل صوره او محرم موجود فى الصاله

ابو روان : ان شاء الله وساعده الشيخ فى شيل الصور اللى فى الصاله

الشيخ : بدأ فى القراءه

ويستمررر فى القرأه فى صوت عذب ومرتفع ومكرر لبعض الايات


الشيخ وابو روان يحسووون فى حراره فى البيت ثم يرتفع عوووووويل وصـــــــراااااخ
لصووووت امرأه




الشيخ : مأ سمك ؟

الجنيه : لن أخبرك

الشيخ : ما ديانتك ؟

الجنيه : الاسلام

الشيخ : وهل يجوز للمسلمه ان تعذب المسلمين وتنقص عليهم حياتهم فى بيوتهم ؟

الجنيه : هم من قام بأيذائي وانقاص حياتى على

الشيخ : كيف ؟

الجنيه : انا ساكنه فى هذا البيت مع ابنتى من حوالى 4 سنوات
وابنت هذا الرجل قد قتلت ابنتي وهذا الرجل ضربنى

الشيخ : وكيف كان ذلك ؟

الجنيه : من عدد اسابيع اتى هذا الرجل وبرفقة ابنته وزوجته وشخصين اخريين
وقد فتح الباب الرجل الذى كان يرافقهم بقول ( بسم الله ) فتنحت ابنتى عن طريقهم
ودخلو المنزل وبعد دقائق خرجت ابنت هذا الرجل وهى تجرى فى الحوش
ووطأت قدمها على رأس ابنتى وكانت تلبس كعب عالى فقتلت ابنتى

الشيخ : البنت لم تقصد ولم ترى طفلتك فما يجوز ان تؤذيها

الجنيه : بلا تقصد وان قالت بسم الله لتنحت ابنتي عن طريقها
والرجل هذا ضربنى بالنعال
وانا سوف انتقم منه ومن ابنته

الشيخ :اخرجي من هذا البيت وتوبي الى الله والله يعوضك خيرا من ابنتك

الجنيه : لن اخرج الا بشرط

البارت الخامس


روان : تبجي وتصرخ من هووول اللى شافته حتى غمى عليها
ومحد دارى عنها

(ابو روان مع ام روان فى غرفتهم نايمين)

ام روان: تقعد على صوت ابو روان وهو يتكلم وهو نايم ومو فاهمه من الكلام اللى يقوله اى شى تقعد ابو روان وتقدم له ماء يشرب

ابو روان : يقوم مفزززززوع شنو تبين

ام روان : كنت تتكلم وانت نايم شكلك حلمان بكابوس هاك اشرب ماء

ابو روان : فى احد يقعد نايم جذي بتوقفين قلبى انتى

ام روان : اشفيك قعدتك عادى مثل ماقعدك كل يوم

ابو روان : تسطرينى تقولين عادى مابي منج شى وهذى الغرفه بخليها لج وبنام بالصاله

ام روان : @@ انا سطرتك اشفيك انت اليوم معصب جنه ماكلين حلالك
شكلك اعجبتك نومة الصاله

ابو روان : وهو طالع من الغرفه اى اعجبتنى زين ويصفق الباب ويطلع

ام روان : تتحلطم هذا اشفيه اليوم اوو كيفه ولا رايحة له خل ينام بالصاله بروحه لايتعود
كل يوم ينومنا بالصاله وحطت راسها ونامت

الساعه 3.48 الفجر

(ابو روان يبطل باب السكه ويطلع وهو نفسه مايدرى ليش طلع اوين رايح وبملابس النوم)

الساعه 7 الصبح

ام روان وكعادتها بتروح تزهب الريوق حق ابو روان قبل لايروح الشركه وبعدها تقعده من النوم
انزلت تفاجئة ان ابو روان مو موجود فى الصاله وباب السكه مفتوح

ام روان : معقوله راح بدون لا احس فيه !!
راحت تشوف ملابسه والجنطه اللى ياخذها كالعاده معاه الشركه لقت كل شى موجود
ومافى اى شى يدل ان ابو روان طلع من البيت انزلة تحت مذعوره تدوره مالقته قالت اكيد فى احد الغرف نايم فتشت بغرف البيت كلها مالقته اخر شى خطر في بالها ان يكون نايم مع روان فى غرفتها افتحت على روان غرفتها

ام روان : @@ شافت روان طايحه على الارض وحالتها حاله وكأن احد طاقها
يمه بنتى اشفيج شنو صاير وتحاول تقعدها بس روان ماقعدت مع ان نوم روان خفيف
وتقعد من اى صوت خفيف

