الموضوع: رواية اشتعال السحب

في آحـــد الشركــآت الضخمـــه في دبــــي .وبتحديد في غـــرفة صاحب الشركـــه .
جالس ورا المكتــب على الكرسي الجلد البني الكبيـــر ويديرو يمين يسااار : حبيت المكان
واقف عنند دولاب الملفات وهوا يدور ورا ملف معيـن : ايوا لو تشتغل اصلا كان كرهت المكان بكبرو
اياد : انا مدري ليش قاتل نفسسك على الشغل دا وانتا صاحب الشركه
وضـآح : هيا فتره يجيني كدا ضغط وبعدهاا افل اهلها
اياد : دحين مافي ضغط ولك ساعتين لاوحني وانتا بتقلب بدي الاوراق
وضاح اخد الملف واتوجه للكنبــه اللي قبال المكتب وجلس عليها : ياشيخ سارت مشاكل من العمال اللي هنا فامضطر اصلح اغلاطهم
اياد : اهاا
وضـآح : وانتا لمتى حتفضل عاطل كدا
اياد : دام بيجيني كل شي جاهز ليش اشتغل ؟
وضاح : يعني مايكفي انك كازب على اهلك وبتقولهم انك بتدرس
اياد : ههههههههههههه ماكزبت عليهم انا كنت بدرس
وضاح : وانطردت من الجامعه
اياد : لازم اقولهم اني انطردت ؟
وضاح طالعلو بنص عيــن : لا مو لازم
اياد : قلتلهم دي اخر سنه واتخرج
وضاح : ولو طلبو شهادتك ؟!
اياد :الفلوس تسوي كل شي حشتري شهاده
وضاح : ومين حيبعلك شهاده قول تزووور دي تخش العقل
اياد : لا بلااش تزوير كدا مره انكفشت بدي المواضيع اتفقت مع واحد بجامعتي انو يدرس وانا اشتري منو الشهاده وحشغلو عندي خالي كماان بجده يعني ايش يبى اكتر من كدا فلوس ووظيفه !
ووضاح : عارف انو انتا حمار وهوا احمر منك
اياد : ههههههههههههههههههههه اي نو بس دا حلي الوحيد
وضاح : عليك مخ
اياد : اشغلو وقت الحاجه لاتشيل هم
وضاح قفل الملف لما دق الباب : ادخــل
دخل الرجال الكبير بسن واياد على طول كشـر : ايش تبى ياعم ؟
وضاح على انو معصب لما شاف الرجال بس ضحك على اياد : اياد خليك على جمب
العجوز قرب من الطاوله اللي قبال وضاح : طلبتني ؟
وضاح : مو شي طبيعي اطلبك بعد اللي سار ؟
العجوز : بس مو مشكلتي
وضاح صوتو علي بالمكــآن وفجع اياد والعجوز : لماااا تنسحب 750000 درهم من الشركككه وانتا المسؤول عن حسابات الشركه يعني حتكون مشكلة مين
العجوز : بسس
وضاح قاطعو بصوت جهوري: الفلوووس دي فيييين راااااحت ابى اععرف مين سحبها مو انتا
العجوز : لا مو انا انسحبت الفلوس زي ماعرف امس وانا امس ماجيت
وضاح : جيت في الصباح
العجوز : ساعه وبعدين انسحبت الفلوس في المغرب
وضاح : داا يدل على تقصيرك بالعمــل
العجوز : انا اسف
وضاح : انتا مفصوول
العجووز بردة فعل سريعه : لا الله يستر عليك ياولدي انا عندي بزوورهـ
وضـآح :وانا فلوسي طاارت مدري فينها
اياد بدخله عرض وهوا يهرج بتحليل ويحرك الكرسي وعايش اللحظه مره
: صح الفلووس اهم يعني عيالك حتصرف عليهم من اي مكان اما الفلوس كيف يعوضها
وضاح كان نفسو يضحك على اياد بس ماسك نفسو لأنو الموقف اللي محطوط فيــه مايسمحلو يضحك
العجوز شويا ويبكي : دي اخخر مرره انا اســف
وضاح سكت وهوا يفكر انو يخليــه بس كلام اياد خلاه يمسك في رايو
اياد : دي 750000 فين نصرف كلمه اسف تبى تتاسف ورح اتأسف لعيالك وقولهم ابوكم انطررد لأنو سارق 750000 من الشركه
العجوز : ببس انا مو سارقها
اياد : طيب عندك حليـن يانبلغ الشرطه وتروح المحكمه وانتا عارف قرارهم حيكون كم سنه سجن ولا تنفصل من شغلك دا وتروح تشوفلك مكان تاني _ طالع في وضاح وغمزله _
العجوز : اسمعوني
وضاح : انتا اللي اسمعني ياعمي انا اسف مالك مكان عندي بالشركه الله يعطيك العافيه على شغلك نشوفك ان شالله
العجوز طالع في اياد ووضاح بعيــون مدمعــه مو عارف كيف يطلب منهم
نفسسسو يترجااهم بس كرامتو ماتسمح
اتذكر بناته 4 وولدهـ
كيف حيصررف عليــهم بعد كداا
خـــرج من غرفة المديـــر وهوا بدون عقـــل ولا قال اي كلمـــه
دق جوآله وكآنت زوجتــه : سعيد انا في بيت اخـتي مر علياا


وسط الغرفه ضحكـــه تدل على حقارتــو : لاتخليهم يلعبو بعقلك لما تقولهم كللللمه خلاص سويها
وضاح : بس فكرت ببزورتو حززنت
اياد : يااشيخ كل الناس عندهم بزوره لا اول ولاأخر واحد عندوووو
وضاح : لو رجع كلمني ترى حرجعو
اياد : لاحووووول
وضااح : يحزن شوف عينو كيف مهما كان كبير بسن
اياد : اقوول يلا خلينا نخررج
وضاح : نص ساعه ونخــرج
اياد سند جسمو على الكرسي بتملل : طييييييييب




بطـــريقهم للبيــــت السياره طااغي عليــها الهدوووء معاها البي بي وتبى تشغل نفسها في اي شي
عشان لاطالع في وجههو اللي سار بنسبه لها مستفـــز لا اكتــر من مستفـــز تكلم صحبتها هنيده علـ بي بي
هنيده " ليش دحين معصبـه ؟ "
راما " مو عارفه احكيكي والله ببكي ياهنيده "
هنيده " ايش سارلك ياقلبي "
راما اتذكرت اللي سرلها شويا وتبكي بس ماتبى قدام اسامه " من اول يوم وخلاص حاسه نفسي مخنوقه ومو قادره اكمل "
هنيده " ايش سار معاكي ماعجبك المكان ولا احد ازاكي ولا ايش بزبطط "
راما " كل شي جديد عليا سارتلي مواقف تافهه والشباب هناك نظراتهم تقررف مو نظرات وبس ممكن يتريقو عليكي خلاااااص ماقدددر على كداا "
هنيده " حتصل عليكي "
راما " لا لاتتصلي "
هنيده "ليش "
راما "انا بسياره مع الكلب اسامه "
هنيده : مو قبل كم يوم متجننه عليه "
راما حاسه لو جلست تهرج مع صحبتها اكتر ممكن تبكــي " كنت برب "
دخلت جوالها في الشنطــه
اسامه : كويس
راما رفعت حاجبها : نعم ؟
اسامه : جهازك دا جديد ؟
راما باإستغراب : ايوا ليش ؟
اسامه : لا بس كنت ابى اعرف ليش ماسكته طول وقتك عرفت خلاص
راما من جوتها حريـــقه قدها منو : بهرج مع عيلتي
اسامه ضحك نص ضحكه استفزازيه بس: يعني هما كمان كدا ماسكينو طول الوقت !
راما ماردت عليـــه تحرك رجلها بعصــبيه نفسها تقوم تضربــه
اسامه : انتي اليوم اثبتي كلمه ارهابيه للعربيات
راما ماتدري هيا ماتفهمو ولا هوا دخلاته في الهرج دايما غلـط : ايش ؟
اسامه : يعني لما يجي واحد لكي تقومي تضربيه ليش
راما وجهها حمـــر : حسبتو يبى يازيني
اسامه : إنو يعنننننني سااااب كل بنات الجامعه دحين وانتي بس اللي جازبتو ولاحقك للمكتبه
راما نظراتها كلها حقد : ماقلت كداا وبعدين ايش دخل ارهابيه دحيين
اسامه : بما انك محجبـه يعني واتهجتمي على ولد بدون سبب
راما اتفاجئت من تفكيره : ارهابيــه عشني محجبه واتناقرت مع واحد اسير ارهابيه
اسامه : دا مو رايي اتوقع راي الاجانب اللي كانو حوليا
راما عدلت طرحتها ولساتها مصدومه : شكلك تتأثر كتير بكلام اللي حولك
اسامه كان بيفتح فمو بيهرج الا قاطعته راما لما رفعت يدها وباين انها مضايقه : لو سمحت انتهى الموضوع
ااسامه رفع حاجبه وكأنو ماعجبتو حركتها قال وهوا بس يبى يهرج كدا عناد : بكرا ماحتركبي معايا كل واحد يروح ويرجع لوحدو
راما : ودا اللي اباه
اسامه معاه جواله كالعاده وقال كلمه ماسمعتها مره لأنو صوتو واطي بس لقطتها
راما انفجرت : مع نفسسسك انتا اللي غبي ومتخللف كماان
اسامه رفع عينه من على جواله ومعقد حوآجبو : سلامات ؟!
راما : في الجامعه قلتلي غبيه ومشيت سكتلك بس على بالك لما تقولي هيا مره تانيه حممررها
اسامه سكت للحظات وبعدها استوعب ضحك من قلبووو علييها
: هوا اللي على راسو بطحه يحسس عليها كنت بهرج نفسسسي قلت الغيه مو غبيه
راما وجهها راح فييها من كتتر الاحراااج تبى تعدل موقفها االسخيف : عارفه انا بهرج عن الكلمه اللي قلتلي هيا بالمكتبه
اسامه رجع يضحك : طيب طيب _ سكت للحظات وبعدها رجعع يضحكك _
رامااا خلااااص شااااااابه ناااار من جواتها لو ماوقفت السياره قبال البيت كانت نطت فووقوو وارتكبت جريمــه فيــه


فتحت باب السيااارهـ وخــرجت جاااي بيخرج الا قفــلت باب السياره بوجهو
اسامه ضحك :هببله وربي

اما هيــآ سبــقتوو ولقت ميري قبالها : الغدى ح
راما قاطعتها : اتغدوو انتو انا مااابى _ كانت بتمشي الا وقفها صوتو الجهوري : مين مززعل القمر
راما ابتسمت بمجامله : ولااحد
جا جمبها وحط يدو على كتفها وقربها لحضنو : تخبي على عمــك
اسامه داخل والابتسامه على وجهو من يوم ماشاف ابــوهـ اختفت الابتســآمه .راما لاحظت دا الشي
اسامه : السلام.
ابوه طالع فيه : وعليكم السلام تعرف ايش مــزعل راما
راما ضحكت باحراج : مو زعلانه ياعمو
اسامه : لا بتقولك مو زعلانه
ابو اسامه : اكييد ياراما ؟
راما اشرت براسها " اييوا "
ابو اسامه : يلا اطلعو غيرو عشان الغدى
اسامه مشي وهيا مشيت جمبــو يطلعو الدرجات مع بعــض ولما وصلــووو كل واحد لف بجهه
راما دخلت غرفتــها وهيا ناويــه ماتنززل دخلت الحمام تستحمممى واتخالطت الموويه بدموعهاا اللي نزلت فجأهـ
حــــــاسه نفسها مخنووقه ومكتوومه وكل شــــي
اما هوا دخــل غرفـــته وجلس على السرير مد يدو وفتح درج الكومديــنه خرج صورة امـــو
واتنهد بضيـــق لما شافهاا مو عارف فيــنهاا
اتأمل ملامحــهاا وعيونها اللي نفس لون عيــنه الزرقـآ
مـرت خمســه دقااايق وهوا يطالع بصوره بتأمل قد ايششششششش يتمنى ترجع وبس يحضـــنهاا
كل مايشووف الصوره يكره ابوه اكتــر واكتـــر .
رجع الصوورهـ مكـــآنـــهاا غير ملابســه ونزل اتغدى وكانت مو موجودهـ راما
ابو اسامه : يعني ماتبى ؟
ميري : يس مستر
ابو اسامه : خلاص سيبيها براحتــها
ميري : حاضـر
ابو اسامه وجه كلامو لأسامه : كيف كانت الجامعه لراما
اسامه : مدري عنها
ابو اسامه : ليش ماجلست معاها ؟
اسامه : بصفتي ايش البيبي ستر حقتها ؟
ابو اسامه : دي بنت عمك
اسامه: بنت عمي هنا مو بالجامعه
ابو اسامه : هنا وفي كل مكااان
اسامه عصب بس مايبى يرفع صوتو على ابووه : من النهايه يعني انتا ليش جايبها هنا ؟
ابو اسامه : عشان تكمل دراستها
اسامه رجع شوكتـو وسكيـنتو على الصحن : كان باإمكانك تدخلها في جده مكان ماتكون مايحتاج تجيبها لهنا
ابو اسامه بصوت عاالي : إزا مو عاجبتك جلستها في دا البيت اطلع براا البيت بنت اخويا تشيلها على راسك
اسامه وقــف : بنت اخوك محترمهاا عشانها ضيفه بس مو ملزوم اشيل احد على راسي ولا اسوي خير فيها تبى تسوي خير فيها انقلها لجامعه تانيه لأنو مو دا مستواها - خرج من الغرفه وابوووه بيربر ويصرخ اول ماخرج لقققى راما واقفه
وكأنها سمعت الكلام كلــو
لا شعوريا وقف مشي وطالع فيـــها . اما هيا شمقت في وجهو بقـــهر وطلعت لغرفتها انسدت نفسها عن الغدى
اسامه مايبى يئنب ضميره ( مع نفسسها تستاهل مسويتلي محجبـــه وساكنه في بيت مافيلو غير ولد وابوه )

رجـــعت راما لغرفتـــها وقفـــلت الباب باأقووى ماعندهاا اتصلت على هنيده
ردت عليها هنيده : ايوا ياقلبي
راما بكيــت : هنيييده ابى ارجعع انا خلاص حتصل على بابا واقولو راجعه
هينده بردة فعل سريعه : انتي ايش فيكي اليييوم
راما هرجت باانفعال: مخنوقه والله دا اسامه مره حيوان اكرهو ياشيخه مو قادره اجلس هنا اكتر من كدااا والله مو قادره
هنيده : صلي على النبي ياقلبي واهدي قومي صلي ركعتيـــن دحين
راما : وبعدها حتصل على بابا واقولو برجع
هنيده : ياااراما مو عشنك معصبه تروحي تقرري قرارات زي وجهك
راما : من امس وانا افكر بدا الموضوع مو دوبي قررت
هنيده : ماحترجعي مو على كيفك انتي عارفه كم وحده تتمنى تكون مكانك
راما : بس انا مو مرتاحه هنا ايش اسسوي
هنيده : قولي لعمــك دا الكلام قوليلو ابى اسكن في سكن الجامعه
راما : ولو مارضي وبابا تقولي يوافق
هنيده : ابوكي واثق في اخوه لو عمك قال المكان مناسب خلاص روحي ولا ترجعي بطلي هببل
راما بتفكــير : مدري حشووف
هنيده : فكري عددل
راما : ان شالله

دخلت القـــآعه : معليش اتأخرت
مستنيها له نص ســآعه زفر وهوا يحاول امسك اعصابه لاتفلت منــو ويهزاها : ادخليي
دخلت وفسخت شوزهاا ورفعت شعرها زي مايقولها
شغلها اغنيــه MAD NEYO : هيب هوب
رنيم كانت حطلع كل عصبيتها برقص بس الموسيقا ماتسمح : هوا انتا فاهم الموسيقا غلط ولا كيف
نزار كان دوبو بيجللس الا رجع وقف : انتي ايش مشكلتك ؟
رنيـم مو ناقصه تتضارب مع نزار يكفي هتان كدا قالت بتفاهم :مو قصدي شي بس في اغاني تدخل جو وتخليني ارقص احسن من دي
نزار : وانا كدا مابا ديك الاغاني لأنو ابى ادربك انو جسمك يرقص على اي شي احطلك هوا
رنيـم زفرت : طيب دحين انتا بتعلمني مو المفروض ترقــص وانا اقلدك ؟ زي عندك بالمعهد
نزار : انتي بتعلميني شغلي ؟ ارقصي بدون صوت _ رجع عاد الاغنيـــه وجلس على الكـــرسي _
وهيا بدات تــرقص
نزار عيونه على جسمــها بيشوف اخطائها عشان بعدين يعلمــها شغلها اكتر من اغنيه وهيا ترقــص عليــها
بعد ثلث ســآعه وقف الموسيقا : شوفي بكرا الصباح وحجيب قروبي حق الرقص حتشوفيهم كيف يرقصو اتعلمي منهم
رنيم باإستغراب : وانتا ايش شغلتك ؟
نزار مره اتنرفز من الجمله : شغال عند ابوكي ! شغلتي اني اعلمك بتدريج اباكي تتفرجي على راقصين محترفين وبعدها اسير اعلمك وابدأ معاكي بكرا ابكاي من بعد الظهر هنا
رنيم : ماقدر اجي بعد الظهر
نزار : وانا قلت بعد الظهر اباكي هنااا
رنيم : وانا بقوولك مااقدر عندي شغل مهم
نزار : مافي شي اهم من داا
رنيم : بنسبه لييك
نزار : مو فاهم كيف دي بتفكــر : ترا انا فوق دداا معطيكي فلووس على تعليمي ليكي وكمان مو مهم بنسبه ليكي
رنيم : لاتفهمنب غلط بس انو في اشياء في حياتي اهم
نزار وقف وقال بتعب : شووفي خلينا نتفاهم اي شي اطلبو منك تسوويه موضوع الرقص دا تقدميه على كل شي في حيااتك لاتحسبي انتي بترقصي في مكاان في ناس ممكن تصفقلك وتمشي لا ياستي كل اللي حيكون حاضرين ناس مهمه وممكن تتغير حياتك من هنااك تلاقي نااس تدعمك وتساعدك فاعشان كداا انتي حتكوني صوره لييا هنااك انتي فشلتي انا حتجيني انتقادات كتير فاعشان كداا اباكي تفتحيلي مخك وتركزي معايا
رنيم خافت من كلامه :كم يعني حيكونو هناك ؟
نزار : ماقدر احدد العدد بس حيكونو كتير
رنيم شبككت اصابيعها ببعض :ودي الحفله لايش
نزار : دي الحفله مجهزينها شباب الجامعه الامريكيه عشان يشجعو الناس للتبرع
رنيم بس سمعت اسم الجامعه لاإراديا قالت بصوت عاالي : اييييييييييششش الجامعه الايششش
نزار انفجع : ايش بك ؟
رنيم سارت تهرج بتلكلك : لا لا ماقدر بطللت
نزار : مافي شي يخووف
رنيم : مو على يخووف _ رجعت شعرها ورى اذنها _ بس خلاص مابى ماقدر قصدي
نزار رفع حاجبه :والسبب ؟
رنيـم خافت انو هتان يشوفها ولا شي : شووف غيــري انا مااشيـــه
جات بتخــرج من القااعه على طوول
وقفها صووت نزار : رنيــم إزا خرجتي من دا الباب مالكي رجعه
رنيم وقفت بتردد هتان ولا الرقــص
هتان لو شافها كدا ترقصص حيموتهاا لايييمكن تقولو
جا في بالها ردة فعل هتاان لو شافها تــرقص بدون تردد قالت : شوف غيـــري
نزار مافيييه حيييل يدور غيرها بس مع نفسسسهاا .
رنيـــم لبســت شووزهاا وخــرجت من القــــآعه وهيا مو عارفه اللي سوتــو صح ولا غلـــط
الفلـــوس من فين تدبرهاا ؟
فكره تجيبها وفكره توديــها مو عارفه راسها من رجلها
ولا وقفتلها تاكسي تمشي وهيا تفـــكر بللي ممكن يســـير

اما نزار مفجووع جوآ ( ايش بها دي الهبــله ؟)

جالس على كرسيـــه الخشبـــي جمب البوابـــه
له كم ســـآعه يحس ظهره انفلــق من دي الجلســه رفــع يده وطالع بســآعته المشطوبه
الساعه 1 ونص اتثااوب بتملل النص السااعـــه تمشي بكل بطــئ
هلكــــــآن ونفســـه يــنام ,,,, بدون مايحس بنفســه غــفت عيــنه
فتح عينه مفجــوع على صووت شي طاااح في الحديــقه الخلفيــه
مافيـــه حيل يقووم يشووف ايش فيــه ( اكيـــد السوااق )) مايدري انو السواااق في ساابع نومــآ
وســط القـــصر لبــست الشوورت الاخضــر وبادي ابيــض محدد بالأخضــر مافيــها نوووم
: اجبلي اكل اتسلى عليه واشوف اي فلــم
قامت من على سريــرها ونزلت للمطبخ اخدت صحن كبير فشار والتاني شبـــس وطالعه بكل راااحه لغرفتها
الخدم كلهم تايميــن امهاا في غــرفتها
طلعت كانت بتروح لغرفتها بس لقتــ الغرفه إللي امها حاطه فيها كل الإكسسوارات اللي تصممها والاكسسوارات الناردة اللي تشتريهاا مفتوح شويا الباب وفيــه نوور خــآفت يتنــقل في المكــآن مره استغربــت
قربــت بخطوات تقبــله للباب دفت الباب برجلـــها وقالت : مام _ واختـــفى صوووتها وطاح الصحنين من يدهاا لماا شاافت واحد بيلم كل الاكسسواار بكيــس اسسود ولابس قناع اسود ولبسس اسوود _
الولد اول ماشافهاا انفـــجع دفاااهاا علـ ارررض وخــرج من الــغرفه جـــري وهوا مو عارف من فيــن يخــرج
طاااحت علـ ارض وصوت تنفساتها مسموووعه مافي اي صووت خــرج منهاا عيــونها على باب الغــرفه
بعد ماستوعبت إللي شاافتـــه صرخت صرخــــه هـــزت فيها اركاان القصـــر
امهاا خـــرجت تجـــري باإتجاهها
وهتــآن إللي بيروح لبيـته وقف مفجووع وهوا بيطالع على القــصر مو عارف يروح ولا ماله صلاااح
بعدها بثواااني معدوده صرخت ام اليـــن : حراااااااااااااااااااااااااامي
راااح جـــــري للقصــر دوبو بيــفتح البببباب الا خــرج واااحد من الباب ومسسرع دفاااااااه وكمل طريــقه
هتان مفجووع طالع في الولد وبعدها طالع بللي خارجه من القصــر وكانت تصرخ : امسسسكووو
هتــآن لحـــق الولـــد ووكآآن اســـرع حاول يمســكو بس مسك قنااعه وسحبــو ورماااه بالأرض
والولد حاول يججججري اكتـــر لأنو هتاان مره ورااهـ
هتـــآن بالقـــوه قددددر يمـــسك الولد من قفـــآه ودااااره وهوا ناوي يضــربه بس فتح عيــنه على وسعها : نضـال
نضال بس شاف هتان ارتخت يده وطاااح الكيــس علـ ارض مو عارف ايش يقوول
خــرجت ام اليــن والين عند باب البيت
هتاان بردة فعل سريعه وصوتو يــرجف : اضربني واشرد
نضال مع الجري كان يتنفسس بسسرعه ماقدر يسسوي اللي طلبوو هتاان
هتاان شد على كلامــه وقال بهمممس وهوا ماااسك اخوووهـ: نضال لايمسكوك
نضـآل رفع يددده ولكـــم اخووهـ اللي طااا ح علـ ارض وشـــرد وخرج من اسوار القصـــر
ام اليــن راحت باإتجااه هتــآن ونزلت جسمها لمستواه : سرلللك شي ؟
هتان حط يده على فكــه وهوا يحاول يخفـــي دمــوعه : لا وانتو سرلكم شي
ام الين طالعت ببنتها وبعدين وجهت كلامها لهتان : لا
هتان انتبه للكيــس اخدو ووقف : خدي الحمدالله ماسرق شي
ام الين : حتصل على الشرطه
هتان خاف على اخوه :خلاص مالو داعي مانسرق شي
ام اليـن : اخاف يرجع تاني
هتان : انا حجلس اراقبلكم المكان
ام الين وفي يدها الكيس : الله يعطيك العافيه ياولدي
هتان طالع بللي واقفه عند باب القصـــر ببجامتها النـآعمــه وشكلها الرايــق نــزل عيــنه وهوا بيحاول يغض البصر
اما هيا مع اللي سرلها حاسه نفسها متنحه طالعت في لبســهاا
وبعدها دخــلت على طوول البيــت وهيا مكسووفــه من نفســـهاا

دخـــلو وبقــي هوا عند بوابـــة القصـــر دمووعه محجره في عيــنه
دحيــن عـــرف من فيــن اخوه يجــيب الفلـــوس
دق جواله برقــم صحبة رنيــم " داايما رنيم تتصل عليه منو "اعطاها مشغوول
رجعت اتصلت عليــه مره تانيه واعطاها مشغوول
كااره نفسسه
كاااره عيشــته
ارسل لرنيم ( لاتتصلي ترا مو فااايق لأحد )
وزي ماطلب ماتصلت رنيــم وطبعا دا الشي ماكان يبــآهـ
كاان يبــآها تتصل
ويرد عليــها ويبكــي ويشتكيلها
يقوولها اخوويا حراامي
يقولها فلووسناا كلها حرااام
يقولها اشيااء كتيــر يبى يفضفض لأحـــد
بس مالقى حوليــه احد يشتكيــلو
دق نضااال عليــه هتان على طوول قفــل جوآله
بطــل ماحيرجع حتى البيـــت .النوم اللي كان فيــه طار مع الصدمــــه



