الموضوع: رواية غراميات مجنونة

.
.
.
.
.
.
.

بيــن قســوة أنثى وتمرد مراهقه
*/

فـآلدنيـآ لآتـأتي عـلـى مـقـآس قـلـوبـنـآ !
أما ان تضيق ، !
فـ تجبرنـآ على التنازل عن كثـيـر من الآشيأء الثمينـة
أو ان تـكبـر .!
فـ نضيع ونتـوة ونفـقـد الكثـيـر .!

*/

فــزت من نــومـهآآ مختـرعه وماتدري ليش قلبها كان قارصـهآآ قامت على طول وطلعت من غرفتهآآ وخذت جوالها واتصـلت بأعيأألها واللي خوفها اكثر انهم مايردون ع البيت

اتصلت اكثر من مره ومااحد رد واللي زاد خوفها اكثر انهم ماردوا بس بعدين ردت الخدامـة وياليتـهآآ ماردتـ

ام هـنآ: الو هلا

الخدامه: يس مدام

ام هنا: عطيني هنو بسرعه

الخدامه: she net here (مش موجودة )

ام هنا: للحين ماجات من برى طيب هشام وينه

الخدامه : idont new he come to home but than he live and was worry and fast
( ماادري هو جاء للبيت بس طلع وكان خايف ومستعجل )

ام هنا:ووين راح !!

الخدامه : he dont tell me idont new
(مااعرف ماقال لي )

ام هنا وخافت اكثر واتصلت فيه ومارد واتصلت بهـنا وجوالها مقفل وخااافت اكثر وراح لزوجـهآآ اللي كان نايم

نوال وهي داخله غرفتها وفاتحه النور وراحت بسرعه لزوجها وصحته: محمد محمد اصحى

محمد وصحى بسرعه لان نومه خفيف: هاااه نوال وشفيك

نوال وهي ماسكه دمعتها: مدري شفيني قمت من النوم مفزوعه واتصلت بأعيالي مو بالبيت وجوالتهم مقفله والخدامه تقول انهم موموجودين

محمد: لاحول ولاقوه الابالله انتي الحين هدي اعصابك وتعوذي من الشيطان

نوال: اعوذ بالله من الشيطان الرجيم بس انا مستحيل اقعد كذا انا مومرتاحه قلبي حاسسني ان اعيالي فيهم شي

محمد: ان شاء الله مافيهم شي انتي هدي اعصابك الحييييين

نوال بزمره مع نبره باكيه: اهدي اعصابي وانا ماادري عن اعيالي !! محمد انت تقوم معاي الحين ندورهم ونشوف وينهم

محمد: ان شاء الله مايصير الا اللي تبينه بس قومي غيري ملابسك وخليني اغير ونطلع ندورهم ( وقام بدون تردد وهو خايف على زوجـته واعيالها وعاذرها لان اللي تمر فيه موسهل ابدا )

نوال بخاطرها: الله يستر الله يستر ليكون اعيالي فيهم شي

.
.
.
.
.
.

" يووووه مافيني شي هذا انا قدامك مثل ماشفتني مافيني شي " قالتها لاخوها وهي تطمنه بعد ماسألها هالسؤال ميه مرة

هنا : وبعدين هشوم لوفيني شي كان الدكتور ماخلاني وقال لي بس انتبه ليدي وماارهقها كثير لانها مجبسه وشويه رضوض عاديه بجسمي بس

هشوم اقولك ترى الجبس يأألم

هشام وهو يطالع باخته اللي شكلها كسر خاطره بس تعمد انه مايطالعها بنظرات العطف اللي تقهرها وتستفزها وقال: الحمدلله انتي قطو بسبع ارواح

هنا اكتفت بأبتسامه صفراء وقالت: وش صار مع السواق !!

هشـآم ونـزل راسه وقال : الدكتـور يقول انه تجاوز مرحـلة الخطر وبيحطونه تحت العنايه المركـزه 48ساعه يراقبوان حالته ادعيله ياهنو

هنو وخافت وحست بالذنب لان هي السبب باللي هو فيه وقالت: الله يشفيه (وماحست بدمتعها اللي على خدهـآآ وهشوم جاه اتصال من امه وطلع بـرى

اما هنو جلست تفكر بينها وبين نفسها انها هي ممكن تكون مكـآآن السواق وهي اللي كان ممكن تكون بالعنايه المركزة وياعالم وقتها كانت رح تصحى او لآ ,, ووقتها مارح ينفعها شي

لاجنآآ ولاشلتها اللي كانت سهرانه معاهم ولاحتى شخصيتها اللي تظن انها قويه واقوى من اي حد وقتهآآ مارح ينفعها الا دعاء اقرب النـآآس لها شكرت ربها انها ماكانت مكانه

وبنفس الوقت خافت خافت ان هذا يكون لها مثل الانذار من رب العالمين تمنت لو تكون عندها القوه والشجاعه انها تترك صديقاتها وجـنآآ والمحيط الوسخ اللي هي عايشه فيه

تمنت انها تنساهم وتبدء من جديد حياه جديده حتى تمنت انها مادخلت الجامعه وشافت اللي شافته وسوت اللي سوته تمنت انها لو ظلت هناء البنت البلهاء اللي ماتدري اللي وين الله

قاطعها أقلها كانت بنت سويه ماعصت ربهـآآ ودينها واهلها ومجمتعها انقهرت كثير على اللي وصلت له بس القهر ماينفع ولامنه فايدة بس هي عندهآآ فرصه الحين عندها

فرصـة انها تغير كل شي تغير حيـآآتها وصديقاتها وشذوذها وكل شي حولها عندها فرصه تتوب وتتغير بس هل هي تبي تتغير وتصير انسآآنـة ثـانيه قطع عليها تفكيرها صوت

امها وهي داخله للغرفه من هشوم واول ماشافت بنتها ضمتها وبوستها كانها بنت الثلاث سـنوات موكـآنها بعد فتره صغيره بتدخل العشـرين !!

ام هنا: بسم الله عليك يمه ان شاء الله فيني ولافيك

هنا وبخوف وبدون شعود وتردد قالت: لا يمه بسم الله عليك بعدين ماصآآر شي انا مافيني شي شوفه عينك

نوال وتمسح دموعها بأصابعها وتقول: انتي ليش سويتي كذا يايمه ليه طلعتي من البيت بدون ماتاخذين رايي ليش

هنا وهي تطالع بالارض : قلت بغير جو ورحت لصديقتي ورسلت لك مسج

نوال: مسسسج تستأذنين مني بمسـج صادقه انتي انا حتى المسج اللي ارسلتيه لي ماشفته هنو انا امك واحبك واخاف عليك ومن يوم ورايح مارح اتركك ولالحظه

انا خلاص من يوم ورايح رح اصير امك موصديقتك

هنا واستغربت من كلام امها وقالت: وش قصدك يمه !!

نوال: حبيبتي الحمدلله على سلامتك لاطلعتي من المستـشفى نتفاهم

بــعد مــرور أسـبوعين سواقهم طلع من المستـشـفى وكانت رجوله متجبسه وطول هذيك الفتره ماكان يقدر يسوق وكانوا مدلعينه اخر دلع ولآكـآنه سواق وشكروا ربهم انه ماصار معه شي وخاصه

وانه بذمتـهم اما هنو من ذاك اليوم ماطلعت من البيت وامـهآآ تركت بيت زوجـهآآ مؤقتا وحتى الجمعيه وجلست مع بنتـهآآ وتراقب كل تصرفـآآتها وتحاول تغيرهـآآ ولو انـها قست عليها احيـآنـآ لكن

نوال عرفت ان بنتهـآآ محتاجه لام توقف بجنبها وتوعيها مو صـديقه اما هـنو ماكانت متضايقه كثير من امها او حتى زعلانه لانها هي اصلا تبي تبتعد عن اللي هي فيه بس موعارفه شلون ويمكن

تصرفات امها معها مع انها تكرهها كثير ودايم يتهاوشون ويتزاعلون الا انـهآآ كانت شبه عاجبتها هالتصرفات اقلها ماتطلع من البيت وتقابل الشله اللي تبي تبتعد عنها وماتبي وخلال هاليومين هنو

ماصارت تقطع صلآتها وحست براحـة كبيره وحتى جنـآآ لها فتره ماتكلمها وان كلموا بعض اطول مكالمه لهم ماتتعدى الخمس دقايق ويتطمنون على بعض وبس وجنا حالتها الصحيه تحسنت

بشكل ملحوظ جدا ولكن حالتها النفسيه بدت تسوء وبشكل ملحوظ ايضــآآآ . اما نوال فـ أحيـآآنـا تعصب من بنتـها وتقسى عليها واحيـآآنـآ تحن عليها لكن ماتبين لهآآآ

وكانت جالسه بصـآله بيتـهم ومعها كيس ومستانسه فيه كثير وراحت لغرفه بنتها ودخلت بدون ماتدق الباب وبنتها كانت جالسه على اللأب توب ومنشغله

نوال: هنو للحين جالسه وماقمتي

هنو وهي مالها خلق قالت وهي منشغله باللاب بدون ماتطالع امها: مثل ماانتي شايفه ماعندي شي اسويه

نوال: تستعبطين والحلفه

هنو وبنفس الجلسه: ماما انا مااحب حفلات من هالنوع كلها حريم وكبار بعد ولا كل وحده ترفع الضغط اكثر من الثانيه وماانا مااحب المطاوعه والا بنـآتهم يقهرون ومااحبهم

نوال: مو لازم تحبين انا قلت تروحين يعني تروحين فاهمه ولما اكلمك تطالعيني وتتركين عنك هالزفت (وتروح للاب توب وتسكره

هنو: ماما وبعدين

نوال: بعدين تقومين وتلبس اللي جبت لك اياه ؟

هنو: اوووف (وتاخذ الكيس : انا البس هذا ( وتطلع الفستآآن من الكيس !!

نوال بعصبية وحمق: اي وبتلبسينه الحين مع كامل اكسكوراته وماابي اسمع اي اعتراض

هنو وهي خايفه من امها وماحبت تكبر الموضوع وقالت : طيب اطلعي عشان البسه

نوال: لا ماني طالعه ادخلي حمام غرفتك ولبسيه وانا بنتظرك هـنا

هنو: اوووف اوووف

نوال: لبسيه وانتي ساكته

هنو : ان شاء الله انا انسانه مهضوم حقي بهالبيت (وتاخذ الكيس وهي تتحلطم وتروح للحمام

اما نوال ماهان عليها شكل بنتها لكن هي قررت انها تكمل اللي بدت فيه وماتحن عليهآآ ابدآآ

هنو وبعد 7 دقايق بالضبط طلعت من الحمام وهي ماسكه الفستان بيدهآآ

نوال: خير ليه مالبستيه ان شاء الله !!

