الموضوع: رواية صرخات هادئة

البارت الثاني


في بيت ام سعود في الصاله الي فوق جات ام خالد عندهم وجلسوا يبكون من الخوف على بناتهم
ام سعود:مو من عوايدهم يتاخرون كذا اكيد صار لهم شئ
ام خالد وهي مو قادره تسكت من البكاء :الله لا يقوله لو صار فيهم شئ احس نفسي بموت
ام سعود وهي ماسكه دموعها:استغفري ربك ما يصير كذا يا ام خالد انت مؤمنه وبسك بكاء
ام خالد :استغفر الله بس ماقدر ماقدر احس قلبي يعورني
غيوض قاعده تتفرج على المسرحيه الي قدامها :الحين انتم تدورون البكاء ترى ماصار شئ علشان تسون هالدراما كلها
ام سعود بعصبيه :قووووومي من هنا احسن لك لا اضربك بالكاس الي قدامي قالت دراما اختك ماندري وينها وانت تقولين دراما
غيوض قامت:اروح اقابل التلفزيون احسن لي .
وهي نازله الدرج انفتح الباب ودخل سعود وزوجته خلود:السلام عليكم
غيوض بابتسامه شاقه الحلق:اهلين وسهلين ومرحبتين على الحلوين
خلود:اهلا فيك وش هالرواقان اليوم
سعود:غرور رجعت
غيوض بضيق :لا
سعود:امي وينها
غيوض:امي فوق مع ام خالد
سعود :طيب جيبي لي كاس مويه .وطلع فوق مع خلود
غيوض وهي رايحه للمطبخ:الله يعينكم على الدراما الي فوق

سعود رجل وسيم طيب بس صارم عمره 35 متزوج من بنت صديقة امه من خمس سنين بس الله ما رزقهم بولد
خلود بنت حلوه حبوبه عمرها 25سنه

&&&&&&&&&&&&&&&&&&
في المستشفى وفي غرفة غرور بالتحديد
دخل راشد وعينه يتطاير منها الشرر.
راشد:جيت اعلمك الادبــماكمل راشد كلامه لانه شاف غرور نايمه
اما عند غرورالي كانت تسوي نفسها نايمه خوفاً منه (يارب يطلع ومايكشفني ,يارب تساعدني ,يارب يارب )
انقهر راشد منها واخذ كاس مويه قدامه رفعه فوقها علشان يكبه عليها وينتقم منها .
غرور وتفتح عينها شوي بحيث مايشوفها راشد وبخوف (اه ياحقير الله ياخذك ان سويتها فيني والله لاوريك الحقاره على اصولها) وغمضت عينها تنتظر الانتقام
تراجع راشد في اخر لحظة يوم شافها نايمه كسرت خاطره
غرور فتحت عينها مره ثانيه يوم شافت مافي شئ انكب عليها و بارتياح(اففف الحمدالله)
بعد راشد الكاس عنها وقربه من فمه شرب المويه كله مره وحده لعل وعسى يطفي النار الي بداخله
غرور بحقد(جعلك تشرق وتموت وافتك منك يا جراده)
راشد: راجع لك وراح اخليك تندمين على الي سويتيه فيني
غرور(هذا اذا شفتني ياروح امك )
طلع راشد من الغرفة رايح للفندق
*
*
غرور بعد ما سمعت الباب يتقفل وتأكدت ان راشد طلع دقت على الرسبشن وطلبت رقم غرفة حنان وقامت بهدوء اخذت عباتها الي على الكتف وشافت شيلتها على الكرسي اخذتها .ورمت الشماغ في الزباله وهي تضحك.
وهي ماشيه ماقدرت لان المغذي في ايدها
غرور بطفش تكلم نفسها:يوووووووه ياذا البلشه والحل مع المغذي
خطرت على بالها فكره قامت شالت المغذي من ايدها وصرخت :ااااااه وبسرعه حطت ايدها على فمها علشان مااحد يسمعها.
طلعت غرور راسها وتلفتت يمين يسار ولما تأكدت انه مافي احد يشوفها ركضت لللفت وبسرعة وهي تناظر وراى صدمت بجسم طويل وعريض غمضت عينها

&&&&&&&&&&&&&&&&&
في بيت ام سعود
سعود وهو يكلم خالد : انت وين
خالد:قريب
سعود:زين اجل تعال خذني
خالد:صار دقايق وانا عندك
*
*
بعد ربع ساعه خالد وسعود في السياره
سعود:انت متأكد
خالد:ايه متأكد انا الي دقيت عليهم بنفسي وقالوا ماجوا من الأساس
سعود:طيب خلني ادق على تركي هو ضابط ويقدر يساعدنا
خالد تضايق من سمع اسم تركي بس مابين هذا الشئ

&&&&&&&&&&&&&&&&&

نرجع لعند راشد
راشد وهو في السياره :انا شلون سويت كذا .
لا انا ماسويت شئ هي لسانها طويل وبعدين انا ابي انتقم منها وهذا جزء من الانتقام
لالالا حتى لو كنت اكرها وابي انتقم منها المفروض ما استغل ضعفها
مرر اصابعه في شعره :انا لازم اعتذر منها
لا ليه اعتذر موانا راشد الناصر الي يعتذر
بس انا المفروض اراعيها هي مريضه وانا قسيت عليها
ضرب الدركسون بيده :اففففففففففف ياربي
ورجع بالسياره المستشفى وهو ماخذ قرار نهائي

&&&&&&&&&&&&&&&&&
في المستشفى عند غرفة حنان
تركي بصوت مخيف:انت شلون تسوق السياره بهالسرعه ما تهمك ارواح الناس
وليد:
تركي :ايش فيك ساكت ماعندك جواب
وليد بخوف:انا اسف بس ماكان قصدي والله ما كان قصدي
تقدم منهم شخص بثقه :السلام عليكم
تركي بأستغراب :وعليكم السلام آمر اخوي تبي شئ
فهد مد ايده :انا فهد الكاسر خال وليد
تركي ولا هزه الاسم مد ايده :وانا الضابط تركي الفارس
فهد :هلا
دق جوال تركي :عن اذنكم
فهد : خذ راحتك
راح تركي بعيد عنهم :الوووو
سعود :السلام عليكم
تركي :وعليكم السلام كيفك سعود
سعود:الحمدالله0 شلونك انت
تركي :تماااااام
سعود:تركي ابيك تساعدني
تركي :آمر
سعود:تركي غرور وحنان ما
قاطعه تركي :عارف هم بخير مافيهم شئ
سعود بفرح:قول والله يعني انت تعرف مكانهم
تركي :ايه صار لهم حادث
قاطعه سعود بخوف:حاااااااااااااادث
تركي :لاتخاف قلت لك هم بخير بس اصابات بسيطه
سعود:طيب ليه ما علمتنا من الاول
تركي :مادريت الا من نص ساعه وانا عندهم الحين
سعود :ياللا جايين وقفل بعد ماخذ اسم المستشفى
رجع تركي عند فهد الي كان يهزء وليد
فهد:الحين شريت لك سياره علشان تقضي مشاويرك والا علشان تتسابق
وليد :بس هم تحدوني
فهد شاف تركي جاي : قفل على الموضوع حسابك بعدين مو الحين

تركي ولد عم غرور ضابط معروف وسيم عمره 27 سنه
فهد خال وليد رجل اعمال معروف عمره 33سنه ويحب وليد كثير لان يحس هو المسئول عنه بعد ماماتوا امه وابوه في حادث سياره
وليد عايش عند جده وجدته اهل امه من يوم ما كان عمره 9سنوات
&&&&&&&&&&&&&&&&&
غرور فتحت عينها وهي تشوف ايد ماسكتها
غرور: أأأسفه
الدكتور بانبهار من جمالها :عادي انت وش تسوين هنا
غرور بأرتباك قامت تدور لها صرفه:انا انا انا عندي موعد بس ضيعت الطابق ومشت عنه بسرعه قربت من اللفت
وقفها صوت الدكتور :لحظه
خافت غرور وضغطت الزر بسرعه وهي تناظره
الدكتورقرب منها :لحظة وين رايحه وانت ضيفه عندنا وقعد يناظر ثوب المستشفى الي لابستها
غرور بداخلها(يا الله وش ذا البلشه) :دكتور في شخص يناديك واشرت وراه
لف الدكتور ماشاف احد رجع لف على غرور شاف اللفت يتسكر وداخله غرور
ابتسم الدكتور وراح
غرور وهي تاخذ نفس ومانتبهت للجنبها :افففففففف الحمدالله كنت بروح في ورطه ههههههههه بس والله اني ذكيه
سعود وخالد بصوت واحد:ذكييييييييييييييييييه هااااااااااااااااااا

&&&&&&&&&&&&&&&&&&
عند راشد
راشد رجع المستشفى ودخل غرفة غرور بس انصدم يوم شاف الغرفة فاضيه
راشد :هذه وين راحت
راح للحمام دق الباب :غرور غرور بس ماسمع رد فتح الباب وشافه فاضي
طلع بسرعه من الغرفه لقى الممرضه :لو سمحتي
الممرضه :نعم
راشد:المريضه الي بالغرفه 13 عطيتوها اذن خروج
الممرضه :لا
راشد :طيب ماتعرفين وين راحت
الممرضه :لا
راشد :شكراً.ياربي وين ذي راحت
,اكيد راحت عند حنان تسويها المجنونه ونزل عند الرسبشن واخذ رقم غرفة حنان وركب اللفت

&&&&&&&&&&&&&&&&&
في اللفت عند غرور
غرور بصراخ:يممممممممممممممه
سعود: اسكتي وجع ان شاءالله
خالد : ليه ذا الصراخ وش شايفه
غرور وهي تحط ايدها على قلبها وبهمس:شايفه عفاريت
سعود :نعم ماسمعت
غرور تصرف:لا ابد بس انتوا من وين طلعتوا
خالد بمرح:من السماء مو احنا عفاريت
غرور تضحك :هههههههه
سعود بصرامه خلت غرور ترجف من الخوف:انت وش مطلعك من غرفتك هاااا
غرور :كنت ابي ازور حنان
سعود :ومين سمح لك
غرور :ماحد انا انحشت
خالد:ماشاءالله وتعترفين
غرور :ايه الاعتراف بالحق فضيله
سعود:اقول خلي عنك الكلام الفاضي وياللا برجعك غرفتك
هنا غرور انجلطت وصارت تصيح:لاااااا امااااانه الله يخليك لاترجعني. ابي اشوفها بس شوي والله شوي وارجع مكاني بس خلني اشوفها
سعود :خلاااااااااص بس اسكتي اوجعتي راسي
غرور تمسح دموعها :صدق والله وحضنته بيد الله يخليك لي قول امين
خالد يضحك عليها : خلاص صراحه تنفعين تمثلين دور الشحاذه هههههه
غرورتقلده :هههه بايخه لا تعيدها
سعود:المهم انت كيفك
غرور :انا بخير بس احس بتعب شوي
خالد:تبيني اشيلك
غرور تستعطفه :ياليت والله لاني تعبانه بالحيل
سعود يمزح معها:يعني ارجعك
غرور بخوف :لالالالالالالا خلاص راح التعب كله بس لاترجعني
سعود وخالد :هههههههههههههههههههههههههههههه
غرور بزعل :اضحكوا مالت عليكم
رن جوال سعود:هلا يمه
ام سعود:هلا فيك ها لقيتوهم
سعود :ايه هم في المستشفى
وانفتح اللفت وطلعت غرور اول وحده وتلاقت مع راشد
راشد وهو مو منتبه لخالد وسعود:غروووور انت وين كنتي
خالد قرب من راشد وهو عاقد حواجبه:خير وانت وش دخلك
قفل سعود من امه وناظر راشد:رااااشد هلا والله متى جيت
راشد وهو يسلم على سعود:هلا فيك وصلت الصبح
خالد بأبتسامه :انت راشد الناصر والله ما عرفتك كيفك وشلون الدبي
راشد بفرح:خالد ياالله من زمان عنك وسلموا على بعض
غروربملل:خلصت حلقة السلام ياللا ابي اروح عند حنان
سعود قرب عندها وهو يصر على اسنانه وبهدوء :تغطي رازه الفيس انت ووجهك
غرور :طيب وتلثمت
راشد انقهر يوم تغطت غرور لانه كان مستمتع بتعابير وجهها الطفولي
سعود:راشد ليه ما قلت لنا انك جاي كنا استقبلناك
راشد بابتسامة خبث:ما حبيت اتعبكم
وهو يناظر غرور :وبعدين غرور ما قصرت استقبلتني احسن استقبال
وحكالهم كل الحادث اما الي صار بينه وبين غرور احتفظ فيه
سعود وراشد يسولفون وهم يضحكون
غرور بصوت واطي تقلده وهي منقهره:هههه وهذا الي صار .غثيث
خالد الي سمعها مات ضحك :هههههههههههههههههههههه
لفوا عليه سعود وراشد مستغربين
سعود:في شئ
خالد وهو يسكت :لا ابد بس شفت واحد طاح وهو يلتفت لغرور وبهمس :حلوه غثيث اعلم عليك
غرور طنشته :سلام تركي ودخلت عند حنان وحضنوا بعض وهم يبكون
راشد قرب عند تركي :سلام عليكم تركي
تركي :سلااااااام راشد شلونك متى الوصول
راشد:اليوم
تركي :اجل عشاك عندي اليوم
سعود وهو يسلم:لا عشاه عندنا والا تبي امي تذبحك
خالد :سلام ومد ايده
تركي :وعليكم السلام وكان السلام بينهم جاف وكل واحد يناظر الثاني بكره
سعود وهو يكلم تركي :ماراح تعرفنا
تركي وهو ياشر على فهد :فهد الكاسر خال وليد الي سوى الحادث وهذا وليد
الكل هلا
تركي وياشر على سعود :هذا سعود الفارس ولد عمي واخو الي صارلها الحادث الي دخلت قبل شوي
وهذا خالد الناهي اخو البنت الثانيه وهذا راشد الناصر ولد خالة سعود
فهد بهدوء:هلا فيكم وهو يكلم راشد واخيراً تعرفت عليك احنا كان بينا وبينكم اعمال مع الوالد وهو كان يتكلم عنك كثير
راشد بهدوء مماثل :وراح يكون بينا اعمال ثانيه ان شاءالله
فهد:انا اسف على الي صار
سعود:حصل خير الحمدالله انها جت سليمه بس اهم شئ انه ينتبه المره الثانيه مو بس لغيره حتى لنفسه
تركي بداخله(ليتك صدمت خالد وفكيتني منه)

&&&&&&&&&&&&&&&&
في بيت ام سعود
غيوض تكلم رهف :رهف مادري وش اسوي اكيد تركي هناك
رهف :طيب هذه فرصتك روحي شوفيه
غيوض :احس نفسي خايفه
رهف :ياغبيه ليه تخافين مابياكلك
ام سعود تنادي غيوض:غييييووووووووووض ووجع خلصي اخرتينا
غيوض :خلاص رهف اكلمك بعدين امي تناديني
رهف :اوكيه بس علميني اول ماتوصلين وش صار
غيوض:اوكيه باي
رهف :بااااي
ام سعود :غيوض ان مانزلتي لاروح واخليك
غيوض تلبس عباتها وهي نازله:هذا انا نازله كنت اكلم رهف
ام سعود :وهذا وقته تكلمينها ما كانكم شفتوا بعض اليوم
غيوض :هي الي دقت اقولها مابي اكلمك
ام سعود :امشي السواق ينتظرنا ماحد يقدر عليك الأجوبه عندك جاهزه

&&&&&&&&&&&&&&&&
عند حنان وغرور
غرور وهي تحكي لحنان الي صار:ولا الحيوان يقول لسعود وتقلد صوته :بس غرور استقبلتني احسن استقبال
حنان:ههههههههههههههههههههههه
غروروهي ماسكه الكاس وبعصبيه :السخيف كان ودي اضربه باي شئ قاهرني
حنان :هههههههههههههههههههههه
غرور:انت وش فيك ماكله البقره الضاحكه بس تضحكين
دخل خالد وسعود بعد ماستأذن علشان حنان تتغطى:السلام عليكم حمدالله على السلامه
غرور بمرح :الله يسلمكم
سعود:وانت وش لقفك انا اكلم حنان
غرورتمثل الصدمه:شلون وش دخلني انا بعد صار لي حادث
خالد ويجاكرها:بس انت ماصار لك شئ شوفي اختي المسكينه
غرور:والي في ايدي والشاش الي على راسي لعبه
سعود يقاطعهم: خلاااص انت وياه ان تركناكم ماخلصتوا حنان كيفك الحين
غرور:الحمدالله بخير
حنان وخالد يضحكون على خبال غرور:ههههه ههههههههه
حنان:ههههه جاوبتك عني
خالد :ماتترك اللقافه
غرور:انت الملقوف مو انا
سعود:خلاص وبعدين معاكم غرور قومي اوديك غرفتك
حنان :لا خلها شوي
غرور:ايه امااااانه
سعود:ماأقدر امي وامك جاين
خالد :ايه خذها فكنا منها
غرور وسكتت منه :واذا خلهم يجون يشوفوني هنا
سعود بملل:غرور وبعدين قلت لك قومي يعني قومي
غروروهي قايمه:افففففففففف طيب وكلمت حنان لا تخافين اجي عندك الليل
سعود وهو رافع حواجبه:لا والله احلفي بس وبتهديدان عرفت انك طلعتي من غرفتك ياويلك
غرورمطنشته:طيب ياللا مشينا
طلعت غرور ومعها راشد وسعود وكانت منقهره من راشد الي يتكلم مع سعود ويضحك

&&&&&&&&&&&&&&&&&
في السواق متوجهين للمستشفى
ام سعود :اول شئ نمر على حنان لانها في الطابق الثاني وبعدين نروح عند غرور لانها في الطابق الرابع
ام خالد:خلاص صار
غيوض بداخلها( اهم شئ اشوف حبيب القلب )
غيوض :اول خلونا ناخذ لهم ورد
ام سعود:فاضيه انت بعدين ناخذ لهم ورد اول شئ نتطمن عليهم
غيوض:والورد يمنعكم من شوفتهم
ام سعود:غيوض عن طوالة اللسان اسكتي ماني برايقه
غيوض وتحط ايدها على فمها :خلاااااص سكتنا
نزلوا رايحين لغرفة حنان تصادفوا مع فهد الي غاسل شراع وليد:والله ان شفت سياره الحين الى ان تعقل
وليد ووجهه احمر شوي يصيح:بس غصب عني هم تحدوني
فهد:واذا تحدوك ترمي نفسك في النار بتسويها
وليد:خلاص والله اخر مره بس اهم شئ انك لا تقول لجدي
فهد:وليه عندك نيه تعيدها واما عن ابوي مالي دخل دور لك صرفه اذا سألك عن السياره

&&&&&&&&&&&&&&&&

نرجع عند غيوض الي اول ماشافت تركي وقفت ووقف قلبها
ام خالد وام سعود وخلود:السلام عليكم
تركي :وعليكم السلام
ام سعود:كيفك ياولدي
تركي :حمدالله تمام حمدالله على سلامة البنات
ام خالد:الله يسلمك ويعطيك العافيه
ودخلوا عند حنان
غيوض:سلام عليكم ومشت بهدوء داخله الغرفه
مسكها تركي من ايدها:تعالي هنا





نهاية البارت الثاني

البارت الثالث








مسكها تركي من أيدها:تعالي هنا
غيوض شهقت من الخوف:خير
تركي من بين اسنانه :ليه جايه كذا
غيوض باستغراب:ليه وش فيه!!!!
تركي بهدوء مخيف:ما شفتي شكلك
غيوض : وش فيه شكلي
تركي :لا ابد شكلك مافيه شئ وبصراخ ماشفتي نفسك في المرايه العين طالعه مكحله والانف كله طالع وش رايك تفكين اللثام ترى ماله داعي
غيوض بداخلها مبسوطه وطايره من الفرح (يا الله ياروحي تغار علي بس هذا كله علشانك )
غيوض ببرود:ومن انت علشان تحاسبني أنت مو ولي امري
تركي بقهر:انت بنت عمي مثل اختي
غيوض وفرحتها تبخرت في لحظة وبهمس:اختك
تركي :ايه اختي
غيوض والدموع متجمعه بعيونها:بس مافي احد غريب غيرك انت وخالد
تركي بنفاذ صبر:وانا وخالد مو رّجَال
غيوض:الا رّجال وحبت تقهره:بس انت وخالد مثل اخواني
تركي :بس احنا مو اخوانك
غيوض تقهره زياده :بس انت اخوي
ودخلت الغرفة تاركه تركي مصدوم!!!!!!!!!!!!!!!!

&&&&&&&&&&&&&&&&&&&
في الامارات في فلة ابو راشد
جنا نازله من الدرج بسرعه :اهلييييييييييييييييييييييين
هدى :ههههههههههههههه شوي شوي لا تطيحين
جنا :العن ابليسك مقاطعتنا دنمركين احنا
هدى :هههه ماكأنك شفتينا قبل اسبوعين
جنا:انت قلتيها اسبوعين يعني مده طويله المهم وين عيالك
هدى:وسن عند امي ومحمد في المقلط عن ابوي
جنا تاخذ وسن وتبوسها بقوة :ياحلوك اشتقت لك تعالي نلعب
هدى:راشد وفيصل وينهم ماشوفهم مو راشد جاء هنا
نور:فيصل نايم وراشد مسافر
هدى بتعجب:مسافر!! مو قبل امس جاء لحق يرجع
ام راشد:راشد سافر الرياض عند خالتك
هدى :ليه خالتي فيها شئ
ام راشد:لا بس عنده شغل هناك
*
*
جنا اخت راشد والدلوعه عنده حلوه عيونها متوسطه بنيه فمها مثل التوت بيضه جسمها حلو بس ضعيف شوي شعرها لنص ظهرها لونه بني عمرها 22سنه

هدى اخت راشد الكبيره متفهمه جداً طيبه حلوه متينه شوي عمرها 33سنه متزوجه عندها بنت وسن عمرها 3سنين وولد محمد عمره 8 سنين

فيصل اخو راشد عمره 27سنه متزوج من نور بنت عمه من سنتين
نور حلوه بس مغروره وشايفه حالها عمرها25سنه وهي حامل
&&&&&&&&&&&&&&&&&&&
في غرفة حنان
غيوض دخلت الغرفة وهي مو شايفه قدامها من الدموع وقفت شوي علشان تهدي نفسها
قعدت تمسح دموعها (ياربي هذا متى يحس الحين انا اخته ياربي بيجلطني )
خلود شافت غيوض واقفه:غيوض وش فيك واقفه ادخلي
غيوض وهي تحاول تكون طبيعيه :هااااي كيفك ياحلوه
خالد(والله انت الي حلوه)
حنان:هههههههه تمااااام كيفك انت
غيوض:تمااام التماااام
وجلسوا يسولفون ويضحكون وغيوض تاركه شخصين واحد مبسوط ومستمتع بسوالفها وواحد مقهور

&&&&&&&&&&&&&&&&&&&
في غرفة غرور
راشد :ياللا انا استأذن
سعود :لا على وين
راشد :بروح الفندق ارتاح شوي بالحيل تعبان
غرور(فكه تسوي خير )
سعود:أي فندق الي تتكلم عنه وبيتنا موجود بعدين امي اذا درت انك كنت هنا وماسلمت عليها بتزعل
راشد:لا الا زعل خالتي ما اقدر عليه اجل بقعد شوي اسلم عليها واروح
غرور(افففففففففف ماصدق على الله والله انك غثيث)
سعود:شلون خالتي الحين مثل ماهي من بعد موت سلطان الله يرحمه
راشد ناظر غرور والحقد رجع له:لا الحين احسن
سعود:الحمدالله
غرور(هذا اشفيه يناظرني كذا انهبل)
*
سلطان اخو راشد وعمره 23 سنه مات قبل سنه في الرياض بحادث سياره وهو الوحيد الي يفهم راشد من غير ما يتكلم وراشد كان يغليه بالحين

&&&&&&&&&&&&&&&&&&&
عند سيارة فهد
فهد قاعد يدور بجيوبه :اففف انا وين حطيته
وليد:لا يكون داخل السياره
فهد بتعب:انت ماتشوف السياره مافيها شئ
وليد:طيب يمكن طاح منك
فهد :كيف يطيح وانا ما طلعته من جيبي .يوووووووووووه وضرب جبينه بكفه اكيد طاح وانا اعطيهم كروت ارقامي
وليد :تبي اطلع ادوره لك
فهد:لا انا بطلع ادوره .