ام روان راحت تدق على ابو روان تسمع صوت موبايله يرن فى غرفتهم
اصابها جنون لا من ابو روان ولا من روان اللى طايحه ماتدرى شنو فيها وشلى سوى فيها جذى ام روان اتصلت على اخوها سالم الوووو سالم تعال الحقنى

سالم : اشفيج خبصتينى من الصبح

ام روان : تصارخ وتبجى تعال الحين بسررررعه

سالم : زين زين دقايق عندج

وصل سالم بيت ابو روان الباب كان مشرع دخل الصاله مافى احد
خاف وحس ان الامر خطير قام ينادى فى البيت نوووول ياانوووال

أم روان : تعال سالم انا فوق تعال بسرعه

سالم : يرررركض فوق اشفيج اختى

ام روان : تعال شوف المصيبه اللى انا فيها روان ما ادرى شنو فيها
تعال شيلها نوديها الطبيب

سالم : روان رونه اشفيج قومى يشيلها وعلى طول يروحون مستشفى الاميرى
يدخلونها دخلوها الملاحظه وباشرو الفحص عليها

ام روان وسالم فى ممر المستشفى ام روان تبجى وسالم يهديها

سالم : نوال اهدي شوى ابي اعرف السالفه شنو صار عبدالله طقها

ام روان : تبجى ما ادرى ما ادرى

سالم : شلون ماتدرين زين ريلج وينه وليش ما يجى يشوف بنته مو عادته عبدالله
يخلى روان او يطقها اهو حياته كلها روان فهمينى شنو السالفه فقدت اعصابي

ام روان : سالم انا ما ادرى وين عبدالله وقالت له اللى صار امس وان راح ينام بالصاله
ولما نزلت ما لقته دورته فى البيت كله اخر شى دخلت على روان تشوفه عندها لقت روان
بحالتها

سالم : والله غريبه زين تعالى نطمن على روان

ام روان : هاا دكتور اشلونها بنتى قعدت

الدكتور : هدى بالج اى قعدت بس نفسيتها تعبانه ومهستره اشوى لاتحاتون عطينها مهدىء
ان شاء الله بعد المهدىء تصير زينه بس ممكن اعرف منو اللى طاقها بوحشيه جذى
ولازم ارفع تقرير للمباحث بالحاله

سالم : لا يادكتور الله يرحم والديك مانبي ترفع تقرير خلاف مع ابوها وفقد اعصابه وطقها
ومثلك عارف الخلافات تصير فى كل بيت ومو حلوه البنت توقف ضد ابوها فى المباحث

الدكتور : اسمحلى لازم ارفع تقرير هذى حاله ماينسكت عنها وانا اكون المسؤل اذا
طقها مره ثانيه وصار فيها شى فى احد يطق بنته فى هذى الوحشيه

ام روان : يا دكتور قدر الموقف وبدون تقارير

الدكتور : فى حاله وحده انى ما ارفع تقرير اذا البنت اقعدت وقالت ما ابى تقرير
غير جذى ما بيدى شى

سالم : خير ان شاء الله دكتور حالتها مطوله

الدكتور : تقدرون تروحون على ما تصحى من المهدىء وتكون طلعت نتيجة التحاليل

سالم : خير ان شاء الله بندخل نطمن عليها وبنروح

الدكتور : حياكم بس رجاء بدون لاتحس فيكم

ام روان : لالا ماراح تحس فينا بس بنشوفها وحنا ساكتين

تتطمنو عليها وشافوها وطلعو

كانت الساعه 10.15 الصبح

سالم : نوال مو معقوله انتى ماتدرين عن شى !!

ام روان : والله ما ادرى عن شى ولا ادرى وين عبدالله ياربي شنو هذى المصيبه
ليتنى ما خليته يطلع من الغرفه كله منى انا السبب باللى صار كله

سالم : تعوذى من ابليس خل اوديج بيتج وانا بدق على زوجتى بدريه تروح تقعد مع روان بالمستشفى وتطمنى عليها وانا بشوف ريلج عبدالله وينه انتى ارتاحي وكل شى راح
اصير مثل ماتبين بس ذكرى الله وهدى نفسج روحى شوفى ولدج مع الخادمه مايندرى بعد
لاتسويلنا مصيبه بنواف

الضابط : خير ان شاء الله لا مافى الا العافيه بس وصلنا بلاغ من شخص
ان فى واحد طايح بنص الشارع على القار ولما دزينه الدوريه لقينه الاخ عبدالله
مفترش الشارع ونايم فى البدايه كنا متوقعين احد اصدمه وهو يمشى وانحاش
بس احنا سوينا له فحوصات مافى اى اثر صدمه وتضح ان كان نايم بنص الشارع