هنو: والله يوم جيت البسه هو مابغاني الظاهر انه فستان اي شي وماركته اي كلام لانه انشق (تمزق)

نوال وخذت الفستـآآن منها وطالعته والمشكله انه مايتصلح ولو تصلح يبي له وقت وهالشي اللي ماتملكه نوال وانقهرت كثير من حركه بنتها وهي متأكده انه ماانشق من نفسه

هنو: قلت لك ماما مافيه نصيب اني اروح معك للحفله روحي لحالك وتروح وتجلس على لابتوبها اما نوال انقهرت من حركه بنتها وطلعت من الغرفه وهي عارفه شنو رح تسوي بالضبط

ورجعت ومعها علبه كبيره لعصير مانجو طبيعي وبنتها مااتبتهت لها وفتحت العصير وكبته على لاب بنتها اللي بسرعه ابتعدت عن اللأب وقالت بعصبيه

هنو: ماما وشفيك انتي تبين تقتليني يعني !!

نوال: بسم الله عليك ياروح ماما لاتخافين اللأب موموصل بالشاحن وبعدين سوري ماانتبهت ياعمري

هنو بكل قهرها: والله أشـك

نوال: مايهمني الظاهر اللأب طلع اي كلام وماركته اي شي لانه اخترب

(وتقفل اللأب وترميه بالزباله : ومصيره مصير الفستـأن بالزباله لان الاشياء الخربانه مصيرها الزباله والحفله بتروحينها

غصب عنك وانا رح اسوي لك شعرك ومكياجك

هنو: لاوالله اصلا شعري قصير

نوال: صحيح انه قصير بس يتصلح ومومشكله لونتأخر ع الحفله ساعه او ساعتين واحسن شي بشعرك انه يطول بسرعه وصحيح قصير بس على بالي تسريحه تلبق له ورح تحطين ميك اب وبدون

مااسمع اعتراض ورح اسمح لك تلبسين بنطلون لكن انا رح اختار لك البدله وهذا امر مو طلب

هنو وعصبت من امها وحركاتها اللي قهرتها كثيروحست انها هالمره بالذات تمادت ولان هنو ماتقدر تمنعها لكن رح تخليها تندم انها خذتها معها للحفلة

هنو وبنظره غامضه : ان شاء الله ماما ماطلبتي شي

( اما نوال فـسرحت لبنتها تسريحه ناعمه بالاستشوار واصلا يدوب سرحته لان التسريحه صـآآير مو حلوه كثير لان شعرها قصير وحطت لها ميك اب خفيف من اساس وبلاشور وروج

واختارت لها بنطلون جينز سكيني وبلوزه بيضـآآ رسميه جدا وطلعوا الحفله كانت عشــآآ بـأحد المطاعم ومع مجموعه من صديقاتها بالنادي اللي كانت مشتركه فيه لانها عارفه ان بنتها

رح تسوي شي بهالحفله وماطلعت مع المدرسات او حتى حريم الجمعيه

كانوا جالسين على طاوله وحده وكل وحده فيهم تتكلم وتسولف عن زوجها واعيالها اما البنات فـ كل همهم الازياء والفاشن بشكل عآآآم ولااحد شك ان هنو بويه وهنو طفشانه للاأخر وقامت

نوال: وين !!

هنو من بين اسنانها قالت: بروح الحمام شوي

نوال وبنظره حادة: لاتتأخرين لآن العشـآآ الحين بيوصل

هنو : اوووف طيييييب ( وراحت للحمام وطلعت مشطها وسرحت شعرها مثل السبايكي وثبتته بالماي والجل اللي جابته معها ونزلت بنطلونها طيحني ومسحت الميك آب بس الروج ماراح لان

مده 48 ساعه انقهرت بس مشت الموضوع ورجعت وهي تمشي مشيتها العربجيه المعتاده والكل انبهر من شكلها راحت بشكل ورجعت بثـآآني

ام فواز: يووه نوال وشفيها بنتك تغير شكلها كذا

نوال وهي متوقعه حركه بنتها وتطالعها بنظرات توعد اما هنو فـ رغم خوفها من امها الا انهـآآ فضلت تتحداهآآ : مافيها شي ياام فواز بس تعرفين بنـآآت هاليومين كل ماهبوا الناس بشي هبوا فيه

ام اسامه: وش الهبه اللي بنتك هابه فيها الحين !!

نوال وهي تطالعها بنص عين: نفس الهبه اللي هبت فيها بنتك اسيل مو تقول ستايل السبور وماادري شنو بنتي كذا ستايلها سبور بس ماتتخلى عن المكيأأج مو هالممثلات ماخلوا شي

ماسووه وبناتنا اللهم ياكافي ماغير يقلدونهم

وحده من البنات: اي ياخاله معك حق انا احيانا تدق براسي واسوي ستايلي سبور والسنه اللي طافت كنت قاصه شعري كله مثل فرح بسيسو والحين مليت من هالستايل وغيرته

ام فواز وانقهرت من بنتها اللي تكلمت وقالت وهي ترقع الموضوع: ههههه الله يهديهم بنات هاليومين كل شي يبون يجربونه

اما هنو انقهرت فـ بدل ماهي تقهر امها امها اللي قهرتها ونوال كانت متوقعه حركـة بنتها علشان كذا اختارت نوع معين من صديقاتها عشان تتعشـى معاهم وعدى العشـآآ على خير ورجعوا

للبيـــت ونوال طوال الطريق وهم مع هشوم بالسياره ماقالت ولاكلمه واول ماوصلت البيت راحت لغرفتها وبعد خمس دقايق بالضبط جات بنتها لغرفتها وهي مييييييته قهررر

هنو: يمه ليش سويتي كذا !!

نوال ببرود وهي تتصفح المجله: وانا وشسويت

هنو: يمه انتي عارفه وشسويتي ولاتسوين هالحركات اللي تنرفز وتقهر

نوال: بسم الله عليك يمه من النرفزه والقهر

هنو: ماما ترى كلش الاسلوب اللي تتبعينه معاي ماينفع وتتعبين نفسك على الفاضي

نوال بأبتسامه صفراء وهي ماشالت عينها من المجله : وانا ماعندي غير بنت وحده وتعبها راحة بالنسبه لي

هنو: زين يمه زين يصير خير

نوال بنبره حادة رمت المجله ووقفت وهي تطالع بنتها وقالت: تهدديني حضرتك شوفي هـنا انا صبرت عليك كثير وعلى حركاتك السخيفه والماسخه ومن يوم ورايح رح تسوين اللي اقولك عليه

عاجبك كان ابيها موعاجبك رح تنفذينه غصب عنك والحين يلا ضفي لغرفتك ونامي الحين ابي ارجع بعد ربع ساعه واشوفك نايمه ولو مانمتي رح اتصرف معك تصرف مايعجبك ويلا تصبحين على خير

اما هنو طلعت من غرفه امها وهي مييييييته قهر امها تغيرت كثيروهي موعارفه شتسوي وراحت لغرفتها بقهر وهي تطالع دولابها اللي كل ملابسها الرجاليه وبيجامها وكل شي رجالي يخصها موموجود

وحلت مكانها الملابس النسائيه من فساتين وتنورات وحتى البناطيل الجينز القليله الموجود كلها عليها رسومآآت بنـآآآتيه وماتصلح لشي بالاضـافه للبيجامات البناتيه وكل شي يخص البنـآآآت وحتى االلأب موموجود

مسكت جوالها وبدون شعور وتردد سوت اللي كانت تبتعد عنه وماتبيه و اتصلت بجـنا اللي ردت عليها بسرعه : الو هلا جنون

جنا: هلا بيبي شلونك

هنا: جنا انا موزينه انا متضايقه كثير جنا وينك عني وين رحتي

جنا: انا موجوده ياعمري فيك شي صاير معك شي تدرين انا الحين بجيك

هنا وخافت وخصوصا من امها اللي لو تلاحظت شي مارح تتركها: لالالالالا لاتجين الحين

جنا: ليه وشصاير!!

هنا: موصاير شي عمري بس حبيت اسمع صوتك

جنا: هنو صوتك موعاجبني انتي زعلانه لاني مااتصل كثير هاليومين وكذا

هنا: لالا اصلا الوضع عندي بالبيت موزين هاليومين واول مايتصلح الوضع باقولك و اهم شي حبيبتي انتي اخبارك

جنا: الحمدلله

هنا: لا جد صوتك موعاجبني صوتي متغير

جنا : لا مافيني شي شويه برد وزكـآآم

هنا: ماتشوفين شر حبيبتي انا مقهوره موت احس اني بختنق من اللي انا فيه محد فاهمني بهالدنيا كلها و

جنا تقاطعها: طيب اقدر اشوفك بكرا!!

هنا: لالا ماينفع انا بعد ابي اشوفك لكن اول ماتسمح لي الفرصه بأقولج اوكيه حبي تصبحين ع خير بآآآي

جـنـآ : بـآآي

آطمنـك كل شي ( تمـآمـ )
آخذ دواي بأنتـظام بس صوتي متغير من اعراض الزكـآآم ،
> بــرد وزكــام <
والله بس برد وزكـآم ،،
ثم اقول : مايدري اني من جروحـة ماانــآآم " ماانــآآم " مـآآ انــآآآمـ
.
.
.
.
( اما هـنآآ سكرت ونامت بسرعه قبل ماتجي امها وتشوفها تكلم وتاخذ حتى

الجوال لانها هاليومين ماتستبعد شي من امـهآآآ ابــدا اما نوال فـ راحت لغرفه بنتها ولقتها نايمه وطفت عليها النور وطلعت وهي حاسه ان اسلوبها الجديد هو اللي يجيب فايده مع بنتها حتى لو زعلت منها

اليـــوم التــــآآآلي ع الغــدا ببيـت هـنـآآآ كلهم كانوا يتغدون ماعدا هـنا وماكان ودهآآ تتغدى وامها حتى ماسألتها لانها عارفه انها رح تموت جوع وتاكل وبأأختصار لان هنا استعملت هالحيله

اكثر من مره ومن نفسها راحت وكلـت وجات الخدامه ومعها مظروف

الخدامـة : مدام ذس از فور هنا

نوال: عطيني اياهم ( وتاخذ المظروف

هشام بفضول: يمه مارح تعطينه هنا

نوال بحيله: الا بس هذي دعوة لعرس وحده من صديقاتها وبخليها عندي

هشام: عقبال عرسي ان شاء الله

نوال ابتسمت وقالت: ان شاء الله اميييييين

عبود: وانا ماما!!