&&&&&&&&&&&&&&&&&&&
تركي الي كان يسمع سوالفها ومقهور :ااااه يالقهر مطنشتني وقاعده مع الاهبل خالد
سمع ضحكتها وما قدر يستحمل أكثر وبدون تفكير فتح الباب علشان يسحبها ويطلعها بس وقف
تركي يهدي نفسه:هدي ياتركي انت وش قاعد تسوي مالك حق تسحبها
ترك الباب مفتوح وراح
*
*
في ممر المستشفى تلاقوا فهد وتركي
تركي :خير في شئ
فهد الي لاحظ تغير وجه تركي :ابد بس مضيع مفتاح السياره قلت ادوره عند الغرفه
تركي :تبي مساعده
فهد:لا مشكووور ماتقصر
تركي :اجل مع سلامه
فهد:مع سلامه ووصل عند الغرفة شاف المفتاح طايح مثل ماتوقع نزل اخذه ويوم رفع راسه شاف باب الغرفة مفتوح و شاف وحده جمالها حلو عيونها الصغار وانفها وفمها الصغير وشعرها الطويل
شاف حنان تضحك وكان واضح عليها التعب من الحادث :ياحلو ضحكتك وياحلوك
قطع عليه تأملاته جواله :افففف هذا وقته وشاف الرقم وكان المتصل ابوه
فهد:الووووووو هلا يبه
ابو فهد:انت وين
فهد:موجود صاير شئ
ابوفهد:وليد من الصبح ماجاء وجواله مسكر
فهد:وليد معي واحنا جاين في الطريق
ابو فهد:زين اجل ياللا فمان الله لا تتأخرون
فهد: زين فمان الله

&&&&&&&&&&&&&&&&&
في غرفة حنان
ام سعود :ياللا الحين خلونا نروح عند غرور قبل ماينتهي الزياره
ام خالد:ايه والله لازم نتطمن عليها
خالد:انا بعد بروح معكم علشان اذا انتهى الزياره نروح انا وسعود عند الدكتور نتطمن عليهم
ام خالد:ايه زين وطمنا بعدين
ام سعود:ماتشوفين شر يابنتي نامي ارتاحي
حنان :الشر مايجيك
ام خالد :انتبهي على روحك لاتتحركين كثير
ام سعود:وكلي زين
خالد يقلدهم:واشربي حليب
خلود وغيوض:ههههههههههههههههههههه
غيوض تكمل معه :وتغطي عدل ههههههه
خالد:في وصيه ثانيه لان لو ما خلصتوا انتهت الزياره
ام خالد:توصين شئ اجيبه معي بكره
حنان :ابي ملابس
ام خالد:انشاء الله مع سلامه
الكل:مع سلامه
وطلعوا عند غرور جلسوا شوي الى ان انتهت الزياره ورجعوا مع السواق
بعد ما خلصوا راح سعود وخالد وراشد عند الدكتور علشان يسألون عن حالة البنات
راشد :ياللا انا اسأذن
سعود: ما بتجي معنا
راشد :لا بروح الفندق انام شوي واشوفكم ان شاءالله على العشاء
خالد :بس لا تتأخر لا اجي وازعجك
سعود:ترى يسويها
راشد :ههههه ان كان كذا بركب الساعه على 9تماماً
خالد :يكون احسن لك , مشينا سعود
راشد:فمان الله

&&&&&&&&&&&&&&&&
في غرفة غرور
غرور تكلم حنان :توهم طلعوا من عندي
حنان :طيب تقديرين تجين
غرور :ايه اقدر في شئ
حنان :لا بس مليت
غرور:ولا يهمك بس خلي المكان يهدئ واجي لا تنامين
وفجاءة انفتح الباب بهدوء
غرور:لحظة حنان في احد فتح الباب
وقالت بصوت مسموع:مين فتح الباب
دخل راشد وهو مبتسم :انا ياحلوه
شهقت غرور بصوت عالي

&&&&&&&&&&&&&&&&&
عند الدكتور

الدكتور عادل:حمدالله هم بخير, حنان عندها بس كسر في الرجل ومافي أي اصابات خطيره
خالد:طيب متى بتشيلون عنها الجبس
د.عادل:تحتاج شهر
خالد:طيب متى بتطلع من هنا
الدكتور:بعد اسبوعين
سعود:وغرور
الدكتور ابتسم من سمع اسمها:غرور عندها جرح في الراس بسيط بس لازم نتطمن عليها لان عندها فقر دم ونزفت كثير اليوم اما بنسبه لايدها عندها رضوض
سعود:طيب متى بتطلع
الدكتور:بتطلع بعد يومين ان شاءالله اما بالنسبه لايدها متى نشيل عنها اللفه على حسب والغرز الي في راسها بعد اسبوع
خالد وسعود:مشكور

&&&&&&&&&&&&&&&&&&
عند غيوض
غيوض كانت طول الطريق ساكته تفكر بكلام تركي وكلمته تتردد .اختي
اول ماوصلت البيت طلعت على طول لغرفتها ورمت حالها على السرير وهي تبكي
دقت عليها رهف:الوووووووووو ها بشري
غيوض وهي تشهق من البكى :يقول اني مثل اخته تصوري في الاخير اطلع اخته من وين صرت اخته مادري
رهف وكسرت خاطرها غيوض:غيوض وحده وحده ماني فاهمه شئ اهدي وفهميني وش صار بالضبط
غيوض حكت لرهف كل شئ
*
*
اما الطرف الثاني في القصه وهو تركي
تركي ماشي بالسياره وهو مو شايف شئ :معتبرتني انا اخوها علشان تاخذ خالد
ومن القهر مانتبه للاشاره الحمره وسمع صوت بوق السياره الي كانت بتصدمه وقف بسرعه على جنب
سمع الرجال وهو ماشي بسارته :انت اعمى ماتشوف الاشاره وراح وتركه
تركي ويضرب الدركسون :اااااااااااااااااااااه ياغيوض جننتيني بحبك وانت ماتدرين وقاعده تفكرين بخالد بس والله مايأخذك غيري
ياأنا ياخالد ونشوف

&&&&&&&&&&&&&&&&&&
في غرفة غرور
غرور شهقت بصوت عالي خلت حنان تسمعها
حنان خافت على غرور :غرور غرور ردي وش فيك لا تخوفيني عليك
غرور رفعت السماعه:حنان مافيني شئ اكلمك بعدين
حنان :طيب مين الي دخل
غرور:اقول لك بعدين وسكرت منها
غرور وهي تناظر راشد الي واقف قبالها تلثمت:راشد
وبلعت ريقها بصعوبه من الخوف:راشد ان قربت وسويت لي شئ لا اصارخ وافضحك احسن لك اطلع بره
راشد :لا تخافين ماراح اسوي لك شئ
غرور:اجل ليه جيت
راشد بصعوبه:جيت اعتذر منك على الي سويته مع انك انت الي استفيزيتيني بلسانك الطويل
غرور منصدمه:تعتذر
راشدوهو طالع:لا تحسبين اعتذاري لك ضعف مني بالعكس
وطلع تاركها بحالة صدمه
غرور صحت من صدمتها على صوت التلفون
حنان:غرووووووووور ووجع
غرور تبعد السماعه من اذنها:شوي شوي فجرتي طبلتي ليه الصراخ
حنان:وش صار من دخل عندك خوفتيني عليك
غرور :مافي شئ هذا راشد جا
حنان قطعت كلامها :راااااااااااااااشد وش يبي
غرور:وانت خليتيني اكمل
حنان:لا تكملين ولا شي تعالي عندي واحكي لي كل شئ ماينفع معي التلفون
غرور:خلاص دقايق واكون عندك

&&&&&&&&&&&&&&&&
عدا اليوم على الجميع والكل في همه
غيوض الي نامت وهي تبكي ومارضت تكلم احد او تتعشى
*
تركي الي كان النوم مجافيه من التفكير بغيوض وشلون يخليها تحبه
*
خالد الي كان مبسوط لانه شاف غيوض
*
راشد دخل في سابع نومه من الاحداث الي صارت
*
غرور وحنان قضوا اليوم كله سوالف وضحك وهبال غرور بهذلت الممرضات وهم كل شوي يرجعونها غرفتها وهي تروح عند حنان الى ان ملوا وتركوها
*
*
في بيت سعود
سعود :وبعدين معاك ياخلود متى بتقفلين على هذا الموضوع تراني تعبان من المستشفى وتونا راجعين من عند اهلي
خلود:ماني مقفلته ليه ما نحاول
سعود:حاولنا مرتين ومانفع
خلود:ونحاول المره الثالثه والرابعه
سعود بنفاذ صبر:مابي اتركي كل شئ على رب العالمين
خلود بإصرار:ونعم بالله بس بعد ربي قال اسعى ياعبدي وانا اسعى معاك
سعود بصراخ:وانا مابي اسعى قلت لك قفلي على الموضوع ولا تفتحينه مره ثانيه فاهمه
خلود وهي تصيح:بس حرام عليك ماأحد يحس فيني انا كل ماأشوف ام ماسكه ولدها او بنتها يتقطع قلبي
وغطت وجها بايدها وبكت بصوت يقطع القلب :تعبت والله تعبت من كل شئ تعبت من نظرات الناس لي
سعود جلس جنبها وبملل :الحين ليه تبكين
خلود وهي تشهق :انا ابي عيال ابي بنت او ولد ابي ابوسهم والعب معهم صار لنا خمس سنين من تزوجنا
سعود بهدوء :طيب احنا مو فحصنا وطلع كل شئ سليم
خلود وهي تناظره:ايه
سعود:طيب ؟
خلود سكتت:.
سعود يفكر يسألها بس خايف من جوابها:خلود انا بسألك سوأل بس مابي جواب الحين
خلود:
سعود بصعوبه :تبينا ننفصل وتشوفين حياتك
خلود شهقت :انت وش قاعد تقول سعود انا احبك ومستحيل اتركك
سعود فرح :حتى لو بتعيشين معي بدون عيال
خلود:ايه حتى لو .
سعود قطع كلامها وضمها بقوة:انا احـبـــــــــــــــك واموت عليك انت حياتي وعمري
خلود تبكي على صدره:وانا بعد احبك , اسفه يا سعود انا عارفه ان هذا قسمة ربي بس مو بيدي والله مو بيدي
سعود ويرفع وجهها بايده ويمسح دموعها :لا انا الي اسف انا كنت اناني ومافكرت فيك خلاص بكره نروح المستشفى ونسوي فحص جديد بس انت لاتبكين وضمها لصدره بقوة وعاشوا في عالم ثاني

&&&&&&&&&&&&&&&&&&&&
اليوم الثاني
في بيت ابو فهد
فهد يصحي وليد وصارخ في اذنه:ولييييييييييييييييييييييد
فز وليد من الخوف وطاح من على السرير :بسم الله وجععععععععععع انشاءالله وش تبي
فهد يضحك على شكله:ههههههههههههههههههههههههههههههه قوم اوديك الجامعه
وليد معصب:احد طلب منك توصلني ورجع تغطى بالبطانيه
فهد:لا بس قلت ماعندك سياره اسوي فيك معروف ووصلك
وليد من تحت البطانيه:مشكوووووووووور مابيك توصلني اطلع بره وسكر الباب
فهد :خدامك انا .واخذ المويه وكبه عليه
وليد قام بسرعه:خييييييييييييييييييير وش ذا
فهد :ههههههههههههههههههههههههه ههههههههههههههههه دقايق وانت نازل وطلع من الغرفه
وليد يتحلطم :اففففففففففف ماأحد ينام عدل في ذا البيت

&&&&&&&&&&&&&&&&&&&&&
المستشفى في غرفة غرور
الممرضه وحامله بايدها ورد :صباح الخير ازيك
غرور مبتسمه:صباح النور مين جايب هاالورد
الممرضه :مابعرفش بس في كرت اقريه
غرور:طيب شكراً
الممرضه تحط الورد وتشيل الفطور:دا انت ماأكلتيش حاجه
غرور:ماأعجبني ماصخ
الممرضه :يعني ايه ماصخ
غرور بهبال:لا ابد بس ماصخ يعني طسي
الممرضه:يعني ايه طسي دا انا مش فاهمه حاجه
غرور:احسن لك ماتفهمين
الممرضه طلعت وهي معصبه
غرور :ههههههههههههه وقرت الكرت وكان مكتوب
اتمنى لك الشفاء العاجل .
وتقبلي اعتذاري
مع تحياتي راشد
غرور قرت الاسم عشر مرات مو مصدقه :هذا اشفيه كل شوي يعتذر واخذت ورده وشمتها :ياسلاااااااااااااااام
سمعت صوت :لهادرجه اعجبك الورد
غرور صرخت :يمممممممممممممممممممممممه ورمت الورده بالارض

&&&&&&&&&&&&&&&&&&
في سيارة فهد
وليد معصب :في احد يصحي الناس كذا
فهد:ههههههه وشلون يصحونهم
وليد:ماأدري بس في الف طريقه
فهد بمزح:يعني تبيني اقولك وليد حبيبي قوم ياللا ياعيوني ههههههههههه
وليد :قاعد تتطنز علي , شكلك رايق من الصبح
فهد بجديه:وانت ليه معصب
وليد:وليه ماأعصب وانت سمعت التهزئ من جدي
فهد:وانت وش كنت تتوقع ياخذك بالاحضان اكيد بيهزءك ويغسل شراعك بعد
وليد يتافف:افففف بس انا مابيه يزعل مني
فهد ابتسم:لا تخاف مو زعلان
وليد:وانت وش دراك
فهد: ابوي واعرفه زين
وليد:ان شاءالله يارب
وليد :خال طلبتك لف فينا شوي
فهد:والجامعه
وليد :مالي خلق لها
فهد:طيب ولا يهمك مافي جامعه اليوم
وليد:فهود ليه رايق اليوم
فهد يناظره وهو رافع حاجب: فهود بعينك
وليد:اسفين بس جاوب على سؤالي
فهد:حلمت حلم حلو
وليد:حلمت بالبنت الي امس
فهد باستغراب:أي بنت لا تطلع علينا اشاعات
وليد:على بالك ماني عارف انك شفتها وعجبتك, أمس شفتك وأنت تناظرها وبعدين من اول مارجعت من فوق وانت متغير ومبسوط وتفكر كثير
فهد:اقول اسكت بس , تخرف انت. وقعد يفكر في حنان وضحكتها
وليد :وش رايك ناخذ لها ورد
فهد لاشعورياً :وهذا الي بسويه
وليد بخبث:صادووووووووه يعني شفتها هههههههه
فهد وتورط:ايه شفتها بس ان احد عرف ياويلك
وليد:لا تخاف سرك محفوظ

&&&&&&&&&&&&&&&&&&
في غرفة غرور
غرور صرخت ورمت الورده في الارض
دكتور عادل بأبتسامه:اسف اذا خوفتك
غرور:انت ؟!!!
د.عادل:ايه انا ,انا دكتورك المسئول عن حالتك
غرور:والدكتور الاول وين؟
د.عادل: الدكتور الاول سافر عنده ظروف الحين ممكن افحصك
غرور تهز راسها بأيه
د.عادل وهو يفحص الجرح :الممرضه قالت انك مااكلتي شئ ليه
غرور:كذا
د.عادل:وليه كذا
غرور:ماصخ الأكل ماأعجبني
د.عادل:هههههههههههه بس هذا مفيد لك وفيه فايتمينات
غرور تبي تفتك منه:خلاص أن شاءالله بأكل مره ثانيه

&&&&&&&&&&&&&&&&&&
في غرفة حنان
دق الباب كم مرات وماسمع رد
فتح الباب بهدوء ودخل ماشاف احد على السرير >>>>>>الأخ يمون
سمع صوت من عند الحمام لف لاتجاه الصوت شافها تمشي بصعوبه بالعكاز
حنان وقفت شوي من التعب ورفعت راسها شافت شخص واقف يناظرها ومانزل عينه
حنان بخوف:مين انت ؟!!!
:انا فهد فهد خال وليد الي كان السبب في الحادث
حنان رفعت الشيله الي على كتفها بيد وحطتها على راسها:طيب!!!!
فهد شافها الى الان واقفه حط الورد على الطاوله:تعالي اجلسي ماراح اكلك
حنان بثقه:اساساً ماتقدر تسوي شئ
ومشت شوي, بس العكاز طاح منها وطاحت


نهاية البارت الثالث

البارت الرابع



في الجامعه
رهف:الحين انت ماراح تاكلين علشان تركي قالك اخته
غيوض من غير نفس :لا بس مالي نفس اكل شئ
رهف:بس انا جوعانه
غيوض:روحي كلي احد ماسكك
رهف:مااحب اكل بروحي
غيوض:خلاص لا تاكلين
رهف وشوي تصيح:حرام عليك جوعانه مافطرت اليوم
غيوض:يعني انا الي فطرت
رهف:غيييييييييييييييوض امااااااااانه
غيوض:ههههه ياللا جيبي لي أي شئ
رهف بفرح:حياااااتي انت كذا طنشي الامور
غيوض:وهذا الي بيصير والله ماراح اعطي تركي وجه واخليه يندم
شهد بغرور:هااااااي
غيوض من غير نفس:وعليكم السلام
شهد:كيفك
غيوض:بخير
شهد:حمدالله على سلامة غرور شلونها الحين
غيوض:بخير
شهد وتناظر جوالها:ان شاءالله بنزورها اليوم ياللا باي (ياليتها ماتت وريحتنا)
*
شهد بنت عمة راشد مغروره تكره شئ اسمه غرور عمرها 22سنه

&&&&&&&&&&&&&&&
في غرفة حنان
حنان طاحت قبل ما يمسكها فهد :آآآآآآآآه
فهد ساعدها علشان تقوم وبأهتمام:أنت بخير؟
حنان تهز راسها بايه
فهد:تبيني اساعدك
حنان:لا
فهد:طيب تقديرين تمشين
حنان:ايه شكراً
حنان حاولت تمشي بس ما قدرت من الالم الي في رجلها:اااااااه
فهد بأستهزاء:بالحيل تقديرين تمشين خليني اشيلك
حنان:لالالالالالا
فهد شالها على رغم اعتراض حنان وحطها على السرير
فهد : تبين شئ ثاني
حنان وهي منحرجه:لا
ونزلت هي وفهد في نفس الوقت ياخذون العكاز وتلاقت عيونهم وقعدوا كل واحد يناظر الثاني وكأن في مغناطيس يجذبهم
وفجاءة رفعوا راسهم سوا وتصادموا
حنان وفهد:سوري ههههههههههههه
فهد عطاها العكاز وهو طالع وبابتسامه :انتبهي على روحك وراح أنادي الممرضه تساعدك

&&&&&&&&&&&&&&&
عدا اليوم وكان ملي بالزيارات لحنان وغرور والدكتور كتب لغرور خروج
وصلوا عايلة ام سعود البيت
غرور:ياالله اشتقت لبيتنا ولغرفتي
غيوض:قصدك غرفتنا
غرور:اسفين غرفتنا شكلي بسوي لي غرفه بروحي
ام سعود :حمدالله على سلامتك تو نور البيت
غرور تحضن امها:منور فيك مامي,انا بطلع ارتاح
ام سعود:روحي ارتاحي راح اقومك على العشاء
سعود:يمه ابيك بموضوع
ام سعود :سم
سعود:انا بسافر اليوم جده
ام سعود:ليه في شئ ,انت وخلود متزاعلين
سعود:لا بس خلود من زمان ماشافت اهلها ومشتاقه لهم
ام سعود:الله يوصلكم بالسلامه
سعود:توصون شئ من جده
ام سعود:لا بس اذا وصلتوا كلموني ماراح انام انتظر تلفونك
سعود:انشاءالله ياللا مع السلامه
*
*
غرور دخلت غرفتها ونطت على سريرها
غيوض:شوي شوي لا يرجعونك المستشفى
غرور: ههههههههه اشتقت لسريري واشتقت لدبدوبي واشتقت لك
غيوض ابتسمت:وانا بعد
غرور بجديه:تعالي انت اشفيك صار لك يومين مو على بعضك
غيوض بضيق:مافي شئ
غرور:تكذبين علي ترى عارفتك زين
غيوض حكت كل شئ لغرور
غرور:وانت تبكين علشان هذا
غيوض وهي تمسح دموعها:قهرني يا غرور مو معبرني
غرور:وانت لا تعبرينه واذا شفتيه لا تسلمين عليه ابد خليه هو الي يركض وراك
غيوض بعدم ثقه:أنا قلت بسوي كذا بس ماأضمن أقدر على هالشئ أو لا
غيوض بتشجيع:أنا بساعدك
&&&&&&&&&&&&&&&&
بعد يومين
ام سعود:غرور ياللا قومي علشان نروح موعدك
غرور بصوت كله نوم:الساعه كم
ام سعود:الساعه 8
غرور:مابي مو لازم اليوم
ام سعود:شلون ماتبين قومي خالينا نفك الجرح
غرور:طيب بس شوي
ام سعود:مافي شوي عشر دقايق وانت جاهزه
غرور بملل:طيب
قامت غرور اخذت لها شور سريع ولبست بنطلون اسود وتيشيرت اسود
غرور وهي نازله:مامي انا جاهزه
ام سعود:طيب اركبي السياره انا جايه
غرور لبست عباتها وطلعت الحوش ماشافت السواق :ماااااااااااامي السواق وين
ام سعود طلعت:مادري دقي عليه
غرور دقت على السواق :الووووو كومار انت وين
كومار:ماما انا في وصل ماما غيوض والحين السياره في مشكل
غرور:متى يخلص مشكل
كومار:مافي معلوم
غرور:اوكيه بااي مامي يقول السياره خربانه وبيطول علشان يصلحها خليني ارجع انام
دق جرس الباب
ام سعود:روحي افتحي الباب
غرور:كااااااااااااالي تعالي افتحي الباب
ام سعود تناظرها بنص عين:كالي بعينك تنتظيرين كالي تجي وانت قريب افتحي الباب خلصيني
غرور بطفش :اففففففففففففف وفتحت الباب
راشد على باله كالي:ساعه تفتحين
غرور بعصبيه:وانت مافيك صبر حرقت الجرس
راشد باستهزاء:اوووووووووووه الانسه غرور تكرمت وفتحت الباب صراحه بكتبها في التاريخ
غرور باستهزاء مماثل:هه هه ماتضحك
ام سعود بأبتسامه:هلا راشد حياك ادخل
راشد يبوس راسها:كيفك خالتي
ام سعود:بخير الله يسلمك تفضل داخل
راشد:لا مره ثانيه بس انا جيت اعطيك اغراض امي جابتها لك ونسيت اعطيك ياها السموحه
ام سعود:لا عادي انت يكفيك الاشغال الي عليك
راشد:خالتي وين رايحين وليه واقفين هنا
ام سعود:كنا رايحين للمستشفى موعد غرور بس السياره خربانه وسعود مسافر وخالد راح الخرج
راشد:طيب اركبوا اوصلكم
غرور:لا بكره بنروح
ام سعود:ايه يا ولدي مانبي نعطلك عن اشغالك
راشد بأصرار:ما عندي شئ اطلعوا والا بزعل
*
ركبت غرور وامها مع راشد

&&&&&&&&&&&&&&&&&&
تركي كان نازل وشاف اخته شموخ
تركي وهو مكشر :سلام عليكم
شموخ:وعليكم السلام اشفيه الاخ مكشر من الصبح
تركي وماله خلق:ليه مارحتي الكليه
شموخ:لا تغير الموضوع
تركي بنفاذ صبر :مالك دخل وردي على سؤالي
شموخ:مابي اروح مالي خلق
تركي:لا والله كيف بتصيرين دكتوره وانت ماتروحين وبعدين مالك خلق وانت شاقه الحلق اجل لو زعلانه شلون شكلك يصير
شموخ تضحك:ههههههههه يصيركذا ومدت بوزها هههههه
تركي :والله انك رايقه ياللا مع السلامه
شموخ:مافطرت
تركي :مابي شئ بفطر في الدوام ونزل
شموخ تركض:تركي تركي
تركي وقف:نعم
شموخ:ماجاوبت على سؤالي ليه صار لك كم يوم زعلان
تركي:هذا ماكان سؤالك وعن اللقافه
شموخ:تركي انت تحب غيوض
تركي (وشلون عرفتي) كمل طريقه مطنشها
شموخ :اذا تبي مساعده احنا في الخدمه يا عاشق

شموخ أخت تركي تدرس الطب حلوه حنطيه شعرها لونه بني قصيرعمرها بعمر غيوض
&&&&&&&&&&&&&&&&&&
في المستشفى عند غرور
غرور مسكت ايد الدكتور من الالم :اااه
د.عادل يناظر عيونها باعجاب لأنها كانت متلثمه:انا اسف بس تحملي شوي
غرور تركت ايده وغمضت عينها
راشد وهو مقهور من نظراته:انتبه يكون احسن
د.عادل وفهم عليه وكمل شغله وهو طفشان(هذا ليه مايروح ويفكنا)
غرور:اااااااااااااه
ومدت ايدها بعفويه بتمسكه علشان يوقف بس كان ايد راشد اسرع ومسكها
راشد سرت بجسمه قشعريره من ايدها الناعمه(والله من حقه ينبسط على ايدك)
د.عادل زاد ضغطه عليها من القهر
غرور ضغطت ايد راشد بقوة الى ان بيضت من الالم
راشد عصب ووجهه كلامه لعادل :خف ايدك شوي انت قاعد تعورها
د.عادل من غير نفس:خلصنا
غرور فتحت عينها شافت نفسها ماسكه ايد راشد تركتها بسرعه وهي منحرجه ابتسم راشد من حركتها
د.عادل:خلصنا تقدرين تقومين حتى ايدك صارت سليمه الرضوض خفت
غرور بأبتسامه:شكراً دكتور
د.عادل ابتسم:هذا واجبنا
راشد شوي ينفجر:ياللا مشينا
وطلعوا رايحين غرفة حنان

&&&&&&&&&&&&&&&&&&
عند تركي الي كان يفكر بكلام اخته ويلعب بقلم رصاص
تركي :معقول انا مكشوف لهالدرجه
معقول حبي واضح للكل
طيب ليه هي ماعرفت هذا الشئ ليه مومنتبهه لحبي مثل غيرها
اخاف تحب خالد ومايهمها انا
افففففففففففففففففففف وكسر القلم من القهرانا لازم اخطبها قبل خالد
ووقف عند النافذه بس اخاف ترفضني يالله لو رفضتني احس نفسي بموت
خل انتظر الى ان اتأكد من حبها لي

&&&&&&&&&&&&&&&&&&
عند غرفة حنان دخلت أم سعود قبلهم
راشد يكلم غرور وهو ضاغط على اسنانه:يعني لازم تشكرينه
غرورعلى نياتها:عادي انت ليه زعلان
راشد وماسك اعصابه:لا مو عادي انت ماشفتي نظراته لك
غرور:لا مانتبهت وبعدين وش قصدك اني بنت قلة ادب
راشد:انا ماقلت كذا
غرور تتخصر وبعصبيه:لا قلت كذا او بالاصح لمحت, اسمع راشد احترم نفسك ولا تقرب مني فاااااااهم
راشد رفع ايده دليل على نفاذ الصبر:غرور ادخلي
غرور:ومين قال اني انتظر الاذن منك ودخلت داخل
راشد :يالله هذه شلون يتعاملون معها
*
*
بعد ربع ساعه كانوا في السياره
راشد:ها خالتي تبون مكان ثاني
ام سعود:والله اذا كان ماعندك شئ ودي اروح السوق اخذ شوية اغراض
غرور الي كانت معصبه :انا تعبانه رجعوني البيت
ام سعود بخوف:في شئ يوجعك
غرور بدلع:لا مامي بس ابي انام
ام سعود:هذا كله من قلة الاكل شوفي شلون وجهك صاير اصفر حتى اليوم ما فطرتي
غرور بطفش:مااااااااامي
راشد من سمع انها مافطرت وقف عند" كروسان لو"
ام سعود:اشفيك وقفت
راشد:بشتيري لكم فطور وش تبون
غرور:انا مابي شئ
راشد :بتاكلين قولي وش اجيب لك وعن الدلع
غرور بعناد:قلت لك مابي
ام سعود:جيب لها كرواسان جبن وعصير كوكتيل وانا جيب لي قهوه
*
*
في الظهر
وصلت غيوض من الجامعه وطلعت غرفتها
غيوض وهي تنط على سرير غرور: مبروك فكيتي الجرح
غرور وهي ماسكه دبدوبها:غيوض انزلي ما لي خلق لك
غيوض وهي تقعد:ليه اشفيك
غرور بعصبيه:مافيني شئ بس ولد خالتك الحيوان مطفشني
غيوض:مين راشد
غرور:في غيره تخيلي اليوم وش قال
غيوض بحماس:وش قال
غرور حكت لغيوض كل شئ
غيوض :هههههههههههه ياغبيه هذا معناته يحبك
غرور تضربها بالمخده :قومي انقلعي عن وجهي كل شئ عندك حب
غيوض وترمي المخده :والله انا اتكلم جد
غرور تجاريها:شلون يالعريفه
غيوض تقعد عدل:انا اقولك اذا الرجال يغير على بنت هذا دليل انه يحبها وراشد يوم قال لك كذا كان من غيرته
وتنط :الله ياحظك وطلع في واحد يحبك ههههههههههه وناااااسه
غرور رمت عليه الدبدوب:روح عن وجهي حسستيني أنك جوليت