سالم :@@ انصدم من الكلام اللى اسمعه من الضابط وقال عبدالله رجل اعمال
وله سمعته ومايسوى اللي تقوله اكيد انت غلطان او تشابه اسماء ممكن اشوف عبدالله تشابه اسماء

الضابط : اي اكيد عسكرى جيب عبدالله ///// ///// /////

يدخل عبدالله

سالم : يوقف عبدالله @@ ابو روان @@ اشفيك عسى ماشر

ابو روان : سالم بعدين بعدين ودنى البيت تعبان

سالم : ان شاء الله ممكن اخذه حضرة الضابط

الضابط : اى ممكن ودربالكم عليه وان تكرر الموضوع مره ثانيه ماراح يمر بسهاله
انا ماحبيت اسوى قضيه او حتى اسجل حاله فى محضر

سالم : ماتقصر الله يوفقك ان شاء الله ويسترك

ركب ابو روان وسالم السياره

سالم : ابو روان عسى ماشر اشفيك شسالفه

ابو روان : سالم الله يخليك تعبان حدى وصلنى البيت وحلفك بغلا ما عندك اللى صار ابي يكون سر بينى وبينك

سالم : افاا عليك يابو روان سرك فى بير بس شنو نقول حق نوال

ابو روان : ليش نوال تدري عن شى

سالم : ابو روان الله يهداك نوال بتين فى البيت وهى اللى كلمت المخفر
وكانت تدورك

ابو روان : عرفت انى كنت نايم بالشارع

سالم : لا ما عرفت بس اعرفت انك بالمخفر بس ماعليك راح نتوبك الموضوع ونجيب لها سالفه ثانيه اهى مسكينه الحين بروحا بحاله انت بصوب وروان بصوب

ابو روان : @@ روان اشفيها قولى روان اشفيها

سالم : ابو روان انت لو تقولى شنو السالفه بس نقدر نحل كل شى انت طقيت روان

ابو روان : @@ انا لا انا ماشفت روان من امس الساعه 10 بالليل رحت نمت

سالم : والله امركم غريب وقاله كل السالفه من دقت عليها نوال لما اتصال المخفر

ابو روان : ودنى ودنى حق رونه بنتى وقام يبجى

سالم : افاا عليك يابو روان انت اكبر من جذى تعوذ من ابليس

ابو روان : كل منها اهى السبب انا لازم ما اسكت على كلى اللى يصير الجنيه بنت الجنى

سالم : @@ ابو روان منو هذى منو اللى كله منها ؟

ابو روان : سالم الموضوع وايد كبير الله يرحم والديك الحين ما اقدر اقولك شى
طالبك ياسالم الحين ما اقدر اقول اى شى بس خل اهدى وشوف البلاوى وبعده كل شى راح تعرفه

سالم : اى اى لازم اعرف كل شى

ابو روان : سالم كل اللى صار بينى وبينك ما ابى اى مخلوق يعرفه

سالم : لاتحاتى يا بو روان سرك فى بير بس لازم اعرف كل شى بعدين

ابو روان : هذا العشم فيك الحين روان بروحها فى المستشفى

سالم : لازوجتى بدريه معاها وهى على اتصال مستمر مع نوال تطمنها لاتحاتى
خل اوديك البيت الحين تتطمن عليك نوال وانت تطمن عليها واخذ لك شور
ونروح كلنا المستشفى حق روان وترى روان بخير وتحت اشراف الاطبه يعنى لاتحاتى


ابو روان : كلامك عدل والله ما قصرت لا انت ولا زوجتك بدريه الله يجمعكم بالخير والمحبه

سالم : اى عطنى عطنى من هذى الدعاوى الزينه

ابو روان : هههه تستاهل والله كل خير يا سالم

وصلو البيت

ام روان : تركض تلم ابو روان وتبجى بحررررقه وينك وينك يوم وواحد بعمرك غبت عنا
انقلب البيت فوق تحت الله لايحرمنا منك

ابو روان : اسف يالغاليه نزلت سمعت اهواش بره طلعت فرق جت الدوريه وخذتنا كلنا المخفر
(( دبرررر عمره ابو روان بدون سالم ههههههه ))

ام روان : دريت على دلوعتك روان شنو صار فيها

ابو روان : اى قالى كل شى سالم وماقصر اهو مع بدريه فيهم الخير
يالله خل اخذ لى شور ونروح نطمن على روونه

اجهزو وبروحون حق روان المستشفى

سالم : بالسياره قال حق ابو روان اللى قالو لدكتور

ابو روان : لاحول ولا قوة الا بالله عسى تقوم بالسلامه بس واللى بصير بعدين خل يصير


ام روان : اتصلت علي بدريه وطمنتنى اهى قعدت والحمد لله صحتها زينه بس تقول خايفه
وساكته ماتكلم