نوال: انت تخلص السكول والجامعه وبعدين تفكر

عبود: اصلا انا مارح اتزوج بقعد معك طول عمري

هشام: يعني مسوي فيها وحتى انا لمى اتزوج رح اسكن مع امي ومارح اطلع واخليها لحالهآآ

نوال : الله يخليكم لي يارب

.
.
.
.
.
.

ودي أبـوح بـكل مآبخـاطري مكـنون
لكن ظـروف الوقت :
تلــزم ؛ سـكوتي !!
.
.
.
.
" أنـآ بصراحه استغربت لمى كلمتيني وقلتي انك تبيني وانا حتى مااعرفك انا كل اللي يهمني الحين اعرف انتي وشتبين فيني وشنو الموضوع المهم اللي تبين تكلميني فيه

اصلا انا اول مره اقابل انسانه مااعرفها زين ويعني لو ماطلبتي نتقابل هنا بالجمعيه كان ماجيت من الاصل " قالتها بحزم وهي جالسه عندها بمكتبها اللي مشترك مع مكتب ام هنو سابقا بالجمعيه


ام فارس: قلت من قبل واقولك مره ثانيه انا ام فارس يانور

نور: طيب ام فارس مين وشنو تبين فيني !!

ام فارس: ام فارس صديقه ام هنو صديقتك او حتى صديقه هشوم بالكليه سابقا

نور بذهول وهي مصدومه شلون عرفت وقالت: هااااه !!

ام فارس: نور انا نصور

نور وزادت صدمتها وقالت: أيييييشششش نصور مين وو (حطت يدها على راسها وقالت: شسالفه حبه حبه اوكيه اي نصور وشسالفه

ام فارس وتكلمت بنفس نبره نصور اللي الكل يعرفها وقالت: نصور اللي كان معك بالجامعه نسيتيني !!

نور وتذكرتها وهي مومصدقه ابدااا قالت بذهول: لآلآ مومعقولة انا من اول ماشفتك شبهت عليك بس اخر شي توقعته انك تكونين نصور لحظه لحظه الحين هشوم شافك خالتي

نوال تدري انك نصور

ام فارس وبنبرتها العاديه: لاطبعا بس انا مثل ماانتي شايفه تغيرت وابي هشـو اقصد هنو تتغير مثلي انا شفتها مره وحالها موعاجبني ابد وحتى حال نوال ونوال بعد قطعت الجمعيه وماصارت

تجي ابدا وانا ابي اعرف وشصـآآآر معها وليه ماتجي وابي اوصل لهـنو بأي طريقه وانتي رح تساعديني

نور وهي تشرب موي وتستوعب الموضوع وماهمها كثير تعرف هالتغير اللي اصأأب نصور او ام فارس وحتى اسمها ماتعرفه كل همها انها تساعد هنو وقالت: اذا تبين تساعدين هنو فأنـآآ معك ورح

اظل على طول معك والله يقدرنا ونساعدهآآ

ام فارس وابتسمت : الله يسمع منـك

.
.
.
.
.

جالسه بغرفتها تطق طق بالمسن اللي بموبايلهآآ وصرعها الخبر اللي تلتقه من سعود وراحت لامها والشر يتطاير من عيونهآآ ومقهوره بالمرأأأ

هنو: ماما ترى مسخت السالفه صحيح اني بنتك وتقدرين تسوين اللي تبين بس اللي تسوينه غلط وترى عيب ان تجيني بطاقه دعوة لبارتي من بارتيات صديقاتي وتاخذينها وماتوريني اياه

نوال ببرودها اللي يقهر هنو قالت: وانتي وشدراك ان خذت البطاقه وشدراك انها جات من الاصل !!

هنو: ياسلام يعني لو ماقالت لي صديقتي بالمسن كان مادريت اصلآ ولاحتى ناويه تقولين لي ترى والله عيب هالحركات هذي

نوال وقفت وقالت بحزم: عيب اسلوبك الوقح اللي تتبعينه معي وانا حره ماابيك تروح للبارتي وشعندك ماعندك شي ولاحتى تقدرين تسوين شي والحين اتكلي على غرفتك وبسرعه

هنو وانقهرت وراحت وقبل ماتطلع نادتها امها وردت بزمره بدون ماتلف

نوال: قلت لك تعالي

هنو وتروح لامها بقهر : نعم اي اوامر ثانيه !!

نوال : عطيني موبايلك

هنو واستغربت : وشتبين فيه

نوال وتاخذه من يدها: انا اللي جبت لك اياه وقررت اخذه عشان ماتتواصلين مع صديقاتك ويعزمونك على حفلآت ماسخه هذا اللي ناقصني والله اوديك حفله للبويآآ عبود ولابكل وقاحه كاتبين

على الدعوة ندعوكم لاحتفال البويـآآآ عبود خير ان شاء الله

هنو : وقريتي الدعوه بعد انتي تبين تسجيني عندك ومااتواصل مع العالم الخارجي والنأأأس

نوال: اي اذا تبين تتواصلين مع نآآس منحطين وزباله مثل عبود واشكالها افضل احسبك احسن واحبس روحي معك واسليك وتسليني والحين انفلعي لغرفتك و ماابي اشوف وجهك فاهمه

هنو بدون ماتردد راحت لغرفتها وقفلت البـآآآب بقوه وهي مصممه تسوي اللي براسها وطلعت من دولابها بنطلون جينز كان اهون واحد عليه رسومات بناتيه ومااهتمت لها وخذت لها بلوزه من

بلايز اخوها عبود اللي راميهم ومايبهم وكانت واسعه عليهاآآآ ولبستها ومااهتمت وخذت عبايتها وشيلتها وطلعت من غرفتها بهدوء وسكرت الباب بالمفتاح وطلعت من باب الشارع واستغلت فرصه خروج

اخونها من البيت ومااهتمت بحـد ومن سؤء حظها شافتها خدامتها امأأ نـوال فـ حست انها قست على بنتها وراحت لغرفتها وجات تفتح الباب ولقتها مقفوله وماقالت

ولاكلمه وراحت للصــآآله وجاتها الخدامه

الخدامه: مدام انا شوف مس هنا روح يلبس عبايه ويخرج شوي شوي من بيت

نوال: انتي متأكده

الخدامه: افكورس مدام

نوال وانصدمت ماتوقعت ان بنتها تتجرئ وتهـرب من البيت و الا حتى تفكر وبدون شعور لبست عبايتها وطلعت بسرعه وراها ولحسن حظها ان بنتها كانت لسى بالشارع تدور لها ليموزين

(تآكسـي) ومالقت وراحت لها بكل سرعه ومسكتها من يدها بحزم وخذتها معها لفوق ودخلوا الشقه وسكرت الباب

نوال وهي ترمي عبايتها وقالت بقهر: حسبي الله عليك من بنت تغافليني وتهربين من البيت حسبي الله عليك من بنت كانك متعبتني اكثر من اخوانك الاولاد هنو انا تعبت

معك واذا العيشه عندي موعاجبتك هذا التلفون قدامك اتصلي بابوك خليه يجي ياخذك ويفكني منك ومن شرك

هنو:

نوال: الناس تخلف اعيال وترتاح وانا اخلف وانهم

هنو ببرود اعصاب وهي خايفه من امها لانها اول مره تشوفها بهالحاله وبنفس الوقت ماتبي تروح لابوها اللي حتى مارح يستقبلها: ودامك موقد العيال ليش تخلفينهم عشان تجيبنهم وتعذبينهم

وياآآك ان شاء الله اموت وارتأأح منك ومن ابوي وارتاح من هالدنيا ومافيها ياليتي متت بالحادث ياليتي متت من يوم خلفتيني ولااشوف ابوي راميني ومايبيني وانتي تلذيني على اقل تصرف

اتصرفه ان شاء الله امووت وارتأأأأح (وتروح لغرفتها واول مادخلت جات امها

نوال: من يوم ورايح مافيه ابواب تتقفل فاهمه واذا موعاجبك روحي لابوك (وتروح وتاخذ مفتاح غرفه بنتها معها و تخليها

اما هـنو انقهرت كثير من حيآآآتها تلآقيهآآ من أب راميها ومايدري عنها والا من ام ملت منها ومن تصرفأتها وصارت تذلها على كل شي تكره تصرفاتها وموراضيه عنها بس هي تسوي

هالتصرفات عشان تعاند اللي حولها واللي موعاجبهم شي فيها ماكان ودها يصير اللي يصير وتهرب وتحاول تروح البارتي وكانت متردده كثير ومش مقتنعه بس كانت تعاند انقهرت كثيررر

وبكت من كل قلبها مثل الاطفآآآل وطالعت مكتبه سريرها وخذت منها قرأن وقرته قرت القران اللي من زمآآآن مافتحـته وكل ماتقرى اكثر ترتاح اكثر وقرت كثييييير وكثيرررر وقامت بعدها

توضت وصلت وارتأأأحت اكثر ورجعت تقرى وتقرى لين غلبها النعاس وماتدري وشلون نامت

.
.
.

أحـتـاجك وتعبـآن من { كـثـر السكـوت
وحزني تمرد في [الغيآب] وتعجرف

مين قـآل بغيــآبـك مضفيـني المـوت ؟!
مـامت بـعدك بس لـو ميت أشـرف !