&&&&&&&&&&&&&&&&&&
في الأمارات
جنا:بابا حبيبي ابي أروح السوق
ابو راشد:ليه وش تبين في السوق
جنا:ابي اشتري لي ملابس واغراض
فيصل:وش المناسبه
جنا:انتم ناسين انه بعد 3 اسابيع في اجازه وبنسافر الرياض وكمان خالتي عازمتنا المزرعه
ام راشد:واذا بنسافر لازم تشترين ملابس
جنا بدلع:شوووووووور اجل يرضيكم اروح بملابس قديمه بعدين كم جنا عندكم
فيصل:وحده وغاثتنا نبي الفكه منها
جنا وماده بوزها:يازينك وانت ساكت ياللا بابا وش قلت
ابو راشد:قلت من عيوني الثنتين
جنا وتحضن ابوها:ثانكس يااحلى أب في الدنيا الله لايحرمني منك
ام راشد:بس هو الي لايحرمك منه
جنا:وانت بعد لايحرمني منك

&&&&&&&&&&&&&&&&&&
بعد اسبوعين يوم الجمعه الساعه 10الصبح
غيوض قامت بدري :غرور قومي ماصارت نوم
غرور وهي تقعد:انا قايمه من قبلك
غيوض: امي عازمه اليوم تركي وراشد وخالد
غرور:عارفه
غيوض:عارفه وقاعده قومي البسي
غرور:غيوض اثقلي وش اتفقنا عليه
غيوض:لا تخافين
ودخلت الحمام علشان تاخذ لها شور
غرور كانت لابسه بيجامه صفره عليها ستروبري ولافه شعرها عشواي وكان في خصل نازل على وجهها طلعت كيوت
*
*
طلعت غيوض وكانت لابسه بنطلون جينز ابيض وبدي ابيض طلع عليها روعه
غيوض:انت الى الان قاعده
غرور وتاخذ عصير كوكتيل:مالي خلق ,طلبت لك عصير
غيوض وتمشط شعرها: أي عصير قومي البسي راشد جاي
غرور بأستفهام:واذا؟!!!
غيوض تغمز لها:تسوين نفسك مو مهتمه
غرورعصبت:غيووووووووض اسكتي احسن لك
غيوض تضحك:ههههههه ماني ساكته حبيب القلب جاي علشان كذا قايمه بدري
غرور قامت:انا اوريك وكبت عليها العصير وهربت لتحت
غيوض صارخت:اااااااااااااااااااااه ياحقيره توني لابسه واخذت عصير وصارت تلحقها
غيوض:انتظري والله لكبه عليك
غرور:ههههههههههههههههههههههه اتحداك وطلعت الحوش وهي مو منتبه لاحد
غيوض تركض وراها وتصدم بجسم عريض وطار كل العصير عليه

&&&&&&&&&&&&&&&&&&
في فلة الكاسر
فهد:يبه ابي اقولك موضوع
ابو فهد:اذا يخص الشغل خله بعد الغداء
فهد: لا يخصني انا
ابو فهد:خير انشاءالله
فهد مو عارف شلون يقوله:بصراحه .
ابو فهد:
فهد:انا ودي اتزوج
دخلت ام فهد وهي فرحانه:هذه الساعه المباركه من بكره ادور لك عروس
فهد: بس انا
قاطعته امه :بس وش
ابو فهد:لا حول ولا قوة الا بالله خلي الولد يكمل كلامهكمل يا فهد
فهد:انا صراحة في وحده في بالي
ام فهد بعصبيه:شلون في وحده في بالك من وين تعرفها
ابوفهد بنفاذ صبر:ام فهد اسكتي خلينا نفهم او اطلعي بره
فهد:لا احد يفهم غلط البنت الي ابيها بنت ناس انا شفتها بالصدفه
ابو فهد:مين بنته
فهد:بنت احمد الناهي
ابو فهد بتعجب:الناهي !! بس انت شلون تعرفهم
فهد:الله يسلمك هذه نفسها الي وليد سوى معهم حادث
ام فهد:بس البنت الى الان مافكت الجبس
فهد:عارف بس هي بعد اسبوع بتفكه وانا ابيكم تخطبونها لي بسرعه اخاف البنت تطير من ايدي
ابو فهد:خلاص امك تروح وتشوفها
ام فهد:لا مايحتاج البنت شفتها ماعليها كلام
ابو فهد:اجل اول ماتفك الجبس نخطبها لك
فهد قام حب راس ابوه :مشكوووووووووور

&&&&&&&&&&&&&&&&&&&
عند تركي الي توه وصل بيت ام سعود هو وراشد
راشد:انا بدخل السياره بالحوش وانت دق الباب
تركي:صار بس لاتطول
*
*
تركي راح يدق الجرس الا الباب ينفتح ويشوف وحده طايره تضحك
تركي يهز راسه:لااله الا الله
ومايمديه يكمل الا يصدم بوحده وينكب العصير عليه
غيوض من قوة الصدمه رجعت وراء وكانت بتطيح بس تركي مسكها
تركي وهو متنرفز لان انكب عليه العصير:ليه الركض دائماً تستقبلون الضيوف كذا
غيوض منحرجه:اسفه
تركي:بأي بنك اصرفه(ياحبي لك)
غيوض شوي تصيح من الموقف البايخ الي حطتها فيه غرور(الله ياخذك ياغرور والله لا توطى في بطنك) كانت تبي تمشي بس تركي مسك ايدها
تركي بأبتسامه:خلاص سامحناك علشاني اخذت احلى عصير في حياتي
غيوض فرحت بس تذكرت كلام غرور يوم تقول لها اثقلي سحبت ايدها بقوه ولفت تبي تمشي بس تركي مسكها مره ثانيه
تركي:وين رايحه بعدين ماني ماكل ايدك علشان تسحبينها بقوة
غيوض بهمس:وش تبي
تركي بداخله(ابي اخذك مكان بعيد مافي الا انا وانت, ابي اروي عيوني بشوفتك):ابي سعود
غيوض:سعود مو هنا
تركي كان عارف انه سعود ماوصل بس حب يطول معها:معقول شلون ماوصل
غيوض خلاص شوي تموت من مسكته حاولت تسحب ايدها بس تركي ماترك لها مجال وقربهامنه اكثر
تركي برقه:تعرفين انك حلوه
غيوض ووجهها صار ألوان:تركي
تركي:لبيه
غيوض صارت طماطم: فك ايدي
تركي مستمتع بهالحظه:وليه
تركي:طيب نادي عمتي
غيوض ووصل حدها:خل كالي تنادي لك ياها
تركي بعناد:اجل ماني تاركك
غيوض دعست على رجله بقوه خلته يفك ايدها وهربت لداخل وسكرت الباب وسندت ظهرها على الباب وهي مبسوطه
تركي ضحك على حركتها:هههههههههههههههه
*
*
اما عند راشد كان داخل السياره يكلم جنا شاف غرور واقفه تناظر احد وهي تضحك مو منتبه لوجوده ناظر وين ماتناظر شاف تركي وغيوض
غرور:ههههههههههههههههههههه ياليت معي كاميره كان صورتهم
راشد:جنا أكلمك بعدين
راشد(هذه متى بتعقل )
غرور راحت لعند المسبح :لازم اندس من غيوض الحين تذبحني
المسبح له بابين باب داخل البيت وباب خارجي
راشد مشى بهدوء وراء غرور يبي يشوف وش تسوي شافها جالسه على طرف المسبح ورافعه بيجامتها كان راجع بس وقف يوم سمعها تغني بصوت حلو
احبك يابعد روحي
ويشهد قلبي وروحي
احبك لو تصير انت اميري وسيد جروحي
احبك يابعد هالناس بلا وقت وبلا مقياس
ومن راسي الين الساس احبك يابعد روحي

راشد(يا حلو صوتك )

وفجاءه ينفتح باب المسبح الداخلي الا وغيوض داخله وتدفها في المسبح
راشد(افففففف هذا وقته)
غرور:اااااااااااااااااااااااااااه


نهاية البارت الرابع

البارت الخامس





غيوض تدف غرور في المسبح
غرور قاعده تصارخ وتحرك ايدها:غيوض ساعديني بغرق
غيوض:ههاااااااااي إلعبي غيرها
غرور وهي تغرق وماهي قادره تتنفس:ايدي تعورني ساعديني بغرق
غيوض خافت بس ماقدرت تتحرك
راشد دخل بسرعه ونط في المسبح علشان يساعدها رفعها بيده
غرور منهبله شلون دخل وبصراخ:انت وش قاعد تسوي اتركني وصارت تضربه بايدها
راشد انصدم يوم عرف انها تمثل ورماها في المسبح بقوه وبعصبيه:انت وحده مستهتره
غرور قاعده تكح من المويه الي دخلت :كح كح كح كح كح
راشد :انت بخير
غرور وهي تبعد شعرها عن وجهها:كنت بخير قبل ماتجي ,اساساً شلون انت ترميني كذا
راشد:انت طلبتي مني اتركك
غرور بصراخ:قلت اتركني مو ارميني تفرق وبعدين انت وش جابك هنا
راشد وماسك اعصابه:لا تصارخين ما احب احد يصارخ علي وبعدين انا جيت اساعدك
غرور:ومن طلب مساعدتك
راشد:صراخك
وماحب يقولها كنت اراقبك: انا كنت قريب من هنا لاني كنت اوقف السياره يوم سمعتك تصارخين
غرور وهي ترفع حاجب:كنت قريب والا كنت تراقبني وبصراخ :انت باي حق تراقبني
راشد ومسك ايدها وضغط عليها بقوة:ومين قالك اني اراقبك
غرور:العصفوره واترك ايدي
راشد ترك ايدها وضغط على اسنانه :انت وحده وقحه
غيوض وهي منصدمه من الي قاعد يصير وبصراخ:بسسسسسسسسسسسسسسسسسسسسس انت وياها
غرور:هو الي تلقف وسوى نفسه سبيدرمان
راشد غمض عينه وعد للعشره علشان لايتركب فيها جريمه ويغرقها وبهدوء:غرور لو شفتك تحترقين قدام عيني ماراح اساعدك
وطلع تاركهم
غرور تعلي صوتها علشان تسمعه:احسن اساساً انت اخر شخص اطلب مساعدته

&&&&&&&&&&&&&&&&&&&&
في بيت سعود
خلود قاعده في المرايه تشوف شكلها
قرب سعود منها كانت معطيته ظهرها وحاوط خصرها بايده وقال برومانسيه:حلوه مايحتاج تقعيدين كل هالمده في المرايه
خلود بخجل:عيونك الحلوه ياحياتي
سعود ويحط راسه على رقبتها ويشم ريحة عطرها:امممممممممممممم الله وش هالريحه الحلوه
خلود بحيا:سعود لو قعدت تقول كذا ماخلصنا ولا رحنا عند خالتي
سعود يلعب عليها:عادي مو لازم نروح خلينا هنا اقعد اشوفك واسولف معك
خلود حمرت خدودها:انت تتكلم من جد شلون مانروح وخالتي عازمه الناس مين يستقبلهم
سعود:ههههههههه اضحك معك وابتعد عنها ياللا البسي عباتك
خلود لفت عليه :سعود اشفيك
سعود :مافي شئ
خلود:سعود انا اعرفك عدل فيك شئ
سعود ويناظر مكان بعيد:اخاف تروحين مني
خلود بخوف:وليه تقول كذا
سعود:ماأدري بس اخاف موضوع الحمل هو ياخذك مني
خلود قربت منه:سعود ما في شئ يبعدني عنك حتى موضوع الحمل ماراح يبعدني
خلود والدموع في عينها:سعود انت متى تفهم اني احبك ومستحيل اتخلى عنك هذا الموضوع مو بيدي ولا بيدك
سعود يحضنها:وانا بعد احبك وعارف انك تحبيني بس شعور بالخوف تملكني وحبيت افضفض انا اسف اذا زعلتك
خلود:ماني زعلانه بس ابيك ماتفكر بهذا الشئ ابد

&&&&&&&&&&&&&&&&&&&&
طلع راشد وهو واصل حده من غرور شافه تركي :هههههههههههههههههههههههههههههه مين سوى فيك كذا
راشد ركب السياره وهو ساكت منه
تركي :وين رايح هههههههههههههه
راشد رفع حاجبه:ليه تضحك
تركي :من شكلك
راشد وهو متنرفز:مانت باحسن مني
تركي وهو يناظر العصير الي على ثوبه:والله انك صادق ههههههههههه
راشد وماله خلق:بتركب والا اروح واخليك
تركي بتساؤل :وين بتروح؟
راشد بطفش:بغير ملابسي والا عاجبك منظرنا كذا
تركي:ههههههههههههههههههههه اجل معك خلنا نسرع قبل مايوصل سعود
*
*
في الطريق
تركي:ليه معصب
راشد:ومين قال اني معصب
تركي :شكلك ماتشوف حواجبك شلون متضاربه مع بعض
راشد وهو يناظر ثوب تركي:تركي مين سوى فيك كذا لا تقول ماحد لاني ماتوقع انك كبيت على نفسك
بعد صمت طويل
تركي:لا ماكبيت على نفسي هذه كالي كانت مسرعه وماشافتني وانت
راشد:انا طحت في المسبح ياللا وصلنا اطلع الى ان ابدل ونروح بيتك وتبدل انت بعد
راشد بداخله(كالي والا غيوض والله انه بنات خالتي بهذلونا بس الفرق انك مبسوط وانا لا )

&&&&&&&&&&&&&&&
في فلة تركي
ام تركي تدخل غرفة شموخ شافت الثياب منثره في كل مكان :شمووووووووخ ووجع انت وينك
شموخ طلعت من الحمام:هنا في شئ
ام تركي:ليه ملابسك كذا
شموخ:كنت قاعده اجرب وش البس
ام تركي:وهذا كله تجربين علشان بتروحين بيت عمك لو كنت بتروحين الزواج وش تسوين
شموخ:وش اسوي انت تعرفين طبعي
ام تركي:طبعك شين غيريه وياللا خلصينا ابوك ينتظرنا ويقول تاخرنا على الناس
شموخ:اوكيه دقايق وانا مخلصه
ام تركي وهي طالعه:الحين لأن الدقايق عندك سنه

&&&&&&&&&&&&&&&&
عند غرور وغيوض
غرور:نطي تسبحي على الاقل تتنظفين شوي
غيوض تنط :الله ياخذك ياغيوض تركي شافني كذا
غرور:ههههههههه شفتكم صراحه شكلكم تحفه تمنيت عندي كاميره
غيوض تغرق غرور:وتضحكين بعد انت ووجهك
غرور تضحك:ههههههههههههه بعدي وجع بتغرقيني
غيوض:احسن مو انت تسوين نفسك تغرقين خليه يصير حقيقه
غرور بقهر:الله ياخذه راشد خرب علي كنت ابي اخوفك
غيوض:فيه الخير خاف عليك وانت اكلتيه بقشوره
غرور:وانا وش اسوي انقهرت منه
غيوض:بس حرام ماكان يستاهل الي سويتيه
غرور وحاسه بالذنب :عارفه والله اني ندمانه
ام سعود بعصبيه:انا ادور عليكم وانتم هنا وش تسون في المسبح
غرور ببرود:مامي ليه معصبه
ام سعود:مامي بعينك الناس جاين وانتم تتسبحون هذا وقته وبصراخ:اطلعي انت وياها خلود وسعود ينتظرونكم
غيوض:بس هم و
غرور تضربها بكوعها علشان تسكتها:ياللا جاين مامي
غرور تلتفت لغيوض بعد ماطلعت امها :انت غبيه كنت بتقولين لها عن راشد وتركي ويكون احسن اذا حكيتي لها شلون كبيتي العصير على تركي وانا شلون دخلت راشد المسبح تبين امي تذبحنا

&&&&&&&&&&&&&&&&&
بعد ربع ساعه الكل كان متجمع في فلة ام سعود
عند صالة الحريم
البنات في جهه والحريم في جهه
شموخ: الدكتور أيمن سمعني كلام يسم البدن
غيوض:ليه وش قال؟
شموخ وقفت تقلده:مسك المشرط وقال في احد يمسك المشرط كذا هذه تعتبر مسؤليه وشكلك بنت دلوعه مو قد المسؤليه فمن الحين مابي اشوفك هنا الى ان تتعلمين و ماأظن راح تتعلمين يوم من الايام طالما الدلع مسيطر عليك اطلعي بره
غرور متفاجاءه:وانت وش سوتي
شموخ وهي تقعد:ولا شئ غير اني بكيت قدامه وما رحمني بعدين ما رحت اسبوع كامل
غرور بشر:لو مكانك كنت صفقته بالنعال الي علي اوريه شلون يقول عني دلوعه
خلود:تسوينها ماأستغرب منك
غرور:ايه اسويها اجل يقول هذا الكلام واسكت وابكي بس
غيوض:بصراحه انا مع غرور ماأتحمل يمكن ابكي بيني وبين نفسي بس بعد ماخذ حقي
خلود:الله يعين الي بياخذكم
غيوض بدلع:الا قولي يحظ الي بياخذنا
شموخ:ايه والله ياحظ الي بياخذك اقصد الي ياخذكم
خلود:ماعلينا ووجهت كلامها لشموخ:وانت بتقعدين كذا لمتى
شموخ:ومين قال اني بقعد انا برجع اقوى من اول وبتحداه وبثبت اني قد المسؤليه
غرور:ايه تعجيبيني خليك كذا

&&&&&&&&&&&&&&&
عند الرجال
ابو تركي:وش مسوي بالشغل ياراشد
راشد:الحمدالله زين عقدنا صفقه مع شركات الكاسر
خالد:ومتى بتروح الامارات
راشد:بعد الاجازه انشاءالله برجع مع الاهل
سعود: بدري ليه مستعجل
راشد:وين مستعجل الله يهديك صار لي شهر هنا
تركي:ايه بس كله بالشغل مانشوفك
راشد:وش اسوي بعد ماأقدر اترك كل شئ وهناك بعد ينتظرني شركه وابوي كل يوم يسألني متى أجي وبعدين راح تشوفوني دائماً عندكم مو الحين صار عندنا اشغال هنا
ابو تركي:الله يوفقك بس العمر يخلص والشغل مايخلص وبعدين حتى لجسمك عليك حق لازم تترتاح وتاخذ لك اجازه
راشد:الاجازه انشاءالله باخذها اذا تزوجت
سعود:انشاءالله تتزوج قريب قولوا آمين
الكل:آمين

&&&&&&&&&&&&&&&
اليوم الثاني
في كلية الطب
الدكتور أيمن ابتسم يوم شاف شموخ وقال بسخريه:اهلين شرفتي ياأنسه شموخ وش جابك عندنا
شموخ طنشته ولا كانه يكلمها
د.أيمن عصب من تطنيشها:اكلمك ردي علي
شموخ وهي ترفع راسها:وانت تتوقع داخله هالقسم ليه
د.أيمن:ماأدري اسألي نفسك المهم انا ماني فاضي لوحده مثلك اطلعي بره خليني اعلم الطلاب لانهم يبون يتعلمون
شموخ بكل قوه:وانا من طلابك ومايحق لك تحرمني من الدروس لاني انا بعد جايه اتعلم
د.أيمن بأستهزاء وهو يصفق:لا برافو توك تذكرتي انك جايه تتعلمين بس للأسف ياأنسه شموخ في دروس راحت عليك ماراح تفهمين الجاي الا بهذه الدروس الأساسيه وماني مستعد اعيدها الا السنه الجايه علشان كذا ريحي نفسك وريحيني
شموخ بتحدي:وانا يادكتور ماني مستعده اعيد سنه بكره بجي وانا فاهمه كل الدروس وأعتبر هذا تحدي وطلعت تاركه الكل في حالة صدمه
د.أيمن في داخله(بنشوف ياشموخ)

&&&&&&&&&&&&&&
المغرب
في فلة ام خالد وبالتحديد في غرفة حنان
حنان:بما أنك ندمانه ليه ماتعتذرين له
غيوض:وانا قلت نفس الشئ
غرور وهي محتاره:أحسه صعب أعتذر
حنان:ليه صعب غرورك مايسمح لك
غرور زعلت:أنت يا حنان تقولين عني هذا الكلام اجل ليه ألوم غيرك
حنان ندمت:أنا أسفه مو قصدي لا تزعلين مني
غرور بطفش: ماني زعلانه بس قاعده أفكر تقديرين تقولين في شئ يمنعني أعتذر يمكن كبرياء ,عناد ماأدري وش هو بالضبط
حنان:أتركي كبريائك وعنادك على جنب
غرور بحيره:يعني انت شايفه كذا
حنان:ايه بس شلون تكلمينه
غيوض:على جواله انا أخذت رقمه من جوال أمي
غرور: الاخت مجهزه كل شئ هاتي الرقم اكلمه ,توكلت على الله
غيوض:ههههههههههه داخله حرب

&&&&&&&&&&&&&&&
في أحد المقاهي
تركي:لقيت عروس والا بيدورون لك
فهد:لقيت والاهل بيخطبونها قريب بس خايف البنت ترفض او تكون مخطوبه
راشد:ان شاءالله تكون من نصيبك
فهد:آمين
تركي تغيرت ملامحه وهو يشوف الجاي
راشد: وش فيك تركي وناظر هو وفهد وين مايناظر تركي شافوا خالد
راشد: هلا اخيراً تكرمت وجيت
خالد:هههه كنت مشغول وسلم على تركي الي كان السلام جاف وعلى فهد الي كان سلامه رسمي
كيفكم شباب
فهد وتركي: تمام
راشد في داخله مستغرب (نفسي اعرف وش الي بين تركي وخالد الي مايطيقون بعض وفهد الي صار رسمي اول ماشاف خالد وش الي بينك وبينهم ياخالد)
وقطع عليه افكاره رنة جواله
راشد:الو
المتصل بأرتباك:السلام عليكم
راشد:وعليكم السلام
المتصل:راشد
راشد: ايه نعم من معي؟َ!!
المتصل بخوف:معك معك غرور
راشد استغرب من اتصالها:لحظه عن اذنكم شباب وابتعد عنهم
غرور:راشد
راشد:معك خير خالتي فيها شئ
غرور بطفش:لا اذا مامي فيها شئ بدق على سعود مو عليك
غرور:ااااااااي وجع غيوض لا تقرصيني
راشد ابتسم على هبالها بس قال بجفاف:وش تبين
غرور بسرعه:ابي اعتذر منك على الي صار امس
راشد بسخريه:هه تعتذرين غرور تعتذر
غرور بقهر: لا تحسب اعتذاري ضعف مني بالعكس وسكرت السماعه من غير ماتعطيه أي فرصه
راشد ناظر جواله وضحك بصوت عالي كل الي في المقهى التفتوا له:ههههههههههههههههه
*
عند غرور
غرور وهي تحك أيدها:الله ياخذك ياغيوض عورتيني عقرب مو بنت
غيوض:الحين أنت تعتذرين والا تهاوشين
غرور:أعتذر بس هو ينرفز

&&&&&&&&&&&&&&&
في فلة تركي في غرفة شموخ
ام تركي دخلت شافت شموخ قاعده على السرير وفي حظنها اللابتوب وحولها كتب ومراجع منثره في كل مكان
ام تركي بصدمه:وش هذا كله
شموخ مارفعت عينها عن اللابتوب: قاعده اذاكر
ام تركي:وهذا الحوسه كله مذاكره ليه عندك امتحان
شموخ:لا بس اذاكر الي فاتني
ام تركي:علشان ثاني مره تعرفين شلون تغيبين اسبوع دلع
شموخ بملل:ماااااااما خلاص غبنا وندمنا
ام تركي:طيب قومي تعشي أكلتي الكتب أكل
شموخ:مابي شئ
دخل ابو تركي:وينها دلوعتي ماشفتها اليوم
شموخ تبتسم:موجوده دادي
ابو تركي يجلس بجنبها:ليه ماتغديتي معنا
ام تركي:وماتبي تتعشى بعد
ابو تركي:افااااا ليه تعبانه او احد مزعلك
شموخ بدلع:لا بس قاعده اذاكر ابي اعوض الي فاتني
ابو تركي:أول شئ كلي بعدين ذاكري
شموخ:خلاص دقايق ونازله

&&&&&&&&&&&&&&&
في الامارات في غرفة جنا
جنا مشغله الاغاني بصوت عالي وقاعده ترقص
نور دخلت:الله الله الاخت عايشه جو
جنا:تعالي ارقصي معي
نور:تبين تموتيني ماتشوفيني حامل
جنا:عادي ارقصي على الخفيف مو لازم تثبتين مواهبك
نور وهي تقعد:هه تتمصخرين مابي ارقص ارقصي انت
ورن جوالها:هلااااااااااا وغلااااااااااا كيفك وعد
وعد:بخير كيفك انت
نور:تمام
وعد:متى راح تجينا
نور:بكره انشاءالله لاني بروح السوق مع امي
وعد:ليه وش تبين من السوق
نور:ابي اغراض لاني بسافر الرياض
وعد:جد متى؟
نور:بعد كم يوم
وعد:ياحظك بتشوفين راشد
نور:وعد وبعدين انت متى بتفهمين الرجال لمحنا له كم مره وماتكلم بالعكس يقول مايفكر بالزواج
وعد بعناد:وانا بخليه يفكر يتزوجني

&&&&&&&&&&&&&&&
اليوم الثاني
شموخ نازله بسرعه:هاااااااي ماما هاااي بابا بااااااااااااي
ابو تركي:تعالي وين رايحه مافطرتي
شموخ:مابي شئ انا تأخرت
ام تركي:وين تأخرتي الساعه سبع
شموخ مستعجله:تركي بتوديني أو أروح مع السواق
تركي:لا بوديك ياللا مشينا
ام تركي:افطر اسكت منها
تركي :شبعت