ابو روان سالم الحمد لله

وصلو المستشفى ادخلو الغرفه على رون والدكتور كان موجود
روان من شافت ابوها قامت ولمت ابوهاا حيل وقامت تبجى
خلت الكل يبجى معاها حتى

الدكتور : @@ استغرب وفاضت عينه وقال الله يخليكم لبعض بنت حنونه
ونعم البنت الباره فى والدينها نست كل الطق اللى خذته من ابوهاا
الحمد لله ياجماعه التحاليل كلها زينه بس فى رضوض شوى
وجروح سوينا الازم وخل تستمر على العلاج وتقدرون الحين تروحون




نهاية البارت

البارت السادس


الكل يغادر المستشفى

وعند باب المستشفى وهم طالعين

سالم : يمسك ابو روان ويأخره عنهم شوى ابو روان الحين الحمد لله روان وطلعت
قرت عينكم وتطمنت عليها ممكن اعرف شنو السالفه الكبيره اللى قلتى بعدين اقولها لك

ابو روان : اه يا سالم والله السالفه يبيلها قعده طويله وسولفلك

سالم : وشنو ورانا قول

ابو روان : ام روان انتى وروان روحو البيت مع بدريه فى سيارتها وانا وسالم لاحقينكم

ام روان : ان شاء الله بطولون

سالم : لاوراكم احنا

روان : يبه انا ابى ايي معاكم

سالم : روان انا وبوج لاحقينكم بس ابي ابوج بسالفه

ابو روان : لا سالم ميخالف خل تجى معانا

سالم : بصوت ومنخفض ابو روان والسالفه !!

ابو روان : السالفه كلها عند روان

سالم : @@ روان !!

راحت بدريه ونوال فى سياره وحده
وابو روان وسالم وروان فى سياره

بالسياره

ابو روان : رونه حبيبتى ابي اعرف منج السالفه كلها وشنو اللى صار وشلى سوى فيج كل هذا

روان : يبه انا مهما قلت ماراح تصدقووونى وتبجي

ابو روان : لا نصدقج حبيبتى

سالم : روان وليش مانصدقج !!

روان : وهى تشاهق من البجي اللى سوى فينى كل هذا الجنيه والله الجنيه
وتبجى ادرى ماراح تصدقونى

سالم : @@ روان اى جنيه شنو تقولين انتى

ابو روان : كنت عارف والله

روان : انا قلت محد راح يصدقنى

ابو روان : لا بنيتى انا مصدقج وانا شفت الجنيه وكلمتها وكلمتنى

سالم وروان @@

روان : يبه انا مو ياهل عشان تبي تسكتنى فى كلمتين ولا مينونه

سالم : ابو روان انت قتلى وحنا رادين من المخفر الجنيه بنت الجنيه كنت تقصد
عن اللى تقوله روان

روان : اى مخفر يبه !!

ابو روان : لاتشغلين بالج ابنيتى اى ياسالم كنت اقصد اللى تقوله روان وروان صاجه بكل اللى تقوله وانا جبت شيخ يقرأ فى البيت وحضرت الجنيه وكلمها الشيخ وانا كنت اسمع كل اللى قالته
وبعد ما طلع الشيخ جاتنى وهددت وقالت اذا جبت الشيخ مره ثانيه او طلعت من البيت
راح .ااااااااااه وسكت

سالم : راح شنو كمل

ابو روان : لا ولا شي

سالم : لازم تكلم قووول راح شنو

ابو روان راح تنتقم منى ومن روان

روان : لالالالالالا وقامت تبجى وهستررررت حييييييل وفتحت الباب والسياره ماشيه
على طول لف عليها سالم ومسكها وابو روان وقف السياره بس روان ماهدت
وقامت تصارخ وتبجى وتمجع فى شعرها وشمخت وجها باظافرها

ابو روان وسالم ماقدرو يسيطرون على تهدئت روان على طول ردو المستشفى
بدون لايعطون خبر حق ام روان وبدريه

بالمستشفى

نفس الدكتور :@@ شسالفه خير اشفيها على طول الدكتور عطها مهدىء ونامت

ابو روان وسالم اشرحو حق الدكتور القصه كامله وعلمو على كل شى

الدكتور : لازم نحولها الامرض النفسيه

ابو روان وسالم @@ امراض نفسيه

الدكتور : اى نعم مالها علاج عندنا فى هذى الحاله علاجها فى الامراض النفسيه افضل لها
واضمن ما كان جدام ابو روان وسالم الا ان يقتنعون بكلام الدكتور طلبو الاسعاف وحولو روان
الى مستشفى الامراض العقليه والنفسيه