امــآ نضــآل خــرج من اسواار القــصر وركــب في سيااارة الفــآن اللي اتحــركت على طوول وبعدددت عن المكــآن
وســط السياره الـ 3 متحمسين ويحسبو نضاال جبلــهم اللي يبوووه
: كووووويسسس
: دي ملااايين ياااشببااااب
:ههههههههههههههههههههههه
جالس عل كنبــه بدون اي حرف
نظرات اخوه الصغير مرسوخه في باله
صوتــه وهوا يقولو " اضربني واشرد "
مو قااادر يشيل الصوره من باله
الولد : نضال فين الكيس
نضال طالع فيـهم : ماخدت شي
كلهم بنبرات غضب : لييييييييييييش
: كيييف مااااخدتووو
: رددد
نضــآل صرخخخ بعصبيهه : وووقف السياااره
: فين تبى ترووح
نضاال : ارووح فيين ماابى وقفوو السياااره ابببى انزززل
: اول شي تقوولنا ليش مااخدت اللي طلبناه
نضال بعصبيه قبضض يده وضربببها بقزاز السياره وقال بكل عصبيه: لاتفتحوو معاااياا داا الموضوع وقف السياااره بقووولك
الرجال انفجع دق كتف صاحبه اللي بيسوق : وقف السياره
نضال خرج من السياره وقفل الباب باأقوووى ماعنده والسياره مشيييت وهوا كمل طريــقه على الرصيــف
مشتــت تفكيـــره
خرج جواله واتصل عى اخوه
مو عارف ايش يقوله
بس يبى يسمع صوته
دق وبعدها انقطع اتصل مره تانيه الجوال مقفـــل
جلس بطــرف الرصيـــف ونزلللت دمـــوعه
دا كاان حلو الوحيــد عشان يخلي اخوه يكمل دراسه
عشان يعالج ابــوه
عشـآن مايحتآج لشفقه الناااس
رممى جواله بعصبيــه في الطـــريق واتكسسر لأجزاااء
خلل يده بششعره وساار يبــكي بصووتـــه
مو عارف
يكمل بدا الطــريق عشان يعيشش
ولا يبــطل عشان اخوهـ
نظرة الفخــر اللي هتان كان دايما يطالع فيها له
حتــختفــي وماتبقى غير نظراات الاستحقـــآر
هووا سوا كل دا عشــآنهم مافكر بنفسسه
بـــس
مافكــر كيف لو عــرفو انو اللي ساندهم شغلتــه
" يســـرق من بيــوت الــنآس "






وقــف سيــآررتــه ونــزل كان داخل البييــت الا لقــى اخــوه جالس في الحــديقــه
قــرب للطاوله : ايش بتسسوي هناا
يزن دار راســه وطالع بمازن : طفشان
مازن جلس على الكرسي اللي قبال يزن : شوف انا عارف انو في شي سايرلك بس مني زيك حشري وحقولك ايش هوا
يزن : اتوقع دا الهرج دقه
مازن ضحك : هههههههههههه بزببببط يااخي مو عشان بيننا تواصل روحااني بتوقفلي على كل شي احس فيه وتتصل عليا
يزن : تواصل روحاني ها ايش بك انتا يعني اللي ماتصلت عليا اليوم
مازن : بس مره اتصلت قلت لو رد رد لو مارد بكيفو
يزن : انا مشاكلي على قدي
مازن رفع رجوله على الطاوله وخرج بكت الدخان : ايوا صح
يزن : هات سجاره
مازن خرج حبه وحط البكت على الطاوله : دا حشيش ياولدي
يزن : نااوي تتمســك من سيدي
مازن : يااشيخ العجوز دا احببه بس مستفزز والله
خــرج من البيــت اخوهـــم وانضم للطاولــه
يزن : كيف العاشق الولهان
نزار : متعبتلي قلبي
مازن : ههههههههههههههه دمها تقيل ماحبها
نزار : دمها تقيل ؟ انتا اللي تكسسف اقولك دي سهاد تروح تقول قدامها مشروع زواج ولا بس شكشكه ومسخره
يزن فررط ضحك ومازن اللي كان بيدخن سار يكـــح ويضضضحك
يزن : اما قلت كداا ياغبييي ؟
مازن : وانا ايش عرفني انو علاقتكم جديه مرره
نزار حاقد : بعرفهاا علييكم شي طبيعي حتكون جديه _ رفع يده ودف رجل مازن من على الطاوله _ اجلس عددل
مازن سند جسمه على الكــرسي : بلا قولي انا كنت ححنزلها
يزن : بكرا عندي حفله
مازن نفث الدخاان من فمــو : لاتقولي فيه عارضات ازياء
يزن : اييوا
مازن بترجي : والله احبك يايزن ايش رايك تاخدني معاك
يزن : ماقدر معايا بطاقتين بس
مازن : ايوا انا وانتا
يزن : لا ياخد معايا اي بنت
مازن بكل ترجي : ييزن ححضر بدالك المحاضرات لمدة يوم كاامل
يزن : لاتحاول
نزار حزن : بلله خدو معاك شوف وجهو كييف شويا ويبوس رجلك
مازن طالع بحقد لنزار : قول شي عدل ولا انكتم
نزار : هههههههههههههه
يزن : واخدك بصفتك ايش معايا
مازن : القيي حقك عادي اخوان وقيي حنسير ملفتين للإنتبااه
نزار ويـــزن طالعو فيــه مفجوعيــن وهوا فطسس ضحك : بهززر ياجمااعه _ لساتهم بيطالعوفيه باإستحقار _ خلااص بطلت ماحرووح
يزن : كوويسس الاسبوع الجاي عندي اعلان سياره مع عارضة ازياء فرنسيه
مازن : لاتوجع قلبي ياايزن
نزار : ايش دخل عارضة الازياء في السياره
يزن : مدري عنهم لسسه بعد بكرا حروح اشوف ايش يبو بزبط
نزار : ووافقت وانتا مو داري ايش حتسوي تبى سيدي يموتك
يزن : لسسسه ماوقعت يااشيخ على اي شي مجرد كلام بس اللي عرفت انهم يبوني
مازن : اخـ _ وانقطع صوتو لما طااح علـ ارض ودخل تحت الطاوله وهوا يقول _ الطاامه جاا
نزار ماافهم ومفجوع : ايش ببك يوااد
يزن طالع ورااه لقى سيدو خارج من البيــت وجايهم همس لنزار : سيدي جاا
نزار : وايش مسوي مازن ؟
يزن : بيحشش يامخ
نزار انتبه لبكت الدخان اخدو ورماه تحت الطاوله اما ماازن جالس تحت الطاوله ومدنق راسسه عشان المكان صغيــر
محششور حششر
سيدهم جا باإتجاههم وهما ابتســمولو باإصطناع : اهلا ياأولاد
الاتنين وقفــو وسلمو على يدوو : اهلا
سيدهم : فينو مازن عنكم ؟
نزار : مدري
يزن : دوبو كلمني دحين جاي
سيدهم جلس على كرسي مازن : اجل خليننا نستناه
مازن انقهر قرص رجل يزن : ايي
سيده طالع بيزن :ايش بك ؟
يزن ضحك مفجوع : ولاشي _ جلس وشاات ماازن برجلللو _
ماازن جاات الخببطه في راسسو (( اأأأي الله يحرقك يايزن )
سيدهم : ايوا وايش مسسوين ؟
نزار : كويسين
يزن : تماام
الجد خرج الجوال : خلوني اتصل على ماازن داا اشوف فينو
نزار بردة فعل سريعه : تلاقي بطريق مايحتاااج
الجد مصمم يتصل : اتأكد فينو
يزن : يااسيدو ماتعرفو كييف يكون مسرع بسياره لو سمح الله رد علييك يعني وهوا مسرع وسرلو شي بلاها تتصل
الجد طالع فيهم مشك : في شي ؟
نزار ويزن على طول : لا طبعا
الجد : طيب اسكتو
مازن تحتت الطاوله ومو عارف ايش يسسسوي خـــرج جواله وحطو على فــخذ يزن
سيدو دق الجوال ويزن رفعو ورسم على وجههو ابتســآمه : وا الجوال عندي
سيدو قفــل : اتصل على جوالو التاني
مازن خرج جواله التاني واعطاه ليزن يزن حط جوالات مازن على الطاوله : حتى التاني عندي اخدتو منو لما كنا بالجامعه
نزار بتصريــفه : اهاا عشان كدا اتصل عليا من جوال صاحبو
يزن رفع حاجبه الاتنين وبيأيد اخوه: ايييوا
مازن تحت الطاوله ومتربع ويضحك على اخوانــه جالس وعلى يميــنه رجل يزن ويساره رجل نزاار وقباله سيدهـ
انتبه للسجاره إللي لساتها بيده وقدها خلاص بتخلص ماهان قلبــه يطفيها كداا
حطها بين شفتوو وسحب من قلبـــه وبعدها خرج الدخاان وانفجع ساار يهف بيدوو وفموو مع الفجعه يبى الدخان يختفــي
جدهم : ايش دي الريحه
نزار شااات مازن برجلــه ويبااه يهجـــد :
يزن بيشم : مافي اي ريحــه
الجد : لا شامم ريحه غريبه
نزار طالع بيزن : مو ريحة عطرك دي الجديده
يزن : اهاا ايوا عطري دا _ ملامحو اتحولت للقرف _ مره ماحبيتو بس مضطر اعلن عنو
نزار يبى يجيب هرجه عشان سيدهم ينسى هرجه الريحه : ايوا مع العارضه الفرنسيه اللي دوبك قلتلي عليها ولا دا شي تاني
يزن : اييوا بزبط دي هييا
الجد يتحسس لما يجيبو سيرة البنات : وايش حتسسوي مع دي الكافره
يزن : استغفر الله ياسيدي مايسير تقول كداا
الجد شد على كلامـه : المهم ايش حتسسوي
يزن مو عارف ياألف وفاشل بتأليف : قالولي ب ارفع العطر وهيا تبتسم وتغمزلي و
نزار فرط ضحك : دا اعلان دحين
يزن بنظرات حقد لنزار يباه يساعده قام يضحك علييه : ايوا اعلاان يكفي انا فييه
الجد دام البنت ماتقرب من يزن ولا في لمس عاجبه : ايوا حلو خلي كل اعلاناتك كدا وحكايه الغمز دا مالو دااعي
نزار لساته يضحك : ايش الاعلان السخيف دا طيب ماسئلتهم ترفع العطر بيدك اليمين ولا اليسار
مازن تحت الطاوله ووجههو محمـــــــر يبىى يضحـــك وماااسك نفســـه
يزن حقد : نزار انكتم
مازن كان بيطفي السجاره نزل يده بيطفيها بالأرض الا انتبه ليد سيدو يحك فخذو (( اااه ياسيدو ياجرباان ))
نزاار قدم رجــلو وماازن ماطالع في المكان إللي بيحط السجااارهـ
فعصصصها بكل قوته على رجل اخووووووه اللي قااام من مكــــــــآنه يصصصرخ بكل صوووتـــــــه :آآآآآآآآآآآآه
يزن وسيدو انفجعو ووقفو معاه : ايشش بككك
مااازن انفجع : او ماي قااد
نزااار باألللم : رجللللللللللي اااي رججلللي _ رراااح وهوا رافع رجل وينط برجل وحده باإتجااااه المسبــــح دخللل رجلللللو في المسببببح _ آآآآآآآآه

جدهم بخووف : نزاار ايشش بك
نزار وحيفضح مازن قال بكل عصبيـــه : حرقني الكللب دا اللي تحت الطاااوله
سيدو : كللب ؟!؟! ميـــن !
خرج رجلــو من المسبـــح وهوا يحـــس رجلـــو تحــرقو بشششكل فضيـــع : مييين يعننني شووف مين تحت الطااوله وانتا حتعرف
يزن يهدي : نزار ايش بتخررف اجللس دحيين اجبلك شي لرجللك
نزاار اتـــوجه للطاوله : داا اللي بنقوولك علييه براا البيــت شوفو هنــآ _ دفففا الطااوله وطاحت عل ارض ومافي شي تحتها _
يزن فتح عينه ( وي فينو دا ) جا باإتجاه نزار وحط يده على كتفو ودفاه على الكرسي : قلت اجلللس وارفع رجلك اششوف
نزار رفع رجله على الكرسي التاااني وهوا يشووف صبااعــه الكبيــر محفوور ومحروووق
الجد مو فاهم اي شي بس همو دحييين رجل نزاار سحب كرسيه وجلس جمب نزاار : من ايشش دااا
يزن برده فعل سريعه : ماندري
الجد : كيف ماتدرو دا حرررق كييف اتعووورت



اما مــآآآزن اللي داااخل البيــت جــــري وطاالع الدرررررج وهوا يشششطح بعض الدرجااات

رجلـــو انتنت وطااااح على وجهـــو وانفرش فرشـــه على الدرج .رفع رااسه اللي انصقع بدرررجه
وماقدر يقوووم يحس اسنانه بتتكسسر وخشموو طقق عييونه دمعــت مع الضربه
ووقف وهوا يحررك اسناانه يبى يشوفها سليــمه ولا لا(( حسبيه الله علييك يانزاار ))
طلع الدرجات بهدوء وهوا يحرك خششمه وبيتأكد كل حوآسسسه تمااام
دخــل غرفـــته ولبـــس بجــآمــه ونززل جــري لهم لما وصل عند الدرجه اللي طاح فيها مشي بهدووء
خــرج الحديقه وهوا يتمطــع : انتو هنااا
نزار طالع فيييه بحقـــد وهوا ماااسك نفسسه لايلعنه
مازن عقد حوآجبه : ايش سرررلك ؟
يزن بيحط مرهم على الحرق
جدهم : انتا متى جييت ؟
مازن : من ساعتين بس كنت بزاكر بغرفتي
الجد : خلييكم زييو وانتو جالسين هنا طول وقتكم ونااسين اشغالكم
مازن يصطنع االبرائــه
: سيبك منهم ياسيدو دول طول حياتهم مشغوليين واحد برقص والتاني باعلانته والازياء اللي مالها داعي
الجد بفخــر : انتا اللي حترفع رااسي
نزاار شد على كلامه : اييوا مررره حيرفعو
يزن : والله ياسيدي مو عارف ابكي ولا اضحك على كلامك داا بس حتشوف بنهايه فين حوصلك مازن
نزار نزل رجله من على الكرســي : خلاص يكفي
جدهم : انا واثق انو مازن حيسوي شي افتخر فييه
مازن ( لا مو لدي الدرجه ) : سيدي لاتششطح مره
الجد : يلا يلا قومو نامو _ مشي _ انا رااايح اناام تصبحو على خيـر
مازن : وانتا بخير ياجدي العزيز
الجد : هههههههههه _ دخل البيت _
ونزار صرخ على ماازن : انتا تستهببببل ولا كييف
مازن يهرج بضعف : والله ماكان قصدي حسبتها الارض وبعدين سيدو بيسوي حركات اغراء تحت الطاوله كدا مانتبهت دي رجلك ولا الارض
يزن : هههههههههههههههههههههه
نزار عض على شفتو بقهــر : وربي نفسسي اقتلك
مازن :come down خليك ريلاكس وبلاش الانفعالات دي
نزااار بانفعال : حرررقتلي رجللي وتقوولي خلييك ريلاكس تستهبببل
مازن : هههههههههههههه والله معلليششش
يزن : خلاص انتا على هواا
ماازن بمززح قرب منو وبااس راســه الا نزار دفااه : ياشيخ ابعد عنني
مازن : دا جزاتي اصلا
نزار وقف : راايح اناام _ كشر _ يحرققني الله يصيبك
مازن : تباني انفخلك عليه ؟
نزار بنظرات وشويا يقتلو
مازن خاف رفع يدو باأستسلام : والله بمزح
رااح نزار .
يزن : انا برضو حنااام _ اتذكر _ اتصلت على البنت
مازن : نسيت
يزن رمالو جوالو : خد اسمها مسجل ب رغد
مازن : ماحبيت الاسم
يزن باأمر: البنت اخلاق فابلاش تستعبط على راسها
مازن بكل تسليك : حااضر
يزن راح ومازن نقل رقمها من جوال يزن لجواله واتصل عليــها
ردت عليه : الو
مـآزن : اهلين
: مين معايا ؟
مازن : انا مازن
رغد عرفت على طول مين بس تستعبط : مين مازن ؟
مازن : اللي نومت عندك قبل كم يوم
رغد : اهاا
مازن : معليش علي سار
رغد كانت بتقول لا عادي بس حاسبت على نفسها : امم اوك
مازن : عرفت إنو باقي اشياء ليا عندك ؟
رغـد : ايوا استحيت اتصل بس خوفت انك تحتاج الاشياء دي وتنسى فين حاطيتها
مازن : تستحي من ايشش احنا عاد بيننا سرير
رغد لو انها بشخصيتها كانت ضحكت بس دامها تصطنع البرائه قالت : نعمم ؟
مازن انفجع : It's just a joke
رغد : اهاا على فكره قلتلك هيا قبل كدا بس خليها في بالك انا مادخلتك بيتي الا عشان شوفتك بديك الحاله
مازن بتسليك وكل انواع الثناء رصلها هوا: طيب مشكوره يااستي كتر الله خلييك ويكتر امثالك بدوله
رغـدد حستو يتريق بس طنشت ماتبى مضاربه ولا مناقره : المهم
مازن : ايوا المهم !
رغد : اغراضك ؟
مازن :بكرا في الليل
رغد مسويه مره ماتسهر في دا الوقت : نو خليها في العصر
مازن كشر : زي ماتبي
رغـد : يلا انا بروح انام
مازن : اوك وانا كمان باي
رغد : باي
رغـد قفلــت منـــو وكانت بالجهه المقابله للكبريــه ابتســمت : رايحه انام ههههه
ودوبــه بدأ يوومــها وسط دا المكـــآن .



التكمله الصفحه اللي بعدها

جالسسه في غــرفتها وبعيــده عن ازعــآج البيــت تمشي في الغــرفه وتهرج بالجوال وكالعاده الكدب صفه تتميز فيها
: شادي ايش دا الهبل . نو اصلا ماحب اشتري من اي مكــآن مخييم في الاجازه ! مو من جدكم مرره قرف والله سوري بس انا اصلا بالاجازه اروح عند عمي في فرنسسا . زوجتــه مصممه ازياء مره خطيرهـ معروفه هيا هناك عيد ميلادي قريب بس انا قلت لماما دي السنه لاتسويلي عشان انتا قلتلي متكفل بكل شي . بكيفك بس خد في باالك بابا وماما يصرفو ملايين فيها
انا بنتهم الوحيده زي ماتعرف ههههههههههههه دقيقــه واتصل علييك _ قفلت وراحت فتحت الباب بعصبيــه وكان اخوها لؤي شايل اخته اللي عمرها 11 شهر لما وهيا تفرفر بكــى
لانا بعصبيه : خيـــــررر
لؤي بالقوه بيحاول يمسسك اختوو الصغيره : ماما وبابا لدحيـن ماجوه ولما مسخنننه
لانا : يعني ؟
لؤي : تعالي شوفي ايش فيها
لانا تهرج بهدوء بس ممزوجه بالعصبيه : دحيين داق عليا باب الغرفه عشان تباني اجي اشوف ايش بها ؟
لؤي باإستغراب : اييوا !
لانا حطت يدا على خصرها وواقفه بتملل: انا اقولك ايش بهاا مسخنه شويا عشان كدا بتبكي _ حطت يدها على الباب وتبى تقفلو _ عرفت دحين ايش بها ؟
لؤي طالع في وجه اختو الصغيره وشويا ويبكي قال بترجي : لأانا طيب اتصلي على ماما قوليلها ترررجع
دق جوال لانا بيدها طالعت بشاشه وابتسمت قفلت الباب بوجه اخووها ودخلت جلست على سريرها
: هاااي سوسو
سوسو تهرج بالازعااج: اهليين لانوووش بسسرعه تعااالي
لانا : فيين اجي ؟
: اخدتلك بطاايق لحفله فضضل شااكر بســرعه تعاالي
لانا : وي كيف قدرتي تدبريها
: هههههههههه لاتزكريني دحين تعاالي بيبدأ فضضل
لانا قامت من على سريرهاا تعشق فضل شاكر : ثوااني واكوون عنندك
راحت جري لدولابها خرجتلها ملابسس لبسست واتشيكت وخــرجت من غرفتهاا نزلت الدررج جري ولقت اخوانهاا متجمعين حول لما الصغيره
حاطينها بالأرض ولؤي ولينا وليان حولينها وماسكين الالعاب يبوها تضحك
لينا : لانا اخيرا جيتي
لانا مشيت من جمببهم ولا عبرتهم خــرجت من البيت ومافراسها غير فضل شاكر
ركبت سيارتها وانتبهت لجوالها يدق تحسب صحبتها الا لما شافت " ماما " رمت الجوال باإهمال وشغلت السياره
اليوم عشرات المكالمات من امها وابوها ولا ترد عليـــهم
امها ماملت كل شووويا تتصل لانا طفشت وردت : اييوا ياماما
امها في السياره : لوؤي اتصل علييا بيقوول لما تعباانه
لانا : انا برى البيت ارجعي شوفي ايش بها بنتك
امها :انا ساايبتك مع اخووانك تخرجي وتسيبيهم
لانا : ماشالله ياماما دول يشيلو بيت بكبرو ماحيسرلهم شي وبعدين لما مع لؤي مو يعرف يتصررف
امها بعصبيه : حسبيه الله عليكي يااالانا
لانا : مو انا جلست معاهم 3 ساعات بس انتو اتأخرتو ماسارت خرجه
امها : خلاااص دحيين راجعيين البيت
لانا : كوويس يلا انا بقفل بسسوق
امها : وكيف تخرجي من غير ماتستأزني
لانا : سوري بس نسيت سوسو دبرتلي تزكره لحفله فضل شاكر
امها بعصبيه : مع سلااامه ياالانا
لانا قفلت بدون ماتهتم لنبرهـ صوت امــهااا


في السياره الــتآنيه بيسووق وعقله مو معاه
هيا قفلت الجوال : لانا دي حتجنني بلله ياسعييد اسررع لما تعباانه
سهيد بصوت شبه مسموع : ان شالله
ام لانا : خلاص حبيبي مايسير تسوي في نفسسك كداا
سعيد اتنهد بضيــق : ماليا نفس حتى ارجع البيت
ام لانا : مو وقته دا الكلام دحيين بنتك تعببانه خلينا نوديها المستشفى
ابو لانا زاد سرعــه السياره


تحت اجوواء الغنـــى يغني فضـــل شاااكــــر علـ مســـرح
وهيا بين الجمهـــور تتمايل مع صحبتها ويغنو بهدووء ورمنسيــه مع فضــل وزاد صوت الجمهور لما فضل وجه المايك للمجمهور يكملو الاغنيــه :روووح حبيبي روووح شو بدك فيي انسااني اترككني لحااالي يااحبيبي رووح بيكفي جروح انا كنت نسيتك شو اللي جابك على بالي
لانا صرخت بحمااس : فضضضضضضضضضضل احبببببببببببببببك
سوسو ضحكت : اسكتي ياهببله
لانا حطت اياديها على خدها وتهرج بصووت عالي : يجننن يانااااس
سوسو تهووي بيدها على وجهها : حررر
لانا مو مع صحبتها مره فضل شاكر خلص الاغنيه وهيا صرخت: وااااااااااااااااااااااااااااااا
سوسو رفعت شعرهاا مع الحــر دا : اوووف
لانا دق جوالها رفعتــو لقت رقم امهاا ماردت اول مره دق رقــم ابــوها عليها
لانا : اوووووووف ايش ساااير دحيــن .
ردت بس ماكان صوت ابوها كدا استغربت .المكاان ازعاااج حطت يدها على ادنها التانيه : ميين معااايا ؟ . ايوا انا بنتــو ؟! مستشفى ؟ _ دارت وسارت تمشي وتدف النااس وهيا مو مستوعبه اللي سمعتو _ ايش بتقوول انتااا ؟
طاح الجوووال علـ ارض من الصدمـــه وواقفه مكانها ولا اتحركت مع الزحمــه سارو يدفووها جاا وااحد صدمها بقووه وهوا مره متفااعل مع فضضضل كااانت بطيــح الا مسسكها : انتبببهي بئااا
طالعت فييه ودموعها في عينها بس مانتبببه الولد سارت تدف اللي قدااامها وتببــى تخررج من المكــآن
تبـــى تووصل لسياآرتـــهاا صحبتها تمشي ورراها وبتناديهاا بس لانا بدي الحاله
طريقها مغبشش من الدموع اللي بعيوونها
والشي الوحيد اللي سامعته صوت الدكتور وهوا يقولها "بيك وامك سارلن حادث "