&&&&&&&&&&&&&&
في فلة ام سعود
غرور نايمه وصحت على صوت الجوال
ردت بصوت كله نوم:الوووووو
حنان بصراخ:انت نايمه
غرور:لا قاعده ارقص
حنان تضحك:ههههههههه تنكتين قومي وجع اليوم موعدي
غرور:أي موعد
حنان:وش فيك نسيتي بفك الجبس اليوم
غرور بطفش: وانا وش دخلني روحي الله يسهل عليك
حنان بترجي:غرور وجع تعالي معي اخاف بروحي
غرور:ليه بروحك مو خالد معك وامي
حنان :ايه بس انت غير قومي امانه
غرور:طيب ياللا قايمه اساساً طيرتي النوم
*
*في السياره
خالد:غرور ليه مارحتي الدوام
غرور:مالي خلق
خالد:ليه مالك خلق
غرور:لأني حلمت فيك
حنان:غرور الله ياخذك قولي آمين
غرور بصدمه:أستغفر الله ليه تدعين علي وش سويت
خالد:وليه خفتي من الموت عادي تموتين
غرور:لا يا حبيبي توني شباب ماأعرست
خالد:ههههههههههههههههههههههههه مافكرتي الا بالعرس
غرور:ايه وكلمت حنانماقلت لي ليه تدعين علي
حنان:شوفي الجبس كله خرابيط
غرور:الحين رسمي تقولين عنه خرابيط
حنان:بس الدكتور وش بيقول عني
غرور:وش دخله واحذرك من الحين لا ترمينه خليه ذكرى عندك فاهمه
*
غرور كانت راسمه نص وجه بنت وملونتها وموقعه عليه
الرسامه "غرور"

في المستشفى
حنان على السرير خايفه :يمه أنا خايفه
غرور تخوفها بهمس:يوووووووه الله يعينك أنتبهي يمكن يقطعون رجلك ويخيطونها مره ثانيه
خالد يكمل مع غرور: لالالالالا ماأتوقع يمكن بس يبترونها
حنان وشوي تصيح:حرااااااام عليكم تخوفوني خلاص هونت مابي أفك الجبس
الدكتور بضحكه كان يسمعهم:هههههه لا تخافين ماراح تحسين بشئ هم يبون يخوفونك
غرور وراشد:ههههههههههههههههههه
غرور:خوافه
حنان بتوعد:أوريكم
الدكتور وهو مبتسم:مين رسم هالرسمه
حنان تفشلت وسكتت
غرور وخالد كانوا ماسكين نفسهم
الدكتور قراء التوقيع أبتسم:تبين تحتفظين فيها ؟
حنان هزت راسها بأيه

&&&&&&&&&&&&&
في الكليه
د.أيمن:السلام عليكم
الكل:وعليكم السلام
د.أيمن وهو يناظر شموخ:اليوم راح نأخذ درس صعب مايفهمه الا الي فاهم الدروس الاولى
وبدأ يشرح وكانت شموخ تكتب كل شئ يقوله
د.أيمن:ركزي ياشموخ واتركي الكتابه على جنب ماراح تنفعك
شموخ رفعت راسها: بس انا مركزه وافهم كذا
د.أيمن سأل سؤال:مين يقدر يجاوب عليه
الكل سكت
شموخ قالت بثقه:انا أعرف أجابته
د.أيمن رفع حاجب وأبتسم بسخريه وطنشها
شموخ بتحدي:أعتقد يحق لي الأجابه
د.أيمن بتحدي مماثل:تفضلي
شموخ تبي تجاوب قاطعها د.أيمن عمد الاحراج:اطلعي جاوبي مع الشرح
شموخ في البدايه أرتبكت بس قالت في نفسها(لازم ما أخاف ولاأرتبك اناعارفه الاجابه لازم أكون واثقه)وطلعت تشرح بكل ثقه خلت نظرات السخريه من د.أيمن تتحول الى نظرات أعجاب
د.أيمن:انتهينا لهذا اليوم بكره في تطبيق وطلع
هند صديقة شموخ بفرح:تعجيبيني والله انك طلعتي قد التحدي
شموخ وهي تناظر وين ماطلع د.أيمن وبقهر:بس شوفي شلون طنشني ولا قال لي شئ
هند:أكيد لانه أنصدم انا أنصدمت شلون هو
شموخ فرحت من كلام هند:الله يوفقك ويرفع معنوياتك مثل مارفعتي معنوياتي

&&&&&&&&&&&&&&&&
في أحد شركات الكاسر
فهد قاعد في المكتب والأوراق بيده
انفتح الباب بقوه ودخل وليد:فهوووووووووووووووووووووووووووود
فهد أخترع:الله يقطع إبليسك في أحد يدخل كذا مافي شئ أسمه أستئذان
وليد:فهود مو وقت الأستئذان
فهد بعصبيه:فهود بعينك كم مره اقول لك لا تقول فهود فهد مايخالف اشوف عطيناك وجه وبعدين أن شفتك دخلت مره ثانيه بهالطريقه ومن غير أستئذان ياويلك
وليد ببرود وهو متكتف:خلصت كلامك ألحين ممكن تعطيني فرصه أشرح سبب دخولي
فهد وهو يناظر الأوراق:لا أطلع بره
وليد :زين ماأحد بيندم غيرك أنا بس كنت بقول موضوع يخص حنون حبيبتك
فهد فز قلبه من سمع طاري حنان وقال بلهفه:وش الموضوع
وليد يلعب بأعصابه:ماني بقايل أنت قلت لي ماتبي تسمع
فهد ونفذ صبره:وليدوووووووو تكلم أحسن لك
وليد:وأذا ماتكلمت وش بتسوي مافي أحد يقدر يجبرني
فهد عد للعشره ومن بين أسنانه:وليد أطلع بره مابي أسمع منك شئ
وليد يوم شافه تنرفز:هههههههههههههههههههههههههههههه خلاص رحمتك أسمع ياالحبيب حنون اليوم بتفك الجبس
فهد ما فهم:طيب ؟!!!!!!!!
وليد:أشفيك مافهمت يعني بكره تقدر تخطب حنون
فهد:ايه والله صح وقال بصرامه:اسمع لاتقول حنون لاأقص لسانك
وليد:ههههههههه تغار
فهد أبتسم:ولييييييييييد
فهد وكانه تذكر شئ:تعال أنت مين قال هالإشاعه حنان بعد يومين بتفك الجبس
وليد:احلى يالي حاسب الأيامبس لمعلوماتك هي قبل أمس راحت المستشفى وقالوا تعالي اليوم نفك الجبس
فهد بأستفهام:وأنت شلون عرفت؟
وليد:من عمتي هي قالت لي لأنه صديقتها تشتغل في المستشفى
فهد بأسلوب مخيف:ومين قال لعمتك
وليد خاف:أنا قلت لها علشان تعطيني مواعيدها علشان أساعدك وبخوف :ليه زعلت
فهد أبتسم:لا مازعلت بالعكس أنا مبسوط أنك تساعدني

&&&&&&&&&&&&&&&&&
أحداث الاسبوع
*تمت ملكة حنان كانت بسيطه وعائليه
*جات ام راشد وجنا ونور وفيصل عند ام سعود

اليوم الي بيروحون للمزرعه اتفق الكل يجتمع في بيت ام سعود ومن هناك يروحون للمزرعه
الساعه 5 الصبح
جنا:غيوض ماصار هذا كله لبس
غيوض تطلع من الحمام:خلصت وش رايك وقامت تلف
جنا:جنااااااااااان روعه
غيوض:ثانكس
غيوض كانت لابسه برموده جينز على الركبه وبلوزه خضراء مكتوب عليها كتابات طالع عليها روعه
اما جنا كانت لابسه جينز اسود وتيشيرت احمر
غيوض:غرور قومي
غرور تغطي وجهها بالبطانيه:بدري طفوا النور واطلعوا بره
غيوض:وين بدري الحين جاي عمي وخالتي ام خالد قومي
غرور:طيب دقايق
جنا:مافي دقايق متى بتلبسين وتجهزين أغراضك
غرور قامت:اففففففففففففففف ماأحد ينام في هالبيت
وقامت أخذت لها شور سريع ولبست جينز وتيشيرت ابيض
*
بعد نصف ساعة
الكل وصل
الحريم كانوا لابسين عباياتهم في الحوش وينتظرون مين راح ياخذهم
ام سعود:لازم نتوزع في السيارات
غرور:احنا البنات مع بعض صح ياصبايا
البنات:صح ونص
ابو تركي:خلاص واحد من الشباب ياخذ الصبايا على قولة غرور مين ياخذهم؟
غيوض كانت تدعي تركي هو الي يوديهم
شموخ:دادي تركي يودينا
غيوض بداخلها(الله يوفقك كأنك قريتي افكاري)
ابو تركي:ها ياتركي تأخذهم معك
تركي:لا أنا ماني فاضي عندي شوية شغل
غيوض(الله ياخذك ياتركي )
خالد لقاها فرصه وقال بسرعه:خلاص أنا أوديهم
تركي تنرفز:لا خلاص أنا أوديهم أقدر أترك الشغل بعدين
غيوض بقهر:عمي ليه مو أنت تودينا أحنا نبي نركب معك صح يابنات
غرور الي فهمت غيوض :ايه صح والحريم الباقين يركبون مع سعود اما الشباب وهي تناظر تركيكيفهم يبون يشوفون اشغالهم يبون ينامون كيفهم
راشد يعاند غرور:لا مانبي ننام ولا عندنا اشغال احنا وراكمويكلم الشباب:شباب ليه مانروح بسياره وحده افضل من كل واحد لحاله
فيصل:يكون أحسن بأي سياره نروح
خالد الي كان قهران لأن تركي خرب عليه:نروح بسياره راشد وش رايكم
راشد:اوكيه تمام مشينا
ام خالد:لا أنتظروا شوي عايلة فهد بتروح معنا ام سعود عازمتهم وهم في الطريق
حنان اول ماسمعت اسم فهد ماقدرت تمسك نفسها من الفرح
غرور تضربها بكوعها:يعني الحبيب جاي ولاتعلميني
حنان أنحرجت منها:ماكنت أعرف
غرور:ياكذابه ماكنت تعرفين والا خايفه عليه
حنان:وجع وطي صوتك فضحتينا
خالد بصوت مسموع:وش فيكم تتساسرون
غرور:وأنت وش دخلك اللقافه قرافه
الكل ضحك على خالد
ام خالد:تستاهل ماجاك
تركي كان واصل حده ومو قادر يكتم أكثر:أنا أستئذن
راشد:وين مابتروح معنا
تركي:لا بخلص شغلي وبجي ياللا مع السلامه وطلع تاركهم
راشد(هذا أشفيه زعلان)
غيوض دموعها نزلت بس مسحتها بسرعه
غرور الي أنتبهت عليها وبصوت واطي:الحين ليه تبكين
غيوض:شفتيه شلون رفض نركب معه
غرور:وأنت رديتيه يوم وافق
غيوض:من القهر بس شوفي شلون طلع زعلان
غرور:خليه يستاهل هو الي جابه لنفسه
خالد:فهد وصل ياللا البنات يركبون مع عمي ابو تركي والحريم مع سعود واحنا مع راشد

&&&&&&&&&&&&&&&&&&
تركي في السياره
أنا ليه رفضت أوديهم مع أن الفرصه جات لعندي
وهويدخل اصابعه في شعره ياربي أنا جنيت أكيد جنيت والا في أحد يضيع الفرصه من أيده
وضرب ايده في الدركسون:اااااااااااااااااااااااخ من غبائي خربت كل شئ شلون البنت تحبني وأنا أبعدها عني

&&&&&&&&&&&&&&&&&&
في الطريق في سيارة ابو تركي
غرور ركبت قدام بعد المضاربه الي سوتها مع شموخ وفي الاخير أنتصرت والباقين وراء كان ترتيبهم شموخ جنا حنان غيوض
غرور وهي تشغل المسجل:ياللا صبايا أرقصوا
ابو تركي:مو في البيت احنا
غرور:بس ماأحد يشوفنا الساعه6.30 يا نايف
ابوتركي طالع فيها مصدوم:نايف!!!!!!!!!!!!!! نايف حاف مافي عمي أخوكي وأنا ماأدري
غرور:لا بس نايف أحلى عليك عمي يكبرك وأنت توك شباب
أبو تركي:هههههههههه شباب! ويغمز لها يعني تنصحيني أتزوج
غرور بمزح:ليه لا؟!!!!! والعروس علي لأختار لك وحده قمر
شموخ تضربها:وجع أنشاءالله تبين تزوجين ابوي على امي
غرور تكمل المزح:عادي الشرع حلل أربع
شموخ:أربع يحملون جنازتك قولي آمين
غرور:أكيد الي بيحملون جنازتي أربع أجل ثلاث
ابو تركي:ههههههههههههههههههههههههههههههههه
شموخ ضاربه بوز:عجبك الكلام بدل ماتدافع عني تضحك
ابو تركي يمسك ضحكته:ياروحي أنت كنا نمزح بعدين كم شموخ عندي
غرور:ومن زينها صح يانايف
شموخ:من زينك أنت
ابو تركي:يابنت عيب تقولين نايف ماتبين تكبريني قولي أبوتركي
غرور وكأنها تستفرغ:وعععععععععع تركي !!!!!!!! أساساً مو مخرب أسمك الا تركي الغثيث
غيوض(مالغثيث الا أنت)
ابو تركي:ههههههههههههههههههههه ليه وش سوى تركي
غرور:ماسوى شئ بس ماأحبه
شموخ كانت تبي تشوف ردت فعل غيوض:عاجبك الكلام ياغيوض
غيوض:وأنا وش دخلني
شموخ:لا قصدي كلام أختك عاجبك
غيوض بداخلها(لا مو عاجبني):أي شئ تقوله غرور يعجبني
شموخ ماتوقعت هالرد:والله لأعلم تركي
غرور من غير أهتمام وهي ترقص:علمي خوفتيني فيه
ابو تركي:هههههههههههههههههههههههههههه
*
في سياره كانت قدامهم مو منتبهين لها كانت تشوف رقص البنات
&&&&&&&&&&&&&&&&
في سياره راشد
فيصل:راشد وقف عند المحطه الجايه نبي نفطر
خالد:ايه والله أنا جوعان
راشد:اوكيه بكلمهم نوقف
راشد:الوووووووو سعود وقف في المحطه الجايه
سعود:ليه وش تبون
راشد:نبي نشتري شئ ناكله مافطرنا
سعود:ماتقدرون تصبرون ساعتين
راشد:لا مانقدر نصبر
سعود:طيب خلك على التلفون بسألهم
سعود:ياحريم بيوقفون في المحطه تبون شئ
ام تركي:لا أنا مابي شئ ماأدري عنهم
بعد المشاورات
سعود:الو راشد
راشد:خلصتوا ماصارت كأنها قضية فلسطين كلها محطه
سعود:ههههههههههههه اسمع مانبي شئ بنكمل طريقنا للمزرعه
راشد:اوكيه بشوف عمي والبنات
راشد دق على فهد بس قالوا بيكملون مع سعود اما ابو تركي والبنات قالوا بيوقفون معهم في المحطه
&&&&&&&&&&&&&&&&
في المحطه
نزل خالد وراح عند البنات
خالد:تبون اشتري لكم شئ
ابو تركي:أنا بشتري لهم أنت روح مع الشباب
خالد:بس البنات بيتعبونك تعلمني عليهم
ابو تركي:ما يتعبوني ولا شئ أنت روح
خالد:اوكيه على راحتك
ابو تركي:وش تبون
غرور:انا ابي كرواسان بالجبنه وابي اسبيرسو وابي ليز حار
غيوض:خلاص عطينا فرصه
جنا:ماصار هذا كله بتاكلينه
غرور: قولوا ماشاءاللهبعدين خلوني أكمل جوعانه
ابوتركي:لا تعبين حالك بجيب المحل كله
البنات:ههههههههههههههههههه
غرور ولامهتمه:ياليت والله تسوي فيني معروف
حنان:ماشاءالله عليك تاكلين هذا كله ولا تسمنين
شموخ:ماأدري شلون تلحقين تاكلينهم في نفس الوقت
غرور بملل:ياربببببببببببي مانبي شئ هونا الحين تعطوني عين
ابو تركي:ههههههههههه ولا تزعلين قولي الي تبينه وماعليك منهم
راشد:أحنا خلصنا ماخلصتوا
ابو تركي:لا كل وحده طلباتها وش كثره
جنا:هذه غرورأخرتنا تبي كل شئ
راشد(مو مبين عليها)
ابو تركي: خلاص روحوا أنتم واحنا بنلحقكم
*
راحو الشباب قبلهم
&&&&&&&&&&&&&&&&
في الطريق كانت السياره تلحق سيارة البنات وتحدهم وكانت مليانه شباب
الشاب الاول:قلت لك وقف
غيوض:عمي هذولا وش يبون
ابو تركي وهو متنرفز:تغطو عدل وأربطوا حزام الأمان
الشاب الثاني يستهبل:أنا أول مره اشوف بنات
الشاب الثالث:وقفوا بس نبيكم ترقصون وقام يرقص
البنات قامو يصيحون وكانت السياره تروح يمين ويسار
غرور وشموخ كانوا في جهه وحده شافوا السياره قربت منهم
غرور وشموخ:ااااااااااااااااااااااااااه بيصدمونا
صارخوا البنات كلهم:ااااااااااااااااااااااااااااااااااااااااااااا اااااه

نهاية البارت الخامس


توقعاتكم

البارت السادس





في سيارة راشد
راشد:هذه مو سيارة عمي ابو تركي
فيصل:وين
راشد:ورانا
خالد يناظر وراء:ايه هي أشفيهم مسرعين والسياره تتحرك يمين ويسار
فيصل:وهذه السياره اشفيها تلحقهم
راشد:مادري في مخرج بنرجع لهم

&&&&&&&&&&&&&
في سيارة تركي
تركي كان يشوف من بعيد سياره قدامه تروح يمين ويسار
تركي:هذا أشفيه يسوق كذا خل أتقدم أشوفه
تركي يقرب وبأستغراب:هذه سيارة ابوي

&&&&&&&&&&&&&
البنات قعدو يصارخون
ابو تركي عصب :بسسسسسسسسسسسس لاتصارخون
وفجاءه الكفر يبنشر
ابو تركي:لا حول ولا قوة الا بالله تمسكوا يابنات
البنات"آآآآآآآآآآآآآآآآآآآآآآآآآآآآآآآآآآآه
ولف على السريع ودخل في الطريق الصحراوي ووقفت السياره مكونه حولها غبار
غرور بخوف:عم وش فيه ليه وقفنا؟
*
وقفت سيارة الشباب ونزلوا كانو ست شباب فتحوا سيارة البنات وهم يضحكون
واحد مسك ابو تركي وهدده بالسكين
والباقين كل واحد مسك له بنت
غيوض هربت
واحد من الشباب:احمد الحقها
احمد:تعالي ياكلبه
غيوض تركض وهي تبكي:يارب تساعدني
غيوض ركضت الى أن قربت من الطريق العام مسكها احمد
ابو تركي كان يقاوم :أتركوهم ياكلاب
سعد الي كان ماسكه ضربه:ما الكلب الا أنت
البنات كانوا يصارخون ويبكون
جنا:اماااااااااانه فكونا
خليل الي ماسك جنا:في أحد يلاقي القمر بيده ويفكه
غرور بترجي:حرام عليكم احنا مثل أخواتكم فكونا
علي كان ماسك غرور:بس أنتم مو أخواتنا يعني حلال علينا
حنان:ياويلكم من عقاب ربي تهئ تهئ
ناصر كان ماسك حنان:عادي بعدين نتوب ونستغفر
الشباب:ههههههههههههههههههههههههههههههه
ابو تركي:والله أن سويتوا فيهم شئ لأذبحكم
علي:هذا أذا كنت عايش ياشايب
الشباب:هههههههههههههههههههههههههههه
شموخ بصراخ:يا خنازيررررررررررررر
سالم الي كان ماسك شموخ:عيب ياحلوه عن الغلط
*
تركي شاف احمد يمسك وحده من البنات :الحيوان
وتقدم بسرعه ووقف
غيوض هي تبكي:وش تبون فينا
احمد بأستهزاء:نبي نتسلى معكم
تركي يعطيه بكس:تتسلى هااااااااااا أنا اوريك التسليه
غيوض فرحت:تركي
تركي قام يضرب احمد
احمد ينادي بصراخ:ياشباااااااااااااااااااب الحقوا علي
سعد: هذا احمد احد فيكم يروح يشوف وش فيه
علي:انا رايح وعطى سالم غرور:امسكها عدل
شموخ تغمز لغرور وغرور تهز راسها انها فهمت
غرور كانت تتحرك كثير
سالم يحاول يمسكها عدل وبعصبيه:اعقلي دوده مو بنت
شموخ تتبع أسلوب غرور
سالم بطفش:احد يعقلهم
شموخ تفك نفسها وتضربه بالحجار
غرور هربت وتساعدت هي وشموخ على سالم

&&&&&&&&&&&&&
وصلوا العايلتين المزرعه
ام سعود:اهلاً وسهلاً فيكم نورتوا المزرعه
ام فهد:منور في أصحابها
ام سعود:خذوا راحتكم المزرعه مزرعتكم
ام فهد:ماتقصرون والله
ام سعود:كالي حطوا الفطور
ام فهد:لا تكلفون على نفسكم خليه لما يوصلون الباقين
ام سعود:لا كلافه ولا شئ أنتم أفطروا علشان ترتاحون والباقين تلاقينهم فطروا في الطريق

&&&&&&&&&&&&&
نرجع للشباب والبنات
علي بكل قوه:تسوي نفسك قوي وضرب تركي بكس
تركي طاح
غيوض صارخت:تركييييييييييييي
تركي قام وصار يتضارب مع أحمد وعلي
*
*
في سيارة راشد
راشد:ماأشوفهم وين اختفوا؟
فيصل:يمكن تعديناهم
خالد بصراخ:هذولا هم واقفين
راشد بأستغراب:هذه مو كأنها سيارة تركي
خالد:ايه هي وش جابه هنا؟
راشد:كأنه يتضارب مع أحد
فيصل بسرعه:اسرع ياراشد
راشد وقف السياره ونزلوا بسرعه وصاروا يتضاربون مع احمد وعلي الى أن هربوا
غيوض وهي تبكي:الحقوا الباقين
راشد:وينهم
غيوض تاشر له على المكان:هناك
راحوا الشباب عند البنات
جنا بفرح:راااااشد
راشد توطى في بطن خليل ودخلوا في حالة مصارعه الا أن هربوا الشباب
البنات راحوا عند ابو تركي وحضنوه وصاروا يبكون
تركي وهو مضروب:يبه أنت بخير
ابوتركي:ايه بس الظاهر أنت لا
فيصل:من الطق الي أكله
تركي بعصبيه يكلم راشد وخالد وفيصل:أنتم وين كنتم
فيصل:احنا سبقناهم
تركي:وليه سبقتوهم كان المفروض تكونون معهم لو ما لحقت عليهم كانوا راحوا وطي
راشد بعصبيه:وأنت ليه معصب ترى مو برايقين لك لأن كلنا في نفس الموقف
ابو تركي:خلاص أنت وياه خلونا نصلح سيارتي ونروح المزرعه
خالد:خلوا السياره بعدين نرجع لها
تركي:اركبوا معي
ابو تركي:بس أنت مو تعبان
تركي:لا كلها كم ضربه وبتروح. وبتهديد: بس والله ماأتركهم لاأدور عليهم وأبهذلهم
أبو تركي:خلهم في حالهم أهم شئ طلعنا سليمين
تركي يكلم البنات بهواش:مابي أسمع بكى وأركبوا السياره
غرور بعصبيه وهي تبكي:لاتصارخ علينا أحنا مو ناقصين لك كافي الي صار لنا
راشد(ياربي من ذي البنت)
تركي يصارخ عليها:أقول أطلعي وأنت ساكته
خالد بصراخ:قوم أضربها يكون أحسن أشوف مو محترم أحد قدامك قاعد بس تصارخ
تركي بصراخ مماثل:بضربك أنت, بعدين أنت وش دخلك
خالد بعصبيه:اختي ياالحيوان
وكانوا بيتضاربون بس راشد مسك تركي وفيصل مسك خالد
أبو تركي بنفاذ صبر:مو وقتكم تتضاربون مثل الأطفالراشد اركبوا سيارتكم وروحوا وأنت ياتركي أمش أركب خلنا نروح

&&&&&&&&&&&&&&&&
في المزرعه
سعود وهو يصب القهوه لأبو فهد:تفضل
أبو فهد: زاد فضلك
سعود:أذا كنتم حابين ترتاحون الغرف جاهزه
فهد وهو يناظر ساعته:موكأنهم تأخروا الشباب
وليد بهمس:الشباب والا حبيبة القلب
فهد يضربه بكوعه وبهمس:أسكت يكون أحسن لك
سعود: ايه والله تأخروا
ابو فهد:قوم دق عليهم
سعود:ان شاءالله
وقام دق على راشد
سعود:الو راشد أنتم وينكم تأخرتوا
راشد من غير نفس:جاين
سعود يبتعد عنهم: صاير شئ
راشد بتعب:لا ماصار شئ
سعود:طيب وش فيه صوتك متغير
راشد:مافي شئ بس نعسان
سعود بشك:متأكد
راشد:أيه متأكد
سعود:اوكيه عجلوا ننتظركم
راشد:مع سلامه
*
سعود رجع لهم:جاين في الطريق
ابوفهد:الله يجيبهم بالسلامه
فهد كان بيقوم
وليد:وين رايح
فهد: الحمام
وليد بهمس:الحمام والا تبي تكلم حنون
فهد طنشه وقام:سعود وين الحمام
سعود:أطلع تلقاه على يمينك
فهد:مشكور

&&&&&&&&&&&&&
في سيارة تركي
البنات ماوقفوا بكاء الا غرور
تركي وحاط أيده على رقبته وبتعب:آه وبعدين معاكم متى بتسكتون
شموخ من بين شهقاتها:أنت تشوف الي صار لنا قليل
غرور:يمكن يشوفه شئ تافه
تركي متنرفز:لا مو تافه بس أوجعتوا راسنا
غرور بطفش:ومين قال لك تتبرع وتوصلنا كان تركت غيرك يوصلنا
تركي:لا وانت الصادقه كان تركت الشباب يأخذونك كان أحسن
ابو تركي بنفاذ صبر:وبعدين لمتى بتستمرون كذا
في هاللحظه رن جوال حنان
حنان وهي تبكي:هذا فهد
غرور:هذا وقته
أبو تركي:ردي عليه بس لاتقولين له شئ
غرور:لا تردين عليه ماراح يموت قيس أذا مارديتي عليه
حنان:بس
قاطعها تركي وبسخريه:الظاهر الي صار خلا غرور مهبوله
غيوض أنقهرت وبدفاع عن غرور:مالمهبول الا أنت بس قاعد تصارخ وتغلط على غرور زودتها
شموخ:وش فيكم على أخوي يابنات عمي ناصر
غيوض بعصبيه:هو وش فيه موأحنا من أول ساكتين بس هو مايراعي أحد
تركي ماتوقع هالكلام من غيوض ومن القهر دعس بنزين وصار يسرع