الساعه 1 الظهر وصلت الاسعاف وفيها روان وابو روان الى مستشفى الامراض العقليه والنفسيه
وسالم كان لاحقهم بالسياره وكانت ام روان وبدريه يدقون عليهم ولكن قالو لهم انهم ماخذين روان يمشونها ويتغدون فى مطعم وطمنوهم وسالم قال حق بدريه ان ماتروح من عند نوال لما يرجع

بالمستشفى الامراض العقليه والنفسيه دخلو روان الجناح وهى كانت نايمه ولا تدرى عن شى
ورفض الدكتور ان يدخل ابو روان وسالم الجناح وقال لهم لاتحاتونها ممنوع انكم تكونون
متواجدين معاها فى الجناح وباجر اذا تحبون تزورونها حياكم الله اليوم ممنوع حتى نشوف حالتها
وجناح النساء ممنوع الرجال يدخلونه اذا تبون تدخلون باجر حجزو لها غرفه خاصه او الحريم بس يدخلون بحالة اذا كانت فى الجناح

ابو روان : سالم روح احجز لها غرفه خاصه انا احس انى موقادر اتحرك رجلى مو شايلتنى

سالم : Bortar جيب ويل جير
قعد ابو روان على الويل جير وسالم راح يحجز الغرفه
حجز وخلص

سالم : يالله ابو روان خل نمشي بو روان على الويل جير وسالم يوصله لسياره
وكان ابو روان منزل راسه ويبجى وصل السياره ساق السياره سالم
وبدأ يهدى ابو روان وذكره فى الله حتى هدىء

سالم : شنو نسوى الحين شنو نقول حق نوال

ابو روان : نقولها الحقيقه ونقول عن سالفة الجنيه بعد خل تعرف

سالم :@@ من صجك يا بو روان تبي تروح فيها وتصير يم بنتها

ابو روان : ياسالم شنو الحل شنو نسوى الحين ؟

سالم : شوف يابو روان نقول لها ان روان بالمستشفى الامراض العقليه والنفسيه
لان هذا شى مانقدر نخشه ولازم تعرف وخلنى انا اتصرف معاها انت تعبان ونفسيتك
تعبانه ماراح توصلها الهدوء كثر ما انا راح اوصلها لها
اما موضوع الجنيه لاتجيب لها طارى فيه

ابو روان : شورك وهداية الله

سالم : انا بسألك عن موضوع الجنيه انت متأكد من اللى تقوله

ابو روان : افاا يا سالم زين اذا انت مو مصدقنى هم روان اللى تقوله ومطابق حق كلامي
مو مصدقهاا

سالم : لا والله مصدق وهذا حق لازم نؤمن فيه بس هذى والله مصيبه كبيره
وانت شنو راح تسوى الحين بالموضوع

ابو روان : بهجر البيت وشوف لو شقه نقعد فيها

سالم : وليش شقه وانت عندك بيتك طلع المؤجر وليش تهجره بيعه

ابو روان : ما اقدر ابيعه وغش الناس فيه ولا اقدر اطلع المؤجر وهو معطينى مقدم للايجار 3 سنوات جدام توه ماصارله حتى 3 شهور من سكن

سالم : والله هذى ورررررررطــــه

الساعه 4 العصر وصلو البيت

ابو روان وسالم السلام عليكم

ام روان وبدريه وعليكم السلام

ام روان : وين روان

ابور روان وسالم يطالعون بعض

سالم : لاتخافين اختى روان تعبت مره ثانيه ودينها المستشفى

ام روان و بدريه @@

ام روان : من صجك انت شنو تقولون تونا طالعين من المستشفى وكانت تضحك مافيها شى
بنتى اشفيها ودونى لها ابي بنتى ابي اشوف بنتى رووووووووووونـــــــــه وتبجى

بدريه : لمتها وتسكتها بس يابعد عمرى الحين نروح لها بتشوفينها صلى على النبي

ام روان : اللهم صلى وسلم عليه

ابو روان : ام روان انتى لازم تعرفين كل شى

ام روان و بدريه @@ شنو كل شى

سالم : مافى شى انا بقولكم روان شوى فيها اكتآب وحالتها النفسيه تعبانه وايد اتعبت
بالسياره ودينها مستشفى الاميرى وحولوها مستشفى وسكت

ام روان : اشفيك تبلعمت اى مستشفى اشفيها البنيه

سالم : مستشفى الامراض العقليه والنفسيه

ام روان و بدريه @@

ام روان : تبجى يمه بنتى اشفيها بنتى حبيبتى عين ماصلت على النبي
قلت لها لاتسوين حفلة تخرجج لاتخلين الناس يحسدونج على تفوقج بس ماصدقتنى
وقامت تهذى