_______
جــآلســـه في غـــرفتـــها بس مو زي العاده لوحدهاا وطفشششانه وماتهرج مع احد
منــسدحه على سريــرها وضحكتها في الـغرفه كلهاا : هههههههههههههه لااا يامروان ماحب كدااا
اما مـروان في سطووح بيـــته ورايح جااي تحت الجوو البـآرد والابتسامه مو مفارقــهه وجهـو : طيب ايش تحبي
شادن بتفككيــر : امممم مدري بس مو زي ماقلت
مروان : قراتي النكته اللي ارسلتلك هييا
شادن بس اتذكرتها رجعت تضحك : ههههههههه مره ضحككتني والله عارف قلتها لرودينا ماضحكت قلتها لماما برضو ماضحكت مره استفزوني
مروان خلاص اتعود عليها وسار يهرج طبيعي وبعيد عن السطحيه قال بتحليل زي عادتـه : يمكن انتي ماعندك روح الدعابه او تعابير وجهك ماتسااعد يعنني الواحد يدخل جو في النكته يعني ماتعرفي توصليها
شادن سكتت وهيا مفجوعه من كلامـــه ماتدري دا بيمزح ولا بيهرج جد بس نبرة صوتــه كانت مره جديــه
واللي قهرها اكتر لأنها حست تحليله صح
مروان حس بسكاتها وحس انو زودها كالعاده بكلامه ماصدق يوصلها وحيطرها بلسسانه المفلوت :شادن !
شادن صوتها باين انها زعلت او مصدومه : نعم ؟
مروان : سوري على كلاميي
شادن : طيب
مروان حسها زعلانه : اسف من جد مو قصدي شي بس انا كدا دايما احلل واجيب كلام مدري من فيين
شادن ضحكت وهيا ماتبى تبين انها زعلت : لا وي عادي
مروان : مو زعلانه
شادن : لا مو زعلانه
مروان : اكيييد ؟
شادن ضحكت : ايوا
مروان : كوويس والله قلبي يدق بسرعه ههههههههههه
شادن : وليش دا كلو !
مروان : ياشيخه انا اللي يزعلو مني بسبب تحليلي السخييف داا فاحسبتك حتزعلي كماان
شادن : ههههههههههه لا مازعلت بس انفجعت
مروان : وليش يعني
شادن رفعت يدها لشعرها وتلعب فيه وقالت بصراحه زي عادتها : لأني حسيتك بتهرج من جد عني
مروان ضحك : ههههههههههههههههه مو دي مشكلتي التانيه
شادن : انو الناس يزعلو منك لأنك صادق يعني ؟
مروان بكل براائه : والله نيتي اني بحلل مو شي تاني بس هما يزعلو لأنو كلامي صح واوصلو بطريقه هبله
شادن عجبها صراحتو وكلامو وكل شي : بالعكس وصلتو بطريــقه خلتني احسس انك تعرفني سنين خوفتني والله
مروان : ههههههههههههههههههههه
شادن : مو كأنو الوقت اتـأخر ؟
مروان : طرده محترمه دي
شادن : هههههههههههه لا مو قصدي بـ
قاطعها مروان : عادي عادي خلاص حتى انا بناام
شادن : اوك
مروان : قبل لاتنامي ممكن اطلب منك طلب اخير
شادن باإستغراب : اطلب
مروان : البسي بكرا تيشيرت وردي
شادن ضحكت بخجل : ليش يعني
مروان : احب اللون دا عليكي
شادن بتقــل : افكر
مروان : اتقل يامعلم
شادن : نعم !
مروان حس بنفسو : امم سوري للمره التانيه
شادن اتغطت بلحاف : ههههههههههه ترا كلامك يفجعني بعض الاحيان
مروان بطلع عذر لنفسه : قرووبي كلو شباب فاإسلوبي مو مره شي مع البنات فااستحمليني شويا
شادن : حنستحمل
مروان : كويس يلا نامي كويس
شادن : اوكـ
مروان : تصبحي على خيـر
شادن : وانتا بخـير .باي
مروان : باي _ قفل منها ومع الفرحــه رقـــص اختو دوبها دخلت عليه وانفجعت _
: مروان سلامات !
مروان وقف رقص مكسسوف ومفجووع بنفس الوقت : بسم الله من فين جيتي
اختو بكل برائه اششرت على الباب : من هنا
مروان كششر : احلفي
اختو مستمره : والله
مروان جا لحدها ورمالها كلمه وكمل طريقه : هببله
اختو تشردح : والله مدري من فينا الاهببل وجالس يرقصصص بكل حمااس كأنو اول مره يكلم بنت
كان ماشي ووقف مشي وطالع فييها : انتي كنتي تتنصتي !؟
اختو : لا انتا اللي مبسسوط زياده عن اللزوم وصوتك مره عاالي
مروان : كنت اكلم صااحبي بس امشي من هنااا
اختو ضحكت بحقااره : تكلللم صاااحبك هااا ولما تكلم صاحبك تقولو البسلي وردي !
مروان مرره حققد قال بقهر : اقول يامنقل خليكي في حالك
اختو مرام مره تنقهر من دا الاسسسم : منققل في عييينك ياحيييوان حتعرفك بعدين على حقيقتك وتسييبك يامنتف
هيا تبربر بكل صووتها وهوا نزل وسابها تكلم نفسسسسهاا .


نهاية البارت اشوفكم الربووع الجـــآآآي .
ابى ردود طوويلــه

كالعادهـ البــآرت جــآهــز

وسوووري لأني مابرد على بعــض الردود بس دا مو معنــآتو ماقرأتها
بالعكس انا بقرا ردودكم مره ومرتيين وتلاته كمآآآن
بس ماالحــق ارد
ردودكم والله بتعطيني بووش كبيير عشان اكتـــب
خطيـــره
تعليقاااتكم عن الشخصيااات شي خياليـــه
توقعاتكم مره حبيتها
كل شي حبيتتتتوو
بس حتى لو اتأخرت حرجع ارد عليــكممم
ومنوووريني والله كلكـــم

الفــــصل الخــــــــــــآمـــس 3>

غمامه سوداء تموضعت حولها
مشاعر متضاربه
تسمع مايردده الطبيب الذي ظاهر تمام انها يحفظها عن ظهر قلب

لحظه لم ييتخللها الا الحزن
نظرت حولها تحاول ان تستنجد باي كان لم تجد الا اخوتها والخوف باعينهم ورغبتهم بالامان اكثر منها

لم تستطع التعبير من شدة الصدمه
مرت عليها مقاطع من شريط حياتها تربطها بهم
تذكرت والدها حين كان يحملها على ظهره ويجري بانحاء المنزل

ووالدتها تقبلها بوجنتها من بعد سقوطها ونظرت حنونه يتخللها الخوف من ان تكون قد تالمت
تذكرت تعب والدها حين كان يعوود متاخرا من عمله ومع تقدمه بالسن الا انه لم
يتوقف وكل ذلك لاجلها واخوتها امرا لطالما لم تستوعبه بوجوده
زادت نبضات قلبها حين تذكرت موقفا دون سواه

ليتني ولدت بام واب مختلفاااااان
عين اباها وكلها دمووع من جحودها واحساسه بالعجز وعدم قدرته توفير ماتحتاجه

صوت امها المبحوح وملامح وجهها المصدومه
انتي لستي امرأه لابشكلك ولا لباسك
لانها كانت مشغوله بمنظرنا انا واخوتي وصحتنا

فضلووها عن انفسهم واعطوها مايملكوووه من حب وحنان وامان
ومالذي جازتهم به ؟


دخــلت المستشفى وهيا تمشي في الممرات وقلبـها يدق بصــوره جنـــونيــه جسمممها كــلو يتنــآفـــض
لمــحت اخوانها الصغــآر وجمبـــهم السوووآق رااحت لهـــم وكان لؤي شايل لما الصغيره اللي نايمه في حضـنو
وليان تبكي عن يمينه ولينا ماسكه بلوزتـــو وتبــكي شعورهم منكشــه ببجايمهم جايين
لانا وقفت قبالهم وقالت بصوت يرجف : ايش جايبكم
لؤي دموعه محجره في عيـــنه : انا قلت للسواق يجيبناا
لانا عصبت لما شافتهم يبكــو وهيا نفسسها تبكي ومو عارفه كيف وضع اهلها : دحيين انتو ليييش تبــكوو اسكتتتو
لينا وليان انكمشــو علىىى اخووهم وزااد صوت بكــآهم
جا الدكتور والممرضــه باإتجاههم وملامحهم ماتبــشر بـأي خيـــر : انتي بنت سعيــد *** ****
لانا اشرت راسها وبدون ماتفتح فمــها
الدكتــور ماقدر يكلمها وهيا كدا واقفه : طيب ممكن تجلسي سواني عش
لانا اعصابها ماتتحمل قالت بعصبيه : ماما وبابا فيينهم
الدكتور كمان كآن متأثر لأنو ولأول مره حيوصل خبر وفااة ومو عارف كيف يبدأ ولا ايش يقول ولا يجيبها من النهايه وخلاص
الدكتور قال وهوا راص الكلام اللي حفظو قبل لايخرجلللها وقالو بسسرعه عششان يمشي من هنااا : امك لما جاتنا كانت معطيتك عمرها بس ابووكي كانت حالتو مو مستقره دخلناه العنايه المركزه وجاتو جلطــه بالقلب وماقدرنا نساعده انا اسف ياأختي البقيه في حياتك
لانا واقفه مخشبــه ولساتها مو مصدقه إللي سمعتو اخوانها وراها ومو فاهمين اي كلمه قالها الدكتـــور
الدكتتتور على طوول مشي وبقيت الممرضـــه اللي متعاطفه مع لانا حطت يدها على كتف لانا : i'm sorry
لانا نزلت دموعها واشرت براسها بـ ( لا ) ولا كلمــه قادره تقووولها
طااااحت على ركبــتهاا وصررررخت صرررخه من قلبـــهاا : ماااااااامااااا
الممرضــه طالعت حوليــنها وهيا تبــى احــد يجي هنــآآآ
لؤي جاا قبالها ونزززل ممستوواااها وهوا يبى يعررف : ماما وبابا مــآتو
لانا مسسكت لؤي وحضنتـــو وتبكي بصوووتها ولما البيبي اللي بيننننهم قااامت من نومها وهيا تبـــكي
ليــآن ولينــآ الصغـــآر قربــو من اختــهم وبكـــو معــــآهاا
الخمســـه يبـــكو ويشــهقوو بكـــل صووتـــهم وصووت البيبي اللي بيـــنهم ماوقفت بكــى
الممرضــه واقفه ودمووعــها تنــزل ماتهرج عــربي مو عارفه ايش تسســـوي صعباانين عليـــهاا
اي احــد يمر يطااالع فيــهم ويمــشي .
لانا حاضنـــه لؤؤؤي بكـــل قووتهاا لأول مره اصلا تحضنــو
صدمـــتهاا خلللت مافي اي كلمه تقدددر تخرج من فمههاا
بكاهاا وشهقااتها دا الشي الوحييـــد اللي قادره تسسويه
حتى مو قادره تووقف حااضنه اخووهاا وبنفس الوقت مو قادره تسيبـــوو
امـــها وابـــوهاا اللي رآحـــــوو
تبـــكي على ميـــن ولا على ميـــن
لو راح واحد فيــهم كان بكـــت وهــرجت من كـتر الصدمه
بس الإتنين
خلاص راااح الكــلام معــآهم
كــآنت تغني وتــرقص مع فضـــل شاااكر واهــلها ينــآزعو الموووت
كآنت تعطي لأبوها وامها بيزي وهما يتصــلو وماكانت تدري انو دي اخر مكالمه بيــنهم
طلعت اول كلمــه من فمـــها ممزوجه بكـــل تعـــب : آآآآآآآآآآآآآآآه
اخواتها بس سمعووها مسكوها اكتـــر وزآآآد صووت بكـــآهم


مـــرت عليــــهم ســـــــآعات

جــو النااس اللي يعرفوو ابوها وامها
بس مو مقربيــن
اصلا مايعرفوو احد بدبــي لأنو لهم سنتين ساكنين هنــآ
وامـــها يتيمــه
اتصلت على عمـــها اللي بتــركيــآ كبيـــر بســن اول ماسمع الخبــر طااح عليــهم ونقلووه المستشــفى
جـــآلســه على كرآســي الانتظــآر وحاضنــه اختــها البيبي ونايمه بحضنــها
وجهها شااحــب
تبــكي بدون اي تعبيــر بوجهها بس دموعها تنزل
واخوانها نفــس الحكآيـــه
صحبـــه امهاا جات قبالها وعيونها محمرهـ وفي يدها منديــل ولاببســه اسود في اسود : لانا اخد اخوانك عل بيت
لانا طالعت في الحرمه وشويا تاكلها بنظراتها : لا اخواني معايا
صحبت امها ماحبت تضغط عليــها : خلاص براحتــك
جــآ موعـــد تشــوف امها وابــوها قبــل لايودووهــم مغسسسله الاموآآت ويصلو عليــهم الفجــر
لانــآ وقفــت وحسست بلحظظه كل شي يدوور حوللها رجعت جلسسسست عل كرررسي وغمضضضت عيينها
صحبــه امها نتبهتلها : هاتي اشييل لماا
لانا تبى احد يشيلها مافييها حييل تشيل احــد اعطتها لمــآ ووقفــت واخوانها اتلموو حوليــنها
حطت يدها اللي ترجف على فمـــهاا ونزللت دموعها اكتتتر واكتـــر
تبى تدخل تشوف امها وابــوها وبنفس الوقت ماااتبـــى
ماتقـــدر تششوووفهم بدون اي حـــركه
مشيت خطوتيــن وعينها على الباب الكبيــر
جسمها مو شايلها سندت يدها على الجدااار وخرررجت شهقاتها المسمووعـــه وبعدها اصوات بكى اخوانهااا
قررب منــها صااحب ابوها في العمــل : ياابنتي قووي قللبــك اخووانك هنا
اشرت برااسها بنفي وقالت بكل تعب وصوتها مبحووح : مو قادره ماقدر اشووفهم كداا
صاحب ابوها : اذكري الله يابنتي ولاتدخلي اخوانك معاكي
لؤي ماسك يد لينا ودموعه على خدوو : لا انا ابى ادخل اشوف امي وابويا
صاحب ابوها : طيب انتا ادخل بس لينا وليان خلوهم هنا
لينا لابسه قميسها الوردي القصيــر وشعرها منبووش ووجهها كلو احمــر من كتر البكى : ماابى حتى انا بشوفهم
ليان لابسه زي لينا : وانا كمااان
لانا بعدت يدها عن الجداااار حاولت تووقــف حطت يدها على كتف لؤي : تــعاالو


اتــوجههو للغرفه اللي حاطيــنن فيها امــها وابــوها فتحت الممرضه الباب لهم
لانا اول ماشافت الاسرره البيــضا وعليها امها وابووها دااارت جمسسسسها وبكتتتتتتتت
غططت وجهها بيدددها وهيييا تبـــكي مو قااادره تششوووفهم كدااا
لييان ولينا مسكوو فييهاا وبكـــوو
لــؤي بخطووات ثقــيله كاان يدخــل الغرفــه وعيــنه تتنقــل بيـــن امــه وابـــووه
مافي اي ردة فعــل منــــه يمممشي وصووت شهقاات اخوآتـــه صدداها في المكـــآآآن
وقــف بين السريرين البيــضاا ودموعــه ماوقففت مسسك يد امـــو ويكلمهاا : ماما لاتسيبنا لووحدنا
لياان شافت لؤؤي دخللت وراااه ورااحــت لأبووهاا وهيا تناديـــه بكل طفووليه : بااابااا بااابااا
لانا طالعت فيــهم ونفسسها تكون هيا اللي على السرير مو امها وابـــوهاا
قدمت بخطووات مهزوزهـ ومااسكه بيدها لينــآ
قربت من امهاا وباااست في راااسهاا وحطت رااسها في حضنننهاا وهيااا تبـــكي
ايش تقوول في مووقف زي كداا
ايش تقوول وهيا طوول عمرها عااصيــه وماقد فككرت تقولهم كلممه حلووهـ
ايش تقووول وهيييا داييما تقاارنهم بللي حولينها وهيا عارفه انه مافي احسن منهم بس كانت الفلووس اهم عندها
من كككل شييي
لو قااالت
انا اسفـــه .
سامحـــوني .
ماحيتغيـــر شي
تبــى بس الوووقــت يرجــع لوورى عششان تعــدل تصرفــآتها
بس رآآح اللي راح
والشي الوحيــد اللي سووتــو دحيــن انها كآآنت تمسسكهم وتبـــكي وتبووسهم
وتدوور حضننهم لأخر مــــرهـ





دوبــو راجــع لبيــته في آخـــر الليل مهيـــص وشااارب وناااسي ام الدنيــآ
طلع لغرفـتتوو ووقف لما اتــذكرهــآ وسار ينادي باأعلى صوتـــو وكأنو مافي غيرو بالبيت : كااااااترينااا
قدم لعند الدرج وينااادي : كااااااترينااا
كاترينا جات مفجوعــه : نعم مستر
اياد ابتسملها واشرلها بيده : تعاالي عندي
كاترينا بلعت ريقها بخووف : بس مسـتر
اياد على صوووتـــوو : تعاااالي _ واشر على صدره _ هنااا
كاترينا واقفه مكااانها وخايفه منــوو عارفه انو سكرااان
اياد عصب لما شافها ماتحركت قال بتقـــل : لاتخليني انزل اسحببك من شعرررك
كاترينا : حاضر _ دموعها اتجمعت في عينها وطلعت الدرجاات بشوويشش وصلت لعنده وهوا على طول مسسك يدهاا وجررها لغــرفتو قفل الباب برجلللللووو
وكاترينا قررت انها ماتخليه يلمسها ولو حتى تفضحه قربها منو وهيا صرخت بكل صوووتها وسارت تدفو بيدهاا لما اتذكرت زوجها وعيالها : بئئئئد مستتتر سييب انااا حرررام عليييك
كآآآن ماار من عند الغـــرفه اببوهـ وانفجع لما سسسمممع الصصصوت فتح الباب بردة فعل سريعه وقال بصدمه : ايااااد
اياد ساب كاترينا ودار جسسمه باإتجااه الباب وضرب سلام وكأنو بمركز شرطه : اهلن بالعقيد
كاتريناا خرجت من الــغرفه واياد بكل بروده واقف قباال ابووه
ابوه مصدوم : انتاا ماتستحتي علىى وجههههك حتى الخدمممم
اياد حط يده على فمو وهوا يسكت ابوه : اوصصصصصصصص _ اشر على ابوه _ مابى اسمع صووتك _ رجع وهوا يتمايل لسريره وجلس _ انتا مالك فييا لو ادخل رودينااا هنا انتا ماالك
ابووه ضاااغط على فكـــه بعصبيــه وبيسسسمع لكلام ولده إللي مو بعقلــه : انا اببوك ياكلللب ل
اياد قاطعه : ابوويا ايوا صح صح نسيت _ اشرلو بدون اهتمام _ اطلع براا ابى انااام _ افتكر _ اييوا صح بكرا الفلووس اباها جاهزه والسياره اللي طلبتها كماان Because yon know what can I do اييوا كمان الاجازه الجايه احجزلي وانا قروبي كلهم مو بس انا انا و _ سكت يفكر وبعدها قال _ اقول اطلع برا واقفل اللمبه
ابـــوه ساااكت وهوا يسسسسمع كلااام ولده
اياد انسسدح وهوا بشوزه وبدون مايتغطىى ولاشي غمض عيـــنه ولا ثواني ماحس بللي حولـــه
اماا ابوووه لسسساته مكـــآنه
مايدري هوا كدا ضعيييف شخصيه
ولا منعــدم الشخصيــــــه
خـــرج من الغــرفه . وراح جلسسس في مكتبـــه ومرت علييه نص ساااعه وهوا بيفكـر ومتنكد وكاره نفسهبعدها
رفــع سماااعه التلفوون وطلب الرقم : الو اباك تحول لحساب اياد نفس المبلغ زي كل مره


فـــي نفســ البيــت بس بغــرفه هاديــه صووت الموسيـقا الهاديـــه شغااله بالغرفــه
جالسه على مكتبها وكتبها بانتظاام مرتبــه عليـــه اضاائــه خفيــفه علـ مكتـــب
رمت القــلم من يدها بتأفف وطالعت بسـآعه : اووو الساعه 3
فــركت عيـــنهاا بتعــب واتثاااوبت دق جوالها نزلت يدها عن عينها واخد جوالها
شافت المتصل عقدت حوآجبها مو لأنها مضايقه من الإتصاال بس جدن مستغربه انو متصل دا الوقــت
ردت ومسويه تقيله واتذكرت حركتو الاخيره قفل منها واتصل على الين مره حقدت :ايوا ؟
يــزن استغــرب : مين مزعلك
رودينا لاشعوريا ابتسمت فاهممهاا : محححد
يزن : كزابه
رودينا : ليش متصل
يزن رفع حاجبه باإستغراب : عشان اسمع صوتك !
رودينا حاقده وتبى تشوف نهايته يغيب عنها فتره ويرجع متى مايبى : ومن متى بيننا اتصالات اخر الليل ؟
يزن : اهاا كويس كويس استمري باإسلوبك داا
رودينا : ماقلت شي غلط
يزن :يعني اقفل
رودينا : ماقلتلك اقفل قلت ابى اعرف ليش متصل ماقنعني سببك انو تبى تسمع صوتي
يزن : مشكلتك دي ماقلتلك اقتنعي انا اهم شي مقتنع
رودينا تحرك كرسيها الدوار وهيا مبتسسمه بس كداا تبى تطقطق على راسه : يعني اقفل ؟
يزن انفجع وتعابير وجهه كلهاا مبينه دا الشي : روديييناا ايش بككك ياابت
رودينا ببرائه : وي مافيا شي
يزن : ايوا واضح
رودينا : متصل عليا تقولي ابى اسمع صوتك الساعه 3 الليل من متى يعني بيننا دا الكلام ؟
يزن : كأنها اول مره اقولك هيا
رودينا بدأت تفوور :هوااا دا انتا مزاجي لأبعـــد درجه متى ماتبى تقول دا الكلام تتصل عليا ولما تطفش تبعد ولا كأنو في شي
يزن استغرب منها وقال بصـرآحــه : ابعد لأنو ماحس انتي مهتمه
رودينا انفجرت: شي طبيعي ماكون مهتمه لما تقولي يارودينا لاتقولي لأحد اننا بنخرج لما يجي اسامه ولا الين ولا اي احد من اخوانك وتسيب يدي ولا تسوي نفسسك قدامهم انو شوفتني بالغلط وجاي تكلمني ايش ابى في واااحد يخاف من كلام النااس كمان مو اي نااس اصحاابنا دوول انا مابى اكون مع واحد ينكسف انو يقول لأحد اللي بيحس فيه
يزن سكتت للحظآت وهنا شكـــت انو يزن معاها علـ خط
بعدها فطسس ضحككك : انتي هبببله انا ماكنت انكسسف منك بس عارفتني قد مرريت بكدا علاقــه فاعششان كدا ماسرت احب اتسرع
وتعرفي القرووب واخواني اللي يفشلو الواحد لو عرفو اني معجب فيكي حيهلكوني تعليقات وحنسير نتجنبهم كدا ولا كدا
رودينا مافكرت فيها من دي الناحيه قالت بغيره واضحه : وكم علاقه مريت فيها ياسيد يزن
يزن بالعنيــه قال : اممم روان و خلود وزهره وجيس و ميما و نور و
رودينا انفجعت وقاطعتو : خلااااااص ماببى اعررف
يزن : ههههههههههههههههههههههههههه
رودينا : بروح انام باي
يزززن : اصبببررري يعني في فرق بين دول وبينك
رودينا : اييوا مره كلنا محد عرف بعلاقتهم فيك
يزن : اها يعني دحين عشان تعرفي اني اباكي لازم اقولهم اني _ سكت _
رودينا تباه يسوي دا الشي بس بنفسسو مو عشان هيا طلبتو منو : لا ماطلبت تسسوي شي
يزن : لو تبيني اسسويه حسسويه
رودينا : لا ماباك تسويها عشان انا طلبت منك تسوي كداا بس دام محد عارف انك انتا بتتصل عليا دا الوقت وبتخرج معايا انا عمري ماحهتم لييك ولا حعطيك شي اكبر من دا
يزن : او الكلام سار مره جدي
رودينا : وانتا مالك في الشي الجدي صح ؟
يزن : لا بس معاكي نجرب الجدي يع
رودينا قاطعته وهيا تشد على كلامها : نجججررب
يزن حس بالكلمه : ياااربي يارودينا كلامي لاتركزي عليييه تعرفيني كلامي ماحاسب عليه
ردينا : ماتحاسب عليه بس تقصده يايزن
يزن : ماقصده ياابنتي
رودينا : الا تقصدوو يايزن
يزن : اهاا ايوا اقصصده عششان كدا بكراا حقوول قدام القروب اني احبك بس لاتحسبيني مو مهتم ولابقول كدا عشان انتي تبيني اقولها ترا انا مهما خرجت مع بنات وطولت علاقتنا ماكنت اقول دي الكلمه خلي في بالك دا الشي وفي شي تاني _ رودينا ساااكته _ قلتلك احبك وانتي لساتك مكتومه
رودينا اول مره تسمعها منو مو عارفه ايش تررد قالت بجديه وكأنها مو مهتمه بللي سمعتــه : ايش تباني اقول يعني؟
يزن : اللي حااسه بيه !
رودينا : دحين ماعندي رد
يزن عارف متى حتــرد : اهاا طيب ياست رودينـآ نشووف بعدين ايش حتقولي
رودينا ابتسمت بخجــل ودقات قلبــها ورى بعضض تدق
تقلده وبنفس النبره : طيب ياااسيد يزن ممكن تسيبني انام
يزن : مافي بوسه ؟
رودينا : مع نفسك
يزن : ههههههههههههه يلا بلييز رودينا عشان اقدر اناام
رودينا : اتصل على اللي تعطيك كل يوم بوسه وتنيمك
يزن بقلة حيـله : طيب هدا ازا كانت صاحيه دحين
رودينا بردة فعل سريعه ووقفت فيها تدوير الكرسي : نعمم !
يزن ببرود : ايش بك
رودينا : تتصل في مين ؟
يزن يهروج بهدوء وكأنه بيفهمها :اللي بتصل عليها كل يوم عشان تبوسني
رودينا صنقرت : مو تقولها احبك كمان احسن
يون ضحك : ايش بي ماقلتلها
رودينا سكتت ثواني وبعدها بجديه قالت : يزن ابش تبى مني ؟
يزن ضحك من قلبـــه وروديناا ساكتـــه وهوا مستمممر بضحكك
رودينا طرطعت : يزززن بلاش هببل
يزن زفر بصوت مسمووع و: ضحكتيني ياشيخه يعني بلله بتصل على مين
رودينا : مدري عنك
يزن : امي من غيرها اللي مستحملتني
رودينا وجهها راح فيــها : اهاا حسببت
يزن : لاتحسبي دحين خلينا في موضوعنا كيس مي
رودينا : مابى يلا بناام
يزن بتحطيم وهوا يتكي عل كلمات : طييب وانا كمان حناام
رودينا ابتسسمت : باي
يزن : باي
قفــلت رودينا ووقفت حطت الجووال على صدرها وقالت من قلبها :آآآآآآه وااااخيــــــــراااا
مــع الفـــرحـــه النوم والخموول اللي كاان فيـــها اختفـــى
ونفسسها تقووم وتــرقص وتهيـــص اتووجهت لسريرها ورمت نفسسها علييه
اخدت دبدوبها وحضنتـــه وابتســـمت بكــل حبـ : متى يجي بكرااا


اما يـــزن قفــل منهاا وباس شاشة الجوآآل

منســـدح على سريرهـ محطي يده تحت راسـه وبيده التانيه جوآله بيدور على اسمــها
اتصــل على امـــه ماردت (( اووف اكيد نامت ))
ابتســم بخبـــث واتصل علــى اللي تروقو : اهلين بشوشتي
صوتها كلو دلـع : هاي حبيـبي
قال بطفوليه : مو راضي يجيني النوم
: عشــنك بعيــد عنــي

فـــي صبـــآح يووم جــــديــــد .