وصلوا الجميع المزرعه
تركي وماله خلق:ياللا أنزلوا كملوا بكاء على راحتكم
نزلوا البنات
شموخ بهدوء:وأنت ماراح تنزل
تركي بضيق:لا
شموخ:أنزل خلني أحط لك ثلج
تركي من غير نفس:مابي
أبو تركي:أنزل تركي وين بتروح
تركي:ماأدري
أبو تركي بعصبيه:تركي قلت لك أنزل مانت رايح أي مكان وأنت بهالحاله
تركي بأعتراض:بس
ابو تركي يقاطعه:لابس ولا شئ لاتنرفزني أكثر ماني متنرفز
تركي نزل وهو ماله خلق:وهذا أنا نزلت

&&&&&&&&&&&
عند الرجال
سعود قام أول ماشاف شكل تركي والشباب:خير وش صار ليه أشكالكم كذا
ابو تركي:لا تخاف ماصار شئ
سعود بقلق:شلون ماصار شئ ماتشوف أشكالهم
ابو فهد:سعود هدي خلهم يرتاحون ويفهمونا
ابو تركي:ايه والله أنك صادق خلنا نرتاح جيبوا لنا مويه
سعود:تفضلوا حياكم

&&&&&&&&&&&
عند الحريم
ام خالد وهي حاطه ايدها على صدرها من الخوف:ياويلي عليكم الحمدالله ماصارلكم شئ
ام تركي بخوف:تركي وش صار عليه
غرور بطفش:تركي مثل العفريت مافيه شئ
ام سعود تغمز لغرور بمعنى أسكتي
غرور:أنا بروح أخذلي شور وأنام
غيوض:وأنا بعد
ام فهد:روحوا كلكم أرتاحوا

&&&&&&&&&&&
عند الرجال
ابو تركي قال لهم كل الي صار
فهد عصب:الكلاب
سعود:والبنات صار لهم شئ
راشد:لا البنات كلهم بخير
ابو فهد:بلغتوا الشرطه
ابو تركي:لا مانعرف رقم سيارتهم
فهد بأنفعال:وليه ماأخذتوا رقم السياره الحين شلون نوصلهم
ابو فهد:فهد اترك عنك العصبيه الحمدالله ماصار شئ
تركي بتوعد:ومين قال أني راح أتركهم راح أجيبهم من سابع أرض
ابو فهد:وبعدين معاكم
تركي قام:عن أذنكم
سعود:على وين
تركي:بروح أرتاح شوي
راشد:وأنا جاي معك
سعود:خلهم يحطون لك ثلج
تركي:مشكور

&&&&&&&&&&&
عند البنات
غيوض بعصبيه:الحين أنت ماتعرفين تمسكين لسانك شوي الا تردين
غرور بنفس العصبيه:هو الي بداء بس يصارخ وبعدين أنت ليه تدافعين عنه والا علشانه حبيب القلب
غيوض:لا أنا مادافع عنه بس أنت الوحيده الي رديتي البنات كلهم سكتوا الا أنت
غرور وتحط اصبعها على راسها:كيفي ماأعرف أسكت
غيوض:غرور أعقلي شوي والله
وأنقطع حديثهم بدخول حنان وشموخ وجنا
حنان:خير في شئ
غيوض:لا مافي شئ
شموخ:علينا وليه معصبين
غرور:من أخوك
شموخ:وش فيه أخوي ؟! أخوي ماسوى شئ أنت بديتي فيه
غرور وتخصر:لا والله!! ومين الي يصارخ علينا كأنا عبيد عنده ومين الي قال ادخلوا لاتبكون ومين قال أني مهبوله ؟ الجني هااااااا
شموخ:هو كان معصب وبعدين أنت ماتعرفين تطنشينه
غرور تحط راسها على المخده:لاااااااااااااااااااااااااا
شموخ:أجل تحملي الكلام الي يقوله
غيوض:لا مو من حقه يغلط عليها هو زودها كثير
شموخ متفاجأه:حتى أنت ياغيوض
غيوض:ايه حتى أنا
شموخ زعلت وهي طالعه:ياويلي على أخوي تحطم
غيوض أنصدمت من الجمله الأخيره

&&&&&&&&&&&
عند راشد وتركي وهم يتمشون
تركي بتردد:راشد
راشد:همممم
تركي:أنا أسف أذا غلطت عليك بس ماكان قصدي كنت معصب
راشد:عادي عاذرك مع أنه عصبيتك ماكان له داعي
تركي بتعب:عارف
راشد:أساساً من الصبح وأنت مو رايق
تركي:تقريباً
بعد صمت طويل
راشد:تركي ممكن أسألك سؤال
تركي:أسأل
راشد:وش بينك أنت وخالد
تركي تجمد من سمع أسم خالد:مافي شئ
راشد:ليه تكرهه
تركي:ومين قال أني أكرهه
راشد:سلامكم ,معاملتكم لبعض
تركي:مافي شئ بس تقدر تقول عدم قبول لاأكثر
راشد حس انه متحفظ:طيب خلنا نروح نرتاح
تركي:يكون أحسن
*
*
عدا اليوم عادي على الجميع
&&&&&&&&&&&
اليوم الثاني الساعه 10صباحاً
صحوا البنات:صباح الخير
الكل:صباح النور
خلود:بدري كان ماقمتوا أحسن
غرور:تعبانين
نور بتكبر:الا كسل
غيوض بهمس:يازينك وأنت ساكته
نور تناظر غيوض بطرف عينها:نعم وش قلتي تكلمي بصوت عالي ولا تكوني جبانه
غيوض تنرفزت:قلت يازينك وأنت ساكته وياشينك أذا تكلمتي
نور عصبت:وقحه
غيوض:مالوقح الا أنت وبعدين أنت تلقفتي وطلبتي اعلي صوتي فتحملي
غرور تسكت غيوض:مامي جوعانين وين الفطور
ام سعود معصبه :روحوا المطبخ أفطروا
غرور وهي تقوم غيوض:ياللا بنات قوموا نفطر ونروح نتمشى
شموخ زعلانه:روحوا أنتم
غرور تسحب شموخ:قومي وعن الدلع
راحوا البنات
غرور تراضيها:شموخ لانخلي شئ يزعلنا وبذات الشباب
شموخ:بس أنتم
غرور:خلاص أسفين أمس كنا معصبين
شموخ تبتسم:خلاص رضينا
غرور:وأنت ياغيوض وش الكلام الي قلتيه
غيوض وهي متنرفزه:هي نرفزتني
غرور:علشان ماتلوميني مره ثانيه اذا عصبت
جنا:والله أنتم يابنات خالتي لسانكم طويل وماعندكم صبر
شموخ:وعصبيات
غيوض:وش نسوي دمنا حار مثل أمي
رن جوال جنا
جنا:هذه صديقتي عن أذنكم
شموخ:أحنا في الاسطبل
جنا:اوكيه

&&&&&&&&&&&&&
عند الشباب
كانوا نايمين ماعادا راشد وتركي الي كانوا راكبين الخيل
تركي بتردد:راشد
راشد:نعم
تركي تراجع: خلاص ولا شئ
راشد رفع حاجب بتعجب:وش خلاص تكلم عادي سرك في بير
تركي:مافي شئ نسيت السالفه
راشد مرره له:على راحتك بس اذا حبيت تتكلم أنا جاهز
بعد صمت
راشد:تركي
تركي:همممممممممم
راشد وهويناظر تعابير وجهه:أنت تحب ؟! تحب غيوض
تركي تفاجاء بس بسرعه ضبط نفسه:ومن قال؟
راشد:أنا
تركي:وليه تقول كذا
راشد:خمنت
بعد سكوت
تركي:وليه غيوض بالذات
راشد:يعني تحب
تركي بداخله(ااااه ياراشد لو تدري وش كثر احبها)
تركي:ماجاوبت ليه قلت غيوض ؟ليه موغيرها؟
راشد ابتسم:أذا أنذكر اسم غيوض ماأدري أحس نظرة عيونك تتغير تحس فيها بريق مع أنك تحاول ماتبين بس اشوفها فيك مثل سلطان الله يرحمه

&&&&&&&&&&&&
عند البنات
شموخ وحنان كل وحده ركبت خيل
شموخ:ياللا يابنات تعالوا نتسابق
غيوض بصوت واطي:غرور ماراح تركبين
غرور:لا
غيوض:لمتى بتستمرين على كذا
غرور بضيق:وأنت متى بتقفلين على هذا الموضوع قلت لك ماراح اركب الخيل ابداً ماتعبتي من نفس السالفه
غيوض:الا تعبت
غرور:خلاص اجل اسكتي
جنا:هااااااااااااي ياحلوات
حنان:ياللاااااااااااا اسرعوا
غيوض:جايه جنا بتتسابقين معنا
جنا:وغرور؟
غرور:لا أنا بركب دباب
جنا:اوكيه أنا بركب دباب مع غرور
غرور:خلينا نروح الجهه الغربيه
جنا:ليه؟
غرور:هناك حلو وفاضي ماأحد يجيه
جنا:بس يمكن فيه شباب
غرور:الشباب مايروحون هناك وبعدين كلهم نايمين
جنا:اوكيه ياللا نتسابق بالدباب

&&&&&&&&&&&&&
راشد يتذكر
قبل سنتين
راشد:أنت تحبها
سلطان تفاجاء انه مكشوف:وشلون عرفت؟!!!!!!!!!
راشد: واضح عليك يعني تبتسم اذا سمعت اسمها وتلمع عيونك من الفرح
سلطان بخوف:لهدرجه انا مكشوف
راشد:ههههههه لا تخاف مو كاشفك غيري انا
سلطان:احبها ياراشد احبها
سلطان:تعرف راشد احسها هي كل شئ حياتي من دونها ولا شئ
راشد:اف لهدرجه الحب
سلطان:وأكثر أنت ماجربته له طعم غيرحلو
راشد:يمكن أنت أدرى
سلطان:راشد أذا رفضتني احس نفسي بموت
*
رجع راشد للواقع على صوت تركي
تركي: راشد أنت ماتسمع
راشد وتغير مزاجه:سوري وش كنت تقول
تركي:وين رحت
راشد:موجود هنا
تركي:ايه واضح المهم انا رايح مواعد واحد من الربع توصي شئ
راشد:لا مشكور
وراح يركض بالخيل

&&&&&&&&&&&&
راحوا جنا وغرور للجهه الغربيه من المزرعه وصاروا يتسابقون
غرور سبقت جنا
غرور وهي تلتفت لوراء:ههااااااااي سبقتك
جنا بصراخ:غرووووووور أنتبهي
غرور ناظرت لقدام شافت خيل قدامها لفت بسرعه والي كان راكب بالخيل أبتعد
غرور وقفت وغمضت عينها
راشد الي كان راكب بالخيل قرب من عندها
راشد بعصبيه:في أحد يسوق الدباب كذا
جنا:غرور صار لك شئ
غرور فتحت عينها وناظرت راشد وجنا وهي مومصدقه أنها سليمه
راشد ينتظر جوابها
راشد بهدوء ينرفز:سألتك في أحد يسوق الدباب بهالسرعه
جنا خافت على غرور:راشد مو وقتـ.
راشد يناظر جنا يعني أسكتي
غرور بقوة:أنا
راشد:ايه لأنك مجنونه وقرب منها
غرور وتناظر الخيل :أنت الي مجنـ
راشد يناظرها:كملي وش فيك سكتي
غرور بخوف:أبعد عني
راشد مستغرب:نعم؟!!!!!!
غرور تأشر للخيل
راشد ما فهم عليها وألتفت لوراء ماشاف أحد
راشد قرب أكثر وأبتسم بسخريه:وش فيك قلبتي بكمه؟!!!!!!!!!
غرور تبي تقوم بس راس الخيل لمسها
غرور بعدت وطاحت على الأرض:ااااه
راشد ابتسم
غرور ركبت دبابها ومشت بسرعه والدموع بعينها
جنا:غرور وقفي راشد أحرجتها
راشد بصدمه:وش سويت
جنا:يعني لازم تبتسم يوم طاحت
راشد:وليه أنا الي طيحتها ماتشوفينها اليوم هي موطبيعيه بس تأشر بخوف كأنها شافت عفريت
جنا:خلني أروح أشوفها

&&&&&&&&&&&&&
في الأسطبل
شموخ :هههههههههه وناسه فزت عليكم
غيوض وهي تجلس: عادي أنا خليتك تفوزين لأني رحمتك
شموخ تتخصر:لا والله عذر أقبح من ذنب
حنان:قدرتوا تسبقوني لأن رجلي تعورني
غيوض:صار لك اسبوع وأكثر من فكيتي الجبس يعني لاتطلعين أعذار
حنان:وين أكثر بس أسبوع
شموخ:وأسبوع تكفي
دخلت غرور ووراها جنا
جنا:غرور وقفي
حنان: وش فيكم
غرور:مافي شئ بس كنا نتسابق
جنا فهمت وسكتت
جنا بهمس:غرور لا تزعلين من راشد بس هو
غرور تقاطعها:ولا همني الموضوع اساساً راشد مايهمني
رن جوال حنان
حنان بفرح:هذا فهد
وكانت بتقوم بس غيوض جلستها
غيوض:اقعدي خلينا نسمع
شموخ:وش تبين تسمعين خليها تكلم براحتها
غيوض وهي ماسكه حنان:خلينا نبي نعيش الحب شوي
حنان بعجله:طيب خليني ارد بس ولا كلمه
غيوض:طيب حطي على سبيكر
حنان:تحلمين
حنان:الو
غيوض قربت اذنها من الجوال علشان تسمع
فهد:هلا بروحي كيفك
حنان:تمام أنت كيفك
فهد:وش فيك مارديتي بسرعه
حنان تصرف:كان الجوال بعيد عني
فهد برومانسيه:اشتقت لك
حنان:ههههههه
غيوض تهز بايدها:ياسلام على الحب
حنان تبعدها:لحظه شوي فهدوتكلم غيوض:وجع ابعدي
غيوض:بسمع
فهد:الوووووووووووو وين رحتي ياحياتي
حنان وهي تناظر غيوض بتهديد:معك وش كنت تقول
فهد:اشتقت لك
حنان بحيا:وانا بعد
فهد:هههههههههه ياحبي للي تستحي
حنان :فــــــــــــهد
فهد:ياعيون فهد وروحه وعمره
حنان:وبعدين ترى اقفل
فهد:هههههههههه لالا لاتقفلين بطلب منك طلب
&&&&&&&&&&&&&
في أحد المقاهي
ايمن يقوم:اهلين
تركي وهو يقعد:هلا فيك
ايمن:ليه تأخرت ساعه علشان تجي
تركي:تعرف الطريق من المزرعه الى هنا بعيد وبصراحه كان عندي شغل خلصته وجيت
ايمن:شغل؟! مو أنت عندك أجازه
ايمن وشاف الضربه الي على خد تركي: مين سوى فيك كذا؟
تركي ويحط أيده على خده:مو هذا كان الشغل
ايمن بأستفهام:مافهمت
تركي:أنا أفهمك

&&&&&&&&&&
في الأسطبل
حنان بعفويه:آمر ياحياتي
فهد:عيدي وش قلتي ؟
حنان:قلت آمر
فهد:لا الي بعدها
حنان تذكرت انها قالت حياتي سكتت
فهد بترجي:اماااااااانه ياحنان قوليها
غيوض تضربها وبهمس:قوليها ياغبيه سالفه هي حرام عليك تعذبين الرجال
شموخ بداخلها(لو تدرين وش كثر أنت معذبه تركي ياغيوض)
حنان بتردد وبحيا: قلت حياتي
فهد بفرح:أنت حياتي والله اليوم احلى يوم
حنان سكتت
فهد بسرعه: أبي أشوفك
حنان بصدمه:نعم ؟!!!!!!!!!!
فهد:ابي اشوفك
حنان بخوف:ماأقدر
فهد:ليه ماتقدرين ؟
حنان:لأن لو درى خالد بيذبحني
فهد:وليه يذبحك احنا مملكين
حنان:عارفه بس امس أنت شفتني
فهد:وأذا؟ اشتقت لك وعادي لو أشوفك اليوم بعد
حنان:بس خالد قالك مو كل يوم وهو شرط عليك هذا الشئ
فهد:خالد وش عرفه بالحب بعدين مو لازم تقولين لخالد
حنان بأستفهام:اجل شلون بتشوفني
فهد بتردد:بالسر
حنان بصدمه:بالسر ؟!!!!!
فهد:ايه بالسر
حنان:ماأقدر أخاف
فهد:حنون حياتي والله خمس دقايق اشتقت لك امس بس أحلم فيك
غيوض بهمس:قولي أوكيه
حنان بتردد:ماأدري بشوف
فهد:اوكيه حاولي
حنان:اوكيه باي
فهد:باي ياعمري

&&&&&&&&&&&&
عند الحريم
ام خالد:وينهم البنات
خلود:ماأدري يمكن راحوا الأسطبل
ام راشد:دقوا عليهم خلهم يجون يتغدون
خلود:اوكيه ودقت على غرور:غرور ماترد
ام تركي:يمكن ماأخذت جوالها
ام خالد:خليني أدق على حنان أعرفها ماتترك جوالها علشان تكلم فهد
ام فهد:هههههه الله يسعدهم
ام خالد: عجيبه ماترد
ام سعود:خلود دقي على غيوض
خلود دقت على غيوض:الو غيوض أنتم وين ؟!
غيوض ردت من غير نفس:أحنا قاعدين في الأسطبل وش تبون؟
خلود:نبيكم تجون تتغدون
غيوض بعجله:مانبي شئ بعدين نتغداء
خلود:بعدين مافي غداء
غيوض:عادي بنطلب من المطعم
خلود تكلم ام سعود:تقول مايبون شئ بعدين بيطلبون من المطعم
ام سعود :عطيني اكلمها, الو غيوض تعالوا كلوا مافي مطعم يوصلكم لهنا
غيوض: ماما خلاص بناكل أي شئ بس الحين مانبي غداء
ام خالد:كيفكم مع سلامه
غيوض:مع السلامه
غيوض:اف هذه امي الا نجي نتغداء
جنا:عاد أنا جوعانه
غيوض:امي تقول مافي غداء ومافي تطلبون من المطعم
جنا:وش ناكل
غرور:أي شئ
جنا:وش أي شئ أنا جوعانه
شموخ:ناكل خبز,جبن أي شئ موجود
جنا شوي تصيح:هذا مايشبعني أنا جوعانه مررررررررره
حنان بملل:أنت ماتصبرين هذا وقت أكلك بعدين بنطلب من السواق يجيب لنا أكل من المطعم
شموخ:وشلون يالفالحه السواق مايسمع كلامنا
غرور:أنا بتصرف ماعليكم بس الحين خلونا نفكر شلون حنان تشوف فهد

نهاية البارت السادس

البارت السابع







ايمن:وأنت وش سويت
تركي ويشرب عصير:أنا بلغت عنهم ووصيت واحد من الربع يدور لي عليهم
ايمن:وأذا لقيتهم وش بتسوي فيهم؟!
تركي يمسك الكاس بكل قوة ومن بين أسنانه:اه لو يطيحون بيدي لأقطعهم قطعه قطعه
ايمن:والله أنك تخوف الله يعين الي يطيح بيدك
تركي:تعرف يوم شفته مسك وحده من البنات أنجنيت وأنجنيت أكثر يوم عرفت أنها غيوض
ايمن:لا اجل من جد الله يعينهم
تركي:مو بس علشان غيوض لا كمان البنات هم مثل اخواتي
ايمن:على طاري حبيبة القلب متى بتخطبها
تركي تنهد:اااه ياايمن مادري
ايمن:شلون ماتدري؟!
تركي:ابي اتأكد انها تحبني
ايمن:طيب يمكن تحبك
تركي:لا احسها تحب خالد عندها عادي تتكلم مع خالد وتضحك اما أنا لا
ايمن:طيب أنت أخطبها وجرب حظك
تركي:لالالا أخاف ترفضني
ايمن:طيب أذا رفضتك وش بتسوي
تركي:ماأدري احس أني بتحطم ويمكن اترك الرياض الا المملكه كلها
ايمن:وليه تترك المملكه دور غيرها
تركي:اقول لك احبها تقولي دور غيرها أساساً أنت وش عرفك بالحب
ايمن بتنهيده: تدري حتى أنا طحت وماأحد سمى علي
تركي بعدم تصديق:تحب؟!!!!!!!!! قول والله
ايمن:والله
تركي:مين من جماعتكم؟
ايمن:لا تعرف ياتركي البنت قوية شخصيه تعجبني بس ماأدري عنها أي شئ

&&&&&&&&&&
في الأسطبل
حنان:ياللا قولوا وش نسوي
جنا:أنا أقول دقي عليه وقولي ماتقدرين
شموخ:أنا معها
غرور:لا لاتستعجل
حنان:وأنت غيوض
غيوض:أنا محتاره
حنان:محتاره وأنت الي قلتي وافقي
غرور:حنان أنت تبين تشوفينه
حنان بسرعه:أكييييييييييد
غرور:اوكيه عندي حل
حنان بفرح:وش هو؟
غرور:دقي عليه وخليه يقابلك هنا, أنا وجنا بنكون وراء نراقب وغيوض وشموخ
يراقبون حولينا ويكون بينا تلفون
غيوض:أوكيه توكلنا على الله

&&&&&&&&&&
عند الرجال
ابو تركي:راشد وين تركي
راشد:قال لي بيروح عند واحد من أصدقاءه
سعود:ماراح يتغداء هنا
راشد:ماأدري بس ماأتوقع
ابو تركي:حطوا الغداء ياسعود أكيد بيتغدا بره

بعد ربع ساعه الكل قاعد على الغداء
راشد بصوت واطي لخالد:خالد وش فيك
خالد:مافي شئ
راشد:ليه عافس وجهك ومكشر
خالد:ماأدري يمكن علشان مانمت عدل
راشد:وأذا مانمت يصير شكلك كذا
خالد من غير نفس:راشد ماني برايق
راشد:الى الأن معصب من الي صار أمس
خالد:راشد ماني حاب أتكلم بالموضوع
راشد:اوكيه على راحتك
رن جوال فهد فتحها وقراء الرساله وكان من حنان
تعال في الأسطبل
قراها بفرح ومسحها وقام بسرعه
ابو فهد:وش فيك
فهد:مافي شئ بس شبعت
سعود:بس ماأكلت شئ
فهد:الا والله كثر الله خيركم
*
دخل تركي وايمن:سلام عليكم
الكل:وعليكم السلام
ايمن:خليكم كملوا أكلكم
سعود:حياكم تفضلوا
ايمن:لا مشكور
تركي:أحنا تغدينا
رن جوال راشد معلنه وصول رساله
فتح راشد الرساله شافها من رقم غريب
تعال كثر ماتمنيتك
تعال بكثر ماحلمت بلمسة يديك
تعالبكثر ماسهرني شوقي لعيونك
تعالبكثر ماسألني قلبي عنك ومالقيتك
تعالبكثر ماقلبي حبك ومارضى يجفاك
تعال بكثر مانتظرتك ومامليت الأنتظار
تعالبكثر ماأحبك
تعالبكثر ماقلت ابيك والله ابيك
تعالبكثر مادام فيني الروح ونبض يقولك تعال

راشد قراء الرساله اكثر من مره وكان مستغرب الرقم
خالد قام:عن أذنكم

&&&&&&&&&&&
عند البنات
غيوض دقت على غرور:الو غرور فهد جاء عندكم
غرور:أوكيه باي
غرور:فهد جاء ياللا جنا خلينا نطلع وأنت حنان خليك هنا
حنان بخوف:أنا خايفه
غرور بنفاذ صبر:خايفه من وش؟ قلنا لك احنا بنراقب ياللا جنا
طلعت غرور وجنا وراحوا وراء الاسطبل يشوفون من فتحه صغيره الي يصير
دخل فهد وبأبتسامه شاقه الحلق:هلاااااااااااااااا بروحي
حنان بحيا:هلا فيك
فهد يمسك يدها:تعرفين أنك حلوه
حنان نزلت راسها وأكتفت بأبتسامه
فهد:حنان أنا أحبك
حنان:.
فهد:وش فيك ساكته مافي وأنا بعد
حنان:.
فهد بجديه:حنان أنت ماتحبيني
حنان رفعت راسها بسرعه:الا احبك
فهد:ههههههههههههههههههه أخيراً سمعتها منك
حنان:فهـــــــــــــــد
فهد:ياعيونه وروحه
فهد قرب وباس حنان على خدها
حنان انصدمت وفتحت عيونها على الأخير
فهد ضحك من شكلها المصدوم:هههههههههههههههههههههههههههههه
وش فيك انصدمتي عادي احنا متزوجين
حنان ابتعدت بس فهد مسكها وسحبها لصدره
حنان بصوت مبحوح من الخوف:فهد أبعد
فهد:ليه؟
حنان:فهد اذا كنت تحبني أبعد
فهد:بس أنا أحبك
حنان وهي تبكي:فهد أذا مابتعدت وتركتني والله يكون اخر يوم تشوفني فيه
فهد تركها:لا خلاص أنا أسف
حنان تبكي
فهد:حنان والله أنا أسف ماكنت أدري أنك بتزعلين
حنان:.
فهد:حنوووووووووووووون خلاص حياتي
حنان:طيب بس لاتعيدها أنا ماتعودت عليك
*
*
عند جنا وغرور
غرور منسجمه بالي يصير
جنا بخوف وبصوت يرجف:غرور شوفي
غرور:ها خليني أشوف وش يسون
جنا:غرور جاء ياويلنا
غرور تناظر وين ماتأشر جنا:مين وشهقت بصوت عالي
رن جوال غرور:الوووو
غيوض بسرعه:غرور بسرعه الحقي خالد في الطريق
غرور بصراخ:عارفه بدري وين كنتم من أول
غيوض:كنا نصرف خلود وماشفنا خالد
غرور بعجله:طيب خلاص خليني اتصرف

&&&&&&&&&&&
عند غيوض وشموخ
شموخ بخوف:ياويلنا من غرور والله لاتتوطى في بطننا
غيوض:والله أنك صادقه بس وش نسوي قعدنا نصرف خلود
شموخ:أساساً أحنا وش بعدنا عن الأسطبل
غيوض:علشان نراقب جميع الأطراف
شموخ:تتوقعين خالد شافهم
غيوض بتوتر:ماأدري
شموخ بنفس التوتر:يالله لو شافهم يمكن يذبحهم
غيوض:لا مو لهدرجه خالد طيب وفرفوش
شموخ:عارفين أنه طيب بس هو حذرهم
غيوض:خلينا ننتظر النتايج
شموخ:الله يستر