الكل يهديها وقاعد حواليها

وصارت الساعه 7.28 بالليل

فجأه طاااااااااااخ كشششششششششششششش
طااااااااااااااااااااااخ طااااااااااخ
صوت اشياء تكسر فوق

الكل !!!!!!!@@

ام روان : شنو هذا منو فوق ميررري

ميرى : تجى تركض من المطبخ نعم ماما

الكل @@ منو فوق

ام روان : يمه ولدى فوق

الكل يروح يرررررررركض فوق

نواف نايم بسريره والوضع هادئ ومافى شى
والغرف كلها سليمه ومافى اى شى مكسووور

ابو روان : بس عاد يكفي يكفى

سالم : بصوت منخفض ابو روان اسكت لاتجننهم

سالم : يبه تعالو نامو اليوم فى البيت الكبير عند امى شريفه
انتو تعبانين وباجر كلنا نروح حق روان

بدريه : شنو الصوت هذا اللى فوق شنو اللى تكسر فووق

ابو روان : هذا يمكن صدى من الجيران انا قبل هذى المره هم سمعته

ام روان : لا روح انت وزوجتك بدريه احنا بنام فى بيتنا وانتو روحو ارتاحو
وعليه اليوم كله وانتو تحوسون معانا حتى ما طب فى بطونكم شى

سالم : يصر على انهم ما ينامون فى البيت ولكن كان اصرار ام روان اكبر
انها تنام فى البيت حاول فى كل السبل ولكن دون فايده وهو بصراحه مايبي
ينام عندهم خايف من اللى سمعه من ابو روان وروان واللى صار بسمع اذنه
من تكسررر فى الدور الاول فما كان منه الا ان ياخذ زوجته بدريه ويمشى


الساعه 10.11 بالليل والبيت مافى غير ابو روان وام روان ونواف والخادمه

الكل راح ينام

ابو روان وهو نايم وجنبه ام روان

ابو روان : وهو نايم يحرك راسه يمين ويسار حيل وكأن احد قاعد يخنقه
وصراخه كان واضح ان قاعد يختنق

ام روان : تقعد على حركته تحاول تعطيه ماى يشرب
تحاول تقعده تصارخ عبدالله اشفيك عبدالله قووووووم
وهو بنفس الحال وخذله على هذا الحال تقريبا 10 دقايق
واستمررررررر على حالته

حـــــــــــــــــــتى .



نهاية البارت

البارت السابع

بسم الله الرحمن الرحيم

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
((صدق الله العظيم))

اللهم اغفر له … اللهم اغفر له وارحمه
وعافه واعف عنه
واكرم نزله
ووسع مدخله
واغسله بالماء والثلج والبرد
ونقه من الذنوب والخطايا كما ينقى الثوب الأبيض
اللهم جازه بالحسنات إحسانا
وبالسيئات عفواً وغفرانا
اللهم أنزل على قبره الضياء والنور
اللهم أنزل عليه بردا وسلاما
اللهم انقله برحمتك من عتمة القبور
إلى نور وسعة الدور والقصور ومن ضيق اللحود الى جناتك جنات الخلود

وغيب الموت ابو روان فجر يوم الثلاثاء الموافق 6 -7-2004 م
صباح يوم 7 - 7 - 2004 م دفن ابو روان فى مقبرة الصليبخات
وكان سبب الوفات تصلب فى الاورده والشراين مما جعل العروق تنشف من الدم

بيت ابو روان كان عزاء الرجال
وكان يعج بالمعزين وجميع اخوانه متأثرين فى وفاته
والجميع يتسائل عن سبب الوفاة حيث كان بصحه وعافيه جيده

وعزاء النساء كان فى نفس المنطقه فى بيت ام نوال شريفه
وكان الحال هناك يرثى له من البكاء والنحيب
من ام روان وام ابو روان نوريه واخواته مي ونهال وهناء
والجميع كان يهديهم ويطلب منهم ان يطلبو له الرحمه افضل من البكاء

روان كان يزورها باستمرار خالها سالم ولكن لم تكن تعلم شيء عن وفاة والدها
وعندما تسأل عنه وعن امها كان يقول لها ان والدك تعبان وامك جالسه عنده ماتقدر تخليه
بروحه وكانت ام روان تتصل فيها بين وقت واخر وتقول لها نفس كلام خالها سالم