واقفــه قبـآل المرآيـــه وتربــط حجـآبها الأصفر على راســها اخدت عطرها المفضـل وبخت بختين ورجعتو مكـآنها
طالعت بنفسسها باإقتنــآع وهيا حتسسوي اللي براســها دحيــن دون تــردد
زفــرت بتوتــر : حسوويهاا وانتهيناا
اخدت شنطتها وحطتها على كتفــها وخــرجت من الغـــرفــه
نــزلت لغــرفه الطعــآم وكآنو الإتنين موجــودين : السلام عليــكم
عمــها : وعليكم السلام صبااح الخيــر يابنتي
راما : صباح النـــور
جلست على كرسيها اللي قبال اسامه وحطت شنطتها في الكرسي اللي جمبها اكلت لقمتين وماقدرت تكمل وفي فمها كلااام تبى تقولو : عمي
عمها رفع عينه من على صحنه وطالع فيها : هلا
راما ابتسمت باإحراج : مو عارفه ايش اقولك بس
عمها ماسبلها مجال تهرج وقاطعها: لاتستحي قولي اللي عندك
اسامه ولا كأنه معااهم منشــغل في اكله ولا طالع فيـــها
راما : انا قررت اروح اسكن في السكن الجامعي
اسامه على طول طالع فيها وقال : يقولو مريح السكن هناك
راما مره ولعت عارفه انها دقــه
ابو اسامه : فيين ترووحي يابنتي وانا هنا لا لا لا مايسير
راما : انا كلمت بابا وقلي سوي اللي يريحك دام السكن بس بنات
ابو اسامه : كدا حتزعليني ياراما
راما بتفاهم : ياعمي يعني الصراحه _ قالت بدون ماتهتم لأسامه _ مو قادره اخد راحتي مهما كان ولدك ساكن هنا و
عمها بدون تفكيــر قاطعها : اجل ااسامه يروح يسكن في السكن الجامعي
اسامه طالع في ابوه مفجوووع : من جدك !
راما انفجعت اكتر من اسامه رفعت يدها وحركتها بخوف : لا لا مره لا مو قصدي كدا يعني
ابو اسامه رفع يده وكأنه يقول انتهى النقااش : مافي اي عزر تاني ياراما واسامه رجال يعرف يتصرف برى البيت
اسامه مفجوووع مرره من اببوووه : دحيين تبااني اطلع من البيت عشان _ اشر على راما بدون مايطالعلها _ عشان دي
راما وجهها راح اللوان : عمي انا
اسامه طالع فيها بقههر ورفع صووته : انكتتتمي دحيين _ اختفى صوت راما ورجع اسامه طالع باأبووه _ انتا كيف تفكككر !
ابو اسامه بحززم : اسامه احتتترم بنت عممك وقلتلك هيا قبل كدا انتا الطاالع وهييا الجالسه
راما نفسسها تبــكي محطوطه في مووقف مره غبــــي
واب وولدو بيتضـــآربو بسببـــهاا
كانت بتفتح فمها الا رجعت سكتت وقفلت عينها بفجعه لما اسامه قااام ودف كرسيـــه وطاااح علـ اااارضضض
قال بكـــل عصبيــــه ولأول مره تشوفو كــدآ :اللي تبااااه حيسييرر بس زي ماطلعت امي من دا البيت ومارجعت انا لاحقــها
راما مو فاهمه بس عينها فاتحتــها على وســعه وشاااده اعصااابها وقبـضه يدها دمووعها اتجمعت حوليين عيــنها
ماتبى يسير شي بسببـــهاا
خــــرج اسااامــــه من الــغرفـــه وابووه ولا كأنه رجــع ابتســم وطالع في رامــآ : خدي راحتك البيت بيتك
راما طالعت بعمها وماسكه نفسها لاتبكي : عمي انا اسفه والله لو بيسير كدا انا حرجع جده مو قصدي اسوي اي مشااكل بينك وبين اسامه خلاص انا مرتااحه هناا مو قصدي شي بس كلم اسامه لايروح والله اسفــه _ تهرج بكل خجـــل _
ابو اسامه بدون اهتماام والابتساامه مافارقت وجهــو :سيبكي منو اهم شي انتي خدي راحتـــك في البيت يلا قومي وراكي جامعه
راما خافت يهرج بطريــقه مره تخوووف وبنفس الوقت لما شافته مو مهتم بولدو خافت على نفسها اكتـــر وماحست بالأمان :بس
عمها قاطعها ووقف : لا بس ولاشي يلا قومي للجامعه
وقفــت ويدها ترجــف مو عارفه تتصرف اخدت شنطتــها ومشيــت وهيا تفكـــر بللي سار دوبـــه
خــرجت برا اسووار القصــر ماكانت في اي سيااارهـ
خلاص بعد اللي سار ماتبى تشتكي لعمها في اي شي ماتوقعت ردة فعله كدآآ
واقفــه وتطالع يمين ويساار دوبها بتــرجع الا عمها خــرح وقلها : اسامه اخد السواق تعالي انا اوصلك بطريقي
راما اشرت براسها بنفي : لا خلاص مو لازم
عمها : راما لاتزعليني يلا قداامي اشووف
راما بتردد مشيــت قدام عمها وركبت السياااره
طول الطريــق وهيا بتفــكر بللي سوتــه اتمنت انها مافتحت فمــها وهــرجت
تبى تصلح غلطها : عمي الله يخليك كلم اسامه لايصدق دحين ويخرج من البيت
ابو اسامه : هوا خارج خارج مافي كلام بدا الموضوع
راما وجهها كلو محمررر من الخجــل : عمي عشاني كلموو
ابو اسامه يبى يفتك من نقها قال بكدب : يااابنتي هوا كدا ولا كدا بعد شهر حينقــل مع اصحابه ماشالله سار رجاال ويعتمد على نفسـه اما انتي بنت واخاف عليكي من الي حولينك والمجتمع دا غريب عليكي فاأسامه يسكن بالسكن الجامعي احسسن واريح لكي وله
راما لساتها مصممه : لا انا حرتاح لو رجع للبيت
عمـها بدأ يطفشش كشــر ولأول مره تشوفو كدا قال باأمر : قلت انتي اللي حتجلسي في البيت وهوا الطاالع مافي اي نقاااش في دا الموضوع
راما انكتــــمت (( انا ايش جاابني هنااا ))



رمى شنطتـــو بكل قــهر ع طاااوله وجلسس وهوا مكشـــر
شادن : يامامي بس على المنظر من الصبااح
اسامه طالع فيييها وشويا ويلطشها : شادن خليكي في حالك
شادن حطت يدها على فمها : سوري
اسامه بنص عين طالع فيها : مو لدي الدرجه
شادن نزلت يدها وحطتها على الطاوله : ايش بك
اسامــه ضرب يده على الطاوله : مااازن
مازن رفــع راســه مفجوع وكآن نايييم فررك عينــه : هااا
اسامه : كيف تنام بدا الازعاج !
مازن : عادي _ اتمطع _ ايش بك
يزن جا وجلسس معاهم وهوا شكللو مره مبسسسوط : فين الين ورودينا
شادن : لسسه ماجو
يزن طالع بااسامه : وايش بو جيمس معصب من صباح ربنا " يقولو جيمس عشان لون عيـنو "
اسامه : تبو الحكايه من بدايتها ؟
مازن اتثااوب وهررج بنفس الوقت :ايوا من البداايه
كلهم طالعو فيه وهوا قفل فمــه على طول
اسامه حاول يكمل ويتغاضى عن اللي شافو: البدايه انو بنت عمي جات من جده وبتدرس معايا بالجامعه
يزن : كوويس وفينها دي
اسامه وجه نظراتو ليزن : انتا اخر انسان اعرفو على بنت
يزن :هههههههههههههههه حتغير نظرتك فيا الييوم
اسامه : انو يعني دووبي متعرف عليك
شادن : طيببب كمممل
اسامه : المهم امس داومت معايا وابويا بيعاملها معامله خاصه زياده عن اللزوم
مازن : تغار يعني
اسامه قرب للطاوله : مازن قول شي عدل ولا اسكت
مازن كشر : يعني ايش حتفرق عندك لو اتعاملت معامله خاصه !
اسامه بقة صبــر وعصبيــه : ابوووياا طااردني من البيت عششان هيا تاخد راحتها
يزن : اماااااا
ماازن : لا ياااشيخ
شادن شهقت : مو من جدك
اسامه زفر : يقولي روح سكن الجامعه عشان حضرة جنااابها ترتااح
يزن : ابوك خررررف
مازن غير جلستو باإهتمام : طردك طردك ول
اسامه قاطعه : لسه قلي بس انو اروح سكن الجامعه وانا لايمكن اسكن في شقه فيها غرفتين
شادن تصحح : غرفه
اسامه : ها اديلو كمان غررفه
يزن : دحين انتا بتفكر من ناحيه البيت ولا من ناحيه مخ ابوك اللي انلحس ؟
اسامه : الاتنين يعني ابوييا مابيعامل احد كدا الا ووراه شي بس خليها تاخد على راسها بعدين حسبلهم البيت ويسوي اللي يباه فيها
مازن انفجع : يغتصبها !
اسامه فنجل عينه : اهببببل انتااا مااازن ارحم اهللك لاتعلللق
مازن: ههههههههههههههههههه انتا بتقول اسبلهم البيت ويسوي اللي يباه فيها يعني الموضوع فيه شكك
اسامه طالع بيزن واشر على مازن: سكت اخووك قبل لااقووم اشوه وجهو دا
مازن ضرب اسامه على ظهرو وهوا بيضحك : ريلاكس يامان
يزن : طنششو بس دحين ايش حتسسوي
شادن حزنانه على صاحبها : يعني خلاص حتسكن هنا
اسامه : قلتلو لو خرجت ماحرجع البيت وانا دي المره قاصد الكلمه
يزن يهديه: اقولك رووق
مازن : عرفني على بنت عمك وانا اخليها تندم
اسامه فاير : مازن انتا بتركز ايش بتهرج ولا بس تبربر بدون ماتفهم !
مازن : ايش فيه هرجي ؟
اسامه : ايش دخل بنت عمي في الموضوع دحين انا بتكلم عن ابويا
مازن اتثاوب: مو كان خليتني نايم احسسن لأني فاصل فاستحممل تعليقااتي
يزن : مازن ارجع البيت بللهي
مازن : محاضرتي بعد ربـع ساعه
اسامه : اجل بعد ربع ساعه حكملكم
شادن : هههههههههههههه مو من جدك
مازن حط راسه على الطاوله : راجع انام خد راحتتتك ياجيمس صحوني بعد ربــع ساعه
يزن : خلي بس يشوفك سيدي واوريه مين اللي حيرفع راسسه
مازن حط راسه فوق الكتاب وضحك .
يزن : ايوا يااسامه فين حتروح دحين
اسامه : مدري
يزن : تعال عندنا
اسامه : لاا ماقدر
شادن : ايوا احسن من السكن
اسامه : انا كدا ولا كدا ماحخش سكن حنام بيختي ولا سكنهم
يزن : اجل تجي معايا
اسامه قاطعو : يعني اخرج من عند ابويا واوآمره واروح لسيدك من حفره لدحديره
يزن : ههههههههههههههههه
مازن رفع راسه : الله يسامحك _ ورجع حط راسه علـ كتاب _
شادن : ههههههههههههههههه مازن ناام نام
مآزن مغمض عيــنه : ناايم _ مسك يد شادن وحطها على شعرو _ العبي بشعري
شادن : ههههههههههههه بزززره _ خللت يدها في شعره الكثيف وعينها على اسامه وبتلعب بشعر مازن _
يزن : تراك جرحتني بكلامك دا
اسامه : ياعممي رووح
يزن طالع بساعه : كأنو الين ورودينا اتأخره
شادن : اليوم اتنين رودينا تتأخر ماعندها محاضرات الا 10 والين مدري عنها
يزن : اها طيب يااستاز اسامه فين مقرر تجلسس
اسامه : مدري بعد الجامعه حروح الم كل اغراضي وحخرج من البيت
يزن : لاتتسرع
اسامه معقد حوآجبه : خلي بنت اخوه تفيده
شادن : ورينا هيا
اسامه : بلااشي عشان لاتحتكو فيها مو ناقص مشاكل منكم
شادن : حناكلها يعني
اسامه : سلامتك انتي بس في رودينا والين ماينضمنو ومازن ويزن اخس منهم
مازن فتح عين ومقفل التانيه : الله يسامحك _ ولا ثواني الا رفع راااسه بردة فعل سريعه وشادن كشرت وشالت يدها مفجوعه _
الـ 3طالعو فيـــه باإستغراب
مازن : جبتهاااا
يزن : ايش هيييا !
مازن : صاحبي جاسم عنده فله قريبه هنا
اسامه : ويعني
مازن : روح اسكن معاه
اسامه : ارجع نام بللهي
مازن : يااخي من جدي بهرج الفله مو مره كبيره بس حللوه ومحد ساكن غيره جاي من الكويت كدا ماعنده احد وكم مره قلي لو تعرف احد يسكن معايا قولي وانا اصرفه
يزن يبى يقنع اسامه : مررا كوويسس ومنها مكان نظيف
مازن : والله خطيير وبعدين الفله صالون وغرفتين تحت وفوق 4 غرف شي تمام
شادن : ساام مالك غيرها لاتطيرها من يدك
اسامه : اقول لأبويا يشتريلي فله وانتهينا ماحب اجلس مع احد
مازن : لاحوووول منـــك تحب العزله زياده عن اللزوم
اسامه : مو عزله بس ماحب احرج احد
شادن شمقت : طول عمرك بتحرجني
اسامه : هههههههههه لا انتي غير
مازن رجع انسدح ومسك يد شادن الا هيا سحبتها : قوم وراك محاضره
مازن : مرت ربع ساعه
شادن : لا عشره دقايق قوم بس
مازن : باقي خمسه تانيه لسه
يزن : دا وانتا نايم بدري
مازن غمض عينه وقال ببرود : لما نومتو انا خرجت وقبل لاتصحو بساعه رجعت
يزن دوبو فهم : اهاااااا اجل انخمد انخمد وانتا يااسامه مالك غير الكويتي دا
اسامه : حفكر بالموضوع
يزن : بكيفك

فـــي آحـــد القصــــور .
جالس على كرسيـــه الخشــبي ومستسلم للنـــوم ماحس بطلووع الشمــس
كل انــوآع الارهــاق الجسمي والنفسي بيــحس فيــه

نادتــه بصوتها الهادي : هتـآن هتاان
فتــح عيينه ومره محمـــرهـ طالع فيها بكــل تنــآحه
لابســه لبس انيــق جدا ككعادتــها ونظارتها الشمسيه بيدهاا ابتسمت : روح ارتاح
وقف وفرك عينه : اسف لأني نومت ماحسيت بن
قاطعتــه وابتسامتها الهاديه مافارقت وجهها : عادي ياولدي جهزتلك غرفه جمب السوااق روح نام هنـآك
هتان مره فيــه نوم بس انحرج : لا ماله داعي _ طاله في ساعته _ عندي جامعه
: الين ماراحت اليوم عادي مو لازم كمان تروح امس مارتحتو روح دحين الغرفه الي جمب السواق
هتـآن مو عارف ايش يقول يسحب على الجامعه اليوم
اصلا ماله نفــس يرووح
ام الين تنادي السواق : آمـآن آمــآن
آمــآن خرج من السياره وجا لها : نعم مدام
ام اليـن : خد هتان ووديــه للغرفه اللي جهزتها
امآن بكل طاعه : حاضر مدام
هتان خلل يده بشعره وابتسم وهوا لساته منحرج : بس
ام لين باإصرار : لا بس ولا شي انتا امس وقفت معانا
هتان بلع ريقه لما اتذكــر اخوه واختفت الابتسامه من وجههو اشر براسه بدون اي كلمه بـ " اوك "
وام اليـن اتوجهت للسيارهـ
وهوا راح ورا الســوآق دخــل الغــرفه الصغيره اللي بجانب القصر
وجلس على السرير فسـخ الشووز وانســدح ولا دقايق الا نــآآآم

__________________________________________________ _________
وقفــت سيـآرتــها ماكلارين مرسيدس إس إل آر عنــد الإشاره الحمــرآ لما تفــكر بالموضوع قلبـها يزيد دقاتــه
ابتســمت بكــل حب وهيا تتخيل ردات فعل القرووب وضحكت بينها وبين نفســها
قطع تفكيــرها صوت الاغاني الراب المزعجـــه طالعت يمينها سياره كامري وفيها ولد بيطالع فيها ويحرك راسه علـ انغام وابتســم على طول لما شافهـا
كشــرت وبدون تفكير شغلت اغنيـه على بالي حبيبي ماتبى تخرج من عالمــها
الولد دقلها بووري وهيا مطنشـه عارفه انو بيتــحرش فيــها طالعت بالاشاره كدا مره وزفرت بقلة صبر
حــركت اصابــعها بتناغم مع الموسيـقى على طارة السيارهـ وغنــت مع اليساا :احبسك ماطلعك من قلبي ولا يووم
اخطفلك نظراتك ضحكاتك حركاتك علقهن بغرفتي بنيمن ع فرشتي .
الاشاره خضــرت دعســت واتــوجهت للجــآمعـه


وقفــت سياارتها في الموآقــف المخصصه للسيــآرات سحبت السويتش وخــرجت قفلت السياره ودخلت السويش وسط الشنطـه
حطت الشنطه متوسطه بين ذراعـها
وفي يدها التانيه ملزماات مشيت خطوتيـن ووقفــت لما مالت بالكعـب
وقفــت مشي وطالعت بشوزها الاسود اللي مره عالي : بلاا
امس شالت الجبـس بس لساتها بتحس باألم خفيــف
كملــت خطوآتها بهدوء ليــن ماوصلت لمكانهم المعتـآد وبدأت دقات قلبــهاا بتصـآرع
شــآفت قفــى يـزن نزلت نظرها للآرض وهيا تضبط انفسها ورجعت طالعت فيــهم وابتــسمت
وقفت ورا يزن وشدت على الملزمات اللي بيدها : صباح الخيــر
يزن فز قلبــه من يوم ماسمع صوتها دار عليــها ووقف وهيا رجعت على ورى ورسمت ابتسامه كلها احراج : فين البقيـه
شادن : صباح النور على فين يايزن
يزن عينه على رودنيا : راحو _ طالع بشادن _ ولا مكان
شادن استغربت من وقفتو : وليش وقفت يعني
يزن مد يدو لرودينا واخد منــها الكتب قرب منها وباسها في خدها : صباح النور
شادن بلمــت ورودينا رميتلو كتبـها ووجهها محمــر راحت باإتجاه شادن وجلست جمبها وهيا تبى تصرف نفسها : الين ماعندها دحين محاضره
شادن حاولت تطنش الحركه اللي سارت وحطت البلا في يزن وانو حالتو شويا صعبه اليوم : الين ماجات واسامه راح يشوفلو بيـت
يزن جلس قبالهم وحطت الكتب على الطاوله : وليش اتأخرتي
رودينا فتحت شنطتها وهيا ماتبى تطالع فيييه تقربع وسط الشنطه وتهرج معاه : ماعندي محاضرات الا بعد خمسه دقايق ليش اجي من الصباح عل فاضي
يزن : مو انا ماعندي غير الظهر محاضره بس جيت عشانك
شادن طالعت برودنيا اللي وجهها رايحه الوانه وفي يزن قالت بشك : ايش بكم اليوم ؟
رودينا بردة فعل سريعه : مافينا شي
كانت تبى يزن يقولهم بس دحين من كتر ماهي مستحيه ماتبى احد يدري .
يزن : كان عندي اليوم خبـر ليكم بس دام الين مو في ولا اسامه ويزن بسيبها لبكرا
شادن : عن اعلاناتك ؟
يزن : لا شي جديد
شادن : حتمثل ؟
يزن ضحك : مره مقطعني التمثيل
شادن : اتوقع منك اي شي
يزن : لا دا _ مط حرف الياااء _ غيييييييييييييير
شادن : طيب يلا قولي انا ورودينا نكفــي
يزن حرك راسه بنفي : لا اباكم كلكم فيــه
رودينا حطت شنطتها على الكرسي وغيرت ام الهرجه : فين راحو اسامه ومازن ؟
شادن وجهت كلامها ليزن : مع نفسسك حاستو شي بايخ _ ورجعت كلمت رودينا _ اسامه انطــرد من بيتــه وبيدورلي مكان يسكن فيـه
رودينا انفجعت : كزاابه
شادن حكتــها كل شي ورودينا مصدوومـــه : بنت عمو الغبيه دي ماتستحي على وجهها _ طالعت في ساعتها واتذكرت المحاضره وقفت بصربعه _ اشووفكم بعد سااعه ونص
يزن بتملل ولا بالانتظاار : وانا رايح افطــر
رودينا طالعت فيـه : برا الجامعه ؟
يزن : ايوا وبعدها حجي المحاضره وخارج على طول
رودينا مره كان نفسها تجلس معاه سكتت وماردت اخدت اغراضها : اشوفكم بكرا
شادن : باي حياتي
رودينا مشــيت
يزن قال لشادن : تجي تفطري معايا
شادن : مايمديني
يزن وقف : اوك بروح اوصل رودينا للمحاضره وخارج
شادن رفعت حاجبها باإستغراب : اوك
يزن : باي
شادن : باي
يـــزن راح ورا رودينا : روود
رودينا دارت ولما شافته وقفت مشي لين ماجا اتجاهها : بعد ماتخلصي تخرجي عل مغرب
رودينا كانت بتقول ايوا بس اتذكرت شي : ماما حتجيها صحبتها وتباني اكون في البيت
يزن صنقر : ايش يومك دا التافه
رودينا ضحكت : ايش اسووي
يزن مكشـر : خلاص روحي لمحاضرتك
رودينا حستو زعلان : سوري
يزن ابتسملها على طول : مو زعلان بس وحشتيني وكان نفسي اجلس معاكي
رودينا ماسكه كتبها وبتدخل اظافرها وسط الاوراق مره مستحيـه مو عارفه ترد عليـه : خلاص بكرا ان شالله
يزن زفر بضييـق وقال بتفكيـر : بكرا يعني 24 ساعه والساعه 60 دقيقه والدقيقه 60 ثانيه و
قاطعتو بصووت ضحكتها : لاتحسبها كدا خلاص بكرا وانتهينا
يزن ابتسم لضحكتها : حاسس انو بكرا حيسير شي
رودينا على طول كشرت :لاتقول كدا
يزن : مجرد احساس
رودينا : خليها في قلبك انا اكتئب لما اسمع دا الكلام خلاص اتأخرت اشوفك بكرا
يزن : ان شالله
رودينا : باي
يزن : مع سلامه
كمـــلت طريــقها ورااحت لمحــاضرتها وهوا واقف لساته مكانه ويطالع فيها وهيا بتـمشي


في مكــآنهم المعتــآد جالسه لوحدها وحاطه يدها على خدها وبتقلب بصفحات الكتــآب اللي مو فاهمه اي شي فيــه
جلــس قبالها : شكلك مره طفشانه
طالعت فيه وماقدرت تخفي ابتسامتها : مروان
مروان : عيوني
شادن ضحكت : بلاشي دي الكلمه
مروان : زي ماتحبي _ سكت وكأنو في فمو كلام سرح وهوا بيطالع في كتابهاا _
شادن طالعت فيه بااستغراب : فيك شي
مروان رفع عينه عليها : ايوا _ ماحب يهرج _ قصدي لا
شادن زاد استغرابها قربت للطاوله وقالت بهدوء : ايش بك .؟
مروان حط اياديه على الطاوله : دحين مو احنا فريند ؟
شادن حركت براسها ايوا بدون ماتهرج
مروان : طيب لو مسكت يدك وقلتلك العبي بشعري شي عادي ؟ ولا مشيت معاكي وكنت ماسك يدك شي عادي ؟!
شادن عقدت حوآجبها وقالت : لا مو عادي
مروان : يعني اللي بينك وبين دا مازن مدري يزن اكبر من صداقه !
شادن سكتت لثواني وهيا مو فاهمه لسه قصدو : داك مازن وايوا اللي بيننا اكبر من الصداقه
مروان قال ببطئ وكأنه ماعجبته الكلمه : اهااا . وعارف اني متعرف عليكي ع اساس اني معجب فيكي ؟!
شادن : ايوا ليش ؟
مروان : ومايغار يعني
شادن مرت لحظة سكوت وبعدين استوعبت ضحكت : لا قصدي مازن زي اخويا اللي بيننا اكبر من صداقه
مروان : مو بس مازن يعني شباب القروب كلو تعتبريهم زي مازن ؟
شادن : ايوا
مروان ماحب الوضع : اهاا
شادن : شوف انا من يوم ماولدت ودول حوليني
مروان يبى يمهدلها ويشوف طريقة تفكيرها : لو يوم اتزوجتي وزوجك ماحب دي العلاقه ايش تسوي ؟
شادن : حقولو يطلقني
مروان انصدوم : بسهوله دي !
شادن : ازا حاولت افهمه وماقتنع بعلاقتنا حطلق منو
مروان : اسمحيلي بس لو سويتي كدا تعتبري هبله
شادن : هبله !
مروان : يعني عندك اصحابك ولا نظرة المجتمع في النهايه لكي . وافرضي انتي تحبي زوجك و
شادن قاطعته : ماححب شخص اكتر من قروبي لايمكن
مروان : غريبــه
شادن قالتلو بصـراحه : انا ماعندي لا اخوات ولا اخوان و ماما تفكيرها غريب وبابا مو فاضيلي كل ماحتاج شي الاقيهم جمبي لو سارتلي مصيبه ممكن اتصل عليهم قبل بابا وماما للي بيننا عشرة سنين مو سنه ولا سنتين
وماحيجي واحد حيخليني ابيع 21 سسنه عشان حب وكلام فاضي
مروان شبه اقتنع : اها كويس الله يخليكم لبعض