*
عند الرجال
تركي:ايمن قوم اوريك المزرعه أنت ولا مره جيت هنا
ايمن:لا أنا ماأشوف الا شغلك ومقلط بيتكم
الكل ضحك على كلامه
تركي:اوكيه طيب قوم
ايمن:ياللا مشينا
وطلعوا وهم يتمشون شافوا من بعيد غيوض وشموخ
ايمن لف وجهه كأنه ماشاف شئ
أما تركي عصب وعقد حواجبه ولفوا للجهه الثانيه على باله ايمن مانتبه
ايمن يصرف:اهلك مره طيبين
تركي:أمش بلا مجاملات
ايمن سكت
بعد ربع ساعه
ايمن:تركي وين الحمامات
تركي:هناك على اليمين
راح ايمن وتركي لاقاها فرصه ودق على شموخ
شموخ شافت اسم تركي حطت على سبيكر:الو
تركي بعصبيه:وش تسوين أنت وغيوض بره من غير عبايه
شموخ بخوف:أنت وين وتلفتت تدور عليه هي وغيوض
تركي بنفس العصبيه:ردي على سوألي
شموخ:كنا نتمشى
تركي:تتمشون قدام قسم الرجال
شموخ:أحنا ماكنا منتبهين بعدين أحنا موعند قسم الرجال
تركي:بالنص بين الرجال والحريم وحتى لو كنتم تتمشون بعيد عنا ليه طالعين من غير عبايات
شموخ:بس أنا لابسه شيله وبعدين ماأحد يشوفنا
تركي:لا والله وأنا شلون شفتكم بعدين الشيله ماتكفي والهبله الي معك ماهي لابسه شيله
غيوض بصدمه:هبله؟!!!!! غيوض لا شعورياً:والله مالأهبل غيرك
تركي سمعها:أقول روحي البسي عبايه أنت وشموخ وعن طوالة لسان
وقفل السماعه
غيوض شهقت وفتحت عينها على اخرشي:سمعني
شموخ ضحكت:هههههههههههههههههههههه


&&&&&&&&&&&
في الأسطبل
غرور من فتحة الأسطبل:فهد بسرعه اطلع خالد جاء
فهد طلع بسرعه
ودخلت غرور وجنا
حنان جلست:ياويلي من خالد
غرور:ماتوقع لأن خالد شوي بعيد
*
خالد شاف فهد يطلع من الأسطبل بعجله
خالد(هذا وش يسوي هنا)
تقدم خالد بسرعه للأسطبل بدون تفكير والشرر يتطاير من عينه
ونادا باعلى صوته:حنـــــــــــــــــــــــــــــان
حنان تضرب خدها:ياويلي ياويلي وش اسوي
خالد:حنـــــــــــان تعالي
حنان بخوف:جايه ,الله يستر وطلعت
جنا:يمه يخوف
*
حنان ترتجف من الخوف:نعم آمر
خالد من بين اسنانه:وش كان يسوي فهد هنا؟ وبصراخ:جاوبــــــــــي
حنان بدموع وصوت يقطع:كان كان
خالد ومسكها من ايدها وبنفس العصبيه:كان جاي يشوفك بالسر
طلعت غرور تنقذ الوقف:خالد حنان مالها دخل أنا سويت كل شئ
خالد ناظرها بأستفهام:؟
غرور:حنان ماكانت تدري أنه فهد جاي الأسطبل علشان يشوفها
خالد مافهم:مافهمت
غرور:فهد دق على حنان وطلب يشوفها بس حنان رفضت رحت أنا أرسلت لفهد من جوال حنان أنه أذا يبي يشوفها يجي الأسطبل وقلت له أنك موافق وطبـعاً فهد على باله حنان الي أرسلت له
خالد يناظر حنان:صدق الي قالته؟
حنان ناظرت غرور وغرور أشرت لها يعني قولي صدق
حنان :ايه صدق
خالد عصب ترك حنان ومسك غرور بقوه:ومين سمح لك
غرور بخوف:خالد أنت تعورني
خالد هزها بقوه:تكلمي
غرور:ماأحد أنا شفته يترجاها رحمته و.
قاطعها خالد بعصبيه:وبالسر ها بالسر؟
غرور والدموع بعينها تحاول تهدي الوضع:عادي هم متزوجين بعدين خالد أنت ليه معصب
خالد بنفس العصبيه:معصب من أستهتارك أنت تحبين تسببين المشاكل
غرور تحاول ماتخلي دموعها تنزل:ليه وش سويت؟
خالد تركها بقوه وبهدوء مخيف:لا تكلميني ياغرور أبداً أنا هذا أخر شئ توقعته تسوينه فيني أنك تغفليني ولف ظهره رايح
غرور وهي تضغط على ايدها من الألم :خالد أنا
بس خالد راح من غير مايسمعها
*
حنان ركضت عند غرور:غرور شكراً لأنك ساعدتيني ماكنت عارفه وش اسوي
غرور تحاول تبين أنها طبيعيه:عادي أنا ماسويت شئ
حنان:طيب ليه قلت له أنك قلتي لفهد أنه خالد موافق
غرور:علشان مايروح يسأل فهد وفهد يخرب علينا وخالد يتوطى في بطننا
جنا طلعت وبقلق:وش صار

&&&&&&&&&&
العصر
في قسم الرجال
رن جوال راشد معلنه وصول رساله
أعزي القلب في بعدك
وأقول أنبض على هونك
مصير الوقت يجمعنا
وأعبر له عن أشواقي
قراها راشد وتأفف (أففففففففف ياربي مين الي يرسل)

دق جوال خالد شاف المتصل غرور تردد في البدايه يلين ويرد عليها بس في الأخير قفل الخط وحط الجوال في جيبه
راشد شاف خالد يوم يقفل الخط على غرور لأنه كان جنبه
راشد بهمس:خالد ليه ماترد على غرور من الصبح وهي تدق
خالد:ياطول عيونك وش لقفك تناظر جوالي
راشد:ههههه مو قصدي
خالد:خلك برسايلك مين الي ترسل
راشد:ليه ماتقول الي يرسل
خالد:لأنها رسالة حب شفتك وأنت تقراها
راشد: ياطول عيونك
راشد وخالد:هههههههههههههههههههههه
ابو تركي:خير أن شاءالله ضحكونا معكم
راشد:مافي شئ بس تذكرنا موقف وضحكنا
وليد:ذكرونا فيه
فهد ضربه:أقول يازينك وأنت ساكت
أيمن بهمس:تركي ماتلاحظ من الظهر وجوال خالد وراشد شغال
تركي:أيه والله لاحظت وكانت البوز ممدوده شبرين
أيمن:قبل شوي كانوا مالهم خلق والحين يضحكون
رن جوال فهد وكانت حنان
فهد قام بسرعه:عن أذنكم
وليد:ياجماعه ماتلاحظون الجوالات ماوقفت اليوم من مكالمات ورسالة رساله
ابو فهد:وليد أعقل
ابو تركي:خله والله أنه صادق أزعجونا
أيمن:ههههههه يعني لاحظتوا مو بس أنا

&&&&&&&&&&&&
عند البنات قاعدين في غرفه
حنان:وشلون شكله
فهد:في البدايه كان معصب بس الحين راق شوي صار يضحك مع راشد
حنان بهمس:طيب ليه مايرد على غرور مسكينه متضايقه أنه زعل منها مع أنها تحاول ماتبين لي
فهد:والله غرور يبيلها حبة راس على الي سوته بس قولي لها بنساعدها أذا ملكت
حنان:أوكيه تبي شئ أنا بروح أواسيها
فهد:لا باي
حنان:باي
حنان:بنات مو جوعانين
جنا نطت:الا ميته من الجوع
غرور من غير نفس:أنا مابي شئ
شموخ:ليه
غرور:مالي نفس
شموخ:أنا بصراحه جوعانه
غيوض:وأنا بعد
حنان:تمام وش ناكل
جنا:نجيب من كنتاكي
شموخ:ياسلام
حنان:مو مهم من وين مين الي راح يجيب لنا
غيوض:السواق
جنا:كيف ماراح يرضى
غيوض:ماعليكم أنا راح أتصرف
شموخ:وأنا بروح معك

&&&&&&&&&&&
عند الحريم
ام سعود دقت على سعود:الو سعود
سعود:هلا يمه
ام سعود:سعود وينه كومار مايرد علي
سعود:ليه وش تبين فيه
ام سعود:ابيه يجيب غاز مافي غاز أنت ماقلت له يعبي غاز قبل مانجي
سعود:يوووووووووه نسيت خلاص أنا أقول له ألحين
ام سعود:عجل متى بنسوي عشاء
سعود:ان شاءالله تبون شئ ثاني
ام سعود:لا مع السلامه
سعود:مع السلامه
ابو تركي:خير وش فيه
سعود:مخلص الغاز ويبون كومار يروح يعبي لهم
راشد:طيب دقوا عليه
سعود:مايرد بروح اشوفه
تركي:خلك سعود انا بروح اقوله لأني بروح اجيب غرض من سيارتي

&&&&&&&&&&&&
غيوض:كومار
كومار:نعم وس يبقى
غيوض:خذ فلوس جيب 5مطافي و5 بيبسي و4 سلطة ملفوف وواحد سلطه خضراء
كومار:مين قال
غيوض:أنا في قول
كومار بتطنيش:أنا مافي يسمع كلام أنت
شموخ:حلوه ذي
غيوض:ليه مافي يسمع كلام أنا في روح وأنت ساكت
كومار بتنفخ:روح روح ماما كبير يقول مافي يسمع كلام بنات
شموخ بعصبيه:هذا يبي احد يفقع وجهه
غيوض تهديها:لحظه ماينفع معه كذا سواقنا وأعرفه
غيوض بهدوء:كومارشوف أحنا واجد جوعانين حرام عليك روح جيب أكل
كومار:أنت مافي يفهم أنا مافي يروح أنت كول جبنه
شموخ:شاحنه تدعسك وتخليك جبنه قول آمين
كومار بعصبيه:ايس هدا يقول مافي يقول كدا
غيوض بنفاذ صبر:شموخ أسكتي شوف كومار أذا أنت يروح يجيب أكل أنا يعطي فلوس حق أنت
شموخ:تعطينه؟!!!!!!!!! ليه أنت غبيه
غيوض:اسكتي اهم شئ ناكل
كومار قعد يفكر
غيوض :ها وش يقول
كومار بتردد:مافي معلوم
شموخ:بعد يفكر هو وجهه
:كومار كومار
كومار :نعم بابا
تركي:وينك ساعه ندورك
كومار:بابا هدا بنت يسوي جلجال
تركي يناظر غيوض وشموخ:وش تبون منه
شموخ:نبيه يروح يجيب لنا أكل من كنتاكي بس هو رفض
تركي:مهو فاضي لكم بعدين توكم متغدين لحقتوا تجوعون
شموخ:لا ماتغدينا
تركي:ليه؟
غيوض بطفش:ماكان لنا نفس
تركي ناظرها وأبتسم وحب يرفع ضغطها:أجل تحملوا
غيوض تنرفزت ووجهت كلامها لكومار:ها كومار وش يقول
تركي ويعاندها:كومار مافي يرد عليها روح جيب غاز بسرعه
غيوض بعصبيه:خير أنت قاعد تحرضه علينا ترى هذا سواقنا مو سواقك
تركي بابتسامه سخريه وهو مو معبرها:روح كومار
غيوض بعصبيه:كومار وقف أنا أكلمك
كومار بطفش:أنا مافي يسمع كلام أنت ومافي يبقى فلوس أنت وراح تركها
تركي رفع حاجب:ترشينه؟!!!!!!!!!!!!
غيوض عصبت وصارخت:آه يالحيوان أنا أوريك
شموخ:تركي أمانه مو وقتك روح جيب لنا أكل
تركي:ياللا قولوا وش تبون كسرتوا خاطري
غيوض:مانبيه يجيب لنا شئ . وراحت تركتهم
تركي:ههههههههههههه
شموخ قالت الطلبات وقبل ماتروح:تركي أذا تبي غيوض تحبك سوي شئ يقربك منها ولا تعاندها
تركي سكت منها ودق على أيمن:أيمن بتجي معي
أيمن:وين؟
تركي:بنروح مشوار بتجي والا لا
ايمن:الا جاي

&&&&&&&&&&&&
راشد وخالد كانوا يتمشون على الخيل
خالد بمزح:طلع في حب من أماراتيه وأحنا ماندري أعترف
راشد رافع حاجب:تمزح والا تتكلم جد
خالد:لا أتكلم جد
راشد:روح عن وجهي
خالد:هههههههههههه أمزح وش فيك مو رايق
راشد:ياخي أزعجتني بالرسايل
خالد:وماعرفت مين هي
راشد:لا
خالد:طيب دق على الرقم
راشد:دقيت بس ماأحد يرد
خالد: ليه ماتغير رقم جوالك
راشد:ماينفع الكل يعرف رقمي خليها بكره بتمل
خالد:وأنت صادق
راشد:جاء دورك
خالد:دوري على وش؟
راشد:أنت وغرور
خالد تنهد وقال لراشد كل شئ
&&&&&&&&&&&&
عند البنات
غيوض دخلت معصبه
جنا:ها بشري
غيوض:الحيوان رفض
جنا شوي تصيح:لااااااااااااا أنا جوعانه
حنان:ماحاولتي تغرينه بفلوس أعرفه سواقكم يحب الفلوس
غيوض بعصبيه:الا وكان بيوافق
جنا وحنان:طيب ؟
غيوض:جاء الأهبل تركي وخرب علينا
حنان:ليه وش سوى؟
غيوض تقلده:قال كومار روح مافي يرد عليهاافففففففففف وضربت رجلها بالأرض
شموخ:هههههههههههههههه والله عرفتي تقلدينه
جنا بزعل:تضحكين على الي سواه أخوك أحنا جوعانين
شموخ:هههه لاتخافون تركي راح يجيب لكم أكل
جنا نطت من الفرح:والله ياسلام عليه يعجبني
غيوض ناظرتها بطرف عينها وبداخلها(خل أعجابك بحدود الأكل)
شموخ:غرور وش فيك ساكته
حنان:تحاول مع خالد
غيوض:أسفهيه الغبي الثاني
غرور ماردت عليهم

&&&&&&&&&&&
في سيارة تركي
تركي كان يفكر بكلام شموخ
أيمن:وين بنروح؟ساعه وأحنا في الطريق
تركي:بنروح كنتاكي نجيب أكل للبنات
أيمن:ليه ماتغدوا
تركي:لا
تركي وقف عند كنتاكي وطلب الطلابات:ماتبي شئ
أيمن:لا
تركي:معليش لو سمحت نبي 2 بيبسي بعد
أيمن بأستفهام:ليه البيبسي؟
تركي:لنا أنا بصراحه عطشان
أيمن:طيب أنا مابي
تركي:أشربه لاننا بنروح مشوار ثاني

&&&&&&&&&&&
عند راشد وخالد
راشد:طيب وهذا كله زعل
خالد:ألحين أنت شايف عادي أحد يستغفلك
راشد:لا بس
خالد قاطعه:بس وش؟
راشد:هي أعتذرت وماهي مستاهله تكبر السالفه
خالد:أنا ماأكبر السالفه غرور تعرف طبعي المفروض ماتسوي كذا
راشد:بعدين أنت وش القوانين الي حاطها حنان وفهد مملكين عادي لو شافوا بعض
خالد:عارف أنهم مملكين بس أنا ماأحب أنه كل شوي ينط عندنا أجل ياخذها من غير زواج
راشد:بنشوفك أذا ملكت أنا بقول لأهل العروس يسون نفس الي تسويه فيهم
خالد:أذا ملكت يصير خير أساساً
ورن جوال خالد تعلن وصول رساله فتحها خالد وكانت من غرور
خالد أنا والله أسفه مابيك تزعل مني
وأنا أعتذرت منك كثير بس ماتوقعت أنك قاسي لهالدرجه
أنا أسفه مره ثانيه
خالد قراها كم مره وهو مقهور
راشد:من غرور وش مكتوب فيه
خالد عطاه الجوال راشد قراه وسكت
خالد بطفش:من دون تعليق رجاءً
&&&&&&&&&&&&
وصل تركي وأيمن
تركي دق على شموخ:الو
شموخ:وينك طولت
تركي:أطلعي خذي الأغراض
شموخ:ياللا طالعه
بعد عشر دقايق
شموخ أخذت الأغراض:شكراً ياحياتي
تركي:العفو
تركي عطاها كيس:خذي هذا بعد
شموخ:وش ذا
تركي:شوكلاته لكم علشان تحلون بعد الأكل
شموخ فتحت الكيس وشهقت:كل هالكراتين لنا
تركي:ايه هذا علشان .
شموخ:علشان ايش؟!!!!!!!!!!
تركي كان وده يقول علشان نرضي الحبايب بس ماقدر:علشان تحلون
شموخ فهمت عليه بس تبيه يقول بالصريح:عارفه قلت قبل كذا
تركي أبتسم:شموخ روحي خلاص
شموخ:علشان غيوض قولها وريحنا
تركي أبتسم وراح عند الرجال
*
شموخ دخلت عند البنات
شموخ بفرح:بنااااااااااااااااات جاء الأكل وشوفواتركي وش جاب
جنا:وش جاب
شموخ:جاب شكولاتات كراتين
حنان بفرح:والله وناسه
جنا أخذت الكيس:خليني أشوف
شموخ وهي تناظر لغيوض:يقول علشان نحلي أنبسطوا ياعم من قدكم
غيوض قلبها دق من الفرح(معقول يكون جابها علشاني الله لو كان صدق معناته بداء يحس فيني)

&&&&&&&&&&&&&&
مر اليوم وكل واحد بتفكيره وهمه
فهد وحنان الي عايشين حالة حب ومكالمات
*
غيوض الي كانت مبسوطه انه تركي بدا يفكر فيها
تركي الي كان تفكيره غيوض بتفهم وتحس فيه
وكل واحد مايدري أنه بتفكير الثاني
*
راشد ويفكر مين الي ممكن يرسل وشلون يلاقي طريقه يعرفه
*
غرور الي كانت متضايقه أنه خالد زعلان منها
خالد الي كان ندمان أنه مارد عليها

&&&&&&&&&&&&&
اليوم الثاني
خالد دق على غرور بس كان جوالها مسكر دق على حنان
خالد:الو حنان كيفك
حنان:تمام وأنت
خالد:تمام حنان وين غرور
حنان:غرور هنا ليه وش تبي فيها
خالد:ابيها ليه مسكره جوالها
حنان:ماأدري عنها
خالد:طيب خليها تطلع
حنان:طيب
*
بعد دقايق
غرور:هلا
خالد بأبتسامه:تعالي أنت زعلانه مني
غرور والدموع بعينها هزت راسها بلا
خالد حضنها:أبكي عارف أنك ودك تبكين
غرور بكت:أنا ماني زعلانه أنت الي زعلان
خالد أبتسم:أنا رضيت وعارف أني زودتها معك بس أنا أمس كنت معصب
غرور تمسح دموعها:عادي أنا والله ماني زعلانه
خالد:زين أجل الحين ارتحت
غرور:وأنا بعد
خالد:تبين شئ
غرور:لا بس ابي تجيب لنا أكل من كنتاكي أمس ماأكلت شئ
خالد ضحك: هههههههههه آه ياأستغلاليه بس من عيوني الأثنين
غرور: ههههه تسلم عيونك

&&&&&&&&&&
العصر
عند البنات دخلت جنا بسرعه
جنا وهي تلهث:بنات ألحقوا
البنات بخوف:وش فيه
جنا:لا تخافون مافي شئ بس الشباب وقفت تاخذ نفس
غيوض:ايه كملي وش فيهم
جنا:الشباب قاعدين يلعبون كوره تحدي والله حماس
شموخ:صدق والله
جنا:ايه تركي وسعود ووليد وواحد معهم أول مره اشوفه فريق وراشد وخالد وفهد وفيصل فريق والشياب حكام
غرور بحماس:قوموا نروح نشوفهم

&&&&&&&&&&&&
في الملعب
تركي وسعود وأيمن ووليد فريق لابسين أزرق
وراشد وخالد وفهد وفيصل لابسين اسود
وليد بعصبيه:والله أنكم غشاشين
خالد:غشينا بشنو علشان جبنا هدف قلتوا غشينا
سعود:هدف بغش الحين راشد يدفه هذا مو غش
راشد يضحك:بس أنا مادفيت أحد وأسألوا الحكام
ابو تركي:أنا صراحة مانتبهت
ابو فهد:وأنا بعد ماأنتبهت
تركي:أحنا جايبينكم حكام على الفاضي
أيمن:تنتبهون والا نجيب كومار أفضل منكم
ابو تركي وابو فهد:ههههههههه
ابو فهد: لا بنتبه أن شاءالله
ابو تركي:عاد قويه تجيبون كومار
فهد بهدوء يرفع الضغط:ليه العصبيه مايصحش كدا
فيصل بأستهزاء:خلوا روحكم رياضيه وسمايل
تركي بعصبيه:أقول ضفوا وجيهكم لا أكسر أسنانكم
ابو تركي :يافريق اسود لاترفعون ضغطهم والا يروح الهدف عليكم
وليد:ايه أدبهم
سعود يهديهم:خلكم منهم خلونا نكمل لعب
*
البنات راحوا الغرفه الي قريبه من الملعب علشان يشوفونهم
غرور:أنا مع فريق أسود علشان أحب اللون الأسود
وحنان:وانا بعد علشان فيه حبيب القلب
جنا:وأنا بعد علشان أخواني فيه
شموخ:أنا مع تركي وغيوض أكيد معي
غيوض بداخلها(أكيد موفيه تركي)
شموخ:غيوض صح أنت معي
غيوض:ياللا أنا معك علشان ماتكونين لحالك
شموخ:بعدي والله
شموخ شهقت بصوت عالي
غيوض:وش فيك
شموخ وتأشر بأصبعها على أيمن:هذا الي مع تركي
جنا:وش فيه
شموخ بعدم تصديق:هذا وش جابه
حنان: أنت تعرفينه
شموخ:هذا د.أيمن الي قلت لكم عليه
غرور بعدم تصديق:أحلفي
شموخ:والله هو
جنا:يازينه
*
وقعدوا يشوفون المباره
جنا بخبث تلمح على غيوض وشموخ:الاحظ كل وحده عينها على أحد الا أنا و غرور
حنان:أكيد أنا عيني على فهودي حبيبي
غيوض:وشموخ عينها على د.أيمن
شموخ:لأني مالي مصدقه
غيوض:لا تضحكين على حالك قولي أنك تحبينه
شموخ بتفكير:ماأدري وبخبث: وأنت ياغيوض عينك موعلى تركي
جنا:ياسلام جلسة مصارحه أعترفي ياغيوض
غيوض:لاوش ابي فيه
شموخ بداخلها(ياربي كل واحد أعند من الثاني كل واحد مايبي يعترف بحبه)
جنا:أنا ماعندي أحد
غرور:ولا أنا
جنا:لقيتها بما أنه مافي غير راشد وخالد طبعاً وليد بزر وفيصل متزوج
غرور:أنت تأخذين خالد
جنا:وأنت راشد
غرور:تمام ياللا خلينا نشجع
جنا تستهبل:ياعيني على خالد شوفوا شلون يسوي
غرور:الله الله على راشد هداف
جنا:هدددددددددففففففففففففففوقامت ترقص هي وغرور
البنات:هههههههههههههههه

*
فاز فريق الأسود 3مقابل 2 بس بالغش
وليد زعل:غشاشين والله ماعاد العب معكم
أيمن:والله كله غش في غش والحكام بس يسولفون ويتقهون
سعود ببرود:ايه والله أنهم غشاشين
تركي:وأنت ياسعود نقولك خلنا نسوي مثلهم وأنت لالا مايصير الغش حرام
سعود:وأنا صادق الغش حرام
فيصل بنرفزه:ياحرام شوي تصيحون أجيب مناديل لكم
خالد:ههههههههههههه ماعندهم روح رياضيه
راشد:ياشباب أنا عازمكم على العشاء
سعود:عشى غشكم
فهد:عشى غش او موغش اهم شئ فزنا لاتصيحون

&&&&&&&&&&&&&&
في الليل الساعه 4 الفجر
في قسم الرجال كانوا الشباب سهرانين ويلعبون ورق في بيت الشعر
راشد:ياخي عطشانين وينه كومار يجيب لنا شئ نشربه
خالد:كومار نايم روح أنت
راشد:كسلان أقوم
تركي:أنا بروح أجيب لكم وش تبون
راشد:أنا ابي بيبسي
خالد:وأنا بعد
فهد:في عصير ابي عصير
فيصل:ايه عصير كوكتيل
وليد:مافي همبرجر
تركي يضحك:هههههههههههه مطعم أحنا كلكم بيبسي وأنتم ساكتين
تركي وهو رايح للمطبخ الي في قسم الرجال وكان بعيد عن بيت الشعر شاف أحد طالع من غرفة الي ينامون فيها وكان متلثم ويتلفت وراء
تركي مشى بسرعه بتجاهه. شافه الشخص وركض بسرعه تركي لحقه
تركي:وقف يالكلببس الشخص كان يركض
تركي:والله أن ماوقفت ياويلك بس الشخص ماوقف تركي لحقه بسرعه ودفه بيده على الأرض
طاح الشخص قام تركي وسحبه من ثوبه ووقفه
تركي بعصبيه:مين أنت؟
الشخص:.
تركي:تكلم يالحيوان مين أنت وش تسوي هناوفتح اللثام
وكانت الصدمه




نهاية البارت

البارت الثامن






عند البنات
كانوا في المسبح كانت جنا وغرور مسوين حزب على حنان وشموخ
حنان:وجع ياغرور بتغرقيني
شموخ تحاول تفك نفسها من جنا:ياربي أبعدي أعوذبالله طلعتوا متوحشات
غرور تخوفهم وتخشن صوتها:ماراح نفككم هاهاهاهاهاهاهاهاهاهاها
شموخ فكت نفسها وراحت تساعد حنان على غرور
غرور تضحك:هههههههه جنا تعالي ساعديني
وطبت جنا تساعد غرور وصارت مضاربه وحوسه حتى الجزم دخلوها
تعبوا ووقفوا العب
شموخ:ههههه والله أنكم مو بهينات
حنان:أكيد ماتشوفين جنا ماتفكر الا بالأكل
جنا:قولي ماشاءالله
حنان:ماشاءالله لاتخافين عيني موقويه
غرور:الا غيوض وين؟
حنان:صدق والله ماأشوفها
شموخ:ماأدري قالت روحوا بلحقكم
جنا:عجيبه ماجات الى الأن بس فاتها المضاربه
شموخ:الا قولي ربي رحمها
حنان: الحين بإذن الفجر قوموا نروح نتروش ونصلي
غرور قامت تركض:أنا أول وحده
حنان:لا تركضين في حمامين
جنا ركضت مثل غرور:هي حمام وأنا حمام بااااااااااااااااي
شموخ:آه يالمستبدات