" يآآآهووووه عبـــرنــآآ وعطنا وجـه يالحبيب"

لا انا بحلم اكيييد حلم هالنبره من غريبه علي من زمان ماسمعتها اخر مره سمعتها بالجامعه او مااذكر وين بس اشتقت للنبره معقوله اكون احلم فتحت عينها بصعوبه وشافت قدامها

نصور لآ مونصور فتحتها اكثر وقالت " نصور

نورا: ياروح نصور قوووم يالحبيب

هنا وفزت وضمتها بقوووووة وقالت نصور وحشتني

نور وهي واقفه ومتخصره: ياسلام انا اطلع منها

نورا: نور حبذا لو تخلينا شوي ابي اتكلم مع هـنا لحـالنا

نور ومسويه زعلانه قالت: زين بس لآ يكثر _وتطلع وتسكر الباب وهنو حتى ماانتبهت لها

هنو: نصور لايطوفك اللي صـآآير معي حمل يهد جبااال وين رحت وخليتني انا ضعت بعدك امي قلبت علي ابوي مايبنيني انا وجنا مانتكلم كثير

نورا بأستغراب: جنا موكنت مع حـنآن

هنو: اي حنان يرحم والديك حنان مين (وبعد صمت : اييييي حنان طلعت خاينه وحقيره

نورا وحست انها ماتدري عن شي وقالت: قول لي كل شي وحبه حبة عشأأن افهم

هنا هزت راسها بالايجـآآب وجلست تتكلم بسرعه مثل البيبي وام فارس"نصور " فاهمه عليها عدل واما هنا فـ حست انها محتاجه تتكلم مع شخص من زمان ماتكلمت معه

ومحد يفهمه غيرهآآآ

وبالصــآآله ,,

نور: عاد ام فارس ياخاله ماشاء الله عليها على طول اندمجت مع هنو وجلسوا يسولفون

نوال: ماشاء الله عليها عيني عليها بارده انا ودي اقولها عن مشكله بنتي يمكن تقدر تحلها

نور: خلينا مانتدخل ياخاله هنو تتكلم معها وبحريه يمكن هي من نفسها تتكلم مع ام فارس

نوال : تتوقعين كذا

نور: ان شاء الله

نوال: الله يسمع منك يابنتي انا امس طول الليل مانمت علاقتي ببنتي صايره مشوشه وكل شوي اطل عليها اخاف تسوي بروحها شي والا شي ماتوقعت انها توصل لهدرجه

نور وخافت: ليه خاله وشصاير

نوال: انا بقولك وش صاير !!

:
:
:
:
:
:
:

" أي أي انا ابي اعرف وش صاير وين نصور ووين زمآنك نصور اطلق بويا بالجامعه شللي غيره ووين راح متزوجه وحامل !! قالتها لصديقتها بتعجب

نورا وحاطه يدها على بطنها البارز وقالت بأبتسـآمه: لا وهذا شهري بعد

هشوم: نصور انت مستانس اقصد مستانسه بحياتج ؟

نورا: فوق ماتتصورين ابو فارس هو كل حياتي وعمري وماعشت الا لمى عرفته واحمد ربي مليون مره اني تزوجته هنو اللي انتي فيه انا مريت فيه واكثر بعد

هشوم: بس اهلك ماكانوا عقد مثل امي

نورا: ههههههههه ومين قالك شوفي عاد بقولك كل شي صآر معي وانتي احكمي وشوفي انا صح والا غلط

هنو هزت راسها بالايجاب وبكل اهتمام

نورا وعدلت جلستها وتكلمت بنفس طريقه نصور وقالت: تذكر اخر مره شفتك فيها بالجامعه يوم اجي واسلم عليك

هنو : اي

نورا: وقتها اهلي كانوا بالمطار وانا عاندتهم ورحت للجامعه اسلم عليك وبالمرة سحبت ملفي عناد فيهم لانهم لاخر لحظه قالوا لي تقدر تكمل الجامعه مع انهم

هم اللي قالوا من الاول اتركها ماعلينا من هذا كله اهلي قرروا ومن كيفهم يزوجوني وانا طبعا عاندتهم وقلت لهم اني رح افضحهم عند اهل عريس

الغفله ورح احرجهم وياه فـ أهلي عارفين اني ممكن اسويها وسافرنا لدبي وكتبوا كتابي هـنآك وباول يوم زواج تفاجأ من شكلي مع انه كان عندة فكره اني بويآ و

يعني اني يبي يتزوجني عشآن يستر علي وبعدهآ ومن اول يوم قلت له اني شاذه وسمعته كلام يجرح رجولته وهو ولاقال شي بآول الايام كنت افتعل المشاكل من

اتفهه سبب بس هو الله يخلي لي اياه عرف شلون يحتويني ويفهمني أذكر مرة كنت متضايقه وتكلمت معه كانه واحد من الربع واتكلم عن تشبيكاتي وكيذا وهو

يسمعني ولاقال شي وشوي شوي حبيته او بالاحرى حببني فيه وصرت مااشوف الآ هو وكننا عايشين بدبي وبعدها جينا لهنـآ انا اصرت اننا نرجع

كان ودي اعيالي يتربون هنـآ وكنت (وبعد صمت : كنت حابه اني اشوفك واشوف بنآت ثانين واشوف تغيرتوا والا لا

هنو : صرتي داعيه !!

نورا: لآ بس اتمنى انك تعشين براحه مثل ماانا عايشه

هنو: بس انا متزوجـه

نورا بصدمة: تزوجتي !!

هنو وقالت بعفويه:اقصد متزوج تزوجت جـنآآ

نورا وانصدمت اكثر ماتوقعت هنو توصل لهالمرحلة: انتي مرتاحه كذا !!

هنو: وش قصدك ؟

نورا: يعني مستانسه ع شكلك وستايلك وعلاقتك بجنآ؟

هنو : بصراحه مدري

نورا: وشللي ماتدرين عنه انتي تبين تضلين طول عمرك هشوم ماتبين ترجعين هـنآ؟

هنو: ماادري يعني انا ولامره فكرت اكون متزوجه مثلك وكذا او اكون بنت و

نورا: بس انتي بنت

هنو وتطالعها بنص عين : تتطنزين

نورا وتضحك: ههههههههههه احلفي بس مهما تعربجنا وسوينا نظل بنات من داخل بنآت

هنو: وبعدين ؟

نورا: تستهبلين مع ذي الخشه ؟

هنو: ههههههه لالا مااستهبل ياعمري بس مااحس انا عارفه اني بنت بس مااحد حسسني اني بنت من قبل او حتى (وبعد صمت : انا

ماادري انا وش قاعده اقول

نورا: لآكملي عادي قولي

هنو وتغير الموضوع: اشتقت لجنا من زمان ماشفتها

نورا: انتو للحين مع بعض وعلاقتكم مثل الاول

هنو : جنا احسن شي صآر لي بحياآآتي ومستحيل اتركها او حتى اتخلى عنـهآآآ انا مااقدر اعيش بدونـهآآآ

نورا وترفع حاجبـهآ: اوووخس ياروميـوو أرحمينا ياشيخه

هنو : ههههههههههههههه انا من زمآن روميـو وبعدين جـنآ اول حب بحيـآآتي نسيت يالحبيب

نورا: مانسيت ,, ومستحيل انسـى ومانسيت اللي سوينـآة انا وانت بجنـآ

هنو وهي مستغربه منها: وش سوينا لها !!

نورا: يوم تزوجت جـنا ورحنا لعرسها وكل الاحداث اللي صـآرت من بعد ذاك اليوم لمى كنت نصور ماكانت تهمني بس الحين غير

هنو: اطلع من باب الالغار وخش بالموضوع دغري (بسرعه) وش تقصد انا اعرفك صريح

نورا وتغيرت ملآمحها للجدية : انا نورا مونصور انا انثى قدامج مو شي ثاني ناديني بأسمي احسن (وتوقف وتروح لجهه الشباك وتفتح طرف الشباك عشـآآن يدخل شويه هواء تبرد فيه

على قلبها من بعد القهر اللي جاهـآآ وهالحاله من تغيرت دوم تجيها دايم تحس بقهر وتأنيب ضمير

نورا (وهي تطالع الشباك ومعطيه هنو ظهرها): انا وانتي غلطنا كثير ويمكن انا اكثر هنو لوجاء يوم وانحطيتي بقبرك وانسألتي عن كل الاشياء اللي موزينه اللي سويتها وش رح تردين

(وبعد صمت : خلينا من اللي موزين انتي تحسين انتي سويتي شي زين بدنيتك يشفع لك بعدين انا مستحيل انسـى اللي سويته انا وانتي بجـنآ

لمى قلت لك ننتقم منها عشآن خانتك مع فهد اللي سويته ذنب كبير ومايحمله جبـآآل ولو اظل طول عمري اكفر عنه مااتوقع اني اقدر انا خايفه انام بيوم ومااصحى ولاقابلت ربي ماادري

وش اقوله هنو انا خايفه ومن كثر خوفي ماابي اجلس ولادقيقه بالدنيا الفانيه الا وانا مستغلتها بأشياء تكفر عن كل شي وسخ سويته بحيـآآتي لو متتي الحين انتي مستعدة تقابلين ربك

هنو وضاق صدرها: قفلي هالموضوع الله يخليك

نورا: اوكي تهربي منه الحين وبعدين لكن وقت الحسآب محد رح ينفعك ولاشـئ ولاحتى انتي بتنفعين نفسك (وتلفت عليها: هنو حبيبتي انتي كبيره وفاهمه كل شي عدل تعرفين الصح

من الغلط اللي انتي فيه غلط واكبر غلط بعد انتي بشذوذك تهزين عرش الرحمن سبحـآن الله كيف جاك قلب وتسوينها اصحى من الغفله والوهم اللي انتي فيه تذكري ان فيه حساب

وعقاب وكل شي نتحاسب عليه انتي لمى تسوين سوالفك هذي وتمارسين اللي تمارسينه ماتتجرأئين تسوينها قدام حد لانه عيب وتخافين من النآس وكلآمهم خافي من اللي اكبر منهم من الله

اللي خلقك وخلق النآس كلـهآ لآتغرك الدنيـآ ياهنو ولاتنجرين ورى متعتك اللحظيه وكفري عن كل اللي سويته بجـنـآآ وبنفسك وارجعي هنو هنو البنت المحبه الخجوله ارجعي هنو موهشوم

صدقيني لاتاخذك الدنيا مثل ماخذتني (وتجلس جنبها : للحين مافات الاوان الله سبحانه وتعالى غفور رحيم غيري نفسك من الداخل واقتنعي وبعدها غيري كل شي حولك لمصلحتك ومصلحتهم ولا

تفكرين تضلين على ماانتي عليه عشأن تعاندين حد محد بيخاف عليك وعلى نفسك ومصلحتك كثرك لاتنعاديني حد ولاتصيرين غبيه مثلي انتي امتلكي نفسك وسيرها انتي قرري شنو الصح