في الجــآمعه خلصت فطورها وخــرجت شافت على الجدآر ورقــه مكتوب فيها كل انشــطة الجــآمعه
تبى شي تدخــلو يخفف عليــهاا .
اول شي مسرح فكرت بينها وبين نفســها اداا تدخل ولا ماتدخــل
نفضت فكرت المسرح والتمثيل من بالها وكملت تقرأ الانشطه الباقيه
من الرياضه والحااسب ووكالة الاعلان و و إلخ
بس رجعت تطالع في المســرح ماتدري ليش شادها يمكن لأنو شي غريب في جده وهيا تحب دا الشي
في وحده وقفت جمبــها بتقرأ
راما بتردد : لو سمحتي فين صف المســرح
البنت ضيقت على عيـنها ودارت جسمها : ات _ سكتت وطالعت في راما _ حروح لهونيك بتجي معي ؟
راما ابتسمتلها : اوكـ
البنت مشيت وجمبـها راما
: ماي نيم زي ميريام
راما : وانا راما
: بدك تتسجلي في صف المسرح
راما : مدري بس افكر بالموضوع
ميريام عقدت حوآجبها : بس بائي يومين ع تسجيل لحئي سجلي
راما بتوتر : نفسي ادخلو بس بنفس الوقت خايفه
ميريام :كتير حتنبسطي لاتعتلي هم
راما ابتسمت براحه : حشوف كيف الوضع وانتي حتسجلي هناك ولا
ميريام قاطعتها : نو بدي شوف ماي بوي فريند بيحب المسرح كتير
راما : اهاا

وصــلو لعنــد المســـرح وعلى طول حبــت المكــآن بس من المســـرح الخشببــي والكرااسي اللي قباله الحمــراا
ميريام : قود لاك
راما : ان شالله
ميريام : بااي _ وراحت لحبيبها _
راما عيونها تتنقل في المكــآن تبى تجرب شي جديد انتبهت لحرمــه لابســه تنوره طويــله وبلوزه حمرا مره ماكان في تناسق بلبسها بس اتوقعت دي المدرسـه بذات لأنو كتير مجتمعيــن حولها
راحت واتسجلت بدوون تفكيــــر

ودق جوالها كآن عمها راســلها سياره من الشركه ترجعها البيــت ركبــت السيااره واتــوجهت للبيــت
وهيا شايله هم اللي سار بسببها وبنفس الوقت مبسسوطه لأنها اتسجلت بالمســرح


وقفــت سيارتها عند القــصر وانتبهت لأساامه خــآرج ووراه شغالتين بيودو اغراضــه للسسيارهـ
خــرجت من السياره على طول وراحت له وهيا تبى تتأسفلــه عن اللي ســآر : اسامه
اسامه معطيها ظهرو سامعها بس ماحيدير ويكلمها وجه كلامو للخدم : بسسرعه مابقي كتير
بيدخلو وسط سيارة الهمـــر شنطـــه وكل اغراااضـــه ماساب في غرفته الا اشياء بسيطه مايستخدمــه
راما حسبت انو مو سامعها نادت بصوت عالي : اااسااامه
اسامه راحد حد الخدم ووجه وهرجهم : خلاص كدا _ قفل باب السياره _
ومشي من جمبها ولا عبرهاا كان رايح للمقدمه خلاص بيركب ويسوق السيااره
بس وقفتو باإصرارها لما لحقتو : اسااامه
دوبو بيفتح باب السياره الا قفلللو بعصبيـــه ودار عليييها : نععم
انفجعت مره منو بس حاولت تقول اللي عندهاا لأنها حاسه نفسها غلطانه : انا اسفه عن كل شي مو قصدي انك تروح والله بس
قرب منــــها وقاطعها وهوا يتكي بكلاااامه وبكل وعيـــد : والله حتجي تبكككي
راما قلبببها بيخخخرج من كتر مااايدق مع الفجعه مابعدتت حتى عنو قالت بكل برائه : من ايشش ماسويتلك شي
اسامه ملامحــه كلللهاا مشدوده ومايله للعصبيــه : ماحتبكي مني حتبكي من عمــك حيبكيكي دددم وقولي اسامه ماقال
بلعت ريقهاا وهيا ميته خوووف كلمه حاسه بخووف قليله في دا المووقف
اسامه : خلي في راااسك ابويا لو كره عمرو ماينسى ولا يتنااسى ولاتفكري انو مسامح ابوكي وجايبك لهنا عشان يرجعو زي زماان بس زي ابوكي مابكااه حيبكيه عليكي
راما رجعت على ورى وقالت وخلاص مرععووبه : ايش بتخررف انتااا
اسامه فتح باب السياره : قلت إللي ينقال ولازم كنتي تسمعيـــه _ طلع السياره وخرج من اسوار القصــر _
وهيا لساتهاا واقفه في مكــآنها وقلبــها لســآته يدق بسســرعه
خـــــــــآيــــفه مره من اللي حيسيــــر
حاولت تهدي نفسها وتكدب كلامـــه (( عمو لايمكن يسوي فيــآ شي اسامه تلاقيــه حاااقد علييا عشان كدا بيقوول دا الكلام ))
قالت دا الكلام واتصلت على صحبتها ايدتها في كلامهاا وقالتلها تنطـــش اسااامه


اما اســآمه مرهـ معصــب ماحب يروح لجاسم بدا الشكــل حينفجع من اول يوم قالب خلقتو فاخدها لفلفه بشوارع
وبعدين اتــجه لفلــة الولد اول ماوصل لقى مازن واقف مع الووولد

مازن: يعني كيف افرق بين الحضر في الكويت والبدو
جاسم : فرق في حرف الجيم حنا الحضر نقول ديايه اما البدو ينطقوها دجاجه
مازن : اهااا
اسامه قاطعهم لما جا : السلام
: وعليكم السلام
مازن : ايوا كمل
جاسم ضحك : وش اكمـل يامعوود
مازن : اللي كنت تقووله
اسامه : اقولكم كملو هرجكم بعدييين مافي احد يجي ينزل الشنط ؟
جاسم : ماكو للاسف نحدرها انا ومازن ويااك
اسامه مافيه حيــل يشيل الاغراض كتيــر : اوك
مازن خـرج السويتش من جيبه وشغل سيارته الفراري : عندي ديت دحيين انتو اشتغلللو
اسامه : عارف انك بتششرد
مازن : ههههههههههههه لا والله مشغول يلا اشووفكم بكرا
اسامه وجاسم : ان شالله




التكملـــه >

ركــب سيــآرتــه وآتـــوجه لأحد كافيــهات دبـي وصــل المكــآن بعد ثــلت سـآعه
دخل دور عليــها ومالقاها خــرج جوآلــه واتصـــل : ايوا رغد فينك ؟.
: في الكافي وانتا
مازن: دوبي واصل بس مو شايفك
رغــد تكلمو وعيونها تتفحص المكان انتبهتلو رفعت يدها : ديير
مازن دار جسمو وشافها قفــل وابتســم اتوجه لهاا : سوري اتأخرت _ سحب الكرسي وجلس قبـالها _
رجعت شعرها على ورى تحاول تصطنع التوتر والخجل معاه قالت بهدوء : لا عادي
قرب للطاوله بدون اي كلام بس رفع حاجبه وكأنو مستني شي منــهاا
رغــد غصصباا عنها اتوترت من حاجبه دا اللي طلع سندت جسمها على الكرسي واخدت شنطتها اللي على الطاوله وحطتها في حضنهاا : بعطيك اغراضك وامشي ( كانت تدعي في قلبها انو يقولها لاتروحــي )
بس مازن ماينعرفلوو : اوكـ
رغـد نزلت عينها على الشنطه وفتحتها وهيا تلعــنه خرجت نص الفلوس اللي اخدتها من محفظتو وطالعت فيه
حطت الفلوس على الطاوله : دي كانت في بيتي
مازن اخدها واتوقع انو كان في محفظتو اكتر من كدا بس مو مهتم دخلها في جيبو : ثانكس
رفعت نظارتها الطبيعه بصباعها السبابه : عفوآ
مازن سند جسمه على الكرسي وكان خلاص بيروح وبعدها قرب للطاوله وباين التردد في تصرفاته
رغـد مستغربه : في شي ؟
مازن حك رقبـته وضيق على عينــه
رغــد حست انو عنده شي : اقدر اساعدك بشي ؟
مازن حط يده على الطاوله : شوفي اللي سار يومها بنسبه ليا غريب
رغـد سوت انها مره مهتمه وبتسمعلو : طيب ؟
مازن : انا مو اول مره اشرب
رغـد : اوك ؟
مازن : حاسس انو سار شي يومها واباكي تحكيني بزبـط ايش شوفتي
رغـد : اممم كنت راجعــه لبيتي من بعد عملي وشوفتك واقف بين رجالين وانتا شكلك سكران مره وبياخدو اغراضك
مازن : بس كل شي معايا والفلوس رديتيها يعني كانت عندك
رغد : شوفت بيدهم جوال وشوية فلوس
مازن عقد حوآجبه : مو متزكر شي وبعدين شكلو اللي سرقوني محترمين
رغد ابتسمت : ليه يعني ؟
مازن : اقل شي يسويه ياخد الفلوس كلها ويمشي
رغد : بدال ماتقول الحمدالله
مازن : الحمدالله ماهمني اي شي اخدوه كل اللي ابى اعرفو ليش مو متزكر اللي سوتـه يومها
رغـد : قلتلك كنت سكران
مازن رفع صوتــه : ياااومي مو اول مره اشرب
رغد بصوت ناعم تهديــه : طيب لاترفع صوتك حصل خيــر
مازن سند جسمه على الكرسي وزززفر بقلة صبـــر : حاسس انو شي سار
رغـد تبى تجس نبضه ادا شاك باأحد : بتفهمني انو في ناس مثلا حاقده عليك
مازن : صلتي بالناس مو مره كويسا فاعشان كدا اتوقع انو سار شي يومها
رغـد بلعت ريقها : يعني ينخاف منك
مازن ضحك : لا انا مسالم
رغد : وااضح _ قررت انها هيا تمشي اول _ انا اتأخرت
مازن :بدري
رغـد وقفت :مره تانيه ان شالله
مازن ماكان ناوي يقابلها تاني حاسس انو وراها شي بس دام عرضت عليه ماحيرفض : اوكـ _ وقف _
رغد حسبتو بيوصلها لبرا : لا مايحتاج ارتاح
مازن رفع حاجبه باإستغراب : انا برضو خارج
رغــد وجهها حمـر مع الخجل حطت شنطتها على كتفـها وابتسمت باإحراج : باي
مازن ضحك عليها : باي

راح لسيــآرتــه واتــوجه للحديقــه اللي كآن يكرهها ومايحب يروحـــها
بس دحيــن نفســه يشووف شخص فيـــهاا
مو هرجة اعجااب ولا شي
بس الفضـــول قاتــله
يبى يشووف كيف تفكيـــرها
تصــرفاتهاا
كـــل شي فيـــها
وقف سيـــآرته وخــرج منــها دور على تركــي مالقااه ضحك على نفســه (( جيت قبــله ))
جلس على الكرسي الخشبــي وعينه تدورها بين النــآس
طالع في الســآعه (( هوا انا جيت مره بدري ولا هيا اتأخرت ))
قطع تفكــيره لما سمــع صوتــها طالع ورااه وابتــسم لما شــآفها ببنطلونها الفضفاض الزيتي وبلوزتها السكريــه ولابسه نظاره شمسيه
وقــف وهوا يطالع فيــهاا
اما هيا واقفـــه مع حرمــه وبتهرج ضامه اياديها لبــعض وتحكي بكل شوووق : مرره شكلهاا حلوو وفيها عوآميد كتتييرر خارجه من الدائره والوانها كمان حلوه
الحرمــه جارتهم ابتسمتلها : دا ولاشي خليني بس اخلص دا الاسبوع دوام واوديكي كل مكان
اثيــر ابتسسمت : طيب
الحرمه : بس استئزني من ابوكي اول
اثير اشرت براسها نفي : مايقول شي
الحرمه حطت يدها على كتف اثيــر : يلا ترجعي معايا البيت ولا تجلسي
اثير : بجلس هنا
الحرمه ابتسمتلها : انتبهي لنفســك
اثير اشرت براسها يعني طيب : ان شالله
مـآزن من يوم ماشاف المكــآن فضااالو استغل اللحظه ورحلها على طـــول
: اهلييين
اثير دارت عليــه وبان التفاجئ في وجهها قالت بحماااس: ماااازن
لاشعوريا ابتســم وقلها زي مايقول لأي بنت : عيوني
اثير كشرت : ايش بها
مـآزن اختفت الابتسامه من وجههو ( دي كانت عميــآ ولا هبلا ! ) : ولاشي كيفك
اثيــر : تمام _ قالت بحمــآس _ ماازن اليوم روحت اتمشيت مع جارتنا وودتني امااكن كتير مره حلووهـ
مازن عجبتو لما تقوول اسمو ببرائه :فين روحتي
اثيـر : اماكن كتير بس قالتلي نروح بعدين مول فيه تلج وننبسط هناك
مازن : قصدك الامارات مول
اثير اشرت عليـه : ايوا هوا دا
مازن : دحين ليش لابسه نظاره مو مره في شمس
اثير حطت يدها على النظاره : عشان راسي يعورني من النور القوي مو متعوده الدكتور قلي البس النظاره ولما مايكون في نور قليل افسخها
مازن باستيعاب : اهااا .
رجعت اياديها ورا ظهرها : ايش جااي تسوي هنا
مازن : طفششان
اثير : اهاا
اثير ابتسمت : اليوم اتمشيت وروحت اماكن كتير
مازن : طيب ايش رايك دحين نكملــها
اثير بتفكيـر : بس فين نروح
مازن : نروح فين ماتبي
اثير: قولي انتا اول فيـن وانا اقولك ايوا ولالأ
مازن يفكككر في مكاان كدا كلو حركـــه وحيــآه عششان تنبســط : اممم هوا مكاان واحد بس فييه كدا دوله
اثير باإستغراب : ها ؟
مازن : هههههههههههههه ماتعرفي القريه العالميه
اثير اشرت براسها بنفي : لا
مازن ابتسم بحمـآس : تقدري تجي معايا
اثير : استئزن من بابا _ دخلت يدها بيجبها وخرجت جوالها nokia n 90
مازن : ايش حتقوليلو ؟
اثير ببرائه : اني اروح معاك
مازن (( لا دي هبله رسمي )) : قولي بروح مع صحبتي
اثير : اكزب عليه يعني ؟
مازن يبى يلحس مخها شويتين : لا دا مو كززب بس عشان لو جيت بكرا ونتمشى وبعدو كمان مايقول زودتيها بلاشي قوليلو صحبتي احسن
اثير : بابا ماحيقول شي عادي يخلني اسوي اللي اباه
مازن باأمر وقلة صبر: قوليلو صحبتي وانتهيننننا
اثير بعبــطط : ماحكزب على بابا
مازن : يااابت الناس دا مو كــزب كل البنات يسو كدا
اثير: وليش يعني
مازن شويا ويعطيها كف : عشان هنا النااس متخلفين لو شافوكي مع واحد تمشي وتخرجي معاه حيتكلمو ويقولو كلام مو كويس
اثير : طيب دول الناس مو بابا
مازن عض على شفايفه واتنفس بعمممق :تبي تجي معايا تسوي اللي قلتلك عليه ماتبي بكيفك
اثير بتفكـير وهيا نفسها تخرج وتششوف العالم : طيب
مازن كان فاقد الامل انها توافق : اووك نمشي دحين
اثير : طيب اتصل على بابا واقوله وبعدين اطلع اليبت اكلم مرت بابا واجيك
مازن طالع بساعته : حنوصل عل مغرب يعني
اثير: عادي
مازن : خلاص استنااكي
اثير ابتسمتلو : دحين راجعتلللك _ رفعت يدها اليمين وهيا تحركها _ استناااني هنا
مازن شويا يكون طيب معاها وشويا تجيه افكاار شيطانيه مايدري ليش ممكن يتهور في لحظه وياخدهاا على شقه ويسير يومو اللي عالمي .


بعد ربــع ســآعه نزلــتلــو وهوا واقــف مع تــركي صاحبـــه اول ماشافها ودع صاحبــه
وراح باإتجاهها : مشينا ؟
: ايوا
مازن مشي وهيا جمبـو : ايش قلتي لمرت ابوكي
لانا : زي ماقلتلي بروح مع صحبتي
مازن : كويس
لانا تحرك شعرها : بس ماحقولها تاني
مازن : هههههههههههه برااحتك (( شغلو الشغله مافيها مره تااانيه ))
فتحلها باب السياره وهيا ابتســمت ودخــلت وهوا راح ركب في الجهه التانيه
حــرك السياره ومشي من المكــآن وهيا على طول شالت نظارتها الشمسيــه من عيــنها وطالعت فيــه : المكان بعيــد
طالع فيــها وبعدها رجع طالع بطريق وبردة فعل سريــعه رجع يطاالع فيــها عينها جذآبــه
متشتت بيخير نفســـه
يايطنش شيطاانه اللي راكبــــه ويعاملها كاألين ولا رودينا ولا شادن
ولا يستمتع معاها وقدها هبللله ماحتسسوي شي
عيــنه على الطريـــق بس عقلــه في مكــآن تااااني

رجع يطالع فيــها وفي رجولها اللي تحــركها واياديها اللي ترفع وتحطها قبال التكيــف
حركاتهاا وترتوو زيــآده دقااات قــلبــه زااادت وماااقدر يتجاااهل للي يحــس فيـــه
اتصــل على خــآلد وحط السماعه البيضــه باأدنـــه .
خالــد : ايوا
مازن يهرج بشويش : انتا بالشاليه ؟
خالد : ايوا
مازن :اهاا ومنتا ناوي تروح مع تركي
خالد باإستغراب : فين ؟
مازن يباه يفهم :على اساس انتا خاررج الييوم وبتروح لستك انتا وتركي
خالد عقد حوآجبه : ستي ميته من قبل لاأولد
مازن : طيب مره كويس
خالد بدأ يستوعب : تباني اخرج من الشاليه ؟
مااازن : بببزبببط _ طالع في اثير وابتسملها وهيا ردتلو الابتسامه رفع صوتو _ بس انا حمر على الشاليه وناسي محفظتي فاحسبتك فييه قلت تجهزلي هيا
خالد : يععني اخرج ؟
مازن : ياريت يلا انبسسطو بس
خالد : طيب ياسيدي
مازن : لاتتأخروو
خالد : خلاص قدني خارج
مازن : يلا باي
خالد : سلام ياواطي
مازن شال السماعه من ادنوو ووجه كلامو لأثير: حنمر على الشاليه اخد محفظتي واغراضي ونرووح اوك
اثير : طيب بس مابى اتأخر حدي 3 ساعات
مازن ابتسملها بكل خبث : واحلى 3 سااعات لاتشيلي هم
هوا طالع بطريــقه وبس بيفكــر وهيا تطــآلع فيـــه وتتأمل شكلوو
لازم تتنح بعض الاحياان في تفاصيــل الشخص
حس بنظراتها عقد حوآجبه وطالع فيــها : فيا شي ؟ _ طالع بالمرايه بشك _
اثير بعفويه : لا مافي بس احب شعرك
مازن ضحك : بس شعري ؟
اثير : كدا لزيز مدري ليش يعجبني _ دق جووالها وردت _ الو ايوا ماما
مرت ابوها : لا تقوليلي ماما
اثير صوتهاوطتو :طيب
مرت ابوها : انا وهدى حنروح لأهلي
اثير بتفاجئ :دحييين
مرت اببوها : ايوا دحين ليش تبينا نستناكي ان شالله
اثير : طيب متى حترجعو
مرت ابوها : في الصباح
اثير : وانا ؟
مرت ابوها : اجلسي مع صحبتك دي لين مانررجع
اثير مصدومه : ياماما ماق
قاطعتها مرت ابوها وهيا اصلا مو طايقتها : ماما فيي عيينك ياككلبـــه شووفي ياأثييير تتصلي على ابوكي وتسويلي مناااحه وربي ياااويلك حخليكي تنحبسي في البيت طول الاسبوع اللي مسافر فيه فهمتتي
مازن طالع فييها وهوا سامع صوت من الجووال وباين انو معصصب واثيــر وجهها مقلــوب
مرت ابوها : فهمممتي ؟!
اثيـر بطاعه كالعاده : طيب
مرت ابوها : ولو وصصصل شي لأبوكي
اثير : خلاص ماحقوله
مرت ابوها قلبت 27 درجه : شاطره بنتي يلا مع سلامه _ وقفلت _
واثير متعوده على دي المعامله رجعت جوالها في جيبــها ولا اتحركت بعدها ولا حــركه
وقف مازن سيارتــه الاشاره حمــرا وطالع فيها بشك : فيكي شي ؟
اثير بدون ماتهرج اشرت براسها بـ لا
مازن عينو تتفحصها وهوا حاسس انو في حاجــه : دي مرت ابوكي ولا امك ؟
اثير : مرت بابا
مازن يبى يسسحب منها القافه عاميته :وايش بها معصبه
اثير بدون برضو ماتهرج رفعت اكتافها
مازن : دا الصريخ كلو وماتعرفي ايش بها ؟
اثير مره مخنووقه مو ناقصه اسئله تزود عليهاا اتجمعت دموعها في عينها وهوا حرك السياره واخد اللفه على الشاليهات
وقف سيارتوو قبال الشاليه وطفى المحرك : تعالي
اثير لبست نظارتها الشمسيه وطالعت فيـه : فين ؟
مازن بكدب : نركب سيارتي التانيه دي توقف فجأهوالطريق طوويل اخاف يسير شي مو ناقصين
اثيـر ماتناقشت : طيب _ فتحت باب السياره _
وهوا من جوآته ينطنط من الفــرح اسهل من دي البنت ماحيلقى
هبـــله
وغبيـــه
وماتفــهم
احلـــى شي بنسبـــه له
كأنو بزبــط جايب بزره معاه
مشكلتوو مايحب يجيب بناات برضاااهم يحب شغل الغصيبه دي يستمتع فيها اكتـــر .