&&&&&&&&&&&&&&
تركي فتح اللثام وشهق من الصدمه
تركي مو مستوعب وبهدوء مخيف:أنت وش تسوين
غيوض وبخوف:أنا كنت
تركي بعصبيه هزها:كنت ايش تكلمي
غيوض بألم:تركي فكني أنت تعورني
تركي بصوت مخيف: وش تسوين هنا
غيوض وهي ترتجف من الخوف:أنا كنت ابي أخذ ثوب سعود علشان ابي أخوف البنات
تركي بعصبيه:لا والله نفرض أننا كنا نايمين كنت بتفتحين الباب علينا
غيوض بنفس الخوف:لا لأنيلأني كنت أعرف أنكم في بيت الشعر
تركي:وش هذا الأستهتار الي أنت عايشه فيه أنا نفسي أعرف أنت كيف تفكرين
وأشر على راسها: هنا مافي عقل يشتغل وأذا شافك أحد أنت تعرفين لو شافك أحد كنت بتطحين من عينه
غيوض كانت بتسأله وأنا طحت من عينك بس جاء لها الجواب من غير ماتسأل
تركي بإشمئزاز:طحتي من عيني يا بنت عمي
غيوض والغصه في حلقها(حتى أسمي ماتبي تقوله)
تركي بسخريه:وش فيك ساكته
غيوض بعد ماأخذت نفس حبت تقهره وترجع كرامتها:أنت أخر شخص أهتم لأمره وأخر شخص أفكر أذا طحت من عينه أو لا
تركي ماتوقع جوابها تركها ولف وجهه ومن القهر قال:روحي ياغيوض دام النفس عليك طيبه
غيوض كانت تبي تمشي بس ماقدرت وطاحت لأن رجلها تعورها لأن يوم دفها تركي طاحت وألتوا رجلها
غيوض:آآآآآآآآآآآآآآآآه
تركي قرب منها بخوف:وش فيك؟
غيوض ماتكلمت بس صارت تبكي وتشهق من البكاء
تركي قعد بجنبها وبحنيه:غيوض وش فيك تكلمي وناظر ايدها الي كانت ماسكه رجلها وعرف أنه رجلها تعورها وبخوف: وش الي يعوركي بالضبط
غيوض بداخلها(قلبي الي يعورني تعبت ياتركي متى تحبني الحين فقدت الأمل في حبك بعد ماطحت من عينك) غيوض كانت تبكي من القهر من كلامه مو من رجلها وصارت تبكي وشهقاتها صارت تعلى
تركي بحنيه:غيوض ليه تبكين لهدرجه يعورك تبيني أشيلك قولي وش أسوي
غيوض أكتفت بالبكاء وصارت تبكي الا أن داخت في حضنه
تركي خاف وصار يهزها:غيوض غيوض غيوض قومي مو وقتك

&&&&&&&&&&&&&&
عند الشباب
خالد يضحك:هههههههههههه فزنا عليكم
راشد بسخريه:لالالالا خساره مرتين في اليوم قويه .قويه والا مو قويه
فهد وفيصل الي كانوا يشوفون فلم:قويه
سعود:فوزكم بالغش
خالد:بإيش غشينا كل مافزنا قلتوا غشينا
أيمن:قاعدين تبدلون الورق عيني عينك وتأشرون بعض وتقولون ماغشينا
راشد:أقول بس عذر البليد مسح السبوره
أيمن:بتشوفون الغش على أصوله بس خلوا تركي يجي أما سعود مايحب الغش
راشد:على طاري تركي وين طس ماصار يجيب لنا بيبسي
فيصل:الظاهر أنه راح يجيبه من المصنع
فهد:لا وأنت الصادق قاعد يصنعه
الشباب:هههههههههههههههههه
&&&&&&&&&&&&&&
عند تركي وغيوض
تركي ماسك غيوض وصار يهزها:غيوض قومي وبحيره:ياربي ألحين وش أسوي
تركي حط غيوض على الأرض وراح ركض للمطبخ وبأرتباك:وين المويه ياربي وين يحطونه وضرب جبينه بإيده:وش الغباء الي عندي وفتح الثلاجه وأخذ مويه بارده ورجع عند غيوض وحط مويه على إيده ومسح بوجه غيوض
تركي :الظاهر ماينفع كذا
ومن غير تفكير كب شوية مويه عليها
غيوض شهقت من البروده وفتحت عينها
تركي يوم شافها فتحت عينها تنهد بإرتياح :أفففففف الحمدالله وجلس بجنبها
تركي:كيفك ألحين
غيوض هزت راسها بتمام
تركي عطاها مويه:أشربي مويه علشان تتنشطين
غيوض شربت المويه وكانت تبي تقوم
تركي قام بسرعه ومد أيده علشان يساعدها على الوقوف بس غيوض تجاهلت أيده وقامت
غيوض:مابي مساعدتك ولا ابيك تلمسني أبد وهي تبكي:أنا أكرهك ياتركي أكرهك
وراحت تركته
*
رجع تركي عند الشباب وهو مقهور ومعصب
راشد:بدري كان نمت
تركي:
فهد:وين البيبسيات ليه ماجبته معك
تركي وماله نفس يتكلم:وين مفتاح السياره
أيمن بإستغراب:تركي وش فيك؟
تركي أخذ مفتاحه:مافي شئ
سعود:تركي وين رايح
تركي:ماأدري. وطلع
راشد بقلق:تركي وقف بس تركي ماسمعه

&&&&&&&&&&&&&&
طلعت غرور من الحمام وراحت للغرفه شافت غيوض قاعده تبكي
غرور بخوف:غيوض وش فيك
غيوض:تركي ياغرور تركي
غرور قربت منها وبقلق:تركي وش فيه سوى لك شئ
غيوض وهي تشهق:تركي قال لي طحتي من عيني تركي مايحبني ياغرور مايحبني وصارت تبكي
غرور ضمتها:غيوض أهدي وفهميني
غيوض قالت لها كل الي صار
غرور بعدم تصديق:وأنت كيف رحتي هناك شلون جاتك الجراءه
غيوض من بين شهقاتها:مو مهم كيف رحت المهم وش قال تركي
غرور:خلاص ياغيوض يمكن قاله بلحظة غضب
غيوض:لا أنت ماتفهمين هو مايحبني
دخلت جنا وشموخ
جنا:وش فيها غيوض
غرور:مافيها شئ هي طاحت وتعورت في رجلها
شموخ:خليني أشوفه
جنا:ليه بتسوين فيها دكتوره
شموخ:أنا دكتوره مايحتاج والا نسيتي أني في كلية الطب
شموخ تفحص رجل غيوض :عادي هذا مجرد ألتواء بسيط
غرور بسخريه:يعني ألحين قلتي شئ جديد
شموخ:ياخي ماتعرفون تجاملون ماتخلون الواحد يتفلسف شوي
جنا بمزح:خلوها تتفلسف وتطلع مواهبها المكبوته

&&&&&&&&&&&&&&
تركي كان يسوق السياره بسرعه جنونيه
وكان مايسمع غير كلمات غيوض تتردد في أذنه
أنا أكرهك ياتركي




أكرهك



أكرهك

نزل الدموع من عينه:آه ياغيوض مابكيت من زمان والحين بكيت على أيدك
ليه ياغيوض ليه
وماشاف قدامه من الدموع وصدم في الأشاره
*
بعد ساعتين الساعه 6الصباح
تركي دق على راشد وبتعب:الو راشد
راشد بقلق:تركي أنت وين وش فيه صوتك
تركي:راشد أدق على أيمن جواله مسكر هو وين
راشد:أيمن نايم فيه شئ
تركي:لا بس أبيك تجي تأخذني من مركز الشرطه
راشد بخوف:شرطه ليه وش صار
تركي:مافي شئ بس أنت تعال وأنا أقولك وش صار
راشد:وين المركز
تركي عطاه المكان:راشد لاتخبر أحد
راشد:أوكيه أصلاً الكل نايم
*
بعد ربع ساعه كان راشد وتركي في السياره
راشد:شلون سويت الحادث
تركي بتفكير:ماأدري
راشد:حمدالله على سلامتك تبيني أوديك المستشفى
تركي بتعب:لا مايحتاج
راشد:ألحين نروح المزرعه ترتاح شوي والسياره ربي يعوضك بغيرها
تركي تنهد بضيق:راشد معليش لف شوي بالسياره مالي خلق أروح المزرعه
راشد:أوكيه وبتردد:تركي وش فيك ليه طلعت معصب وش صار
تركي:مافي شئ
راشد سكت ماحب يضغط عليه

&&&&&&&&&&&&&&
البنات كانوا يتمشون
شموخ:غيوض تعبتي تقديرين تمشين
غيوض:ايه يادكتوره مشكوره
شموخ:العفو ماعملتش حاجه
جنا:الحين لمتى نتمشى
غرور:ليه وش تبين؟
جنا:جوعانه
حنان:حتى أنا
غرور:قوموا نروح المطبخ نسوي أندومي
جنا:لا ماأبي أندومي
شموخ:وش تبين
جنا بتفكير:أمممممممممم همبرجر
غيوض:همبرجر!!!!!!!!!
جنا:ايه همبرجر وش فيها
شموخ:فيها أنه ثقيل على المعده في الصبح بعدين بطنك بيعورك
جنا:خلاص مشتغله فينا اليوم الظاهر تطبقين كلام ايمن
شموخ:لا هذا الصدق
جنا:خلاص نأكل بيض
حنان:ماشاءالله عليك ماأدري كيف ماسمنتي وجسمك حلو
جنا:أسوي رياضه

&&&&&&&&&&&&&&
في الليل
الرجال في بيت الشعر والبنات وراء بيت الشعر يسمعونهم بهدوء
كان وليد يغني وصوته كان عادي
وتركي كان يدق بالعود
راشد:سعود غني لنا أغنيه
ابو فهد:ليه سعود صوته حلو
ابو تركي:أيه صوته حلو بس من زمان ماسمعناه يغني
فهد:ياللا سعود غني
سعود بإحراج:لالالالا أسف أساساً نسيت الأغاني
خالد:بلا كذب ياسعود
سعود:معليش أعذروني ماأقدر أغني
أيمن:ياللا لاتدلل علينا والا بس لزوجتك
سعود:هههههههه لا من جد نسيت الغناء
وليد بزعل:الحين ماتشوفوني قاعد أغني صوتي مو عاجبكم
أيمن يواسيه:ألا بس حابين نسمع أصوات ترد الروح
سعود:خلوا تركي يغني صوته أحلى مني
فهد:صدق وليه من أول ساكتين خليتونا نسمع صوت النشاز وليد
وليد:نشاز بعينك
*
حنان:حرام حطموا وليد
غيوض بعدم تصديق:تركي صوته حلو
شموخ:صوته رووووووووووووووعه دائماً يغني وهو يلبس وهو ينزل من الدرج أذا كان رايق
جنا:ياحظ زوجته
غيوض حست بوجع في قلبها(ياليت أكون أنا بس الظاهر لا)
غرور:ياليت زوجي يطلع صوته حلو علشان دائماً يغني لي
حنان:مايحتاج أنت صوتك حلو أنت الي بتغني له
غرور تسكتهم: أششششششش خلونا نسمع
*
فهد:ياللا غني
تركي:وش تبون أغني لكم
أيمن:اي شئ
تركي:اوكيه وغنى
ساعات أحس أن الزمن قاسي قاسي ولا يمكن يلين
وسااااااااعات ساعات أحس أن الفرح محال لايمكن يحن
هذا الي شفته بدنيتي كل مامضى لي من سنين
هذا الي شفته بدنيتي كل مامضى لي من سنين
يامن يعلمني الفرح ويفرح القلب الحزين ويفرح القلب الحزين
أشكي مرارة حيرتي بدنيا ماظني بتزين
وأذا بدا بعيني الأمان تجد أحزاني وتبين
روح زماني وأنتهى وتركني بجرح الدفين
دنيا كفى الله شرها تخلي كل قاسي يلين
تخلي كل قاسي يلين
ساعاااااااااااات

أبوفهد:الله
أيمن:ياسلام عليك
راشد:غني فقدتك
تركي غناها
فقدتك ياأعز الناس فقدت الحب والطيبه
وأنا من لي في هالدنيا سواك أن طالت الغيبه
*
غرور دمعت عينها:واااااااو رووووووعه
جنا:فظيع
حنان:صوته جناااااان
شموخ:قولوا ماشاءالله على أخوي
جنا:ماشاءالله لاتخافين ماراح ننضله
حنان شافت غرور وهي تمسح دموعها:غرور ليه تبكين
الكل ألتفت لها
غرور:ولا شئ
جنا:كيف ولا شئ وأنت تصيحين
غرور:تذكرت أبوي الله يرحمه
الكل:الله يرحمه
غيوض تصرف:بنات ماني حابه أصيح أسكتوا خلونا نسمع
غرور:هههههههه أيه والله أنها صادقه
*
فهد:تركي طلعنا من المود الحزين وغني أغنية حب
تركي:تآمر أمر
أبي حبك معي يكبر وابي أهواك أنا أكثر
وأبي أهديك أنا دنياي وكل الي عليه أقدر
حبيبي أنت أحساسي ونبض القلب وأنفاسي
لو صار الزمن قاسي عشان عيونك أنصبر
غرامك كل يوم يزود ولا يعرف مدا وحدود
غرامك كل يوم يزود ولا يعرف مدا وحدود
عيوني في هواك شهود يارب مايوم يتغير
عشانك كل شئ يهون لأنك حبي المجنون
ياأحلى مافي هذه الكون صحيح يحق لك تغتر
أبي حبك معي يكبر وابي أهواك أنا أكثر
وأبي أهديك أنا دنياي وكل الي عليه أقدر

فهد بحماس:ياسلام عليك كأنك تحس فيني هذه الأغاني ولا بلاش
ابوفهد يضرب كفه ببعض:لا ولدي أستخف
فهد:وبستخف أكثر أذا مازوجتوني بدري
ابوفهد:وليه العجله أعقل شوي
وليد:وين العجله زوجوه خلونا نفتك من هباله
فهد رمى عليه المخده:مالمهبول الا أنت
الكل:هههههههههههههههه
*
شموخ:ياعيني على الحب
غرور:لالالالالالالالالا ماأدرش على كدا
جنا:الرجال أنتهى وطاح وماأحد سمى عليه
حنان بأحراج:خلاص بنات عاد
رن جوال جنا:هذه شهد
غرور:ياغثها روحي كلميها بعيد خلينا نسمع
جنا قامت وتقدمت بحيث صارت قريبه شوي من باب الشعر

*
فهد:غني ياتركي
تركي:هذه الأغنيه وسكت كان وده يقول للمثلي أنا
مشكلتي أهواه وحبه هو مجنني
والمشكله عن هواي ماهو بداري
أخاف أبوح بهواي لايخجلني
وأخاف يزعل علي ويزيد في ناري
محتار مدري شسوي حيل شاغلني
مدري أعذره عشانه ماهو فاهمني
ولا ألومه عشانه سبة أمراري

خالد:أنا بروح أجيب لكم قهوه تبون شئ
أيمن:ايه نبي بيبسي
فهد:كلنا نبي بس لاتختفي مثل تركي وترجع أيدك فاضيه
الشباب:ههههههههه

*
عند البنات
غرور:اشششششششششششش يابنات خالد طالع لايسمع صوتنا

خالد طلع وسمع صوت ضحك على الخفيف أستغرب ولف مكان الصوت شاف جنا
تكلم وماهي حاسه
جنا:لا بعد كم يوم بنسافر
خالد أنبهر بشكلها وكلامها وضحكها
جنا كانت لابسه تنوره قصيره أسود وبلوزه ليلكي وكان شعرها مفتوح ويتحرك مع الهوا
خالد قعد يناظرها وجنا كانت مو منتبهه
خالد بأستغراب(هذه وش تسوي هنا)
جنا:أوكيه مع السلامه
خالد راح بسرعه علشان ماتنتبه له

*
عدا اليوم
غرور كانت متضايقه علشان تذكرت أبوها
غيوض كانت تصيح من القهر من تركي(والله ياتركي أحبك ذبحتني)
حنان كالعاده مبسوطه مع فهد
شموخ(أيمن وش يسوي هنا ,يالله وش هالصدفه دكتوري يطلع صديق تركي)
جنا في سابع نومه ههههههههههههههه

تركي(ياربي أنك تحلها من عندك ياربي ليه ماحبيت الا وحده ماتحبني ولا تفكر فيني)



نهاية البارت

عارفه البارت الثامن قصير بس ياللا أحمدوا ربكم نزلته خخخخخخخخخخخخخخخخخخخخخخخخ

أمزح معكم ياللا


توقاعتكم مع أنه ماوقفت على حدث بس بعد توقعاتم

دعواتكم

البارت التاسع




خلصت الأجازه والكل رجع لبيته
*
في غرفة حنان
حنان بضيق:ياربي من فهد قدم زواجنا وخلاه في الصيفيه
غرور:طيب حلو ليه متضايقه؟
حنان:كيف حلو 3شهور ماتكفي أتقضى فيها أو أفصل فستان العرس أو أهتم بشكلي وبشرتي
غيوض:وليه التعقيد بنخلص كل شئ بسرعه كل يوم نروح نخلص شئ وبكره أنا بجيب لكم كتالوجات فساتين العرس
غرور:وبكره كمان نروح نرتب جلسات لتنظيف البشره
شموخ:والحريم الكبار نخليهم يساعدونا في السوق
حنان:الحريم ذوقهم مو حلو
غرور:عادي أي شي مايعجبنا نغيره
غيوض:وخلود بعد بنخليها تساعدنا
شموخ:والسواقين موجودين
حنان بقلق:يعني تتوقعون بنخلص كل شئ بدري
غرور:أكيد بس أنت لاتخافين ولاشئ
وبدوا البنات كل يوم في السوق وخلصوا كل شئ

*&&&&&&&&&&&&&&&&
قبل الزواج بثلاث أسابيع
في مجلس الرجال
سعود(الله يستر من جيتكم):هلا عم حياك
أبو يوسف:هلا فيك
يوسف بغطرسه:كيفك سعود
سعود بداخله(بخير دام أنتم بعيد)ومن غير نفس:تمام وأنت
يوسف يقعد وبنفس الغطرسه:الحمدالله
أبو يوسف:كيفك وشلون أخواتك وأمك
سعود:بخير الحمدالله
أبو يوسف:ليه ماتسألون عنا مكأن عندكم عم
سعود(وش نهاية المحبه والمقدمات):كومار جيب القهوه والشاي
*
بعد ماخلصوا شرب القهوه والشاي
أبو يوسف:أسمع يا يوسف بدخل بالموضوع على طول
سعود بقلق:يكون أحسن
أبو يوسف:أحنا جاين نبي غرور ليوسف وش قلت

*أبو يوسف عم غرور وغيوض يكون أخو أبوهم من أب فقط

&&&&&&&&&&&&&&
في غرفة غيوض وغرور
شموخ بملل:حنان ياللا ماصارت تلبسين
حنان بصوت عالي:الثوب ثقيل ماعرفت ألبسه
غرور:أجي أساعدك
حنان:ياليت
غرور راحت تساعد حنان وبعد عشر دقايق طلعت حنان وكانت لابسه ثوب العرس وطلعت روعه كان قصة الثوب من فوق على شكل قلب وضيق ألى الخصر عليه كرستالات وكان شفاف من الجوانب والظهر مفتوح وعليه ربطات بعدين من بعد الخصر يكون بف على شكل كيكه والذيله طويله يعني الثوب كان خياااااااال
شموخ صفرت بأعجاب
غيوض:واااااااااااااااااااو روووووووووووووعه
حنان بفرح:حلو؟
شموخ:وش حلو الا قولي جنان
جنا:فظيع
غيوض:طالع عليك يهبل
حنان بفرح دمعت:مشكورين الله يخليكم لي
غرور:ألحين ليه تبكين؟
حنان:من الفرح وبعد أحس بتوتر مابقى على زواجي الا ثلاث أسابيع
جنا:لا تتوترين ولا شئ صديقاتي يقولون الزواج حلو بعدين لفي شوي خلينا نشوفك عدل
حنان لفت:بنات وين أمي
غيوض:أمي وأمك وأم تركي وخالتي راحوا السوق
حنان بأستغراب:ليه وش عندهم في السوق موخلصنا كل شئ
شموخ وهي تغمز لها:يقولون في أشياء ماخلصوها

&&&&&&&&&&&&&

في مجلس الرجال
سعود بدهشه:غرور؟!!!!!!!!!!!تبون غرور ليوسف
يوسف بوقاحه:أيه أنا ليه مو عاجبك
سعود(لا مو عاجبني):بس أنت متزوج
يوسف:لا مو متزوج مطلق
سعود:مطلق!!!!! هذه ثاني مره تتزوج وتطلق
أبو يوسف:هذا نصيب ياولدي وش قلت موافق
سعود:لا والله أسف غرور صغيره على الزواج
أبو يوسف:أي صغيره الله يهداك
يوسف:أنت روح أسألها أكيد بتوافق
سعود(ياغرورك من زينك علشان توافق عليك بتدخل الأربعين وتبيها توافق):يصير خير أسألها وأرد عليكم بكره
يوسف:وليه بكره أسألها ألحين
أبو يوسف:سعود روح نادها أنا بسألها
سعود تنرفز:نعم؟!!!!!!
أبو يوسف:عادي أنا عمها ولا نسيت
سعود يناظر يوسف:لا مانسيت بس
قاطعه أبو يوسف:لا بس ولاشئ وأن كان قصدك على يوسف عادي هو ولد عمها خلها تتغطى وتجي

&&&&&&&&&&&&&&
عند البنات
دخلت كالي:غرور كلاص هدا كلو جاهز
غرور:أوكيه
كالي:يبقى شئ تاني
غرور:لا خلاص روحي
حنان بتسأول:وش فيه؟
غرور بإبتسامه:ولا شئ
حنان تتلفت على البنات:وش فيكم تبتسمون ؟في شئ صح؟
غيوض أخذت ربطه وربطت عيون حنان
حنان:أي عيني وش تسوين؟
جنا:أمشي وعن القافه
حنان حاطه أيدها على الربطه:ماشوف شئ شلون أمشي
شموخ:أحنا نمشيكي بس أنت أسكتي
ونزلوا باللفت وراحوا للملحق
غيوض بهمس:تأكدوا كل شئ تمام
شموخ تناظر حولها وبهمس:أيه
حنان:يمه خوفتوني ياللا عيني عورتني
غرورتبي تفك الربطه:مستعده
حنان:ايه خلصوني
غرور فكت الربطه والكل :سبرايز
حنان تفاجاءت
كان الملحق مزين بالبلونات وكان كل الطاولات مزينه بالشموع وكان في زاويه
فيها طاوله وعليها هدايا
وخلود كانت على الأستيرو وحاطه موسيقه هاديه
حنان والدموع ماليه عينها:هذا لي
خلود بإبتسامه:أيه لكي أجل لي
حنان:وأنت من أول هنا كنت أحسب أنك رحتي السوق
خلود بأبتسامه:وأفوت هذه الحفله مايصير
حنان حضنت كل وحده فيهم:مشكورين على كل شئ تعبتوا نفسكم
غرور:ولو كم حنان عندنا بعدين فكرنا لازم نسوي لك حفلة توديع العزوبيه علشان ماتنسينها أبد
غيوض:ياللا خلونا نحتفل ونرقص
البنات بحماس:ياللا
حنان تناظرهم وتخصرت:بس أنا مو كاشخه زيكم كلكم كاشخين الا أنا وأنا أقول وش فيكم كاشخين أتاريكم مسوين حفله
غرور:والحفله لمين مو لك
غيوض: بعدين عادي أنت حلوه من غير ماتكشخين
حنان:لا والهي أروح البس واجي
جنا:لالالالالالالا ماله داعي خلينا نرقص وننبسط
شموخ:صح أهم شئ البسطه
*غرور كانت لابسه فستان أسود قصير للركبه علاقي وماسك على الجسم طالع عليها خيال وجزمه كعب أحمروكانت حاطه بس كحل أسود روج أحمر
أما غيوض كانت لابسه فستان طويل لونه أخضر ماسك من عند الخصروحاطه شدو أخضر خفيف وروج فوشي
أما شموخ فكانت لابسه تنوره سكيني بيضه قصيره للركبه وبلوزه بيضه ضيقه ماسك على جسمها وحاطه حزام أصفر ولابسه جزمه صفره وحاطه شدو خفيف لحمي وروج لحمي
أما جنا كانت لابسه فستان قصير رمادي واسع وحاطه حزام ذهبي خفيف على الخصر وجزمه ذهبيه وحاطه شدو رمادي وروج وردي
أما حنان فكانت لابسه بنطلون برموده جينز وبلوزه واسعه بيضه وعليه كتابات ملونه ولابسه جزمه ارضيه ملونه وكانت بس حاطه كحل ازرق وقلوس وردي
دق جوال غرور وهم يرقصون
غرور:وطوا الصوت شوي:الو هلا سعود
سعود:وش هالأزعاج
غرور:مسوين حفله ليه وش تبي
سعود:غرور ألبسي عباتك وتعالي المجلس
غرور بقلق:ليه وش فيه؟
سعود:عمي أبو يوسف وولده يوسف يبونك بموضوع
غرور:وش يبون مابي أشوفهم
سعود بهدوء:غرور يوسف خطبك ويبي يسمع رايك
غرور بصدمه وبصوت عالي:خطبني !!!!!!!!!!!!!!
خلود طفت المسجل
سعود:أيه
غرور:ليه ماقلت له مو موافقه؟
سعود:قلت له بس يبون يسمعون رايك
غرور بخوف:سعود مابي أشوفهم
سعود:غرور لاتخافين أنا معك أنت قولي رايك وأطلعي
غرور:أوكيه باي
غرور سكرت وجلست على الكرسي
خلود:غرور وش فيك
غرور بخوف:عمي أبو يوسف خطبني ليوسف ويبون أطلع علشان يسمعون راي
غيوض بعصبيه:والله هذولا واثقين من نفسهم على بالهم راح نوافق بعد الي سوه
غرور وهي ترتجف:ياربي وش أسوي
شموخ:وش تسوين يعني روحي قولي لا
غرور:أنا خايفه
خلود:ليه تخافين مو سعود معك
غرور:ايه أجل خلوني ألبس عباتي واروح لهم

&&&&&&&&&&&&&

في سيارة راشد
راشد:هلا يبه شلونك
أبو راشد:تمام هابشر وش صار
راشد :لا أبشرك أخذنا الصفقه
أبو راشد بفرح:لا الحمدالله ,الله يبشرك بالجنه قول آمين
راشد:آمين
أبو راشد:وشلون جنا وأمك خلصو كل شئ يبونه
راشد:أيه لا تخاف بالذات على جنا بتأخذ حقها وزياده
أبو راشد:هههههه الله يخليها لي هي البنت الوحيده بينكم
راشد:والدلوعه
أبو راشد:وش فيك على أختك
راشد يضحك:ههههههه مافي شئ
أبو راشد:أنت وين
راشد:توني طالع من الشركه ورايح بيت خالتي
أبو راشد:ياللا أجل سلم على الجميع
راشد:أن شاءالله توصي شي
أبو راشد:أيه دير بالك على أمك وأختك
راشد:لاتوصي حريص