وشنو اللي ينفعك وامشي عليه

هنو ووقفت وبعدت عن نورا: يعني اللي سويته بجـنآ

نورا وتوقف جنبها وتقاطعها: اللي سويناه غلطه كبيره ولآزم تكفرين عنها ,, واذا انتي ناويه تساعدين نفسك انا اول من بيوقف معك ورح اسـآعدك

هنو وبعد صمت طويل: بس ماادري ماادري انا شنو ابي

نورا: كل بني ادم خطاء ياهنو والدنيا تجارب لكنها بالاخير تضل دنيا فانيه كلنا بنطلع منـهآ لكن ماندري نطلع بشنو والله واعلم متى نطلع منـهآ انا احبك واعتبرك مثل اختي

اختي اللي ماجابتها لي امي واتمنى لك كل الخير واتمنى انك تسمعيني وصدقيني انتي اللي رح تكسبين انتي اللي

هنووبعدت عنها وراحت لناحيه الشباك وسكرته وسكرت الستاره وقالت بحمق وهي مبعده عن نورا: نورا طلعي وخليني لحآلي ابي اقعد مع نفسي شوي

نورا: حاسبي نفسك ياهنو على كل قبل ماتتحاسبين حاسبي نفسك وترى للحين مافات الاوان حبيبتي كل شي ممكن يتصلح

هنو بصراخ بنبره مبحوحه: قلت لك طلعي

نورا: انا طالعه حبيبتي لكن لي رجعه وتركت لك هديه على مكتب سريرك اتمنى انها تعجبك واتمنى انك تفكرين وبسرعة لآن محد ضامن عمره سوي اللي رح ينفعك بعدين و

فكري فيه زين وتاأأكدي ان الله عفور رحيم ياهنو ولكنه شديد العقاب اكسبي رحمه رب العالمين وابتعدي عن عقابه (وتطلع بهدوء وتسكـر البـآب )

/
/
/
/
َ!َ!َ!!َ!َمــدري آعــانـد حلمي اللي تمـنــاك والآ اعأأأنــد قلب خيبـت ظنــه !َ!َ!!ََ

" اووووف اووووف وبعدين معك انت ماتفهم كم مره قلت لك صديقتي عندي أعوذ بالله من غضب الله " قالتها لزوجها بكل عصبيه وحمق

بوعبدالله: والله هذي موحاله انتي وش صاير لك كله معصبه علي وبس وانا وشسويت لك وبعدين تعالي انتي وشفيه شكلك كذا انا اول مره اشوفك

كذا حتى موحاطه كحل بعيونك ولابسه بيجامه بالعصر جنا وشفيك ماتكشخين لي مثل الاول

جنا وهي تتخصر له وكانت رافعه شعرها ذيل حصان بشكل عشوائي ولابسه بيجامه بناتيه طويله ورسميه بيضـآ وموف ووجها اصفر وشاحب قالت بنفس النبره : والله عاد انا كذا ومستانسه

على نفسي كذا وماابي اغير

بوعبدالله: ليكون حبيبتي حامل وانتي ماتدرين والا يمكن تتنسين فيني !!

جنا: وييييييه عشتوا ليكون صدقت نفسك هييي هييي انا موحامل ومارح احمل ومالي خلق بزران وتربيتهم وانت شايب كبر ابوي (وبسخريه: لا نسيت انك اكبر بكم سنه بعد

واعيالك كبري واكبر مني وبعدين استح على وجهك رجال وبوعيآل وتبي مرتك تحمل بعد اللي مثلك ينتظرون احفادهم مواعيالهم

بوعبدالله: عجيب والله انا رجال ومايعيبني شي ومافيها شي لو حملتي لاهو بعيب ولاحرام

جنا بنفس نبرتها قالت بنفاذ صبر: وصلنا لبيت القصيد باختصار ياولد الناس انا مااجيب اعيال مافيني ولاتنفه بزر انا اله خرباله متعطله عاجبك اهلآ وسهلآ موعاجبك طلقني والا حط

على راسي عشر ماتفرق معي

بوعبدالله: لآحول ولاقوة الا بالله انتي من جدك يابنت النآس وشهالكلام ومين قالك ايآه انتي اكيد غلطآنه !!

جنا: يووووه اذا مومصدقني اوريك التحاليل اللي تثبت وبعدين عمري لاتسوي روحك متشفق على البزران انتي اعيالك ماتدرين عنهم وانا موناقصه اجيب بزر والا اثنين وتقعد لي معاهم

سنه والا عشر سنين وتودع وانا ابتلش فيهم ومثل ماقلت لك لو مشتفق على البزران تزوج ترى الشرع محلل لك اربع وانا احللك عشر بس فكني من وجهك (وتعطيه نضره احتقار وتروح لصديقتها

اللي تنتظرها بالصـآآآله )

روعه: يوووه جنون عسى ماشر وشفيك وجهك انقلب؟

جنا: من شوفه هالعنز اللي عندي اكيد وجهي بنقلب

روعه: حبيبتي جنا موكأنك مكبرتها حبيتين انتي بعد كم شهر بتكلمين سنه متزوجه للحين ماتعودتي على فيسه

جنا: روعه واللي يعافيك سدي الموضوع انتي وشعرفك بهالسوالف واللي أيده بالنـآر مومثل اللي ايده بالماي مالي خلق اتكلم عنه هذا اللي ناقصني بعد اتكلم عن فيسه الودر (الكئيب)

(وتدخل اشواق وهي معها بنت عمرها سنه ونص وتمشي شوي شوي بس اشواق كانت شايلتها )

اشواق: السلام عليكم (وتقعد

جنا وترررركض للطفله اللي مع اشواق وحتى ماسلمت عليها: يأحيآآآتي عليها وياقلبي (وتاخذ الطفله وتلعبها والطفله حبابه ماقالت شي

اشواق: بييييييه جنآ اهم شي رايحه للبزر حتى ماسلمتي علي

جنا وبدون ماتطالعها: سلام سلآم

روعه : الظاهر راحت علينآ اول مره ادري انج تحبين البزران بهالشكل

جنا وهي تلعب الطفله: امانه بنات شوفوها موحلوة تجنن يانآآآس

روعه: ياحبي لها تهبل شواقه مين بنته هذي اول مره اشوفها معك

اشواق: هذي بنت اختي دانه اختي دانه اللي ساكنه بالرياض مع زوجـهآ عاد نزلوا عندنا يومين وياحبي لها طول الوقت العبها ويوم جيت اطلع تعلقت فيني وخذتها معي

روعه: حركاآآآآت شواقه صايره بيبي ستر

اشواق: لآ والله ماحبيت اردها وييييه لو تشوفين دانه استخفت كل شوي توصيني عليها خذي ماادري شنو ولاتنسين ماادري شنو طلعت هالمشوار من عيني

جنا وهي تلعب البيبي : معها حق ياناآآس اللي عندها مثل هالحلوة لازم يخاف عليهاا

روعه: جنا انتي بالذات ماعرفنا لج توها من شوي ياشواقه تسب وتلعن بزوجـها ويوم جات البزر تغيرت 180 درجه

اشواق: دامج تحبين البزران شدي همتج وجيبي لج واحد والا اثنين

جنا وحزت بخاطرها هالكلمـة وتغيرت ملآمـح وجـههآآ للأسوء وبشكل ملحوظ واشواق وروعه مافهموا ليش وندمت اشواق على كلمتها وقالت على انها ترقع الموضوع: بس تدرين

توا الناس عليج توج عروس جديده لآحقه ع الهم

جنا(ياليت كل هم مثل هالهم وياليتي ماتسرعت باللي سويته ): .

روعه وينقال تلطف الجو: اقول جنون مع ذي الخشه وشسالفتج اليوم جالسه بالبيجامه وحالتج حاله حتى ميك اب موحاطه

جنا بيأس: اكشخ لمين !!

اشواق: يووووه شفيك اليوم كئيبه انتي طول عمرج تحبين تكشخين ودايم تقولين اكشخ لنفسي والا(وتغمز لها : عشان هشوم موويانا مانستاهل تكشخين لنا يعني !!

جنا: هشوم شخباري احس لمى تقولين اسمه يطلع غبآآآآر ماادري وينـه حتى موبايله مقفل وبيتهم محد يرد هشوم (وبخاطرها: بعت دنيتي وناسي وامومتي عشآنها واختفت بلحظه

او حتى سحبت ) _وتغيرت نبره صوتها وقالت: بنـآت وشرايكم نتغدى الحين !!

اشواق: مارح تنتظرون زينه ؟

جنا: لآ زينه اعتذرت وقالت ماتقدر تجي انا بقوم احط لكم الغدا والله اني ميته من الجوع

روعه: انتي تحطينه مااصدق

جنا: لاحبيبتي صدقي ولآ بعد انا طابخته بس الكذب خيبه الطباخ اللي مشرف علي

اشواق: وشالطاري!!

جنا: نوع من كسر الروتين والتغير عن اذنكم (وتاخذ معها الطفله وتطلع

اشواق: رورو جنو فيها شي صح !!

روعه: شكلها اليوم كله موطبيعه اول مره اشوفها بحياتي بهالشكل بيجاما تعبانه وفيستها اول مره اشوفها بدون ميك اب حتى شعرها شكلها من صحت من النوم مامشطته والادهى

من هذا كله آنـهآ كل شوي بمزاج ونفسيتها عدم شوي تضحك وتسولف وشوي تعصب وشوي مكتئبه وحالتها حاله وماادري شصاير لها!!