قفــل السياره بسويتـش وسوى نفسسه اتذكــر شي : اثيــر تعاالي بوووريكي شي مره خطيــر
اثيـر بعد كلام مرت ابوها حاسه نفسسها فااصلــله
حتمشي فين مايباها تمشي
حتسوي زي مايباها
بدوون عقــل : طيب و _ سكتت لما جات عيــنها على البحــر ابتسمت لاشعووريا وقدمت باإتجاااه البــحر
شافــته قبل امــس من بعــيد بسس نفسسها تمسسسكه تلعــب فييــه _ واا ماازن شوف البحــر
مازن كشــر ( مو وقتها دي تستكشف على راسي )

طالعت فيه وهوا ابتسملها على طول من ورى قلبـــه : تعااال
وقفــت قباال البحــر قدمت خطوتيـــن وشوزها اتبلبل ورجعت بخـــوف وصدمت بللي كان وراها ماازن
مازن ضحححك عليها ونسي فكرت انو جايبها للبيت عشان شي براسه مسك يدهاا : قدممي
اثير رجعت على ورى اكتر : لا حتفرج عليه من بعييد
مازن سحببهاا لعنده وهوا يباهاا تدخــل : مااحيسررلك ششـــي اممشي
اثيــر لصقت فيه وشدت على يده قالت بخووف : لو غرفت ياويلك
مازن : فسخي شووزك
اثيـر : ليش
مازن بعد عنها وفسخ شوزه وشرابه وراماه على جننب وهيا بتررد شالت جزمتها السكريــه ورمتــها فووق شوزهـ
رجع مسسك يدهاا : ماحغرقك تعالي _ سحب نظارتها الشمسيه من عينها _ قدوو غرووب ياأومي ماحيسرلك شي
رمشـت بعيــنها ومسكت فييه اكتــر : ترا اول مره اجي البححر لاتخليني اكرهوو
مازن مايدري ليش حزت في نفسسسه دي الكلــمه
خااف عليـــها من نفســـو مهما جااب بناات هنا بس ماقد شاف بببرائتهاا
حرام يكرهها بالحياه وهيا دوبها حست فيـــها
قال لاشعوريا : خلاص نرجع طيب
اثيــر اتشجعت : لا حدخخل انتا ماسكني _ طالعت فيه بشك وقال _ ماحتسيبني مو
مازن هوا بيحس انو كل كلامها دق ولا اللي على راسه بطحها يحسس عليها ! : ماحسيبك
قدم خطووتين وهيا معااه لما جات الموويه الباارده لرجلللها انكمشششت وقرببت منوو وقالت بصووت خاافت وفيه كل انووع الحماااس : باارده
مازن : ههههههههههههههههه امشي امشي لسسه ماحسيتي بشي
ضاغطه بيدها على يده وهيا تحسس ببروده الموويـــه ورجعت مسكت بيدها التانيه ذرااعــــه وغمضت عييينها
وهيا شاده على اعصااااابببها
مازن طالع فيــها وكأنها بزره معلقه فيــه : اثيــر ايش بببك
رخت اعصاابها وماردت عليــه مشيت وهيييا معمضــه عيــنهاا وهوا مشي جمبــها
مازن : يعني كداا ايش حتستفيدي وانتي مغمضضه
اثيــر حاسسه بشعوور غريـــب قالت بهدووء وهيا تمشي بخطوات هاديه وهوا معاها بيمشي ومغمضه عينها
: كنت دايما احس كدا_ سكتت وبعدها قالت _ احس بس ماشووف شي ماعرف كيف شكل المويه ولا لونها ارجع اطييح واختي تضحك عليا وتقولي هببله دامك ماتشوفي ليشش دااخله بس _ فتحت عينها اللي مليانه دموع ووقفت مشي لما سارت المويه لركبتــها وهوا لســآتـه في ربــع سـآقـه _
تهرج وعينــه عليــها ومــآنزلت قلبــه قبضـــه احاااسيسه متضاااربه
نزلت دموعها على خدها ورفعت يدها تمسحها : دحين شايفه كل شي واعرف كل حاجــه
مـآزن اللي طلع معاه كلمتين : قولي الحمدالله
سحبت يدها من يده : حمدالله_ ورجعت تسكت حاسه انها مخنووقه ونفسسها تهرج نفسها تققول لأحد هياا قد ايش عااانت في حياتها _
مازن مالو بالمواقف دي : اممم نرجع ؟
اثيــر تطالع بالغـروب : لا ابى اتفــرج
مازن : ماحيمدانا بعدين نروح حيقفلو
اثيـر : مو لازم اروح _ حركت رجلها وسط الموويــه _ عااجبني المكـآن هنا
مـآزن دار جسسمه رااجع : اووك انا برووح ا _ وانقطعع صووتــه لماا طاااح وسسط الموويه _
اثيـــر ضحكتهاا انفلتت تضحــك من قلبــها عليــه وصددددى ضحكتها في المكــآن كلــو
مازن رففععع وجهه عن الموووييييه وهوا كلللو مبلبل جلللسسس مكااانه وماقااام
واثيـــر ماااوقفت ضححححك
مازن يطاالع فييها ويمسسح وجه من المويه ويرفع شعره على ورى: اضحكي اضحكي
اثييير دمممعت من كتــر ماتضحك حطت يدها على قلبــهاا وهيا تحاول تاخد انفااسها : شكلك توحفه
مازن رفـع يده : قوميني بسسس
اثيــر مدت يدها وهيا مستممممره ضحككك وانقققططع صووت ضحكتها لماا سحبببها ماازن وسسط الموووييـــه
وهوا دحيــن اللي قلبــها ضحك عليـــها
رفعتت راااسسسها على طوول من الموويــه وملابســها كلها اتبلبلت رفعت خصلات شعرها عن وجهها
مازن : هههههههههههههههههه تستااااهلي حلال فيكي
اثثيــر وسسط الموويه ماتبى تخررج همها بس ملابســها : ملااااابسيي
مازن : ههههههههههههههه لو انك انكتمتي وماتشمتي ماكان سحبتك
مازن جالللس وسط الموويه وواصله لين عند صدره وهييا لحد كتفــها
اثير هدت وسارت تلعب بيدها بالمووويــآوتحرك يدها بهدوء على سطح الموويه : مرره حلو البحـــر
مازن : البحر المكان الوحيد لو جلستي فيه لوحدك ماتطفشي
اثير جالسه قبال مـآزن :سبحان الله على انو اول لو جلست ماكنت اشوف البحر بس برضو كنت ارتااح
مازن سار بيهرج زيها بهدوووء : كنتي تحسي فيـه
اثيــر : ايوا
مازن بلقافه وبتردد في سؤآلــه: ايش شعورك دحيــن
اثيـر : في ايش
مازن : انو بعد دي السنين كلها رجعتي تشوفي
اثيـر تلعب بيدها في المويــه : مدري
مازن رفع حاجبه :كيف ماتدري ؟
اثيـر : ماقدر اوصفلك اللي بحس فيـه بس اني مبسسوطه مره
مازن : ايش فيكي
اثير رفعت عينها عن المويا وطالعت فيه : مافييا شي
مازن : لا فيكي حاجه من يوم ماكلمتك دي مرت ابوكي وانتي قالبه خلقتك
اثيـر بنفي : مني قالبتها
مازن :شوفي شكلك كييف ايش تبى منك ؟
اثيــر سكتت ورجعت تحرك يدها بهدووء على الموويا
مازن : علاقتكي معاها مو كويسسا يعني ؟
ثير اشرت براسها بـ لا
مازن مافهم ايسش تقصد :كويسا ولا مو كويسا؟
اثير زادت حركت يدها في الموويا : تمام
مازن مره مايحب كداا انو يزن فوق راس احد عشان يهررج :اثيـــر احنا فريند لو مااهرجتيلي دحين ترا ازععل
اثير رجعت خصلات شعرها اللي بدت تنششف ورا اذنها
مازن : اهررجي
اثير :مام _ عدلتت الكلمه بدال ماما _ قصدي مرت بابا
مازن : ايش سوتلك
اثيـر :كانت دايما لما تخرج هيا وهدى و
مازن قاطعها : مين هدى ؟
اثيـر : اختي
مازن : اها طيب ؟
اثير قالت بقهر وهيا تشتكي: يقولولي لاتخرجي معانا عشان الناس لايتريقو عليكي وحتى لما يجي عندنا احد تقولي لاتخرجي من الغرفــه _ مازن يسمع ومشنقل حوآجبه وهوا مو عاجبه اللي بيسمعو _ طيب انا دحين سرت اشووف ليش ماياخدوني معااهم
محد حيتريق عليياا امس قولت لمرت بابا ابى اروح معاكم قالتلي لاا قلتلها محد حيقول شي دحين قالتلي انتي تفشليني بس تجلسي تسألي ايش دا كأنك هبله _ طالعت فييه وعيونها كلها دمووع وقفــت وشاتت برجلللهاا المووييياا - تنرفزني
ماازن وقف وملابســه تنقطط مووياا : طيب انتي قد حسيتي انو احد اتريق عليكي
اثيـر نظراتها كلها انكسسار ودا اللي معذبــو اشرت براسها بـ لا كالعاده بدون ماتهرج
ممازن : اجل ماعليكي منها دي مريضــه
اثير ضمت اياديها تحت صدرها لما حسست بالبرد : بس هدى تقول
مازن قاطعها : هدى اختك من امك ؟
اثير : من بابا
مازن : مرت ابوكي تعاملكي زي ماتعامل بنتها ؟
اثير : لا احسها تكرهنني مع اني ماسويتلها شي
مــآزن : دي لئيمه ياشيخه
اثير ماردت عليــه رجعت خــرجت من البحــر وهوا وراها : خليكي واثقه في نفســك لما تقولك كلام مالو داعي ردي علييها
اثيـر دارت عليــه وهوا كان وراها وقف على طول : ماعرف ايش اقولها
مازن وبدأ اول تعليــمه لهاا : لما تبي تخرجي معاها لاتتناقشي ابدآ ادخلي غرفتك البسي واخرجي لاتمشيكي على كيفها
اثيـر واقفه قباله وتتأمل بتناحه وجهه وتستوعب كلامه : بس حتصرخ عليا
مازن : صرخي عليها
اثير قالت بتردد : ماعرف
مازن مافهم : ماتعرفي ايش ؟
اثيـر رمشت بعينها بهدوء وقالت بصوت خافت : اصرخ
مآزن سكت للحظات وبعدها ضحك : مو من جدك
اثيـر : ماحب ارفع صوتي على احد
مازن : لما تعصبي ماترفعي صوتك
اثيـر : لما اعصب ماحب اهرج
مازن رفع حاجبه : ولو احد هزأك ؟ كيف تردي عليه
اثيـر : ماقد اتضاربت مع احد
مآزن : مو معقوله 21 سنه وماقد اتضاربتي مع احد
اثيـر حااسه ببرد مو طبيعي : محد كان يتضارب معايا بس اختي ومرت بابا
مازن : اها _ طالع فيها _ بردتي
اثيـر اسنانها تطقطق ببعضها : اييوا
مازن اشر على الشاليه : تعالي خديلك اي لبس _ مشي وهوا كمان بردااان وهيا ورااه رجعت وقفت مشــي شبكت اصابيعها ببعض ونادته : ماازن
دار عليها وابتسملها : نعم ؟
اثيـر : وديني خلاص البيت
مازن : ماتبينا نخرج ؟
اثيـر : خليها مره تانيه
مازن : طيب على الاقل غيري ملابسك
اثيـر مسدت شعرها المبلل : مو لازم
مازن رجع شيطانه يلعب فيــه : بس سيارتي حتنعدم لو ركبتيها كدا
اثيـر : طيب خلينا نجلس شويا هنا لين ماننشف مو لازم نغير
مازن يبى يقنعها : حتتعبي يابت ادخلي احسلك
اثيـر مصممه انها ماتخش : مابى خلاص روح انتا غير
مازن (( العن مخك )) قرب لعندهاا ومسك يدها البارده : تعاالي اقوولك
اثيـر سحبت يدها وقالت بهدوء وهيا ماتعرف طبعا تعصبـ : مازن ماابى
مازن : يعني لازم تمشي كلامك عليا
اثير ابتسمتلو : لا بس مابى اغير
مازن انقهر وبان في ملامحه : بكيفك _ اتوجه للشاليه _
وهيا رجعت تطالع في المكــآن وتتأمل كل شـــي ,,, قربت لعند سياره مازن وحطت يدها عليها
مره حبيتهاا . سمعت صوت ازعاج في الجو رفعت راسها للسمااء وماقدر تخبي ابتسامتها لما شافت الطياره
قالت بصوت مسموع لاإراديا : طيااااره
سندت جسمها على السيــآره ورجعت تطالع في البحـــر بكـــل إعجـــآب: سبحاان الله


امـــآ هواا دخــل الشاليه ورزع الباب معااه : غبيــــه

اتــوجه لغــرفــتو الخاصــه خــرجلو ملابــس وهوا مكشـــر
غيــر ملابســه واتشــطف واخد منشفه لأثيــر وهوا نـــآزل لقــى تـركي
مازن طالع حولينه بحذر : من فين جييت
تركي : من الباب الخلفي _ اشر على الباب _ دحين ايش تسوي دي هنا
مازن : مالك وانتا ايش جابك
تركي : جاي اجلس _ رمى الكيس اللي بيدو على الطاوله _ لاتقولي حتدخلها
مازن خلل يده وسط شعره ويحرك شعره بسسرعه يبى ينشقه : لا دي عبيطه راسها زي الجزمه
تركي : احسن
مازن : اهم شي ماشافتك
تركي جلس على الكنبه وغمزله : ريح نفسسك
مازن طالع بالكيس الاسود : ايش دا
تـركي اخد الكيس وكبو على الطاوله وابتسم : دا طلبيتك ياحلو
مازن بس شاااف اللي يحببو قلبــه فنجل عينه وهوا مبسسسوط : واخييرااا حشيشي العزيز جا
تركي اشرلو بيده: الفلووس
مازن فتح محفظتوو : مايغلى علييك ياترووووك _ خررج فلوس من محفظتوو واعطاها لترركي _
تـركي : حطير كل فلووسك في دي الاشياء
مازن : بقولك جربوو واانتا حتفهمني
تركي سند جسمه على الكــرسي وهوا يعد الفلووس : لا انا مرتااح كدا
مـآزن عينه جات على الابره والعلبه البنيــه : لمين دي ؟
تركي اخدهم على جنب : لا دي مو لك
مازن : دا هروين ؟
تركي : ايوا
مازن عينه على الابره ولا شالها
تركــي كأنه فهمه : ماززن دا اخر شي حخليك تستخدمه
مازن بتصريـقه ومايخفي انو جات في لحظه فكر يجربها : ومين قال اني اباها
تركي : عيوونك يااسيد
مآزن : وحتى لو طلبــت ايش حيسير يعني
تركـي : انا اقولك ايش حيسير داا الي يدمن علييه صعــب يسيبــه حتكون نهايتك زي اي مدمن قبلك الموت
مازن : خليني في حشيش وبعدين لو بطور باخدلي كوك ماليا في الهيروين انا
تركي حط الفلوس في جيبه : كويس
مازن : ماقلتلي لمين
تــركي : لصاحبك الكويتي
مآزن باإتسغراب : جااسم ؟
تـركي : ايوا جاسم بس اتوقع انو حيجربها لأول مره مدري عاد عنو
مازن : اقولك لاتعطيه هوا الا لما اكون فيــه
تــركي : وانا اقوولك البنت بستناااك من اووول
مازن اتذكككرها : اووف نسيييتتتها والله _ كان خارج بس اتذكر شي _ ادخل المطبخ لأني دااخل انا وهيا
تركي : فين داخلين
مازن الا حالف يمين يدخلها الشاليه : طالعين غرفتي ماعليك ثواني بس خليك بالمطبخ
_ راااح على طوول لباب الشاليه فتحــو وسمع صوت ضحكتها
ملامح الاستغراب كست وجهو نزل من التلات الدرجات اللي عند الباب وشافها عند باب السياره وواقفه قبال المرآيه
وتسحب عيــونها وتسوي حركااات بوجهها وتضـــحك
فطسست خشمها وسحبت عيييونها ورجعت تضحككك بكل صووتها على شكـــلهاا
دخــل يده في جيب الشوورت الكحلي وابتســم وهوا يطآلع فيهاا ذكرتــو بولد اختــو
: استخفيتي ها
انفجـــعت نزلت يدها بردة فعل سريعــه ووقفت باإعتدااال ورجعت يدها ورا ظهرها : انتا جيت
جا دورو دحين يضحك عليها : ههههههههههههههه سوري فجعتك _ قدم بخطوات هاديه باإتجاهها _ ماتبيني اجي
لو غيرها كان ارتبكت من نظراته وهدووء وهوا بيقرب منها
بس هيـــآ لا ,,, ابتسمتلو وكل اللي بتحــس فيه انها مستحيه عشان شافها تستهبـــل .
تحرك رجلها اليمين ع رمــل وتطالع فييه بكل برآئــه : لا مو كدا قصدي
طالع برجلــها ورفع عينه وشاف وجهها (( يااااقلبي لاتتعب )) وقف قباالها قال بكل هدووء وهمس : برداانه ؟
اثيـر حست بشعور لأول مره في حياتها تحســو اتوترت من قــرب شخــص لهاا رجعت خطوى لورى وسند جسمهاا
السياره للي كانت وراهاا اتكت عليــها وطالعت بعيــنه : مو بردانه
قــرب خطوه لها كماان وتكــى يده على السيـــآره
بنص عيــن طالعت في يده
ماازن زفــر بصوت مسموع اثيــر زادت دقاات قلبــها : مازن ايش بك
مازن رفع حاجبه وملامحه كاسيها كل انواع الاسترخااء : ولاشي
مــرت دقــآيق معدوده وهوا يطاالع في عيـــنها الوسيـــعه ملامحــها النااعمــه
وهيا متخشبــه في مكــآنها ولا اتحــركت
ماتدري ليش حبت دي اللحظه اللي بيــنهم : ماازن
مآزن رمش بهدوء : عيوني
اثيــر رفعت يدها ورجعت شعرها المشعتر ورى ادنها : مو احنا اصحاب
مازن اشر براسـه وقال ايوا بتمتمه : امم
اثيــر غمضت عيــنهاا وهنا هوا رفع حاجبــه : ايش بك ؟
رفعت يدهاا لوجهه وحطتها على خدوو وهوا هنا اللي اتخشــب وحتى كتم انفاااسه بدون سبب
مغمضــه عيــنها وتمرر يدها بهدووء ونعوومه على وجــهوو
من خدوو لعيــنو لخشموو ولشفايــفه ونــزلت على فكــو العـريض ابتســآمه بسيــطه مرسوومه على شفـآيفهاا
وبدأ قلبــو تــزيد دقــآته
نزلت يدهاا ورااسها بخــجل . فتحت عيــنها ولا طالعت فيــه
مــآزن مو عارف ايش دووبهاا سووت بس الشي الوحيد إللي حاسس بيه انها حركت اشيااء وسطـــوو
اشياااء ماقد حسس فيـــهاا
شعوور اغرب من الغـــريب
قالت بدون ماتطالع فيــه وبكلمات منفصــله : اخاف مره انام واصحـى ماشوف _ طالعت فييه وهوا متنح وبس يرمش _ ابى احفظ ملامحك

الجمله اتعادت في راســـو اكتــر من عشــرين مره في دي الثانيتين
" ابى احفظ ملامحك "
"ابى احفظ ملامحك "
"ابى احفظ ملامحك "

مالقت اي ردة فــعل منـــو دفتو من صدره وبعدت عنه : خلاص اتأخرت
رجع خطووتين لوورى وبدفتهاا فوقتـــوو من اللي هوا فيـــه
خلل يده بشــعره بكل توتـــر . حط المنشفه على السياره : خدي
اتــوجه للسياره ودخــل وهيا اخدت المنششفه ونشفت نفسسها


حست انها مبسوطه راحت للجهه التانيه وبتفتح الباب مقفــل دقت بشوويش ع طااقه
بس ولا سمعها الأخ متنـــــح
رجعــت دقت اقوووى وهوا طالع فيها واشرت بيدها عل باب اتدارك نفســـه وفتتتحلها الباب
دخلت السياره : ايش بك
مازن شغل السياره وهوا معقد حوآجبــه : ولاشي
ماهتمـــت بس اضااايقت في جلستها من ملابسـها المبلله : سوري شكلي حعدم الكنبه
قال بدون مايطالع فيها وكأنه مبرمج عل كلام : لا عادي
سكتت
وهو حــرك السيــآره
صح طوول عمره معتــرف بحقــآرتـــه
بس لأول مره يحـــس فيــها
لأول مرره يحــس انو ضعيف قداام احــد وتخليــه يترااجع عن تصــرفاته دي
مره مو حااب اللي بيحــس فيـــه بعكسسها تمــآماا
طول الطريق تكلمه وهوا يرد عليــها بكلمتيـــن ويســكت
وقف السياره بعيــد شوويا عن بيــتها : هنا خلاص
اثيــر : ايوا
مازن : انتبهي لنفسك
اثيـر فتحت باب السياره : طيب باي
مازن طالع فيها ورجع شتت نفســه وهوا يشغل اغاني باي
اثيـر ماتحاسب على دي التصـرفات ولاتحس انها تسليك او شي قفللت باب السياره واتــوجهت عند جاارتــهم
اما هوا من قبــل لاتووصل قدوو شخــط الطريـــق وراااح
بيــهرب من اشياااء بيحــس فيــهاا
اشيــآء حيدفــنها ويطنشــهاا
حس الييوم بمشــــآآعر جدن متضـــآربــه


التكمــله >

خــرجت من عند صحبــتها مقهوره من رســآلة هتــآن تمشي بشووارع وتفكــر
هيا باعت كل شي عشـــآن خــآطر عيـــونه
ماتقدر تكون " رقاصـــه " وهوا يشــوفهاا
ماتبى تحطوو في مـــوقف سخـــيف تبــى تدوور شغـــل عشانه وعشان امـــهاا
وقفــت عند سووق تجــآري الانوااار البيضــه جدآآ مضيــئه في المكـــآن
صوت صرخة الرجال الكبيــر بسن وهوا يطــرد احد الموظفيـــن : اطلللع براا
ولد شباب رمى الكاب حقوو علـ ارض وتفـــل عليـــه ومشـــي بصعبيـــه
اما هيــآ كانت بتمشي الا جات في بــآلها انها تقدم في المكــآن
مايحتااج لشهآدهـ
مركــز كبيـــر يبيع كل المستلزماات
شنط
ادوات مدرسيه
ادوات مطبـــخ
مكيــآج
ملابــس
إلخ
دخــلت بترددالمككــآن الوااســـع ,,,شافت الرجال الكبيــر جلس على كرسي وهوا معقد حوآجبه ويتنفس بســرعه
جات لعنده : السلام عليكم
رفع رااسه وطالع فيها وهوا معصب : وعليكم السلام
وقفــت بحمااشه زي عادتها وعقدت حوآجبه ولا كأنها جايه تطلب عمل هنا : دوبك طااارد واحد من هنا مو
: اي الله ياخد ابليسه هو ومصايبه اللي تتحاذف علينا من كل صوووب
رنيــم بكل ثقه سئلتو : ممكن اتوظف بداله
الرجل رفع حاجبه وطالع فيها من فوق لتحت ماتوقعها جايه تطلب وظييفه : تقدرين تداومين 6 ساعات
رنيـم : ايوا
الرجال بتفكيــر : والله يابنتي ال
رنيم قاطعته صوتها فيه كبريااء بس ماغاب عنه الترجــي : محتااجه دا العممل لو سمحت
الرجال : اممم دوام ذا الجاحد كآن قبل شوي بادي من 9 الليل لين 3 قبل الفير
رنيـم ماتدري هوا كدا وافق ولا لأ : يعني حشتغل ؟
الرجال : ربي سهلها لي ولكي
رنيم ابتسسسمت بفــرحه : مره شكرا
الرجال نادى احد العامليــن الهنوود : محممممد تعال هني
محمد جاا ومن نظراته قله ايش في
الرجال الكبير بســن : ذي حتشتغل بدل داود علمها شغلها
محمد : حادر
وأخـــد رنيــم معااه وفهمها شغلها ترتــيب بعض البضــآعاااات ولا ساعتيــن إلا وفهمت شغلها
(( هوا دا الشغــل مو رقــآآصـــه )) زفرت بضيــق تحب الرقــص ايش تسوي

خـــللصت شغلها ع ســآعه 3 وكــآنت راجعه على بيت هتـآن
دخلت الحاره وهوا كان قباالها شكلو دوبو واصــل ويمشي بكــل تعــب
نادت بصوت متردد : هتاان
الحاااره هاديـــه والظلاااام كاسي المكـــآن مافي غيرها وهوا.
دار على ورى وضيق عينه هوا بيحلم فيـــها ولا هيا من جد رجعت : رنيـــم ؟
صح مكووره منه ومعصبــه بس مالها غيره اتقدمت كم خطووه له وهيا تعبااانه محتــآجه حضنـــة
وقف قباالها : ليش رجعتي ؟
رنيــم : ماتلاحظ انك متغير باإسلوبك
هتــآن ماله نفسس يرجـــع ويشووف نضـــآل : متغير لأني اشتقتلك
هتــآن قــرب منها وحضنها وغمض عيـــنه باألم .شد على عينه اكتــر لما حس صورة نضاال في راســه
اما هيـــا بكت في حضنـــه نسي نفسسسه بعد عنها وهوا مو مصدق : رنييم ايش بك
اشرت براسها بنفي ومسحت دموعها تكابر : ولاشي
هتـآن : لا فيكي شي
رنيــم مخنووقــه حاسه نفسها ضايعه بدا العالللم : ابى بابا _ وبكـــت بصووتهاا _
رجع حضنهاا وهوا يهديها : رنووم اوسس انا في لاتبكي
رنيــم تدور كالعاده الامان في حضنه ودايما تلقاااه
غمضت عينها وهيا شاده على تيشيرتو ولا تبى تسيبوو : مابى ارجع البيــت ياهتاان
هتان : رنيم ارجعي وانا حسااعدكم _ باس راسها اللي تحت ذقنــه _ لاتتعبي نفسسك
رنيــم : انا وعدت ماما
هتان بعد عنها ومسح دموعها : تعاالي نروح
رنيم بترجي : ماابى ارووح عند ماما الله يخلييك
هتاان بتفكيــر : طيب نروح عند شجرتنا
رنيم ابتسمت غصبــآ عنها بين دموعها : طيب
مسك يدهاا ورآحوو للمكــــــــآن الفــــآآآضي
ورى الحااراات . شجره كبيـــره مرت عليها اعواااام
اوراقها طاايحه يااابســـه بس اللي يميزهاا كبـــرهاا
جلس تحت الشجرة وسسند جسممه عليــهاا رفــع يده ومدالها هوا : تعاالي
مسكت يده وجلسست جمبببو حطت راسها على كتفو وقربها اكتــر لصــدروو
راســهاا تحت ذقنوو وحسس على راسها
مــرت عليــهم لحظظه سكووت
هوا نسي هــرجة نضــآل وكل اللي همه هيــآ كيف يقدر يســآعدهاا
وهيا همها هواا وكيـــف لو عرف ايش هيا تسسسوي
جات في باله امها وغمضت عينها بقــهر
الم
حرمان
تعب
كل انوااع المعاناااه
قطع تفكيرها صوتو المبحوح : باإيش وعدتي امك
رنيم سكتت للحظات
وهيا تختار بين امها وهتاان : هتاان
هتان : عيوني
ماكانو يطالعو في عيوون بعــض
رنيـم اتجمعت دموعها في عينها : ابى اسوي شي بس مهما سار لاتفهمني غلــط
هتــآن : ايش حتسوي
رنيم عدلت جلستها وطالعت في عينه : اوعدني ماتزعل
هتان خاف عليها : ايش بتسوي
رنيـم بلعت ريـقها : ماحقولك
هتان :ماحخليكي تروحي
رنيـم نزلت دموعها : هتاان بلييز انا مخنووقه ابى اكمل اللي بسوويه عشان ماما وماقدر اسويه عششانك
هتاان : رنيم لاتجنيني ايش بتسسوي انتي اصلا
رنيم مسحت دموعها : انتا تثق فيا ؟
هتان : اكتر من نفسي
رنيـم : طيب قولي سوي اللي تبيه يارنيم
هتان مايدري كيف تفكر:ولو قلتها حتمشي من هناا وتسوي اللي انا مو عارف ايش هواا
رنيــم نظراتها كلها انكساار تبى تنقذ نفسسها من اللي عايشه فيه وبنفس الوقت ضميرها مايسمحلها عشان هتان : إزا تحبني قولي حتسامحني على اي شي
هتـآن زفر بضيــق : من النهايه ناويه على جناني اليوم ؟
رنيم غيرت جلستها باإهتمام : بس اعطيني شهر ونص حسوي فيه اللي ماما تبااه وانتا اوعدني ماحتزعل
وقف وهوا معصـــب : رننننييييم ارحمممي اهلللي انتي وكلامك داا اللي مو فاهم راسو من رجلو
رنيــم وقفت وقالت بتفاهم : ماما رضيتلي
هتاان قرب منها وحط يده على كتفها : قوليلي طيب ايش هواا
رنيــم عرفت لو ماقالتلو ايش حتسوي ماحيسيبها في حالها
سكتت للحظات وعينها في عيــنه اللي تعشقهاا قالت بدون ماتحس : حشتغل خدآمه
هتان رمش وهوا مو مستوعب : نعم
رنيـم تبى تعدل وضعها : شهر ونص وراتبي كويس
هتان مو متخيلها تشتغل في بيت !
حبيبته شغااله ؟!
تخـــدم احـــد ؟
هتان : رنيم انا حساعدك
رنيــم : لا في دا الشي محد حيساعدني انا حساعد نفسي
هتان بعـــد عنهااا واتوجه للشجره
جلس تحتــها بدون اي كلمــه . جاات جلســت جمبـــه وهيا تهديه : كنت عارفه انك ماحترضى عشان كدا خبيت عليك
هتان مايقدر يقولها لأ بس مستصعب الوضع : تنامي وتصحي في بيتهم
رنيـم اتذكرت كلام نضــآل وكبيف بيتهم مايكفـــي لها قالت بدون تفكيــر ايوا
هتان هنا سكت
رنيــم عرفت باإيش فكر : ماعندهم اولاد كبــآر _ بتأليف _ 4 بنــآت وولد صغيــر وابوهم متوفي البيت مره مافيه رجال
هتان سند جسمه على الشجــره وغمض عيــنه لو حياته بس مو زي كداا كآن قدر يقولها لا
كان ساعدها بس هوا يبى مين يساااعده
كان حيغير اشيااء كتير
رنيــم عارفه سكوتو يعني عدم اقتنااعه حطت راسها على كتفه : لاتخاف عليــا
وغمضــت عيـــنهاا مرت دقـآيق الا ماحســو بنفســـهم
الاتنين تعبااانين نفسيــآ
محتــآجين لبــعض
كل واحد فيهم شايل هم اكبــر من عمرو
هيا تحبـــه وتبى تشكيلو ومو قادره " لأنها تحبـــه "
هوا يحـــبها ويبى يبــكي في حضنننها بس مو قادر " لأنه يحبــها "
كل واحد فيهم يفكــر بتاني اكتر من نفســـه
مايبو يشغلو بال بعـــض
كدا اكتفو بسكوووت والنووم تحت دي الشجـــره اللي عااانت زيهم لسنين ومازالت تعااانــي