&&&&&&&&&&&&&
في مقهى د.كيف
أيمن:تركي ماصارت العصبيه الي أنت عايش فيها خلاص أنساها
تركي يشرب قهوه :الكلام سهل
أيمن:أنا عارف أنه مو سهل بس وش بيدك تسوي
تركي:ولا شئ
أيمن:تركي أنت عاجبك شكلك
تركي من غير مباله:وش فيه شكلي؟.
أيمن:تركي لا تستهبل شوف شلون ضعفت شوف تحت عيونك شلون أسود
تركي بحزن:مو بيدي ياأيمن أنت ماتعرف وش كثر أحترق دائماً أسمع صوتها في أذني يوم تقول أكرهك آه ياأيمن أحس الدنيا ظلمه وتدور فيني
أيمن بهدوء:تركي حرام الي تسوي حاول تنساها
تركي بشرود:أنا فكرت أسافر
أيمن:حلو خذ أجازه وسافر غير جو
تركي:لا أنا فكرت أسافر للأبد
ة أيمن تفاجاء:أيش؟!!!!!!!!!!!!!!
تركي:هذا أحسن حل
أيمن بعصبيه:يعني أذا سافرت بتنساها بعدين بتترك أهلك وشغلك ليه
تركي بضيق:أيمن أنا محتار مأدري وش أسوي أحس أني فقدت الأمل بحبها أحس أني مختنق بموت
أيمن أنكسر خاطره على حالة صديقه:أسمع أنا وأنت بعد الزواج نأخذ أجازه ونسافر ومابي أسمع أي أعتراض

&&&&&&&&&&&&&
في مجلس الرجال
دخلت غرور وهي متلثمه وبصوت واطي من الخوف:السلام عليكم
أبو يوسف:تعالي يابنتي كيفك
غرور وقفت قريب من الباب وماتحركت:حمدالله وقعدت تناظر نظرات يوسف لها وإبتسامته المقرفه
غرور(الله يأخذك من زين الأبتسامه صلح أسنانك بالأول بعدين أبتسم)
سعود بهدوء:غرور عمي يكلمك
غرور:ها وش قلت
أبو يوسف:قلت نبي نخطبك ليوسف وش قلتي
غرور بتلقائيه:قلت لا
يوسف:أيش!!!!!!!!!!!!
غرور:الي سمعته لا ماني موافقه
أبو يوسف:وليه
غرور:مافي سبب أنا ماأفكر بالزواج
يوسف قام بزعل:ومين أنت علشان تشوفين نفسك أساساً المفروض تحمدين ربك أني جيت أستر عليك ولا في واحد يقبل بوحده مثلك مدري على أيش شايفه نفسك
أنت وأمك المغرو.
وقطع كلامه بكس على وجهه

&&&&&&&&&&&&&&&&&&&&&&&&

&&&&&&&&&&&&&&&&&&&&&&&&

أم راشد:كل شئ كامل والا في شئ ناقص
أم حنان:لا ,خلصنا كل شئ كامل
أم تركي:أجل خلونا نروح البيت نشرب قهوه راسي يوجعني من اللف والدوران
أم سعود:بدق على كالي تسوي قهوه وعشاء
أم تركي:لا ليه العشاء أحنا بنروح بيتنا
أم راشد:وين تروحون البنات اليوم مسوين حفله
أم حنان:حفلة أيش؟
أم سعود:حفله لحنان مدري وش أسمها
أم راشد:حفلة توديع العزوبيه على قولتهم
أم حنان:والله هذولا البنات عليهم حركات غريبه
أم تركي:خليهم ينبسطون بكره بينسون هذا كله أول مايتزوجون ويجيبون عيال
أم سعود:والله أنك صادقه ,هذا كومار جاء خلونا نركب

&&&&&&&&&&&&&&&
في مجلس الرجال
سعود ضرب يوسف بكس على وجهه وبعصبيه:لا تجيب سيرة أمي على لسانك
أنت فاهم
غرور صارت تبكي وطلعت تركض وصدمت براشد وكانت بتطيح بس راشد مسكها
وخلاها توقف وتركها
راشد تأوه من قوة الصدمه:آه أنت ماتشوفين وماكمل كلامه يوم شافها تبكي
راشد بقلق:غرور ليه تبكين وش فيه؟
غرور وهي تبكي:راشد أمانه ألحق بيذبحون بعض
راشد بخوف:مين؟
غرور بعجله من الخوف:راشد بسرعه سعود بيذبحه أمانه بسرعه
راشد ركض بسرعه المجلس وشاف سعود ويوسف يتضاربون وأبو يوسف يحاول يفرق بينهم
راشد مسك سعود:سعود أهدا وش فيك
أبو يوسف مسك ولده:خلاص أنت وياه
سعود بغضب:راشد أبعد عني خلني أأدب الحقير
راشد يناظر يوسف بعصبيه لان عارف أن سعود مايعصب على الفاضي:سعود خله وأهدا وفهمنا

&&&&&&&&&&&&&&&&
الحريم وهم داخلين البيت
أم سعود:ههههه عاد عندك وعندي خير عاد غيوض عندها الأجابات جاهزه على كل كلمه ترد بعشره
أم راشد:بس زي جنا ماشفت ,متعبه ماتسمع كلامي تقول لا هذا مو حلو وأبوها يشجعها مدلعها على الأخير
أم تركي :كل البنات مو بس جنا أنا شموخ تقول ذوقكم يالحريم مو حلو أحنا جيل جديد ولنا ستايل جديد
أم حنان:ههههههههههههههههه جيل جديد والله جيل خربان
أم تركي:الله يهديهم
الكل:آمين
أم سعود:خلونا ندخل الملحق نشوف البنات وش مسوين
*دخلوا على البنات شافوا غرور تبكي والبنات حولها
غيوض بعصبيه:وأنت بس تبكين كان طلعتي نعالك وضربتيه على راسه
أم سعود بقلق:وش فيه
البنات كلهم سكتوا
أم حنان:أحد يتكلم
غيوض بعصبيه:هذا يوسف جاء هو وابوه يخطب غرور و.
قاطعتها أم سعود بدهشه:يوسف خطب غرور؟
غيوض تكمل:ايه ويوم رفضت قالها على وش شايفه نفسك أنت وأمك المغروره
أم سعود تنرفزت:والله لأوريه قليل الأدب وطلعت وهي موصل حدها
*
دخلت أم سعود المجلس الكل وقف كان يوسف وأبوه بالصادره وكان على اليمين جهة يوسف راشد
وباليسار جهة أبو يوسف سعود
سعود:يمه
ام سعود مشت متوجه ليوسف بكل ثقه وشموخ وعطته كف قوي الكل ماتوقعها
أم سعود:هذا علشان الكلام الي قلته وعلشان تجراءت وخطبت غرور
يوسف بعصبيه وبكل وقاحه رفع أيده علشان يضرب أم سعود بس وقفته يد راشد
راشد من بين أسنانه:نزل أيدك لأكسرها لك
سعود قرب بعصبيه علشان يضربه:يالحيوااااااااان تتجراء وترفع أيدك
جاءلهم صوت وقفهم:سعووووووووود

&&&&&&&&&&&&&&&&&&&&&&&
في الأمارات
وعد:بابا ليه مانروح الرياض؟
أبو نور:وليه نسافر وش لنا بالرياض
وعد:تمشيه وبالمره نحضر زواج حنان
أبو نور:أنا الحين مشغول وعندي شغل مع عمك ومااقدر أسافر واترك الشغل
وعد بملل:عادي نروح مع فيصل ونور
ابو نور:لا مافي روحه تبين تتمشين أمشيك هنا
وعد بزعل:أفففف والله طفشت أبي أسافر الرياض
أبو نور قام :أروح اشوف شغلي أفضل من الحنه وطلع
نور:وعد وش سر المحبه للرياض؟
وعد:أبي أشوف راشد
نور:وش تبين فيه؟
وعد بملل:نور أنا أحبه أخاف يروح مني
نور:وأذا راح خليه يولي
وعد :نور أفهميني أنا تعلقت فيه دائماً يقولون راشد لوعد ووعد لراشد
نور بعطف:حبيبتي أذا كان فيه خيره لك بتاخذينه
وعد بطفش:أفففففف أحس مااحد فاهمني وطلعت غرفتها

&&&&&&&&&&&&&&&&&&&
في الرياض وبالتحديد في مجلس أم سعود
أبو تركي:سعوووووووود
سعود ناظر بأتجاه الباب:عمي!
أبو تركي دخل ومعه تركي وأيمن:السلام عليكم
الكل:وعليكم السلام
أبو تركي:خير وش فيه؟.وناظر أخوه أبو يوسف:ليه جيت وش تبي هالمره؟
أبو يوسف:أحنا جينا نخطب يوسف لغرور
أبو تركي أنصدم بس مابين:طيب أجلسوا وش رايك ياأم سعود؟
تركي بداخله(من زين وجهك جاي تخطب)
أم سعود وهي تجلس:مو موافقه والبنت بعد مو موافقه
يوسف بصراخ:مو على كيفك
أبو تركي بصرامه:يوسف أحترم نفسك
يوسف بوقاحه:مابي وأنت وش دخلك؟
تركي قام بعصبيه:أنا بعلمك وش دخله .بس وقفته يد أبو تركي
أبو تركي:أجلس
أبو يوسف:ياسيوف
قاطعته أم سعود بصرامه:أم سعود أسمي أم سعود
أبو يوسف بأحراج:أم سعود البنت مالها الا ولد عمها يتزوجها ويستر عليها
أم سعود:والبنت ماتبي ولد عمها وبعدين غرور ماتحتاج واحد مثل ولدك يستر عليها
يوسف بأستفزاز:وش فيني أنا احسن مني ماراح تلاقون
راشدبداخله(يالواثق)وببرود:بس البنت مخطوبه لي
الكل تفاجأ
أبو يوسف منصدم : مخطوبه لك!!!!!!!!!!!!
راشد ببرود:أيه موأنا ولد خالتها
أم سعود عجبها الوضع:وخطوبتها الخميس الجاي وقامت:تفضلوا من غير مطرود النقاش أنتهى
أبو يوسف:بس
أبو تركي:أبو يوسف أتوقع أنك سمعت الجواب
راشد أشر بإيده على الباب بأستهزاء: سمعتوا وش قالت خالتي تفضلوا
يوسف بصراخ:والله لأوريكم
دفه سعود بعصبيه:أقول أطلع برررررررررررره
طلع أبو يوسف وهو يسحب ولده
وهم عند الباب
كان يوسف يصارخ:والله أواريهم على وش شايفه نفسها الـووووووووووو .وماخلا ولا كلمه من السب الا وقالها
خالد سمعه وتقدم منه ومسكه من ثوبه ولزقه بالجدار :وش قلت؟ ماسمعت وسحبه وضربه بالجدار مره ثانيه ونزل فيه ضرب
أبو يوسف بصراخ وهو يحاول يفك ولده من أيد خالد:أبعد بتذبح الولد
بس كان خالد مايسمع ولا كلمه
سمعوا الرجال أصوات صراخ فطلعوا كلهم
أبو تركي:خالد ذبحت الولد
سعود:زين يسوي فيه
تركي وأيمن سمعوا سعود:هههههههههههههههههههه
أبو تركي وراشد حاولوا يفكون خالد
خالد بعصبيه:والله ماأفكه الحيوان يسب غرور وخالتي والله موته على أيدي
سعود:لا وأنت الصادق على أيدي وطب مع خالد>>سعود كان يبيها من الله
بعد جهد وتعب قدروا يفرقونهم
يوسف طلع من أيدهم وهو مغرق دم
أبو يوسف:والله لأشتكي عليكم الشرطه وأدخلكم السجن
تركي بكل ثقه:لا تتعب روحك لأن ماأحد داخل السجن غيرك أنت وولدك أذا جوا الشرطه نقول أنكم أعتديتوا علينا وأحنا دافعنا
عن أنفسنا يعني هذا الطق دفاع عن النفس
سعود:بأختصار أعلى مافي خيلكم أركبوه
طلعوا وهم واصل حدهم
&&&&&&&&&&&&&&&&&&&&&&&&

عند البنات
غرور بحماس:ياحبي لخالد وسعود فديتهم زين سوا فيه بردوا قلبي
حنان:ايه والله يالبى قلبهم
جنا:والله حتى راشد يهبل
شموخ:والا كلام تركي الي خلاه يخاف ياسلام عليهم
خلود بدلع:والله أحسن واحد زوجي وحبيبي سعود رجااااااال
غيوض:ايه فديته سعودوبداخلها(وتركي بعد)
الأمهات يناظرون بعض:هههههههههههه
أم تركي:ياحبكم للشر بس
أم راشد:قالوا وين أهل الشر "حاضرين" وين أهل الخير"غايبين"

&&&&&&&&&&&&&&&&&&&&&&
عند الرجال بعد ماجلسوا وهدوا
أم سعود:أنتم وش عرفكم؟
أبو تركي:أحنا دقت علينا شموخ
خالد:وأنا دقت علي حنان
أم سعود:أبو يوسف متى نخلص من مشاكله ماادري
سعود بتهديد:لكن أن جاء هالمره ياويلهم مني ولاأحد يقولي عمك وولد عمك هم ماأحترمونا ليه نحترمهم
أبو تركي:سعود أنا أعرفك عاقل ماأدري وش فيك اليوم
سعود بعصبيه:هم خلوا فيها عقل ذبحونا
خالد:أيه والله أنك صادق
راشد قام:خالتي ممكن شوي
الكل فهم وش يبي راشد
*
خارج المجلس
راشد:خالتي أنا عارف الطريقه الي خطبت فيها غرور خطاء بس أنا.
قاطعته أم سعود:أسمع ياولدي أنا عارفه أنك تبي تنقذ الموقف وأنت مو مضطر تكمل الخطبه
قاطعها راشد بسرعه:لالالالا خالتي أنت فهمتي غلط أنا أبي غرور وأبي الملكه الخميس بس أنا قلت يمكن أنتم ماتبون أو البنت ماتبي وأني خطبتها من غير أمي أو أبوي
أم سعود بفرحه:أحسن منك ياراشد ماراح نلاقي أنا بالنسبه لي موافقه بس بسأل غرور
راشد: تمام
&&&&&&&&&&&&&&&&&&&&&&
عند البنات
حنان جلست بزعل:يوووووووووووه حسبي الله عليهم خربوا الحفله مامدانا نرقص وننبسط
غرور جلست بجنبها:وأحنا فيها الحفله مابدت وراح نكملها
جنا:ايه والله بالعكس الحين صارت البسطه بسطتين بسطة الحفله وبسطة الطق ههههههههههه
البنات:هههههههههههههههه
خلود:ياللا خلونا نرقص
غرور وحنان :ياللا .وقاموا
جنا تناظر غيوض وشموخ وتشوفهم يتساسرون:وش فيكم ليه واقفين كذا؟
الكل ناظرهم
غيوض تناظر الأمهات: ياأمهاتنا العزيزات ههههههههههههه قاعده أقول خطبه
البنات فهموا عليها:هههههههههههههههههههههههه
أم راشد بأستفسار:وش فيكم؟
غيوض:بصراحه هذه الحفله حفلة توديع العزوبيه
أم حنان:طيب !!!!!!!
شموخ ماعندها تفاهم:يعني بصراحه نبيكم تروحون تقعدون في الصاله لأن هذه الحفله فقط للبنات
أم تركي:اهااااا وطيب عادي اذا شفناكم
غرور:لالالالالالالالالالا مايصير القاعده تقول مافي حريم
أم راشد:وش معنى خلود هي متزوجه يعني ماهي بنت
خلود خافت يطردونها البنات:لا أنا تحولت بنت يعني طلعت عازبه
الحريم:هههههههههههههههه
أم حنان:والله أعلم عليك سعود
أم راشد:وبعدين مو على كيفك طلعتي بنت
أم تركي:ماراح نطلع الا ومعنا خلود هي بعد مراءه >>>>>>>الحريم كانوا يبون يرفعون ضغط البنات وخلود
غيوض:لا ماينفع خلود نحتاجها وأنتم مانحتاجكم يعني أنتم فقط مشاهدين وأحنا مانعين المشاهدين
البنات:ههههههههههه
جنا:حلوه المشاهدين عجبتني
أم حنان:لا مايصير أكسروا القاعده أو طلعوا خلود
خلود بطفش:أنتم تبون تذبحوني وش تبون فيني حرام عليكم تخربون علي
أم تركي:هههههههه مو هم يقولون قاعده
غرور:لكل قاعده أستثناء وخلود هي الأستثناء في قاعدتنا
شموخ:يعني لا تتعبون روحكم وتطلعون خلود ,روحوا خلوا كالي تسوي لكم قهوه
دق جوال أم راشد طلعت تكلم
بعد دقايق دخلت عليهم أم سعود وكالي وأم راشد
أم سعود:السلام عليكم
الكل:وعليكم السلام
غرور:يوووووووه كملت الحريم كلهم أجتمعوا
الكل:هههههههههههههههههه
أم تركي:يبون يطلعونا يقولون حفله توديع العزوبيه حقت حنان خاص للبنات فقط
أم سعود تضحك:ههههههههه وخلوها توديع عزوبيه حنان وغرور أن شاءالله
غرور تفاجأت من كلام أمها
غيوض:مافهمنا
أم راشد بأبتسامه:راشد خطب غرور
غرور بعدم تصديق:خطبني أنا؟!!!!!!!!!!!!
أم سعود بأبتسامه:ايه أنت وش قلتي؟
غرور:بس
أم راشد تقاطعها بهدوء:خذي راحتك وفكري بس ياليت قبل الخميس لأن راشد يبي الملكه يوم الخميس
البنات:واااااااااااااااااو
غيوض بفرح:وناااااااااااااسه الملكه يوم الخميس
أم تركي:البنت ماوافقت خلوها تفكر
جنا بفرح:خذيه راشد يهبل
شموخ:من يشهد للعريس
جنا تتخصر:لا والله وش قصدك
شموخ:هههههههههههه ولا شئ بس كنت أمزح غرور خذي راشد على الأقل أحسن من يوسف
غرور بقرف:وعععععععععع يوسف من زينه هو وأسنانه المكسره
البنات:ههههههههههههههههههه
غيوض:شفتي
كالي قاطه الوجه:غرور هزا راشد واجد زين هزا يوسف وسخ
الكل:ههههههههههههههههههههههههه
غيوض تبي تنكد على كالي:كالي أحنا يزوجك يوسف
كالي:وعععععععع أنا مافي يبغى وازا هذا يصير زوج أنا أنا يموت وطلعت
الكل:هههههههههههههههههههههههههههه
شموخ:مصدقه الأخت
حنان:مسكينه عقدتوها
أم راشد:والله طلعت هالكالي تعرف الزين
ههههههههههههههههههههههههه

&&&&&&&&&&&&&&&&&&&&&&&&

عند الرجال
كانوا الكل يسولف ويضحك الا شخص واحد كان سرحان وباين عليه التعب والأرهاق>>أكيد عرفتوه تركي
أبو تركي لاحظ سرحان ولده:تركي وش فيك؟
تركي:ولا شئ عن أذنكم بروح دورة المياه
أبو تركي أستغل الفرصه وناد أيمن :أيمن أنت صديق ولدي تركي وزي الأخوان وتعرفه من زمان وش فيه تركي
ليه حالته كذا ضعف وصار يسرح كثير أنت أذا كنت تعرف شئ قل لي
أيمن بداخله(ياذا البلشه الحين وش أقوله):مافي شئ ياعمي
أبو تركي:ياولدي أنا وأمه قلقانين عليه تغير كثير من بعد مارجعنا من المزرعه
أيمن:والله ياعمي .وقعد يدور شئ يقوله له
بصراحه تركي تعبان علشان صديقه توفى وهو بمهمه ضد الأرهاب
أبو تركي صدق السالفه وبحزن:لا الله يرحمه
أيمن كمل الكذبه وبحزن مصطنع:أيه المسكين توه شباب وتركي حزن عليه كثير والى الأن هو في حالة صدمه
أبو تركي:وليه ماقال لنا
أيمن:مايبي يكدر عليكم وبعدين ياعمي أنت لا تخاف على تركي أنا وياه بنسافر بعد الزواج نغير جو وأن شاءالله نفسيته تتحسن
أبو تركي:أيه زين تسوي وهالله هالله بتركي هو مثل أخوك
أيمن:لا توصي حريص
دخل تركي ناداه أبوه:تركي تعال أقعد جنبي
تركي جلس بجنبه الجهه الثانيه
أبو تركي:تركي أنا عرفت أنت ليه متضايق
تركي درجة حرارته أرتفعت 180 درجه على باله أيمن قال له على غيوض ناظر أيمن يبي يفهم منه
بس أيمن كان يتبسم
أبو تركي:لا تناظر أيمن أنا ضغطت عليه وخليته يقول لي وبعدين هو ماقال حق أحد غريب أنا أبوك
تركي يناظر بأيمن الي كان ماسك ضحكته بتهديد وبداخله(والله لأوريك مايأمن لك سر)
تركي أبتسم أبتسامه مصطنعه
أبو تركي:هذا الطريق كلنا بنمشي فيه وهو الله يرحمه ويدخله الجنه
تركي مافهم شئ وتغيرت ملامحه
أيمن يوم شاف ملامح تركي ماقدر يمسك نفسه:هههههههههههههههههههههههههههه
الكل ناظر أيمن
راشد بأستغراب:خير ليه الضحك
أيمن وهو يمسك نفسه ويناظر الجوال:لا مافي شئ بس قريت نكته
تركي كان قهران منه:كل هالضحك علشان نكته الله يشفيك
أيمن ينكد عليه:خلك بموضوعك أحسن
الكل رجع يكمل سوالفه

&&&&&&&&&&&&&&&&&&&&&&&&

طلعوا الحريم
غيوض بفرح:وش قلتي ياغرور
غرور بتفكير:ماأدري خايفه
جنا:خايفه من وش أخوي مايأكل
غرور وهي متردده:بس أحس راشد مايحبني دائماً نتهاوش
شموخ:عادي مابعد العداوه الا المحبه
غرور:يعني
حنان:أنت عندك أعتراض على راشد
غرور:لا والله أبد بس أفف ماأدري
جنا:وافقي ماراح تندمين راشد حبووووووووب مررررررررررررره
غرور:هههههههه على شانه أخوك
جنا:لا والله أنا أقول الصدق
خلود:غرور خذيه سعود يمدح فيه وبعدين الزواج يهبل حلو
غرور تصرف الموضوع:طيب خلونا نرقص وبعدين أفكر
وبدا الرقص خليجي ,ومصري, وأمريكي ,وهندي وأستهبال
وقبل ماينتهي الحفله تصوروا صوره جماعيه
وفكت حنان الهدايه
كانت هديةخلود سلسال ذهب ,وغرور كانت كاميره ديجتل
غرور:هذه الكام علشان تتصورين في شهر العسل
غيوض:كانت ساعة سواتش:هديتي علشان كل ماشفتي الوقت تتذكريني
حنان:مايحتاج أنا دائماً بتذكركم
جنا:والله أخاف تنسينا أول ماتشوفين فهد
البنات:هههههههههههههههه
حنان:لا والله ماراح أنساكم أبد
شموخ:طيب فكي هديتيوكانت هديتها شنطه مع جزمتها وبوكها من قوتشي
أما هدية جنا:عطورات فرنسيه

&&&&&&&&&&&&&&&&
عند تركي وأيمن
تركي:ألحين أنت مالقيت عذر الا تقول واحد من ربعي مات
أيمن :وش تبيني أقول له أنك تحب غيوض وغيوض قالت تكرهك
تركي بتنهيدة أرتياح:تصدق في البدايه على بالي قلت لأبوي كذا كنت بموت بمكاني وتوعدت فيك
أيمن وهو يضحك:ههههههههههه شكلك صراحة كان يضحك
تركي:هههههه الله يأخذك ولا تضحك وتقول أنت.ويقلده: أقراء نكته
ههههههههههههههههههههههههه

&&&&&&&&&&&&&&&&&
في الليل الكل راح ماعدا البنات الي بيكملون السهر وبينامون عندهم
في غرفة غرور وغيوض
جنا بترجي:غرور وافقي على راشد أمانه
غرور بتسأول:وليه مصره؟
جنا:أبيك تكونين عندي
حنان:أنت ليه مو موافقه
غرور بحيره:من قال بس بصراحه أنا أخاف من راشد
شموخ بعدم تصديق:هه غرور تخاف مو معقول
غرور:ليه شايفتني رجال حتى الرجال يخافون
البنات:ههههههههههههههه
غيوض بملل:غرور خلصينا قولي وش قررتي
غرور:قررت أنكم تسكرون على الموضوع أذا ماتبوني أنام
جنا بطفش:خلااااااااااص بنسكر على الموضوع مالت عليك في وحده يخطبها وبكل تفاخر:راشد أخوي وتفكر .وتكش عليها:مالت عليك
غرور بغرور:أيه أنا غرور الفارس
جنا بمزح:والله أنك مغروره
غرور:قولي الي تبين وعناد فيك ماراح أرد الا بعد الزواج
جنا خافت تسويها غرور ونطت بجنبها
غرور:آخ وجع كسرتيني
جنا بترجي:غرور حبيبتي لا تسوين كذا والله بتذبحين أخوي
غرور تبي ترفع ضغطها:عادي خليه ينتظر مو هو يبيني
جنا:غرور حرام عليك أنا الي بنجلط
غرور:هههههههههههههههههههههههههههههههه أحسن أفتك منك
جنا سوت نفسها زعلانه:أفا تبين الفكه مني
غرور:أمزح معك وحضنتها أنا ماأقدر أستغنى عنك
جنا نفخت ريشها وأبتسمت:هههههههه أيه كذا أنت تمام ورجعت لنفس الموال:ها متى بتردين
البنات:ههههههههههههههه هههههههههههههههههههههههههه
حنان:غرور أسكتي منها أستخيري وبكره ردي
غرور:تماااااااااام
ومر اليوم سهر وضحك وعبط

في الصباح الساعه 8
غرور قامت تدور على أمها
دخلت الصاله الي فوق ماشافت أمها نزلت تحت للصاله مالاقتها
دخلت المطبخ شافتها لحالها باست راس أمها:كيفك مامي
أم سعود:هلا حبيبتي أنا تمام كيفك أنت أن شاءالله نمتي عدل
غرور:بصراحه يعني وبتردد:مامي أنا فكرت بالموضوع أنا .



نهاية البارت

وش تتوقعون غرور بتوافق أو لا؟!!!!!!!!!!!!!