اشواق: تتوقعين هشوم تاركها

روعه: بصراحه اتوقع اي والا شللي يوصل جنا لهالحاله غير هشوم

اشواق: بس احنا مولازم نسكت لازم نسوي شي

روعه: ومين قالج اني سكتت قبل مااجي هـنا رحت لبيت هشوم وردت علي خدامتهم وقالت لي انهم مسافرين ومشيت ويوم اتصلت ع الثابت امها صرفتني وقالت مسافره مع زوج امها

سلآمت هنو تسافر مع زوج امها وامها جالسه وهي حتى ماتطيق تسمع اسمه وكله هواش ويـآهم ولمى اتصلت بجوالها مقفل شكلها البنت بتخلع وماتبي جنون

اشواق: معقوله هنو تطلع بهالخسه والدنائه مااصدق مستحيل تكون هنو كذا مستحيل تسويها

روعه: حتى انا مااصدق بس اللي قاعد يصير يجبرني اني اصدق

(وتجي جنا وهي شايله الطفله: يلآ بنـآآت تعالوا نتغدى

(وفعلآ جنـآآ من يوم ماسقطت الجنين حالتها الصحية تحسنت كثير وبشكل ملحوظ بس حالتها النفسيه من ســـئ لاســوء )

/
/
/
/
/
/
مــآآ عــآآد لي شـي في دنيتي يفــرح الخـاطر !!
نــآآس تغيــروا ونــآآس ودهـم لك يتغيـرون !!ََ

{ يالله }
خـذني لك وآنـــآآ راضــي !َ!َ!!َ
تــراني عـفـت هـآلـدنيــآآ ومافيـهــآآ "
/
/
/

" يمه يمه خلآلآلآلآص سميتي بدني خلاص اسكتي ماابي اسمعك" قالتها لامها بكل عصبيه

نوال: عادي عندك تهزين عرش ربك ياهنو انتي مذنبه

هنو: انتي هزيتي بدني وكياني وكل شي فيني مالك شغل انا اسوي اللي يعجبني وانا اللي بتحاسب مو انتي واذا خايفه على نفسك انا محللتك وانا بكامل قواي العقليه

واحب اللي اسويه انا شأأأأأأأذه شأأأأذه وافتخر اني شاذه وش بتسوين يعني يـآآ

ماكملت جملتها الا وجاها كف طيحها من طولها وحست بالدنيا تدور فيها من هالكف هذا

هنو وقامت ودموعها ع خدها ومقهورررره من الكف اللي جاها ويدها ع وجهها من كثر الحراره: وجععععع انتي هيييي مااسمح لك تمدين يدك علي فاهمه

وماكملت كلامها الا وجايها ذاك البوكس من اخوها هشام اللي توه جاي من برى: ياقليله الادب هذي امك ومن يوم ورايح رح تربيك وكل من في هالبيت بيربيك فاهمه

هنو وجاتها قوة مش طبيعيه ووقفت وقالت: تخسوووون كلكم ربوا نفسكم بالاول بعدين ربووووني (وتستغل فرصه ان البـآآب مفتوح وتطلع برى البيت بررررركض

واخوها هشام وامهـآآ يركضون وراهآآآ واخوها عبدالله يبكي بصوت عاآآلي لان كل هذا صـآآر قدامه طلعت من باب العماره بسـرعه وهي ماتدري وين تروح وشافت امها واخوها

جاين قررت تقطع الشـآرع وتروح لاي مكـآآن وتبتعد عنها وركضت بسرعه لمى شافت شاحنه جايه ورمت نفسهـآآآ قدامـهآ بسرعه وفضلت الموت ولاتعيش بجحيم امها واخوها و

صدمتـهااآآآ الشــآآحنه بكل قوة وراحت بغمضــة عين
.
.
.
.
.
.
" بــأحد مغـاسل المـوتي القسم النـسـآئي "

نوال جالسه تبكي عند جثه بنتها وتقول بصراخ: هنووو هنو يمه رحتي من يدي وانا السبب رحتي وانتي بعز شبابك يايمه هنوووو

نور: ياخاله مايصير اللي تسوينه ادعلي لها بالرحمه ادعيلي لها بالرحمه ياخاله

نوال بصراخ: بنتتتتتتتتتي ياناآآآآس ليش جايبنها هناااا بنتي ماماتت ماماتت

نورا: هدي اعصابك يانوال واذكري ربك وترحمي عليها

نوال: بنتييييييي بنتييييي

((وتجي المغسله وتساعدها نور ويطلعون نوال عشـآآن تشوف المغسله شغلها )

نورا وهي لسـى جالسه عند هنو ودموعها ع خدها مثل النهر الجاري وتتكلم بهدوء : هنو حبيبتي ياليتك سمعتي كلامي بذاك اليوم وماصار اللي صـآر استغفر الله العظيم

انتي الحين بتروحين لدنيا غير الدنيـآآ وعالم غير هالعالم وان شاء الله ربي يغفر مع انك ذبحتي نفسك بنفسك وانتحرتي وهذا حرام انا رح ادعيلك وامك رح تدعي لك وترى جنا محللتك

وحتى حنـآآن تذكرينها حنان محللتك وكلهم يدعون لك والله يثبتك عند السؤال ويغفر لك والله يرحمك ياهنو (وتطلع وهنو تسمع صوت نعالها يبتعد اكثر واكثر

" وين رايحين تعالوووا لاتروحووون تعالواااا يمممممممممممممممممممممممممه . نووووووووووووور . نوووووووووووررررا تعالوووووا

انا خلاص بتوب بتغير بكفر عن كل اخطائي بس تعالووووووووواااا انا ماابي اموووت ماابي اموووووت تعالوووووا يممممممممممممممه يمه احبك ياليتي سمعت كلامك

يمه تعالي خذيني لاتخليني هـناآآآ يمممممه اميمتي انا بنتك بنتك هنو تعالي اميمتي لاتخليني يمهههه انا اسفه ارجعي يمه انا اسفه والله اسفه تعالوووووووا

// انتــهـى مشـوار الدنيــآآآ الحيـآه الفانيه وجاء وقت الحســآآب

قــآآل تـعآلى ( وجآءت سكـرة الموت بالحق ذلك ماكنت منه تحيد ) سورة ق ايه 19

.
.
.
.
.
.
" اعوذ بالله من الشيطان الرجيم اعوذ بالله من الشيطان الرجيم اعوذ بالله من الشيطان الرجيم "

فزت من نومها بكل خووووف وفتحت لمبات غرفتها وهي تطالع وجهها بالمرايآآآ زين

هنو: انا حيه انا حيه مامتت انا حيييييه (ودموعها ع خدها مثل النهر الجآآآري : الحمدلله انا مامتت الحمدلله

وتتذكر نورا لمى كلمتهآ اليوم (نورا: حاسبي نفسك ياهنو على كل قبل ماتتحاسبين حاسبي نفسك وترى للحين مافات الاوان حبيبتي كل شي ممكن يتصلح )

ولمى كانت بالمغاسل(نورا وهي لسـى جالسه عند هنو ودموعها ع خدها مثل النهر الجاري وتتكلم بهدوء : هنو حبيبتي ياليتك سمعتي كلامي بذاك اليوم وماصار اللي صـآر استغفر الله العظيم

انتي الحين بتروحين لدنيا غير الدنيـآآ وعالم غير هالعالم وان شاء الله ربي يغفر مع انك ذبحتي نفسك بنفسك وانتحرتي وهذا حرام انا رح ادعيلك وامك رح تدعي لك وترى جنا محللتك

وحتى حنـآآن تذكرينها حنان محللتك وكلهم يدعون لك والله يثبتك عند السؤال ويغفر لك والله يرحمك ياهنو .))

هنو : اعوذ بالله من الشيطان الرجيم ياربي ارحمني يااااارب ارحمنيييي (وتفز لحمامها (يكرم السامع) وتجلس بالبيانو وتفتح الماي على نفسها وهي تبكي بحراره مثل الاطفـآآل
.
.
.
.
.
.
.

وهو لو كـآآن الـحب مصيبه ياحـلاهــآآ من مصيبــة

ياياليت اكبـر مصايبي تكون هـوى وغرام مجـنون

ياليت اكبر مصايبي سبايبهـآآ تـكون " انت "

مشـكلتي انتي حبيت وانـحبيت وأنا حـتى زولك مـآ " شـفـت "
/
/
/
/
/
/
/
/
" وش هالقرار المجنون هـذا انت من جدك شنو يعني خلآص هو لعب عيآآل" قالتها لاعز صديقاتها بكل عصبيه وحمق

بازوكـآ: سعود هذا قراري وانا مسؤول عنه

سعود بحمق قالت بنبره هاديه وهي تضغط على اعصابـهآآ: بأزوكا انت وشفيك يعني خلاص رح تترك كل شي الشله وجمعاتنا وكل شي ورح تصير كيوت انت

جد مب صاحي ليكون للحين متأثر من فراق حبيبتك اينـآس !!

بأزوكا: سعود انت وشفيك انت شنو ماتحس ماعندك دم سعود ايناس ماهمتني ومن تزوجت انا تمنيت لها الخير بحياتها وطلعت من حيآتها بهدوء مثل ماطلبت

وبعدين انا لي شهر ونص تارك اينـآس وقراري هذا كان ببـآلي من سـنة وايناس مالها علآقه وتكلمت معاك بهالموضوع لو تـذكر قبل سنه

سعود: اي بس وقتها انت ماكنت جاد

بازوكا: كنت جد الجد بس انت مسخرتني وخذتها على انها نكته وشلون تبيني اتكلم معك وانت تضحك وتتمسـخر

سعود: طيب هد اعصابك الحين وفكر بالموضوع زين

بأزوكـآ: انا الحمدلله فكرت فيه زين وعقلت وبعدين سعود ياقو قلبك اللي صـآر مع عبود ماهز فيك شعره ماتحس ان شاء الله تبي يجيك الدور او حتى يجيني وبعدين تحس !!

سعود: عبود حاله ثانيه عبود شاذه بس انتي لآ وبعدين

بأزوكـآ: الطريق اللي احنا ماشينه غلط بـغلط واحنا قاعدين نخالف الطبيعه البشريه ونخالف مجتمعنا وديننا وتقاليدينا ونتشبه بناس مو من ثوبنا مثل شاين والين دينجريس وسامنثا رونسون

اللي حتى مايدورن عننا ولاحتى بوجودنـآآ

سعود: هيييي انت شفيك موكـأنك زودتها

بأزوكا: ازودها الحين قبل مايفوت الفوت احسن من بعدين لين يطيح الفأس بالراس صحيح اني موشـأذه لكن كل شي يجي شوي شوي وانا مارح انتظر روحي لين يجيني الآيذر مثل عبود

وانقط بالمستشـفى ومحد يدري عني حتى ربعها وشلتها تخلوا عنها وهم اول ماتكلموا عنها وفضحوها عند النـآآس

سعود: هدى ,,انتي اعز صديقاتي ومااقدر اتصور لا الشله ولاحتى حياآتي بدونج

بازوكا(هدى): سمر انا مارح اتخلى عنج ورح اضل وياج على طول ومتى مااحتجتيني رح تلآقيني رح تلآقين هـدى مو بازوكـآ (وتطلع من بيتها وتمسح دمعتها بطرف

عبايتها وتركب سيأرتها وتروح وهي ماتبي اي شي يذكرها بالشله القديمه ولاحتى سمر اللي مارح تقطعها وبتحاول تصلحها او ع الاقل تمنعها من نفسها الامآره بالسوء

حطت رأسها ع سيت سيارتها وتركت دمعتها المتحجره تنزل براحتـها وهي تتـذكر الموقف المحرج اللي طـاحت فيه من قبل يومين اللي كان بالنسبه لهآآ مثل الصفعه بوجـهـهـآآ
.
.
.
.