بـــس همــآآ حتستمر معانااتــهم ؟



فـــي مكــآآآن بعـــيد كل البعـــد
عن الحـــرمااان
التشتت والضيـــآع
بعيـــد عن الألــــم
بعيــد عن المعاناه والفـــقر
في أحـــد مطــآعم دبــي مستأجر المطعـــم كلـــو بس عشــآنهاا
عشانها تكــره الإزعاج ! وتعشق دا المطعم المزعج !
حققـلهاا اللي تبــآه
المكـآن فاضي الإضائه جدآ خافـته شمعاات مضيـئه المكـآن الورود الحمراا مشعتــره في كل المــطعم
موسيـــقا هاديــه ورومنسيـــه ضايفه جوو رائــع
لبســها قطعة الالمــآس بيــدهاا وباس يدهاا
وجهها محمــر مو لأنو مسوي دا كلو عشانها
لا جدن متعوده بس خجلت لأنه باس يدها
صوتو الهادي : اليوم كملنا سنتين مع بعــض
ملامحــها هنديــه
جذآبـــه والف واحد يتمناهاا سحبت يدها بهدوء من يدو وسندت جسمها على الكرسي : وعقبال ال 100
ابتسملها على طوول يعششق تفااصيل وجهها : ان شالله
: نزآر _نزلت عيونها على اظافرها _ باقي شهر
قرب للطاوله : امس اتصلت على ابويا بس مدري فينو مسافر جواله مقفـل وامي نفس الحكايه
سهاد : لسه بدري لاتكلمهم
نزار : ياشيخه شهر يادوب عشان يرجعو ماتعرفيهم يعني الله واعلم فينهم دحين
سهاد : سيدك مايدري ؟
نزار : ماسئلتو
سهاد : اها
نزار : ماقلتيلي تبى الزواج متى ؟
سهاد وجهها حمر : خلينا اول نملك وبعدين نتفاهم
نزار : ايش رايك نخليها كلها في يوم وحد
سهاد قربت للطاوله وقالت بهدوء : لا طبعا
نزار كشـر : ايش لزمت 3 مناسباات
سهاد : نزاار وي ايش بك انا ابى افرح كمان
نزار : انو يعني ماحتفرحي لو سوينا زواج على طول
سهاد : حفرح بس ابى شبكه زي بقية البنات ايش نااقصني يعني انا بنت يووسف حستخسر في نفسي شبكه و
قاطعها : خلاص طيب ياابنت يوسف انتي
سهاد رفعت حاجبها : نزار لاتسويلي دي الحركات احنا لنا سنه متفقين على كل شي الشبكه انا ابى اسويها زي مابى ابى احط لمسااتي في كل مكاان انتا واهلك الزواج سوه بكيفكم
نزار شد على كلامو : اهااااا
سهاد استغربت : ايش بك ؟
نزار: لا بس دوبي فهمت كيف بتفكري
سهاد : ماعجبك ولا فيه شي غلط ؟
نزار : لا بس مابتفكري زي مابفكر
سهاد : وكيف تفكر ان شالله
نزار : لنا سنتين مع بعض خلاص تعبت من كتر ماستنى قلت زواج مره وحده وانتهينا بس انتي بتفكري بكلام الناس
وتبي تسوي احسن شي كعادتك وافخم شي و
سهاد قاطعته وهيا تهرج بكل اقتناع بكلامها : بيبي انا بنت كنت احلم بدا كلو وانا عمري 9 سنوات
ابى اسوي دا كلو مو عشان كلام الناس عشان دا الشي ححس فيه مره وحده بحياتي زي ماصبرنا سنتين نقدر نصبر على الاقل 5 شهور _ مسكت يدو وابتسمتلو _ ماهمني والله كلام الناس
نزار ساكت مابين مؤيد ومعارض لكلامها شدت على يدو : ايش قلت ؟ لو مضايق خلاص حبطل و
نزار ماحب يكسر في نفسسها باس يدها : سوي اللي تبيـــه اللي يبسطك يبسطني اكيــد



اشعـــة الشمــس الحــآرقــة ازعجــتو في نوومــه فتح عينه وحط يده قبالها .
مكشر ومنزعععج طالع حولينه واتذكــر انو ناام امس عند دي الشجــره
بس استغرب انو رنيــم مو فــي حط يده على الشجره ووقــف
رجع يطاالع ويدور عليــها مالقاهاا
فــرك عيــنه ( اكيد راحت عند امهآ ) مشي بخطوات هاديه ويتثاووب ويحك يدو اللي تحرقو من قرص الناموس
طالع بساعتو وفنجل عينه لما شااف الوققت : الجااامعــه
مايكفي امس ماراااح .

اتــــوووجه جـــري للبيت واي واحد يشووفو قباالو يرمي السلام بســـرعه وبكممل
وقف عند باب بيتهم دق الباب الخشبي كداا مررره
امو من خلف الباب : مييين
هتان : هتاان
فتحت الباب بخووف : هتااان فيننك من اممس
هتاان دخل وسلم على راسها ويدها : معليش انشغلت
امو وباين الخوف في وجهها : وماطمني عنك يعني
هتان طنش كلام امو لأنه في راسه سؤال : نضال في ؟
امو : لا من امس برضو ماجا تبو تجننوني انتو
هتان : طيب رنييم جات
امو : سلمت على امها وراحت
هتان طالع في امو : فيين راحت
امو : شغلها المهم دحيين فين اخوك
هتان كان بيدخل الغرفه إلا انتبه ام رنيم نايمه رجع خــرج : مدددري ادخلي جيبلي ملابس متأخر عن الجامعه
امو مقهوره لأنه بالها منشغل معاهم وهما ولا ساألين : حسبييه الله ونعم الوكـيل _ دخلت الغرفه تخرجلو ملابس _
وهوا اتــوجه لغرفه ابووه وسلم عليــه : كيف دحين
ابوه منسدح على فرشتو : الحمدالله وكيف عملك
هتان : تمام
ابوه : مرتاح فيه
هتان : ابوا
ابوه : الحمدالله اهم شي ياولدي لو سمعت اي كلمه تضايقك لاترد علييهم الله يخلييك
هتان : دارس مع دي الاشكال في نفس الجامعه متعود كيف اتعامل معاهم مايحتاج
ابوه : الله يرضى علييك
امه دخلت وفي يدها ملابسه ومن ضمنها جينز وبلوزه سوداا محدده برصاصي
دي نفسها اللي بهدلتو فيها الين : لا ماباهاا خرجيلي بلوزه غيرها
امه : طيب
راحت ودورتلو ورجعتلو ببلوزه بنيـــه
اخدها واتوجه للحمام استحمى وغير ملابســه وخـــرج
امه : اعبي فطوور
هتان ميت جووع بس ماعنده وقت : لا مو جيعاان مع سلامه
امه : في امان الله




فــي احد ممرات الجآمــعه انتبه لغـرفة عامل النظافه مفتووحه
وهيا بتمشي لوحدها وشكلها بتفــكر بشي مسسسك يدهاا وسحبها للغرفه وقفــل الباب
وكتبها طاحت في الغــرفة الصغيره
فتحت عينها على وسسسعها حطت يدها على قلبها وسندت جسمها على الجدار: يزززن
يزن ضحك : ههههههههههه عيووني
رودينا بخووف : فجعتتني
يزن قرب منها : بللهي
رودينا وجهها حمــر الغرفه مره صغيره طالعت بخجل حولينها : ايش بنسسوي هناا
يزن : ايش رايك انتي
رودينا طالعت فيــه وهيا ضايعه قدام طولو : مابنسوي شي
يزن ضحك : حلم ابليس بالجنه
خافت مره من ضحكتو قالت بكل توتر : يززن عندي محاضره
يزن قرب منهاا وسار قباالها بززبط وهيا شويا تخش بالجداار : كزابه
رودينا نزلت عينها مو قادره تطالع فيــه اول مره تشوفه كداا
يزن حط يده على خدها ورجعها بهدووءعلى شعرها : احبك
رودينا قلبها يدق بجنون طالعت فيــه وتبى تخررج من دي الغرفه : يزن مابى اتأخررر
يزن ابتسم بخبث وهوا ناوي على نيه مو مدخلها هنا عشان يكلمهاا : لا حتتأخري
اول مره تترعب منـــو : يزن لاتهرج
يزن : هوا من ناحيه ماحهرج ماحهرج
رودينا مافهمتو : ايش ؟
يزن قـرب وجهه من وجهها وسووى اللي برآســــه .

بعــد عشــره دقايق بعدت عنو بخجل وهيا تعدل ياقة بلوزتها : يززن متأخرين
يزن : شوفت جدولك يابكااشه ماعندك محاضره
رودينا وجهها كلمة محمممر قليــل : مو جمعت القروب كلهم برا يستنونا
لمت كتبها وهيا بقمة احراجها بس تبى تخرررج ولا تطالع بعيــنه من بعد اللي سوواه
مع إنو هيا ماسوت شـــي وكانت مستحيــه وهوا اللي اخد راحتــو
فتحت الباب وخــرجت بصـربعه وهوا خررج وراها : رقبتك خطيره غطيها على الاقل
جبست مكانها وهوا جا جمبها : ايش بك
استوعبت كلامه فهمت قصدوو نثرت شعرها على رقبتــها ورجعت كملت طريقها
برضو بدون ماتطالع فيــه (( ابببعد عني يااييزن ))) مستحيـــه منوو
يزن بيطير من الفــرح : رايح اقولهم دحيين _ دق جواله بنغمة الرسايل وعقد حوآجبه _
رودينا بس تمشي ولا انتبهت
على صوتو اللي اتغير : رودينا شويا راجع
رودينا دا اللي اتباااه تبعــــــد عنــه
تمشي وتهرج في نفسسها ((اايششش الغباااء اللي فيا انا ايش مدخللني معاااهـ ))تفكر بللي سوتــو وشويا وتبــكي ماتدري كيف مابعدتو عنها
ماتنكر انو كان شعور حللو بس خاافت منــو خافت من تســـرع يــزن في الموضوع
لقت الييين في طريقها
الين انتبهت لوجــه رودينا اللي مصــفر ورايح لونــه : ايش بك
رودينا اشرت براسها بتوتر : ولاشي
الين وقفت قبالها : بلاش هببل ايش بك
رودينا مو عارفه ايش تقول ماتبى تستبق الاحداث : يزن حيقولكم دحين
الين تقنص كل شي سكتت من الصدمه وبعدها قالت : ايش دا اللي برقبتك
رفعت يدها بتوتر وغطت فييه رقبتها : ايشش ولاشي
الين مدت يدها ورودينا رجعت على ورى : ايش بك
الين مصدومه : رودينا ايش مسويه
رودينا : ولاشي
الين شدت على كلامها : رودينا مين دا اللي سوى فيكي كداا
رودينا : الين بلاشي مجااغه
الين لساتها مبلمه : ايش هوا المجااغه انتتي شايفه ايش اللي على رقبتك تستعبطي من متى بتسوي دي الحركات السامجه
رودينا تبعد عينها عن عين صحبتها : حتفهمي بعدين
الين باإصرار وباين انها معصبه : حفهم دحيـــن مين دا
رودينا بلعت ريقها : يزن
الين اخر شي ممكن تتوقعو يزن : ايش بو ؟
رودينا طالعت فيها ووطت صوتها : هوا يزن
الين قالت بهدوؤ : يزن اخو مازن ونزار ؟
رودينا ابتسمت بخجل واشرت براسها : ايوا
الين لساتها : اللي ماتتفقي معاه ؟
رودينا ضحكت : ايوا
الين : اقوول بلاش كزب واهرجي
رودينا وطت صوتها وتتكي على كلامها : والله ايش بك ياهبله
الين سكتت مصدومه متفاجئه وكل شي
رودينا : دحين حيجي يقولكم انو يحبني بس بلييز لو جا سوي نفسك ماتدري
الين : كزابين
رودينا : هههههههههههه الين ايش بك
الين بملامح اشمئزاز : انتي ويزن !
رودينا مسكت يدها ومشيت : ههههههههههه مع نفسسك والله احبو
الين تحت تأثير الصدمه : ماحرد دحيين على بال استوعب اللي سار بعدين حرد عليكي
رودينا : هههههههههههه
الين : ومن متى بينكم دي المصخره
رودينا : لا اليوم اول مره يسويلي كدا مدري ايش فييه
الين : انتبهي المفروض تهزأيه تسويلو شي مره داا داخل بحماشه
رودينا : هوا انا قدرت اقول كلمتين على بعضها عشان اهزأو _ اتنهدت _ بس شي حلوو حبيتو زياده
الين : هههههههههه اديلو يامنحرفه وانتي ايش سويتي
رودينا : والله ولاشي
الين سكتت وبعدها قالت بدون استيعاب : يزن وانتي ايش في اسخف من كدا بلله
وصـــلو لعند القرووب
ورودينا همستلها : لاتقولي لأحد دحين يزن جااي
الين : لاتخافي انا لساتي مو مستووعبه فاعشان كدا ماحهرج
رودينا دفتها : ااسري
الين جلست جمب مازن وشادن
ورودينا جمب اسامه قبالهم .
مازن : يزن المروق ايش يبى
الين : ليش هوا ناداكم ؟
مازن طالع برودينا وهوا شاك بالموضوع :ايوا رودينا ماتعرفي ايش يبى يزن ؟
رودينا راج وجهها : لا ايش عرفني
مازن بحقاره حاسس باأخوه : لاتنسو قوانين القروب اللي حطيناها واحنا صغار
اسامه عقد حوآجبه : انتو لساتكم متزكرينها
رودينا تبى تنقذ نفسها : لا مو متزكرينهاا
مازن : عند شادن ولا الين الورقه مو
الين عارفه الهرجه وحست انو مازن كمان فاهم : ايوا معايا
شادن : طيب وايش مناسبة موضوع القوانين دحين
مازن غمز لرودينا : حتفهمي شويا
الين : ههههههههههههههههههههه اخس عليك ياماازن ايش مخبي عليا
مازن : انتي يتخبى عليكي شي
اسامه : كأني اطرش بزفــه
رودينا وجهها رايح فيـــها
الين طالعت بساعتها : ايش بو ماجا ورايا محاضره
رودينا : اصبري شويا
مازن ضحك : متحمسه الاخت رودينا
رودينا سوت نفسها مو مهتمه : على ايش مره مع نفسسك
مازن : ههههههههههههه عادي عادي لاتستحي مني حتتعودي على جلستي بينكم
الين ضحكت
واسامه وشادن مو فاهميين شي واصلا مو مهتميين
اسامه بيفـــكر باأبووه
وشادن عقلها مع مروان اللي بتكلمو عل بي بي
رودينا اخدت قارورة الموويا ورمتها على مازن : اننكتم وخليك بححااالك
مازن مسك القاروره وضحك : يزن اتـأخر تلاقيه لقى بطريقو مزه اغرتو
رودينا نظراتها على ماازن وشويا تقتلو
اليـن وقفـت : معليش انا كدا مره طوولت اصلا كدا ولا كدا فاهمه الهــرجه هههههههه
رودينا مسكت يد الين : اجللسي
الين : يابتي مااقدر متأخره _ سحبت يدها من يد رودينا اللي تباها جمبها عشان لاتنحرج _ بــآي

بــعد عشــره دقــآيــق جاا يــزن وجمبــه وحده ماسك يدها
شعرها اسوود طوويل وبيــضا حاطه على شفايفها روج احمــر زي دم الغززاال
وراسمـــه عينها بالأسوود
جـــذاابـــه جددن
وقــف عند الطاوله والكل سـكت
شادن واسامه مستغربين من البينت اللي معاه
ومازن ورودينا مصدومين من مسككة يدو للبنت
يزن : سوري اتأخرت عليكم
رودينا ولا اتكلمت عينها على اياديــهم وترجع تطالع في يزن
مازن ماهتم بالبنت اللي معاه : ومين دي اللي معاك
يزن : دي صفاء
مازن مقهور لأنه حاسس برودينا :وخير ياطير لو انها صفاء
اسامه : ايش بك انتا مصنقر
مازن : مو مصنقر مين صفاء
صفاء ولاهرجت اكتفت باإنها تشد على يد يزن
يزن : دي صفاء اللي احبـــهاا
شادن كانت عينها علـ بي بي طالعت فيه مفجووعه
اسامه رفع حوآجبه وكأنه ماستوعب
ورودينا ولا اي ردة فعـــل مصدوووووووووووومـــــــــه



دخــلت احــد الانشــطه اللي متسجله فيها بالجــآمعــه وحتساعدها بدراسـتها
القــآعه عبــآره عن طاوله كبيره خشبيــه داااير مداار وحولينها الكراسي السوده الكبيــره
وقبــآلهم السبـــوره البيــضه واستاذتــهم بزيــها الرســمي
الين جلســت على الكــرسي وكآن في كرسيــن فاضيــه دخلت بنت سمره وجلست عن يمينها وبقي كرسي عن يسارها
طالعت الاستاذه بالاسامي والموجودين اللي بالغرفــه كآنو 12
"الحوآر كلــو إنجلش بس كاتبته عــربي "

الدكتوره: في واحد متسجل ف _ قطع كلامها لما فتــح الباب واليــن فتحت عييينها مع الصدمــه _
الدكتورع طالعت فيه وابتسمتلو : هتان ؟
هتان : ايوا
الدكتوره بكل ترحيب : اتفضـــل
هتان قدم خطوتين وانتبه للكرسي الفاضي بس وقف لما شاف مين اللي حتكون جمبــه
طالع فيها مصدوم (( ايش جابها دي ))
وهيا نظراتها مصدومه اكتــر منوو (( ايش القررف دا ))
طنـــش وكمل طريــقه جلس جمبــها بدون مايطالع فيــها وهيا سحبت شويا كرسيــها لجهة اليمين تبعد عنو
انتبه لحركتها بس ماعطالها اهتمام
الدكتورهه : قبل لانبدأ خليني اتأكد عن التقسيم اللي سويتو امس مين اول شي مين ماحضر امس ؟
الين رفعت يدها وهتان رفع يده .
الين بس لما رفع يده زيها وجهها اتحول للقرف (( بلاا ايش جايب اهلو دا هناا ))
الاستاذه : خلاص كدا كويس انتو حتشتركو بالتقرير واباه متكآمل طيب ؟
قاطعتها اليين بصووتها العاالي : سووري مس بس اي كانت
الاستاذه : ليش ؟
هتان عاد الي ميت فيها ويبى يسوي شي معاها : لاو أنا ماقدر اسوي شي معاها
الين طالعت فيه بنص عين ورجعت طالعت بالاستاذه اللي تكره دا الاسلووب قالت باإصرار : قدامكم اسبوع حتسوه مع بعض بدون اي شكاااوي اللي طلبتو حيسير فاهميين
الين : بس
الاستاذه قاطعتها بحزم : فااااهميين
هتان همه دراسته : عن ايش بزبط طيب
الين طالعت فيه بحقد
الاستاذه : بعد الدرس افهمكم
الين سندت جسمها على الكرسي وتحرك رجلها بعصبيـــه (( مابقي الا واحد خداام عننندي يسوي معايا تقرير ))
هتان ماهتـــم للموضوع حاسس بعصبيــها رجوولها اللي تحرك
كل شوويه تغير جلسستها ضحك في نفسسه (( متخلفه ))



الســـآعـــه 9 الصبــآح
راجع البيت وهوا عارف انو لايــمكن يشـــوف وجه اخووه قــدآمـــه
مو عــآرف ايش يســـوي
ضـــآيــع
جــآت في بـــآله ولأول مره خطيبـــته
لأول مره يحـــس انو محتــآجهاا
يبـــآهاا
بدون تفكيـــر وبدون مايهتم كم الســـآعه
راح لبيــتها دق البـــآب وزي ماتوقــع هيا فتحتوو
وعلى طول سئلت عنه : نضال فينك طول امس
نضـآل : في العمل
شهــد : اتصلت علييك كدا مره مارديت
نضـآل بيهرج بضعف: جوالي انكسر
شهد مو مهتمه خلاص مخنوقه منوو : عل عموم الله جاابك
نضـآل مافهم : ساير شي
شهد : اتفاهمت مع بابا _ رفعت يدها وخرجت الخاتم من صباعها _ زوآجنا قرب موو ؟
نضـآل بلع ريــقه وطالع بالخاتم اللي بكفها : ليش فسختيه
شهد قالت بتعب : لأني تعبت وانا لابســته لواحد مايستاهل _ مسكت يدوو وحطت الخاتم _ روح اعطيه لوحده ماتشك فيها
نضال مفجوع ماتوقعع انو في يوم تسيبــه : شهد انا انا ماشك فيكي والله ماشك فيكي
شهد دمعتها في عينها : دا كلوو ماتشك فيا اجل لو تشك فيا يانضال ايش تسويلي انتا عارف ايش اباك تسوي وقراري ماحــرجع عنـــو مع سلامه
ماسابتــله مجــآل يـــهرج إلاوقفــلت الباب بوجهه
واقف مكــآنه ولا اتــحرك طالع بالخاااتم بصدمـــه
داا اللي ناقصــــه جاي يرمي همومــه عندهاا زادتوو
دار جسمــو وسااار يمشــي بدون عقــل
اللي يمر جمبو يرمي سلاام وهوا ولا سااامع
مكمـــل طريـــقه .