سالم لم يقول لاحد عن موضوع الجنيه وكان يدور فى ذهنه ان سبب وفاة ابو روان
هو توعد الجنيه بالانتقام عندما كشف ابو روان عن موضوع الجنيه سالم لصغر سنه
وكان يبلغ من العمر 23 سنه وعريس جديد كان خايف من موضوع الجنيه وعشان جذى
ما حب يكشفه لاحد عشان ما يصاب بضرر هو من الجنيه

فى اليوم الرابع من وفاة ابو روان وبعد انقضاء ايام العزاء
تجمع كل من اهل ابو روان وام روان فى بيت شريفه
وقام الكل بتهدأت الاخر
وتناقشو فى موضوع روان وكيف يخبرونها عن وفاة والدها والكل يعلم
حب روان لوالدها وخصوا انها تعيش فى الاون الاخيره فى حاله نفسيه صعبه

احمد ريل شريفه وجد روان : لازم تعرف الموضوع هذا ماينخش

نوريه جدة روان ام ابوها : اى لازم تعرف بس افضل انها ماتعرف فى الوقت الحالى

على اخو ابو روان الكبير : صح كلامج يمه خل نقول لها ان ابوج مسافر للعمل
على الاقل بعد خروجها من المستشفى بشهر نقول لها

الكل وافق على هذا الرأى

شريفه ام روان : نوال بنيتي انتى بعد مالج قعده بروحج فى البيت تعاى انتى وعيالج وخادمتج
قعدو عندى

سالم: اى يمه بعد شنو يوديها بيتها وهى الحين بالعده

نوال أم روان : وهى تبجى لاوالله انا بقعد فى بيتى بيت ابو روان على الاقل اتذكر
خطواته في وارجوكم لحد يجبرنى على شى

الكل يسكت وطالعها بنظرة العطف

شريفه : خلاص بنتى سوى اللى تبين وحنا كلنا حولج

الساعه 5.20 المغرب

الكل يغادر بيت شريفه

ومايبقى الا شريفه وريلها احمد ونوال وسالم وبدريه

سالم : نوال يالله خل نروح نطلع روان من المستشفى مرخصينها من الصبح

نوال : لا انا مانى رايحه روح انت وبدريه طلعوها وقطونى انا بيتى
مو قادره اواجها اخاف تشك بشي

احمد ابو نوال : نوال انتى لازم تكونين قويه وماتحسسينها بشى ترى البنت مريضه
وطقتين بالراس تعور

نوال : ان شاء الله يبه بس انا مانى رايحه سالم وبدريه يجيبونها وبطريجهم يودونى البيت
مع نواف والخادمه انا بنطرها فى البيت

سالم : زين يالله وين ولدج وخادمتج وخل نوديكم ونروح نجيب روان احنا

بالسياره قبل لاتنزل نوال من السياره

سالم : نوال دربالج على نفسج واى شى تبين دقى علينا وماوصيج اذا يت روان
لاتبينين لها شى مثل ما اتفقنا

نوال : ان شاء الله

الساعه 7.44 بالليل

طلعو سالم وبدريه وطلعو روان من المستشفى وسالم قالها ان ابوها سافر اليوم الصبح
عشان صفقه تجاريه تخص شركته

روان : @@ اشلون ومتى وبدون لايكلمنى ابوي ولا مره سافر بدون لايسلم على حتى وانا نايمه
اذا بسافر يطبع حبته على خدى وييمشى ليش مشى وانا فى المستشفى وهو يدرى انى تعبانه وبحاجته وايد وصارت شكوك تدور فى ذهن روان ان ابوها فى شى مريض فى المستشفى او
شى غير جذى ماصدقة روان كلام سالم بدريه صج ابوى سافر

بدريه : اى رونه حتى امج كانت زعلانه على مشيته فجأه

روان : والله غريبه من ابوى

سالم : المهم انتى اشلونج الحين زينه

روان : اى خالى الحمد لله وايد صرت زينه بس ناقصتنى شوفت ابوى حبيبي

بدريه : رونه وامج بعد حبيبتج اهى وايد تحبج

روان : ووى فديتها امي بس امى الحين رايحين لها بس ابوى اللى ماراح اشوفه الا بعد جم يوم
على مايرجع

وصلو البيت

ام روان : كانت قاعده بروحها بالصاله ومبين عليها الحزن والهم

روان : شافتها راحت لها ترررركض يمــــــــــه حبيبتى واااي اشتقت لكم وايد

ام روان : تلمها وتبجى بحرررررررررقه وانا بعد اشتقت لج
وطولت وهى لامتها وتبجي اكثر من 10 دقايق

روان : يمه بس عاد اشفيج هذا انا زينه جدامج جنى البخت اشفيج عااد

ام روان : حبيبتى اكيد ماتعشيتى خل اجهز العشى مع الخادمه سالم بدريه لاتمشون تعشو معانا
وهى ماكان فى بالها العشى بس تبي تخش دموووعها من روان

