الموضوع: طريقة الدجاج مع الرز بالزعفران 2013

طريقة الدجاج مع الرز بالزعفران 2013
السلام عليكم ورحمة الله وبركاته


حبيباتي جبت ليكم طريقة لعمل الروز و الدجاج بالزعفران سهلة و لذيييييذة جدا و تنفع تقدميها حتى للضيوف كتغيير


المقادير و الطريقة :


فطنجرة كتديري تقريبا كاس ديال أتاي زيت و تزيدي عليه بصلة مقطعة جوانح و ملي تبدا تتحمر كتزيدي البهارات اللي هي : هيل مطحون + قرنفل مطحون + قرفة + كمون + ابزار + ثوم + كركم +ملح + زعفران و انا استعملت فقط الضويمة ديال البنة بنكهة الزعفران فبلاصة الزعفران الحر لأنه ولا غالي بحال الذهب ههههه و الضويمة را كتقدي الغراض و أنا هنا درت 2 ضويمات و طبعا اذا بغيتي تديري الحر كديريه لكن من الأحسن توفريه للمحمر هههههه





ثم كتزيدي الدجاج و تخليه يتقلى و يتشرب ليقامة من الجهتين






ثم كتزيدي الماء سخون حتى كيغطيه و تخليه حتى كيطيب ولازم تنتبهي أنك تخلي مرقة كاااافية لطياب الرز . يعني ما تنشفيهش خلي المرقة بزاف




فاش كيطيب الدجاج كتحايديه من المرقة ثم كتصفيها من التخى ديال البصلة و البهارات





ثم كتاخذي قياس المرقة اللي يطيب فيها الروز و تزيدي عليه ضويمة ديال الزعفران و تقادي الملح واذا عندك ماء الورد كتزيدي واحد المعلقة



و ممكن تعزلي شوية من المرقة باش تحطيها فالتقديم اللي بغى يدوز بها الروز




ملي كتغلي المرقة كتزيدي عليها الروز و تخليه حتى ينشف و يطيب




بالنسبة للدجاج ممكن تدخليه للفران واحد 5 دقايق يتحمر شوية أو تقليه و أنا هنا قليتو على الخفيف من الجهتين



فاش كيجهز الروز و الدجاج كتحطي الدجاج فوق الروز و تسدي عليهم لغاية وقت التقديم




و للتزيين كتقلي شوية ديال الزبيب و الصنوبر أو اللوز أو الكاجو المهم حسب الموجود




وعند التقديم كتفرشي الروز ثم الدجاج فوقو ثم كتزيني بالمكسرات اللي عندك

---

'vdrm hg][h[ lu hgv. fhg.utvhk 2013