قاعده ع النت ببيتهم وبهالوقت بالذات محد حولها وخصوصا ان ابوها ينام من بعد مايأذن العشاء ويتعشى وينـآآم واستغلت وجود الكمبيوتر بغرفتها هي وخواتها النايمـآآت وجلست ع المسن

تدردش مع اللي شغلت عقلها وتفكيرها لمـدة 5 شـهور وهي ماتنام ولاتصحى ولاحتى تفكر الا فيها وهي بنفسها موعارفه شلون تعلقت فيها وحبتها وهي حتى ماشافتها وكانوا بأخر شهرين

يوميـآآآ يجلسون يدردشون ع المسسسن لان البنت وببسـآطه مابغت تعطيها رقمها وخلوا علآقتهم رسميـه وبحـدود الشبكه العنكبوتيه

بازوكا: يوووه تصدقين عاد اشتقت لك

مس نانو: وش دعوى بازوكتي تونا امس مع بعض

بازوكا: انا ماصرت اطلع من البيت كثير وكله قاعده عند هالجـهآز

مس نانو: ياعمري انت بازوكا احبك

بازوكا: وانا اعشقك يانوني

مس نانو: طيب بسألك سؤال وابيك تجاوبني عليه بكل صراحه ومهما كان جوابك مارح ازعل منك

بازوكا: آمري

مس نانو: مايآمر عليك عدو لو كنت انا وانت وسعود بقارب وهالقارب فيه حمل زايد ولازم انت اللي تقرر مين رح ترمي من هالقارب شنو رح تختار وليه

بازوكآ: وجه سمايلي

مس نانو: وجه معصب قلنا جاوب وبدون مجاملآت

بازوكا: برمي نفسي لان انتي قلبي وحيآتي وسعود عقلي وانا مااقدر اعيش بدون قلبي او حتى عقلي برمي نفسي وارتاح (فيس يبكي )

مس نانو: فيس خجول ) بازوكا ابي اشوفك بكره

بازوكا: شالطاري ؟ غريبه قلتها من نفسك لين شهرين اطلبك وترفضين

مس نانو: كنت متردده بس الحين خلاص قررت اشوفك

بازوكا: اوكي حددي المكان والزمان

مس نانو: بعد بعد المغرب بــ Miss cofe اللي بالشاطي مول وانا رح اكون لآبسه فوشي

بازوكا: اوكي وانا انتي تعرفيني وكل صوري عندك ورح انتظرك هـنآك

مس نانو: اوكي حبيبي تصبح على خير

بازوكا: وين

مس نانو: بروح انام عشان بكرا يجي بسرعه

بازوكا: هههههههه فديتـكـ

(اليوم التآلي بازوكا من فرحتها راحت بدري وياليتها ماراحـت كانت جالسه وتنتظر ولابسه قميص ابيض واسود مقلم مرآآآ رايق عليها وجينز طيحني وشعرها سبايكي كالعآدة

وكل شوي تناظر السـآعه

بازوكا(اوووف وينها هذي طول ماصـآرت توه مخلص اذان المغرب وماجات

" ممكن اقعد "

بازوكا(وشتبي ذي بعد : حبيبتي وين ماما

البنت وهي بنت صغيره شكلها بالابتدائي: اي ماما انا كبيره بسادس ابتدائي

بازوكا: ماشاء الله مرة كبيره

البنت وتجلس : ليه تطالعين الساعه كثير

بازوكا(اللهم طولك ياروح): حبيبتي انتي وشرايك اطلب لك عصير يجنن وتقعدين ساكته زين

البنت: ماابي عصير ابي اكسبرسوا

بازوكا وماسكه ضحكتها: اكسبرسوا موحلو لج بأخذ لج عصير برتقال فرش وشرايك

البنت وعصبت شوي وقالت: بس انا مـآ احب البرتقال يابازوكـا

بازوكا بدون اهتمام قالت: بس اللي بعمرك يـحب الـ (وسكتت فجأه انتي تعرفيني ؟

البنت ومدت يدها: سلام

بازوكا وتسلم عليها وهي مصدومة منها: وعليكم السلآم

البنت: انا مس نانو بازوكا شلون ماانتبهتي لي وانا لآبسه فوشي ؟

بازوكا وتحس مثل المآي اللي انكب على راسها ماهي قادره تصدق: آيييييييش !!

البنت: وشرايج فيني ؟

بازوكا حطت يدها على راسها بخيبه امل وتسندت على الطاوله شوي وبعد صمت رفعت راسها وقالت/ ماما انتي تمزحين صح ؟

وتدخل الكافي بنت صغيره وشعرها طووويل وتركض لعندهم

البنت: نوني قومي ماما قالت لي وين اختك وقلت لها تتزلج في السكيتنج وقالت ناديها بسرعه

نوني: طيب الحين بجي روحي

البنت: لا تعالي الحين امي قالت ماتجين الا وهي معاك

نوني: انتظريني برى يالعله

اختها طالعتها باحتقار وانتظرتها برى

نوني وطالعت بازوكا وقالت: انتي مره حلوه احلا من الصور كان ودي اطول بس ماقدرت ان شاء الله اشوفك مره ثانيه (وحطت هديتها ع الطاوله ومشت

اما بازوكا مومصدقه نفسها تحس نفسها بكابوس مرعب معقوله هي تحب ومتعلقه ببزر ماعدت 12 سنه حست نفسها اسخف انسـآآآنه بالعالم وتمنت ان الآرض تنشق

وتبلعها وحست بأحراج شديد لان بعض البنـآآت اللي بالكافي كانوا يطالعونها ومعها ع الخـط ماانحرجت منهم الا انحرجت من نفسها وسخافتها

قامت ودفعت الحسـآب ولبست عبايتـهآآ وطلعت

.
.
.
.
.
مسحت دموعها بحرارة وقررت تنسـى هالعالم عـآآلم البـويآآآت اللي حست تجـاهه بكره شديد وكانت هـذي الصحـوة اللي غيرت بـآزوكـآآ مابين مرض عبود وتخلي شلتها

عنها ومابين مس نانو الطفله اللي بغت تكبر قبل الآوان اللي حبت تقتل طفولتها وتدخل عالم موعالمهأ وهي موقده مابين هذا كلـة بازوكـآآآ قررت الانسـحاب من عالم بـآزوكا وترجع لعالمها

الطبيعــي عالـم " هــدى "

الفصل الحادي والعشرون والآخير
الجـــزء الثــآآآنـــي

بـــــعــــد مـــرورأســبـــوعـيـــن


آنآ الآن طفل آكثَر مِمآ سبق 
آكثَر آحتيآجآ لِ القهقهة ، والحلوى
لِ الصرآخ ، والركض هنآ وهنآك
آكثر آحتيآجآ لِ الدموع البريئة
آكثر آحتيآجآ لِ النوم في آحضآن حبيبي
آكثَر آحتيآجآ لِ تغلغل رمآل الشآطئ بين آضآفري
ومدآعبة البحرِ لِ آطرآفي 
آحتآج ضحكآ من الاعمآق
وقلبآ لآيحمل الضغينة والآحقآد
آحتآج روحآ تغفِر ، وعقلآ ينسى
آنآ قويّ آعلَم ذلك 
آنآ آعتمد على نفسي 
بِ يدي آن آفرَح ، وبيدي آن آجعل فرحِي
مرتبطآ بِهم 
بيدي آن آتعلّق بِ آحدهم / وبيدي آن آنسآه
آنآ عآقِل ، نآضج 
آنآ آمتلِك كل شيء ، وآستطيع فِعل مآ آريد
نعم 
آنآ كذلك 
لكنني لآ آريد كل هذآ
جرّبت كل شيء 
صديقآتي لآ آستطيع عدّهم
تزدحم الارض بهم
من جميع الاشكَـآل والآنوآع
جميع الصفآت والطبآع
جرّبت الحب ، ومع من يستحقه حقآ
آحببّته من كِل آعمآقي
عشقتُه حدّ الثمآلة
ومع ذلك كله ( لم آجدنِي )
بحثتُ عنّي كثيرآ ولم آستطع حتى الآن آن
آن آجدني 
تآئه / ضآئع 
آريد آن آكون "لي" وحدي 
آريد آن لآ آرى سوآي
آريد آن آمنح نفسي الفرصة لِ التفكير بي 
آحتآج آن آنفَرد بِ نفسي
آريد آن آكون صديقيِ
لن آجرحَني ، ولن آخطئ بحقّي
لن آخلف الوعود التي سَ أعدهآ نفسي

لن آكذب على نفسي ، ولن آجآملهآ
سَ آكون صآدق تمآمآ
سَ آحبّني لآنني ( آنــآ )
سَ آحب روحي ، وقلبي 
سَ آحب آسلوبي ، وصفآتي ، وطريقة كلآمي 
سَ آحب تفكيري 
سَ آعمل على آن اُسعد نفسي
سَ آنسيني كل شيء 
كلللل مآ حدث لي في حيآتي
سَ آضحك معي ، وآبكي معي
سَ آتعلّم فنّ الشكوى / نعم 
سَ آشكي لي ، وسَ آسآعدني على حل مشآكلي 
وكل هذآ ( بدُون مُقآبل )
ملَلت الضحك مع البشَر
والتبذير فِ الكلآم التآفه الذي لآيحمل آي معنى 
ملَلت الحديث في آشيَـآء لآتعنيني / ولآ تعنيهم
ملَلت سكُون غرفتي ، وخمول سريري ، وآشيآئي

المُبعثرة
ملَلت ثرثرة دفآتري ، وصمتَ ملآبسي !
ملَلت الانكبآب على شآشة الكمبيوتر
والتجوّل بين صفحآت الانترنت كَ "مُدمِنه" 
آحتــآج آن آنـآم بِ عُمق 
بلآ كوآبيس فرآق ، ودموع آلَـم
بلآ قلق على آحبآب ، وبلآ آحلآم لن تتحقق 
آريدُ آن آنــآم على آنغآم العصآفير في جزيرة نآئية
في بُقعة من الآرض لآتحمل فوقهآ روحآ تتنفّس / ولآ

قلبآ ينبض !!