بدريه : ام روان قعدى انا ابرز العشى ارتاحى انتى

ام روان : لا انا احب اسوى كل شى بيدى

بدريه : انا بدخل معاج المطبخ

ام روان : اى تعالى

بالمطبخ

ام روان : ميته بجى انا ماقدرت اشوفها تعذرت بالعشى وتبجى

بدريه: نوال حبيتي تعوذى من الشيطان وطلبى له الرحمه وتهديها

سالم مع روان فى الصاله

روان : خالى شنو سويتو على الجنيه

سالم : يتبلعم وبين عليه علامات الخوف رونه حبيبتى خلاص مافى جنيه اطلعت وسكرى الموضوع هذا لاتخوفين امج

روان : ان شاء الله خالى

خلص العشاء وهم يتعشوون

روان : تشوف الجنيه

نازله من الدرج ومتجه عليهم وماكان احد يشوف الجنيه غير روان

روان : تتعوذ من ابليس وتقرأ اية الكرسى والمعوذات وكم سوره اهى حافظتها
بصوووت مررررتفع

الكل @@ يطالعها مستغرب !!!

وروان : مستمره بالقرائه بصوت مرتفع وتطالع الدرج

الجنيه راحت من قراءة روان للقرآن

روان : اشفيكم مافينى شى حبيت اقرأ بس

الكل @@

سالم : عرف السالفه وسكت

ام روان : والله خرعتينى خفت فيج شى

بدريه : والله انا بعد خفت

روان : هههههههههه ضحكه صفراء

سالم : اكرمكم الله يالله بدريه خل نمشى

ام روان : تو الناس

سالم : لاتذكرت شغل ابي اخلصه

ام روان : يالله على راحتكم

بالسياره

بدريه : اشفيك سالم اى شغل اللى تذكرته وشفيها روان اخاف للحين تعبانه
او المستشفى عقدوها

سالم : ها ها لالاما ما فيها شى ما فيها الا العافيه

بدريه : زين شنو الشغل اللى تذكرته

سالم : اوووو بدريه اشفيج شغل وبس

بدريه : انزين اشفيك معصب انا شنو قلت لك ؟

سالم : اسف اسف بدريه تذكرت المرحوم بس وتضايقت حبيت اطلع من البيت

بدريه : الله يرحمه ويحسن اليه

فى بيت ام روان

روان : يمه ابوى ليش سافر بدون لايقولى ولا يسلم على

ام روان : كان مستعيل وايد والسفره صارت فجأه وتأخر على الطياره
راحت عليه نومه وقام متأخر

روان : اى انا اقول ابوى ولا عمره سواها سافر بدون لايسلم على
زين يمه متى بدق تلفون

ام روان : ها ها لا اهو يمكن مايتصل الا بعد 3 او 4 ايام اهو قالى

روان : @@ ليش يمه

ام روان : اهو مسافر امريكا ورايح ترانزيت يعنى ما يوصل الا بعد جم يوم الولايه اللى رايح لها
وعلى مايخلص شغله ويتصل علينا اهو قالى جذى

روان : وى راح اشتاقله واااااايــــــــــــــــــــــــــــــــــــــد

ام روان : وانا راح اشتاقله بعد

روان : يمه عاد بس لاتخلينا نبجى والله له مكان فى البيت اهو نوره وضيه

ام روان : ماقدرت تتحمل كلام روان انفجرت من البجي

روان : تبجى وتسكت امها

الاثنين يسكتون بعض

ام روان : يالله روان خل نقوم ننام

روان : يمه انا بنام عندج

ام روان : اى حبيبتى تعالى نامي عندى

الساعه 11.12 بالليل

روان خلاص يمه انتى روحى الغرفه انا باخذ شوور وجى انام عندج

ام روان : ان شاء الله بنتى

روان بالحمام تاخذ شووور

الحمام يصير كله بخاااااااااار بس البخار لوونه اسود مو البخار اللى نعرفه
وقاعد يطلع من بين البخار صوره مو واضحه وقاعده توضح شوى شوى
لما صارت واضحه حق روان الصوره

روان تصارخ تحاول تفتح الباب الباب ماينفتح
تصاررررررررررررررخ محد يسمعها
يقرب منها الجنى ويمسكها من ارقبتها
ونزل راسهاااااااااا وهى تصاررررررررررررررخ
وتصاااااااااااااارخ ومحد يسمع
حتى صار راسها عند اركبها وهى واقفه

وتحس روان

بـــــــــ

انتهاء البارت