نهاية الباااارت

البـــآرت الســآدس .3>

يالها من صدمــه حين تستقيظو وتجدو انفسكم لازلتــم في كابوس
طال الانتظار يئسـآ لتخلــص منـــه
مكـــــــــآن دائما ماحاولتم تفادي اي مشاعر مرتبـطه به
فاهوا كالحلقــه كلما تقدمتم وجدتم انفسكم تعاودون الاماكن مرارا وتكرارا
كلما حاولتم تخطيــها سمعتم مالايســر ولايجلب للقلب الا الالم الممزوج بالخوف
مكــآن لايتواجد به الا انظمــه قاسيه وكاتمه للانفاس
الصمت فيه نعمه
والصوت نقمــه
السكوت عن الحــق وسيله فعاله للسلام
ولاتصلون الا شاطئ النجاه الا برفــع راية الاستسلام
ورمي مرساة الكرامــه لمكان اعمـــق من ماتتصورون
فما الوسيله المنتظره غير السرير
اللذي يخبئ مسببات الانتحــار
من جهه
ومسببات للهرب من جهه اخــرى
زجاجات قد فرغت من الدواء لاتسبب الا الموت الجسدي فقط
فكل نبرة مساعده تصدر لاتجد الا صدى يرتد نحوها
السجــــــن
الزنزانـــه
الــنـــــــــــــهــــــــايـــه
كل قضيب معدنــي فيــه " هوا جدار مبصوم باأرجائه الوحده , الياس , الرهبــه , الانين , الظلم "
ولاسيما ان السفـــر اليه ستكون تــذكره ذهاب باأحااسيس والرجوع بدونـها


فـــي احد سجـــون دبـــي . وفي الساااحه الخــآرجيـــه ماسك في يده قلـــم وورقــه ويكتــب
عن معانــآآتـــه هنــآ
11 سنـــه وهوا محبـــوس . لساااته صغيــر وعمره 28 سنـه
المكــآن مرره ازعاااج بس اتعووود مختلي في زاويـــه لوحده
كل شي يسووويه لوحده
وجهه شاااحب
شفايـــفه تعاني من الجفاف
لحيتوو البسيطه اللي على وجههو مكبرتوو اكتـــر
عيـونه النعساانه تروي كل معاناه مر فيــها
من ظلم ليـــن الحرمـــآن
كتب في الورقه 5 ايام . وابتسم لاشعووريا ابتسسم من الخاارج بس جوواا ماكان مبسسوط
لين مايخرج من دا المكــآن
اتــوقع انو حتممر سنين هنا وحيمووت وكالعاده محد يزوره ولا حد يسئل عنه
ماصـــدق لما قالوله جااك عفوو ملــــكي .
اتجمعت دمووعـــه في عينه لما اتذككر سبب جيتـــه لسجنن
نفسسه يصـــرخ ويقووول " مظلوووووم يانااااااس اناا ووالله مظلوووم "
زفـــر بصووت مسمووع وقــف وكآآن بيمشي
حس في لحظظه انو مخنـــووق
يبــى يغســـل وجهه بالمووياا
اتــوجه لدوراات الميــآهـ وقف قباال المغســـله المكســره وشغل الموويــآ حس بمجمووعه دخــلت
الحمــآم

بس ماطالع فيــهم غسسل وجهه وقفــل المووياا جااي بيــخرج الا بدون قصد صدم في واحد ضخــم : اسف
الرجال فتح عينننه على وسســـعها وكأنه ماصدق احد يتحرش فيـــه : انتاا ماتشووف
نادر بصوت متفااهم : ماشووفتك معليش
الرجججال من غغير اي تفاااهم : تببى تتمششكل انتااا
ناادر مو عارف ايش سوووى ورا الرجال 3 من اصحابه وكلهم ضخاام : لا مابى ايي مشااكل
الرجال قرب مننه وضغط على اسنانه : دي مو اول مره
نادر مو متذذككر مين دا اصلا عقد حوآجبه ودوبو بيـــهرررج الا الرجاال قبـــض ييده واعطآآآه لكمممه رجعت ناادر علـ جداار ووقف بالقوه وهوا يتوآزن بجسمـــه
الرججال رجعع مسكووو من بلوزتــه وقربــه لعنده : ناااوي عليـــك اليييوم
ضـــربه ودفاااه لصاااحبـــه اللي مسسك نااادر وابتسمللو وسنو الذهبــي ظهر كان بيــضربو
###
الرجال حسبو يبكــي لأنه مو متعود على السجن مايدري انوو نص عمره مر وهوا بدا المكــآن
خـــرج نــآدر ونسي دفتره وقلمــه بالمكــآن ماعاااد يبــآه


تــلوثات من مصــنع القــلب ♀♂

" دي صفاء اللي احبــها "
" دي صفاء اللي احبــها "
" دي صفاء اللي احبــها "
اربـــع كلمــآت تدور في راســـهاا تطالع فيــه وتحسس انو كلامــه بيتكــرر ماستوعبت غير دي الجمله
نزلت عينها على اياديهم المشبكــه وعقدت حوآجبهاا حست نفسها متنحــه
انكــرت اللي سمعتــه وقالت " يمكن مافهمت اللي قالــه "
رجعت طالعت بوجه يززن وكيفـه مبتســم وهيا بايــنه انها عاشقتــو
موقــف لاتحســد عليـــه
لاإراديا رفعت يدها ودخلتها تحت شعرها وهيا تلمــس رقبــتهاا
تتذكــر اللي سوتــه من دقــآيق معااهـ
مشــآعر متضــآربــه كانت
تبــى تبــكي
تبــى تصــرخ وتكدبه
تبــى تضــربه على هبلها لما خلتو يلمسها وماعارضتو

بــس دا كلــو كاان بيسيــر جوآتها ومع الصدمه ماخــرجت منها اي ردة فعــل
غيــر انها جالسه على الكــرسي وتــرمش بعيــنهاا بسهتــآن
دي اول صدمـــه


تــآني صدمـــه اللي كالعاده ينفعــل بســـرعــه بس دي المره سكــت
مو عشــآن مايبى اخوه يحــب
بس لأول مره يحــس انو يــزن مو اخووهـ

دايما حركــآته ماتكون مفاجئــه له يكون حاسس باأخوه وايش يبــى وايش ممكن حيسووي
بس دحييين مافي اي حرف قدر يخــرج من فمـــه
حاول يقول كلمــه بس رجع سكــت
طالع برودينــآ اللي تطالع في يــزن ومن نظرتها بس عــرف انها تحــب يزن
بس مو فاهم يزن ليــش سوى كدا
مو قادر يطلع اي مبرر له

في كل مره يكون واحد من اخوانه غلطان والغلط راكبــه مايعترف انو اخوه غلـطان
مايقــدر لو ايش ماسار يطلعلو 600 عــذر

بس دحيــن مخرووس مع الصدمـــه

الصدمـــه التالتــه
تنـآحــه لمده دقيــقه بعدهاا استيعااب عل بطيــى وبعدها الضحكـــه او التعليــق
ودي مر فيها اسامه وشادن

شادن جالسه على كرسيها : ههههه اهليين _ مدت يدها _ انا شادن
صفاء ابتسمتلها بترحيب ومدت يدها تسلم : وانا صفاء _ طالعت باأسامه ومددتلو يدها _
اسامه رفـع يده : اسامه
صفاء اتوجهت لرودينـآ والإبتسامه البسيطه على وجهها ويدها ممدود باإتجااه رودينا
رودينا طالعت بيد صفاء ورجعت طالعت في وجهها
مو قادره ترفــع يدها تطالع في صفــآء ولساتها مو مستوعبـه
طالعت بيزن بدون ماتحس بنفسها قالت بكل ضــعف : يزن دي كزبه ابريل ؟
يزن انكسسف منــها
شتت نظره عنها وطالع بصفااء اللي لساتها ماده يدهاا ومصره تسلم على رودينا وتعرفها
مــآزن حس انو اخوه مابيكدب وعارفو مايحب يستهبل في دي المواضيـــع
رودينا بسألها حطت نفسها في موقف بايخ
مـآزن قاام من مكــآنه وراح لجهه رودينا حط يدو على يد صفاء ونزلها : خلاص
صفاء بلعت ريقها باإحراج وهيا مو عارفه ايش بو مازن قلب فجأهـ
مسك شنطة رودينا وشالها ومسك يد رودينا وقومـها
بدون اي اعترااض قامت وهيا عقلها مو معاهــآآآ
مازن بكدب: عندنا محاااضره دحين
اسامه وشادن حسو انو في شي بس ماحيهرجو قدآم صفااء سلكو الوضع
دار جسسمه وطالع باأخوه بنظراات حقــد لأول مره يززن يشووفها
وهوا ماشي دف كتفه بكتـــف يزن وكأنه إنذااار له بس
ماسك بيدو اليمين شنطتها ويدو اليسار بيدهاا بعــدوو عنــهم وهيا ماهـــرجت مــرهـ
راحو لمكــآن كآن فاضــي حط شنطتها على الدكه البيضــه اللي عليـهاا ترااب ومزرووع فيها بعض النباات
مبلــمه علـ اخر مازن حط يدو على كتفــها وكأنه بيفوقها من عالمها : رودييينا
رودينا طالعت بعيــنه ودموعهاا اتجمعت في عينها : مازن كزاب مايحبهاا والله مايحبها
مآزن مره صعبت عليــه : سيبيكي منوو
رودينا نزلت دموعها وعللت صوووتهاا : ليشش طيييب يسوي فياا كداا انا ايش سويتللوو
مآزن ماتوقعها تحبـو لدي الدرجه : ماعليكي انا حتفاهم معاه بس لاتبكي
رودينا بدون ماتحس بنفسسها رفعت شعرهاا ورا اذنهاا : مآززن مااقدر جاايب وحده مدري من فين وبكل بجاحه يعرفها علييناا
مآزن ماسمع ولا كلمه عينو جات على رقبـتها وطالع فيها باإرتباك : ايش دا
رودينا دفت اياديــه عن كتفهاا وجلست على الدكــه وزاااد بكــآهاا
مآزن نسي اللي سواه اخووه ووقف قبالها وبصراامه قال : رودينناا ايش داا
حنت ظهرهاا وغطت يدها بوجهها وكل مالو يزيد بكااهاا
مآزن العصبيه عمت عينه قرب منهاا وبكل عفااشه مسك يدها وشالها عن وجهها : رددي علييا انا بهررجك
رودينا وجهها كلو دموع قالت بكل ضعف : ايش تباااني اقولك انا حمااااره وغبيه لأني صدقتوو وروحت معااه
انا ولاشي يااماازن ولاشي
مآزن الكلمات خرجت بهدووءمن فمو وكلها شك وخوف من الإجابه : اللي سوى فيكي كدا يزن
روردينا نزلت ودموعها وبدون اي صووت ردت اشرت بس برااسهـا " ايوا "
مـآزن مو مصدق اخوه بدي الحقااره اشر على نفســه : اخويا يزن ؟
رفعت يدها لوجهها وبكت بصوتها
لحــظه سكوووت مرت عليــه مصدووم وصوت شهقاتها وبكاها في اذنـــو
رودينا مسحت دموعها اخدت شنطتها وخرجت نظارتها الشمسيه لبستها ووقفت : انا راجعه البيت
مازن بصوت واحد ضاايع بتفكيــره قال : طيب
ومشي قبــلها حتـــى .
مو قادر يــرجع يجــلس معااهم ركــب سيــآرته ومن كتــر مايفكــر وهوا يســوق مايدري لفين راايـح
اماا روديــنا رجــعت بيتــها سيـدا
دخلت بيــتها وبدون ماتعطي وجه لأي احد دخلت غرفتها قفللت الباب وماقدرت تكممل لسريرهاا حتىى
جلسست ورا الباااب وبكككت بكل صووتهاا
انكمششت على نفسسهاا لما اتذكــرت لمساااته في جسمممهاا
وزااد بكااهاا لما اتذكـــرت كلمه " احبـك "
ليــش سواا كدا فيـــها
ليششش قلها احبــك وهوا بيحب غيــرهاا
حتى ماحتــرم العشــره اللي بيــنهم
عاملها كاأي بنت يعــرفها
ويسحب عليــها
حطاها امام الأمر الوااقـــع وماهمه مشــآعرهاا



فــي نفــس الجــآمعه وفي احد القــآعـآآت الدكتوره الشقرا الأجنبيـــه واقفه وبتشـرح بكل حمــآس


اما هيــآ دارت كرسسيها ومعطيا ظهرها لهتـآن وكل شوويا ترفـع الساعه بتملل وتطالع فيــها
وتتأفف . مو طايقه تجلس في مكآآن هوا فيـــه
بس بسببو
هوا خـــــــآدم عندهاا
وومتقـــرفه منـو

اماا هوا مقــرب للطاوله ومو ساائل عنهاا رســم على الورقــه البيـضاا شجــره وكتب اسم " رنيم "
وقلــوب وبااين انو في عاالم تــآني


اليــن لمحت انو مشغوول زي عادتها الفضوول مره يقتلها دارت كرسيـها وشافت الورقــه
عــرفت انو الأخ هيمااان
اليــن " غبــي "
" الحواار طبعا في الجامعه بين الدكاتره والطلاب كلو انجلش "
الدكتوره : اي احد عنده اجاابه ؟
الكل سااكـــت
الييين بكل حقاره رفعت يدها
الدكتوره ماصدقت احد يرفع يده : ايوا اليين
الين : لا مس مو انا _ اشرت على هتان وهيا ماتبى تنطق اسمو حتى _ دا عنده اجابه
الدكتوره ابتسمت اكتر : ايوا هتــآن !!
هتان بدون مايرفـع راسه طالع بعينه يمين شمال مو عارف ايش الحركه اللي دوبها سوتها دي
وليش بتسسوي اصلا كدا !
الدكتوره : هتاان ؟
هتان رفـع راسه وماسك قلمــه بتوتر وهوا مو عارف ايش يسوي بيقلب القلم باإصابعه
رمى نظرا لأليــن خلتها تبتسم ونفسها تضحك
لحــظه سكووت في الفصــل العيون كلها على هتــآن ويبو جوواب منــو
هتاان مو عارف اصلا هيا في ايش تهرج لأول مره يســرح ويطنش الدرس :امم اتوقع _ يبى يتذكر هيا في ايش اصلا بتهرج _ انو يعني _ طالع بالسبوره ولقط الموضوع شويا _ انو البيئـه _ الين دارت كرسيها وحطت يدها تحت صدرها وكأنها مستمتعه بتمتمااتــه افتكر كم كلمه قالتها ولقطها وهوا بيكتب وفهم نوعا ما السؤال _نسوي حملات تطوع للبيئه _ بدأت ثقته ترجعله وهوا مو عارف معاهم عل خط ولا لأ _نلقي محاضرات توعيــه هوا صح كتير بيسو دي الاشيااء بس احنا دايما بنختار الاماكن الغلط انا من رايي انو الصغار هما اللي نعلمهم دا الشي لأنو لو اتعلمو من صغرهم على حاجه معينه حيتعودو عليها مع الاستمرار اما الكبيـر ممكن يطبق اللي سمعه لممده يومين او 3 ويرجع زي اول _ هدووء طاغي المكــآن في دي اللحظه شك انو هوا بيعالم والكل بعالم تاني _
الدكتوره : براافو هتاان دا اللي احنا محتاجينه
اليين مره حقدت ولا طالعت فيـــه
الدكتوره عجبتها فكرتو : عارف انا حغيــر فكرة النشااط انتا مع مين ياهتان
هتان اتطمن مرره لما شاف ردة فعلها قال بكل عفويــه : الين
الين كشرت من يوم ماسمعت اسمها من فمه
الدكتوره : دام تبى تبدأ التوعيه من المدارس الابتدائيـه فاأنا حشوف الوضع وحتبدأ مع اليـن لو لقيت في تطور وايجابيه اقدر اساعدكم
هتاان اهم شي انو ياخد شهاده على دا كلو ماهمه مع ميــن ولا ايش حيســوي : اوكـ
انتــهت الحصـــه وخــرجو الطلاب
والين ماصدقت وقفت ولمــت كتبــهاا
هتان همسلها وهوا ياخد ملفو : لاعادي تسوي دي الحركات عشان لاأقلبها عليكي
الين سابت كتبهاا على الطاوله ورفعت حاجبها : خيير كيف حتقلبها علييا
هتان ملامحــو كلها جديه رفع حاجبه وهوا بس يحذرها بنظرااته : خلي في بالك انا وانتي بالجامعه مو في بيتك
اليـن ابتسمتلو بكل حقاره : بس نظرتي ليك انك خدام عندي وبس سواء كنت هنا او بالجاامعه
كلامها حرقــله قلبـــه قاطعتهم لما جات الدكتوره جمبــهم وهيا بيدها جوالها ودوبها مخلصــه من المكالمه
الابتسامه على وجهها : دوبي كلمت صحبتي هيا مديرة لمدرسه ابتدائيـه قالت حتردلي خبـر بليل إزا تقدر تساعدنا او لا بس انتو اهم شي تكونو مجهزين نفســكم سواء كنتو حتروحو ولا لا
الين (( يارب ماتقدر ماصدقت على الله دي تتصـــل بلا في طختها )) ابتسمت بكل مجامله كعادتها : ان شالله
هتان ماقدر حتى يبتسم من بعد ماسمع كلام الين : طيب
لدكتوره جلست تكلمهم بكل حمااس وهيا انبسطت بدي الفكـــرهـ فضلت معاهم ربــع سااعه
وتساعدهم باأفكارهاا.
بسس خلصت الدكتوره كلام هوا مشي على طووول ولا رد على اليــن

اما هيـــآ خــرجت بعده وهيا تكلــم نفسها بقهـــر " داا دحيين كيف اتعامل معاه بلله شي مقررف الله يعله "


اتذكرت رودينــآ وابتسمت على طوول سرعــت خطوآتها وهيا مبســـوطه
وصلــت لعنــد الطاوله ورفعت حاجبها باإستغراب لما شافتها بتضحك من قلبها : شادن
شادن كآنت عينها علي جالس جمبها وبيشرحلها بس اخده الوضع بهبل ولا راضيه تفهم شي
شادن دارت وطالعت في الين : نعم
الين : فين البقيه
شادن : يزن ومازن ورودينا راحو واسامه في المكتبه
الين طالعت بمروان : اها طيب ويزن ماقلكم شي
شادن : إلا عرفنا على حبيبته
الين اتوسعت ابتسامتها : وكيف ردة فعلكم بللهي
شادن : انصدمت وربي ههههههههه حتى اسامه بس مازن شكلو عصــب
الين : داري مازن
شادن : مدري عنو حتى رودينا ماحسيتها انبسطت
الين مافهمت : كيف مانبسطت
شادن رفعت كتفها : مدري
الين على نياتها : تلاقيها مكسسوفه اسكتي لبنت طايره فييه
شادن عقدت حوآجبها : وليش تنكسسف
الين حست انو في شي قالت بشك : يزن عرفكم على مين
شادن : حبيبتو صفاء
الين رمشت عيونها كدا مره وقالت وهيا مو مستوعبه : كييف قصدي ميين دي
شادن : وانا ايش عررفني ولا 5 دقايق جلست معاها اللي عرفتو انو اسمها صفاء ويزن متجنن عليها
الين رفعت شنطتها لكتفها : رودينا ايش سوت
شادن : قلتلك مازن ورودينا ماحسيتهم مبسوطين يمكن اتفاجأو _ رفعت الكتاب من على الطاوله _ خلاص بزاااكر هنا
الين : اوك باي _ مشيت وهيا معقده حوآجبها مو مصدقـــه اللي سار خرجت جوالها ودقت كدا مره على رودينا ماردت علييها اتصلت بعدها على ماازن ولا رد عليها انهتها بيزن اللي مقفل جواله من الاساس _
نفسسها ترووح عنــد رودينا بس باقيلها محاضررتين
حتخلص وترووح لروديناا تفهم منها كل شـــي


اما على الطــآوله قفــل الكتاااب : دحين بللهي وجهك وجه وحده تبى تفهم
شادن ضحكت : قلتلك ماابى افهم خلاص
مروان هرج بجديه : ومتى يعني تبى تفهمي
شادن سحبت الكتااب قدامها : عادي مو لازم
مروان : تراكي مره مستهتره
شادن طالعت فيه بنص عين : مالك فيا
مروان لسه كلامها مو راضي يخرج من راسه : دحين في شي ابى اعرفه
شادن : اللي هوا ؟
مروان : لما حكيتيني عن حبيبك دا وشوفتيه مع بنت وكدا
شادن كشرت من السيره : طيب ؟
مروان : انتي كيف تروحيلو لبيتو ؟
شادن : عادي بس كان بيوريني شي
مروان مصدوم : كييف عاادي انتي رايحه لبيت واحد مافيه غيرك انتي وهوا ماتخافي على نفسك
شادن : واثقه فيه _ بردة فعل سريعه _ كنت واثقه في
مروان هرج بصرااحه جارحه كعادته : ماتوقعتك مره كدا
شادن استغربت وبان في ملامحها : كيف يعني ؟
مروان : يعني في ناس تشوفيهم من براا تحسبيهم شي بس لما تتع _ سكت وحاول يدارك نفسسه بس قدو رماها _
شادن ولا حتى رمشت كانت تبااه يكمل كلامــه : كملل
مروان ابتسم باإحراج : خليني اكملك شرح _ مد يدو بيااخد الكتااب _
الا شادن اخدت كتااابهاا من على الطاوله وحطتو في حضنها
اول مره يشووفها بدي الهجووميــه
نظرااتها بس فجعتـــو حس انها حتنفجر عليــه شدت على كلامها : قلت كممل
مروان : بمززح معاكي لاتاخدي بكلامي
شادن : ايش طلعت دحين ؟
مروان بان الاحراج كلو بوجهه مو عارف ينقذ نفسو من دا الموقف : انا اسف مو قصدي شي انو ل
شادن مره انقهرت اتذكرت حبيبها اللي خانها وكيف كانت هبله معاه بس مو لدحيــن
تكره الثقــل اللي عايشه فيه الين
والكلام اللي ترميه رودينا وماتحس باأحد
تكره اسلووب الين في معامله بعض النااس
بس دوبها فهمت انه بعض الناس مايمشو الا بدي الطريقه
: عارف انا الهبله اللي اعطتيك وجه من البدايه كآن خليتك تطالع عليا من بعييد احسن لك واحسن لي _ وقفت _ بس مو غلطك ترا دا كلو غلطي لأني نزلت مستوايا لناس ماتستاهل _ شمقت بوجههوو وومشيت _
قام من مكااانه بردة فعل سريييعه وجا قباالها : شادن شادن دقيقه لاتفهميني غلط والله
شادن علت صووتها وقالت باإصرار : مرووان ابعد عن وجهي لاتخليني الم الجامعه كلها علييك
مروان : شوفي ا
شادن ماتبى تسمع شي رفعت صووتها اكتتر وكل اللي حولينهم طالعوفيهم :قلتتت ابععععد عني
مروان طالع حولينه والشباب والبنات اللي طالعو فيــهم بعد عنهاا وخلاها تكمـــل طريــقــها

اما هوا اتــوجه لأصحابه اللي شهدوو الموقف اللي سار
جللس على الدررج .
والتلاته ساكتيـــن
واحد منهم اتشجع وهرج حمد: ياحمار وش قلتلها عشان تسوي كذا
مروان : كالعااده انا ولسااني اللي ماحس فيييه
محمود : هوا انتا مش عاايز تحاسب بئا دنتا بالعافيه ئدرت توصلها
مروان : إيش اسووي يعنني ماهرج ولاكييف
حمد : حااسب ماتعرف تحااسب شوي على كلامك
مروان بقلة صبــر : ماااعرف ياأخي حااولت وماقددرت
حمد : وش قلتلها ذحين
مروان قلهم ايش قال لشادن .
محمود : خربتها ياعم
مروان : حتى انتو مافهمتو قصدي انا بقصد لما كنت اشوفها مع دا القرووب وكيف هما عايشين صح كانت تعجبني بس اتوقعتهاا تهرج عن االشوبينق طول اليوم وفين تسافر وفين تجي بس لما اتعرفت عليها مرره حسيتها متواضعه ماتهرج ابدآ عن دي المواضيع ومره بسيطه وتضحك طول وقتها وعلى نياتهاا مره
حمد : وليش ماقلتلها كذا واصلا انتا فتحت الموضوع بوقت غلط
مروان : عارف اني فتحتو بوقت غلط كنت بضيع الهرجه لأني مصدوم من خرجتها لبيت حبيبها وانو شي ايزي خربتهاا وبعدين انا وقفت كلامي لأنه خوفت انها تحسبني احببها وانا مابى دا الشي
محمود : نعممم ؟ هوا انتا عاجبك الوضع داا مجرد فرندز وبس
مروان : انتو عارفين اني مافكر بالحــب
محمود وقف : ياااعمي رووح بئااا ولا بللي عملتوو عشاانك
_ رااح _
ومروان ضحك
حمد : يعني قلت للولد يدبرلك رقمها ولما اعطاك هوا تقول مابي احبها اجل وش تبى تسوي معها
مروان : اووه منكم محد فااهمني
حمد : بكلامك الزايد ذاا حطير كل الناس من حولينك _ وقف _ عندي محاااضره
سابو حمـــد ومرووان جالس لوحدهـ
ارتبك في كلامو لأنه خاف تفهمو غلط مو عارف نهاية لسسانه دا ايش





بعـــد الجـــآمــعه .
ركــب سيــآرته اللي تلفت جميــع الانظــآر واتــوجه لبيــته بدون ماحس اتوجــه لقصــره بس ادارك نفسسه
فس نص الطريــق ورجع اخد اللفه واتــوجه لبيت جـــآســـم


وقــف سيــآرته عند الفــله الصغيــرهـ نزل من السيــآره وهوا حامد ربــه ماشاف اليــوم راما في وجهه
فتح باب الفله ودخل
صووت الاغاني المزعــجه في كل البيتتت عقد حوآجبه وقفل الباب دخل الصالووون
وفي بنت مع جــآسم والدخاان منتشر بالجوو
جاسم لما انتبه لأسامه رفع يده : قوى اسامه تعال ويانا
اسامه كشــر : بروح انااام _ اتوجه بس للمطبخ ياخد قاروره موويــآ وعينه على جاااسم اللي في يدو إبره
وشكلو نااوي يضرب هروويــن مره انفجع مايحب دي البلاووي قفل التلاجه من غير ماياخد حتى الموويا نسيهاا
طلع غرفتــه وجللس فيهاا انتبه لصورة امو على الكومدينـه
ملامحو لانــت وهوا يتأمل امـــه
نفسه يعرف فينها
كيف عايشه ادا كانت اصلا عايشـــه
ليش مارجعتلو
مايقدر يقوول ماتباه
يعرف انها تحبـــه
بس عاارف ابووه دا ازا ماكان مهددها انو يقلب حياتها لو جاات دبـــي
مرر اصابعه على الصوره القديمـــه واللي مشقووقــه
كآن نص الصوره اببوه فيها كدا شقهاا وخلى بس امـــه وهواا