ببيت هـنــآآآء هـنو صـآآيره 24 ساعه

بغرفتها ياتقرى قران ياتسمع اشرطه دينيه ياتصـلي

أي لآ تستغربـون هنو متغيره كثير

هاليومين وحتى صحتها ماعادت تهتم فيهآآ من خلآل

الاشـرطه اللي عطتها ايآآهـآآ نورا (ام فارس*

حست انها تجهل كثير بأمور دينها ولا قاعده تسمع

اشياء اول مـرة تدري عنها

ندمت كثير على انها ماتعرف هذي الاشياء اللي حتى

اللي أصغر منهآآ يعرفونها قررت تستغل كل لحظه

عشآآن تفهم اكثر وتستوعب وتقرب من ربهآآ وحتى

امها مستغربه من

التغير اللي صآآآر لهآآ وبنفس الوقت فرحآنه لهـآآ

ولتغيرها المفأجي لكنـها خافت عليها لانها لهآ مدة

على هذا الحال وماتغيرت

وكانت نوال بالصـآآله مع ولدها هشام

نوال وهي تشرب قهوتها التركيه اللي ماتستغني

عنها: يايمه حال اختك موعاجبني

هشام وهو رافع حواجبه: يمه والله ماعرفنـآآ لك

اختي تغيرت كثير ماعادت لاتطلع ولاتدخل وحتى

تطلع من غرفتها والحمدلله صارت تحافظ على

صلآتها ومافيه احسن منها

وشللي موعاجبك بحالها

نوال: اي موهذا اللي موعاجبني اختك ماتطلع حتى

من غرفتها ماغير تصلي وتقرى قران الحمدلله

الف ام بمكاني تتمنى بنتها تصير كذا بس احس انها

مبالغه اختك

شوي وشوي ورح تغالي في الدين

هشام: ماما انتي مكبره الموضوع بس هنو عندها

وقت فراغ كبير خليها تستغله بللي يفيدها وتؤجر

عليه ان شاء الله انتي لآ تحطين ببآلك

نوال\ طيب حلو انها تستغل وقت فراغها بس اختك

حتى اكل ماتاكل لو تشوف شكلها شلون صاير

صايره صفراء كأنها ليمونه وبشرتها شاحبه وماتأكل

ونومـها قليل

هشام: طيب وشرايك نوديها الطبيب

نوال: ومين قالك اني ماقلت لها اختك تقول مافيني

شي وماتبي حتى تطلع من غرفتها هي يادوب تاكل

وحتى عبود ماتبي تطلع معه

هشام: يمه انا اعرف هنو عدل ترى اللي مرت فيه

موشويه ولازم تأخذ لها فتره عشآن تنسـى اللي

صـآر ولاتنسين انج تغيرتي عليها الفتره الاخيره

وكلنا كنا ضدها والحادث اللي مرت فيه

يمكن هالشي خلاها تفكر بللي صار معها وخلاها

تعقل والحمدلله انها رجعت لعقلها وتركت عنادها

وحركاتها الماسخه يمه انا حال اختي كذا عاجبني

احسن من انها ماتقعد بالبيت يوم واحد

والله يثبتها على ماهي عليه

اما امه ماكانت معه وكانت سـرحـآآنه وقالت فجأه : وشرايك نطلع ونتعشى برى اليوم

هشام: ماعندي مانع

نوال\ تدري جات على بآلي فكره وبالمره ابي اشوف

رده فعل اختك منها

/
/
/
/
/
سكـرت المصحف اللي بيدهآآ وقالت : نعم يمه

نوال: حبيبتي اليوم انا عازمتكم كلكم وعمك محمد

على العشـآ برى وشقلتي !!

هناء: مالي نفس يمه

نوال: مالك نفس تتعشين والا عشآن محمد معنا اذا

عشان محمد خلآص انا مارح اخليه يجي اهم شي

انتي تجين

هنا: لايمه اطلع واستانسي انا بقعد بالبيت وبعدين

ماني جوعانه

نوال: يعني احنـآآ اللي جوعانين احنا طالعين نغير

جو لااقل ولا اكثر واذا ماتبين تتعشين نروح

لكـأفي وشقلتي !!

هنا: قلت روحوا وانبسطوا وانا لآتشيلون همي انا

مبسوطه هـنآآ

نوال: حبيبتي هنو ترى حالج موعاجبني لاطلعه

ولادخله وبعدين البيت ماحد بيقعد فيه حتى الخدامه

بتطلع معنا تتعشى وتغير جو يلا هنو حبيبتي

براضي عليج قومي عاد

هنو ورنت بأذنها كلمه امها"برضأي عليج" وقالت: يمه انتي راضيه علي ؟

نوال: اي حبيبتي انتي بننتي الوحيده اللي اشوفج

عيوني المركبه يلا عاد قومي خلينا نستانس

هنو وابتسمت لآمـها وقالت: طيب يمه الحين البس واجي

نوال واستانست ان بنتها وافقت وقالت: حلو انا

بروح اقول لاخوانج على ماتجهزين (وتجي تطلع

وتناديها بنتها : يمه

نوال: هلآ حبيبتي

هنو: ماما لو تبين عمو محمد يجي خليه يجي انا

ماعندي مانع

نوال وابتسمت: والله حبيبتي

هزت اكتفت بأبتسامه صفراء وهزت راسها

بالايجـآآب أمــآ امـها فـأستنست حيل من تغير بنتها وبنفس الوقت مستغربه من التغير
الكبيــر اللي بنتها فيـه وتمنت ان الله يثبتها على ماهي عليه

وبالمطـعـمـ راحـوا لآحـدى المـطاعم

الصينيه اللي تحبـهآآ هـنو وكانوا كلهم ماسكين

المينو ويطلبون ماعدا هنو اللي معاهم ومو معهم

ونوال وولدها كانوا مبسوطين من هنو وتغيرها

وخصوصا لمى طلعت معهم وكانت تتـغطـى وهذا

تغير كبير بالنسبه لـهم

نوال: هنو حبيبتي وشفيك ماتاخذين المينو وتطلبين

لك شي

هنو بنبره هاديه : ماتفرق اطلبي لي انتي اي شي

هشام: انا عارف اكيد تبين سوشي

هنو: هزت راسها بألآيجـآب بدون ماتتكلم

محمد وينقال له بيلطف الجو: هااه هنو ماقلتي لي

شنو تبين هديه نجاحك

هنو: ماابي شي

محمد: وشدعوى هنو صحيح انها جات متأخره ولكن

انا بعوضك وابيك تطلبين اللي خاطرك فيه

هنو: ماابي شي ولو ابي شي كان قلت (وبعد صمت:

كان قلت لامي (وسكتت هنو صحيح ان اسلوبها

مع زوج امها موعاجبها وتحاول تغيره على قد

ماتقدر عشان امهآ وبسسس

يمكن تقدر تغير طريقه تعاملها بس ماتقدر تتحكم

بمـشآآآعــرهـآآ )

نوال: طيب انا عندي اقتراح مره حلو وبما اننا

بالصيف وشرايكم نسـآفر كم يوم ونغير جو ولآ

شرط هنو تختار البـلـد اللي تبيـه

هنو: ماما ماابي اسآفر ولو بغيتوا تسـافرون سافروا

انتو انا مافيني شي موغصب تطلعون فيني شي

هشام: طيب ياجماعه خلونـآآ نطلب لنـآآ شي ناكله

ونكمل كلآم بعدين

هنو ورجعت سرحت وكانت معاهم ومومعــآآهم

ونوال مااستـفادت شي من هالطلعه وبنتـها كل

مالها تعزل نفسها عنهم اكثر واكثر

.
.
.
.
.

وصلت للبيت وراحت لغرفتها على طول وحطت

سماعتها بأذنها وهي تسمع قراآآآن وبكل هـدوء

وكانت امـهآآ تدق باب غرفتها وهي لآحيـآه لمن

تنادي ودخلت امها لعندها

ووقفت قدامها بالضبط وقالت: هنوووو

هنو وهي تشوف امها قدامها بس ماتدري وش تقول

بعدت السماعات عن اذنها وقالت: هلآ يمه

نوال: تفضلي حبيبي (وتعطيها كيس

هنو: شنو هذا

نوال: افتحي الكيس وشوفي هذي هديه صغيره من

عمك محمد وان شاء الله تعجبك (وتبوس بنتها على

راسها وتطلع اما هنو فـ فتحت الهديه وكانت

عباره

عن جـهآز مـوبـآآيل الآيفون وكان جديد توه

مانزل للسعوديه ومعآه خط عـآم بأسمه

هنو ماسكه الموبايل واول ماجاء على بـآلها جـنا

تبي تتصل فيها أشتاقت لها كثير صحيح انها قالت

تبي تتغير وتنسـى كل شي لكن قلبها للحين متعلق

بجـنا وتحبها وتكره نفسها

لمى تتذكر هالحب وهالعلآقه الغير سويه لكن ماتقدر

تمنع قلبها من الحب بس تقدر تقسيه لانها عارفه

انها لو كلمت جـنآ رح تحن لهـآآ وترجع لـهآآ

وهي تبي جنا بحياتها كـصديقه

لآأقل ولآاكثر بس مارح تقدر على هالشـي لآنها

لمـى تشوف جنا تنسـى الدنيا ومافيها عشآآن كذا

قررت تبتعد عنها وبـكل هـدوء خذت الكيس بما

فيه وراحت لآمـها ودقت الباب بهدوء

ودخلت

هنو: وتعطي امـها الكيس تفضلي

نوال: ليش ماما ماتبين الهديه !!

هنو:مالي حاجه بالموبآيلآت

نوال: عشآنها من محمد يعني !!

هنو: لاوالله موعن بس انا شوفه عينك لاطلعه

ولادخله مثل الاول حتى ربعي قطعتهم والجوال

مايلزمني

نوال: طيب لو انا كنت برى البيت واحتجتك بشغله

هنو: تلفون البيت مايقصر يمه

نوال: طيب لو انتي كنتي برى واحتجتك بشي

هنو وتحط الكيس جنب امها وتقول: ماما انا مااطلع

ولاادخل يعني مااحتـاجه وبس تصبحين على خير

وقولي لـ (وتتغصب الكلمه : قولي لعمي محمد

شكـرآآ (وتطلع)

.
.
.
.